ХӨГЖЛИЙН БАНКНЫ ЗАХИРАЛ Н.МАНДУУЛ ТӨРИЙН ХЭМНЭЛТИЙН ХУУЛЬ ЗӨРЧИЖ , ХАЛАГДАХ БОЗЛОО ХАНГАЛАА !

06 / 19 0 сэтгэгдэл 1 247 үзсэнe

Засгийн газар хэмнэлтийн хууль санаачилж, УИХ хэлэлцэн батласан. Энэ дагуу УИХ-ын харьяа байгууллагууд төрийн байгууллага, төрийн өмчит газруудын дэд дарга, захирлуудыг цомхотгосон. Цомхотгохдоо өөр нэр өгч цалин хангамжийг хэвээр авч үлдэж болохгүй гэдгийг анхааруулсан. Учир нь цомхотгохоор өөр нэрээр аваад үлдчихдэг байв. Тухайлбал нийслэл УБ хот гэхэд орлогчуудаа төслийн удирдагч нэрээр орлогч даргатай ижил эрх мэдэл статустай байлгаж ирсэн. Тиймээс “Төрийн хэмнэлтийн тухай хуулийн 5.4-т : Энэ хуульд заасныг зөрчиж тэргүүн дэд, дэд, орлогч дарга, зөвлөхийн чиг үүрэгтэй ижил эрх, үүрэг бүхий өөр нэршилтэй албан тушаалын орон тоо бий болгох, түүнд аливаа албан тушаалтныг томилох, орон тоог хэвээр хадгалахыг хориглоно” гэж маш тодорхой зааж өгчээ. Гэсэн хэдий ч төрийн хууль, засгийн шийдвэрийг үл тоож буй том толгойтой дарга нарын нэгээр Хөгжлийн банкны захирал Н.Мандуул нэрлэгдэж буй. Хөгжлийн банк дэд захирлуудаа бөөнд нь нэг шат буулгаж, газрын дарга болгожээ. Газрын дарга нь хэлтсийн дарга, хэлтсийн дарга нь албаны дарга болж буусан ийм нүд хуурсан залиланг хэрэглэсэн газар ганц эднийх биш. Хөгжлийн банк мөн адил, газрын дарга нэртэй болсон хуучин дэд захирлуудын цалин хангамж, байр суурийг нь хэвээр хадгалан үлдээж хэмнэлтийн тухай хуулийг зөрчжээ. Төрийн банк болон Хөгжлийн банкны ТУЗ-ын дарга нь Сангийн яамны Төрийн нарийн бичгийн дарга Ж.Ганбат. Энэ хүний чиглэл удирдамжаар Хөгжлийн банкны захирал Н.Мандуул, Төрийн банкны захирал Ө.Гантөр нар ийм хууль зөрчсөн үйлдэл хийж сууна уу эсвэл өөрсдөө толгой мэдэн төрийн хэмнэлтийн хуулийг биелүүлэхээс татгалзав уу? Төрийн хэмнэлтийн тухай хуулийн 21.1-д “Төсвийн захирагч, энэ хуулийн 3.1.3, 3.1.4-т заасан этгээдийн гүйцэтгэх удирдлага болон холбогдох албан тушаалтан үйл ажиллагаандаа санхүүгийн сахилга бат, хэмнэлтийн горимыг мөрдөж ажиллаагүй нь тогтоогдсон бол ажлаас халах үндэслэл болно” гэж заасан. Иймд хөгжлийн банкны захирал Н.Мандуул Төрийн хэмнэлтийн хууль зөрчиж, халагдах болзлоо мөн хангаад байна.

ТӨРИЙН БАНКНЫ ЗАХИРАЛ Ө.ГАНТӨР ТӨРИЙН ХЭМНЭЛТИЙН ХУУЛЬ ЗӨРЧИЖ , ХАЛАГДАХ БОЛЗЛОО ХАНГАЛАА !

06 / 19 0 сэтгэгдэл 2 182 үзсэнe

Засгийн газар хэмнэлтийн хууль санаачилж, УИХ хэлэлцэн батласан. Энэ дагуу УИХ-ын харьяа байгууллагууд төрийн байгууллага, төрийн өмчит газруудын дэд дарга, захирлуудыг цомхотгосон. Цомхотгохдоо өөр нэр өгч цалин хангамжийг хэвээр авч үлдэж болохгүй гэдгийг анхааруулсан. Учир нь цомхотгохоор өөр нэрээр аваад үлдчихдэг байв. Тухайлбал нийслэл УБ хот гэхэд орлогчуудаа төслийн удирдагч нэрээр орлогч даргатай ижил эрх мэдэл статустай байлгаж ирсэн. Тиймээс “Төрийн хэмнэлтийн тухай хуулийн 5.4-т : Энэ хуульд заасныг зөрчиж тэргүүн дэд, дэд, орлогч дарга, зөвлөхийн чиг үүрэгтэй ижил эрх, үүрэг бүхий өөр нэршилтэй албан тушаалын орон тоо бий болгох, түүнд аливаа албан тушаалтныг томилох, орон тоог хэвээр хадгалахыг хориглоно” гэж маш тодорхой зааж өгчээ. Гэсэн хэдий ч төрийн хууль, засгийн шийдвэрийг үл тоож буй том толгойтой дарга нарын нэгээр Төрийн банкны захирал Ө.Гантөр нэрлэгдэж буй. Учир нь Төрийн банк цомхотгож халах ёстой дэд захирлуудаа газрын дарга, төслийн менежер гэхчилэн өөр нэр оноон тохоон томилоод цалин хангамжийг нь хэвээр үлдээжээ. Авдаг цалин, унадаг унаа, үүднийх нь туслах хүртэл хэвээр байхад хэмнэлт хийсэн гэж үзэх боломжгүй. ТУЗ-ын дарга, гүйцэтгэх захирлуудын энэ мэт сандал суудалдаа зууралдан үлдсэн башир үйлдлийг засгийн тэргүүн МУ-ын ерөнхий сайд мэдэхгүй байгаа юу, эсвэл мэдсэн ч мэдээгүй царайлж байгаа юу ? Төрийн банкны тухайд : Тус банк 5 дэд захирал, 1 ерөнхий эдийн засагчтай байсан бол : Санхүү хариуцсан дэд захирал Д.Баттулга эдүгээ Түр ажлын хэсгийн ахлагч , захирал, Үйл ажиллагаа хариуцсан дэд захирал О.Баасансүрэн, Эрсдэл хариуцсан дэд захирал А.Ганбаатар, Бизнес хариуцсан дэд захирал Д.Сугар, Ерөнхий эдийн засагч Ганзориг нар “Менежер” , Мэдээлэл технологи хариуцсан дэд захирал Г.Энхтамир “ Газрын дарга” болж албан тушаал нь өөрчлөгдөн томилогдоод байна. Гэсэн хэдий ч цалин хангамж нь хэвээр, албаны автомашин хөлөглөдөг боловч албаны өрөөндөө ч үзэгддэггүй хэвээр буй аж. Иймд Төрийн банкны захирал Ө.Гантөр ийнхүү хууль зөрчиж төрийн хэмнэлтийн хуулийг биелүүлэхээс татгалзаад байна. Төрийн хэмнэлтийн тухай хуулийн 21.1-д “Төсвийн захирагч, энэ хуулийн 3.1.3, 3.1.4-т заасан этгээдийн гүйцэтгэх удирдлага болон холбогдох албан тушаалтан үйл ажиллагаандаа санхүүгийн сахилга бат, хэмнэлтийн горимыг мөрдөж ажиллаагүй нь тогтоогдсон бол ажлаас халах үндэслэл болно” гэж заасан. Иймд тэрээр Төрийн хэмнэлтийн хууль зөрчиж, халагдах болзлоо хангалаа.

ЦЭРГИЙН ДҮЙЦҮҮЛЭХ АЛБА ХААГЧИД СУРГАЛТАД ХАМРАГДАЖ БАЙНА

06 / 17 0 сэтгэгдэл 344 үзсэнe

Нийслэлийн Засаг даргын 2022 оны А/771 дүгээр захирамжийн дагуу цэргийн албыг биеэр дүйцүүлэх албаны бэлтгэл сургалтыг Зэвсэгт хүчний 350 дугаар ангийн материаллаг баазыг түшиглэн зохион байгуулж байна. Сургалтаар цэргийн албыг биеэр дүйцүүлэн хааж байгаа иргэдэд орон нутгийн хамгаалалтад оролцох, гамшгаас хамгаалах, хүмүүнлэгийн үйл ажиллагаанд туслах, улс, орон нутгийн бүтээн байгуулалтад оролцох талаар мэдлэг, дадлага эзэмшүүлж, хууль тогтоомжоор хүлээсэн үүргээ биелүүлэх бэлтгэлийг олгох юм. Мөн батлан хамгаалах эрх зүй, цэрэг, эх оронч хүмүүжил, цэргийн нийтлэг дүрэм, үй олноор хөнөөх зэвсгээс хамгаалах, цэргийн инженер, биеийн тамирын бэлтгэл, амьд гарах ухаан зэрэг хичээл орно.

ЦЭЦЭРЛЭГИЙН ЭРХЛЭГЧ НАРТ ХҮНСНИЙ АЮУЛГҮЙ БАЙДЛЫН ТАЛААР СУРГАЛТ ЗОХИОН БАЙГУУЛАВ

06 / 16 0 сэтгэгдэл 220 үзсэнe

НЗДТГ-ын санаачилгаар Нийслэлийн Боловсролын газар, Шинжлэх ухаан технологийн их сургууль /ШУТИС/-ийн Үйлдвэрлэл технологийн сургуультай хамтран “Сургуулийн өмнөх боловсролын байгууллагын хүнсний аюулгүй байдал” сэдэвт сургалт, хэлэлцүүлэг зохион байгууллаа. Тус сургалт, хэлэлцүүлэг нь сургуулийн өмнөх боловсролын байгууллагын эрхлэгч нарт хүнс хүлээн авах, хадгалах, боловсруулах, түгээх үеийн хүнсний аюулгүй байдлын талаар мэдээлэл өгөх, санал солилцох зорилготой юм. НЗДТГ-ын Нийгмийн бодлогын хэлтсийн Боловсролын асуудал хариуцсан мэргэжилтэн Г.Гүррагчаа “Нийслэлийн хэмжээнд 680 орчим цэцэрлэг үйл ажиллагаа явуулдаг. Сургуулийн өмнөх боловсролын насны хүүхэд ихэнх цагийг цэцэрлэг дээрээ өнгөрүүлдэг учраас идэж буй хоол хүнсний эрүүл, аюулгүй байдал нэн чухал. Тиймээс хүүхдийн эрүүл мэнд, өсөлт хөгжилд анхаарах үүднээс сургалт зохион байгуулж байна” хэмээв. Өнөөдрийн сургалт, хэлэлцүүлэгт нийслэл дэх төрийн өмчийн 286 цэцэрлэгийн эрхлэгч болон хүнс хангамжийн дөрвөн аж ахуйн нэгж, ШУТИС-ийн Үйлдвэр технологийн сургуулийн харьяа Шим тэжээл судлалын төвийн төлөөлөл оролцлоо. Сургалтын үеэр Хоол, шим тэжээл ба хүүхдийн эрүүл мэнд, хоол зүйчийн оролцоо, Хүнсний бүтээгдэхүүний тээвэрлэлт, хадгалалтын үеийн аюулгүй байдал гэсэн сэдвүүдээр мэдээлэл өгсөн юм. Шим тэжээл судлалын төвөөс хоол, шим тэжээлийн тухай хэрэгцээт мэдээлэл бүхий цахим системийг нэвтрүүлж, мөн хүүхдийн хоолны стандарт, жор технологийг сайжруулах тухай ном гарган цэцэрлэгүүдэд тараажээ. Ингэснээр цэцэрлэгийн эрхлэгч, багш, тогооч зэрэг сургуулийн өмнөх боловсролын байгууллагын бүх албан хаагч хоол, шим тэжээлийн тухай мэдээ мэдээллийг авч, хоолны менежментээ сайжруулах боломжтой болж буй юм. Шим тэжээл судлалын төвийн захирал С.Баянжаргал “Хүнсний бүтээгдэхүүнийг хүлээн авах, үйлдвэрлэх, хүүхдэд хүргэхдээ маш сайн хяналт тавьж ажилласнаар хүүхэд багачуудыг эрүүл, аюулгүй хоол хүнсээр хангаж чадна. Хоолны цэс дээр сайтар анхаарч, боловсруулбал хүүхэд дутагдаж буй хэрэгцээтэй шим тэжээлээ авна” хэмээн онцлов. Сургалт, хэлэлцүүлэгт оролцсон эрхлэгч нарын зүгээс бага насны хүүхдийн эрүүл, зөв хооллолтод чухалчлан анхаарах, хүнсний хангамжийн аж ахуйн нэгжүүд хүнсээ аюулгүй хүргэх тухай мэдээлэл өгч буй нь маш үр өгөөжтэй болохыг хэлж байлаа.

СОНГИНОХАЙРХАН ДҮҮРЭГ ДЭХ ЦАГДААГИЙН ГАЗРЫН ХОЁРДУГААР ХЭЛТСИЙН МӨРДӨН БАЙЦААХ ТАСГИЙН АХЛАХ МӨРДӨГЧ, ЦАГДААГИЙН ХОШУУЧ А.АРИУНБОЛДТОЙ ЯРИЛЦЛАА

06 / 16 1 сэтгэгдэл 1 865 үзсэнe

Залилах гэмт хэргийн гаралт сүүлийн үед эрс нэмэгдэх болжээ. Энэ төрлийн гэмт хэргээс урьдчилан сэргийлэх талаар цагдаагийн байгууллага ямар арга хэмжээ авч, хэрэгжүүлж байна вэ? -Цагдаагийн байгууллагаас 2020, 2021 онуудад Ятгах тусам нягтал арга хэмжээг үе шаттай зохион байшуулсан бол энэ оны хувьд 2022 оны зургаадугаар сарын 13-ны өдрөөс эхлэн 14 хоногийн хугацаатай иргэдэд залилах гэмт хэргийн хор уршгийг таниулах, гэмт хэргийн хохирогч болоод байгааг ойлгуулах, хэрхэн энэ төрлийн гэмт хэргээс урьдчилан сэргийлэх чиглэлээр энэхүү арга хэмжээг зохион байгуулж байна. Сүүлийн 10 жилийн дунджаар залилах гэмт хэргийн үйлдлийг төрлөөр нь авч үзвэл: 60.6 хувь буюу 19558 хуурч мэхлэх, 23.8 хувь буюу 7704 итгэл эвдэх, 4.4 хувь нь 1434 гэрээ, хэлцэл байгуулах, 1.7 хувь нь 547 мөнгө зээлэх үйлдлийг хамгийн их ашигласан байна. Сүүлийн 2 жилд үйлдлийн арга, хэлбэр өөрчлөгдөж цахим орчинд уг гэмт хэргийг үйлдэх явдал ихээр гарах болсон. Цахим орчинд 2021 онд үйлдэгдсэн хэргийн 1307 буюу 37.7 хувь нь фейсбүүкээр мөнгө зээлэх, бараа худалдан авалт хийх, цахим орчинд харилцаа тогтоон тухайн хүнийхээ илтгэлийг олж мөнгө шилжүүлэх хүсэлт илгээх, бага хүүтэй зээл санал болгож урьдчилгаа шимтгэл авах, олны танил хүмүүс болон байгууллагын нэрийг барьж азтан тодруулах зэргээр залилсан бол 196 буюу 5.6 хувийг иргэдийн эмчилгээний зардал хүссэн хандивыг ашиглаж, 318 буюу 9.1 хувийг байр түрээслүүлэх зэрэг арга, хэлбэрээр залилсан байна. Энэ оны эхний 5 сарын байдлаар залилах гэмт хэргийн 3618 буюу 65.5 хувь нь цахим орчинд үйлдэгдсэний 1233 буюу 34.1 хувь фейсбүүкээр мөнгө зээлэх, бараа худалдан авалт хийх, цахим орчинд харилцаа тогтоон тухайн хүнийхээ илтгэлийг олж мөнгө шилжүүлэх хүсэлт илгээх, бага хүүтэй зээл санал болгож урьдчилгаа шимтгэл авах, олны танил хүмүүс болон байгууллагын нэрийг барьж азтан тодруулах зэргээр, 754 буюу 20.8 хувь нь хандив тусламж авахаар цахим орчинд хандсан иргэдийн фейсбүүк хаягийг ашиглан хуурамч данс нээж залилсан, 110 буюу 3.0 хувь нь байр түрээслэх, 1476 буюу 40.1 хувь нь бараа худалдан авалт, зээл авахаас өмнө шимтгэл төлөх, найз нөхдийн нэртэй хуурамч хаягаас яаралтай мөнгө зээлэх хүсэлтийг явуулж урьдчилан бэлтгэсэн дансанд мөнгийг шилжүүлж авах зэрэг арга хэлбэрээр үйлдэгджээ. -Сонгинохайрхан дүүргийн тухайд, залилах гэмт хэрэг ихэвчлэн ямар хэлбэрээр үйлдэгдэж байна вэ? -Манай дүүрэг, тэр дундаа Сонгинохайрхан дүүргийн цагдаагийн хоёрдугаар хэлтэст хамаарах нутаг дэвсгэрийн дийлэнх хувь нь гэр хороолол байдаг. Энэ онцлогоосоо хамаараад их хэмжээний мөнгөн дүн гэхээсээ илүүтэй жолооны үнэмлэх гаргаж өгнө, ангилал дарна, визэнд оруулна, орон сууц түрээслэнэ, цахим мөрийтэй тоглоом зохион байгуулах гэх мэт төрлийн залилан зонхилж байна. Түүнчлэн иргэдийн фэйсбүүкрүү хууль бусаар нэвтэрч, найз нөхөд, танилуудаас нь мөнгө авсан хэргүүд бүртгэгдэж байна. Оны хагас жилийн байдлаар залилах төрлийн 129 хэрэг бүртгэгдэхэд эдгээрийн 35 нь жолооны үнэмлэх гаргаж өгнө, ангилал дарна гэсэн хэрэг байгаа юм. -Залилах гэмт хэргээс урьдчилан сэргийлэх 14 хоногийн хугацаатай аян явуулж байгаа гэсэн. Энэ аяны хүрээнд ямар ямар арга хэмжээ зохион байгуулахаар төлөвлөөд байна вэ? -Мөрдөн байцаах алба, Цагдаагийн ерөнхий газрын урьдчилан сэргийлэх хэлтэс нь иргэдэд энэ төрлийн гэмт хэргийн хор уршгийг ойлгуулах, дахин энэ төрлийн гэмт хэрэгт өртөж хохирохгүй байхад анхаарч цахим хэлбэрээр мэдээ, мэдээллийг түгээн ажиллаж байна харин Сонгинохайрхан дүүрэг дэх цагдаагийн газрын хоёрдугаар хэлтсийн хувьд “Өрх бүрт зөвлөе” гэсэн уриатай арга хэмжээ зохион байгуулан ажиллаж байна. Энэ ямар учиртай арга хэмжээ вэ гэхээр бүх айл өрхүүд цахим орчин, фэйсбүүкээс гэмт хэргээс урьдчилан сэргийлэх мэдээ мэдээллийг авч чадахгүй байна аа тиймээс биечилсэн байдлаар хариуцсан нутаг дэвсгэрийн хэмжэээнд байгаа бүх айл өрхөөр орж энэ төрлийн болон бусад төрлийн гэмт хэргээс урьдчилан сэргийлэх яриа зөвлөгөө өгье гэсэн утгатай арга хэмжээ байгаа юм энэ арга хэмжээний хүрээнд нийт орох ёстой айл өрхийнхөө тал хувиар нь ороод байна Энэ нь иргэд зүгээр нэг уншаад өнгөрөх биш харилцан ярилцаж, мэдэхгүй хууль эрхзүйн зөвлөгөөгөө алба хаагчаас авах гээд давуу талуудтай учир үр дүнтэй гэж үзээд, энэ арга хэмжээг зохион байгуулж байна. -Залилах гэмт хэргийн хохирогч болсон иргэд хохирлоо бүрэн төлүүлж, хохиролгүй болж чаддаг уу? Залилах гэмт хэргийн улмаас 2021 онд 143.9 тэрбум төгрөгийн хохирол учирсны 5.6 тэрбум буюу 3.8 хувь нь цахим орчинд үйлдэгдсэн гэмт хэргийн улмаас учирсан. Залилах гэмт хэргээс учирсан хохирол 2012 онд 12.1 тэрбум төгрөг байсан бол 2021 онд 143.9 тэрбум болж өссөн. Мөн 2021 онд хохирол нөхөн төлүүлэлт 57.3 хувьтай байснаас цахим орчинд үйлдэгдсэн хэргийн хохирол болох 5.6 тэрбум төгрөгөөс 1.2 тэрбум төгрөг буюу 22.9 хувийг мөрдөн шалгах ажиллагааны явцад нөхөн төлүүлсэн. Тэгэхээр энэ төрлийн гэмт хэрэг үйлдсэн иргэд ихэнх энэ залилж авсан мөнгөө цааш нь зарцуулсан байдаг тул иргэд хаашаа хэнлүү ямар мөнгө шилжүүлж байгаагаа сайтар нягталж шилжүүлж байхыг анхааруулж байна Хэдийгээр хуульд ял шийтгэл өгөөд цаашид хохирлыг барагдуулах эрхзүйн зохицуулалт байдаг хэдий ч төдийлэн үр дүнд хүрдэггүй. -Залилах гэмт хэрэг үйлдсэн этгээдэд ямар ял шийтгэл оноодог вэ? - Эрүүгийн хуулийн тусгай ангийн 17 дүгээр зүйлд зааснаар 450 нэгжээс дээд тал нь арван хоёр жил хүртэл хугацаагаар хорих ял шийтгэхээр заасан байгаа Эцэст нь хэлэхэд ямар ч төрлийн гэрчилгээ , виз, үнэмлэхийг хувь хүн гаргаж өгдөггүй, үүнийг зөвхөн зохих хуулийн этгээд байгууллагууд гаргаж өгдөг гэдгийг иргэд мэдэх шаардлагатай байгаа юм. Түүнчлэн фэйсбүк болон цахим хэлбэрээр бусдад мөнгө шилжүүлэх гэж байгаа бол цаана ямар үр дүн байгааг сайтар судалж дээр дурдсан аливаа төрлийн залилан мэхлэх аргуудад автахгүй өөрийгөө болон ойр дотны хүмүүсээ хамгаалж анхаарал болгоомжтой байхыг цагдаагийн байгууллагаас зөвлөж байна

ЦАГ ҮЕИЙН НӨХЦӨЛ БАЙДАЛ ХҮНДЭРЧ, МОНГОЛ УЛС ТҮҮХЭНДЭЭ БАЙГААГҮЙГЭЭР СУЛЬДАН ДОРОЙТСОН БАЙНА

06 / 16 0 сэтгэгдэл 991 үзсэнe

Монгол Улсын гадаад өр нь улсын аюулгүй байдалд ноцтой хохирол учруулж, Тусгаар тогтнолоо алдаж болзошгүй аюултай цаг үед бид амьдарч байна. Монгол Улсын Үндэсний Аюулгүй байдалд онцгой аюул заналхийлэл үүссэн бодит нөхцөл байдлыг харгалзан үзэж, мөн өнөөгийн Засгийн эрхэнд гарсан МАН нь улс орноо хүнд хэцүү үед зөв шударга, зохистой удирдан авч явж чадахгүй улбаагаас шалтгаалан Монгол Улсын хил хязгаарын халдашгүй дархан байдал алдагдаж, хүнсний аюулгүй байдал аюултай түвшинд хүрч, хөх толбот Монгол Улсын иргэд цаашид эрүүл энх, айх аюулгүй амгалан тайван аж төрөх боломж хомсдсоныг үндэслэн дараах цаазыг тунхаглан зарлаж байна: Энэ цаг үеэс Монголын газар шороо Монгол хүн, Монголын оршихуй буюу Монголын заяа ХАЛДАШГҮЙ ДАРХАН байхыг цаазлан тунхаглаж, батлан хамгаалахаа илэрхийлж байна. Монгол Улсын төлөө тангараг өргөсөн, Монголын Үндэсний аюулгүй байдлын зөвлөлийн тэргүүн, эрхэм Ерөнхийлөгч та энэхүү цаазыг дэмжин, ард түмэнтэйгээ нэгдэн Монгол Улс, Монгол голомт, Монгол заяагаа хамгаалахын төлөө шаардлагатай арга хэмжээ авна гэдэгт итгэлтэй байна. Үүний тулд дараах арга хэмжээнүүдийг ард түмэнтэйгээ хамтран хэрэгжүүлэхийг уриалж байна. Нэг. Үндсэн хуулийн 6.2-д заасан төрийн нийтийн гэсэн заалтаас нийтийн гэсэн үгийг хасах. Хоёр. Харь хүнээр хүнсээ бэлтгүүлдэг тогтолцоог халж, Хятад иргэд Монголд махны үйлдвэрүүд хяналтгүй ажиллуулж буйг таслан зогсоож, зөвхөн Монголын иргэд, аж ахуйн нэгжүүд мах бэлтгэл, нийлүүлэлтийн асуудлыг хариуцан хэрэгжүүлдэг болгох хяналт хариуцлагыг чангатгах Гурав. Уул уурхайн замбараагүй үйл ажиллагаанаас үүдэн байгаль орчин доройтож, ундны ус ширгэж, гол мөрөн хатаж, малын бэлчээр хумигдаж, цөлжилт давамгайлах аюул нүүрлэсэн эдүгээ байдалд онцгой анхаарал хандуулж, шийдвэртэй арга хэмжээ авах Дөрөв. Вакцинжуулалтаас үүдсэн хүн амын өвчлөл, нас баралтын учир шалтгааныг тогтоож, дүгнэлт өгч, хариуцлага тооцох, хохирогсод шаардагдах нөхөн төлбөрийг олгох Тав. Монгол Улсын Засгийн газар газар шороог цахим дуудлага худалдаагаар наймаалцахаар зэхэж байгаагийн цаана БНХАУ-аас их хэмжээний зээл авах асуудал хавсарч гүйцэлдэх аюул байж болзошгүйг тооцон үндэсний аюулгүй байдалд хохирол авчрах энэхүү болчимгүй бусармаг бодлогыг нэн даруй зогсоох. Их хэмжээний зээл авч, улс орныг өрөнд нэрвэгдүүлж, ялангуяа нэг улсаас өр зээлээр хамааралтай болгох нь нэн аюултайг анхааруулж байна. Эдгээр таван заалт бүхий мэдэгдлийн хариуг 24 цагийн дотор өгөхийг хүсэж байна.

ДАВХАР ТҮРЭЭСИЙН ЗАЛИЛАН ХИЙДЭГ 23 НАСТАЙ ЭМЭГТЭЙ 75 УДААГИЙН ҮЙЛДЛЭЭР ШАЛГАГДАЖ ШҮҮХЭЭС 10 ЖИЛИЙН ХОРИХ ЯЛ АВЧЭЭ

06 / 16 0 сэтгэгдэл 20 167 үзсэнe

Орон сууцны давхар түрээсийн залилан газар авч, бүр энэ сэдвээр уран сайхны кино хүртэл хийгдээд байхад л хохирогч нар гарч ирсээр байна. Хуурамч байрны гэрчилгээ үзүүлж айлаас түрээслэсэн байраа өөр хүнд давхар түрээслүүлж залилдаг залилагч нар ихэвчлэн бүсгүйчүүд байдаг байна. Тэд бүр ялаас мултрах нарийн аргатай. Жирэмсэн, сэтгэцийн өвчтэй, хэрэг хүлээн чадваргүй гэсэн тодорхойлолт гаргуулж хэрэг үйлддэг байна. БГД-ийн шүүхээс 23 настай эмэгтэй байр түрээслэх нэрээр залилан хийж, иргэдийг хохироосон хэрэгт 10 жилийн хорих ял оноожээ. Мөрдөн шалгах ажиллагааны үеэр залилагч Ж зургаан удаагийн үйлдэлтэй болохыг нь тогтоож цагдан хорьжээ. Гэвч тэрбээр энэ үеэр жирэмсэн байсан тул батлан даалтад гаргажээ. Гэтэл батлан даалтад байх хугацаандаа дахин иргэдийг залилж, нийт 75 удаагийн давтан үйлдэлтэйгээр буцаад цагдан хоригдож, шүүх түүний гэмт буруутайг хэлэлцэн 10 жилийн хорих ял оноож, одоогоор хориход хүүхэдтэйгээ хүмүүжиж байна. “Ялаас мултрах” аргаа маш нарийн боловсруулж давхар түрээсийн залилан хийдэг бүсгүйчүүдээс болгоомжил Өнөөдрийн байдлаар давхар түрээсийн залилан хийж иргэдийг хохироосон 110 эрүүгийн хэрэг шалгагдаж байна. Залилагч нар нь ихэвчлэн эмэгтэйчүүд. Арга нь нарийссан залилагч нартай хэн ч учирч, хэзээ ч ямар ч байдлаар хохирох эрсдэлтэй. Ялангуяа ипотекийн зээл гарахгүй, түрээсийн байраар амьдрах айл өрхүүдийн тоо өсөн нэмэгдэж байгаа ийм үед ямар байдлаар хандах ёстой зөвлөмжийг Цагдаагийн байгууллагаас гаргаад байна. Манай улсад залилангийн гэмт хэргийг ганцхан Эрүүгийн тухай хуулийн 17.3 дугаар зүйл заалтаар хэрэг үүсгэж, мөрлөн шалгаж, хариуцлага тооцдог. Гэтэл залилангийн нэр төрлүүд олширч, цахим руу шилжиж, улс үндэстэн дамнасан олон улсын залилагч нарын бүлэглэл ажиллаж байхад хууль тогтоомж хангалтгүй байгааг мөрдөн байцаагч нар болон хохирсон иргэд хэлж байна. Гэмт этгээдүүдийн давхар түрээс, орон сууц худалдах, давхар захиалга авах зэргээр үл хөдлөхтэй холбоотой дараах үйлдлүүдийг маш нарийн зохион байгуулалттайгаар бүлэглэн хийдэгийг хуулийн байгууллагаас тогтоож, иргэдэд сэрэмжлүүлж байна. Үл хөдлөх хөрөнгийн гэрчилгээний үнэт цаасыг ашиглан эзэмшигчийн мэдээлэл, үл хөдлөх хөрөнгийн хаяг байршил, гэрчилгээний Ү дугаар, улсын бүртгэгчийн гарын үсэг, тэмдэг зэргийг өөрчлөн хуурамч бичилт хийх, Цахим ТҮЦ машины үл хөдлөх эд хөрөнгийн лавлагааг хуурамчаар үйлдэж ашиглах, Хуурамчаар үйлдсэн үл хөдлөх хөрөнгийн гэрчилгээ, цахим ТҮЦ машины лавлагааг ашиглан арилжааны банк, ББСБ, ХЗХ-ноос үл хөдлөх эд хөрөнгө барьцаалсан их хэмжээний зээл гаргуулан авах; Арилжааны банк, ББСБ-ын зээлийн мэргэжилтэн судалгаа хийж барьцаанд тавьж байгаа үл хөдлөх эд хөрөнгийн хаягаар очиж шалгах үед тухайн орон сууцыг урьдчилан түрээсэлж, өөрийн өмчлөлийн эд хөрөнгө мэтээр тохижуулан танилцуулах байдлаар зээлийн эдийн засагчийн итгэл үнэмшлийг олох Барьцаа, зээлийн гэрээнүүдийг байгуулсны дараа Оюуны өмч, Улсын бүртгэлийн ерөнхий газрын улсын бүртгэгчийн тэмдэг, гарын үсгийг хуурамчаар үйлдэж, материалыг зээлийн эдийн засагчид өгөх, Арилжааны банк, ББСБ-аас зээл авах сонирхолтой иргэдэд хуурамч үл хөдлөх эд хөрөнгийн гэрчилгээ, цахим ТҮЦ машины лавлагаа зэргийг гарган өгөх, зээлийн гэрээ, барьцааны гэрээн дээр улсын бүртгэгчийн гарын үсэг, тэмдгийг дуурайлган үйлдэх зэргийг дурьдаж болно. Харамсалтай нь сануулсаар байхад иргэд аль хэдийнээ залилуулчихсан байдаг. Тиймээс байр түрээслэх гэж байгаа бол, худалдах, худалдан авах гэрээ хийх гэж байгаа бол гэрчилгээний нууцлалыг шалгуулах, адаглаад тухайн орон сууцны харьяалагдаж байгаа СӨХ-рүү очиж хэний нэр дээр байдаг байр болох, жинхэнэ эзэн нь ямар хүн гэдгийг шалгуулчихад л гэмт хэргээс, хохирлоос өөрийгөө болон гэр бүлээ урьдчилан сэргийлэх боломж бүрдэх юм.

МОНГОЛЫН ХАМГИЙН ТОМ МОНГОЛЫН ҮНДЭСНИЙ ИХ СУРГУУЛИЙН 2022-2023 ОНЫ ХИЧЭЭЛИЙН ЖИЛИЙН УРЬДЧИЛСАН ОНЛАЙН БҮРТГЭЛ ЭХЭЛЛЭЭ

06 / 16 0 сэтгэгдэл 838 үзсэнe

“Олон улсад эрэлт хэрэгцээтэй 250 гаруй мэргэжил”-ээс сонгон суралцаж хос дипломтой төгсөх боломжийг бид таньд олгож байна. Мөн ЭЕШ-ийн 550-с дээш оноо авсан сурагч бүр 1-р курсдээ маркетинг, менежментийн 15 кредитийн багц хичээлийг үнэ төлбөргүй суралцах боломжтой. Harvard болон Stanford-ын их сургуулийн сургалтын агуулгаар хичээл заадаг мөн хамгийн тав тухтай орчин, дэвшилтэд тоног төхөөрөмжөөр тоноглогдсон цорын ганц сургууль.

“ЭЭЛТЭЙ ЭКСПО-2022” ХӨГЖЛИЙН БЭРХШЭЭЛТЭЙ ИРГЭДИЙН, ҮЙЛДВЭРЛЭЛ БҮТЭЭЛИЙН ҮЗЭСГЭЛЭН ХУДАЛДАА БОЛЛОО

06 / 15 0 сэтгэгдэл 315 үзсэнe

Тус арга хэмжээг аймгийн ХХҮГ-аас зохион байгуулж, ХБИ-ийн хийсэн бүтээгдэхүүнүүдээр үзэсгэлэн худалдааг зохион байгууллаа. Аймаг орон нутгаас иргэдийн амьжиргааг дээшлүүлэх, хөдөлмөр эрхлэлтийг дэмжих зорилгоор “Өсөлтийг өрх бүрд” хөтөлбөрийн хүрээнд хувиараа хөдөлмөр эрхэлж байгаа хөгжлийн бэрхшээлтэй иргэдийн дунд төслийн уралдаан зарлаж шалгарсан иргэдэд батламжийг гардууллаа. Нийт 34 иргэний төсөл шалгарснаас уг арга хэмжээнд оролцсон 12 иргэний батламжийг өнөөдөр гардуулан өглөө.

ХЭНЭЭР НЬ ТУГ ТАХИХ ВЭ?

06 / 13 0 сэтгэгдэл 890 үзсэнe

Монгол улсын хууль хүчний салбар болох цагдаагийн байгууллага, Хэвлэл мэдээллийн салбар хоорондын зөрчилдөөн ширүүсэж, тэмцлийн хурц хэлбэрт шилжиж эхэллээ. Аль аль нь ард түмний төлөө тангараг өргөцгөөсөн энэ байгууллагынхан өвөр түрүүндээ хөнжилөө жийлцээд нэгэнт эхэлсэнээс хойш таарамж муутай болж, зарим нэгэнд нь хүч хэрэглэн 6 цаг шалан дээр хэвтүүлж, чаддаг юм бол дугараарай гэх мэтчилэнгээр сэтгүүлчийг доромжилсон гэх. Гэтэл яг үнэндээ энэ хоёр байгууллагын дундах тулааныг хэн зохион байгуулав.Төрийн өмчийн газар барьсан хувийн хэвшлийн байгууллагын хэдэн гэрийг буулгахад ямар учраас ач холбогдол өгөв. Ингэх нь хэнд ашигтай нөхцөл байдлыг үүсгэх болов. Нөгөө Монголыг Монголоор нь устгуулах, хооронд нь зөрчилдүүлэх, талцуулах бодлогын ээлжит хохирогчид нь эдгээр байгууллагууд болж таарав уу эсвэл сонгогдов уу гэх асуулт гарч ирж байна. Үнэхээр сонгогдсон бол ард түмэн бидний хэвлэн нийтлэх, үзэл бодлоо илэрхийлэх эрх устаж, төрийн өмнөөс дуугарах дуу хоолойгоо боомилуулж байна. Хууль хүчний байгууллага нь ч мөн ард түмнийхээ өмнө хариуцлага ярих, хуулиа биелүүлэхэд итгэхэд бэрх болох нь.Гэтэл үүний ард эдгээр байгууллагын ажилчдын гэр бүл, цаашлаад аж төрөх, амьдрах баталгаа яригдана. Үүний тод жишээ нь 2022 оны 06-р сарын 13 ны өдөр болох Цагдаагийн алба хаагчдын гэр бүлийн гишүүд Цагдаагийн ерөнхий газрын үүдэнд жагсах жагсаал юм.Энэ жагсаалтай зэрэгцээд Төв талбай дээр Хэвлэлийн салбарынхан тайвнаар жагсана. Сөргөлдөнө, маргалдагч талынханд эвлэрэх зам нь гэмгүй олон хүчний байгууллагын энгийн олон ажилчид болж таарах вий.Гагцхүү үнэн гэвэл тухайн өдөр, тухайн цагт ямар удирдлага нь хоёр байгууллагынханыг хооронд нь зөрчилдүүлэх бодлого явуулсан бэ? Тэр хүн нь яагаад гарч ирэхгүй тушаал биелүүлсэн ажилчидаараа ТУГ ТАХИХ гээд зогсож байна вэ? гэдгийг ил тод болгох шаардлагатай. Иймэрхүү улс эх орныхоо эсрэг зориудаар жигшүүрт хэрэг хийж буй эрх мэдэлтэй өндөр албан тушаалтануудыг хамтын хүчээр буулгахыг шаардая. Энэ хүчний байгууллагад Шинэ салхи сэвэлзүүлье. Ингэхгүй л бол бохир тоглоомны хохирогчидоор энгийн албан үүргээ гүйцэтгэж яваа төрийн эгэл алба хаагчид хохирч эхлээд байна.Ингэж цөөхөн хэдхэн монголчуудыг Хамгаалалтгүй болгох гэсэн Дээдсүүдийг өөрсдөөр нь өөрсдийг нь ТУГ ТАХИЯ....