НААДМААР ҮНЭ ТӨЛБӨРГҮЙ ҮЙЛЧЛЭХ НИЙТИЙН ТЭЭВРИЙН МАРШРУТ
Үндэсний их баяр наадмын өдрүүд буюу долоодугаар сарын 10-13 хүртэл Төв цэнгэлдэх хүрээлэн, Хүй долоо худаг хүртэл 15 их багтаамжийн автобус үнэ төлбөргүй үйлчнэ.
ХАР ТАМХИНЫ ХЭРГЭЭР ЭРЭН СУРВАЛЖЛАГДАЖ БАЙСАН МУ-ЫН ИРГЭН У-Г КИРГИЗ УЛСАД БАРИВЧИЛЖЭЭ
Киргизийн Дотоод хэргийн яамны Интерполын товчоо монголын талтай хамтран шуурхай эрэн хайх ажиллагааг явуулж 41 настай монгол иргэн Г.У-г Бишкек хотод саатуулжээ. Г.У нь 2022 оноос хойш хар тамхи, сэтгэцэд нөлөөт бодисыг хууль бусаар борлуулж, үйлдвэрлэсэн хэргээр эрэн сурвалжлагдаж байсан аж. Эрэн сурвалжлагдаж байсан этгээдийг Первомайский дүүргийн Дотоод хэргийн хэлтсийн мөрдөн байцаах албанд хүлээлгэн өгсөн бөгөөд Бүгд Найрамдах Киргиз улсын эрх бүхий байгууллага шилжүүлэн өгөхөөр шалгаж байгаа юм байна. Мөн тус улсын цагдаагийн ерөнхий газрын Хар тамхитай тэмцэх хэлтсээс сэжигтэнтэй холбоотой 100 гаруй хар тамхи тараасан хэргийг илрүүлжээ. Түүнчлэн шалгалтын явцад иргэн У нь Киргизэд хар тамхи түгээх суваг байгуулахаар очсон” хэмээжээ.
АН-ЫН ДАРГА Л.ГАНТӨМӨР УИХ-ЫН ГИШҮҮНИЙ ҮНЭМЛЭХ ОЛГОХ ҮЙЛ АЖИЛЛАГААНД ИРСЭНГҮЙ
2024 оны УИХ-ын ээлжит сонгуульд нэр дэвшиж, ялалт байгуулсан хүмүүст УИХ-ын гишүүний үнэмлэх гардуулах ёслолын үйл ажиллагаа болж байна. Тэгвэл Ардчилсан намын жагсаалтын нэгдүгээрт бичигдсэн тус намын дарга Л.Гантөмөр үнэмлэх гардуулах үйл ажиллагаанд ирсэнгүй.
АЯЛЛЫН ОНГОЦ ОСОЛДОЖ, 2 ХҮН ГЭМТЖЭЭ
Төв аймаг Эрдэнэ сум Өгөөмөр багийн нутаг дэвсгэрт Цонжин болдог цогцолбороос зүүн тийш аяллын зориулалттай хоёр хүний суудалтай нисдэг тэрэг осолдож, унажээ. Энэ талаар ЦЕГ-ын хэвлэл мэдээллийн төвөөс тодруулахад “2024 оны зургаадугаар сарын 30-ны өдөр аяллын зориулалттай жижиг нисдэг тэрэг унаж осолдлоо гэх дуудлага мэдээлэл бүртгэгдсэн. Ослын улмаас хоёр хүн гэмтэж, эмнэлгийн байгууллагад хүргэгдсэн. Уг дуудлага мэдээллийн дагуу Тээврийн цагдаагийн албанаас шалгалтын ажиллагааг явуулж байна” гэв.
ОНЦГОЙ БАЙДЛЫН АЛБА ХААГЧИД 44 ИРГЭНИЙ АМЬ НАСЫГ АВРАН ХАМГААЛЛАА
Улсын хэмжээнд өнгөрсөн долоо хоногт /2024.06.24-30/ нийслэлийн 8 дүүрэг, 13 аймгийн 30 суманд аюулт үзэгдэл, ослын 93 удаагийн дуудлага бүртгэгдлээ. Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 44 иргэний амь насыг авран хамгаалсан. Харин гамшиг, аюулт үзэгдлийн улмаас 8 хүн нас барж, 5 хүн гэмтэж бэртсэн байна. Нийт дуудлагын 46 нь гал түймэр, 25 нь хүний үйл ажиллагаатай холбоотой осол, 19 нь ус, цаг уурын гаралтай аюулт үзэгдэл, 3 нь биологийн гаралтай аюулт үзэгдэл байна.
АЧААНЫ АВТОМАШИН ӨНДРИЙН ХЯЗГААРЛАГЧИЙГ МӨРГӨЖ, ОСОЛ ГАРГАЛАА
Нарны гүүр орчмын гүүрэн гарцны төмөр хаалтыг ачааны автомашин мөргөж, аваарын гарцыг унагаажээ. Тухайн гүүрэн байгууламж нээгдсэн өдөр үүнтэй ижил төрлийн осол гарч байсан юм. Энэхүү машин заасан өндрийн хэмжээг зөрчсөн эсэхийг албаныхан тодруулж байна.
135 ИРГЭН, 162 АЖ АХУЙ НЭГЖ МАХ, МАХАН БҮТЭЭГДЭХҮҮНЭЭ ШИНЖИЛГЭЭНД ХАМРУУЛААГҮЙ БАЙЖЭЭ
Нийслэлийн удирдах ажилтнуудын шуурхай зөвлөгөөн боллоо. Энэ үеэр Нийслэлийн з ахирагчийн ажлын албаны дарга Ц.Төрхүү гудамжны хоолны стандарт, үйлчилгээний чанар, хяналтын талаар танилцуулав. Тэрбээр “Стандарт, хэмжил зүйн газар 2010 онд явуулын үйлчилгээтэй түргэн хоолны цэг, техникийн ерөнхий шаардлагыг баталсан байдаг. Харин 2023 онд НИТХ-аар нийслэлийн нутаг дэвсгэрт худалдаа, үйлчилгээ эрхлэх нийтлэг журам батлах тухай тогтоолын төслийг баталсан. Мөн НИТХ-ын 2022 оны 34 дүгээр тогтоолоор “ Нийслэлийн нутаг дэвсгэрт худалдаа, үйлчилгээ эрхлэх нийтлэг журам ” -ын хүрээнд есөн дүүргийн Засаг даргын захирамжаар худалдаа, үйлчилгээ эрхлэх 314 байршлыг баталсан юм. Дээрх дурдсан эрх зүйн баримт бичгийг үндэслэн иргэдийн эрүүл, аюулгүй байдлыг хангах үүднээс хяналт шалгалт хий лээ. Хяналт шалгалтаар хүнсний түүхий эд, галын аюулгүй байдлыг зөрчсөн зэрэг зөрчил илэрсэн” хэмээн ярилаа. Шалгалтаар Хан-Уул, Баянзүрх, Баянгол, Налайх дүүргийн 135 иргэн, 162 аж ахуй нэгж, байгууллагын үйл ажиллагааг шалгахад мах, махан бүтээгдэхүүнийг шинжилгээнд хамруулаагүй байжээ. Мөн с үүдрэвчтэй худалдаа эрхэлж буй иргэд мэргэжлийн байгууллагаар ариутгал, халдваргүйтгэл хийлгэдэггүй, хоол үйлдвэрлэлд хэрэглэж буй хүнсний түүхий эд, бүтээгдэхүүний гарал үүсэл, дагалдах шинжилгээ, баталгаажилтын баримт бичгийг бүрдүүлээгүй зэрэг зөрчил илэрсэн байна.
НЭР ДЭВШИГЧИЙГ УЛСЫН ИХ ХУРЛЫН ГИШҮҮНЭЭР СОНГОГДСОНД ТООЦОЖ, ТОГТООЛ БАТЛАВ
Монгол Улсын Сонгуулийн ерөнхий хорооны 2024 оны 6 дугаар сарын 30-ны өдрийн 191 дүгээр тогтоолыг танилцуулж байна.
УИХ-ын сонгуулийн сурталчилгааны хүрээнд ажилласан байдлын мэдээллийг хүргэж байна
Монгол Улсын Их Хурлын сонгуулийн тухай хуулийн 39.5-д зааснаар сонгуулийн сурталчилгаа дууссанаас хойш 10 хоногийн дотор сурталчилгаа явуулсан талаарх тайланг нийтэд мэдээлэх үүргээ хэрэгжүүлэх хүрээнд дараах мэдээллийг хүргэж байна. 2024 оны Улсын их хурлын сонгуулиар мэдээ мэдээллийн Нэгүүн.мн сайт нь нийт 1 нам хамтран ажиллах гэрээ байгуулан ажиллалаа. Мөн нийгмийн хариуцлагын хүрээнд 1 намын болон 2 нэр дэвшигчийн сурталчилгааг үнэ төлбөргүй нийтлэн ажилласан болно. Сонгуулийн сурталчилгааны 16 хоногийн хугацаанд нийт 100 орчим сурталчилгааны мэдээ, сонгогчдын боловсролд 60 гаруй мэдээ мэдээлэл дамжууллаа.
"THE HU" ХАМТЛАГИЙН АХЛАГЧ Ц.ГАЛБАДРАХ: МОНГОЛЫН УРЛАГИЙН ХӨГЖЛИЙГ ДЭЛХИЙ ДАХИНД ХАРУУЛНА
"Хүннү рок" урсгалыг үндэслэгч, Монгол үндэстний хөгжмийг рок дуугаралттай хослуулан Дэлхий дахинаа өөрийн өнгө төрхийг тодорхойлж буй "Чингис хаан" одонт "THE HU” хамтлаг Монголын Үндэсний их баяр наадмаар анхны бүрэн хэмжээний тоглолтоо эх орондоо толилуулах гэж байгаа билээ. Үүнтэй холбогдуулан "The Hu" хамтлаг болон зохион байгуулагчид хэвлэлийн бага хурал зохион байгуулж, тоглолттой холбоотой мэдээлэл өглөө. “Хү” хамтлагийн ахлагч Ц.Галбадрах: "The Hu" хамтлаг Монгол эх орондоо өөрсдийн задгай талбайн анхны тоглолтоо 7 дугаар сарын 10-ны өдөр хийхээр болсондоо баяртай байна. Бэлтгэл ажилдаа орсон, сэтгэгдэл өндөр байна. Энэ удаа тоглолт хийх шинэ бүс бий болгож, "The Hu" хамтлаг тоглолтоо хийж буй анхны хамтлаг нь болж байна. Найруулагчид, продюсерийн баг болон хамтлаг хамтдаа үзэгчдэдээ сайн чанарын тоглолт хүргэхийн төлөө маш шаргуу ажиллаж байна. Үндэсний их баяр наадмынхаа өмнө хамтдаа урлаг соёл, үүх түүхээрээ бахархцгаая гэж уриалж байна. Маш сайхан тоглолт болно гэдгийг ам бардам хэлэх байна. Монголчуудтайгаа уулзах мөчийг тэсэн ядан хүлээж байгаа. Гадна дотнын жуулчид ирсэн энэ үед бүх Монголчуудтайгаа хамт наадахыг хүсэж байна. Улаанбаатар хотдоо энэхүү тоглолтоо зохион байгуулсны дараа орон нутгаар аялангаа "ARA festival"-д мөн оролцож хөгжмийн наадмын headline хэсэгт тоглох болно. Ерөнхий продюсер Халзаа буюу М.Даваасүрэн: Яагаад 7-р сарын 10-ний өдрийг сонгосон бэ гэвэл энэ өдөр Монгол улс Төрийн их хар сүлдээ залдаг өдөр. Энэ өдөр "The Hu" хамтлаг маань тайзнаа гаран ирж үзэгчидтэйгээ хамт тугаа цэнгүүлнэ. Зохион байгуулалтын хувьд ариун цэврийн өрөөний асуудал ихээр яригддаг. Энэ удаад нэг дор 200 гаруй хүн зэрэг үйлчлүүлэх хүчин чадалтай ариун цэврийн өрөө байршуулж байгаа. Талбайн хувьд Төв цэнгэлдэх хүрээлэнгээс хоёр дахин том талбайд тоглох болно. Мөн үйлчилгээний газруудыг тоглолт болох газраас зайдуу байрлуулж өгсөн. Зохион байгуулалтыг өмнөх тоглолтуудаас илүү сайжруулахыг зорьж ажиллаж байна. SKIN entertainment-ийн найруулагч Б.Анар "The Hu" хамтлагийн тоглолт Хүн соёлыг харуулсан, зөвхөн Монголд л үзэх боломжтой тоглолт зохион байгуулна. Гаднын жуулчдад Монгол өв соёл гэж юу байдаг тухай харуулахын зэрэгцээ Хүннү рок урсгалыг таниулах болно. Энэ бүхнийг тайз засал болон найруулгатай хослуулан үзүүлэх болно. Монгол соёлоо дэлхий дахинаа харуулж, Монголчууд хэрхэн нааддагийг таниулах завшаан тохиож байна гэж харж байна. “Хү” хамтлагийн ахлагч Ц.Галбадрах: Сая дэлхий дахинаа харуулна гэж найруулагч маань ярьлаа. Бид дэлхийн олон оронд тоглож, олон алдартай фестивалиудад оролцож байхад бусад Азийн, тухайлбал к-поп маш их хүчээ авсан харагдаж байсан. Тухайн улс орон үндэстнээрээ урлаг соёлоо дэмжиж байна. Энэ удаад Монголчууд яаж нэгнээ дэмждэгийг, урлаг соёл маань яаж хөгжснийг харуулах боломж учраас үзэгчид маань энэхүү үйлсэд хүчин зүтгэх нь Монголчуудын том бахархал болох байх гэж бодож байна. Өмнө нь томоохон хөгжмийн наадмуудад анх тоглоход биднийг олон жил сонссон юм шиг хүлээж авч байсан. Европ, Америк, Австрали, Өмнөд Америк, Азийн орноор явж, 350 гаруй фестивальд оролцлоо. Эх орондоо задгай талбайд анх удаа тоглохдоо бүх хит, “Аянгын нүргээн”, “Гэрэг” цомгийн шилдэг уран бүтээлээ толилуулна. Тоглолтын тайз үндэсний өв соёл, язгуур урлагийг харуулсан шийдэлтэй, үзэгчдэд тав тухтай байхад анхаарч ажиллаж байна. Тоглолт долдугаар сарын 10-ны өдрийн 18.00 цагаас Шангри-Ла зочид буудлын баруун талын "Hit" паркт болно. Тасалбарыг shoppy.mn/products/the-hu-240710 болон www.ticket.mn/event/2200 холбоосоор худалдан авах боломжтой Энгийн тасалбар: 99,000 төгрөг "Fan zone" тасалбар: 600,000 төгрөг "VIP" тасалбар: 2,000,000 төгрөг
