УГТЭ: ИРГЭДЭД ЭРҮҮЛ МЭНДИЙН БОЛОВСРОЛ ОЛГОХ ӨДӨРЛӨГ БОЛЖ БАЙНА

06 / 04 0 сэтгэгдэл 382 үзсэнe

Улсын гуравдугаар төв эмнэлгээс өнөөдөр /2024.06.04/ Нийгмийн эрүүл мэндийн хууль батлагдсантай холбоотой иргэд үйлчлүүлэгчдэд эрүүл мэндийн боловсрол олгох нээлттэй хаалганы өдөрлөгийг зохион байгуулж байна. Тус эмнэлгийн захирал Ц.Төмөр-Очир нээлтийн үеэр үг хэлэхдээ “Алсын хараа-2050” Монгол Улсын урт хугацааны хөгжлийн бодлого, Монгол Улсын Засгийн газрын 2020-2024 оны үйл ажиллагааны хөтөлбөрт иргэдэд эрүүл мэндийн мэдлэг олгох, тэдний эрүүл мэндийн боловсролыг дээшлүүлэх эрүүл идэвхтэй амьдралын хэв маягийг төлөвшүүлэх арга хэмжээнүүдийг хэрэгжүүлэхээр тусгасан нь Дэлхийн тогтвортой хөгжлийн зорилт 3-д заасан “Бүх нийтийн эрүүл мэндийн хамралтад хүрэх”, Дэлхийн эрүүл мэндийн байгууллагын “Хэнийг ч орхигдуулахгүй байх” зарчим, “Хүн төвтэй эрүүл мэндийн тусламж үйлчилгээ” эрүүл мэндийн бодлогын зорилтыг хэрэгжүүлэх олон талт ажлуудыг хэрэгжүүлж байгаа билээ. Монгол Улсын Их Хурлаас энэ оны нэгдүгээр сард “Нийгмийн эрүүл мэндийн тусламж үйлчилгээний хууль”-ийг соёрхон баталсантай холбогдуулан иргэд үйлчлүүлэгчдэд эрүүл мэндийн боловсрол олгох нөлөөллийн үйл ажиллагааг үе шаттай зохион байгуулж байгааг дурдлаа. Энэхүү өдөрлөгт Эмнэлгийн захиргаа, Захиргаа хүний нөөц, Сувилахуйн алба, Эм зүйн алба болон 22 тасаг нэгж оролцсон байна. Өдөрлөгийн үеэр зарим иргэдийн ясны сийрэгжилт, биеийн жингийн индекс, цусны даралт, чихрийн шижинг тодорхойлж, харвалт, зүрхний шигдээсний үеийн сэргээн засах эмчилгээ, уламжлал засал эмчилгээ, мэс заслын дараах үеийн сувилгаа, оношилгоо шинжилгээнд орох үеийн бэлтгэл, эмийн зохистой хэрэглээ, зөв хооллолтын чиглэлээр нийт 750 хүнд эрүүл мэндийн зөвлөгөө зөвлөмж өгч ажиллажээ. Түүнчлэн эрүүл мэндийн анхан шатны мэдлэг, боловсрол олгох зорилгоор бэлтгэсэн 1400 хэвлэмэл зөвлөмж, зөвлөгөөг тараасан юм. Мөн өдөрлөгөөр дамжуулж иргэд үйлчлүүлэгчдэд авилгын эрсдэлээс урьдчилан сэргийлэх, олон нийтэд шударга ёсны үзэл санааг төлөвшүүлэх, ил тод, нээлттэй, хариуцлагатай нийгмийг хөгжүүлэх, авлигын эсрэг таны оролцоо сургалт мэдээллийн үйл ажиллагаа явуулсан байна.

ҮНДЭСНИЙ ШИНЭ НОМЫН САНГИЙН ДЭРГЭД БАРИГДАЖ БАЙСАН БАРИЛГЫН КАРКАСЫГ НУРААЖ ДУУСЛАА

06 / 04 0 сэтгэгдэл 258 үзсэнe

Уг барилгын газрын зөвшөөрлийг анх 2005 онд олгосон бөгөөд 2008 онд иргэн Ц.Батбаатар худалдан авч, барилгын ажлыг эхлүүлсэн. Гэвч тус барилга нь Хот, суурины ус хангамж, ариутгах татуургын ашиглалтын тухай хуулийг зөрчсөн гэх үндэслэлээр шүүхийн маргаантай явсаар өдийг хүрсэн. Ийн шүүхийн маргаан эцэслэгдэж, барилгын эзэн барилгын ажлыг зогсоон, нийгмийн хариуцлагын хүрээнд барилгыг буулган ногоон байгууламж болгон тохижуулах хүсэлтээ хотын захиргаанд тавьсны дагуу барилгыг буулгасан юм. Уг барилга байсан газрыг ногоон байгууламж болгон тохижуулна

СОЁЛЫН САЙД Ч.НОМИН, ЭЗХ-ИЙН САЙД Ч.ХҮРЭЛБААТАР НАРЫГ ЦАГДААГИЙН БАЙГУУЛЛАГААС ШАЛГАЖ БАЙНА

06 / 04 0 сэтгэгдэл 467 үзсэнe

Ерөнхий сайд Л.Оюун-Эрдэнэд ажлаа тайлагнах үүрэгтэй улс төрийн албан тушаалтан буюу Соёлын сайд Ч.Номин сонгуулийн санал авах жил сонгогчид руу чиглэсэн тайлан сэтгүүл гаргасан. Улмаар төсвийн 19 сая төгрөгөөр хэвлэсэн гэх мэдээлэл ч цацагдсан. Энэхүү үйлдэлд хуулийн асуудал үүсэж шалгагдаж буй. ЭЗХ-ийн сайд Ч.Хүрэлбаатарыг оюутнуудад мөнгө тарааж, төрийн эрхийг хууль бусаар авахыг завдсан гэх иргэний гомдол цагдаагийн байгууллагад ирсэн байна. Улмаар СЕХ нэр дэвшигчээр бүртгэхээс татгалзах нөхцөл байдал үүссэн ч байж болзошгүй.

05-Р АНГИЙН ЦЭРЭГ ЦЭЭЛ СУМЫН ЗАСАГ ДАРГА АСАН М.ГАНБАТЫН КОМПАНИД АЖИЛЛАЖ БАЙХДАА АМИА АЛДЖЭЭ

06 / 04 0 сэтгэгдэл 488 үзсэнe

Дотоодын цэргийн 05 дугаар ангийн цэргүүд Төв аймгийн Цээл сумаас хойш 10 км-т байрлалтай "Шар бүрд" гэдэг газар хашаа барьж байжээ. Харин тухайн үед автомашины тоормос эвдэрсэн шалтгаанаар осол гарч, цэрэг амиа алджээ. Тухайн цэргийг Төв аймгийн Цээл сумын нутагт "Чандманьбаян бүрд" ХХК-д ажиллаж байхдаа ийн машинд дайруулсан гэх мэдээлэл бий. Тухайн компани нь тус сумын засаг даргаар ажиллаж байсан М.Ганбатын эзэмшлийнх байсан ба 2013 болон 2024 онд эзэмшигчийн бүртгэлээ өөрчилж байжээ. Тодруулбал, Цээл сумын засаг дарга асан М.Ганбат өөрийн хүүхдүүдийнхээ нэр дээр тус компанийг шилжүүлжээ.

ХЭНТИЙ АЙМГААС НОРОВЛИН СУМ ЧИГЛЭЛИЙН 130 КМ АВТО ЗАМЫГ ЭНЭ ОНД АШИГЛАЛТАД ОРУУЛНА

06 / 04 0 сэтгэгдэл 247 үзсэнe

Улсын төсвийн хөрөнгө оруулалтаар хэрэгжиж буй Хэнтий аймгаас Норовлин сум чиглэлийн 130 км хатуу хучилттай авто замын барилгын ажил энэ онд дуусна хэмээн Зам, тээврийн хөгжлийн яамнаас мэдээллээ. Уг авто замын барилгын ажил гэрээний дагуу 2025 оны аравдугаар сарын 30-нд дуусах ч төлөвлөсөн хугацаанаас нэг жилийн өмнө буюу 2024 онд хүлээлгэн өгч байнгын ашиглалтад оруулахаар барилгын ажлыг гүйцэтгэж байна. Зам, тээврийн хөгжлийн яамнаас 2024 онд авто замын салбарт 7 аймаг, 40 сум, хоёр хилийн боомтыг авто замаар холбох ажлыг эхлүүлэх зорилт дэвшүүлсэн. Нэгдүгээр багцын 68.6 км авто замын гүйцэтгэгч Наранбулаг-Хан ХХК нь 2023 онд эхний 50 км-ыг гэрээт хугацаанаас өмнө байнгын ашиглалтад оруулсан. Үлдсэн хэсэг болох 18.6км авто замыг 2024 онд хүлээлгэн өгөхөөр ажиллаж байна.

СУМЫН ЗАСАГ ДАРГА, ИТХ-ЫН ДАРГА НАР АЛБАН ТУШААЛЫН БАЙДЛАА УРВУУЛАН АШИГЛАЖ БУСДАД ДАВУУ БАЙДАЛ БИЙ БОЛГОДОГ БАЙЖЭЭ

06 / 04 0 сэтгэгдэл 282 үзсэнe

Өвөрхангай аймгийн прокурорын газраас тус аймгийн Баянгол сумын Иргэдийн төлөөлөгчдийн хурлын дарга Д.Ч, тендер сонгон шалгаруулах хорооны дарга Н.Б, гишүүн Б.М, Г.Н, Ц.З, Д.Э нар нь эрх мэдэл, албан тушаалын байдлаа урвуулан ашиглаж, сумын Засаг даргын тамгын газарт онцгой байдал, гамшгаас хамгаалах албаны үйл ажиллагаанд ашиглах автомашин нийлүүлэх нийлүүлэгчийг сонгон шалгаруулахдаа шаардлага хангаагүй компанийг шалгаруулж, бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн тус аймаг дахь сум дундын эрүүгийн хэргийн анхан шатны шүүхэд, Сүхбаатар аймгийн прокурорын газраас тус аймгийн Баяндэлгэр сумын Засаг дарга М.О, тендер сонгон шалгаруулах хорооны дарга Г.А, гишүүн Б.Б, Т.Ц, Э.Д нар нь эрх мэдэл, албан тушаалын байдлаа урвуулан ашиглаж, Дэлгэр багийн төвийн барилгын ажлын гүйцэтгэгчийг сонгон шалгаруулахдаа барилгын чиглэлээр үйл ажиллагаа явуулах тусгай зөвшөөрөлгүй компанийг сонгон шалгаруулж, бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1/ Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн тус аймаг дахь сум дундын эрүүгийн хэргийн анхан шатны шүүхэд,

НИЙСЛЭЛИЙН ГАЗРЫН АЛБАНЫ МЭРГЭЖИЛТНҮҮД БУСДААС ХАХУУЛЬ АВЧ ГАЗАР ЭЗЭМШҮҮЛДЭГ БАЙЖЭЭ

06 / 04 0 сэтгэгдэл 337 үзсэнe

Нийслэлийн Газар зохион байгуулалтын II албаны мэргэжилтэн О.Х, В.С, Д.Б нар нь нэр бүхий иргэдэд газар эзэмшүүлэх ажлыг зохион байгуулж, албаны чиг үүргээ хэрэгжүүлсний хариуд бусдаас хахууль авсан, мөн мэргэжилтэн О.Х нь худалдан авсан хөрөнгийн эх үүсвэрийг тайлбарлаж чадаагүй гэх хэрэгт Эрүүгийн хуулийн 22.4 дүгээр зүйлийн 1, 2 /Нийтийн албан тушаалтан хахууль авах/, 22.5 дугаар зүйлийн 1 /Хахууль өгөх/, 22.10 дугаар зүйлийн 1 /Үндэслэлгүйгээр хөрөнгөжих/-т зааснаар яллах дүгнэлт үйлдэн Баянзүрх дүүргийн эрүүгийн хэргийн анхан шатны шүүхэд, шилжүүлун яллах дүгнэлт үйлджээ.

СОНГИНОХАЙРХАН ДҮҮРГИЙН ЭРҮҮЛ МЭНДИЙН ТӨВИЙН ЭМЧИЛГЭЭ ЭРХЭЛСЭН ОРЛОГЧ ДАРГА С.Б, ТАСГИЙН ЭРХЛЭГЧ Б.О НАРЫН ХЭРЭГТ ЯЛЛАХ ДҮГНЭЛТ ҮЙЛДЖЭЭ

06 / 04 0 сэтгэгдэл 368 үзсэнe

Нийслэлийн прокурорын газраас Сонгинохайрхан дүүргийн Эрүүл мэндийн төвийн эмчилгээ эрхэлсэн орлогч дарга С.Б, тасгийн эрхлэгч Б.О нар нь тасагт хэвтэн эмчлүүлж буй иргэдээс нэмэлт үйлчилгээний төлбөр авч, өөрсдөдөө эдийн засгийн давуу байдал бий болсон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Сонгинохайрхан дүүргийн эрүүгийн хэргийн анхан шатны шүүхэд шилжүүлээд байна.

МОНГОЛ БАНКНЫ МЭДЭГДЭЛ

06 / 04 0 сэтгэгдэл 372 үзсэнe

Монгол Улсад орчин цагийн банкны тогтолцоо үүсч, бэхэжсэний 100 жилийн ойг тохиолдуулж зудад нэрвэгдсэн зээлдэгч малчдад үүсээд буй санхүүгийн хүндрэлтэй нөхцөл байдал болон Covid-19 цар тахлаас үүдэн Монгол Улсын нийгэм-эдийн засагт үзүүлсэн урт хугацааны сөрөг нөлөөг бууруулах, санхүүгийн үйлчилгээний тэгш, хүртээмжтэй байдлыг хадгалах, эдийн засгийн сэргэлтийг дэмжих зорилгоор 2024 оны зургадугаар сарын 2-ны өдөрт багтаан анхаарал хандуулах, хэвийн бус, эргэлзээтэй болон муу зээлийн ангилалтай зээл, өр төлбөрөө бүрэн төлж дууссан зээлдэгч, төлбөр хариуцагчийн зээлийн мэдээллийг Монголбанкны зээлийн мэдээллийн санд тусгахгүй байх тохируулгыг хийхээр шийдвэрлэсэн. Зээлийн мэдээлэл нийлүүлэгч байгууллагууд нь зээлдэгчийн мэдээллийг 72 цагт багтаан Монголбанкны зээлийн мэдээллийн санд нийлүүлэх үүрэг хүлээдэг. Иймд Монголбанк 2024 оны зургадугаар сарын 6-ны өдөр дээрх тохируулгыг хийхээр ажиллаж байна. Та бүхэн зээлийн мэдээллийн лавлагааг 2024 оны зургадугаар сарын 7-ны өдрөөс авна уу.

Ч.НОМИН, Н. НОМТОЙБАЯР НАР УИХ-Д НЭР ДЭВШИХИЙН ТУЛД ХИЙХ АЛХАМ БИЙ...

06 / 04 0 сэтгэгдэл 460 үзсэнe

Дээр өгүүлсэнчлэн “Аавуудынхаа авсан ордуудыг эхлээд эзэн болох ард түмэнд нь буцаагаад өгчих. Тэгээд дараа нь УИХ-д нэр дэвшээрэй. Угтаан бол УИХ-ын гишүүн болж тангараг өргөнө гэдэг чинь улс эх орон, ард түмнийхээ төлөө чин сэтгэлээсээ, тууштай ажиллана гэж буй хэрэг. Гэтэл байгалийнхаа хэсэгхэн ч гэлээ баялагт эзэн сууж өчнөөн орд газар, уул уурхайн лиценз эзэмшиж буй энэ нөхөд ард түмэн, улс эх орныхоо төлөө ажиллах нь юу л бол. Уг нь хуулиараа бол байгалийн баялаг чинь нийт ард түмний өмч. Гэтэл нийтийн тэр баялгийг тас тэвэрчхээд, булт олноос нууж хааж, харамлаж байгаа тэд гишүүн болчхоод хэний төлөө ажиллах нь тов тодорхой гэж харагдаж байгаа. Товчхондоо бол эдгээр олигархууд буюу хуулийн дээгүүр гишгэчиж байгалийн баялагт дангаараа эзэн суусан энэ мэт нөхдүүдэд УИХ-ын гишүүн байх өчүүхэн ч ёс зүй алга. Тиймээс уул уурхайн 40 лиценз эзэмшдэг, Богдхан уулын Дархан цаазат газрын 7 аманд хэдэн 10 га газар эзэмшдэг “Монгол алт” компанийн захирал Нямтайширын хүү Номтойбаяр, Уул уурхайн ашиглалтын 15 лиценз эзэмшдэг “Гацуурт”-ын Чинбатын охин Номин нарыг УИХ-д нэр дэвшүүлэх хүсэл булт олонд алга. Хэрэв УИХ-ын сонгуульд шударгаар өрсөлдөнө, ард түмнийхээ, улс эх орныхоо төлөө ажиллана гэж байгаа бол иргэний зориг гаргаж, дээр өгүүлсэнчлэн аавуудынхаа авсан орд газрыг ард түмэнд нь буцаагаад өгчхөөрэй.