КОВИДЫН ХАЛДВАРААР “ӨРГӨӨ” АМАРЖИХ ГАЗРЫН ЭМЧ МЭРГЭЖИЛТНҮҮДИЙН 30-40 ХУВЬ НЬ ӨВЧЛӨӨД БАЙНА

01 / 21 0 сэтгэгдэл 703 үзсэнe

Өдөрт 2000-3000 хүн коронавирусийн шинэ хувилбар болох омикроны халдвараар өвдөөд байгаа бөгөөд энэ нь эрүүл мэндийн салбарын ачааллыг нэлээдгүй нэмэгдсэн. Одоогийн байдлаар ” Өргөө” амаржих газар Ковидын тасагтаа 300 орчим ор дэлгэж, 250-аад жирэмсэн хэвтэн эмчлүүлж байна. Эрүүл мэндийн салбарынхан омикроноор өвчлөх нь өндөр байгаа бөгөөд Нэгдүгээр амаржих газрын эмч, мэргэжилтнүүдийн 30 -40 хувь нь халдвар авчээ. Эмч, мэргэжилтнүүд олноор халдвар авч дээр нь ковидтой эхчүүдийг ихээр хэвтүүлэн эмчилж буй энэ үед эмнэлгийн үндсэн тусламж үйлчилгээнд доголдол гараад буй. Ковидын энэ удаагийн давалгаанд дан ганц төрөх эмнэлэг биш эрүүл мэндийн салбарынхан олноороо өртөж туйлдаж байгааг шат шатандаа хэлсээр байна.

ГАМШГААС ХАМГААЛАХ ДАДЛАГА, СУРГУУЛЬ,БЭЛЭН БАЙДЛЫН ҮЗЛЭГ ЗОХИОН БАЙГУУЛАХ ТУХАЙ

01 / 21 0 сэтгэгдэл 218 үзсэнe

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Монгол Улсын нийслэл Улаанбаатар хотын Эрх зүйн байдлын тухай хуулийн 22 дугаар зүйлийн 22.5, Гамшгаас хамгаалах тухай хуулийн 32 дугаар зүйлийн 32.1.1, 32.1.2 дахь заалтыг тус тус үндэслэн ЗАХИРАМЖЛАХ нь: 1.Болзошгүй гамшгийн аюулаас хүн ам, хүрээлэн байгаа орчныг хамгаалах, урьдчилан сэргийлэх, аврах, хор уршгийг арилгах, хойшлуулшгүй сэргээн босгох үйл ажиллагаанд аж ахуй нэгж байгууллага, иргэдийг сургах, харилцан ажиллагааг хангах зорилгоор нийслэлийн хэмжээнд 2022 онд зохион байгуулах гамшгаас хамгаалах иж бүрэн сургууль, бэлэн байдлын үзлэгийн хуваарийг хавсралт ёсоор баталсугай 2.Гамшгаас хамгаалах иж бүрэн сургууль, Нийслэлийн Засаг даргын нэрэмжит гамшгаас хамгаалах бэлэн байдлын үзлэгт гамшгаас хамгаалах алба, мэргэжлийн анги, аж ахуйн нэгж, байгууллага, иргэдийн оролцоог хангаж, шаардлагатай хөрөнгийг цаг хугацаанд нь шийдвэрлэж, сургалт, дадлагыг үр дүнтэй зохион байгуулж ажиллахыг нийслэлийн Гамшгаас хамгаалах алба, мэргэжлийн ангийн дарга, дүүргийн Засаг дарга нарт даалгасугай 3.Гамшгаас хамгаалах иж бүрэн сургууль, бэлэн байдлын үзлэгт мэргэжлийн дэмжлэг үзүүлж, удирдлагаар хангаж ажиллахыг Нийслэлийн Онцгой байдлын газар (А.Дашням)-т үүрэг болгосугай. 4.Энэ захирамжийн хэрэгжилтэд хяналт тавьж ажиллахыг Нийслэлийн Засаг даргын цахим хөгжил, хууль эрх зүй, төрийн үйлчилгээний асуудал хариуцсан орлогч Р.Дагвад даалгасугай.

МЗЭ “МОННОМ“ АППЛИКЭЙШНТАЙ ГАР БАРИН ХАМТРАН АЖИЛЛАХААР БОЛЛОО

01 / 20 0 сэтгэгдэл 816 үзсэнe

Өнөөдөр “Утгын чимэг” наадмын шилдэг бүтээлийг цахим талбарт хувирган контент бүтээх санамж бичигт “Хан Акуа” ХХК-ийн “Монном” аппликейшн болон Монголын зохиолчдын эвлэл /МЗЭ/ хамтран гарын үсэг зурлаа. МЗЭ-ийн Удирдах зөвлөлийн дарга, яруу найрагч Б.Ичинхорлоо: “Монном” хэмээх үндэсний уран зохиолыг дэмжигч байгууллагатай цаашид хамтарч ажиллах хамтын ажиллагааны санамж бичигт гарын үсэг зурлаа. 39 дэх удаагийн “Болор цом”-оос эхлэн “Болор цом” маань шилэн болж байна. Учир нь энэхүү яруу найргийн наадмыг “Монном” аппликейшнээс хүн бүхэн ямар яруу найрагч ямар шүлгээ уншаад ямар дүнтэйгээр “Болор цом” яруу найргийн наадамд тэргүүлэв, яаж оролцов гэдгийг нээлттэй харж болохоор болж байна. Нэг ёсондоо “Болор цом” маань “Шилэн цом” болж байна. “Монном” аппликейшн нь Монголын зохиолчдын эвлэл дээр болж байгаа утга зохиолын олон төрөлт арга хэмжээнүүдийг үнэ төлбөргүй сурталчлахаас гадна МЗЭ-ийн гишүүн, яруу найрагчдын бүтээлийг уншигч олонд хүргэнэ” хэмээв. “Монном” аппликейшны менежер Н.Пүрэвдорж : “2021 онд үйл ажиллагаагаа эхлүүлсэн “Монном аппликейшн Монголын зохиолчдынхоо бүтээл туурвилыг залуучуудад хүргэх хамгийн боломжит суваг болох онлайн апп-аар дамжуулан хүргэж байна. Хэдий богино хугацаа боловч Үндсэн хууль болон дагалдах хуулиудыг онлайн болгож үнэ төлбөргүй “Монном” аппликейшнд байрлуулж хүмүүсийн хүртээл болголоо. Түүнчлэн МЗЭ-тэй хамтран 39 дэх удаагийн “Болор цом” яруу найргийн тэмцээнд зохиол бүтээлээ туурвиж байгаа яруу найрагчдын бүтээлийг олон хүнд хүртээмжтэй хүргэх үйл ажиллагааг зохион байгууллаа. Дараагийн төлөвлөгдөж байгаа ажил маань “Утгын чимэг” богино өгүүллэгийн наадмын шилдэг зохиолуудыг дүрстэй контент болгон хүргэхээс гадна “Монном” апп-аар дамжуулан дэлхий өнцөг булан бүрээс үзэж, сонсох боломжтой нөхцөлийг хангаж ажиллана. Номын цагаан буян улам дэлгэрэх болтугай” хэмээх сайхан ерөөл тавив.

ИНГЭНИЙ АЙРАГНЫ БАЯР-2022

01 / 20 0 сэтгэгдэл 254 үзсэнe

Өмнөговь аймагт “Ингэний айрагны баяр 2022′ үйл ажиллагаа зохион байгуулагдаж байна. Энэ үеэр жижиг дунд үйлдвэрлэл эрхлэгчид сүү цагаан идээ, гар урлалын бүтээгдэхүүний өргөтгөсөн худалдаа зохиолоо.

COVID-19-ИЙН 3,119 ТОХИОЛДОЛ PCR ШИНЖИЛГЭЭГЭЭР БАТЛАГДАЖ, ГУРВАН ИРГЭН НАС БАРЛАА

01 / 20 0 сэтгэгдэл 825 үзсэнe

Эрүүл мэндийн яамнаас мэдээлснээр сүүлийн 24 цагт манай улсад коронавируст халдварын 3,119 тохиолдол PCR шинжилгээгээр батлагджээ. Шинээр илэрсэн тохиолдлын 1,725 нь нийслэлд 1,394 нь орон нутагт бүртгэгдсэн байна. Өнөөдрийн байдлаар коронавируст халдвараар өвчилсөн 9,748 иргэн эмнэлэгт хэвтэн эмчлүүлж байгаа бөгөөд биеийн байдлаар нь ангилбал хөнгөн 3,214 хүндэвтэр 5,579 хүнд 879 нэн хүнд 76 хүн байна. Мөн гэрийн хяналтад 47,172 хүн байгааг Эрүүл мэндийн яамнаас мэдээлэв. Хари н бусад албаны эх сурвалжийн мэдээллээр нийслэлд 5227 хүнээс халдвар илэрсэн, үүний 3500 түргэвчилсэн оношлуурын хариу хэмээн мэдэгдэв.

ӨНГӨРСӨН 2021 ОНД ЗАМ ТЭЭВРИЙН ОСЛЫН УЛМААС 383 ХҮН НАС БАРЖЭЭ

01 / 20 0 сэтгэгдэл 871 үзсэнe

2021 онд зам тээврийн ослын улмаас 383 хүн нас барсны 129 буюу 33.6% явган зорчигч байгаагаас нийслэлд 72 буюу 55.8%, орон нутагт 57 буюу 44.2% эзэлж байна. Мөн ослын улмаас гэмтсэн 2,475 хүний 1,095 буюу 44.2% явган зорчигчоос нийслэлд, 875 буюу 79.1%, орон нутагт 220 буюу 20.1% эзэлж байна. Энэ нь зам тээврийн ослын улмаас нас барсан 3 хүн тутмын 1, гэмтсэн 5 хүн тутмын 1 нь явган зорчигч байгааг харуулж байна. Нас барсан хүний 55.8% нийслэлд, 44.2% орон нутагт, гэмтсэн хүний 86.9% нийслэлд, 13.1% орон нутагт бүртгэгджээ. Цагдаагийн байгууллагаас явган зорчигчийн зам тээврийн осолд өртөхөөс урьдчилан сэргийлэх зорилгоор “Гэрлээр анхааруулъя” нөлөөллийн арга хэмжээг “Зөвийг хэвшүүлье” уриатайгаар эхлүүлээд буй. "Хөдөлгөөнд оролцож байгаа иргэдийн дийлэнх буюу 80-90 орчим хувь нь дандаа хар бараан өнгийн хувцастай явдаг бөгөөд гарц гарамтай хэсгээр ч зам хөндлөн гарч байхдаа автомашинд мөргүүлэх тохиолдол их гарч байна. Бараан өнгийн хувцастай иргэд зам хөндлөн гарахдаа өөрийгөө харагдаж байгаа гэж боддог ч автомашинуудын гэрлийн гялбаанд бараан өнгийн хувцастай хүн холоос харагддаггүй. Тиймээс иргэдийг зам хөндлөн гарахдаа гар утасныхаа “flashlight” гэрлийг асааж зам хөндлөн гарахыг ТЦА-ны Урьдчилан сэргийлэх ажил хариуцсан ахлах зохицуулагч Г.Отгонтамир уриаллаа.

ЗГ: ИРЭХ 8-9 ХОНОГТ ЭРЭЭН БООМТОД ХУРИМТЛАГДСАН БҮХ ЧИНГЭЛЭГҮҮДИЙГ ТАТАЖ ДУУСГАНА

01 / 19 0 сэтгэгдэл 697 үзсэнe

-Ерөнхий сайдын хэвлэлийн төлөөлөгч Ч.Болортуяа: -Цагаан сарын баярыг гэр гэртээ тэмдэглэхийг засгийн газраас албан ёсоор уриалж байна. Омикрон хувилбар өндөр настан, хүүхэд багачуудад хүнд тусаж байгааг мэргэжилтнүүд анхааруулсаар буй. Тэгэхээр цагаан сараар цахим золголт хийхийг уриалж байна. Замын-Үүд, Эрээн боомттой холбоотой мэдээллийг Шадар сайд өгсөн. Замын-Үүд авто боомтоор нэвтрэх ачаа тээврийн хөдөлгөөний зохицуулалтад өөрчлөлт оруулж, тус боомтын хилийн шугам дахь чингэлэг шилжүүлэх талбай, боомтын цогцолбор болон гаалийн хяналтын бүсэд хэсэгчилсэн байдлаар энэ сарын 10-наас дөрөвдүгээр сарын 1-н хүртэл онцгой дэглэм тогтоосон. Эрээн боомтын гаалийн баталгаат талбайд хуримтлагдаад байсан 985 чингэлгээс найм хоногийн хугацаанд 433 чингэлгийг татан авсан. Эхний өдөрт 23 чингэлгийг татаж авч байсан бол сүүлийн өдрүүдэд 60-65 болж нэмэгдсэн. Үүнээс үзвэл ирэх 8-9 хоногт боомтод хуримтлагдсан бүх чингэлгийг татаж авч дуусгах тухай Шадар сайд танилцууллаа.

КОВИДЫН НИЙТ ТАРХАЛТЫН 90 ХУВИЙГ ОМИКРОН ХУВИЛБАР ЭЗЭЛЖ БАЙНА

01 / 19 0 сэтгэгдэл 774 үзсэнe

ХӨСҮТ- өөс Корона вирусын нөхцөл хэвтэн эмчлүүлж байгаа иргэдийн биеийн байдал, тандалт судалгааны үр дүнгийн талаар мэдээлэл хийлээ. Мэдээллийг Эмнэлгийн тусламж, үйлчилгээ эрхэлсэн дэд захирал Ц. Чинбаяр омикрон хувилбартай холбоотой эмнэлзүйн илрэл болоод эмнэлзүйн байдлын талаар: Улсын хэмжээнд нийт хэвтэн эмчлүүлж байгаа хүмүүсийн эмнэлзүйн байдлыг харахад 30 орчим хувь нь хөнгөн, 60 орчим хувь нь хүндэвтэр, 10 орчим хувь нь хүнд, 0.7 хувь нь нэн хүнд гэсэн ангиллаар эмчлэгдэж байна. ХӨСҮТ-д өнөөдрийн байдлаар 395 хүн хэвтэн эмчлүүлж байгаагаас 10 орчим хувь нь хөнгөн, 60 орчим хувь нь хүндэвтэр, 30 гаруй хувь нь нэн хүнд гэсэн эмнэлзүйн ангиллаар эмчлэгдэж байгаа. Өмнөх жилийн алфа, делта хувилбартай харьцуулбал омикрон хувилбар нь суурь өвчний хүндрэлийн улмаас хүнд, нэн хүнд ангилалд орно. Хүнд, нэн хүнд ангиллаар эмчлэгдэж байгаа хүмүүсийн хувьд эрсдэлт бүлгийн хүмүүс буюу хавсарсан өвчтэй, зүрх судасны ээнэгшил алдагдсан, уушгины архаг үрэвсэлтэй, хавдартай, хууч өвчтэй, харвалтын дараах нөхцөлд байгаа, чихрийн шижинтэй, таргалалттай хүмүүс ихэнх хувийг эзэлж байгаа аж. Эмнэлзүйд илэрч байгаа нийтлэг шинжийн хувьд амьсгалын дээд замын халдварын үеийн шинж тэмдэг давамгай илэрч байна. Үүнд: Хуурай ханиалгах Хоолой хөндүүрлэх Хоолой сэрвэгнэх Хамар битүүрэх Халуурах гэсэн ерөнхий шинж тэмдгүүд илэрч байгаа. Омикрон хувилбарын хувьд шууд уушгины хатгаа болж, зохиомол амьсгалын аппаратад орох байдал нь өмнөх хувилбаруудтай харьцуулахад харьцангуй бага байгаа нь эмчилгээний явцад ажиглагдаж байна. ХӨСҮТ өнгөрсөн оны альфа, дельта хувилбарын дэгдэлтийн үед 400 дээш ор дэлгэж эмнэлгийн тусламж үзүүлж байсан. Одоо ч мөн эд ачааллын үед ирсэн байна. Манай эмнэлгийн хувьд улсын дунджаас 2-5 дахин ачаалалтай ажиллаж байгаа. Мөн ЭМЯ дэргэдэх ор зохицуулагийн багийн эрэмбэлэн ангиллаар манайд ирж байгаа өвчтөний 90 хувь нь хүндэвтэр, нэн хүнд хүмүүс хэвтэн эмчлүүлж байна. Нийт халдвар авсан хүмүүсийн 22% хүүхэд. Хүүхэд дотроо 0-11 насны вакцинд хамруулж чадаагүй хүүхдүүдийн өвчлөл 73 хувьтай байгаа бөгөөд иргэдийг халдвар хамгааллын дэглэмээ сайн баримталж олон нийтийн уулзалт, цугларалтаас татгалзаж вакциндаа идэвхтэй хамрагдаарай гэж хүсмээр байна хэмээв .

СҮҮЛИЙН ДӨРВӨН САРЫН ХУГАЦААНД ИЛЭРСЭН ХАМГИЙН ОЛОН БУЮУ 3,088 КОВИД19 ХАЛДВАРЫН ТОХИОЛДОЛ БҮРТГЭГДЛЭЭ

01 / 19 0 сэтгэгдэл 809 үзсэнe

Сүүлийн хоногт улсын хэмжээнд хийсэн PCR шинжилгээгээр 3,088 иргэн коронавирусийн халдвараар өвчилсөн нь батлагджээ. Ингэснээр сүүлийн дөрвөн сарын хугацаанд хоногт шинээр илэрсэн хамгийн олон тохиолдол боллоо. Хамгийн сүүлд коронавирусийн дельта хувилбарын давлагааны оргил үед өдөрт дээд тал нь 3,000 гаруй тохиолдол батлагдаж байсан юм. Ингэснээр нийт бүртгэгдсэн халдварын тохиолдол 415,765 болж нэмэгдлээ. Шинээр илэрсэн тохиолдлууд бүгд дотоодын халдвар бөгөөд 1,708 нь Улаанбаатар хотод, 1,380 нь орон нутагт бүртгэгдсэн байна. Мөн хугацаанд коронавируст халдварын улмаас нас баралт бүртгэгдээгүй сайн мэдээ байна. Өнөөдрийн байдлаар COVID-19 халдварын улмаас нийтдээ 2,016 хүн эндээд буй. Талийгаачдын гэр бүл, төрөл төрөгсдөд гүн эмгэнэл илэрхийлье. Одоогоор коронавируст халдварын улмаас улсын хэмжээнд 8,882 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 41,854 хүн Өрхийн эмчийн хяналт дор гэрээр эмчлүүлж байгаа. Эмнэлэгт хэвтэн эмчлүүлж буй иргэдийн биеийн байдлыг үнэлбэл: Хөнгөн - 2,862 Хүндэвтэр – 5,092 Хүнд - 875 Маш хүнд - 53 хүн байна.

ШӨХТГ-ЫН ДАРГА Б.БАТ-ЭРДЭНЭ БАЙГАЛЬ ОРЧИН, АЯЛАЛ ЖУУЛЧЛАЛЫН САЙД БОЛЛОО

01 / 19 0 сэтгэгдэл 891 үзсэнe

Монгол Улсын Ерөнхий сайд Л.Оюун-Эрдэнэ захирамж гаргаж, Байгаль орчин, аялал жуулчлалын сайдаар Бат-Өлзийн Бат-Эрдэнийг томиллоо. Ерөнхий сайд Засгийн газрын гишүүнийг томилох тухай захирамжид гарын үсэг зурж, гардуулах ёслол Төрийн ордны Ёслол хүндэтгэлийн Есөн хөлт цагаан тугт танхимд өнөөдөр болов. Б.Бат-Эрдэнэ нь 1977 онд Улаанбаатар хотод төрсөн. 1996 онд Нийслэлийн 77 дугаар дунд сургууль, 1999, 2010 онд Улаанбаатарын Их сургуулийг тус тус төгссөн. Түүх судлал, солонгос хэлний орчуулагч мэргэжилтэй. Түүхийн ухааны магистрын зэрэгтэй. 2003-2012 онд “Силк Роуд Трэвел” ХХК, “Эйр тикет” ХХК-ийн ерөнхий захирал 2011-2012 онд Мэдээлэл, харилцаа холбоо, шуудангийн газарт зөвлөх 2012-2015 онд МАН-ын дэргэдэх Нийгмийн Ардчилал Монголын залуучуудын холбооны Ерөнхий нарийн бичгийн дарга 2015 онд Монгол Улсын Шадар сайдын зөвлөх 2015-2016 онд Мэргэжлийн хяналтын ерөнхий газрын дэд дарга 2016-2017 онд Улсын Их Хурлын Тамгын газарт зөвлөх 2017-2018 онд Эрдэнэт хотын хөгжил, бодлого судалгааны хүрээлэнгийн тэргүүн 2018 онд Засгийн газрын Хэрэг эрхлэх газрын дэд дарга 2019-2020 онд Эрдэнэт хотын хөгжил, бодлого судалгааны хүрээлэнгийн тэргүүн 2020 оны наймдугаар сараас Засгийн газрын тохируулагч агентлаг-Шударга өрсөлдөөн, хэрэглэгчийн төлөө газрын даргаар ажиллаж байв. Тэрбээр улсад 18 жил ажилласан туршлагатай.