ЗТХЯ-аас нислэгийн тоог нэмснээр карг оны үнэ буурч 1 кг ачааны үнэ 7 ам.доллар байсныг 2.5 ам.доллар болссон талаар мэдээллээ. Улаанбаатар хотоос Сөүл хот руу 7 хоногт 44 нислэг үйлдэж байсан бол одоо БНСУ-ын Бусан, Тэгү, Мёонг зэрэг 4 хот руу 80 удаа буюу өдөрт 11 нислэг хийж байна.
Бөөрний даралт ихсэх өвчний эмчилгээний 85 хувийг ЭМД-ын сангаас хөнгөлнө. ЭМДҮЗ-ийн 2022 оны 01 дүгээр тогтоолоор бөөрний даралт, хоёрдогчоор даралт ихсэх өвчний эмийн эмчилгээ 514 мянган төгрөг байхаар зохицуулсан бөгөөд үүний 15 хувийг иргэн өөрөө хариуцан төлнө. Дээрх тусламж үйлчилгээ үзүүлэх гэрээт ЭМБ-ууд:https://emd.gov.mn/news/20
Хөгжлийн банкны гэх тодотголтой Төрийн өндөр албан тушаалтнууд яллагдагчаар татагдсан хэргийн шүүх хуралдаан өнөөдөр эхэлсэн. Шүүх хурал хаалттай болж байгаа бөгөөд яллагдагчдаас ирүүлсэн зарим хүндэтгэх шалтгааны дагуу хуралдааныг хойшлуулах саналыг тавиад аж. Зарим шүүгдэгч хичээлтэй, гадаадад айлчлалтай, шүүх хуралдаан давхардсан, өмгөөлөгчөө солих хүсэлтэй, шинэ өмгөөлөгчтэй болсон тул, эрүүл мэндийн улмаас гэх мэт олон шалтгааны улмаас шүүх хуралдааныг хойшлуулах саналыг тавьжээ. Шүүх хуралдаанд шүүгдэгч, өмгөөлөгч, хохирогч байгууллагын төлөөлөл, улсын яллагч, иргэн хариуцагч гэх мэт 191 оролцогч ирж хэрэгт яллагдагчаар татагдсан 80 хүн байна.
/2023.02.23/-ны өдөр Казахстан улсаас ирсэн ОХУ-д хавчигдан мөшгөгдөж Халимагаас дүрвэж улс төрийн орогнол хүсэж ирсэн иргэн Батыр Батыровичыг Монгол Улсын хэлээр нэвтрүүлэхийг хориглосон. Энэ талаар Гадаад харилцааны яамнаас, “тус иргэн нь орогнол хүсээгүй, хил нэвтрэх бичиг баримтын зөрчилтэй тул эрх бүхий байгууллагууд нь зарчмын шаардлагаа л тавьж байгаа. Аль ч улсын, ямар ч иргэн байсан бүгдэд адилхан шаардлагаа л тавьж ажиллана. Тиймээс манайхан асуудлыг хууль журмын дагуу л шийдвэрлэхээр ажиллаж байгаа” гэсэн юм. УИХ-ын дэд дарга С.Одонтуяа монголын хил дээр гацаад буй иргэний хүсэлтийн дагуу уулзаж, хүний эрх талаас нь санаа тавьж, ярилцсан байна. УИХ-ын дэд дарга С.Одонтуяа энэ тухайгаа өөрийн твиттер хуудастаа, "ХЭҮК Бангкокт байгаа НҮБ ийн дүрвэгсдийн асуудал харицсан комиссариат руу уг асуудлыг уламжилж уйгагүй шаргуу ажиллаж байгаа .Эерэг үр дүн гарна гэдэгт итгэлтэй байна. Нисэхэд ажиллаж байгаа ажилтнууд, санаа тавьж байгаа монголчууддаа их баярлаж байгааг уламжилж өгөөрэй гэсэн шүү" гэж мэдэгдэж байв. Тэгвэл өнөөдөр /2023.03.01/ ОХУ-ын иргэн Батыр Батыровичыг Монгол Улсын хилээр гаргаж, гуравдагч орон руу явуулсан байна. Энэхүү үйл ажиллагааг НҮБ-аас зохион байгуулж түүнийг олон улсын хамгаалалтад оруулж байгаа бололтой. Түүнийг АНУ руу Korean air онгоцоор нисгэсэн тухай ОУ-ын нисэх буудлын цагдаагийн дэд хурандаа бидэнд аман байдлаар мэдэгдэв.
Засгийн газрын хуралдаанаас гаргасан шийдвэрийг танилцууллаа. ЗГХЭГ-ын дарга Д.Амарбаясгалан: -Ерөнхий сайд Л.Оюун-Эрдэнийн зүгээс БНСУ-д айлчлах үеэр визийн нөхцлийг хөнгөлөлттэй болгох тухай асуудлыг хөндсөн. Ингэхдээ тодорхой үндэслэлээр буюу 2023-2025 оныг Монголд айлчлах жил болгон зарласантай холбоотой 30 орчим улсыг визгүй болгосон. Монголд зочлохдоо визгүй байх нөхцөл хангасан. Үүнтэй холбоотой БНСУ-аас эхлэн 2023-2025 онд манай улсын иргэдийг виз үнэгүй зорчих нөхцлийг тавьсан. Мэдээж бусад улсад бид санал тавьж ажиллана. Уулзалт үр дүнтэй болсон. БНСУ-ын Ерөнхийлөгч холбогдох албан тушаалтнуудад албан ёсны үүрэг өгч Монгол Улсыг визгүй болгох ажлыг судалж байна. Засгийн газар хоорондын комисс анхаарал хандуулж ажиллаж байна. Энэ хүрээнд гуравдугаар сард тус улсаас манай улсын нөхцөл байдлыг судлахаар ирнэ. Визний нөхцөлийг харьцангуй хөнгөлөхөөр болсон. Тодруулбал Солонгосын талаас эрүүл мэндийн үйлчилгээ авах өвчтөн, тэдний асран хамгаалагчдад олгох визний нөхцөлийг хөнгөлөхөөр болсон. Цаашлаад визгүй болгоно гэдгээ мэдэгдсэн. Мөн олон удаагийн визийг тодорхой чиглэлд олгодог байсан бол мульт-визийг олгох төрлөө нэмэхээр болж, хүндрэл бэрхшээлийг арилгая гэсэн хариуг хэлсэн. Түүнээс гадна консулын албанд виз олгох ажиллагаанд оролцож буй ажилтан, орон тоог нэмэхэд анхаарахаар болов. Визгүй болсноор иргэд, улс хоорондын харилцаанд гарах үр дүн, ач холбогдол цаашлаад эрсдэлийн талаар нарийн тооцоолох нь чухал юм. Мөн Ерөнхий сайд Солонгос улсад байгаа монгол сургуульд зочилж, хууль эрхзүйн орчинд өөрчлөлт оруулах, хилийн чанадад амьдарч байгаа хүүхдүүдэд эх хэлээ эзэмшиж, сурах боломжоор хангаж буй боловсролын байгууллагуудад хөрөнгө санхүүгийн дэмжлэг үзүүлэхийг хэлэлцэхээр болсон. Мөн өнөөдрийн хурлаар Төрийн албан хаагчийн ёс зүйн дүрмийг шинэчлэх талаар хэлэлцлээ.
У лаанбаатар хотод 2023 оны 2 сарын 27- ны байдлаар х ү нсний гол нэрийн барааны ү нэ ө мн ө х сараас 6.6 хувь , ө мн ө х 14 хоногоос 0.2 хувиар ө сс ө н байна . Тухайлбал , хонины ястай мах хоёрдугаар сарын 13- нд 11 мянга 834 т ө гр ө гийн ү нэтэй байсан бол хоёрдугаар сарын 27- ны ө дрийн байдлаар 12 мянга 120 т ө гр ө гийн ү нэтэй болж 2.4 хувиар ө сжээ . харин с үү, ө нд ө г , цагаан будаа , талх , гурилын ү нэд өө рчл ө лт ороог ү й байна . Харин аймгийн төвүүдэд зарим гол нэрийн барааны дундаж үнэ 1.4 хувиар өсжээ. тухайлбал аи-92 бензиний үнэ 2577 төгрөгөөс 2582 төгрөг болж 0.2 хувиар үнэ өсжээ. мөн хонь, ямаа, үхрийн мах, гурил, сүү, элсэн чихэр, цагаан будааны үнэ өссөн байна. эх сурвалж: үндэсний статистикийн хороо
Монголын хамгийн олон худалдан авагчидтай анхны сүлжээ дэлгүүрүүдийн нэг бол Номин. Тус дэлгүүрийн үйлчилгээ, үнийн зөрүүтэй холбоотой багагүй шүүмж сошиалд хөвөрдөг. Тэгвэл нэгэн иргэн Халдвартад байрлах Номин сүлжээ дэлгүүрт хулгана арзаганаж байгаа талаар өөрийн цахим хуудаснаа бичжээ. Өлзийбат Булган гэх нэртэй цахим сүлжээ хэрэглэгчид өөрийн цахим хуудаснаа “Номин супермаркет Шагдарсүрэнгийн Баярсайханы сүлжээ дэлгүүр гэж сэжгийн газар байна аа. Хавар Чулуун овооны Номингоор үйлчлүүлж байтал баахан жоом. Зохион байгуулагч дуудаад хэлтэл “уучлаарай муучлаарай дахиж ийм алдаа гаргахгүй” гээд 2 хүүхдэд маань бэлэг өгөөд тонголзоод гүйгээд байхаар нь яршиг даа гээд өнгөрөөлөө. Хариуд нь дахиж үйлчлүүлээгүй. Тэгтэл дөнгөж сая Халдвартын Номин дотор хулганууд нь арзаганаж байна. “Хүүе ээ ямар заваарсан юм бэ,би танайхаас өдөр бүр хүнсээ цуглуулдаг,юу болж байна аа энэ чинь одоо арга хэмжээ аваач ээ” гсэн намайг нохой хуцсан чинээ ч тоож бгаам алга худалдагч кассууд нь. Яанаа одоо,яасан хэцүү хорвоо вэ,90 хувь нь хүнс биз дээ энэ Номин чинь. Би ч одоо дүүрч ээ дүүрч.Энэ хүүхдүүд шар өвчин тусвал тэгээд элэг дуусаа” гэжээ. Мөнгө олж байвал эрүүл ахуй, ариутгал зэргийг тус дэлгүүр хийдэггүй байх вий гэх хардлага иргэдэд төрөөд байна.
Авлигатай тэмцэх газрын Мөрдөн шалгах хэлтэс 2023 оны 2 дугаар сарын 20, 24-ний өдрүүдэд гэмт хэргийн шинжтэй 97 гомдол, мэдээллийг шалгав. Үүнээс 20 гомдол, мэдээлэлд хэрэг бүртгэлтийн хэрэг нээж, 14 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдлыг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 62 гомдол, мэдээллийг хянан шалгаж байна. Түүнчлэн эрүүгийн 823 хэрэгт мөрдөн байцаалтын ажиллагаа явуулснаас өнгөрсөн долоо хоногт 2 хэргийг шүүхэд шилжүүлэх, 2 хэргийг хаах, 1 хэргийг харьяаллын дагуу шилжүүлэх саналтай прокурорт хүргүүлэв. Мөрдөн шалгах ажиллагаанд одоогоор 818 хэрэг шалгагдаж байна. Шүүхэд шилжүүлэх саналтайгаар прокурорын байгууллагад хүргүүлсэн хэргүүдийг дурдвал: Иргэн “Ц” нь "Аавуудын нэгдэл" ТББ-ын удирдах зөвлөлийн даргаар ажиллаж байхдаа өөртөө ашиг хонжоо олох зорилгоор "Хүүхдийн төв сувилал”-д туслах хандивын аянд иргэдээс шилжүүлсэн мөнгийг авч ашигласан гэх; Замын-Үүд чөлөөт бүсийн Захирагчийн үүргийг түр орлон гүйцэтгэгч “Б” нь албан тушаалын байдлаа урвуулан ашиглаж “Алтайн ундарга шанд чөлөөт бүс” ХХК-ийн газрын байршлыг өөрчилж тус компанийн захирал “С”-аас 5.000.000 төгрөгийг авсан, бусадтай хамтран төсвийн мөнгийг зориулалтын бусаар зарцуулсан гэх.
Нийслэлийн удирдах ажилтнуудын өчигдрийн шуурхай зөвлөгөөнөөр Замын хөдөлгөөний нэгдсэн системийн талаар хэлэлцжээ. Цахим шилжилтийн хүрээнд хийж байгаа Замын хөдөлгөөний нэгдсэн систем /RFID/-ийн ажлыг эрчимжүүлэх хүрээнд нийслэлийн төвийн бүсийн зургаан дүүргийн гэрлэн дохиотой 138 уулзварын 354 байршил, дөрвөн пост, оношилгооны таван төвд нийт 455 ширхэг радио давтамж тодорхойлох RFID уншигч төхөөрөмж, 1036 ширхэг уншигч антенн суурилуулан энэ оны эхний улиралд багтаан хэрэглээнд нэвтрүүлэхээр байна. Зөвлөгөөний үеэр сар шинийн баяр, амралтын өдрүүдэд нийслэлийн хэмжээнд гарсан гэмт хэрэг, зөрчил болоод шар усны үер, халиа тошин зэрэг цаг үеийн нөхцөл байдлын талаар мэдээллээ. Улсын хэмжээнд орон нутагт 470,000 орчим, нийслэлд 650,000 орчим тээврийн хэрэгсэл бүртгэлтэй ба эдгээрээс замын хөдөлгөөнд идэвхтэй оролцож буй нэг сая тээврийн хэрэгсэлд RFID чип буюу тээврийн хэрэгслийн техникийн хяналтын цахим гэрчилгээг суурилуулана. Уг ажлыг гуравдугаар сарын 1-нээс эхлүүлнэ гэдгийг мэдэгдээд буй. Улаанбаатар хотын хэмжээнд 161 цэгт RFID уншигчийг суурилуулсан. RFID чипийг тээврийн хэрэгсэлд суурилуулахдаа техникийн хяналтын үзлэгийн төв, нийслэлийн нэг цэгийн үйлчилгээний төв, томоохон худалдааны төвүүдийг түшиглэн зохион байгуулах аж. Чипийг үнэгүй суурилуулах бөгөөд импортоор орж ирэх тээврийн хэрэгсэлд гааль дээр төлбөрөө төлөн наалгана. RFID нь тээврийн хэрэгслийн хяналт зохицуулалтын нэгдсэн систем. Тэгэхээр тээврийн хэрэгслийн торгууль, татвар, даатгал, замын хөдөлгөөний зөрчил зэрэг бүх асуудлыг энэ системээр шийдэх боломжтой ажээ.
Нийслэл, аймаг, дүүрэг, сумдад хог, тоос тортог, бохирдлоос салах нийтийн их цэвэрлэгээг хийх БОАЖ-ын Сайд Б.Бат-Эрдэнэ албан даалгавар гарлаа. Чингис хаан олон улсын нисэх буудалд өчигдөр цэвэрлэгээгээ хийжээ. Мөн Зуунмод хотоос Улаанбаатар хүртэлх замд дагуу шалгалтуудыг хийжээ. Зам дагуух хулдаас татсан нүхэн жорлонгуудыг яаралтай буулгах, ойр орчмыг цэвэрлэх үүргийг Төв аймгийн Засаг дарга болон Хан-Уул дүүргийн Засаг даргад өглөө.
