Монголдоо сайхан амьдрах гэж хүссэн, ирээдүйнхээ төлөө нэгдсэн өчигдрийн жагсаалын утгыг өөрчилж, балмадаар үймүүлэн, шөнө дунд баривчилгаа болж. Үзэл санаагаараа гэгдэж Монголын төрд дуу хоолойгоо хүргэж чадсан залуус, ард түмнийхээ эсрэг хүч хэрэглэхэд хэн нь хэнд хэрэгтэй, хэний хожил болох вэ???. Турхирч, үймүүлэгчид хожно. Залуусын ирээдүйг хулгайлсан банкны тонуулчид, ханахаа мэдэхгүй луйварчид л ахин дахин хожсоор л байх уу???.
Төрийн ордны зүүн талын хаалгаар гарч ирсэн этгээдээс архи үнэртсэн гэж жагсагчдын мэдээлснээр цагдаагийн алба хаагчид тухайн этгээдийг хяналтад авч. Улмаар жагсагчид уг тээврийн хэрэгслийг хааж тухайн иргэний царайг харж, согтуурлын зэргийг шалгуулахыг шаардсан юм. Ингээд иргэдийн хүсэлтээр зохих багажаар хэмжихэд төрийн ордноос гарч ирсэн этгээд согтууруулах ундааны зүйл хэрэглэсэн болох нь тогтоогдлоо.
Өнгөрөгч Ням гараг /2022.04.03/-ны өдөр явагдаж өндөрлөсөн АН-ын даргын сунгаанд ялалт байгуулсан Х.Баттулгыг батламжлах хурал өнөөдөр /2022.04.07/ боллоо. Учир нь С.Эрдэнэ нарын өргөн барьсан АН-ын дүрмийн өөрчлөлтийг Улсын дээд шүүх бүртгэсэн тул энэ удаагийн АН-ын даргын сунгаа “хууль бус” гэж мэдэгдэн нэр дэвшигч Ж.Батсуурь нэрээ татсан. С.Эрдэнэ @serdenemn З.Энхболд гэж Төрийн ордны тайган байсан урвагч тамга хийлгэнэ ч гэж юу байхав?!! Монгол төрийн тамгыг Зика хийлгэдэг байсан юм байлгүй дээ?! АН-ыг самарсан ардчиллын ар нуруунд хутга шаасан Жонхуу Зика гэж 2-новштой Монголын түүх хариуцлага тооцох цаг ирнэ дээ тун удахгүй!! 3:31 PM · Apr 7, 2022 Х.Баттулгыг батламжлах хурлын үеэр З.Энхболд АН-ын хүчингүй болсон тамгыг тайлбарлаж, “миний 2000 онд АН-ын генсек байхдаа хийлгэсэн тамга мөн байна” гэж мэдэгдсэн. Харин С.Эрдэнэ, “З.Энхболд гэж Төрийн ордны тайган байсан урвагч тамга хийлгэнэ ч гэж юу байхав?Монгол төрийн тамгыг Зика хийлгэдэг байсан юм байлгүй дээ? АН-ыг самарсан ардчиллын ар нуруунд хутга шаасан Жонхуу Зика гэж 2-новштой Монголын түүх хариуцлага тооцох цаг ирнэ дээ тун удахгүй” хэмээв.
УИХ-ын чуулганы өнөөдрийн хуралдаанаар Засгийн газраас өргөн мэдүүлсэн “Хөшигийн хөндийн эдийн засгийн чөлөөт бүс байгуулах тухай” тогтоолын төслийн анхны хэлэлцүүлгийг хийлээ. Энэ үеэр УИХ-ын гишүүн Ц.Мөнх-Оргил "Чөлөөт бүс байгуулах нь амаргүй ажил. Өмнө нь “Алтанбулаг”, “Цагааннуур” чөлөөт бүс байгуулчхаад түүнээсээ сургамж аваагүй л явна. Өмнөх хоёр чөлөөт бүс яагаад өнөөдрийг хүртэл ажиллахгүй байна вэ гэхээр улс дотор улс байгуулах цаад санааг нь ойлгож хүлээж авч чадахгүйтэй холбоотой. Тогтоолоо баталчхаад дараа нь хуулиа оруулж ирэх юм байна. Уг нь Хөшигийн хөндийд чөлөөт бүс байгуулах тогтоолтой хамт хуулиа оруулж ирмээр байна. Ажлын хэсгээс асууя өмнөх хоёр чөлөөт бүсээс сургамж авсан зүйл юу байна. Тэнд юу нь болохгүй байна вэ. Бидэнд санхүүгийн том төв байгуулах талаар мөрөөдөж болно. Гэхдээ бодит байдал дээр бид 30 жил хөөцөлдөөд банкуудын лоббиг давж чадаагүй учраас Монголд өнөөдөр нэг ч гадаадын банк байхгүй. Нэг ч гадаадын банкгүй байж олон улсын санхүүгийн чөлөөт бүс байгуулах талаар ярих нь хоорондоо авцалдахгүй байна. Ядаж эхлээд гадны банктай болмоор байна. Банкны үйл ажиллагаагаа эрүүлжүүлмээр байна. Гадны банкыг удирдаад зохицуулсныхаа дараа олон улсын санхүүгийн чөлөөт бүс байгуулах нь логиктой. Чөлөөт бүсийн ач холбогдол нь өөр хаана ч байхгүй давуу талыг олгох зорилготой. Яг ямар давуу тал олгох нь тодорхойгүй. Жишээ нь Хятадын далайн эрэг дээрх олон чөлөөт бүсийг байгуулахдаа хямдхан ажиллах хүчнээр татсан. Зарим газар нь Дубай шиг өөрсдөө асар их нефт буюу мөнгөн дээр сууж байгаа учраас тэр мөнгийг менежмент хийх багийг бүрдүүлж байна. Казино байгуулах нь их ярвигтай шүү. Монгол шиг жижиг улс дээрээс нь Орос, Хятадын дунд байдаг хоёр хөршийн аль аль нь мөнгө угаах тал дээр хяналтаа гүйцэт тавьж чаддаггүй. Ийм тохиолдолд Монголд казино оруулж ирээд мөнгө угаагаад дэлхийн санхүүгийн системээс таслагдах вий дээ. Казиног дагаж хэдэн төгрөг орж ирэх байх. Үүнийг дагаад ямар сөрөг нөлөөтэй үзүүлэх талаар бодож үзэх хэрэгтэй. Казино цэвэр, ил тод, мөнгө угаадаггүй бол асуудал алга" хэмээв.
Монгол Улсын Гавьяат тамирчин М.Анхцэцэгийг Хүндийн өргөлтийн тамирчин, Дэлхийн аваргын хошой хүрэл медальт, Дэлхийн цомын аварга. Үндэсний шигшээ баг, “Зиндаа” группын тамирчин ОУХМ гэдгээр нь бид андахгүй.Тэгвэл тэрээр энэ удаа загварын ертөнцөд хөл тавьж, фото моделиор ажиллажээ. “Гоёл” брэндийн хавар цагийн шинэ коллекцийн нүүр царай болсон байна.
Өнөөдөр буюу 2022.04.07-ны өдөр УБТЗ-ын Замын-Үүд өртөөний ложистикийн талбайд калмар загварын тээврийн хэрэгсэл шатжээ. Калмар нь чингэлэг өргөх, тээвэрлэх зориулалттай тээврийн хэрэгсэл бөгөөд урд хөршөөс орж ирж байгаа импортын чингэлгийг буулгаж, ачих үүрэгтэй чухал техник хэрэгсэл юм. Энэхүү тээврийн хэрэгсэл шатаж ашиглагдахгүй болсоноор Эрээний импортын чингэлэг тээвэр зогсох аюул тулгараад байна. Өнгөрсөн сард вагон унасан гологдол гарч, асуудал намжаагүй байхад ийнхүү араас нь ложистикын гол тээврийн хэрэгсэл шатсан хэрэг гарсан нь УБТЗ-ын шинэ улирдлагуудад үйл ажиллагааны аюулгүй байдалдаа онцгой анхаарч ажиллахыг сануулж байгаа бололтой. Одоогоор болсон үйл явдлын талаар УБТЗ-аас ямар нэгэн мэдээлэл хийгээгүй байна.
УИХ-ын чуулганы өнөөдрийн /2022.04.07/ хуралдааны үеэр УИХ-ын гишүүн Б.Пүрэвдорж НӨАТ-ын буцаан олголтыг дөрвөн хувь болгож нэмэх Н.Учрал гишүүний саналыг дэмжиж буйгаа илэрхийллээ. Тодруулбал:“Н.Учрал гишүүн НӨАТ-ын буцаан олголтыг дөрвөн хувь болгоё гэдэг санаачилга гаргасан. Ингэхдээ жишээгээ буруу авсны улмаас нийгэмд янз, янзаар яригдаж байна. Н.Учрал 40 хувийг нь буцаан олгоё гэж байгаа юм байна. Гэхдээ энэ талаар та хууль санаачилж болохгүй. Засгийн газар татвартай холбоотой хууль санаачлах эрхтэй. Харин би бол санаачилсан. Учир нь 2020 оны тавдугаар сарын 25-нд Үндсэн хуулийн нэмэлт, өөрчлөлт батлагдсан. Үүний өмнөх өдөр НӨАТ-ыг таван хувь болгох хууль өргөн барьчихсан юм. Өнөөдрийг хүртэл энэ хуулийг хэлэлцүүлэх гээд болохгүй байгаа. Тэгэхээр эдийн засаг хүндэрсэн, барааны үнэ өссөн энэ үед иргэддээ тодорхой эдийн засгийн боломж гаргаж өгөх хэрэгтэй байна. Бараа бүтээгдэхүүн борлуулах зардлууд дээр тавигддаг НӨАТ нэг талхан дээр гэхэд ойролцоогоор 110 төгрөг нэмэгдэж байна. Үүнийг шийдэх ёстой. Өнөөдрийн байдлаар 130 мянган ААН байна. Үүний 80 мянга нь НӨАТ төлөгч болчихсон. Таван хувь болгосноор татварын орлого багасна гээд байгаа. Үгүй. Нэг НӨАТ нэмэгдэхээр нөгөө НӨАТ төлөгчийг зайлшгүй бүртгэхээс аргагүй байдалд оруулдаг. Хоёрдугаарт, НӨАТ төлөгч зарим НӨАТ-аасаа зугтдаг. Харин нэг НӨАТ нэмэгдсэнээр нөгөө татвар төлөхөөс зугтаад байгаа этгээдийг илрүүлэх бүртгэлийн системийг голчилдог татварыг төсвийн орлого бүрдүүлэх хэмжээний өндөр байж болохгүй гэж үзэж байгаа. Миний санаачилсан хуулийн төсөлд НӨАТ-ыг таван хувь, буцаалт нь хоёр хувь болгоно гэдэг Н.Учрал гишүүний зориод байгаа 40 хувьтай тэнцэнэ гэсэн үг. Та нэгэнт хууль өргөн барих боломжгүй юм чинь энэ асуудалд МАН-ыг толгойлоод ажил хэрэг болгоход хамтдаа зүтгэе гэж уриалъя” хэмээв.
УБТЗ-ын калмар буюу чингэлэг өргөгч шатсан хэрэг гар лаа. Тодруулбал: УБТЗ-д байрлах чингэлэг өргөгч шатаж улмаар галын дуудлагын дагуу ОБЕГ-ын алба хаагчид шуурхай очин галыг бүрэн унтраагаад байна.
ЦЕГ-ын Эрүүгийн цагдаагийн албанаас өнөөдөр цахим аюулгүй байдал, хулгайлах, мал хулгайлах, дээрэмдэх гэмт хэргийн нөхцөл байдал, онцлог хэргүүдийн талаар мэдээлэл хийлээ. Энэ үеэр цахим орчинд бага насны хүүхдийн эсрэг үйлдэгдэж байгаа гэмт хэргийн нөхцөл байдлын талаар танилцуулсан юм. Тухайлбал, иргэн А нь 2020 онд фэйсбүүкт хуурамч хаяг үүсгэн бага насны охидын хаяг руу найзын хүсэлт илгээх замаар бага насны 84 охинтой танилцаж, бэлгийн харьцаанд орсон гэмт хэргийг илрүүлжээ. Тэрбээр тухайн охидыг айлган сүрдүүлж, ятгах болон гуйх байдлаар өөрсдөөр нь нүцгэн зураг, дүрс бүхий бичлэгийг нь хийлгүүлдэг байжээ. Улмаар дараа нь нүцгэн дүрс бичлэгээр нь айлган сүрдүүлж, заналхийлж бэлгийн харьцаанд ордог байсан нь тогтоогджээ.
