Ж.СОРОНЗОН МОНГОЛ УЛСЫН ХУУЛИЙГ БИЕЛҮҮЛЭХ ҮҮРЭГТЭЙ

09 / 12 1 сэтгэгдэл 648 үзсэнe

БШУ-ны сайд Л.Энх-Амгалан Орос-Монголын хамтарсан 3 дугаар сургуулийн захирал Ж.Соронзонтой холбоотой асуудлаар мэдээлэл өглөө. Тэрбээр "Орос 3-тай холбоотой асуудлаар Монгол Улсын Засгийн газар шийдвэрээ гаргасан. Энэ бол ямар ч эргэлт буцалтгүй шийдвэр. Орос 3-ын захирал асан Ж.Соронзон Монгол Улсын хууль тогтоомжийг биелүүлэх үүрэгтэй. Тийм учраас ямар нэгэн байдлаар хамт олон, эцэг эхчүүдийг өдөөн хатган жагсаал цуглаан зохион байгуулах үйл ажиллагаа хийж байна. Монгол бол тусгаар улс. Монгол Улсын тэр тусмаа БШУС-ын тушаалыг цаг нь болоогүй байсан зэргээр болчимгүй мэдэгдлийг аль ч улсын ЭСЯ гаргах ёсгүй. Энэ бол Монгол Улсын тусгаар тогтнолд халдаж буй үйлдэл. Үүн дээр ГХЯ-ны ноот бичиг гаргана. Орос 3-тай холбоотой асуудалд бид цэг тавьсан. Өнөөдрийн байдлаар Орос 3 дугаар сургууль 100 хувь Монгол Улсын өмчлөлд байгаа. ОХУ нэг ч төгрөг гаргадаггүй. Сургуулийн үйл ажиллагааны 84 хувийг эцэг эхийн зардал, 16 хувийг Монголын татвар төлөгчдийн мөнгөөр явуулдаг. Тийм учраас ОХУ урсгал зардалд нэг ч төгрөг гаргадаггүй байж энэ сургуулийн удирдлагатай холбоотой Монгол Улсын Засгийн газрын гаргасан шийдвэрийг гадаадын этгээд явуулга, байр сууриа илэрхийлэх ёсгүй гэдгийг хатуу хэлье" гэлээ. БШУ-ны дэд сайд Г.Ганбаяр өчигдөр тус сургуулийн удирдлага, багш, эцэг эхийн төлөөлөлтэй уулзсан байна. Тэрбээр "Хууль үйлчилнэ. БШУ-ны сайдын шийдвэр хэрэгжинэ. 1992 онд гэрээ байгуулахдаа Монгол Улс томилгоотой холбоотой асуудлыг бүрэн шийдвэрлэнэ гэж заасан байдаг. Өнөөдөр тус гэрээ хүчин төгөлдөр байна" гэв.

НАСАНД ХҮРЭЭГҮЙ ХҮҮХДИЙН ЗУРАГ, БИЧЛЭГ ЗУРГИЙГ ТАРААСАН ЭТГЭЭДИЙГ ЯЛЛАГДАГЧААР ТАТЛАА

09 / 12 0 сэтгэгдэл 1 773 үзсэнe

Бага насны хүүхдийг хуурч, сүрдүүлж, нүцгэн зургуудыг авч цахим орчинд зар тавьж зардаг этгээдүүдийг саатуулжээ. Улмаар Эрүүгийн хуулийн тусгай ангийн 16.9-т заасны дагуу, яллагдагчаар татаж, шалгаж байна. Сүүлийн үед энэ төрлийн гэмт хэрэг өсөх хандлагатай байгаа гэнэ. Тодорхой хэлбэл, 2022 оны эхний улиралд хоёр холбогдогчтой есөн гэмт хэрэг бүртгэгдсэн бөгөөд цагдаагийн байгууллагаас мөрдөн шалгах ажиллагаа явуулж байна. Тиймээс цагдаагийн байгууллагаас хүүхдийнхээ цахим хэрэглээнд хяналт тавьж, хэнтэй уулзаж, юу ярилцаж байгаад хяналт тавьж, хүүхдээ халамжлахыг анхаарууллаа. Учир нь хүүхдүүд ийм төрлийн гэмт хэргийн хохирогч болсноо эцэг эх, асран хамгаалагч, багш нартаа хэлдэггүй. Бусдад гадуурхагдахаас айж нуун дарагдуулах, өөрөө хохирсоноо мэддэггүйгээс шалтгаалж, энэ гэмт хэрэг нуугдмал байж, гэмт хэрэгтэнд даврах, дахин гэмт хэрэг үйлдэх боломж болгожээ. 1.Хүүхэд оролцуулж садар самууныг сурталчилсан хэвлэл, ном зохиол, зураг, кино, дүрс бичлэг, бусад зүйлийг бэлтгэсэн, борлуулсан, тараасан, хадгалсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ. 2.Энэ гэмт хэргийг: 2.1.кибер орчныг ашиглаж; /Энэ хэсэгт 2021 оны 12 дугаар сарын 17-ны өдрийн хуулиар өөрчлөлт оруулсан./ 2.2.бага насны хүүхдийн эсрэг үйлдсэн бол арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ.

СУРГУУЛИЙН ОРЧИМ ГАРАЛ ҮҮСЭЛ, ХАЯГ ШОШГЫН ЗӨРЧИЛТЭЙ ХҮНСНИЙ БҮТЭЭГДЭХҮҮН ИХЭЭХЭН БАЙГААГ ИЛРҮҮЛЖЭЭ

09 / 12 0 сэтгэгдэл 707 үзсэнe

Чингэлтэй дүүргийн нутаг дэвсгэрт байрладаг төрийн өмчийн 17, төрийн бус өмчит 6 ЕБС-ийн ойр орчимд үйл ажиллагаа явуулж буй 64 худалдааны газарт НМХГ-аас хүнсний бүтээгдэхүүний худалдаалалтын байдалд хяналт шалгалт хийжээ. Эрүүл мэндийн сайдын 2020 оны 7 дугаар сарын 03-ны өдрийн А/369 дүгээр тушаалын хавсралтад заасан “Сургуулийн орчинд худалдаалахыг хориглох хүнсний бүтээгдэхүүний жагсаалт”-ын хавсралтад заасны дагуу шалгалтад 3 супермаркет, 9 ая тухтай дэлгүүр, 1 мини маркет, 38 хүнсний дэлгүүр, 10 хүнсний мухлаг 3 ТҮЦ хамрагдав. Шалгалтаар худалдааны газруудад хадгалалтын хугацаа дууссан, хаяг шошгын зөрчилтэй, гарал үүсэл тодорхойгүй, Хятад улсад үйлдвэрлэсэн хүнсний бүтээгдэхүүнүүд, хаана, ямар нөхцөлд үйлдвэрлэсэн нь тодорхойгүй хагас боловсруулсан бүтээгдэхүүн худалдан борлуулж байгаа зөрчил түгээмэл байна. Хадгалалтын хугацаа дууссан, хаяг шошгын зөрчилтэй бүтээгдэхүүн худалдаалж буй зөрчил шалгалтын 31.3 хувьд илэрснийг байгууллагын дотоод хяналтын журмын дагуу устгуулжээ. Хүнсний худалдааны газруудад Эрүүл мэндийн сайдын 2020 оны 7 дугаар сарын 03-ны өдрийн А/369 дүгээр тушаал, сургуулийн орчинд худалдаалахыг хориглосон хүнсний бүтээгдэхүүний жагсаалт”-ын хавсралтад заасан хүнсний бүтээгдэхүүнийг худалдаалахгүй байх мэдэгдлийг хүргүүлж, “Хүнсний үйлдвэрлэл, худалдаа, үйлчилгээ эрхлэгч танд” хууль, эрх зүйн эмхэтгэл, гарын авлага, ном хүргүүлэн мэргэжил арга зүйн зөвлөгөө өгчээ.

ЗАМЫН-ҮҮД БООМТООР ХАР ТАМХИ НЭВТРҮҮЛЭН ХУДАЛДААЛСАН 3 ЭТГЭЭДЭД ЯЛ ОНООЛГҮЙ 2 ЖИЛИЙН НҮҮРИЙГ ҮЗЭЖ БАЙНА

09 / 12 0 сэтгэгдэл 617 үзсэнe

Хар тамхины хэргээр яллагдагчаар татагдсан Ч.Б, М.М, Ч.Б нарт холбогдох хэрэг 2017 оноос хойш шалгагдаж байгаа бөгөөд одоог хүртэл эцэслэн шийдэгдээгүй шүүхийн шатанд гацсан хэвээр байна. Тэд хар тамхи борлуулж, өндөр их ашиг олохын тулд урьдчилан үгсэн тохиролцож, гэмт хэрэг үйлдэхийг санаачилж, хамтран хар тамхи борлуулсан болох нь шалгалтаар тогтоогдсон байдаг. Хэргийг эргэн сануулбал, Ч.Б, М.М, Ч.Б 2017 оны 10 дугаар сарын 22-ны өдөр Дорноговь аймгийн Замын-Үүд сумын хилийн боомтоор хар тамхины төрөлд хамаарагдах 34.3912 грамм мөсийг нууцаар нэвтрүүлж, хууль бусаар бусдад зарсан хэрэг үйлджээ. Монгол Улсын хилээр хууль бусаар хар тамхи мансууруулах төрлийн бодис бүлэглэн нэвтрүүлсэн хэргээр дээрх этгээдүүдэд 2017 оны 10 дугаар сарын 22-ны өдөр Эрүүгийн хуулийн Тусгай ангийн 18.5 дугаар зүйлийн 3, 20.7 дугаар зүйлийн 2 дахь хэсэгт зааснаар эрүүгийн хэрэг үүсгэж яллагдагчаар татсан юм. Улмаар хар тамхи бүлэглэн улсын хилээр нэвтрүүлж, борлуулсан гурван этгээд болох Ч.Б, М.М, Ч.Б нарыг 2020 оны 09 дүгээр сарын 11-ний өдөр Хан-Уул дүүргийн эрүүгийн хэргийн анхан шатны шүүхэд шилжүүлсэн. Гэтэл уг хэрэг тус шүүхэд материалжуулан шилжүүлснээс хойш хоёр жилийн хугацаанд шүүхийн шатанд хянагдсан хэвээр байна. Хан-Уул дүүргийн шүүхийн шүүгч нар хар тамхи хилээр нэвтрүүлж, зохион байгуулалттайгаар зарсан этгээдүүдийн хэргийг юуны учир өнөөдрийг хүртэл шийдээгүй нь олон хардлагыг араасаа дагуулсаар буй.

ӨЧИГДӨР БУРХАНТЫН АМАНД МАШИНТАЙ ХҮН БУУДСАН ГЭСЭН ДУУДЛАГА, МЭДЭЭЛЛИЙГ ЦАГДААГИЙЙН БАЙГУУЛЛАГА БҮРТГЭЖЭЭ

09 / 12 0 сэтгэгдэл 658 үзсэнe

Өчигдөр буюу есдүгээр сарын 11-ний өдрийн 12:31 цагт Баянзүрх дүүргийн 20 дугаар хорооны нутаг дэвсгэрт “Бурхантын аманд машинтай хүн буудсан” гэсэн дуудлага, мэдээллийг Цагдаагийн байгууллага бүртгэжээ. Дуудлага, мэдээллийг тус дүүрэг дэх цагдаагийн газрын гуравдугаар хэлтсээс шалгахад 47 настай, эрэгтэй "Б" гэгч нь Nissan X-Trail маркийн тээврийн хэрэгслээр замын хөдөлгөөнд оролцох үедээ Corolla Fielder маркийн тээврийн хэрэгсэл жолоодож явсан 44 настай, эрэгтэй "Б" гэгчийг шороон зам дээр зам тавьж өгсөнгүй гэх шалтгаанаар маргаж, "Сайга" загварын галт зэвсгээр түүнийг айлгах зорилгоор дээшээ нэг удаа буудсаныг шуурхай илрүүлэн галт зэвсгийг хураан авч, мөрдөн шалгах ажиллагааг явуулж байна хэмээн Цагдаагийн ерөнхий газраас мэдээллээ.

БАГА НАСНЫ ХҮҮ ҮЕЭЛЭЭ 61 УДАА ХҮЙТЭН МЭСЭЭР ХӨНӨӨСӨН ХЭРГИЙГ ДАХИН ШАЛГАХААР БОЛЖЭЭ

09 / 12 0 сэтгэгдэл 1 012 үзсэнe

Өнгөрсөн оны наймдугаар сарын 7-ны өдөр Баянзүрх дүүргийн 14 дүгээр хорооны “Нарт хотхон”-д 13 настай Э гэх охин хутганы 61 удаагийн шархтай амиа алдсан хэрэг гарсан. Мөн түүний төрсөн дүү долоон настай эрэгтэй Э 11 удаагийн хутганы шархтай, биеийн байдал нь маш хүнд эмнэлэгт хүргэгдсэн. Тухайн үед хэргийг хохирогч хүүхдүүдийн хажуу хашааны айлын хүү болох 11 настай Б үйлдсэн нь урьдчилсан байдлаар тогтоогдсон гэх мэдээллийг хуулийн байгууллагаас болон хорооны удирдлагууд хэлж байв. Уг хэргийн мөрдөн шалгах ажиллагаа дуусаж, хэрэгт холбогдогч хүүхэд хуульд зааснаар 14 насанд хүрээгүй учир хэргийг хэрэгсэхгүй болгон хаасан. Тэгвэл хаагдсан дээрх хэрэг “задарч” дахин мөрдөн байцаалтад шилжжээ. Тодруулбал, 11 настай Б уг хэргийг үйлдээгүй байж болзошгүй шинэ нөхцөл байдлууд үүсэж, ийнхүү шалгаж эхэлсэн байна. Хэрэг үйлдэгдсэн газарт, хутганд ямар ч цусны толбо үлдээгүй буюу юу ч болоогүй мэт цэвэрлэсэн байсан нь 11 настай хүүхэд “ингэж чадах уу” гэдэг асуултаас шинэ нөхцөл байдал үүсэх шалтгаан тавигджээ.

ОЛОН НИЙТИЙН СҮЛЖЭЭНЭЭС УРАГ ЗУЛБУУЛАХ ЭМ АВЧ УУСАН ЭМЭГТЭЙН БИЕИЙН БАЙДАЛ ТУН ХҮНД БАЙНА

09 / 12 0 сэтгэгдэл 1 541 үзсэнe

Олон нийтийн сүлжээгээр ураг зулбуулах эм худалдан авч уугаад 5 сартай ургаа зулбуулсан эмэгтэй биеийн байдал маш хүнд эмнэлэгт хэвтэн эмчлүүлж байна. Тодруулбал, ХУД-ийн нутаг дэвсгэрт амьдардаг 25 настай Н нь фэйсбүүкээр ураг зулбуулах эм захиалж худалдан авч уусны улмаас бие нь муудаж Эх хүүхдийн хоёрдугаар эмнэлэгт түргэнээр очсон байна. Энэ мэдээллийг цагдаагийн байгууллагаас бүрэлдэхүүн гарч шалгаж үзэхэд 9 сарын 05-ны өдөр Зулаа гэсэн үл таних эмэгтэйгээс БНХАУ-ын бичиглэл бүхий бичээстэй 9 ширхэг ураг зулбуулах эм худалдан авч уусны улмаас 5 сартай ураг нь зулбаж, дээрх эмнэлгийн Эрчимт эмчилгээний тасагт хэвтэн эмчлүүлж байгаа ажээ. Хэргийг цагдаагийн байгууллагаас шалгаж байна.

МӨНГӨН ТЭМДЭГТ ХУУРАМЧААР БЭЛТГЭЖ, АШИГЛАСАН ХЭРГИЙГ ШҮҮХЭД ШИЛЖҮҮЛЛЭЭ

09 / 12 0 сэтгэгдэл 601 үзсэнe

Прокурорын байгууллага өнгөрсөн долоо хоногт буюу есдүгээр сарын 5-9-ний өдрүүдэд 281 хэргийг яллах дүгнэлт үйлдэн шүүхэд шилжүүлжээ. Тодруулбал: Эрүүл мэндийн халдашгүй байдлын эсрэг 156, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 36, Авлигын 14, Бэлгийн эрх чөлөө халдашгүй байдлын эсрэг 8, Мансууруулах эм, сэтгэцэд нөлөөт бодисыг хууль бусаар ашиглах, татвар төлөхөөс зайлсхийх, мөнгөн тэмдэгт, үнэт цаас, төлбөр тооцооны хэрэгсэл хуурамчаар бэлтгэх, ашиглах, кибер орчинд хууль бусаар халдсан тус бүр нэг гэмт хэргийг шүүхэд шилжүүлсэн хэмээн Улсын Ерөнхий Прокурорын Газраас мэдээллээ.

НМХГ-ЫН ХЭЛТСИЙН ДАРГА АСАН Ж.ГАНЗОРИГИЙН ХЭРГИЙГ ШҮҮХЭД ШИЛЖҮҮЛЖЭЭ

09 / 12 0 сэтгэгдэл 686 үзсэнe

Нийслэлийн Мэргэжлийн хяналтын газар (НМХГ)-ын Байгаль орчин, уул уурхайн хяналтын хэлтсийн даргаар ажиллаж байсан Ж.Ганзоригт холбогдох хэргийг АТГ-ын Мөрдөн шалгах хэлтсийнхэн шалгаж дуусаад яллах дүгнэлт үйлдүүлэн Хан-Уул дүүргийн Эрүүгийн хэргийн анхан шатны шүүхэд шилжүүлжээ. Түүнийг эрх мэдэл, албан тушаалаа урвуулж, аж ахуйн нэгжүүдийн удирдлагыг хясан боогдуулах замаар өөрийн болон хамаарал бүхий хүмүүсийнхээ өмсөх хувцсыг дарамталж авхуулдаг байсан гэх хэрэгт буруутгаж анх шалгаж эхэлсэн. Тэрбээр өөрөө болон гэр бүлийнхнийхээ өмсөх брэндийн хувцсыг аж ахуйн нэгжийнхнийг дарамтлан авч байсан гэдгийг хууль сахиулагчид тогтоож, шинжээчид ч 10 гаруй сая төгрөгөөр үнэлэгдэх эд зүйл авхуулсан хэмээн дүгнэсэн байдаг. Уг хэргийг шалгах явцад бусдыг дарамтлан Богд хан уулын дархан цаазат бүсийн Арцатын аманд газар эзэмших эрхийн хугацаа дууссан, хүчингүй болсон нэг га газрыг 1.6 тэрбум төгрөгөөр үнэлж борлуулсныг ч тогтоосон. НПГ-аас Ж.Ганзоригт Эрүүгийн хуулийн 22.4-5 дахь хэсгийн “Нийтийн албан тушаалтан албаны чиг үүргээ хэрэгжүүлсний хариуд, эсхүл хэрэгжүүлэхийн тулд хясан боогдуулах аргаар хахууль авсан”, 22.1-2-т заасан “Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан” хэмээн яллах дүгнэлт үйлдсэн аж. Тэрбээр бусдаас хахууль аваагүй, гэмт хэрэг үйлдээгүй хэмээдэг ч нотлох баримтуудаар хясан боогдуулж хахууль авсан, албан тушаалаа урвуулсан нь тогтоогдож байгаа гэж прокурорын байгууллагынхан үзсэн гэнэ. Эдгээр үйлдлээс гадна эхнэрийнхээ нэр дээр Баянзүрх дүүрэгт 100 ам метр үйлчилгээний талбай хахуульд авсан гэж буруутгаж буй юм билээ. Харин Хан-Уул дүүргийн XI хорооны нутаг, “Алтай хаус” гэх хотхонд 101 ам метр талбай бүхий орон сууц төрсөн дүүгийнхээ нэр дээр авсан гэх үйлдэл нь 2012 онд болсон, хөөн хэлэлцэх хугацаа нь дууссан учраас хэрэгсэхгүй болгосон гэнэ. НМХГ-ын Байгаль орчин, уул уурхайн хяналтын хэлтсийн дарга асан Ж.Ганзоригт холбогдох хэргийг шүүх хэрхэн шийдвэрлэснийг бид цаг тухайд нь мэдээлэх болно.

Ж.СОРОНЗОНГИЙН НӨХӨР БСШУ-НЫ САЙДАД ДУРГҮЙЦЛЭЭ ИЛЭРХИЙЛЭВ

09 / 12 4 сэтгэгдэл 3 274 үзсэнe

Монгол-Оросын хамтарсан гуравдугаар сургуулийн захирал Ж.Соронзонг сурган хүмүүжүүлэгчийн ёс зүйгүй үйлдэл гаргасан талаар Боловсролын сайд цахим хуудастаа бичиж, түүнийг үүрэгт ажлаас нь чөлөөлөх саналыг Оросын талд хүргүүлэхээ мэдэгдсэн. Үүний дагуу шуурхай арга хэмжээ авч, ажлаас нь чөлөөлөх тушаал гаргасан билээ. Тэгвэл Ж.Соронзонгийн нөхөр Н.Лүндэндорж “Сайд хүн изгаар мизгаараар шийдвэр гаргах нь буруу байхаа.Сэтгэлийн хөдлөл, хөөрлөө дарж сурснаар л улс төрч болдог юм гэсэн” хэмээн цахим хуудаснаа бичжээ. Түүний нөхрийг хүний аминд хүрчихээд үйлдсэн хэргийнхээ хариуцлагыг хүлээж, шүүгдэгчийн ширээний ард суугаагүй, ял сонсоогүй, хэргээ хүлээгээгүй нэгэн гэдгийг сэтгүүүч Будрагчаа дэлгэж байсан билээ. Ямартай ч тэд цахим хуудсанд байр сууриа илэрхийлж эхэлжээ.