БАЙЛДААНЫ ЗОРИУЛАЛТТАЙ ГАЛТ ЗЭВСЭГ ХУДАЛДАН БОРЛУУЛАХЫГ ЗАВДЖЭЭ

07 / 29 0 сэтгэгдэл 348 үзсэнe

Нэр бүхий иргэн байлдааны зориулалттай галт зэвсгийг хууль бусаар олж авч, хадгалан, бусдад худалдан борлуулахыг завджээ. Тодруулбал: Энэ оны 05 дугаар сарын 29-ний өдөр Баянгол дүүргийн 2 дугаар хорооны нутаг дэвсгэрт байрлах Рокмон барилгын баруун талд байрлах авто зогсоол дээр Оросын Холбооны Улсад цэргийн зориулалттай үйлдвэрлэгдсэн 9*18 мм-ын голчтой, их бие болон замгийн 204420**** дугаартай байлдааны зориулалттай гол төмөр гар аргаар суурилуулсан галт зэвсгийг хууль бусаар олж авч, хадгалан, бусдад худалдан борлуулахыг завджээ. Тухайн хэрэгт иргэн Н.Б-г энэ оны 07 дугаар сарын 08-ны өдөр Монгол улсын Эрүүгийн хуулийн тусгай ангийн 20.4 дүгээр зүйлийн 1 дэх хэсэгт зааснаар эрүүгийн хэрэг үүсгэн мөрдөн шалгах ажиллагаа явуулж энэ оны 07 дугаар сарын 24-ний өдөр шүүхэд шилжүүлэх саналтай Баянгол дүүргийн прокурорын газарт хүргүүлсэн байна.

МУГТ, МАРАФОНЧ Б.СЭР-ОД ГИННЕСИЙН АМЖИЛТ ТОГТООЛОО

07 / 27 0 сэтгэгдэл 369 үзсэнe

“Парис 2024” зуны XXXIII Олимпын наадмын нээлтийн ёслолын завьт парадад Монгол Улсын Төрийн далбааг Гавьяат тамирчин, марафонч Б.Сэр-Од, боксын ОУХМ О.Есүгэн нар Сена мөрнөө намируулсан. Монгол Улсын тугч Б.Сэр-Одын хувьд зургаа дахь олимпдоо оролцож байгаа бөгөөд ийнхүү Монголын төдийгүй Олимпын наадамд хөнгөн атлетикийн төрлөөр хамгийн олон удаа оролцож буй тамирчин болж, гиннесийн амжилтыг тогтоож байна. Мөн О.Есүгэний хувьд боксын спортын төрлөөс анх удаа тугчаар сонгогдож, Монгол Улсын хоёр дахь эмэгтэй туг баригч болж байна. Хүн төрөлхтний цэнгэлийн манлай болсон Олимпын наадамд манай улсын баг тамирчид 15 дахь удаагаа оролцож байгаа бөгөөд “Токио 1964” анхны Олимпын наадмын нээлтийн ёслолын арга хэмжээнд Монгол Улсын тугийг марафонч Ч.Найдан намируулж байжээ. Түүхэн он цагийн хэлхээг сөхвөөс “Мехико 1968” зуны XIX Олимпын наадамд үндэсний бөхийн зодог шуудгаараа гоёсон Монгол Улсын тугч Х.Баянмөнхийг дэлхий нийт онцолж байв.

ХАРГАЛЗАХ ХҮНГҮЙ ҮЛДСЭН ХҮҮХДҮҮД МАШИН ХӨДӨЛГӨЖ, НЭГНЭЭ ДАЙРЧЭЭ

07 / 27 0 сэтгэгдэл 1 744 үзсэнe

Энэ сарын 7-ны өдөр автомашин өнхөрч, бага насны хүүхэд дайруулж гэмтсэн хэрэг Баянхонгор аймагт бүртгэгджээ. Баянхонгор аймгийн Өлзмйт суманд иргэн Б-гийн Avante маркийн автомашиныг таван настай хүүхэд хөдөлгөсөн буюу арааг нь салгасан байна. Энэ үеэр машин өнхөрч, есөн настай хүүхэд дайруулж гэмтжээ. Алба хаагчид дуудлагын дагуу ажиллахад бага насны гурван хүүхэд харгалзах хүнгүй гэртээ үлдсэн байжээ. Тиймээс цагдаагийн байгууллагаас бага насны хүүхдэд тавих хараа хяналтаа сайжруулж, гэрт нь харгалзах хүнгүй үлдээхгүй байж болзошгүй эрсдэлээс урьдчилан сэргийлэхийг анхаарууллаа.

ГЭРТЭЭ УХААН АЛДСАН 66 НАСТАЙ ИРГЭНИЙГ ЦОНХООР НЬ ОРЖ АВАРЧЭЭ

07 / 26 0 сэтгэгдэл 482 үзсэнe

Улаанбаатар хот, Сонгинохайрхан дүүрэг, 7 дугаар хороо, “Хилчин” хотхоны 15 дугаар байранд биеийн байдал муу 2 хүн гэрийнхээ хаалгыг онгойлгож өгөхгүй байна, хаалгыг нь онгойлгож өгнө үү гэсэн хүсэлтийг 07.26-ны өдрийн 00:48 цагт ОБЕГ хүлээн авсан байна. Нийслэлийн Аврах ангийн алба хаагчид 10 км зам туулан 01:04 цагт очиж, тус байрны айлын цонхоор аврах олс ашиглан аврагчийг буулган цонхоор оруулж, хаалгыг онгойлгосон бөгөөд дотор нь иргэн Г/63 настай, эмэгтэй/ хэвтрийн өвчтэй босох боломжгүй, нөхөр Э/66 настай, эрэгтэй/ ухаан алдсан байдалтай байжээ. Улмаар тус дүүргийн Нэгдсэн эмнэлгийн Яаралтай түргэн тусламжийн төв, дүүргийн Цагдаагийн 2 дугаар хэлтэст нарт хүлээлгэн өгсөн байна.

“ОЮУ ТОЛГОЙ” ХХК-ИЙН МЭРГЭЖИЛТЭН: МАНАЙ УУРХАЙД АЖИЛЛАЖ БАЙСАН ТУСЛАН ГҮЙЦЭТГЭХ КОМПАНИЙН АЖИЛТАН АЖЛЫН БУС ЦАГААР АМИА АЛДСАН НЬ ҮНЭН

07 / 26 0 сэтгэгдэл 1 168 үзсэнe

“Оюу толгой” ХХК-ийн уурхайд хоёр уурхайчин амиа алдсан гэх харамсалтай хэрэг гарчээ. Тодруулбал, талийгаачийн нэг нь уурхайд ажиллаж байхдаа нурангид дарагдсан бол нөгөөх нь амиа хорлосон гэх мэдээлэл бий. Энэ талаар “Оюу толгой” ХХК-ийн Хэвлэл мэдээллийн ажилтнаас тодрууллаа. Тэрбээр “Манай уурхайн цогцолборт ажиллаж байсан туслан гүйцэтгэх компанийн ажилтан өнөөдөр нас барсан харамсалтай хэрэг гарсан. Талийгаач ажлын бус цагаар амь эрдсэн гэх урьдчилсан мэдээлэл бий. Өөрөөр хэлбэл, талийгаач үйлдвэрийн осолд орж нас бараагүй гэсэн үг. Харин манай уурхайд амиа хорлосон гэх хэрэг гараагүй. 2021 оны үед гарч байсан хэргийг хүмүүс олон нийтийн сүлжээгээр сэргээж цацсан байх” гэлээ.

Н.ӨНӨРЦЭЦЭГИЙН ДАВЖ ЗААЛДАХ ШАТНЫ ШҮҮХ ХУРАЛДААНД ХЭҮК ХӨНДЛӨНГИЙН АЖИГЛАГЧААР ОРОЛЦОХЫГ ХҮСЖЭЭ

07 / 26 0 сэтгэгдэл 860 үзсэнe

ХЭҮК-ын Гомдол, хяналт шалгалтын хэлтсийн дарга Г.Ууганбаатар 461-р нээлттэй хорих ангид очиж, сэтгүүлч Н.Өнөрцэцэгтэй уулзжээ. Уулзалтаар Н . Өнөрцэцэгийн Давж заалдах шатны шүүх хуралдаанд ХЭҮК - оос хөндлөнгийн ажиглагчаар оролцох хүсэлтэй байгаагаа илэрхийлсэн байна . Түүнчлэн шүүхээс сэтгүүлч Н.Өнөрцэцэгийг өмгөөлөгчгүйгээр шүүсэн асуудал нь хүний эрхийг зөрчсөн үйлдэл хэмээн үзэж буй аж. Баянзүрх, Сүхбаатар, Чингэлтэй дүүрэг дэх Эрүүгийн хэргийн анхан шатны шүүхээс Н.Өнөрцэцэгт дөрвөн жил, есөн сарын хорих ял оноогоод байгаа юм.

МОНГОЛ ХААН ЖҮЖГИЙН ГРАФИК РОМАН СИНГАПУРТ НЭЭЛТЭЭ ХИЙНЭ

07 / 26 0 сэтгэгдэл 270 үзсэнe

Монгол Хаан жүжгийн график роман өнгөрсөн сард испани хэл дээр хэвлэгдэхээр болж, Испани болон Латин Америкийн орнуудын номын дэлгүүрүүдээр борлогдохоор болж байгаа тухай сайн мэдээ дуулгаж байсан. Тэгвэл уг роман нь 7-р сарын 30-ны өдөр Сингапур улсад албан ёсоор нээлтээ хийхээр болж, Монгол уран бүтээлчид маань Сингапур улсыг зорижээ. Монгол Хааны график романыг Сингапурын Times Distribution компани борлуулахаар болсон бөгөөд Азийн алдарт Kinokuniya номын дэлгүүрт зарагдана. Түүнчлэн уншигчид Сингапурын Amazon.sg-с уг номыг гэртээ шууд захиалан авч болох нь. Энэхүү номын театрын бүтээл болох Монгол Хаан жүжиг энэ оны 10 сарын 17-ноос 11 сарын 3 хүртэл гурван долоо хоногийн туршид Сингапурын алдарт Marina Bay Sands-н Sands Театрт Азийн нээлтээ хийнэ. Тиймээс Сингапурын хэвлэл мэдээллийнхэнд зориулан жүжгийн багийнхан 8 сарын 18-с Монголдоо Улсын Драмын Эрдмийн Театрт өнгөрсөн оны 11 сард Лондон хотын West End-ийн алдарт Колизеум театрт тавьсан шинэчилсэн хувилбараа богино хугацаагаар дахин тоглохоор болжээ. Монголын нэрт зохиолч Б.Лхагвасүрэнгийн бүтээл “Тамгагүй төр” жүжиг найруулагч Херо Баатарын найруулга болох “Монгол Хаан” нэрээр дэлхийн сор болсон бүтээлүүд шигшигдэн тоглогддог театруудын ноён оргилуудад тоглож, Англи, Испани, Латин Америк, Сингапур зэрэг улсуудад жүжгийн график номоо түгээн дэлгэрүүлж буй Монголын сор болсон уг бүтээлийн West End-н хувилбарыг энэ зун эх орондоо үзэх ховор боломж үзэгчдэд бидэнд олдож байна.

МОНГОЛ ЭНХИЙГ САХИУЛАГЧДЫН УР ЧАДВАР, ТУРШЛАГА ДЭЛХИЙД ХҮЛЭЭН ЗӨВШӨӨРӨГДӨЖ БАЙГААГ ОНЦОЛЛОО

07 / 26 0 сэтгэгдэл 343 үзсэнe

УИХ-ын гишүүн, Монгол Улсын Засгийн газрын гишүүн, Батлан хамгаалахын сайд С.Бямбацогт өнөөдөр /2024.07.26/-ны өдөр Бүгд Найрамдах Киргиз Улсын Батлан хамгаалахын сайд дэслэгч генерал Бактыбек Асанкалиевич Бекболотовыг хүлээн авч уулзалаа. Уулзалтын эхэнд Бүгд Найрамдах Киргиз Улсын Батлан хамгаалахын сайд дэслэгч генерал Бактыбек Асанкалиевич Бекболотов Батлан хамгаалахын сайдтай биечлэн уулзаж байгаадаа талархал илэрхийлээд, Монгол Улсын Зэвсэгт хүчний олон улсын энхийг сахиулах ажиллагаанд хуримтлуулсан туршлагаас суралцах, энэ чиглэлд цаашид хамтран ажиллах хүсэл эрмэлзэлтэй байгаагаа уламжиллаа. Түүнчлэн Монгол Улсын энхийг сахиулагчдын бэлтгэл сургуулилт өндөр түвшинд хүрч, дэлхийд хүлээн зөвшөөрөгдөж байгааг тэрбээр онцоллоо. Манай хоёр улсын харилцаа, хамтын ажиллагаа, тэр дундаа батлан хамгаалах салбар дахь хамтын ажиллагааг цаашид өргөжүүлэн хөгжүүлж, шинэ шатанд гаргахад онцгой үүрэг гүйцэтгэнэ гэдэгт итгэлтэй байгаагаа Бүгд Найрамдах Киргиз Улсын Батлан хамгаалахын сайд уулзалтын үеэр онцлон тэмдэглэлээ. Уулзалтаар хоёр улсын батлан хамгаалах салбарын хамтын ажиллагааг өргөжүүлэх хүрээнд өргөн хүрээтэй санал солилцож, талууд хамтран ажиллахаа илэрхийлэв гэж Батлан хамгаалах яамнаас мэдээллээ.

БАГА НАСНЫ ХҮҮХЭД ХҮЧИРХИЙЛСЭН ГЭХ ХЭРЭГТ ХОЛБОГДСОН ЦАГДАА “13 НАСТАЙ ГЭЖ МЭДЭЭГҮЙ” ХЭМЭЭН МАРГАЖЭЭ

07 / 26 0 сэтгэгдэл 927 үзсэнe

Бага насны хүүхэд хүчирхийлсэн хэрэгт холбогдсон цагдаа “13 настай гэж мэдээгүй” хэмээн маргажээ. Эл хэргийн талаар шүүхийн тэмдэглэлд дараах байдлаар дурджээ Тодруулбал, ..аймгийн Цагдаагийн газрын эргүүлийн цагдаа, цагдаа жолооч асан шүүгдэгч .... нь 26 настай, тэрээр өөрийн гэртээ болон тээврийн хэрэгсэл дотор үргэлжилсэн үйлдлээр 13 нас, 2 сар, 26 хоногтой бага насны хүүхэд ...-тэй бэлгийн харьцаанд орж хүчиндсэн гэмт хэрэгт холбогдож, прокуророос яллах дүгнэлт үйлдэн хэргийг шүүхэд ирүүлжээ. Бага насны хохирогч мөрдөн шалгах ажиллагааны үед “шүүгдэгчтэй 4-5 удаа бэлгийн харилцаанд орсон” талаараа тогтвортой мэдүүлж ирсэн боловч шүүх хуралдаанд “шүүгдэгчтэй бэлгийн харилцаанд ороогүй” гэж мэдүүлдэг. Харин шүүгдэгч шүүх хуралдаанд мэдүүлэг өгөхгүй, хохирогч охиныг мэдэж байгаа, дуугүй байх эрхээ эдэлж байгаа талаар тайлбарласан. Шүүгдэгчийн өмгөөлөгч нарын зүгээс: “...хохирогч охин бие бялдарын хувьд өндөр, биеэрхүү тул 13 настай гэж мэдээгүй, 16 настай гэж бодсон учраас 16 насанд хүрээгүй хүнтэй бэлгийн харьцаанд орох гэсэн зүйлчлэлээр хөнгөрүүлж өгнө үү” гэсэн өмгөөллийн дүгнэлтийг гаргасан. Бага насны хохирогч ...нь гэрээсээ 8 удаа сураггүй алга болж, Цагдаагийн байгууллагаас эрэн сурвалжлах ажиллагаа явуулж, тухай бүр нь ар гэрт нь хүлээлгэн өгч байсан баримт хавтаст хэрэгт авагджээ. Бага насны хохирогчийг эрэн сурвалжлах ажиллагаа явуулахдаа түүний талаархи бүхий л хувийн мэдээллийг фото зургийн хамт цагдаагийн бие бүрэлдэхүүнд дотоод цахим сангаар мэдээллийн дагуу шүүгдэгч нь 2024 онд бага насны хохирогчийг алга болох үед олж ар гэрт нь хүлээлгэн өгч байсан тул түүнийг 13 настай гэдгийг мэдээгүй гэж маргаж байгаа нь үндэслэлгүй юм. Энэхүү гэмт хэрэг гарах болсон шалтгаан нь бага насны хохирогчийн хойд эцэг, ар гэрийн хараа хяналтгүй байдлын улмаас өмнө нь хүчингийн гэмт хэргийн хохирогч болж, улмаар өөрөөсөө ах, эгч нартай харилцдаг, насанд хүрсэн хүмүүсийн хийдэг бүхнийг хийхийг хүсдэг, тэдний нөлөөнд автан архидан согтуурдаг, гэр орноосоо олон хоногоор, удаа дараа алга болж, гадуур тэнэдэгтэй шууд холбоотой гэж үзэхээр байна. Шүүхээс шүүгдэгчийг Эрүүгийн хуулийн тусгай ангийн 12.1 дүгээр зүйлийн 4 дэх хэсэгт заасан “Хүчиндэх гэмт хэргийг бага насны хүүхдийн эсрэг үйлдсэн” гэм буруутайд тооцож, 12 жилийн хугацаагаар хорих ял оногдуулж, нээлттэй хорих байгууллагад эдлүүлэхээр шүүх бүрэлдэхүүн шийдвэрлэсэн.

ТУУЛ, ХЭРЛЭН ГОЛУУД ҮЕРИЙН ТҮВШИНД ХҮРСНИЙГ НОК-ООС АНХААРУУЛЖ БАЙНА

07 / 25 0 сэтгэгдэл 285 үзсэнe

НОБГ-ын дэд дарга, хурандаа Э.Батбаяр: -Цаг уурын байгууллагаас өгсөн мэдээллээр 2024 оны 07 дугаар сарын 25-ны өдрийн 08:00 цагаас 15:00 цаг хүртэл түр зуурын дуу цахилгаан бороо орно гэдгийг хэлж байгаа. Өнөөдрийн байдлаар Сэлбэ, Дунд гол, Улиастайн голын үерийн түвшин хэвийн хэмжээнд байгаа бол Хэрлэн, Туул голууд үерийн түвшинд хүрсэн байна. Тиймээс иргэд та бүхэн үерлэсэн гол ус руу оролгүй аюулгүй байдлаа хангахыг анхааруулж байна гэв.