БУМХИШИГТЭЙ ХОЛБООТОЙ АСУУДЛААР ГАДААД ХЭРГИЙН ЯАМНААС ТАЙЛБАР ӨГЛӨӨ

09 / 09 0 сэтгэгдэл 783 үзсэнe

Монгол Улсын иргэн Б 2022 оны 9 дүгээр сарын 6-ны өдөр БНКирУ-ын Ош мужийн нутаг дэвсгэр Памира уулын Лениний оргилд гарах гэж яваад хоёр хөлөө гэмтээсний улмаас 5800 метрийн өндөрт гацсан тухай мэдээллийг Монгол Улсаас БНКирУ-д суугаа ЭСЯ-аар дамжуулан хүлээн авсан даруйд ар гэрийг нь тогтоон, холбогдох дэмжлэгийг үзүүлж ажиллаж байна. БНКирУ-д суугаа манай ЭСЯ-наас Киргиз Улсын ГХЯ, Онцгой байдлын яам, Онцгой байдлын удирдлагын төвтэй шуурхай хамтран ажиллахын зэрэгцээ иргэн Б-тэй тогтмол холбогдож байна. Иргэний сэтгэл зүй, биеийн байдал хэвийн байгаа бөгөөд одоогийн байдлаар 5800 метрийн өндөрт майханд 3 хоногийн хоол ундны нөөц, хийн зуухтай байрлаж байгаагаа мэдээлсэн байна. Цаг агаарын хувьд шөнөдөө -9, өдөртөө 10 градусын хооронд тогтуун байдалтай байна. Иргэнийг авчрахаар Монголоос явсан 2 уулчин киргизийн 4 уулчны хамт өнөөдөр өглөө /09.09/ авиралтаа эхлүүлж, урьдчилсан тооцоогоор маргааш өглөө гэмтсэн уулчны байгаа газарт очих, 2-3 хоногийн дараа бууж ирэх юм. Эдгээр уулчид 3000 метрээс доош бууж ирсэн даруйд Ош хотын онцгой байдлын албан хаагчид тосон авахаар бэлтгэж байгаа болно.

ХӨДӨӨ АЖ АХУЙН БИРЖИЙН ҮЙЛ АЖИЛЛАГААГ СОНГОДОГ УТГААР НЬ ХӨГЖҮҮЛНЭ

09 / 09 0 сэтгэгдэл 547 үзсэнe

“Хөдөө аж ахуйн гаралтай бараа, түүхий эдийн биржийн тухай” хуулийн хэрэгжилтийг хангах зорилгоор “Хөдөө аж ахуйн бирж” ХХК-ийг 2013 онд үүсгэн байгуулсан. Ингэснээр Монгол Улсад анх удаа энэ салбарын бараа, түүхий эдийн зах зээлийн харилцааг биржийн тогтолцоогоор зохицуулах боломж бүрдсэн. Үүнээс хойш 10 орчим жил өнгөрсөн ч ноос, ноолуур, тосны ургамал, ямааны завод ноос зэрэг цөөн тооны бүтээгдэхүүн дээр бирж үйл ажиллагаагаа явуулж байна. Сүүлийн хоёр жил бирж ашигтай ажиллаж байгаа ч үйл ажиллагааг нь эрс өөрчилж, сонгодог утгаар нь хөгжүүлэх хэрэгцээ шаардлага хэдийнэ үүсэж бий болсон. ХХААХҮ-ийн сайд Х.Болорчулуун: "Монгол Улсад малаас гарч байгаа түүхий эд үнэгүйдэж, ямар ч хэрэгцээгүй хог хаягдал болох хэмжээнд хүрсэн. Тиймээс бодлогын хэмжээнд биржийн үйл ажиллагааг олон төрлөөр зохион байгуулж, солонгоруулан ажиллах шаардлагатай байна. Бирж сонгодог утгаараа хөгжсөнөөр дундын зуучлагч буюу ченжийн зах зээлийг хязгаарлах боломж бүрдэнэ" гэдгийг онцоллоо. Биржийн үйл ажиллагааг зохион байгуулах суурь хууль эрх зүйн орчин бүрдсэн, олон улсын блокчейн технологийг нэвтрүүлсэн тул энэ боломжоо бүрэн дайчлах, цаашид Цахим хөгжил, харилцаа холбооны яамтай хамтран ажиллаж өрсөлдөх чадвараа сайжруулахыг шаардлагатайг биржийн удирдлага, ажилтнуудад сайд Bolorchuluun Khayangaa онцгойлон үүрэг чиглэл болголоо.

ШШҮХ-Д АЖИЛЛАЖ БАЙСАН ЦАГДААГИЙН АЖИЛТАН ТТАХНЭ-ИЙН ДОЛООН ДАВХРААС УНАЖ НАС БАРЖЭЭ

09 / 09 0 сэтгэгдэл 851 үзсэнe

Өчигдөр оройн /2022.09.08/ 17:00 цагийн орчин Төрийн тусгай алба хаагчийн нэгдсэн эмнэлгийн долоон давхраас эрэгтэй хүн унаж нас барсан байна. Уг хэргийг Чингэлтэй дүүргийн цагдаагийн нэгдүгээр хэлтсээс шалгахад амь хохирогч нь ШШҮХ-д ажиллаж байсан цагдаагийн ажилтан 30 настай, эрэгтэй н.н байсан нь урьдчилсан байдлаар тогтоогджээ. Тэрээр уг эмнэлэгт хэвтэн эмлчүүлж байсан аж. Өндрөөс унаад амьд байхад нь түүнд эмнэлгийн үйлчилгээ үзүүлсэн ч бэртлээ даалгүй өөд болсон байна.

АЛГА БОЛСОН ХҮҮ ХҮҮХЭД ХАМГААЛЛЫН 108 ТӨВД ХАНДСАН БАЙЖЭЭ

09 / 09 1 сэтгэгдэл 632 үзсэнe

Есдүгээр сарын 8-ны өдөр Цагдаагийн байгууллагад БЗД-ийн 21-р хорооны 127-р сургуулиас нэгэн хүү хичээлээ тараад гэртээ ирээгүй алга болсон дуудлага иржээ. Хүү хичээлээ тараад хүүхэд хамгааллын 108 төв дээр өөрөө ирсэн байна. Ээж, аав нь нас барсан учраас ээжийнхээ дүүгийнд амьдардаг байжээ. Xүүг тухайн ар гэрийнхэн нь зоддог учраас өөрөө ийнхүү 108 төвд хандахаас аргагүй болсон гэжээ.

СОГТУУ ЭМЭГТЭЙГ ДЭЭРЭМДСЭН ТАКСИНЫ ЖОЛООЧ ЯЛ ЭДЛЭХЭЭР БОЛЛОО

09 / 09 0 сэтгэгдэл 916 үзсэнe

Хувиараа таксинд явдаг 33 настай Б 2021 оны аравдугаар сарын 20-21-нд шилжих шөнө Дарь-Эх рүү гэртээ хүргүүлэхээр суусан эмэгтэйн согтуурсан байдлыг далимдуулан биед нь халджээ. Тодруулбал, Баянхошуу руу авч явж, гудамжинд эмэгтэйг чирч буулгаад цүнхийг нь авч зугтаж явсан гэмт хэрэгт холбогджээ. Сонгинохайрхан дүүргийн эрүүгийн хэргийн анхан шатны шүүх болон Нийслэлийн Эрүүгийн хэргийн давж заалдах шатны шүүхээс шүүгдэгч Б-г бусдын эд хөрөнгийг хүч хэрэглэсэн гэмт хэрэг үйлдсэн гэм буруутайд тооцож, нэг жил хоёр сарын хугацаагаар хорих ял оногдуулж, уг ялыг нээлттэй хорих байгууллагад эдлүүлэхээр шийдвэрлэсэн байна. Харин Дээд шүүхээс Б-г бусдын эд хөрөнгийг илээр, хүч хэрэглэхгүйгээр, хууль бусаар авсан гэмт хэргийг үйлдсэн гэм буруутайд тооцож, ялыг нь нэг жил болгон бууруулжээ.

САЙЖРУУЛСАН ШАХМАЛ ТҮЛШИЙГ ЭНЭ САРЫН 15-НААС БОРЛУУЛНА

09 / 08 0 сэтгэгдэл 607 үзсэнe

Нийслэлийн хэмжээнд одоогоор 95 мянган тонн сайжруулсан шахмал түлшийг нөөцлөөд байна. Тодруулбал, Баянзүрх дүүрэгт 9 агуулахад 13 мянга, Сонгинохайрхан дүүрэгт 11 агуулахад 26 мянга, Чингэлтэй, Сүхбаатар дүүрэгт тус бүр 4 агуулахад 11 мянга, Баянгол дүүрэгт 4 агуулахад 7 мянга, Хан-Уул дүүрэгт 6 агуулахад 13 мянга, Налайх дүүрэгт 4 агуулахад 4165 тонн, “Таван толгой түлш” ХХК-ийн үйлдвэрт 7436 тонн түлш нөөцөлжээ. НИТХ-ын ээлжит хуралдааны үеэр Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө сайжруулсан шахмал түлшний талаар ярихдаа: “Энэ оны 1 дүгээр сарын 1-нээс 9 дүгээр сарын 6 хүртэл тээврийн 31 компанитай гэрээ байгуулсан. Тэдгээр компаниуд 392100 тн сайжруулсан шахмал түлш тээвэрлэсэн. 2020 онд 22 тээврийн компани, 2021 онд 35 тээврийн компанийг сонгон шалгаруулж байсан. 2022-2023 оны халаалтын улиралд нийслэлийн агаарын чанарын бүсэд сайжруулсан түлшний 650 цэгийг сонгон шалгаруулахаар төлөвлөсөн”-ийг дурдав. Ажлын хэсэг нийслэлийн 7 дүүрэгт сайжруулсан түлш борлуулах хүсэлтээ ирүүлсэн 650 цэгтэй танилцсан. Энэ сарын 15-аас эхлэн шаардлага хангасан борлуулалтын цэгүүдийн үйл ажиллагааг эхлүүлэхээр бэлтгэл хангалаа. Цар тахлын үед сайжруулсан шахмал түлшийг 50-75 хувь хүртэл хөнгөлөлттэй үнээр борлуулж байсан. Нэг шуудай түлшний үнэ 3875 төгрөг. Засгийн газраас үнэ хямдруулах эсэхийг шийднэ. Гэр хорооллын өндөрлөг байршлуудад борлуулалтын цэг ажиллуулна. Шаардлагатай тохиолдолд борлуулалтын цэгийг нэмэх боломжтой аж. Агаарын чанарын бүсэд Налайх дүүрэг энэ жилээс орж байгаа бөгөөд сайжруулсан шахмал түлшийг анх удаа хэрэглэнэ. Налайх дүүргийн нийт хүн амын 70 хувь буюу 7691 өрх гэр хороололд амьдардаг. БОАЖЯ-нд нээлттэй тендер зарлан тэдгээр өрхөд угаарын хий мэдрэгч тараах бэлтгэл хангаж байгааг Хотын орлогч дарга мэдээллээ.

ДИЗЕЛИЙН ҮНЭ НЭМЭГДСЭНЭЭС ХӨДӨӨГИЙН ИРГЭД АСАР ҮНЭТЭЙ БАРАА, БҮТЭЭГДЭХҮҮН ХЭРЭГЛЭЖ БАЙНА

09 / 08 0 сэтгэгдэл 601 үзсэнe

Ардчилсан намаас цаг үеийн асуудлаар мэдээлэл хийлээ. Тус намын дэд дарга Ч.Отгочулуу "Инфляц 16 хувьтай гарчээ. Олон жилийн дунджаас үзэхэд өдийд инфляц хасахтай гардаг. Гэтэл энэ жил 16 байгаа нь сүүлийн жилүүдэд тохиогоогүй үзэгдэл. Инфляцын нөлөөнд хөдөө, орон нутгийнхан маш их өртөж байна. Хотоос хөдөө рүү ачаа зөөж байгаа бүх автомашин дизель шатахуун хэрэглэдэг. Манай Засгийн газраас 92 авто бензин хэрэглэдэг сонгогчдод зориулж шатахууны үнийг хямд байлгасан. Үүний ачааллыг дизельд нэмсэн. Дизелийн үнээр дамжаад орон нутгийнхан асар үнэтэй зүйл хэрэглэж байна. Жишээлбэл, өнгөрсөн жил 100 мянган төгрөгөөр авдаг байсан бараа, бүтээгдэхүүнээ өнөөдөр 200 мянгаар авч чадахгүйд хүрсэн олон айл бий. Инфляцын алдааг олон улстай холбож их ярьж байна. Гэтэл 70-80 хувь нь бодлогын алдаатай холбоотой" гэлээ. АН-ын нарийн бичгийн дарга Ч.Өнөрбаяр "МАН-ын ерөнхий нарийн бичгийн дарга нь ЗГХЭГ-ын дарга болчихлоо. Өөрөөр хэлбэл, Засгийн газрын гал тогоог барьж байна. Энэ бол буцаад 90 оны нам, төр нэг байдаг тогтолцоо руу Монгол Улс явж буйн илрэл. Ингэж болохгүй ээ. Нам, төр ялгарахаа байж татвар төлөгчдийн бүх мөнгийг 2024 оны сонгуульд зарцуулах гэж байна. Эрх баригчид Үндсэн хуулийн нэмэлт өөрчлөлт хийхийн тулд Үндсэн хуулийн цэцийг ашигласан. Цэцийн есөн гишүүн Үндсэн хуулиараа тоглосон. УИХ-ын гишүүдийн тоог нэмэх ёстой гэдэг тогтоолыг Цэц гаргаж, үүний дагуу УИХ Үндсэн хуулиа өөрчлөх гэж байх шиг байна. Гэхдээ үүний тулд кноп хэрэгтэй байгаа учраас АН-ын бүлгээр тоглосон. Манай намын бүлгийн даргыг огцруулсан асуудлыг явж, явж УИХ дээр МАН-ын нам хүч түрээд хийчихлээ. АН-ын бүлгийн асуудал Г.Занданшатарт ямар ч хамаагүй" гэв.

МХЕГ: ЭКСПОРТЫН МАХ БЭЛТГЭХ ЭРХГҮЙ ҮЙЛДВЭРҮҮДЭД ШАЛГАЛТ ХИЙЖ ХОЁР ААН-ИЙН ҮЙЛ АЖИЛЛАГААГ БҮРЭН ЗОГСООСОН

09 / 08 0 сэтгэгдэл 719 үзсэнe

Мэргэжлийн хяналтын ерөнхий газраас мах, махан бүтээгдэхүүнд улсын хэмжээнд хийсэн хяналт шалгалтын талаар өнөөдөр танилцуулсан. МХЕГ-ын дарга Б.Баасандорж "Экспортын мах бэлтгэх, экспортын мах бэлтгэх эрхгүй үйлдвэрүүдэд шалгалт хийж, зөрчлүүд илрүүлсэн. Нийт 51 аж ахуйн нэгжээс хоёр нь үйл ажиллагаагаа бүрэн зогсоосон байсан. Тиймээс мэргэжлийн хяналтын байгууллага 49 үйлдвэрт хяналт тавьж ажиллалаа. Нэгдүгээрт, дулааны аргаар мах бэлтгэж, экспортод гаргах эрхтэй 17 үйлдвэрээс 12-ын үйл ажиллагааг үргэлжлүүлж байна. Эдгээр аж ахуйн нэгжийн 6000 гаруй тонн махыг өчигдрөөс Хятад руу гаргаж эхэлсэн. Мах экспортлох эрхгүй байж дулааны аргаар мах бэлтгэсэн долоон үйлдвэр байна. Тухайлбал, "Үүлэнгөү" ХХК, "БӨКТ" ХХК, "Натурал грийн фүүдс" ХХК, "Оргилон гүн" ХХК зэрэг аж ахуйн нэгжийн 541 тонн махыг МХЕГ-аас ХХААХҮЯ, ГЕГ-т шилжүүлсэн. Гуравдугаарт, стандарт шаардлага хангаагүй 507 тонн мах нянгийн үзүүлэлт өндөр гарсан тул албадлагын арга хэмжээ авч хурааж, Зөрчлийн тухай хуулийн дагуу устгах эсэхийг шийднэ. МХЕГ-ын шийдвэрээр энэ махыг Хүнсний тухай хуульд зааснаар зайлшгүй устгах шаардлагатай гэсэн дүгнэлт гарсан" гэлээ.

МАШИНЫ ЯНДАНГААС ГАРАХ ДУУ ЧИМЭЭНД ХЯНАЛТ ШАЛГАЛТ ТАВЬЖ АРГА ХЭМЖЭЭ АВЧ БАЙНА

09 / 08 0 сэтгэгдэл 736 үзсэнe

Тээврийн цагдаагийн албанаас албанаас Автотээврийн үндэсний төвтэй хамтран нийслэл хотын нутаг дэвсгэрт замын хөдөлгөөнд оролцож байгаа “Мотоцикл болон тээврийн хэрэгслийн яндангаас гарах дуу чимээ” стандартын хэмжээнээс хэтэрсэн, Монгол Улсын Замын хөдөлгөөний дүрмийн 4 дүгээр хавсралтын 4.4-д заасан “Яндан, дуу намсгуур гэмтсэн буюу байхгүй болсон, яндангаас гарах дуу чимээний түвшин MNS:4599 стандартад тогтоосон хэмжээнээс хэтэрсэн”, “Автотээврийн хөдлөх бүрэлдэхүүний эргономикийн үзүүлэлтүүд” MNS4599:2003 стандартын шаардлага хангаагүй, тээврийн хэрэгсэл жолоодон замын хөдөлгөөнд өдөр, шөнийн цагт оролцон иргэдийн амгалан тайван байдлыг алдагдуулж байгаа зөрчлийг таслан зогсоох, хяналт шалгалтын ажлыг хийж байна. Хяналт шалгалтын хүрээнд тээврийн хэрэгслийн яндангаас гарах дуу чимээ стандартын хэмжээнээс хэтэрсэн гэх 755 тээврийн хэрэгслийн гэрчилгээг түр хураан авч бүртгэлжүүлэн, зохих журмын дагуу шийдвэрлэн ажиллаж байна. Өнөөдрийн /2022.09.06/ байдлаар 67 мотоцикл, 362 автомашин буюу нийт 429 тээврийн хэрэгслийн жолооч нар дүгнэлт гаргуулснаас автомашины утааны яндангаас гарах дуу чимээ MNS4599:2003 стандартаас хэтэрсэн зөрчилтэй 223 жолоочид Монгол Улсын Зөрчлийн тухай хуулийн 14.7.15-д заасны дагуу арга хэмжээ тооцож, зориулалтын бусаар өөрчилж тоноглосон 14 автомашины янданг хураан авч зөрчлийг арилгуулан энгийн нам дуутай үйлдвэрийн яндангаар солиулсан бол 326 тээврийн хэрэгслийн жолооч нар яндангаас гарах дуу чимээний дүгнэлт гаргуулаагүй хайхрамжгүй хандаж байна. Тухайн автомашин, мотоциклын жолооч Автотээврийн үндэсний төвийн Баянгол, Баянзүрх, Сонгинохайрхан дүүргүүд дэх техник хяналт үзлэгийн төвүүдэд очиж яндангаас гарах дуу чимээ стандартын хэмжээнээс хэтэрсэн эсэхийг шалгуулан дүгнэлт гаргуулж, зөрчлөө арилгасан тохиолдолд тээврийн хэрэгслийн гэрчилгээг буцаан олгож байна. Иймд тус жолооч нарт Баянгол, Баянзүрх, Сонгинохайрхан дүүргүүд дэх техник хяналт үзлэгийн төвүүдэд яндангаас гарах дуу чимээний түвшинг тогтоож дүгнэлт гаргуулан тээврийн хэрэгслийн гэрчилгээг “Тээврийн цагдаагийн алба”-аас ирж авах шаардлагатай байна.

“ДЦС-3” ТӨХК-ИЙН ЗАХИРАЛ ХАХУУЛИЙНХАА 30 ХУВИЙГ УРЬДЧИЛЖ АВСАН БАЙВ

09 / 08 1 сэтгэгдэл 736 үзсэнe

“Дулааны цахилгаан станц-3” төрийн өмчит хувьцаат компанийн гүйцэтгэх захирал Л.Эрхбаатарыг бусдаас их хэмжээний хахууль авч байх үйлдэл дээр нь энэ сарын 6-7-нд шилжих шөнө ЭЦА-ны Эдийн засгийн гэмт хэрэгтэй тэмцэх газрын ажилтнууд саатуулан хойшлуулшгүйгээр цагдан хорьж шалгаж эхэлжээ. Энэ талаар тус ТӨХК-ийн Захиргаа, удирдлагын албаныхан “Урьд шөнө Л.Эрхбаатар захирлыг бусдаас хахууль авсан гэх үндэслэлээр цагдаагийнхан саатуулсан гэсэн яриа байгаа. Өнөөдөр ажилдаа ирээгүй болохоор уг яриа ортой байх” хэмээсэн юм. Л.Эрхбаатарт хахууль өгсөн хүн нь “Хасу-Эрчим” ХХК-ийн захирал, Аж үйлдвэрийн гавьяат ажилтан Б.Бат-Эрдэнэ аж. Тэрбээр Л.Эрхбаатарт 100 сая төгрөг өгөхөөр тохиролцож, урьдчилгаа 30 саяыг нь өгөөд ийнхүү баригдсан гэх мэдээллийг эх сурвалжууд өгч буй юм. “Хасу-Эрчим” ХХК нь “ДЦС-3” ТӨХК-иас энэ онд зарласан 274.6 сая төгрөгийн үнийн дүнтэй утаа сорогчийн гол худалдан авах, 738 орчим саяын үнийн дүнтэй өрлөг дулаалгын материал (багц-2) нийлүүлэх, нэг тэрбум гаруй төгрөгийн үнийн дүнтэй труба хоолой худалдан авах зэрэг тендерт шалгарч, гэрээ байгуулсан аж. Эдгээр тендерт “Хасу-Эрчим”-ийг шалгаруулсныхаа урамшуулалд хахууль авсан байж болзошгүй хэмээн хууль сахиулагчид үзэж буй юм билээ. “ДЦС-3” ТӨХК-ийн захирал Л.Эрхбаатарын хувьд өмнө нь “Эрдэнэтийн дулааны цахилгаан станц” компанийн гүйцэтгэх захирлаар ажиллаж байгаад шилжин томилогдоод яг нэг жилийн нүүр үзэж буй нэгэн. Тэрбээр бас Орхон аймгийн ИТХ-ын төлөөлөгчөөр сонгогдож байсан билээ.