БАЯНГОЛЧУУД ЭЦЭГ ЭХИЙН ЗӨВЛӨЛИЙН АНХДУГААР ЗӨВЛӨГӨӨНӨӨ ХИЙЛЭЭ

Өнөөдөр Баянгол дүүргийн Гэмт хэргээс урьдчилан сэргийлэх, хүүхдийн сурч боловсрох, эрүүл аюулгүй орчныг бүрдүүлэх, соён гэгээрүүлэх, хүүхдэд ээлтэй байгууллага хамт олныг бий болгох, хүүхэд хамгааллын бодлогыг хэрэгжүүлэхэд хөндлөнгийн хяналт тавих, гэр бүлийн тогтвортой байдлыг хангах, байгууллагын нийгмийн хариуцлагыг дээшлүүлэх зорилго бүхий дүүргийн байгууллагын дэргэдэх эцэг эхийн зөвлөлийн “ХҮҮХДИЙН ТӨЛӨӨ БИДНИЙ ОРОЛЦОО” сэдэвт зөвлөгөөн зохион байгуулагдлаа. Зөвлөгөөнд ХНХЯ-ны сайд А.Ариунзаяа, Монгол Улсад гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл, Монголын Бурхны шашинтны төв Гандантэгчинлэн хийдийн тэргүүн их хамба лам, Монгол Улсын соёлын гавьяат зүтгэлтэн гавж Д.Чойжамц, БГД-ийн ИТХ-ын дарга Б.Сэмжидмаа болон дүүргийн ИТХ-ын Төлөөлөгчид, Прокурорын газар, Цагдаагийн газар, Хүүхэд, гэр бүл хөгжлийн хэлтэс, 25 хорооны хамтарсан багийн гишүүд, албаны бусад хүмүүс оролцсон юм. Арга хэмжээг нээж Баянгол дүүргийн иргэдийн Төлөөлөгчдийн Хурлын дарга, дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Сэмжидмаа: Хүүхдийн эрүүл аюулгүй орчинд амьдрах, сурч боловсрох, хөгжих, хамгаалуулах, нийгмийн амьдралд оролцох эрхийг хамгаалах хангах, хүүхэд хамгааллын үндэсний тогтолцоог бэхжүүлэх, хүүхдэд ээлтэй орчиныг бүрдүүлж, Монгол улсын үе үеийн Засгийн газар тодорхой ажлуудыг хийж хэрэгжүүлж ирсэн. Тухайлбал,1992-2002, 2002-2010 онуудад мөн 2017-2021 он хүүхэд хөгжил хамгааллын Үндэсний хөтөлбөрийг хэрэгжүүлэн энэ чиглэлд тодорхой ахиц дэвшил гарч байгаа. Гэвч хурдтай өөрчлөгдөж байгаа нийгэм эдийн засгийн өөрчлөлт, хүн амын төвлөрөл, сургууль, цэцэрлэгийн хүртээмж хангалтгүй байгаагаас шалтгаалж шийдвэр гаргах түвшинд бодлого хэрэгжүүлэн ажиллаж байгаа томчууд биднээс илүү их анхаарал хичээл зүтгэл шаардсан асуудлууд ар араасаа гарсаар байна. Нөгөө талаас хүүхэд багачуудын цахим хэрэглээ эрс ихсэж цахим тоглоомд донтох, нийгмийн сүлжээний замбараагүй хэрэглээ нэмэгдсэн зэрэг эрсдэл дагуулсан их байна. Бид технологийн дэвшил дагасан шинэ төрлийн гэмт хэрэг, хүүхдэд нөлөөлсөн сэтгэцийн мансууруулах, донтолттой хамааралтай хүүхдийн эрүүл мэнд, дадал зуршил, амь насанд хор аюултай гэмт хэргүүд хүүхдүүдэд заналхийлж байгааг мартаж болохгүй. Хүүхдийн эрх хуулиар хамгаалагдахаас гадна төр засгийн бодлого, эцэг эхийн үүрэг хариуцлага иргэн бүрийн оролцоо хамгаалагдах ёстой гэж үзэж байна. Төр засгийнхаа бодлого шийдвэрийг дунд, доод түвшинд хэрэгжүүлэх үндсэн үүргийнхээ хүрээнд Хөдөлмөр Нийгмийн Хамгааллын Яам, Нийслэлийн гэр бүл, хүүхэд залуучуудын газраас хэрэгжүүлж байгаа санал санаачлагуудыг дэмжин дүүргийнхээ байгууллага, эцэг эхийн зөвлөл байгуулж нэгдсэн удирдлага арга зүйгээр хангагдан ажиллах нь чухал. Өнөөдрийн байдлаар Монгол улсад нийт 92 байгууллага ажилтнуудынхаа хүүхдэд зориулсан өрөөг бэлтгэн гаргасан. Үүнийг хэлэхэд таатай байна" гэв. Хөдөлмөр, Нийгмийн Хамгааллын сайд А.Ариунза яа “Төрөөс авч хэрэгжүүлж буй бодлого шийдвэр”-ийн талаар Баянгол дүүргийн прокурорын газрын Ерөнхий прокурор, хууль цаазын шадар зөвлөх С.Гансэлэм “Хүүхэд хохирсон болон хүүхдээс үйлдсэн гэмт хэргийн шалтгаан нөхцөл анхаарах асуудал” сэвдээр Баянгол дүүргийн цагдаагийн газрын дарга цагдаагийн хурандаа М.Батсайхан “Хүүхэд хамгааллын чиглэлээр анхаарах асуудал” сэдвээр Тээврийн цагдаагийн албаны ахмад Г.Отгонтамир “Анхаарал болгоомж ба хариуцлага” сэдвээр Баянгол дүүргийн Гэр бүл, хүүхэд, залуучуудын хөгжлийн хэлтсийн дарга Б.Даваажаргал “Хүүхэд, эцэг эхийн харилцаа ба хандлага” сэдвээр Монгол улсын Гэмт хэргээс урьдчилан сэргийлэх ажлыг зохицуулах зөвлөлийн ажлын албаны дарга Л.Нямгэрэл “Улсын хэмжээнд Гэмт хэргээс урьдчилан сэргийлэх ажлын хүрээнд хийгдэж буй ажил”-ын талаар, Баянгол дүүргийн хүүхдийн холбооны гишүүн сурагчид “Эцэг эхчүүдэд хүргэх бидний үг” сэдвээр Нийслэлийн иргэдийн Төлөөлөгчдийн Хурлын Нарийн бичгийн дарга бөгөөд Ажлын албаны дарга Б.Батбямба “Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн хүрээнд хийгдсэн ажил, цаашид хийх ажилд зөвлөгөөнөөс тусгах асуудал”-ын талаар санал солилцож үйл ажиллагааны төгсгөлд оролцогч талууд байр сууриа илэрхийлж, нээлттэй хэлэлцүүлэг өрнөсөн үр дүнтэй зөвлөгөөн боллоо. Баянгол дүүрэг “Хүүхдэд ээлтэй, хүүхэд хамгааллын бодлогыг хэрэгжүүлэгч“ ЖИШИГ ДҮҮРЭГ болохын төлөө хамтдаа хичээцгээе!

БАЯНГОЛЧУУД #ЗӨӨЛНӨӨР_ХАРЬЦАЖ_ЗӨВӨӨР_ҮЛГЭРЛЭЕ! УРИАЛГАД НЭГДЛЭЭ

БАЯНГОЛЧУУД #ЗӨӨЛНӨӨР_ХАРЬЦАЖ_ЗӨВӨӨР_ҮЛГЭРЛЭЕ! УРИАЛГАД НЭГДЛЭЭ

Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүргийн Прокурорын газар, Цагдаагийн газар хамтран “Хүүхдийн эрх” нэгдсэн аяны нээлтийн арга хэмжээг өнөөдөр зохион байгууллаа. Арга хэмжээг нээж дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Сэмжидмаа: “Хүүхдүүд зорилгодоо тууштай байх, аливаа асуудал бэрхшээлийг даван туулах өөрийн арга барилаа олох мөн төгсөх шалгалтаа амжилттай өгч сонгосон мэргэжилдээ хичээн суралцах талаар бие биедээ хуваалцах, үе тэнгийнхнээсээ суралцах боломжийг олгосон хүүхэд хүүхдийнхээ төлөө, сургуулийн орчинд хүүхэд хамгааллын бодлогын хэрэгжилтийн хүрээнд Үе тэнгийн дээрэлхэлт, ялгаварлан гадуурхалтаас урьдчилан сэргийлж эерэгээр нөлөөлж төр, хувийн хэвшил, иргэд бүх талаас хамтарч ажиллахыг уриалъя. Бид эрх зөрчигдсөний дараа биш урьдчилан сэргийлж хамтдаа шийдэх боломжтой. Сургуулийн орчинд дарамт дээрэлхэлт, ялгаварлан гадуурхалтыг бууруулах, таслан зогсоохын тулд эдгээр үйлдэгч хүүхдэд хийж байгаа үйлдэл нь хэвийн зүйл биш, хүчирхийллийн нэг хэлбэр цаашилбал гэмт хэргийн шинжтэй үйлдэл гэдгийг ойлгуулан таниулах шаардлагатай төдийгүй цахим орчин дахь дээрэлхэлт, бэлгийн мөлжлөг, хүний наймааны хохирогч болохоос урьдчилан сэргийлэхэд анхаарцгаая” гэдгийг онцлон уриаллаа. Тус аян нь хүүхдийн эсрэг болон хүүхэд хохирсон гэмт хэрэг, зөрчлөөс урьдчилан сэргийлэх, гэмт хэрэг зөрчлийн шийдвэрлэлтийг нэмэгдүүлэх, хүүхдийн эрхийн талаар хууль тогтоомжийг иргэд, олон нийтэд таниулан сурталчилах, тэдгээрийн хууль эрх зүйн мэдлэгийг дээшлүүлэх, соён гэгээрүүлэх зорилгоор “Хүүхэд бүрийн төлөө” уриан дор зохион байгуулж байгаа юм. Арга хэмжээний үеэр Хүүхдийн төлөө аяны хүрээнд сургууль, цэцэрлэгүүдээр аялах Бамбарыг 40-р сургуулийн захирал Б.Балганд хүлээлгэн өглөө. Хамтдаа: Хүүхэдтэйгээ элэгсэг дотно сэтгэлээр хандах Хүүхдэдээ аливаа зүйлийн учир утгыг зааж тайлбарлах Хүүхдийнхээ юу бодож сэтгэж байгааг мэдэж ойлгох Тэдний бие даасан байдлыг хөхүүлэн дэмжих Хийж буй зүйлд нь хяналт тавьж зөвлөх зэрэг хүмүүжлийн эерэг аргыг хэрхэн оновчтой сонгож ашиглах тухай эцэг эхчүүдийн ойлголт, мэдлэгийг дээшлүүлцгээе.

ХОЁР НАСТАЙ ХҮҮХЭД УГААЛГЫН МАШИНД ГАЦЖЭЭ

Төв аймгийн Зуунмод сумын Төв аймгийн Зуунмод сумын Номт багийн 28 дугаар байранд бага насны хүүхэд хагас автомат угаалгын машин дотор орж гацжээ. Энэ тухай дуудлагыг тавдугаар сарын 15-ны өдрийн 22:30 цагт хүлээн авсан. Тус аймгийн Онцгой байдлын газрын Эрэн хайх, аврах бүлгийн алба хаагчид 1 км замыг туулан очиход А /2 настай, эрэгтэй/ хагас автомат угаалгын машин дотор орж гацсан байсныг эсэн мэнд гаргаж, эцэг эхэд нь хүлээлгэн өгчээ.

“ХАМГААЛАЛТТАЙ ХОТ” КАМЕРЖУУЛАЛТ БОЛЗОЛТ УРАЛДААНЫГ ДАЛАНЗАДГАД СУМАНД ЗАРЛАЛАА

Даланзадгад суманд үйлдэгдэж байгаа гэмт хэргийн шалтгаан нөхцөлийг арилгах, иргэдийн өмч хөрөнгийг хамгаалах, аюулгүй амар тайван орчинд амьдрах нөхцөл боломжийг нэмэгдүүлэх ажлын хүрээнд орон сууцны орц, гадна орчин, гэр хорооллын гудамж, аж ахуйн нэгж байгууллагын гадна, дотор орчин, нийтийн эзэмшлийн талбай зэрэг газруудыг камержуулж иргэдийн эрүүл, аюулгүй орчинд амьдрах нөхцөлийг бүрдүүлэх гэмт хэргээс урьдчилан сэргийлэх ажилд иргэд, олон нийтийн оролцоог нэмэгдүүлэхийн тулд хамгаалалттай хот камержуулалт болзолт уралдааныг зарлалаа.

ЗГ: ХӨГЖЛИЙН БАНК 800 ТЭРБУМ ТӨВЛӨРҮҮЛЭХГҮЙ БОЛ ДАМПУУРУУЛНА

Сангийн сайд Б.Жавхлан: “Засгийн газар нэгдүгээр сараас хойш Хөгжлийн банкан дээр онцгой анхаарал хандуулсан гол учир нь ирэх жил төлөгдөх хоёр бондын төлбөртэй холбоотой. 2023 оны 10 дугаар сарын 23-нд төлөгдөх Евро бондын 500 сая ам.доллар буюу одоогийн ханшаар 1.5 их наяд орчим төгрөгийн төлбөр байна. Мөн 2023 оны 12 дугаар сарын 25-нд төлөгдөх Самурай бондын 30 тэрбум иений төлбөр буюу одоогийн ханшаар 713 тэрбум төгрөгийн өр бий. Энэ хоёр өрөөс онцгой анхаарах ёстой нь Самурай бонд юм. Учир юу вэ гэвэл Засгийн газрын баталгаатай. Хэрвээ Хөгжлийн банк өөрөө төлж чадахгүйд хүрвэл энэ өрийг бүтэн дүнгээр нь Засгийн газар төлнө, энэ хэмжээний дарамт төсөв дээр, татвар төлөгчдийн нуруун дээр ирнэ гэсэн үг. Тиймээс ийм эрсдэлтэй тулахгүйн тулд хуримтлагдаж байсан чанаргүй зээлүүдийг энэ оны нэгдүгээр улирлаас маш яаралтай төлүүлэх зайлшгүй шаардлага үүссэн. Энэ оны 6 дугаар сарын 30, арванхоёрдугаар сарын 31 гэсэн чухал цаг хугацаа бидний өмнө байгаа. Арванхоёрдугаар сарын 31-ний тайлан баланс аудитлагдах ёстой. Энэ аудитаар тайлан баланс муу гарах юм бол тус банкийг татан буулгах, дампууруулах хэмжээнд очно. Хэрвээ бид чанаргүй зээлээ амжилттай барагдуулж чадаад, тайлан балансаа арванхоёрдугаар сарын 31-нээр сайжруулж чадах юм бол ирэх онд дахин санхүүжилт хийх ёстой Евро бондоо амжилттай хийнэ. Мөн Самурай бондоо хугацаанд нь төлөх нөхцөл бүрдэнэ. Тийм учраас энэ жил чанаргүй зээлүүддээ анхаарал тавьж, энэ онд дор хаяж 50 хувийг нь төлүүлэх зорилт тавьж, Засгийн газар ажиллаж байна. Энэ жилийн хувьд бид дор хаяж 800-гаад тэрбум төгрөгийн зээл төлүүлнэ гэсэн төлөвлөгөөтэй байгаа. Тэгэхгүй л бол бидний жилийн эцсийн баланс сайжирч гарч чадахгүй” гэв.

ТЕНДЕРГҮЙГЭЭР ТӨСВИЙН 69.2 САЯ ТӨГРӨГӨӨР ЧИХЭР АВЧЭЭ

Баянгол дүүргийн Засаг дарга Ө.Сумьяабаатар, ЗДТГ-ын дарга Б.Нарангэрэл нар эдийн засгийн хүнд үед төсвийн мөнгөөр тоглосон олон баримтууд байдаг. БГД-ийн удирдлагууд цар тахлын үед ахмадуудын нэрийг барьж хүнсний багц олгох нэрийдлээр “Агууша фүүдс” ХХК-тай хууль зөрчин 69.2 сая төгрөгөөр чихэр худалдаж авах гэрээг байгуулсан. Төсвийн мөнгийг хууль зөрчин зарцуулсан энэ үйлдэл аудитын шалгалтын явцад ил болоод байна. Баянгол дүүргийн ЗДТГ-ын гэрээ байгуулсан “Агууша фүүдс” ХХК 2021.09.14-ны өдөр УБЕГ-т хуулийн этгээдээр бүртгүүлж. Үүнээс хойш ердөө 10 хоногийн дараа буюу 2021.09.24 өдөр Баянгол дүүргээс 69.2 сая төгрөгийг ямар ч тендер зарлалгүй гаргуулж авсан. Цар тахлаас шалтгаалж эдийн засгийн байдал хүндэрсэн тул төсвийн хөрөнгийг үр ашигтай, хэмнэлттэй зарцуулж, шаардлагагүй зардлуудаа хэмнэхийг төрийн бүх шатны байгууллагуудад Засгийн газраас даалгаж 43 дугаар тогтоолыг 2021 онд баталсан. Тус тогтоолд төсвийн мөнгөөр урлагийн наадам, спортын уралдаан тэмцээн, салбарын өдөрлөг, аялал зугаалга зэргийг зохион байгуулахыг хориглосон байдаг. Гэвч энэ хууль БГД-т хэрэгждэггүй бололтой. Тухайлбал: Тавилга, эд хогшил худалдаж авахад - 48.5 сая төгрөг Контент бүтээхэд - 36 сая төгрөг Албан хаагчдад гарын авлага хэвлүүлэхэд - 24.7 сая төгрөг Явган аялал зохион байгуулахад - 6.9 сая төгрөг 25-р хорооны албан хаагчдын сагсан бөмбөгийн тэмцээнд - 9.1 сая төгрөг Санхүүгийн ажилтнуудын спортын арга хэмжээнд - 5 сая төгрөг Санхүүчдэд хүндэтгэл үзүүлэх арга хэмжээнд - 7.3 сая төгрөг Хороодын нийгмийн ажилтны сургалт, тараах материал хэвлэхэд - 9.2 сая төгрөг Сургалт зохион байгуулахад - 7 сая төгрөгийг тус тус зарцуулж төсвийн хууль болон Засгийн газрын 43-р тогтоолыг удаа дараа зөрчжээ. Түүнчлэн Баянгол дүүргийн Засаг даргын Тамгын газар шилэн дансандаа 860 сая төгрөгийн 33 санхүүгийн гүйлгээгээ ил тод мэдээлээгүй. Зөвхөн Баянгол дүүргийн ЗДТГ-ын 2021 оны санхүүгийн тайлан, төсвийн гүйцэтгэлд хийсэн аудитын шалгалтаар 1.5 тэрбум төгрөгийн зөрчил илэрсэн байдаг.

ИРЭХ САРААС АЙЛ ӨРХҮҮД ЦАХИЛГААНЫ ТӨЛБӨРӨӨ ӨӨРСДӨӨ ТӨЛЖ ЭХЛЭНЭ

Нэгдүгээр сарын 01-ний өдрөөс эхлэн цахилгаан дулааны мөнгөө өөрсдөө төлөх байсан ч Цар тахлын эсрэг хуулийн төслийг дахин зургаан сар сунгасантай тул энэхүү хөнгөлөлтийг сунгасан. Тодруулбал, энэ оны тавдугаар сарын 31 хүртэл айл өрхийн цахилгааны төлбөрийг төрөөс хөнгөлөх шийдвэр гаргасан. Уг шийдвэрийн дагуу гэр хорооллын өрхийн цахилгааны хэрэглээний 350 кВт, орон сууцны айлын 250 кВт хүртэлх цахилгааны төлбөрийг сар бүр төрөөс хариуцан төлж байгаа.

ЗАСАЛ ХИЙХ НЭРЭЭР ӨСВӨР НАСНЫ ОХИНЫГ ЗҮС ТАНИХ ЛАМ ХҮЧИРХИЙЛЖЭЭ

БЗД-ийн нутаг дэвсгэрт насанд хүрээгүй охиныг зүс таних лам машинд хүчирхийлсэн хэрэг гарчээ. Тодруулбал тус дүүргийн...дүгээр байрны...тоотоос 15 настай охиныг нь зүс таньдаг лам засал хийнэ гэж гэрээс нь авч яваад бэлгийн хүчирхийлэл үйлдсэн байна гэх мэдээллийг цагдаагийн байгууллагаас шалгахад Сансарын...тоотод суух Ц.Ө гэж 45 настай лам сэржим өргүүлэх хэрэгтэй байна гэж дуудан тус хорооны 10 дугаар байрны хажууд машинд хувцсыг нь тайлан хүчирхийлэл үйлджээ. Хэргийг цагдаагийн байгууллагаас шалгаж байна.

МОНГОЛЫН ҮНДЭСНИЙ БӨХИЙН ХОЛБООНЫ ТЭРГҮҮЛЭГЧДИЙН ХУРЛААР ДОПИНГ ИЛЭРСЭН ХОЁР БӨХИЙН БАРИЛДАХ ЭРХИЙГ ДӨРВӨН ЖИЛЭЭР ХАСЛАА

Тодруулбал: Монголын Үндэсний Бөхийн Холбооны тэргүүлэгчдийн хурал 2022 оны тавдугаар сарын 9-нд хуралдаж дараах шийдвэрүүдийг гаргажээ. Үүнд: Бөхийн барилдааны дүрмийн зөвлөлөөр хэлэлцэн шийдвэрлэсэн Үндэсний бөхийн барилдааны дүрмийг 100 хувийн саналаар батлав. Ёс зүйн дүрмийг 100 хувийн саналаар хэлэлцэн баталсан. Бөхийн өмсгөлийн хэм хэмжээг шалгагчаар улсын начин С.Багахүү, улсын начин С.Батсуурь, аймгийн арслан Т.Сүрэнжав нарыг томилон ажиллуулахаар 100 хувийн саналаар батлав. Нэр бүхий аймгийн арслан цолтой есөн бөхийн санал, хүсэлтийг хэлэлцэн улсын баяр наадамд гурав, дөрөв давсан амжилтыг аймаг, цэргийн цолтнуудын эрэмбэд тооцож буйг 88.2 хувийн саналаар хүчингүйд тооцов. Шинэчилсэн эрэмбийг 2022 оны тавдугаар сарын 25-наас мөрдөхөөр тогтлоо. Ёс зүйн зөрчил гаргасан Баян-Өлгий аймгийн арслан Э.Тамираа, Баянхонгор аймгийн харцага Ж.Дэлгэрсайхан, Завхан аймгийн харьяат, сумын заан Ё.Гантулга, Д.Доржсүрэн, Архангай аймгийн харьяат, сумын заан О.Баяржаргал нараас ирсэн уучлалт, хүсэлтийг хэлэлцэн барилдах эрхийг 100 хувийн саналаар сэргээж, цаашид бөхийн жудгаа эрхэмлэж, ёс жаягтай байхыг хатуу сануулахаар тогтов. Допингийн явцын шинжилгээнд зөрчил гаргасан нэр бүхий хоёр бөхийн барилдах эрхийг “Үндэсний бөхийн барилдааны дүрэм”-д заасны дагуу дөрвөн жилээр 100% саналаар хасжээ. Дөрөвдүгээр сарын 23-нд болсон Сонгинохайрханы хишиг барилдаанд ёс зүйгүй үйлдэл гаргасан аймгийн арслан Б.Батсайханы барилдах эрхийг 94.1 хувийн саналаар зургаан сараар хасахаар тус тус тогтсон байна.