"GLOBAL RESIDENCE" ИРГЭДЭД ГЭРЧИЛГЭЭ ГАРАХ БОЛОМЖГҮЙ БАЙРЫГ ХУДАЛДАН БОРЛУУЛЖ БАЙНА !!!

Герман улсын нэр нөлөө бүхий эрхэмээс 4-н сая еврогийн хөрөнгө оруулалт татсан ч гадны хөрөнгө оруулагчаа бусармагаар залилж хуурамч бичиг баримт бүрдүүлсэн Бату констракшин ХХК иргэдийг хохирооход ойрхон иржээ. Учир нь арбитрын шүүхээр үнэн зөв нь тогтоогдож Герман иргэний хөрөнгө оруулалт байсныг нь баталчихсан орон сууцыг иргэдэд худалдан борлуулсан ч байрных нь гэрчилгээ гарах боломжгүй байхад энэ мэтээр иргэдийг хохироож буй асуудлаа зогсоохгүй байна.

ТОМУУ , АМЬСГАЛЫН ЗАМЫН ДЭГДЭЛТ ЭРС ИХЭСЛЭЭ

ЭМЯ- наас Амьсгалын замын цочмог халдварын шалтгаантай улирлын томуугийн дэгдэлт их байгаа талаар мэдээллээ. Булган, Дархан, Завхан, Орхон, Сэлэнгэ, Увс, Хөвсгөл аймгууд идэвхжлийн түвшинд, Архангай, Баян-Өлгий, Баянхонгор, Говьсүмбэр, Дорноговь, Дорнод, Дундговь, Өвөрхангай, Өмнөговь, Ховд, Төв аймгууд алаг цоог дэгдэлтийн түвшинд байна. Тодруулбал: Амбулаториор үйлчлүүлэгсдийн 10,000 хүн тутамд томуу, томуу төст өвчин 16,6 бүртгэгдэж, 16 хүртэлх насны 1,255 хүүхэд эмнэлэгт хэвтэн эмчлүүлсний 26,2 хувь нь амьсгалын замын цочмог хүнд халдварын шалтгаантай. Улирлын болон томуугийн цар тахлын эрсдэлийн үнэлгээгээр идэвхжлийн түвшинд байна .

37 КОМПАНИ 161.7 ТЭРБУМ ТӨГРӨГИЙН НООГДОЛ АШИГ ХУВИАРЛАХААР БОЛЖЭЭ

Монголын Хөрөнгийн биржээс 2021 онд 37 хувьцаат компани 161,9 тэрбум төгрөгийг ногдол ашигт тараасан бөгөөд энэ нь өмнөх оноос зургаан хувиар өссөн үзүүлэлт болж байгаа юм. Шинжээчдийн үзэж байгаагаар технологид суурилсан санхүүгийн үйлчилгээтэй болон өргөн хэрэглээний бүтээгдэхүүний салбарын компаниудын ногдол ашиг болон өгөөжийн хэмжээ өндөр байгаа аж. 2021 оны цэвэр ашгаас 110 тэрбум төгрөгийг АПУ ХК ногдол ашигт хуваарилсан нь хамгийн өндөр дүнтэйд тооцогдож “Гутал” ХК нэгж хувьцаанд 1120 төгрөг тооцон, нийт 1,7 тэрбум төгрөг олгохоор болсон нь нэгж хувьцаанд ногдох ногдол ашгийн хэмжээний хувьд хамгийн өндөр байна .

ӨНӨӨДРӨӨС ЦЭРГИЙН ЦАХИМ БҮРТГЭЛ ЭХЭЛЛЭЭ

Өнөөдрөөс цэрэг бүртгэл эхлэж байгаа бөгөөд нэгдүгээр сарын 5-21-ний хооронд үргэлжилнэ. Өмнө нь харьяа дүүрэг хороондоо биечлэн очиж бүртгүүлдэг байсан. Харин энэ жилээс эхлэн e-mongolia аппликэйшнийг ашиглан хаанаас ч цахимаар бүртгүүлэх боломжтой боллоо. 18-55 насны иргэн бүртгэлийн дараах гурван хувилбараас сонгоно. гар утасны аппликэйшн вэб портал 21 аймаг, нийслэлийн төрийн үйлчилгээний оператораар дамжуулж бүртгүүлэх боломжтой. Интернетгүй бол нийслэлийн үйлчилгээний зургаан цэгт болон баг, хороон дээрээ иргэний үнэмлэхтэйгээ биечлэн очно. НЗДТГ-ын Цэргийн штабаас Бүртгэлийг нэгдүгээр сарын 5-21-нийг хүртэл явуулана хэмээж байгаа ч хугацааг сунгаж иргэдэд боломжийг бүрдүүлэх аж

БНХАУ ХИЛЭЭ ЭНЭ ОНЫГ ДУУСТАЛ НЭЭХГҮЙ БАЙХ МАГАДЛАЛТАЙ

Энэ онд БНХАУ өвлийн Олимпын наадмаас гадна хэд хэдэн томоохон улс төрийн үйл ажиллагаа зохион байгуулахаар төлөвлөөд байгаа юм. “Sinovac” компаниас COVID-19-ийн халдварын эсрэг вакцин “Omicron” хувилбарын эсрэг үр нөлөө багатай байгаа нь батлагдсан. Иймд тус улсын Засгийн газар цар тахлын эсрэг хатуу арга хэмжээгээ үргэлжлүүлж магадгүй. Гуравдугаар сард хууль тогтоох байгууллагын чуулган, Коммунист намын XX их хурал IV улиралд зохиогдоно. Иймд бодлого боловсруулагчид хориг, хязгаарлалтуудаа цуцлах нь эргэлзээтэй байгаа юм .

С.Энхболд: Энхийг сахиулагчдаас S генийн алдагдал илэрсэн хэмээн мэдэгдсэн ч энэ нь эцсийн хариу биш

Засгийн газрын хуралдааны шийдвэрийг танилцуулах үеэр Эрүүл мэндийн сайд С.Энхболд цар тахлын нөхцөл байдлын талаар мэдээлэл хийлээ. С.Энхболд: ДЭМБ Омикрон хувилбарыг бүртгэснээс хойш сар гаруйн хугацаа өнгөрлөө. Энэ хугацаанд Омикрон хувилбар дэлхийн 138 улсад бүртгэгдээд байна. Энэхүү хувилбарын халдварлах чадвар маш өндөр, хурдан тархаж байгаа. Голлох шинж тэмдэг нь халуурах, толгой өвдөх, үе мөч өвдөх, ханиалгах, хоолой өвдөх зэргээр илэрч байгаа. Энэ нь амьсгалын дээд замын буюу томуу төст өвчинтэй адил шинжтэй. Манай улсын хувьд халдварын тохиолдлын тоо нэмэгдэж эхэлж байгаа. Энэ нь шинэ жилийн арга хэмжээ, хөл хөдөлгөөн нэмэгдсэнтэй холбоотой. Омикрон хувилбар бүртгэгдсэнээс хойш хилийн тандалтыг эрчимжүүлсэн. Өнөөдрийн байдлаар буюу Омикрон хувилбар бүртгэгдсэнээс хойш 104 онгоцоор 10,544 зорчигч ирсэн. Тэднээс 411 тохиолдол зөөвөрлөгдөн ирж, батлагдсан. Эдгээр тохиолдлууд дотор энхийг сахиулах ажиллагаанд оролцоод ирсэн 244 алба хаагчийн 231-ээс нь халдвар илэрсэн. Тэдний 96 хувь нь хөнгөн, үлдсэн 4 хувь нь хүндэвтэр хэлбэртэй байна. Манай улсад вирусийн хувилбар тогтоох зорилгоор геномын дараалал тогтоодог аппаратыг арванхоёрдугаар сард суурилуулсан. Ингээд өнгөрсөн сарын 20-ноос шинжилгээ хийж эхэлж байгаа. Эцсийн хариу нь гараагүй байна. Тодорхой үе шаттай хийгддэг учир шинжилгээний хариу хүлээгдэж байна. Мөн 10, 11, 12 дугаар сарын 100 сорьцыг Япон улс руу илгээсэн. Өмнө нь альфа, дельта хувилбарыг тодорхойлохын тулд тус улс руу сорьц илгээж байсан. Хариу нь энэ сарын сүүлээр ирнэ. Урьдчилсан байдлаар энхийг сахиулагчдаас S генийн алдагдал илэрсэн байх боломжтой гэж зарлаж байсан. Энэ нь эцсийн хариу биш. PCR шинжилгээн дээр тусгай вариант ашигладаг оношлуурыг ашигладаг. Ингэхэд S ген тодорхойлогдохгүй хэд хэдэн тохиолдол гарсан. Үүнийг дараагийн шатны шинжилгээгээр геномын дараалал тодорхойлдог аппаратаар баталгаажуулна. Энэ явц нь хийгдэж байгаа” юм байна.

"GLOBAL RESIDENCE" ИРГЭДЭД МАРГААНТАЙ ХӨРӨНГИЙГ САНАЛ БОЛГОЖ , ХУДАЛДАН БОРЛУУЛЖ БАЙНА !!!

"GLOBAL RESIDENCE" ИРГЭДЭД МАРГААНТАЙ ХӨРӨНГИЙГ САНАЛ БОЛГОЖ ХУДАЛДАН БОРЛУУЛЖ БАЙНА !!! 4 сая еврогийн хөрөнгө оруулалт хийсэн Германы иргэнийг эзгүй хойгуур хамтарч ажиллахаар тохирсон Монгол компани нь хуурамч бичиг баримт бүрдүүлээн гадны хөрөнгө оруулалттай орон сууцыг өөрийн дураар иргэдэд худалдан борлуулжээ. Харин одоо арбитрын шүүхээс тогтоол шийдвэр нь гарч тус "GLOBAL RESIDENCE" гэх хотхоныг м2 нь 3 сая 600 мянгаар захиалсан иргэд болоод зарим байрандаа нүүж орсон айл өрхүүд иргэд хохирч магадгүй нөхцөл байдал үүссэн гэх мэдээлэл байна. Иймд дараах мэдээлэлд анхаарлаа хандуулна уу мөн бид уг асуудлыг цааш сурвалжласаар байх болно.

ДӨРӨВДҮГЭЭР САРЫН 2-НООС ШАХМАЛ ТҮЛШНИЙ ҮНЭ 3750 ТӨГРӨГ БОЛЖ НЭМЭГДЭНЭ

А йл өрхүүдийн цахилгаан, дулааны төлбөрийг зургадугаар сар хүртэл тэглэх Засгийн газрын шийдвэр гарсан. Тодруулбал : Орон сууцны айл өрхийн сард хэрэглэх 250 кВт.цаг хүртэл, гэр хорооллын айл өрхийн сард хэрэглэсэн 350 кВт.цаг хүртэл цахилгаан эрчим хүчний төлбөрийг ирэх тавдугаар сарыг дуустал хугацаанд төр хариуцна. Мөн шахмал түлшийг хүйтний эрч сулартал 50 хувийн хөнгөлөлттэй буюу нэг шуудайг нь 1875 төгрөгөөр борлуулж байна. Дөрөвдүгээр сарын 1-нийг хүртэл түлшний үнэд өөрчлөлт орохгүй. Харин дөрөвдүгээр сарын 1-нээс хойш шахмал түлшийг өмнөх үнээр буюу 3750 төгрөгөөр борлуулж эхлэх аж. “Тавантолгой түлш” ХХК өнөөдрийн байдлаар 22.1 мянган тонн шахмал түлшний нөөцтэй бөгөөд сар шинийн баяр өнгөртөл хүрэлцэнэ хэмээн тооцжээ.

НЯРАЙ ХҮҮХДЭЭ ЗАМ ДАГУУ ХАЯЖ ЯВСАН ЭЦЭГ ЭХИЙГ ЭРЭН ХАЙЖ БАЙНА

Н ийслэлийн Сонгинохайрхан дүүргийн нутаг дэвсгэр болох Нэгдүгээр хорооллын арын зам дагуу 2021 оны арванхоёрдугаар сарын 20-доор төрөөд хэдхэн хонож буй нярайг өлгийдөн тавьсан байсныг нэгэн иргэн олон цагдаад мэдэгджээ. Нярай 3.4 кг жинтэй, 50.5 см урттай, хэвийн өсөлт бойжилттой хүүхэд байсан бөгөөд Нялхсын клиник сувилалд шилжүүлсэн байна. Одоогоор төрөөд 10 гаруйхан хонож буй нярайн эцэг, эхийг тогтоохоор эрэн сурвалжлах ажиллагаа явуулж байгаа аж.

СБД-ИЙН ЭМНЭЛЭГ ИРГЭДИЙГ ХҮЛЭЭЖ АВАХГҮЙ ЧИРЭГДҮҮЛСЭЭР , ИРГЭНИЙ БИЕ МУУДАН ХУВИЙН ЭМНЭЛЭГ БАРААДАХААР ЯВЖЭЭ