ӨСӨХ ИРЭЭДҮЙТЭЙ РЕППЕР ГЭГДЭЖ БАЙСАН ORICE БУЮУ М.АЛТАН-ОРГИЛЫН ХЭРГИЙГ ПРОКУРОРЫН БАЙГУУЛЛАГАД ШИЛЖҮҮЛЛЭЭ

09 / 21 0 сэтгэгдэл 1 182 үзсэнe

Street dreams” шоуны ялагч реппер Orice буюу М.Алтан-Оргил өнгөрсөн долдугаар сард таван давхраас учир битүүлгээр унаж, амиа алдсан байдаг. Тус хэргийг Баянгол дүүргийн цагдаагийн газарт шалгасан бөгөөд Шалгалтын ажиллагаа бүрэн дуусаж, хэргийг прокурорын байгууллагад шилжүүлжээ. Street dreams” шоуны ялагч болж өсөх ирээдүйтэй реппер хэмээн цоллогдоод байсан иргэн М.Алтан-Оргилийн хэрэг хаагдсан гэх шуум гараад байсан юм. Тэгвэл дуучны амиа алдсан хэргийн мөрдөн шалгах ажиллагаа үргэлжилж байгаа бөгөөд прокурорын байгууллагад шилжсэн байна. Хэргийг тодруулбал өнгөрсөн оны долдугаар сарын 25-ны өдөр дуучин М.Алтан-Оргил бусдад зодуулж, таван давхраас унаж нас барсан тухай мэдээлэл цацагдсан бөгөөд үүнд цагдаагийн байгууллагаас "Гаднын нөлөөгүй нас барсан хэргийг шалгаж байна" гэж мэдэгдэж байсан юм. Хэрэг шалгалтын талаар Улсын Ерөнхий прокурорын газрын Хэвлэл мэдээлэл, олон нийттэй харилцах албанаас тодруулахад "Өндрөөс унаж нас барсан хэргийг хаагаагүй. Мөрдөн шалгах ажиллагаа үргэлжилж байгаа. Зарим хэвлэл мэдээллийн хэрэгслээр хэргийг хаасан гэх мэдээлэл гарсан. Энэ нь худал мэдээлэл болохыг мэдэгдэж байна гэдгээ илэрхийллээ. Улсын Ерөнхий прокурорын тушаалаар байгуулагдсан хэвлэл мэдээллийн хэрэгслээр нийтэд мэдээлэгдсэн, мөн хуулийн байгууллагын ажилтнууд холбогдсон хэргүүдийг хянаж, шуурхай шалгаж шийдвэрлүүлэх ажлын хэсгээс 2021 оны есдүгээр сарын 17-ны өдрийн байдлаар 118 хэргийг хянажээ. Үүнээс 24 хэргийг шүүхэд шилжүүлэн, хэрэг бүртгэлийн явцад гэмт хэрэг үйлдэгдээгүй болох нь тогтоогдсон 32 хэргийг хааж, 2 хэргийг хэрэгсэхгүй болгож шийдвэрлэжээ. Мөн дээрх хэргүүдтэй холбоотой 43 гомдол, хүсэлтийг шинээр хүлээн авч шийдвэрлэн, 31 иргэнтэй биечлэн уулзаж санал хүсэлтийг нь сонссон байна. Ажлын хэсгийн үйл ажиллагаа үргэлжилж байгаа бөгөөд шийдвэрлэгдээгүй бусад хэргийг шуурхай шалгуулж дуусгахаар ажиллаж байгаа гэдгээ прокурорын байгууллагаас мэдэгдлээ. Гэхдээ тухайн хэргийн талаар талийгаачийн эцэг хэлэхдээ Нэг удаа хэрэг хаагдах санал гарсан. Хаагдах шахаад, бид дахин шалгах шаардлагатай гэж хүсэлт гаргаж байж хаагаагүй. Манайх дөрвөн өмгөөлөгчтэй ажиллаж байгаа. хэмээн хэлсэн байдаг. Ямартай ч хэрэг хаагдаагүй бөгөөд шалгалтын ажиллагаа үргэлжлэн явагдаж байна.

"Ахмад дайчдад хүндэтгэл үзүүллээ"

09 / 21 0 сэтгэгдэл 847 үзсэнe

"Орчин цагийн зэвсэгт хүчин үүсэн байгуулагдсаны 100 жил, Чөлөөлөх дайны ялалтын 76 жилийн ойг тохиолдуулан ахмад дайчдад хүндэтгэл үзүүллээ"

ОРОСУУД ШАТАХУУНЫ ХОМСДОЛЫГ УДАА ДАРАА САНУУЛЖ БАЙХАД ЭРХ БАРИГЧИД ҮЛ ОЙШООЖЭЭ

09 / 21 0 сэтгэгдэл 1 063 үзсэнe

Сүүлийн хэдэн өдөр монголчууд бид шатахууны хомсдолтой нүүр тулаад буй. Хэдхэн хоногийн өмнө Ашигт малтмал, газрын тосны газраас Монгол Улсын бензиний нөөц ямар байгаа талаар мэдээлэл хийж, “АИ-92 шатахуун 21 хоног,дизель түлш 35 хоног, АИ-80 шатахуун 35 хоногийн нөөцтэй байгаа хомсдол үүсээгүй гэдгийг хэлж байв. Өнгөрсөн долоо хоногоос хэд хэдэн ШТС-ууд АИ-92 бензин зарахгүй байсан нь нөөц тасарсан учраас зарим байршлуудад алдагдсан. Түүнээс нөөц тасарсан зүйл байхгүй гэсэн юм. Шатахуун түгээх станцуудын одоогийн зарж байгаа үнэ нь алдагдал ч байхгүй ашиг ч байхгүй яг балансаа бариад ажиллаж байгааг нэмж хэлж байв. Гэтэл өчигдөр нийслэлийн ихэнх шатахуун түгээгүүрийн газрууд АИ92 байтугай АИ95 шатахуун ч үгүй болсон байлаа. Энэ түүх одоогоос 10-аад жилийн өмнө буюу 2011 онд “нүүр тулж” байв. Яг л өнөөдрийнх шиг Оросууд шатахууны нийлүүлэлтээ зогсооход тухайн үеийн Зам тээвэр, ашигт малтмалын сайд Д.Зоригт Роснефтийн үүдийг бараг хагас сар сахиж суугаад асуудлыг эерэг шийдүүлээд ирж байсан түүхтэй. Гэтэл Засгийн газрын тэргүүн Л.Оюун-Эрдэнэ, салбарын сайд Ёндон нар өнөөдөр чихгүй юм шиг дүлий дүмбэ царайлсаар байна. Эрх сурвалжийн мэдээллээр, Монгол Улсын Засгийн газарт өнгөрсөн тавдугаар сард шатахуун нийлүүлэгч Роснефть “Бензин нийлүүлэлт тасалдана шүү” гэдгийг сануулж хэд хэдэн албан бичгийг ирүүлсэн ч эрх баригчид юу ч хийгээгүй аж. Тэр бүү хэл, Засгийн газрын тэргүүн Л.Оюун-Эрдэнэ ОХУ-д ямар ч хариу өгөөгүй төдийгүй “ТӨСӨВ АЛГА” хэмээн “томорсон” сурагтай. Үүнийг сонссон, шатахуун импортлогч хэдэн компани аргаа бараад “Танай төлөөлөгчдийн зардлыг даая” гэсэн нь дэндүү аргаа барсан хэрэг байжээ. Түүнчлэн, МАН-ын генсек Д. Амарбаясгалангийн томилуулсан Газрын тосны газрын дарга Эрдэнэбаяр Би ийм хүнд нөхцөлд Роснефтьтэй гэрээ хэлэлцээ хийж чадахгүй гэж хэлээд шууд зугатсан сурагтай. Ийм дорой Засгийн газар, ийм сулаас сул Ерөнхий сайд, ийм арчаагүй төрийн албан хаагчтай байх гэж…

НӨАТ-Н СУГАЛААГ ХАЛЖ, БУЦААН ОЛГОЛТЫН ХУВИЙГ НЭМЭГДҮҮЛЭХ ЦАГ НЬ БОЛСОН

09 / 21 2 сэтгэгдэл 1 001 үзсэнe

НӨАТ-г иргэд хэдийнээ идэвхтэй бүртгүүлээд эхэлжээ. Тиймээс ч одоо хэдхэн хүн азтан болох бус нийт иргэдийн буцаан олголтын хувийг нэмэгдүүлэн олгох хэрэгтэй. Нэг ёсондоо хэдхэн хүн азтан болдог жишгээ одоо халж нийтээрээ буцаан олголтоо авах ёстой хэмжээгээрээ авах цаг иржээ. НӨАТ-н буцаалтын талаар олон ч мэдээлэл гарсаар ирсэн. Тиймээс ч тухайн асуудлыг саяхан ШӨХТГ-аас сүртэй нэртэй шалгалт явуулсан. Шалгалтаар гааль, татвар, санхүү, мэдээллийн технологийн газрын өмнө ажиллаж байсан, одоо ажиллаж байгаа 47 албан хаагч давхардсан тоогоор 89 удаа нийтдээ 4 сая төгрөг хожжээ. Хамгийн дээд талдаа нэг ажилчин нийлбэр дүнгээр 310 мянган төгрөг хожсон байна. Тэдний гэр бүлийн хамаарлын хүмүүс дунд зөвхөн нэг тохиолдолд 40 сая төгрөг хожсон гэнэ. Тиймээс ч сугалаа үнэн зөв явагддаг хэмээн тайлбарласан. Гэхдээ энэ зөвхөн хэдхэн сарын өмнө болсон асуудал. Үүнээс өмнө олон ч асуудал гарч л байсан. Наад зах нь НӨАТ-ын сугалааны IT ажилтнууд аз болсоор ирсэн байдаг. Өнгөрөгч амралтын өдрөөр гэхэд л 1,5 сая төгрөгийн 24 АЗТАН, гурван сая төгрөгийн ХОЁР АЗТАН тодорчээ. Сүппер азтан хараахан тодроогүй гэнэ. Энэ мэт байдлаар иргэдийн төлсөн албан татварын мөнгө хэдхэн хүнд аз ёондоо мэтээр хүрснээс нийт иргэддээ эргээд очиж байвал хэрэгтйэй. Нэг үеэ бодвол манай иргэд E-barimt системд идэвхтэй баримтуудаа уншуулдаг болсон. Тиймээс ч одоо сугалаагаа зогсоож буцаан олголтын хувийг нэмэгдүүлэх хэрэгтэй. Цөөхөн хүмүүс их мөнгө авалгүй нийт иргэдийн буцаалтын хувийг эрх тэгш байдлаар буцаан олгох цаг нь болсон. Хэдий болтол иргэд НӨАТ-с мөнгө хожсон байна уу нэг хараахаа гэж азандаа найдан ебаримтаа шалгах вэ? Үнэхээр үнэн шударгаар энэ азтанууд нь тодордог гэхэд олон ч иргэд эргэлзэнэ. Яагаад гэвэл 2018 онд сугалаатай хамаарал бүхий этгээд 40 сая төгрөгийн азтан болж байсан нь тогтоогдсон. Энэ их мөнгө иргэн бүрд уг нь худалдан авалт хийсэн зарцуулсан хэлбэрээрээ буцаад очиж байвал хэрэгтэйсэн. Аль 2017 онд сугалаатай холбоотой мэргэжлийн хүн ч дараах байдлаар тайлбарлаж байсан Тодруулбал : "Гааль татварын мэдээллийн технологийн төв" улсын төсөвт үйлдвэрийн газрын Ерөнхий захирал Р.Отгонтулга НӨАТ-ын сугалаанаас өөрийн хүсэл дураар хамаатан садан ах дүү, гэр бүлээ азтан болгож, нийтдээ 300 гаруй сая төгрөг хожсон, шалгагдаж байна гэх мэдээлэл яваад намжлаа. Энэ нь үнэн ч бай, худалч бай НӨАТ-ын азтан гэдэг мухар сүсэг аз эзэнд итгэсэн монголчуудыг улам мунхаруулах зүйл бидэнд хэрэггүй гэдгийг цаг хугацаа харуулж байна. Тиймээс иргэд ч сүүлийн үед НӨАТ-ын сугалаа гэх худал хуурмаг зүйлд итгэхээ больж, энэ ажлын үнэ цэнэ унаад байгаа юм. Нэг талаараа баахан хүний мөнгийг бөөгнүүлж байгаад нэгэнд нь өгчихдөг шудрага бус тогтолцоо. НӨАТ нэрийдлээр иргэн илүү мөнгө төлж худалдан авалт хийгээд байгаа гэдгийг мэдэж байна уу? Цаашлаад Азтан боллоо гэх мухар сүсгийг одоо халах цаг нь нэгэнт болсон. Хамгийн харамсалтай нь Өнөөдрийг хүртэл азтан болж үзээгүй хэдэн зуун мянган хүн байхад тогтмол азтан болдог хэдэн зуун хүн байх жишээтэй. Энэ байдлаараа л явах учиртай гэж үү !!!

Г.БУЯНДОРЖИЙН “БУЗАР ГҮТГЭЛЭГ” ҮРГЭЛЖИЛСЭЭР БАЙГАА УЧИР ТҮҮНИЙГ ЦАГДАН ХОРЬЖ , ТАСЛАН СЭРГИЙЛЭХИЙГ ХҮССЭН ҮҮ ?

09 / 20 0 сэтгэгдэл 997 үзсэнe

Г.Буяндорж нь Монгол Улсын Шүүхийн шийдвэрээр яллагдагч болж хоригдоод “ӨРШӨӨЛД” хамрагдаж гарч ирснийхээ дараа хэлмэгдчихлээ хэмээж “ХОХИРОГЧ”-ийн дүрд тоглох болов. Г.Буяндорж бол төрөөс гурван ч удаа “ӨРШӨӨГДӨЖ” байсан бөгөөд түүнийг шүүхээс гаргасан яллах дүгнэлтээ гардаж авалгүй цаг хожиж энэ хугацаандаа өндөр үнээр хуулийн байгууллагын нэр бүхий алба хаагчдыг худалдаж авахыг завдсан гэх мэдээлэл ч бий. Төрийн алба хаагчдыг гүтгэх ажиллагааг Г.Буяндорж эхнэрийнхээ хамт гүйцэтгэж байгаа тул түүнд залилуулсан иргэн Нийслэлийн хяналтын прокурорт гомдол гаргаж “Г.БУЯНДОРЖИЙГ ДАХИН ГҮТГЭЛЭГ, ЗАЛИЛАН ХИЙЛГЭЛГҮЙ” цагдан хорьж таслан сэргийлж өгнө үү хэмээн гомдол гаргажээ.

БУЙДАНГААС УНАСАН ОЙ НАЙМАН САРТАЙ ХҮҮГИЙН ТАРХИ 70 ХУВЬ ҮХЭЖЖЭЭ

09 / 17 0 сэтгэгдэл 2 283 үзсэнe

Нэг ой найман сартай хүү, ах эгчтэйгээ тоглож байгаад 30 см-ийн өндөртэй буйдан дээрээс ар дагзаараа унаж, өнөөдөр амьдрахын төлөө тэмцэж байна. Баяртүшигийн Мөнхбаяр хүү долдугаар сарын 8-ны өдөр буйдангаас унаснаас болж тархиндаа гэмтэл авч, гэмтэл согог судлалын үндэсний төвд яаралтай хагалгаанд орсон ч, өнөөдөр тархиных нь 70 хувь үхэжсэн байдалтай ЭХЭМҮТ-д нөхөн сэргээх эмчилгээ хийлгэж байна. Хүүгийн биеийн байдал тун хүнд байгаа бөгөөд, Монголд хийх эмчилгээ дуусч, гадаадад эмчлүүлэх шаардлагатай болжээ. Тиймээс гэр бүлийнх нь зүгээс хандивын аян эхлүүлсэн байна. Ингээд бид хүү юунаас болж өнөөдөр ийм байдалд орсон, цаашид хүүд ямар эмчилгээ шаардлагатай байгаа талаар түүний аав Б.Баяртүшигтэй ярилцлаа. -Таны бага хүү 30 см-ийн өндөртэй буйдан дээрээс унаж, өнөөдөр сэхээнд байна. Тухайн өдөр гэртээ хэнтэй хамт байсан бэ. Болсон үйл явдлын талаар мэдээлэл өгөөч? -Өнгөрсөн долдугаар сарын 08-ны өдөр гурван хүүхэд маань ээжтэйгээ хамт гэртээ байсан. Тухайн процесс болох үед ээж нь гал тогооны өрөөнд хоол хийж байхад, бага хүү маань буйдангаас унаж дээшээ харсан байдалтай уйлаад хэвтэж байсан гэсэн. Эхнэр маань хүүг тэвэрч, миний хүү тайвшраад унтаад өгсөн гэсэн. Тэгээд 30 орчим минут унтаад сэрэхдээ, маш хүчтэй орилж уйлаад бөөлжсөн гэсэн. Эхнэр надруу болсон зүйлийг хэлж залгасан. Би тэр дор нь гэр рүүгээ явж очтол, ирэх хооронд дахиад бөөлжиж, хүү маань толгойгоо хойш савж уйлсан байдалтай байсан. Тэгээд бид гурав ахынхаа хамт эмнэлэг явахаар болж, энэ ташрамд түргэн дуудсан. Гэрээс гараад явж байхад өөдөөс түргэн ирж, үзүүлсэн. Гэтэл хүүг минь зүгээр толгой нь хөдөлсөн байна бариач ороод бариулчих гэсэн. Бөөлжөөд байгаа бол, Баянзүрхийн нэгдсэн эмнэлэг орж тариа хийлгэчих гэсэн. Би тэр түргэний эмчээс “миний хүү өмнө нь хэзээ ч ингэж савж уйлж байгаагүй, энэ нэг л биш болчихлоо, та гэмтэл рүү хүргээд өгөөч” гэж гуйхад өөр хүнд өвчтөн зөндөө байгаа, тэгэх боломжгүй гээд хаяад явсан. Тэгээд ах эхнэр бид гурав хүүгээ аваад Баянзүрх дүүргийн нэгдсэн эмнэлэгт очсон. Дүүргийн эмч нар хүүг минь хурдан оношилж, хүүгийн биеийн байдал маш хүнд байна, яаралтай ГССҮТ рүү яв гэсэн. Очоод томографикийн зураг авахуулах учир цаг алдахгүйн тулд энд авахуулаад яв гэж зөвлөсөн. Баянзүрх дүүргийн эмнэлгээс унаа гаргаж өгнө гэсэн учраас ариутгал хийж дуустал хүлээсэн. Ингээд бид ГССҮТ-д 16 цагийн орчим очиход Баянзүрхийн эмчийн хэлсэнчлэн хүнд байна, яаралтай хагалгаа хийнэ гэсэн. Энэ хугацаанд томографикийн хариу гарч зургаар ирсэн. Ингээд миний хүү хагалгаанд орж гарч ирсэн. Гэмтлийн эмч нар хугацаа алдсан байна. Хүүд тархины артерийн судсыг залгах, тархины гавлын яс заадсаараа цуурснаас болж маш их цус алдаж, тархи дарсан байсанд мэс засал хийсэн гэсэн. Ингэсэн ч миний хүүгийн зүүн тархи үхэжсэн байна гэсэн. Ер нь 3-5 минут л цус алдахад хүний тархи ажиллагаагүй болж үхжиж эхэлдэг юм байна лээ. Тэгээд хугацаа алдсанаас болж, хүүгийн минь зүүн тархи ажиллагаагүй болж, одоо тэр нь баруун, урд хэсэгтэй нөлөөлж, одоогоор тархиных нь 70 хувь үхэжсэн байдалтай байна. -Одоо хүүгийн биеийн байдал ямар байгаа вэ? -Миний хүүгийн биеийн ухаан орсон ч, өөрийн ухаан ороогүй байгаа. Яг л ургамал шиг дээшээ харж нүдээ нээгээд, гуурсаар хоол идээд л. Биеийн байдал нь хүнд, өвдөлт ихтэй байгаа учраас яргалж дуугараад байгаа. Ер нь бол өдрөөс өдөрт биеийн байдал нь сульдаж байгаа. Бидэнд маш богинохон хугацаа үлдсэн. Тиймээс яаралтай гадагшаа явж эмчилгээ хийлгэх шаардлагатай байна. -Монголд хийгдэх эмчилгээ нь дууссан гэсэн. Гадагшаа явсан ч, сэргэх боломж хэр байгаа вэ? -Монголын эмч нар маань бүх эмчилгээг хийсэн. Одоо хүү минь ЭХЭМҮТ-д нөхөн сэргээх эмчилгээ хийлгэж байгаа. Биеийн байдал нь гайгүй болж байгаад л эргээд сэхээнд ороод байгаа. Хүү минь нүдээ нээхээс өөр үйлдэл үзүүлж чадахгүй байгаа. Бид нар маш яаралтай өндөр тоног төхөөрөмжтэй улсад нөхөн сэргээх эмчилгээнд орох шаардлагатай байгаа юм. Хагалгааны дараа эмч нарын хэлсэнчлэн Солонгосын Улсан эмнэлэг, Турк улсын эмнэлгүүд рүү материалаа явуулсан. Солонгосын Улсан сургуулийн эмнэлгээс хариу ирсэн. Эмчилж болно, ирээд тусгаарлалтад байна. Гэхдээ эмнэлгийн үйлчилгээг ирсэн өдрөөс нь эхлүүлнэ гэж хэлсэн. Солонгос улс руу яввал хүүгийн минь тархи сэргэж магадгүй гэж бодоод эцсээ хүртэл явж байна. Солонгос улс руу явах зардал, тусгаарлагдах зардал, эмчилгээний гээд ойролцоогоор 800-900 сая төгрөг хэрэгтэй болсон. Ямар ч эцэг эх хүүхдээ зүгээр харж суугаад үхэхийг нь хархыг хүсэхгүй байх. Би бүх л боломжоо дайчилна. Хэрвээ мөнгөний төлөө хүний хөл үнсэхээр бол би хүүгийнхээ төлөө хийхэд бэлэн. Уулзаж тусламж хүсэх хүн маш их байгаа. Хандивын аянг манай найзууд хоёр хоногийн өмнө эхлүүлээд явж байгаа. Одоогоор 20 гаруй сая төгрөг цугласан. Миний эхнэр хүүг асарч үргэлж дэргэд нь байгаа. Харин би гадуур ажлуудаа амжуулахаас гадна гэрт байгаа хоёр хүүхдэдээ царайгаа харуулчхаад, эмнэлгийн гадаа ирж хонож байгаа. Үндсэндээ эх нялхас, гэмтлийн эмнэлгийн хооронд явж 65 хоног машиндаа хонож байна. Миний найзууд хүүгийн минь бүх эмчилгээ, гадагшаа явах, хандивын аянг зохион байгуулж байгаа. -Хүүхдүүд нь дүүгээ санаж байна уу. Үндсэндээ хоёр сар гаруй эмнэлгээр явж уулзаагүй байгаа юм байна шүү дээ? -Миний хүү өчигдөр ааваасаа дүү хэзээ ирэх юм. Миний дүү зүгээр үү гэж асууж байна лээ. Тавхан настай л даа. Гэхдээ мэдээд байх шиг байгаа юм. Би хүүхдүүддээ дүү нь эмнэлэгт хэвтсэн гэдгээс өөр зүйл хэлээгүй. Ээж нь дүүтэй нь хамт эмнэлэгт байгаа учраас хоёр хүүхэдтэйгээ аав нь л хааяа очиж уулзаж байгаа. Ямар ч байсан хүүхдүүддээ дүүг нь эрүүл саруул аваад очихыг л хүсч байна. -Бага насны хүүхдэд байнгын асаргаа шаардлагатайг эндээс харж болохоор байна л даа. Та эцэг эхчүүдэд хандаж юу хэлэх вэ? -Хүүхдийг унаж, доргилт авсан тохиолдолд бариачид хандахаас илүү мэргэжлийн эмчид хандахыг зөвлөж байна. Мөн бага насны хүүхдийг зүгээр нэг юм мөргөлөө, бүдэрч уналаа, ойчлоо гэж бодож болохгүй шүү гэдгийг хэлмээр байна. Хүүхдийг нас биед хүрэх хүртэл нь битгий анхаарал сэрэмж алдаарай гэж хэлмээр байна. Хүүхэд яаж ч бэртэж болдог юм байна. 30 см-ийн өндөртэй буйдангаас дагзаараа савж унаад ингэж бэртсэн гэхэд хүмүүс итгэхгүй л байх л даа. Тэгэхдээ надад ийм зүйл тохиолдчихоод байна. Тиймээс та бүхэн надад тохиолдсон энэ том зовлонгоос үлгэр жишээ авч, хүүхдэдээ анхаарал хандуулаарай. Хэрвээ та Б.Мөнхбаяр хүүд туслахыг хүсвэл: 9904-4415 болон Б.Мөнхбаяр хүүдээ амьдрал хайрлая фэйсбүүк пэйжид хандана уу.

Ерөнхийлөгчийн зарлигаар Э.Оюунболдын аварга цолыг хураалаа

09 / 17 0 сэтгэгдэл 519 үзсэнe

Э.Оюунболд 2019 оны Улсын их баяр наадамд барилдахдаа допинг хэрэглэсэн нь тогтоогдож, улмаар Монгол Улсын Дээд шүүхээс түүний Улсын аварга цолыг хүчингүй болгох шийдвэр гаргасан билээ. Тэгвэл Монгол Улсын Ерөнхийлөгч У.Хүрэлсүх Э.Оюунболдын 2019 оны наадамд түрүүлж хүртсэн "Улсын аварга цол"-ыг хураах шийдвэр гаргажээ. Уг шийдвэр биелсээр Үндэсний баяр наадмын тухай хуульд заасны дагуу Э.Оюунболдод 9-ийн даваанд өвдөг шороодсон Увс аймгийн Ховд сумын харьяат, Химон Констракшн ХХК, увс нуур бөхийн дэвжээний бөх Монгол Улсын Аварга Н.Батсуурь Монгол Улсын даян аварга, 8-ын даваанд унасан Улсын арслан Содномдорж “Үлэмж бадрах” чимэг, 7-ийн даваанд унасан Д.Анар “Улсын заан”, 6-ын даваанд унасан Б.Цэдэнсодном “Улсын харцага”, 5 даваанд унасан Н.Мустафа “Улсын начин” цолыг тус тус хүрэхээр болж байгаа юм. Мөн 2020 оны Үндэсний баяр наадмаар нэр бүхий бөхчүүдээс сэргээшийн төрлийн бодис илэрч тус бөхчүүд хүлээн зөвшөөрсөн. Иймд Үндэсний баяр наадмын тухай хуульд заасны дагуу М.Бадарчид “Улсын гарьд”, Ц.Одбаярт “Улсын заан”, Ц.Мөнхбаяр, Ш.Пүрэвгарьд, Б.Орхонбаяр нарт “Улсын харцага”, Б.Суманчулуун, Ц.Сангидорж нарт “Улсын начин” цолыг тус тус хүртээхээр болжээ.

Төрийн сайдын ажлыг, холбооны ерөнхийлөгч, хэд хэдэн ажлын хэсгийн ахлагчтай зэрэг хийдэг гэгээнтэн

09 / 16 0 сэтгэгдэл 947 үзсэнe

Нэг хүн хичнээн олон ажлыг зэрэг хийж чадах вэ? гэдэг уралдааныг ХЗДХ-ын сайд Х.Нямбaaтар тэргүүлэх нь дамжиггүй боллоо. 2020 оны сонгуульд ялалт байгуулж улсын их хурлын гишүүн болсон тэрээр төд удалгүй ХЗДХ-ын сайдын сэнтийд заларсан. Үүгээр ч зогсохгүй тэрээр Монголын бokcын xoлбооны Epөнхийлөгчөөр coнгогдoxод л ихээхэн шүүмжлэл дагуулж эхэлсэн. УИХ-ын гишүүн ХЗДХ-ийн сайд Монголын боксын холбооны ерөнхийлөгч Мөнгө угаах, терроризмыг санхүүжүүлэхтэй тэмцэх Үндэсний зөвлөлийн дарга Оюутолгойн ажлын хэсгийн ахлагч Авлигын индексийг бууруулах зорилго бүхий Ажлын хэсгийн ахлагч Гадаадын хөрөнгө оруулагчдын эрх ашгийг хамгаалах ажлын хэсгийн ахлагч Улсын их хурлын гишүүн, салбарын сайд, холбооны ерөнхийлөгч хэд хэдэн ажлын хэсгийн axлагч болсон нь ч шүүмжлэлийг улам л лавшруулав бололтой. Ганц хүнд л томдохоор олон ажлыг хашиж байгаа түүнийг давхар дээлтэй сайд гэж хэлхэд ч ахaдна. Тэрээр долоо, долоо хоногт л шинэ ажил авсаар байна. Тиймээс ч түүний сүүлийн үед эрх мэдэл албан тушаалд дурлагч хэмээн шүүмжлэх иргэд олон боллоо. Ганц хүний толгойгоор энэ их ажлыг хийж чадах нь юу л бол.

“SM” ЭМНЭЛЭГТ 39 НАСТАЙ ЭРЭГТЭЙ ЭРХТЭН ТОМРУУЛАХ ХАГАЛГААНЫ ҮЕЭР НАС БАРЖЭЭ

09 / 16 0 сэтгэгдэл 2 840 үзсэнe

Есдүгээр сарын 4- ний өдөр өглөө SM эмнэлэгт 39 настай эрэгтэй мэс засал хийлгэж байгаад харамсалтайгаар нас барсан хэрэг гарлаа. Тодруулбал, тухайн өдөр амь хохирогч хамрын таславчны муруй тэгшлүүлэх хагалгаанд орсон. Мөн бэлэг эрхтэн томруулах хагалгаанд орсон байгаа юм. Улмаар 14 цагт эмнэлгийн зүгээс ар гэрийнхэнд нь өндөр халуунтай байна гэх мэдээллийг өгсөн байна. Ийнхүү талийгаачийг нэгдүгээр эмнэлэгт яаралтай хүргэсэн ч оройн 17 цаг эмчилгээ хийлгэж байгаад нас барсан байна. Тухайн эмнэлэг өвчтөнд нэг удаадаа хоёр хагалгаа хийсэн гэх мэдээлэл байгаа юм. Энэхүү хэрэг Хан Уул дүүргийн цагдаагийн нэгдүгээрт хэлтэст шалгагдаж байгаа аж. Хохирогчийн ар гэрийнхний зүгээс эмнэлэгтэй холбогдоход хагалгаа хийлгэхээр өгсөн төлбөрийг буцаан төлөөд тохиролцох санал тавьсан гэх ярилцлагыг талийгаачийн төрсөн ах хэвлэлд хандан мэдээлэл өгсөн. Нас барсан өвтөнд хагалгаа хийсэн гэх унтуулгын эмчийн өгсөн мэдээллээр бол хагалгааны эхний үе шат хэвийн байсан гэх. Харин хагалгааны явцад гэнэт бие нь муудахад хожимдож арга хэмжээ авсан, ар гэрийнхэнд нь олон цагийн дараа дуулгасан, илүү мэдээлэл өгөхгүй нууж байгаа зэрэг олон мэдээллийг ар гэрийнхэн нь хэлж байна. Мөн тухайн эмнэлэгийн мэргэжлийн ур чадваргүйн улмаас хүний амь насанд хүрсэн асуудлыг цагдаагийн байгуулагынхан шалгаж тогтоох байх гэдэгт найдаж байгаагаа дуулгалаа. Дашрамд дурьдахад, SM эмнэлэгийн одоогийн үйл ажиллагаа явуулж байгаа байршилд Тод каннам гэх нэртэй гоо сайхны мэс заслын эмнэлэг байсан. Код каннам эмнэлэгт одоогоос хоёр жилийн өмнө 29 настай эмэгтэй хэвлий орчмын өөх соруулах хагалгаа хийлгэж байгаад мөн л хагалгааны үеэр биеийн байдал огцом муудаж нас барж байв. Энэхүү хэрэг хуулийн байгууллагынхнаар шалгагдаж байгаад тухайн Тод каннам эмнэлгийн мэс заслын эмч, тус эмнэлгийн захирал нар ял сонсож, эмнэлгийн үйл ажиллагааг бүрэн хаах шийдвэрийг шүүхээс гаргаж байсан билээ.

Интермед эмнэлэг үйлчлүүлэгч нь таалагдахгүй бол худлаа хариу гаргадаг уу

09 / 16 0 сэтгэгдэл 925 үзсэнe

Интермед эмнэлгийн Ковид-19 халдвар илрүүлэх Drive-Through буюу автомашинтай шинжилгээ өгөх цэг нээгдсэн цагаас эхлэн өдөрт дунджаар 400-600 хүний түргэвчилсэн оношилгоог хийжээ. Энэ хугацаанд нийт 11.000 хүнийг олон хүний бөөгнөрөл үүсгэлгүй, эмнэлгийн орчинд оруулахгүйгээр эрсдлийг бууруулан шинжилгээг авснаа тэд сурталчилдаг. Тэгвэл Синдерелла арьс гоо заслын эмнэлэгийн захирал, ерөнхий эмч Б.Уянга өөрийн цахим хуудаснаа “Интермедийг хамгийн найдвартай гэж бодоод түргэвчилсэн өгөхдөө шинжилгээ авч байгаа сувилагч нь маш бүдүүлэг байсныг өөрт нь сануулж хэлсний төлөө хариу эерэг гаргасан байдал үүслээ. Хариундаа итгэхгүй 24 цагийн PCR 1 удаа түргэвчилсэнээр 2 удаа өгөхөд гурвуулаа сөрөг гарлаа. Интермед Эмнэлэг Хүний сэтгэл зүй цаг хугацаагаар ингэж тоглолт хийсэн хүнтэй хариуцлага тооцох болно.. Хэрвээ энэ хариундаа итгээд өч дөчнөөн эм уусан бол эрүүл мэндээрээ давхар хохирох байж. Хичнээн хүн ингэж хохирсон бол” гэжээ.