ХӨГЖЛИЙН БАНКИНД 60 ТЭРБУМЫН ФРАКЦЫН “АЛТАЙ КОНСТРАКШН” ХХК-ИЙН Х.БАТ-ЭРДЭНЭ БОЛОН М.ЭНХБОЛД НАР ХИЛ ДЭЭРХ ОРДНЫ ЛИЦЕНЗИЙГ БАРЬЦААЛСАН ГЭВ

03 / 16 0 сэтгэгдэл 1 459 үзсэнe

Тодруулбал: Хуурай сүүний үйлдвэр байгуулна хэмээн "Монгол драй милк" компаниараа их хэмжээний зээл авахдаа Хил дээрх ордын лицензийг Хөгжлийн банкинд барьцаалжээ улсын зүүн хил буюу Дорнод аймгийн Баянтүмэн сумын хилийн заставын орчимд нүүрсний олборлолтын ордын "Хашаатын цав" нэртэй лицензийг барьцаанд тавьсан байна. "Алтай констракшн" ХХК-ийн Х. Бат-Эрдэнийг Хөгжлийн банкны зээлийн асуудлаар баривчлан хорьж байгаа. Тэгвэл түүний барьцаалсан ордод АТГ-аас нэгжлэг хийж, олборлосон баялгийг нь хураасан талаар isee сайтад мэдээлжээ. "Алтай констракшн" ХХК-ийн Х.Бат-Эрдэнэ болон М. Энхболдын 60 тэрбумын фракцынхан Монгол улсын хилийн тухай хуулийг ноцтой зөрчсөн гэмт хэрэг юм. Энэхүү орд нь улсын хилийн зурвас буюу улсын тусгай хэрэгцээний газарт байсан бөгөөд 2017 онд Ерөнхий сайд Ж.Эрдэнэбатын үед "Алтай констракшн" ХХК-ийн Х.Бат-Эрдэнэд олгожээ. Х.Бат-Эрдэнэ нь Ерөнхий сайд Ж.Эрдэнэбатын холбогдсон Лицензийн наймаанд оролцсон түүний ойрын хүн юм. Лиценз эзэмшигч "Меланж" компанийг Х.Болортамир гэх хүний нэр дээр байгуулж байгаад хуйвалдан лиценз авч, хууль бус олборлолт эхлүүлээд байсан юм.

ИРГЭДИЙН ТАТВАРЫН МӨНГИЙГ ТЭРБУМААР НЬ ЗАЛГИЛДАГ УВС АЙМГИЙН ИТХ Ө.БАРСҮРЭН ГЭХ ЭРХЭМ БИЙ !!!

03 / 15 0 сэтгэгдэл 836 үзсэнe

Увс аймагт 300 ортой оюутны дотуур байр барих тендер зарлагдаж тус аймгийн иргэдийн хурлын төлөөлөгч Ө.Барсүрэн гэх эрхмийн Амарсанаа ХХК шалгарсан байна. Шалгарсан дариудаа төсвөөс 2.9 тэрбум төгрөг авсан ч өнөөдрийг хүртэл оюутны байр боссонгүй. Цаашлаад эрхэм Ө.Барсүрэн "дахин мөнгө нэмж өг, үгүй бол барихгүй" хэмээн ярьж яваа бололтой. Төсвөөр баригдах байсан тухайн оюутны байрыг баригдахыг нь хүлээсэн олон оюутан өнөөдөр тус аймагт айл, айлаар аргацааж байгаа бололтой. Баригддаггүй барилгуудад төсөв суулгаж өгсөн цаашлаад гэрээ хийсэн албан тушаалтнууд яагаад шахаж шаардахгүй байна вэ? Иймэрхүү байдлаар төсвийн мөнгө залгилсаар баяжиж суугаа эрхмүүд бүх шатанд байгаач тэдэнд ямар хариуцлага тооцохгүй байгаа нь харамсалтай.

“ЭРДЭНЭТ ҮЙЛДВЭР ХХК”-ИЙН ЗАХИРЛУУД ТЭРБУМ ТӨГРӨГИЙН ШАГНАЛ АВДАГ МАШ НУУЦ ГЭХ....

03 / 15 0 сэтгэгдэл 725 үзсэнe

“ЭРДЭНЭТ ҮЙЛДВЭР ХХК”-ийн 2017 онд ажилчдаа шагнах маш нууц гэх материалыг УИХ-ын гишүүн асан Г.Уянга дэлгэж байсан. Тухайн Маш нууц гэх тодотголтой шагнаж урамшуулах жагсаалтыг харвал 50 мянган ам.доллар-аас 500 ам.долларын шагнал урамшуулал авч байсан нь харагдаж байна. Х.Бамдамсүрэн Ерөнхий захирал гэхэд л 500 мянган ам.доллар буюу тухайн үеийн ханшаар тэрбум давсан урамшуулал авчээ. Тэгвэл Хууль эрх зүйн газрын дарга Д.Цэрэнбадам 450 мянган ам.долларыг шагнал урамшуулал нэрээр авчээ. Монгол улсын гуравхан сая иргэд нь ядуу тарчиг амьдарч байхад Эрдэнэт үйлдвэрийн дарга нар нь өөрсдийгөө Маш нууцаар тэрбум, тэрбумаар шагнадаг байна.

МУУ ЧОНО БОРООНООР ГЭЖ З.БАЛДАНДУГАР КОВИД ЦАР ТАХАЛ ДАЛИМДУУЛАН БГД-ИЙН ЭРҮҮЛ МЭНДИЙН ТӨСВИЙГ ТЭРБУМААР НЬ ЗАВШСАН УУ?

03 / 15 0 сэтгэгдэл 549 үзсэнe

Баянгол дүүргийн Эрүүл мэндийн төвийн дарга З.Балдандугар нь цар тахлын хүндрэлтэй үед буюу 2021 оны нэгдүгээр сарын 1-нээс 12 дугаар сарын 31-ны хооронд нийтдээ 20 орчим тэрбум төгрөгийн төсвийг ЭМЯ, даатгалын газраас татан төвлөрүүлж, хамгийн өндөр төсвийг дүүрэгтээ татсан байдаг. Харамсалтай нь энэ их мөнгө эмч, эмнэлгийн ажилтнуудын цалин хөлсний нэмэгдэл болохын оронд Монголын Үндэсний их сургуулийн данс руу тэрбумаараа орсон ноцтой баримт ил болоод байна. Тодруулбал: 2021 онд татан төвлөрүүлсэн төсвийн хөрөнгө оруулалтаас зөвхөн Монголын Үндэсний их сургууль руу гэхэд 1 тэрбум төгрөгийн гүйлгээг хийсэн бөгөөд. Тухайн үед түр тусгаарлах байрны зориулалтаар МҮИС-ийн байрыг түрээсэлж байсан гэх боловч Баянгол дүүргийн Эрүүл мэндийн төв нь онцгой нөхцлийн үед буюу ковидын цаг үед өөрийн байрандаа тусгаарлах үйл ажиллагаа явуулах бүрэн боломжтой байсан байдаг. Гэвч З.Балдандугар дарга МҮИС-ийн байрыг ашиглахаар шийдэж, ингэхдээ тэрбум орчим төгрөгийг түр тусгаарлах байр гэсэн нэрээр шилжүүлчихсэн байна. Шилжүүлгийг задалж харвал нийтдээ найман удаагийн гүйлгээгээр ковидын үеийн ор бэлтгэл нэрээр их хэмжээний мөнгийг шилжүүлсэн байдаг бөгөөд энэ талаараа шилэн дансны мэдээлэлдээ тусгаагүй, ямар нэг гэрээ, харьцуулалтын үйл явц огт байхгүй байгаа юм. Түүнчлэн эдгээр гүйлгээний дунд 424 сая төгрөгийг бинзений үнэ гэсэн утгаар шилжүүлсэн байгаа нь мөн л анхаарал татаж байгаа юм. Зөвхөн хувийн сургуулийн хажуу хаяаг цар тахлын нэрээр тэрбум тэрбум төгрөгөөр түрээсэлж, үүнийхээ задаргааг тайлагнаагүй байгаа нь өөрөө хардах, хувьдаа төсвийн мөнгийг завшсан байж болзошгүй гэж үзэх хангалттай үндэслэл болох бөгөөд эрхэм дарга З.Балдандугарын ХОМ-ыг эргэн харах, АТГ шалгах нөхцөл бүрдсэн гэж харж болохоор байна. Нэгэнтэй Баянгол дүүргийн ЭМТ-ийн дарга З.Балдандугар нь Ерөнхий сайдтай хийх уулзалтын үеэр эмч, эмнэлгийн ажилчдадаа сардаа 3 сая төгрөгийн цалин өгч байгаа хэмээн худал мэдүүлж байсан. Ямартай ч Баянгол дүүргийн ЭМТ-ийн дарга КОВИД цар тахлын үеийг далимдуулан их хэмжээгий мөнгө угаасан байх магадлалтай болоод байна

ХОТЫН ДАРГЫН ХЭВЛЭЛ МЭДЭЭЛЭЛД 5 ТЭРБУМ, ХЭВЛЭЛ МЭДЭЭЛЛИЙН ХЭЛТСИЙНХ НЬ ТӨСӨВ НЬ ДАНГААРАА 2 ТЭРБУМ ГЭВ

03 / 15 0 сэтгэгдэл 814 үзсэнe

Тодруулбал: Төрийн албанд ажиллаж байгаа сэтгүүлч нарын тоо хувийн хэвшилд байгаагаасаа бараг илүү болчихсон. Өмнө нь төрийн байгууллагууд нэг хэвлэлийн төлөөлөгчтэй (хот гэхэд зургаахан орон тоотой), тэдгээр нь сэтгүүлчдийг шаардлагатай эх сурвалжтай холбож өгөх, хэвлэлийн бага хурал зарлах, мөн хэвлэлээр гарч байгаа мэдээллийг цуглуулж анализ хийх үүрэгтэй байсан бол одоо төрийн байгууллага бүр өөр өөрийн гэсэн редакци (сэтгүүлч, редактор, зураглаач, найруулагч) ажиллаж мэдээллээ өөрсдөө бэлтгэж, өөрсдөө тараадаг болчихсон бөгөөд. Хувийнхан зөвхөн бэлтгэсэн бэлэн мэдээллийг нь дамжуулдаг амьгүй албатууд болж хувирсан гэхэд хилсдэхгүй. Юун нөгөө төрийн албыг цомхтгох, төсвийн мөнгийг хэмнэх, гамнах. Тухайлбал: Хотын даргын хэвлэл мэдээлэлд зориулсан төсөв нь гэхэд л 5 тэрбум. Хэвлэл мэдээллийн хэлтсийнх нь төсөв дангаараа 2 тэрбум байх жишээний. Төрийн ордонд суугаа 3 өндөрлөг ч ялгаагүй тус тусдаа 20 гаруй хүнтэй пиар багтай. Тэд зөвхөн Засаг даргадаа л үйлчилнэ, доошоогоо орлогч дарга нар нь бүгд тус тусдаа хэвлэлийн төлөөлөгчтэй, хувийн сайт, телевизтэй байгаа юм.

УБТЗ-ЫН НЭР БҮХИЙ 15 ДАРГА НАР ХУУЛЬ БУСААР ӨӨРСДИЙГӨӨ ШАГНАСАН ШАГНАЛАА БУЦААН ТӨЛӨЛТ 35% ЯВАГДАЖ БАЙНА

03 / 15 0 сэтгэгдэл 760 үзсэнe

Эдийн засаг хүндрэлтэй байгаа цаг үед шагнал урамшууллыг аль болох танах, хэмнэлттэй хандах нь зүйтэй баймаар. Гэтэл томоохон дарга нар өөрсдийгөө шагнаж, урамшуулах асуудал гарсаар байгаа юм. Тодруулбал: УБТЗ-ын нэр бүхий 15 дарга өөрсдийгөө 790 сая төгрөгөөр шагнасан зөрчил илэрсэн байна. УБТЗ-ын Дотоод аудит, хяналт шалгалтын албанаас "Улаанбаатар төмөр зам ХНН"-ийн Төсөл хэрэгжүүлэх нэгжийн 2021 оны нэгдүгээр сарын 1-нээс 2022 оны нэгдүгээр сарын 1 хүртэлх хугацааны санхүүгийн үйл ажиллагаанд шалгалт хийсэн бөгөөд. Шалгалтаар нэр бүхий 15 хүнийг Алтанширээ дэх Газрын тосны үйлдвэрийн дэд бүтэц 27 км төмөр замын ажлыг гүйцэтгэхэд сайн ажилласан гэж 790.000.000 төгрөгөөр шагнасан хэрэг дотоод аудит шалгалтаар илэрсэн байна. УБТЗ-ын дарга Х.Хэрлэн уг асуудлыг хууль бус хэмээн үзэж буцаад төлүүлэх шийдвэр гарсан бөгөөд. Уг шийдвэрийн дагуу акт тавиад төлүүлэх ажиллагаа хийгдэж зарим хүмүүс нь буцаад төлж эхлээд байгаа бөгөөд тухайн нэр бүхий дарга нар хууль зөрчсөн үйлдэл тул ямар нэгэн асуудал гаргахгүйгээр буцаад төлнө хэмээн мэдэгджээ. Одоогоор шагнал авсан бүх хүмүүст акт тавьж эргэн төлөлт хийгдэж байгаагаас гадаад иргэд нь буцаан төлсөн байгаа бол эргэн төлөлт байдлаар 35 хувьтай явагдаж байна. Дарга нар өөрсдийгөө шагнах нь хууль бусаас гадна ёсзүйгүй тул энэ асуудал дээр ир гэдийн зүгээс нэлээн шүүмжлэл дагуулаад байна .

УИХ-ЫН ГИШҮҮН Ц.АНАНДБАЗАР МҮОНРТ-ИЙН ЕРӨНХИЙ ЗАХИРАЛ Б.БҮРЭНБААТАР НАРЫН ТОХИРОО

03 / 15 0 сэтгэгдэл 854 үзсэнe

МҮОНРТ-ийн Ерөнхий захирал А.Бүрэнбаатарыг АТГ-аас шалгаж эхэлсэн талаар бид өчигдөр мэдээлсэн. Түүнийг УИХ-ын гишүүн Ц.Анандбазарын захиалгаар хэд хэдэн контент бэлтгэж дундаас мөнгө унагасан баримтууд ил болсон байна . Тус албан тушаалд томилогдсон цагаасаа хойш Худалдан авалтын тухай дотоод журам гэгчийг мөрдлөгө болгож, 500 орчим гэрээ хийсэн асуудалд холбогджээ. Ингэхдээ гэрээ хийх үнийн босго 10 сая төгрөг байсныг 20 сая болгож өсгөсөн, хувьдаа ашиг олсон гэх асуудалд холбогдсон байна. Гэрээний босго нэмэхдээ энэ тухай ямар нэг зөвшөөрөл, шийдвэрийг Үндэсний зөвлөлөөр гаргуулаагүй нь хууль зөрчсөн асуудал болж байгаа юм.

5.6 ТЭРБУМЫГ “МОН ЛАА ” ХХК-Д ДАВУУ ТАЛАА АШИГЛАН ОЛГОСОН Н.МӨНХБАТЫН ХЭРГИЙГ ДУНШИЖ ДУНШИЖ ХӨӨН ХЭЛЭЛЦЭХ ХУГАЦААГААР ХЭРЭГСЭХГҮЙ БОЛГОСОН НЬ ...

03 / 15 0 сэтгэгдэл 1 303 үзсэнe

Хөгжлийн банкны чанаргүй зээлийн 3/2 хувь нь төлөгдсөн ч зарим нэг нь сугарч үлдэх хандлага ажиглагдаж эхлэв.Одоогоор ТУЗ-ийн даргаар ажиллаж байсан Б.Шинэбаатар, гүйцэтгэх захирал Н.Мөнхбат тэргүүтэй нэр бүхий тухайн үеийн удирдлагуудыг цагдан хориод буй бөгөөд өмнө нь шүүхээр таслуулж байсан удаатай. Хөгжлийн банкны захирал Н.Мөнхбат нь “Монлаа” ХХК-д давуу байдал олгож улсад их хэмжээний хохирол учруулсан ч хуучин эрүүгийн хуулийг ашиглаж хөөн хэлэлцэх хугацаа дууссан гэж үзсэн байдаг. “Мон Лаа” ХХК-иас 8.2 тэрбум төгрөгийг гаргуулан Хөгжлийн банканд олгуулахаар шийдвэрлэсэн. Гэвч өнөөдрийг хүртэл тус компани нэг ч төгрөг Хөгжлийн банканд буцааж тушаагаагүй . Өмнө нь “Мон Лаа” компанийн гүйцэтгэх удирдлагаар Х.Энхсайхан ажиллаж, УИХ-ын гишүүн асан М.Билэгт 2015 оныг хүртэл хувь, хувьцаа эзэмшдэг байсан юм. Хөгжлийн банкны ТУЗ-ийн 2014 оны 07 дугаар сарын 23-ны өдрийн 52 дугаар тогтоолоор “Мон Лаа” ХХК-д зээл тодорхой нөхцөлөөр зээл Н.Мөнхбатад олгосон байдаг. Гэтэл Н.Мөнхбат нь албан тушаалаа урвуулан ашиглаж, Элстэйн төмрийн хүдрийн уурхайд нойтон баяжмалын үйлдвэр байгуулах ТЭЗҮ-ийг “Мон Лаа” ХХК хийгээгүй, батлуулаагүй байхад албан тушаалаа ашиглаж зээл олгох шийдвэрийг гаргасан. Мөн Эрсдэлийн удирдлагын хорооны дүгнэлт өндөр эрсдэлтэй хэмээн үзсэн ч үл тоосон. Н.Мөнхбат "Уг компани зээл авахдаа ТЭЗҮ-ийг батлуулсан байхад зээл олгосон" гэж мэдүүлсэн ч “Мон Лаа” ХХК-ийн захирал Х.Энхсайхан "зээл авах үед ТЭЗҮ-ийг батлуулаагүй байсан" гэдгээ хүлээн зөвшөөрсөн мэдүүлэг өгсөн. Ийнхүү хууль хяналтынхан Н.Мөнхбат нь захирлаар ажиллаж байхдаа “Мон Лаа” ХХК-д давуу байдал олгож, 3 сая ам.доллар буюу 5 тэрбум 642 сая 970 мянган төгрөгийг олгосонг хавтаст хэрэгт нотлох баримтуудтай хавсаргажээ. АТГ-аас Н.Мөнхбат, Б.Шинэбаатар нарын хэргийг шалгаж, тусгаарлаад үндэслэл бүхий яллах дүгнэлттэйгээр шүүхэд 2017 онд шилжүүлсэн байдаг. Үүнээс хойш анхан шатны хурлыг санаатайгаар хойшлуулах, нэмэлт баримт цуглуулах зэрэг шалтгаанаар хойшлуулсан. Ийнхүү явсаар 2020 оны 5 дугаар сарын 1-ний өдөр Н.Мөнхбат нарыг буруугүй гэж үзсэн. Уг шийдвэрийг прокурор Б.Баярхүү, Т.Оргил-Очир нар эсэргүүцэж давж заалдах шатны шүүхэд гомдол гаргасан. Улмаар УДШ 2020 онд уг хэргийг хэлэлцэж, анхан шат руу буцааснаар 2021 оны 11 дүгээр сарын 09-ний өдөр эцэслэн шийдэгдсэн байдаг. Бүх зүйл анхнаасаа тодорхой байсан атал Н.Мөнхбат нарын хэрэг удааширсаар эцэст нь шүүхээс Н.Мөнхбатыг “Мон Лаа” ХХК-д давуу байдал олгож, улсад их хэмжээний хохирол учруулсан гэж үзсэн ч ХӨӨН ХЭЛЭЛЦЭХ хугацаа дууссан хэмээж хэргийг нь хэрэгсэхгүй болгосон. Одоо Н.Мөнхбат, Б.Шинэбаатар, Ч.Энхбат тэргүүтэй Хөгжлийн банкны удирдлагуудыг цагдан хориод шалгаж байгаа. Ер нь хуулийн цоорхой ашиглаж уснаас хуурай гарах хүмүүс олонтаа. Үргэлжлэл бий

ЦАХИМ ОРЧИНД ХОЁР ХҮҮХДИЙН НЭГ НЬ ДАРАМТАНД ӨРТДӨГ БОЛ НИЙТ ДОТУУР БАЙРНЫ 76.2 ХУВЬ НЬ ДЭЭРЭЛХЭЛТЭНД ӨРТДӨГ БАЙНА

03 / 15 0 сэтгэгдэл 1 112 үзсэнe

Тодруулбал: Харилцаа, холбооны зохицуулах хорооноос 2020 онд хийсэн үндэсний хэмжээний цахим хэрэглээний судалгаа явуулахад. Судалгаанд хамрагдсан хүүхэд бүр ямар нэг төрлөөр цахим орчинд хүчирхийлэлд өртдөг тухайгаа мэдээлжээ. Тухайлбал: Цахим орчинд хүчирхийлэлд өртөж байсан хүүхдүүдийн 53 хувь нь таньдаг хүн, сургуулийн найз нөхдийнхөө, 47 хувь нь огт танихгүй хүмүүсийн хүчирхийлэлд өртсөн гэж хариулсан байна . Дээрэлхэлт нь хохирогч хүүхдийн сурах, хөгжих, эрүүл байх эрхийг ноцтой зөрчиж цаашлаад оюун санаа, бие бялдрын өсөлт, хөгжилт, амь насанд эрсдэл учруулж болзошгүй том асуудал. Анхаарлаас гадна өнгөрүүлэх боломжгүй, болохгүй. Ийм асуудлыг гадны олон оронд хууль тогтоомжуудаараа зохицуулдаг. Гэтэл манай улсад сургуулийн орчин дахь дээрэлхэлт, хүчирхийллийг зохицуулсан нарийвчилсан хууль тогтоомж байхгүй. Бүр хэн хариуцах нь ч тодорхойгүй. Сургуулийн орчин, багш, сурагчтай холбоотой болон хүүхдийн эрүүл, аюулгүй орчинд сурч боловсрох, эрхийг хамгаалах асуудал нь БШУЯ хариуцах авч эрхийг хангах төсөв, зарцуулалт нь ХНХЯ хариуцдаг. Тэгвэл энэ асуудлыг ямартай ч хаврын чуулганаар хэлэлцэж Боловсролын багц хуульд тусгахаар болсон байна.

2022 ОНЫ УИХ-ЫН ХАВРЫН ЭЭЛЖИТ ЧУУЛГАН ӨНӨӨДӨР НЭЭЛТЭЭ ХИЙНЭ

03 / 15 0 сэтгэгдэл 739 үзсэнe

УИХ-ын 2022 оны хаврын ээлжит чуулган өнөөдөр (2022.03.15) нээлтээ хийнэ. Энэ удаагийн хаврын чуулганаар дараах асуудлыг хэлэлцэхээр тусгаад байна. 1. Ашигт малтмалын тухай хуулийн төсөл /Шинэчилсэн найруулга/; 2. Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай, Хувь хүний орлогын албан татварын тухай хуульд нэмэлт, өөрчлөлт оруулах тухай болон бусад татварын хуулиудад нэмэлт, өөрчлөлт оруулах тухай болон зарим татвараас чөлөөлөх тухай хуулийн төсөл; 3. Газрын багц хуулийн төсөл; 4. Гэмт хэрэг, зөрчлөөс урьдчилан сэргийлэх тухай хуульд өөрчлөлт оруулах тухай хуулийн төсөл; 5. Дампуурлын тухай хуулийн төсөл буюу Төлбөрийн чадваргүйдлийн тухай хуулийн төсөл /Шинэчилсэн найруулга/; 6. Донорын тухай хуульд нэмэлт, өөрчлөлт оруулах тухай хуулийн төсөл; 7. Жагсаал цуглаан хийх журмын тухай хуульд нэмэлт, өөрчлөлт оруулах тухай хуулийн төсөл; 8. Зарим төрлийн төрийн хяналт шалгалтын үйл ажиллагааг түр зогсоох тухай анхдагч хуулийн төсөл; 9. Засгийн газрын тусгай сангийн тухай хуульд өөрчлөлт оруулах тухай хуулийн төсөл; 10. Захиргааны ерөнхий хуульд нэмэлт, өөрчлөлт оруулах тухай хуулийн төсөл; 11. Зөрчлийн тухай хуулийн төсөл /Шинэчилсэн найруулга/; 12. Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төсөл; 13. Иргэний болон захиргааны шүүхийн шийдвэр гүйцэтгэх тухай анхдагч хуулийн төсөл; 14. Иргэний хэрэг шүүхэд хянан шийдвэрлэх тухай хуулийн төсөл /Шинэчилсэн найруулга/; 15. Иргэний үзэл бодлоо илэрхийлэх эрх, эрх чөлөөний тухай хуулийн төсөл; 16. Малын тоо толгойн албан татварын тухай хуульд нэмэлт, өөрчлөлт оруулах тухай хуулийн төсөл; 17. Монгол Улсын Ерөнхийлөгчийн тухай хуулийн төсөл; 18. Монгол Улсын Хөгжлийн банкны тухай хуульд нэмэлт, өөрчлөлт оруулах тухай хуулийн төсөл; 19. Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуулийн төсөл; 20. Монгол Улсын 2021 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2021 оны төсвийн гүйцэтгэл батлах тухай” Улсын Их Хурлын тогтоолын төсөл; 21. Нийгмийн даатгалын тухай хуульд өөрчлөлт оруулах тухай хуулийн төсөл; 22. Нэмэгдсэн өртгийн албан татварын тухай хуульд өөрчлөлт оруулах тухай хуулийн төсөл; 23. Онцгой албан татварын тухай хуульд нэмэлт, өөрчлөлт оруулах тухай хуулийн төсөл; 24. Өндөр насны тэтгэврийн доод хэмжээг нэмэгдүүлэх тухай хуулийн төсөл; 25. Төрийн өмчийн тухай хуулийн төсөл; 26. Төрийн болон орон нутгийн өмчит компанийн тухай анхдагч хуулийн төсөл; 27. Төр, хувийн хэвшлийн түншлэлийн тухай хуулийн төсөл; 28. Төрийн болон орон нутгийн өмчийн тухай хуулийн төсөл; 29. Төрийн өмчит болон төрийн өмчийн оролцоотой хуулийн этгээдийн тухай хуулийн төсөл; 30. Төрийн болон албаны нууцын тухай хуульд нэмэлт, өөрчлөлт оруулах тухай хуулийн төсөл; 31. Төрийн албаны тухай хуульд нэмэлт, өөрчлөлт оруулах тухай хуулийн төсөл; 32. Төрийн болон орон нутгийн өмчит компанийн тухай анхдагч хуулийн төсөл; 33. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн төсөл /Шинэчилсэн найруулга/; 34 .Төр, хувийн хэвшлийн түншлэлийн тухай хуулийн төсөл; 35. Төрийн хяналт шалгалтын тухай хуулийн төсөл /Шинэчилсэн найруулга/; 36. Төрийн жинхэнэ албаны сонгон шалгаруулалтын тусгай журмын тухай хуулийн төсөл; 37. Төрийн албан хаагчийн ёс зүйн тухай хуулийн төсөл; 38. Тээврийн нэгдсэн хуулийн анхдагч хуулийн төсөл; 39. “Тэтгэврийн доод хэмжээг индексжүүлэх тухай” Улсын Их Хурлын тогтоолын төсөл; 40. Улс төрийн намын тухай хуулийн төсөл 41. Үл хөдлөх эд хөрөнгийн албан татварын тухай хуульд нэмэлт оруулах тухай хуулийн төсөл; 42. Үндэсний баялгийн сангийн тухай анхдагч хуулийн төсөл; 43 .Үндэсний их баяр наадмын тухай хуулийн төсөл; 44 .Үнэт цаасны зах зээлийн тухай хуульд нэмэлт, өөрчлөлт оруулах тухай хуулийн төсөл; 45. Хот тосгоны эрх зүйн байдлын тухай хуулийн төсөл; 46. Хог хаягдлын тухай хуульд нэмэлт, өөрчлөлт оруулах тухай хуулийн төсөл; 47. Хүүхэд хамгааллын тухай хуульд нэмэлт, өөрчлөлт оруулах хуулийн төсөл; 48. Хөгжлийн сангийн тухай анхдагч хуулийн төсөл; 49. Хөрөнгө оруулалтын тухай хуулийн төсөл /Шинэчилсэн найруулга/; 50. Хөдөлмөрийн тухай хуульд нэмэлт, өөрчлөлт оруулах тухай хуулийн төсөл; 51. Шилэн дансны тухай хуульд нэмэлт, өөрчлөлт оруулах тухай хуулийн төсөл; 52. Шүүх байгуулах тухай хуулийн төсөл; 53. Шүүхийн шинжилгээний тухай хуулийн төсөл /Шинэчилсэн найруулга/; 54. Шүүхийн бус журмаар өр барагдуулах тухай анхдагч хуулийн төсөл; 55. Эдийн засгийн сэргэлтийг дэмжих хөгжлийн төслийг санхүүжүүлэх нөхцөлийг бүрдүүлэх тухай анхдагч хуулийн төсөл.