УРГАМЛЫН ТОС, ЦАГААН БУДАА, ЭЛСЭН ЧИХЭР,ЁОТОНГ ГААЛИЙН ТАТВАРААС ЧӨЛӨӨЛНӨ

Гаалийн татвараас чөлөөлөх элсэн чихэр, ёотон, ургамлын тос, цагаан будааны жагсаалтыг өнөөдрийн Засгийн газрын хуралдаанаар баталжээ. УИХ-аас Гаалийн албан татвараас чөлөөлөх тухай хуулийг 2022 оны дөрөвдүгээр сарын 29-нд баталсан. Ингэснээр нөөц, үнийг тогтворжуулах боломж бүрдэнэ. Импортын гол нэрийн хүнсний гаалийн албан татварыг чөлөөлснөөр импортлогчдоос жижиглэн худалдаанд нийлүүлэх цагаан будаа, ургамлын тос, ёотон, элсэн чихрийн кг болон литр тутмын үнэ 4-7 хувиар буурах тооцоолол гарсныг Хүнс, Хөдөө Аж Ахуй, Хөнгөн Үйлдвэрийн яамнаас танилцуулсан.

Д.СУМЪЯАБАЗАР:НИЙТИЙН ТЭЭВРЭЭР ЗОРЧДОГ МЭДЭЭЛЭЛ БНСУ-РУУ ГАРДАГ ТУЛ АВТОБУСНЫ КАРТЫГ ХАЛНА

Өнөөдөр /2022.05.18/ Засгийн газрын ээлжит хуралдаанаас гарсан шийдвэрийг Нийслэлийн Засаг дарга Д.Сумъяабазар танилцууллаа. Тэр ээр "Автобусны смарт картын систем нь БНСУ-аас орж ирсэн бөгөөд Монголчуудын нийтийн тээврээр зорчдог мэдээлэл тус улсад нээлттэй байдаг. Мөн өртөг өндөр, ямар ч хяналт байдаггүй учраас Смарт картыг хална" хэмээв.

ЦИРКИЙГ ЗОРИУЛАЛТЫН ДАГУУ АШИГЛАХЫГ ЗАСГИЙН ГАЗАР ҮҮРЭГДЭВ

Засгийн газрын өнөөдрийн хуралдаанаар Соёлын сайд циркийн урлагийг тогтвортой хөгжүүлэх нэгдсэн бодлого боловсруулж хэрэгжүүлэх нэн шаардлагатай байгаа бөгөөд зориулалтын байр талбай, орчин нөхцөлд циркийн урлагийн үйлчилгээ үзүүлэх, циркийн урлагийн цаашдын хөгжлийг дэмжих талаар зохих арга хэмжээ авах шаардлагатай тул Засгийн газрын хуралдаанд дээрх асуудлыг танилцуулж байгаа гэв. Циркийн урлагийн салбарыг тогтвортой хөгжүүлэх бодлого, стратегийг тодорхойлон танилцуулахыг Соёлын сайд Ч.Номинд, циркийн тэнхимийн сургалтын орчныг стандарт хангасан болгон сайжруулах талаар судлан танилцуулахыг Боловсрол, шинжлэх ухааны сайд Л.Энх-Амгаланд үүрэг болголоо. Түүнчлэн циркийн урлагийн хөгжлийг дэмжих, тулгамдсан асуудлыг шийдвэрлэх талаар хамтарсан ажлын хэсэг байгуулан, санал дүгнэлт танилцуулахыг Соёлын сайд Ч.Номин, Нийслэлийн Засаг дарга бөгөөд Улаанбаатар хотын захирагч Д.Сумъяабазар, Төрийн өмчийн бодлого зохицуулалтын газрын дарга Б.Цэнгэл нарт үүрэг болгов. Харин “Аса консалтинг” ХХК-тай байгуулсан “Худалдах, худалдан авах” гэрээнд заасан “Улсын циркийн үйл ажиллагааны чиглэлийг өөрчлөхгүйгээр, зориулалтын дагуу ажиллуулах нөхцөл”-ийг хангуулах, хэрэгжилтийн тайланг танилцуулж, холбогдох арга хэмжээ авахыг Төрийн өмчийн бодлого зохицуулалтын газарт тус тус даалгаж шийдвэрлэлээ хэмээн Соёлын яамнаас мэдээлэв.

ХОРИХ АНГИД ИХЭР ХӨВГҮҮД МЭНДЭЛЛЭЭ

ШШГЕГ-ын харьяа Хорих 407 дугаар ангид хүмүүжиж буй эмэгтэй амаржиж хоёр ихэр хүү төрүүлжээ. Хүүхдүүдийн биеийн байдал сайн ээжтэйгээ хамт нярай хүүхэдтэй эхчүүдийн байранд байгаа аж. Өнөөдрийн байдлаар тус хорих ангид гурван эмэгтэй 0-4 дөрвөн хүүхдийн хамт хүмүүжиж байна.

Д.МОНГОЛХҮҮГ ГЭР ЛҮҮ НЬ ХЭСЭГ ЗАЛУУС ДАЙРЧ БҮЛЭГЛЭН ЗОДЖЭЭ

Д.Монголхүүгийн халдлагад өртсөн тухайгаа мэдэгдэв. Тэрбээр хэлэхдээ: “Урд шөнө гэр лүү нүүрээ битүү халхалсан гурван залуу халдаж орж, ирж зодчихоод зугтчихлаа. Ийм дээрээ тулж байгаа бол одоо амиа хамгаалж буу, хутга халааслаж явж байхаа хэлчихье. Тэр гурав одоо миний ФБ, твиттерыг сахиад сууж бгаа блгүй гэжээ.

АЧИТ НУУРАНД 17 НАСТАЙ ЭРЭГТЭЙ ХҮҮХЭД ОСОЛДЛОО

Баян-Өлгий аймгийн Ногооннуур сумын 7 дугаар багийн нутаг аймгийн төвөөс хойд зүгт 100 км, сумын төвөөс зүүн зүгт 40 км-т орших Хосхаргай хэмээх газарт Ачит нуурын эргээр явж байсан гурван хүүхдийн нэг нь нууранд осолджээ. 17 настай эрэгтэй хүүхэд тус нууранд осолдсон тухай дуудлагыг аймгийн Онцгой байдлын газар тавдугаар 05.17-ны 23:25 цагт хүлээж авсан байна. Тус аймгийн Онцгой байдлын газрын Эрэн хайх, аврах бүлгийн алба хаагчид 100 км зам туулан 01:45 цагт Ачит нууранд очсон бөгөөд эрэн хайх ажиллагааг 18-ны 06:00 цагт эхлүүлсэн байна.

ТУСГААР ТОГТНОЛЫН АРЫН ТАЛБАЙГААС ЦОГЦОС ОЛДЖЭЭ

Сүхбаатар дүүргийн VIII хороонд байрлах Тусгаар тогтнолын ордны арын талбайгаас эрэгтэй хүний цогцос олджээ. Уг хэргийн талаар албан эх сурвалжаас тодруулахад “Тусгаар тогтнолын ордны арын талбайд хүн нас барсан байна гэх дуудлага мэдээлэл өнөөдөр 09:00 цаг орчимд бүртгэсэн. Цагдаагийн байгууллагаас уг хэрэгт шалгалтын ажиллагаа явуулж байгаа учир дэлгэрэнгүй мэдээлэл өгөх боломжгүй байна. Одоогоор хэн гэж хүн байсан болохыг тогтоогоогүй байгаа" хэмээв.

БАЯНГОЛЧУУД ЭЦЭГ ЭХИЙН ЗӨВЛӨЛИЙН АНХДУГААР ЗӨВЛӨГӨӨНӨӨ ХИЙЛЭЭ

Өнөөдөр Баянгол дүүргийн Гэмт хэргээс урьдчилан сэргийлэх, хүүхдийн сурч боловсрох, эрүүл аюулгүй орчныг бүрдүүлэх, соён гэгээрүүлэх, хүүхдэд ээлтэй байгууллага хамт олныг бий болгох, хүүхэд хамгааллын бодлогыг хэрэгжүүлэхэд хөндлөнгийн хяналт тавих, гэр бүлийн тогтвортой байдлыг хангах, байгууллагын нийгмийн хариуцлагыг дээшлүүлэх зорилго бүхий дүүргийн байгууллагын дэргэдэх эцэг эхийн зөвлөлийн “ХҮҮХДИЙН ТӨЛӨӨ БИДНИЙ ОРОЛЦОО” сэдэвт зөвлөгөөн зохион байгуулагдлаа. Зөвлөгөөнд ХНХЯ-ны сайд А.Ариунзаяа, Монгол Улсад гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл, Монголын Бурхны шашинтны төв Гандантэгчинлэн хийдийн тэргүүн их хамба лам, Монгол Улсын соёлын гавьяат зүтгэлтэн гавж Д.Чойжамц, БГД-ийн ИТХ-ын дарга Б.Сэмжидмаа болон дүүргийн ИТХ-ын Төлөөлөгчид, Прокурорын газар, Цагдаагийн газар, Хүүхэд, гэр бүл хөгжлийн хэлтэс, 25 хорооны хамтарсан багийн гишүүд, албаны бусад хүмүүс оролцсон юм. Арга хэмжээг нээж Баянгол дүүргийн иргэдийн Төлөөлөгчдийн Хурлын дарга, дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Сэмжидмаа: Хүүхдийн эрүүл аюулгүй орчинд амьдрах, сурч боловсрох, хөгжих, хамгаалуулах, нийгмийн амьдралд оролцох эрхийг хамгаалах хангах, хүүхэд хамгааллын үндэсний тогтолцоог бэхжүүлэх, хүүхдэд ээлтэй орчиныг бүрдүүлж, Монгол улсын үе үеийн Засгийн газар тодорхой ажлуудыг хийж хэрэгжүүлж ирсэн. Тухайлбал,1992-2002, 2002-2010 онуудад мөн 2017-2021 он хүүхэд хөгжил хамгааллын Үндэсний хөтөлбөрийг хэрэгжүүлэн энэ чиглэлд тодорхой ахиц дэвшил гарч байгаа. Гэвч хурдтай өөрчлөгдөж байгаа нийгэм эдийн засгийн өөрчлөлт, хүн амын төвлөрөл, сургууль, цэцэрлэгийн хүртээмж хангалтгүй байгаагаас шалтгаалж шийдвэр гаргах түвшинд бодлого хэрэгжүүлэн ажиллаж байгаа томчууд биднээс илүү их анхаарал хичээл зүтгэл шаардсан асуудлууд ар араасаа гарсаар байна. Нөгөө талаас хүүхэд багачуудын цахим хэрэглээ эрс ихсэж цахим тоглоомд донтох, нийгмийн сүлжээний замбараагүй хэрэглээ нэмэгдсэн зэрэг эрсдэл дагуулсан их байна. Бид технологийн дэвшил дагасан шинэ төрлийн гэмт хэрэг, хүүхдэд нөлөөлсөн сэтгэцийн мансууруулах, донтолттой хамааралтай хүүхдийн эрүүл мэнд, дадал зуршил, амь насанд хор аюултай гэмт хэргүүд хүүхдүүдэд заналхийлж байгааг мартаж болохгүй. Хүүхдийн эрх хуулиар хамгаалагдахаас гадна төр засгийн бодлого, эцэг эхийн үүрэг хариуцлага иргэн бүрийн оролцоо хамгаалагдах ёстой гэж үзэж байна. Төр засгийнхаа бодлого шийдвэрийг дунд, доод түвшинд хэрэгжүүлэх үндсэн үүргийнхээ хүрээнд Хөдөлмөр Нийгмийн Хамгааллын Яам, Нийслэлийн гэр бүл, хүүхэд залуучуудын газраас хэрэгжүүлж байгаа санал санаачлагуудыг дэмжин дүүргийнхээ байгууллага, эцэг эхийн зөвлөл байгуулж нэгдсэн удирдлага арга зүйгээр хангагдан ажиллах нь чухал. Өнөөдрийн байдлаар Монгол улсад нийт 92 байгууллага ажилтнуудынхаа хүүхдэд зориулсан өрөөг бэлтгэн гаргасан. Үүнийг хэлэхэд таатай байна" гэв. Хөдөлмөр, Нийгмийн Хамгааллын сайд А.Ариунза яа “Төрөөс авч хэрэгжүүлж буй бодлого шийдвэр”-ийн талаар Баянгол дүүргийн прокурорын газрын Ерөнхий прокурор, хууль цаазын шадар зөвлөх С.Гансэлэм “Хүүхэд хохирсон болон хүүхдээс үйлдсэн гэмт хэргийн шалтгаан нөхцөл анхаарах асуудал” сэвдээр Баянгол дүүргийн цагдаагийн газрын дарга цагдаагийн хурандаа М.Батсайхан “Хүүхэд хамгааллын чиглэлээр анхаарах асуудал” сэдвээр Тээврийн цагдаагийн албаны ахмад Г.Отгонтамир “Анхаарал болгоомж ба хариуцлага” сэдвээр Баянгол дүүргийн Гэр бүл, хүүхэд, залуучуудын хөгжлийн хэлтсийн дарга Б.Даваажаргал “Хүүхэд, эцэг эхийн харилцаа ба хандлага” сэдвээр Монгол улсын Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл “Улсын хэмжээнд Гэмт хэргээс урьдчилан сэргийлэх ажлын хүрээнд хийгдэж буй ажил”-ын талаар, Баянгол дүүргийн хүүхдийн холбооны гишүүн сурагчид “Эцэг эхчүүдэд хүргэх бидний үг” сэдвээр Нийслэлийн иргэдийн Төлөөлөгчдийн Хурлын Нарийн бичгийн дарга бөгөөд Ажлын албаны дарга Б.Батбямба “Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн хүрээнд хийгдсэн ажил, цаашид хийх ажилд зөвлөгөөнөөс тусгах асуудал”-ын талаар санал солилцож үйл ажиллагааны төгсгөлд оролцогч талууд байр сууриа илэрхийлж, нээлттэй хэлэлцүүлэг өрнөсөн үр дүнтэй зөвлөгөөн боллоо. Баянгол дүүрэг “Хүүхдэд ээлтэй, хүүхэд хамгааллын бодлогыг хэрэгжүүлэгч“ ЖИШИГ ДҮҮРЭГ болохын төлөө хамтдаа хичээцгээе!

БАЯНГОЛЧУУД #ЗӨӨЛНӨӨР_ХАРЬЦАЖ_ЗӨВӨӨР_ҮЛГЭРЛЭЕ! УРИАЛГАД НЭГДЛЭЭ

БАЯНГОЛЧУУД #ЗӨӨЛНӨӨР_ХАРЬЦАЖ_ЗӨВӨӨР_ҮЛГЭРЛЭЕ! УРИАЛГАД НЭГДЛЭЭ

Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Прокурорын газар, Цагдаагийн газар хамтран “Хүүхдийн эрх” нэгдсэн аяны нээлтийн арга хэмжээг өнөөдөр зохион байгууллаа. Арга хэмжээг нээж дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Сэмжидмаа: “Хүүхдүүд зорилгодоо тууштай байх, аливаа асуудал бэрхшээлийг даван туулах өөрийн арга барилаа олох мөн төгсөх шалгалтаа амжилттай өгч сонгосон мэргэжилдээ хичээн суралцах талаар бие биедээ хуваалцах, үе тэнгийнхнээсээ суралцах боломжийг олгосон хүүхэд хүүхдийнхээ төлөө, сургуулийн орчинд хүүхэд хамгааллын бодлогын хэрэгжилтийн хүрээнд Үе тэнгийн дээрэлхэлт, ялгаварлан гадуурхалтаас урьдчилан сэргийлж эерэгээр нөлөөлж төр, хувийн хэвшил, иргэд бүх талаас хамтарч ажиллахыг уриалъя. Бид эрх зөрчигдсөний дараа биш урьдчилан сэргийлж хамтдаа шийдэх боломжтой. Сургуулийн орчинд дарамт дээрэлхэлт, ялгаварлан гадуурхалтыг бууруулах, таслан зогсоохын тулд эдгээр үйлдэгч хүүхдэд хийж байгаа үйлдэл нь хэвийн зүйл биш, хүчирхийллийн нэг хэлбэр цаашилбал гэмт хэргийн шинжтэй үйлдэл гэдгийг ойлгуулан таниулах шаардлагатай төдийгүй цахим орчин дахь дээрэлхэлт, бэлгийн мөлжлөг, хүний наймааны хохирогч болохоос урьдчилан сэргийлэхэд анхаарцгаая” гэдгийг онцлон уриаллаа. Тус аян нь хүүхдийн эсрэг болон хүүхэд хохирсон гэмт хэрэг, зөрчлөөс урьдчилан сэргийлэх, гэмт хэрэг зөрчлийн шийдвэрлэлтийг нэмэгдүүлэх, хүүхдийн эрхийн талаар хууль тогтоомжийг иргэд, олон нийтэд таниулан сурталчилах, тэдгээрийн хууль эрх зүйн мэдлэгийг дээшлүүлэх, соён гэгээрүүлэх зорилгоор “Хүүхэд бүрийн төлөө” уриан дор зохион байгуулж байгаа юм. Арга хэмжээний үеэр Хүүхдийн төлөө аяны хүрээнд сургууль, цэцэрлэгүүдээр аялах Бамбарыг 40-р сургуулийн захирал Б.Балганд хүлээлгэн өглөө. Хамтдаа: Хүүхэдтэйгээ элэгсэг дотно сэтгэлээр хандах Хүүхдэдээ аливаа зүйлийн учир утгыг зааж тайлбарлах Хүүхдийнхээ юу бодож сэтгэж байгааг мэдэж ойлгох Тэдний бие даасан байдлыг хөхүүлэн дэмжих Хийж буй зүйлд нь хяналт тавьж зөвлөх зэрэг хүмүүжлийн эерэг аргыг хэрхэн оновчтой сонгож ашиглах тухай эцэг эхчүүдийн ойлголт, мэдлэгийг дээшлүүлцгээе.