ЭМД-ЫН САНД ХОХИРОЛ УЧРУУЛСАН БАЙЖ БОЛЗОШГҮЙ ЭМИЙН САНГУУДЫН ГЭРЭЭГ ТҮР ХУГАЦААГААР ТҮДГЭЛЗҮҮЛЛЭЭ

02 / 13 0 сэтгэгдэл 547 үзсэнe

ЭМДЕГ-аас Сэлэнгэ аймаг дахь гэрээт эмийн сангуудын хөнгөлөлттэй эм олгож буй үйл ажиллагаанд 1 дүгээр сарын 25-29-ний өдрүүдэд хяналт шалгалт хийлээ. Шалгалтаар тус сумын Гавшгай, Жаргалан, Яггүг эмийн сангууд нь гэрээгээр хүлээсэн үүргээ зөрчиж, харьяаллын бус эмч нараар иргэдийн зовиур, насанд тохироогүй өндөр үнэтэй эмийг зохиомол оношоор бичүүлэн олгож, ЭМДҮЗ-ийн тогтоолоор батлагдсан эмийн жагсаалтад байхгүй эмийг орлуулан өгдөг, бар кодыг цахим системд гараар сольж оруулсан зэрэг зөрчлийг илрүүллээ. Тодруулбал, Орхон аймгийн БОЭТ-ийн эмч Х.Э нь Жаргалан нэр дурдагдсан эмийн сангийн ажилтнууд болон хамаарал бүхий этгээдүүдэд өндөр үнэтэй эмийг олон удаагийн давтамжтай бичсэн эмийн жорыг 3 минутын дотор олгосон, Улаанбаатар, Дорноговь, Завхан, Говь-Алтай, Орхон аймагт жор бичүүлээд 3 минутаас хэдхэн цагийн дараа Сайхан сумын эмийн сангуудаас эм тогтмол авсан, Орхон, Дархан-Уул аймагт бичүүлсэн жорыг Сайхан сумын эмийн сангаас тогтмол авдаг, нэг даатгуулагч 4 нэр төрлийн 2246 ширхэг эмийг 10 сарын турш уусан нь өдөрт 7-8 ширхэг эмийг тогтмол уусан зэрэг ноцтой зөрчлүүдийг илрүүлээд байна. Улмаар зөрчил гаргасан нэр бүхий эмч нарын цахим жор бичих эрхийг хасаж, Гавшгай, Жаргалан, Яггүг эмийн сангуудын даатгалын гэрээг түдгэлзүүлэн, хууль хяналтын байгууллагад шилжүүллээ. Мөн дээрх эмийн сангийн 2022 оны эмийн орлогын баримттай даатгалын сангаас олгосон эмийн тоо ширхгийг тус бүрээр тулган шалгаж, санд учруулсан хохирлын хэмжээг эцэслэн тогтоохоор ажиллаж байна.

ТӨВ ТАЛБАЙД ТУРК, СИРИЙН АРД ТҮМЭНД ТУСЛАХ АЯН ҮРГЭЛЖИЛЖ БАЙНА

02 / 13 2 сэтгэгдэл 552 үзсэнe

Сүхбаатарын талбайд Турк улсад туслах тусламжийн аян үргэлжилж байна.Нийслэлийн удирдлагуудын зүгээс холбогдох зөвшөөрлийг олгож, өнөөдрийн байдлаар талбай дээр 16 гэр бариад байгаа бөгөөд цаашид 100 гэр болгохоор төлөвлөжээ. Тусламжийн барааг МИАТ ТӨХК тээвэрлэж байгаа.Одоогийн байдлаар хүчтэй газар хөдлөлтийн улмаас Турк, Сири улсуудад амиа алдсан хүний тоо 33,000-д хүрээд байна.

ХӨВСГӨЛ АЙМГИЙН ЗАСАГ ДАРГА АСАН Л.ГАНБОЛД АВЛИГА АЛБАН ТУШААЛЫН ХЭРГЭЭР ЯЛ АВЛАА

02 / 13 6 сэтгэгдэл 3 073 үзсэнe

Хөвсгөл аймгийн Засаг дарга асан Л.Ганболд Хөвсгөл аймгийн Ханх сумын Засаг даргын тамгын газрын барилга, угсралтын ажлыг хийх тендерт шалгарсан “Батжин Ундрах” ХХК-ийн захирал Ө.Батцэнгэлээс гэрээт ажлын нийт дүн болох 1.2 тэрбум төгрөгийн 10 хувьтай тэнцэх хэмжээний мөнгө өгөхийг шаардаж, өгөхгүй бол тендерийг хүчингүй болгуулж зарлуулна хэмээн сүрдүүлэх, хясан боогдуулах замаар авлига авч, улмаар тус компанийг цаг хугацаандаа үйл ажиллагаагаа явуулж эхлээгүй, тендерийн баталгааны мөнгөө буцааж татсан гэсэн шалтгаанаар гэрээг нь цуцалж их хэмжээний хохирол учруулсан байна. Дээрх гэрээг цуцлан Ө.Батцэнгэлд учруулсан хохирлоо тус тендерт шалгарсан “Хөвсгөл Баянчандмань” компаниар барагдуулж өгнө хэмээн хууран мэхэлсэн, мөн Мөрөн хотод орон сууцны шинэ хороолол барих газар шийдэж өгнө хэмээн амлаж дахин авлига нэхсэн, хэрэв өгөхгүй бол газрыг чинь шийдэж өгөхгүй гэж хясан боогдуулсан болох нь тогтоогдсон юм.Тэгвэл тус хэрэг эцэслэн шийдвэрлэгдэж Хоймор нутагтангуудын Засаг дарга асан Л.Ганболд нь “их хэмжээний авлига авсан нь тогтоогдож” 2022 оны 11 сарын 10-ны өдрийн 2022/ШЦТ/461 дугаар яллах дүгнэлтээр “улс төрийн нөлөө бүхий этгээд, хясан боогдуулах аргаар хахууль авах гэмт хэрэг”-ийг үйлдсэн гэм буруутайд тооцогдож ял авлаа. Гэвч хорих ял өгөлгүй эрүүгийн хуулийн ял наймаалцах зүйл заалтын дагуу Засаг дарга асан Л.Ганболдод төрд ажиллах эрхийг 5 жилээр хасч, 40 сая төгрөгөөр торгоож төрийн хайр энэрэлийг үзүүлжээ. эх сурвалж:arslan.mn

ИРЭХ САРЫН ТЭТГЭВРИЙН МӨНГИЙГ МАРГААШНААС УРЬДЧИЛАН ОЛГОНО

02 / 13 8 сэтгэгдэл 3 989 үзсэнe

Хөдөлмөр халамжийн үйлчилгээний ерөнхий газраас нийгмийн халамжийн тэтгэвэр, тэтгэмж, хөнгөлөлт, тусламжийн 2023 оны хоёрдугаар сарын олголтын хуваарийг танилцууллаа. Ахмад настнуудын гуравдугаар сарын 1-ний тэтгэврийг хоёрдугаар сарын 14-нд олгох аж. Мөн хүүхдийн мөнгөн тэтгэмжийг сар бүрийн 20-нд олгодог бол энэ хугацааг хоёрдугаар сард 14-ний өдөр болгож урагшлуулжээ. Сар шинийн баярыг угтан ахмад настнуудад насны хишиг, эхийн алдарт одонгийн мөнгө олгодог. Энэ тэтгэмжийг мөн энэ сарын 14-нд олгох хуваарь гарсан байна.

ХҮҮХДИЙН МӨНГИЙГ 8 ЖИЛИЙН ТУРШ ХУУЛЬ БУСААР АВЧ, 4.4 САЯ ТӨГРӨГИЙН ХОХИРОЛ УЧРУУЛЖЭЭ

02 / 13 1 сэтгэгдэл 1 914 үзсэнe

Иргэн Б нь өвчний улмаас 2005 оны 07 дугаар сарын 15-ны өдөр нас барсан охин А-г нас барсныг улсын бүртгэлд бүртгүүлэлгүй бодит байдлыг нуужээ. Улмаар нийгмийн халамжийн сангаас сар бүр олгодог хүүхдийн мөнгийг 2012 оны 10 дугаар сарын 20-ны өдрөөс 2020 оны 04 дүгээр сар хүртэл хугацаанд сар бүр 20.000 төгрөг, 2020 оны 4 дүгээр сараас 2022 оны 6 дугаар сар хүртэл хугацаанд сар бүр 100 мянган төгрөг, нийт 4.4 сая төгрөгийг хууль бусаар авч, нийгмийн халамжийн санд хохирол учруулсан байна. Эрүүгийн хуульд зааснаар хууль бусаар нийгмийн халамж, үйлчилгээ авсан бол гэмт хэрэгт тооцохоор тогтоосон ба Б-гийн шунахай сэдэлтээр хүүхдийн мөнгийг хууль бусаар авсан үйлдэл нь 2012 оны 10 дугаар сараас 2022 оны 06 дугаар сар хүртэл хугацаанд үргэлжилсэн байх тул гэмт хэргийн хөөн хэлэлцэх хугацаа өнгөрөөгүй гэж шүүх дүгнэж, түүнийг гэм буруутайд тооцлоо. Эрүүгийн хуулийн тусгай ангийн 18.12 дугаар зүйлийн 1 дэх хэсэгт уг гэмт хэргийг үйлдсэн этгээдийг 5.4-27 сая төгрөгөөр торгох, эсхүл 140-480 цаг хүртэл хугацаагаар нийтэд тустай ажил хийлгэх, эсхүл 1-5 жил хүртэл хугацаагаар зорчих эрхийг хязгаарлах ял, эсхүл 1-5 жил хүртэл хугацаагаар хорих ял шийтгэхээр заасан байдаг. Шүүх Б-ийн үйлдсэн гэмт хэрэг үйлдсэн нөхцөл байдал, учирсан хохирол, хувийн байдал, хохирлоо төлөхөө илэрхийлж байгаа байдал зэргийг харгалзан түүнд 1 жил 6 сарын хугацаагаар зорчих эрхийг хязгаарлах ял шийтгэж, нийгмийн халамжийн санд учруулсан 4.4 сая төгрөгийг түүнээс гаргуулан хохирогч байгууллагад олгохоор шийдвэрлэв. Тоймыг бэлтгэсэн: Баян-Өлгий аймаг дахь Сум дундын эрүүгийн хэргийн анхан шатны шүүхийн шүүгч Х.Талгат

ХҮҮХДИЙН ИРЭЭДҮЙН АЯН ӨРНҮҮЛЖ БАЙНА

02 / 13 0 сэтгэгдэл 510 үзсэнe

Шүүхийн шийдвэр гүйцэтгэх байгууллагаас тэтгэлэг төлөгч нартаа зориулж Хуулиа дээдэлж - Үүргээ биелүүлье Хүүхдийн тэтгэлэг - Хүүхдийн ирээдүйн аян өрнүүлж байна. Уг аяныг БАНК, ХАДГАЛАМЖ ЗЭЭЛИЙН ХОРШООДЫН ТӨЛБӨР БАРАГДУУЛАХ АЖЛЫН АЛБАНААС нийгмийн хариуцлагын хүрээнд олны танил уран бүтээлчидээр дамжуулан дараах сурталчилгааг хүргэж байна. Энэхүү аянд тэтгэлэг төлөгч эцэг, эх асран халамжлагч та бүхнийг идэвхтэй оролцож хүүхдийн ирээдүйг хамтдаа бүтээлцэхийг уриалж байна. ГЭР БҮЛИЙН ТУХАЙ ХУУЛЬ 40 дүгээр зүйл. Тэтгэлгийн хэмжээ 40.1.Хүүхдэд олгох тэтгэлгийг түүний насны байдлыг харгалзан сард нэг хүүхдэд дараахь хэмжээгээр тогтооно: 40.1.1. 11 хүртэлх насны хүүхдэд тухайн бүс нутагт тогтоогдсон амьжиргааны доод түвшингийн 50 хувиар; 40.1.2. 11-16 нас /суралцаж байгаа бол 18 нас/-тай болон насанд хүрсэн боловч хөдөлмөрийн чадваргүй хүүхдэд амьжиргааны доод түвшингийн хэмжээгээр олгоно. 41 дүгээр зүйл. Тэтгэлэг олгох хэлбэр, хугацаа 41.1.Тэтгэлгийг дор дурдсан хэлбэрээр олгож болно: 41.1.1.мөнгөн хэлбэрээр; 41.1.2.эд хөрөнгөөр. 41.2.Тэтгэлгийг дараахь хугацаагаар олгож болно: 41.2.1.сар, улирал, хагас жил, жилээр; 41.2.2.нэг удаа. 41.3.Тэтгэлгийг хариуцагчийн цалин хөлснөөс суутгал хийх буюу хамтран өмчлөх эд хөрөнгөөс оногдох хэсгийг тодорхойлох үед болон бусад байдлаар олгож болно.

ЭМД-ЫН САНГААС НҮДНИЙ ДАРАЛТ ИХСЭХ ЭМГЭГИЙН МЭС ЗАСЛЫН 75 ХУВИЙГ ХӨНГӨЛНӨ

02 / 13 0 сэтгэгдэл 667 үзсэнe

Эрүүл мэндийн үндэсний зөвлөлийн 2022 оны нэгдүгээр тогтоолоор нүдний даралт ихсэх эмгэгийн мэс заслын тусламж, үйлчилгээг хөнгөлөхөөр болжээ. Ингэхдээ ЭМД-ын сангаас 75 хувийг хөнгөлөх бөгөөд мэс заслын тусламж үйлчилгээний үнэ 449 мянган төгрөг байгаа аж. ЭМДҮЗ-ийн 2022 оны 01,02-р тогтоол ... Дээрх тусламж үйлчилгээ үзүүлэх гэрээт ЭМБ-ууд

МЭДЭГДЭЛ

02 / 10 0 сэтгэгдэл 334 үзсэнe

УБТЗ-ын Хүүхдийн секторын дарга Л.Янжмааг э р гүүлэн ажилд томилсонтой холбоотойгоор УБТЗ-ын удирдлагыг гүтгэн доромжилсон мэдээллийг зарим хэвлэл мэдээллийн хэрэгслээр зохион байгуулалттайгаар тарааж байна. УБТЗ-ын Хөдөлмөрийн маргаан таслах комиссын 2023 оны 01 дүгээр сарын 17-ны хурлаар Хүүхдийн секторын дарга Л.Янжмаагийн үндэслэлгүй ажлаас халагдсан гэсэн гомдлыг хэлэлцээд ажилд нь буцаан томилох шийдвэрийг гаргасан юм. Цагдаагийн байгууллагад ажлын цагаар ажлын байран дээр согтууруулах ундаа хэрэглэсэн гэдэг мэдээлэл ирсний дагуу шуурхай очиж шалгахад Л.Янжмаа нь ажлын байран дээрээ архидан согтуурсан нь тогтоогдоогүй тул Цагдаагийн байгууллагаас Зөрчлийн хэрэг нээхээс татгалзсан болно. Цаашдаа УБТЗ-тай холбоотой аливаа мэдээллийг түгээхдээ албан ёсны эх сурвалжаас үнэн зөв мэдээллийг авч сайтар нягталсны үндсэн дээр олон нийтэд түгээж байхыг хүсье. Хэрэв үндэслэлгүй худал ташаа мэдээллийг хэвлэл мэдээлэл, олон нийтийн сүлжээнд тарааж, УБТЗ-ын нэр хүндэд халдсан тохиолдолд хуулийн байгууллагад хандана гэдгийг албан ёсоор хариуцлагатайгаар мэдэгдэж байна. “Улаанбаатар төмөр зам” ХНН

АЖЛЫН БАЙРАН ДЭЭРЭЭ АРХИДАН СОГТУУРСАН НЬ ТОГТООГДООГҮЙ ТУЛ АЖИЛД НЬ ЭРГҮҮЛЭН ТОМИЛСОН

02 / 10 0 сэтгэгдэл 992 үзсэнe

УБТЗ-ын Хүүхдийн секторын дарга Л.Янжмааг эргүүлэн ажилд томилсонтой холбоотойгоор зарим хэвлэл мэдээллийн хэрэгслээр ташаа мэдээлэл тарааж байгаа тул дараах тайлбарыг хийж байна. Л.Янжмаа нь ажлын цагаар ажлын байран дээр согтууруулах ундаа хэрэглэсэн гэдэг мэдээлэл Цагдаагийн байгууллагад ирсний дагуу шуурхай очиж шалгахад ажлын байран дээрээ архидан согтуурсан нь тогтоогдоогүй тул Цагдаагийн байгууллагаас Зөрчлийн хэрэг нээхээс татгалзсан юм. Хууль хяналтын байгууллагаас буруутай нь тогтоогдоогүй тул УБТЗ-ын Хөдөлмөрийн эрхийн маргаан таслах комисс хуралдаж Л.Янжмааг эргүүлэн ажилд нь томилохоор шийдвэрлэсэн болно. “УБТЗ-ын Хөдөлмөрийн эрхийн маргаан таслах комисс”

НИЙСЛЭЛИЙН БҮСЭЭС 11 МЯНГАН ТОЛГОЙ МАЛ ГАРГАЛАА

02 / 09 1 сэтгэгдэл 566 үзсэнe

Нийслэлд мал аж ахуй эрхлэхийг хориглосон бүсээс мал гаргах ажил үргэлжилж байна. Нийтийн эзэмшлийн зам, талбай бохирдуулах, ногоон байгууламж сүйтгэх, зам тээврийн осол гарах, халдварт, гоц халдварт өвчин тархах зэрэг эрсдэлээс сэргийлэх хүрээнд одоогийн байдлаар 11,539 толгой мал гаргажээ. Улаанбаатар хотын Захирагчийн ажлын алба, Нийслэлийн Хүнс, хөдөө аж ахуйн газар, Нийслэлийн Онцгой байдлын газар, Нийслэлийн Цагдаагийн удирдах газар, Нийслэлийн Мал эмнэлгийн газар, Дотоодын цэргийн 805 дугаар анги, Богдхан уулын дархан цаазат хамгаалалтын захиргаа зэрэг байгууллага, дүүрэг, хороодын албан хаагчид тэргүүтэй 1009 хүн 171 техник хэрэгсэлтэйгээр ажиллалаа. Нийслэлийн хориглосон бүсээс мал гаргах, мөн дахин орж ирэхээс сэргийлэх зорилгоор 56 мэдэгдэх хуудас, 249 албан мэдэгдлийг малтай иргэдэд хүргүүлж, долоон хүнд торгуулийн арга хэмжээ авсан байна. Түүнчлэн хот руу орж ирж байгаа малын эзэдтэй ойлголцох, мэдээлэл өгөх зэрэг ажлыг зохион байгуулж буй. Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс