Х.БАЯСГАЛАН: ЦАГДААГИЙН ЗҮГЭЭС ӨГСӨН ХОРИХ АНГИАС ХҮН АВЧ ГАРСАН ГЭХ МЭДЭЭЛЭЛ ТАШАА

10 / 07 0 сэтгэгдэл 963 үзсэнe

Өчигдөо Цагдаагйн Ерөнхий газрын дарга, Дотоодыг цэргийн командлагч Ж.Болд иргэн Э.Одбаяр болон Монголхүү нарыг цагдан хорьсон асуудлаар мэдээлэл хийсэн. Энэ үеэрээ цагдаагийн алба хаагчдын биед халдсан, хууль ёсны шаардлагыг биелүүлээгүйн улмаас цагдан хорьсон. Харин энэ цагдан хориотой холбоотой үймээн гарсан гэсэн юм. Мөн тэрээр хоригдж байсан иргэнийг хорих байрнаас хэсэг бүлэг этгээдүүд зөвшөөрөлгүй шууд авч гарсан гэх ноцтой мэдээлэл өгсөн билээ. Цагдан хорих байрнаас хүн авч гарсан гэх мэдээллийн дагуу ШШГЕГ-ын Хэвлэл мэдээлэл, олон нийттэй харилцах төвийн дарга, хошууч Х.Баясгалангаас тодруулалаа. - Шүүхийн шийдвэр гүйцэтгэх ерөнхий газрын харьяа Хорих 461 дүгээр ангийн Цагдан хорих байрнаас хүн авч гарсан гэх мэдээлэл нь ташаа мэдээлэл бөгөөд тус ангийн шалган нэвтрүүлэх байрны иргэд хүлээж авах хэсэгт иргэд, өмгөөлөгч, Цагдаагийн байгууллагын алба хаагчдын хооронд маргаантай асуудал үүссэн. Үүнтэй холбоотойгоор мөрдөн шалгах ажиллагаа явагдаж байгаа тул дэлгэрэнгүй мэдээлэл өгөх боломжгүй. Цагдан хорих 461 дүгээр ангид хоригдож байгаа Э.Одбаяр өлсгөлөн зарласан гэх мэдээлэл гараад байгаа? Цагдан хорих таслан сэргийлэх арга хэмжээ авагдсан Э.Одбаяр өлсгөлөн зарлаагүй байгаа. Уг мэдээлэл нь ташаа мэдээлэл байна.

ТЭДНИЙ “ШАЛГАРСАН” АРГА ОДОО “УЛИГ” БОЛОВ

10 / 07 0 сэтгэгдэл 1 031 үзсэнe

Саяхан Хууль зүй, дотоод хэргийн сайд Х.Нямбаатар Засгийн газрын хуралдааны шийдвэр танилцуулах үеэрээ “С.Зоригийн хэрэг мөрдөн байцаалтад буцсан учир Тагнуулын ерөнхий газарт шинээр ажлын хэсэг байгуулсан. Ажлын хэсгийн бүрэлдэхүүнд Цагдаагийн ерөнхий газраас хүмүүс орж ажиллаж байгаа” гэж мэдэгдсэн. Ардын намын Хууль зүйн сайд гэнэт С.Зоригийн хэргийг сөхөөд унасан нь Сонгинохайрхан дүүрэгт болж буй УИХ-ын нөхөн сонгуультай нягт холбоотой.Учир нь МАН сүүлийн 23 жил С.Зоригийн хэргээр улс төрийн Шоу хийсээр ирсэн. Сануулахад : 2017 онд гурван шатны шүүхийн эцсийн шийдвэрээр Б.Содномдаржаа, Т.Чимгээ, Ц.Амгаланбаатар нарт тус бүрд нь 20 жилийн ял оногдуулсан.Харин эдгээр ялтнуудыг ял эдэлж байх явцдаа эрүүдэн шүүлтэд орсон, үндсэндээ тэдэнд эрүү шүүлт тулгаж гаднаас нөлөөлсөн гэх үндэслэлээр өмгөөлөгч, хууль эрх ашгийн хамгаалагчдаас гомдол гаргаж, уг гомдлын дагуу эрүү үүсгэн шалгахад эрүүдэн шүүсэн нь тогтоогдсон. Мөн “Шинээр илэрсэн нөхцөл байдал” гээчид нь үндэслэн Улсын дээд шүүхээс гурван шатны шүүхийн шийдвэрийг хүчингүй болгосон. Засгийн газрын Хэрэг эрхлэх газрын дарга Ц.Нямдорж Хууль зүйн сайд байхдаа дээрх ялтнуудын өмнөөс уучлалт гуйж, амьдралдаа анх удаагаа уучлалт гуйж үзэж байна хэмээн тонголзож байв. Түүний хүчинд С.Зоригийн амь насыг бүрэлгэсэн гэх гэмт этгээдүүд суллагдаж “шинэ нөхцөл байдал” гэгч нь үүссэн. Гэвч өнөөдөр Б.Содномдаржаа, Т.Чимгээ, Ц.Амгаланбаатар нарын хийсэн хэрэг хүчинтэй хэвээр байгаа. Тэдэнд эрүүл шүүлт хэрэглэсэн гэдэг нь тогтоогдсон болохоос тэднийг С.Зоригийг алаагүй байна гэх шүүхийн эцсийн шийдвэр гараагүй байгаа нь ҮНЭН. Гэвч тус аллага илрээд, бүр батлагдаад, гурван шатны шүүхээр эцэслэн тогтоогдчихсон байхад хүртэл буцаад мөрдөн байцаалтад шилжүүлнэ гэдэг нь асар их айдас болгоомжлол агуулж байж болзошгүй. Х.Нямбаатарыг “Шинээр ажлын хэсэг байгуулсан” гэх мэдэгдлийн дараа, өнгөрөгч амралтын өдөр “Цензургүй яриа” нэвтрүүлгээр С.Зоригийн амийг хөнөөсөн алуурчдын нэг гэгдэх Т.Чимгээ “Бат-Үүлийг энэ хэргийн захиалагч, бид нарт мөнгө өгсөн гэж Амгаланбаатар ярьсан” хэмээн хэлэв. Тэгээд зогсохгүй “Содномдаржаа бид хоёрыг Амгаланбаатарын мэдүүлснээр Зоригийг алсан гээд нотлоод байгаа. Гэтэл яагаад Амгаланбаатарын хэлснээр Бат-Үүлийг захиалагч гэдгийг нотлохгүй байгаа юм” гэх утга бүхий зүйлийг ярив. Үндсэндээ энэ хэргийн дундаас захиалагч гэх Бат-Үүлийг сугалаад авчихлаа гэж яриад байгаа нь цаанаа улс төрийн зорилготой гэдгийг улс үндэстэндээ харуулав. Уран бүтээлч хүний харах өнцөг, мэдрэмж гэж яахын аргагүй ертөнцийн торгон үнэн байдаг юм байна. 23 жилийн өмнө нэрт зураач Ц.Байдын зурсан ам зураг өдгөө 23 жил өнгөрчихөөд байхад улам адилхан болоод байгаа нь үйлийн үр үү, үнэний гэрч үү. 23 жил шоудлаа, хорилоо, шүүлээ, хэлмэгдүүлэн доромжиллоо. Одоо болохоор хэлмэгдүүлжээ гэж хэнгэнэтэл уйлуулаад дахиад хэдэн жил шоудах нь. Эл хэрэг сонгууль болгоноор сохор хөзөр болдог явдал үүгээр дуусч байна” гэж Р.Эмүжин бичив. С.Зоригийн хэргийг хэрхэн илрүүлснээ Нийслэлийн прокурорын газрын хэрэг бүртгэх мөрдөн байцаах ажиллагаанд хяналт тавих нэгдүгээр хэлтсийн хяналтын прокурор н.Батжаргал маш тодорхой ярьсан байдаг. Мөн “С.Зоригийн амь насыг хөнөөсөн хэрэг нотлогдсон. Шүүх удаан хугацаагаар хуралдаж шийдвэрээ гаргалаа” гэж Улсын ерөнхий прокурор тухайн үедээ Их хурлын чуулганы нэгдсэн хуралдаан дээр мэдэгдэж байсан. Шүүх, прокурор хууль хүчнийхний эцэслэн тогтоосон хэрэгт ард түмэн итгэж байна. “Ардын нам сүүлийн хэдэн жил төр барихдаа Зоригийн хэргийг буцаалаа. Тэгэхээр тэдний “шалгарсан” арга одоо нэгэнт улиг болжээ.

ЕРӨНХИЙ САЙД Л.ОЮУН-ЭРДЭНЭ “НУРААСАН Ч АХИН БҮТЭЭН БОСГОХОД ЗОРИУЛЖ” ТӨСӨВӨӨС 3.3 ТЭРБУМ ТӨГРӨГИЙГ ТӨСӨВЛӨВ

10 / 07 0 сэтгэгдэл 1 150 үзсэнe

Ерөнхий сайд Л.Оюун-Эрдэнийн санаачлан хөгжүүлж байгаа Хэнтий аймаг, Норовлин, Биндэр сум дахь "Их хуралдай", "Их засаг-Шихихутаг" цогцолборын тохижилт, шугам сүлжээний ажилд 2022 онд төсвийн хөрөнгөнөөс нийт 3.3 тэрбумыг төсөвлөжээ. Ерөнхий сайд Л.Оюун-Эрдэнэ санаачлан Хэнтий аймгийн Биндэр, Батноров, Норовлин суманд аялал жуулчлалын төв бүсийг байгуулах шийдвэрийг гаргаж "Хүлэг Боорчи-Андлалын өргөө", "Их хуралдай", "Их засаг-Шихихутаг" зэрэг цогцолборын бүтээн байгуулалтын ажлыг 2018 онд эхлүүлсэн байдаг. Энэ нь Монгол үндэстний өвөрмөц зан заншил, соёл, урлаг, түүх уламжлал тэр дундаа Чингис Хаантай холбоотой газар нутаг, түүх соёлын дурсгалтай танилцах, дотоод, гадаадын жуулчид, зочдын урсгалыг нэмэгдүүлэн соёлын өвөө хамгаалах, сэргээн амилуулах, бүтээн босгох, дэлхий дахинд монгол түүх, соёлыг түгээн дэлгэрүүлэх, сурталчлах боломжийг нээх зорилготой гэж тайлбарлаж байгаа боловч барилгын ажлууд чанаргүй хийгдсэнээс шалтгаалан "Андлалын өргөө"-г нураасан. Мөн "Их засаг-Шихихутаг", "Их хуралдай" цогцолборын бүтээн байгуулалтын ажил чанар, стандартын шаардлага хангаагүй гэх шүүмжлэлд ч өртсөн бол тус хоёр бүтээн байгуулалтын ажлын интерьер, гадна шугам сүлжээ, зоорийн ажил,тохижилтын ажилд нийт 3.3 тэрбумыг төсөвлөөд байна.

Сэлэнгэ мөрөнд автомашинтайгаа живж нас барсан хэргийг шалгаж байна

10 / 06 0 сэтгэгдэл 953 үзсэнe

Сэлэнгэ сумын Цагаан тохой гэх газарт трактор-82 Сэлэнгэ мөрөнд унаж жолооч нь живж нас барсан байна" гэсэн мэдээллийг 10-р сарын 04-ний өдөр цагдаагийн байгууллагад бүртгэгджээ. Тодруулбал, Сэлэнгэ аймгийн харъяат эрэгтэй 39 настай Т.Н замын баримжаа алдаж улмаар гарамгүй газраар Сэлэнгэ мөрөн рүү орж автомашинтайгаа живж нас барсан байжээ. Улсын дугааргүй Трактор-82 маркийн механизм жолоодож амь насаа алдсан гэх харамсалтай хэргийг Булган аймаг дахь цагдаагийн газар шалгаж байна. Мөн Төв аймгийн нутаг дэвсгэрт “Доргонт гэх газарт Туул голын усанд 5 хүн автомашинтай живсэн” гэх мэдээллийг цагдаагийн байгууллага 10-р сарын 05-ны 20 цаг 56 минутад авсан. Prado маркын тээврийн хэрэгслээр 5 иргэн гол гатлах үйлдэл хийж байгаад автомашинтайгаа усанд живж, 3 иргэн голын уснаас гарч, Б /эр.49н/, О /эр.53н/ нар тус голын усанд урссан гэх мэдээлэл урьдчилсан байдлаар авсан, эрэн хайх ажиллагааны явцад иргэн Б-ийн /эр.49н/ цогцсийг олсон. Үргэлжлүүлэн О /эр.53н/-г эрэн хайх ажиллагааг холбогдох байгууллагуудтай хамтран явуулж байна. Иймд иргэд та бүхэн өөрсдийн болон хамт яваа хүмүүсийн аюулгүй байдлыг хангаж, гол, ус гатлахдаа зориулалтын гүүр, гармыг сонгож зорчих, архи согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг анхааруулж байна.

СЭРЭМЖЛҮҮЛЭГ : Ерөнхий боловсролын сургуулийн 11-р ангийн охин Ээждээ хоёр алгадуулаад амиа хорлов

10 / 05 0 сэтгэгдэл 2 217 үзсэнe

Амиа хорлогсдын нас манай улсад улам л залуужсаар байгаа нь нууц биш. Өсвөр насныхан эцэг, эхээ айлгах нэг арга нь амиа хорлолт болжээ. Хүүхэд гэмтсэн, бэртсэн, өвдсөн, амиа алдсан, тамлуулж зодуулсан, хүчир-хийлүүлсэн, амиа хорлосон мэдээ сонсох бүрт нийтээрээ бид хэдэн өдөртөө сэтгэл тайван бус байдаг. Гэтэл үүнийг нь байдаг л үзэгдэл шиг, ийм л амьдрал байх ёстой юм шиг, жам ёсоороо л явчхаж байгаа юм шиг л томчууд бид чимээгүй харсаар л сууна. Сүүлийн үед хүүхэд амиа хорлож өөрийгөө егүүтгэсэн хэргүүд. Өдөр бүр л ямар нэгэн байдлаар хүүхэдтэй холбоотой энэ мэт бараан, харамсалтай хэргийн дүн нэмэгдэж тоо нь ихэссээр байгаа нь харамсалтай. АНХААР : Өсвөр насыг хүн бүр тойрч биш дайрч гардаг. Энэ нас нь хүүхэд төдийгүй эцэг эхчүүдийн хувьд хамгийн хариуцлагатай хандах ёстой үеүдийн нэг. Гэтэл эцэг эхчүүдийн хайхрамжгүй байдал болон үр хүүхдүүдтэйгээ хамаагүй харьцаж байгаагаас болж өсвөр үеийнхэн буюу 11,12-16,17 насны хүүхдүүд амиа хорлож байгаа үзэгдэл даамжирсаар л байна. Тухайн үеийн хүүхдүүдийг эмзэг, мэдрэмтгий хэмээн тодорхойлдог. Тиймээс ч энэ насны хүүхдүүд байж боломгүй үйлдлүүд хийх нь элбэг. Сүүлийн үед гарч байгаа айдаст автуулам мэдээллүүд ихэвчлэн өсвөр насныхантай холбоотой байх боллоо. Тодруулбал : /2021. 10-р сарын 04-нд / ерөнхий боловсролын сургуулийн 11-р ангийн охин ээжтэйгээ маргалдаж жижиг өрөөнийхөө цонхоороо үсэрч амиа хорлосон харамсалтай тохиолдол бүртгэгдлээ. Маргааны гол үндэс нь гэртээ тэжээсэн муур нь аяга таваг завааруулаад байна хэмээн ээж нь загнан 2 удаа алгадсанаас боллоо. Өсвөр насны хүүхэд эрх чөлөөтэй байх, өөрөөрөө байж, үзэл бодлоо чөлөөтэй илэрхийлэх, түүнийг буруутгахгүй сонсох хэн нэгнийг, орчныг эрэлхийлж байдаг. Тэдний хувьд үзэл бодлоо чөлөөтэй илэрхийлж, бүх зүйлийн талаар ярилцах боломжтой газар бол найз нөхдийн орчин байдаг. Тиймээс ч өсвөр үеийнхэн бие даан шийдвэр гаргах бүрэн чадвартай болсон гэж үздэг тул эсэргүүцэх тусам улам зөрж, улмаар буруу зүйл рүү өөрөө гүйгээд орох тохиолдол байдаг. Энэ үед л эцэг, эх гэдэг үүргээ ухамсарлан хүүхдүүдтэйгээ сайтар ярилцаж тэднийг ойлгодог байх хэрэгтэй. Үгүй бол энэ мэт харамсалтай жишээгээр бид бүгдийн босгосон амьдрал ганцхан минутад хар дарсан зүүд болон хувирахыг үгүйсгэхгүй юм. Манай улсад сүүлийн жилүүдэд амиа хорлох үзэгдэл эрс ихсэж байгаа бөгөөд үүнд өсвөр үеийнхэн өртсөөр байгааг бүгд ойлгох хэрэгтэй. ДЭМБ-ын мэдээлснээр, 15-29 насны залуучуудын нас баралтын тэргүүлэх гурван шалтгааны нэгд амиа хорлолт орж байгаа. Монгол Улсад өсвөр насны хүүхэд болон 29 хүртэлх насны залуусын дундах амиа хорлолт жил бүр өссөөр байгаа нь бүх талдаа анхаарлаа хандуулах цаг үе гэдгийг анхааруулж байна. Аравхан настай хүү, 12-хон настай охин насанд хүрсэн эрүүл хүний толгойд ч багтамгүй аймшигт шийдвэр гаргаж байгаа нь зөвхөн тухайн гэр бүлийн биш нийгмийн эмгэнэл юм. Тиймээс эцэг эхчүүд ч гэсэн дараах шинж тэмдгийг сайтар ажиглаж байхыг зөвлөж байна. -Амиа хорлож болзошгүйг сэрэмжлүүлэх шинж тэмдгүүдэд -Таны ойр дотнын хэн нэгэн, найз нөхөд, гэр бүлийн гишүүн, хамт ажилладаг хүн хэн ч бай Мухардаж, эсвэл ямар ч амьдрах шалтгаангүй болсон мэт санагдаж байгаа тухайгаа ярих Гарах гарцгүй болсон мэт санагдаж, эсвэл тэсэхийн аргагүй өвчин шаналал мэдэрч байгаа тухайгаа ярих Бусдад ачаа дарамт болж байгаа гэж ярих Согтууруулах ундаа, эсвэл мансууруулах бодисын хэрэглээгээ нэмэгдүүлэх Ямар ч шалтгаангүйгээр хувийнхаа эд зүйлсийг бусдад өгөх Сэтгэл нь тавгүйтэж, цухалдах, эсвэл тайван бус зан байдалтай байх Өөрийгөө бусдаас тусгаарлан, ганцаардмал байдалд орох Уурлаж, хилэгнэх, эсвэл өшөө авахыг эрэлхийлэх Зан ааш нь огцом өөрчлөгдөж байгаа байдал ажиглагдаж байгаа бол та нэн даруй эмнэлгийн тэр тусмаа сэтгэлзүйн эмчилгээ, үйлчилгээ үзүүлдэг байгууллагад хандах хэрэгтэйг зөвлөж байна.

Э.ЦЭНДБААТАР: "СӨГДӨЖ, МӨРГӨЖ ГУЙСАН Ч САНАСНААР БОЛСОНГҮЙ"

10 / 04 0 сэтгэгдэл 859 үзсэнe

Э.Цэндбаатар, О.Тулга нарын хооронд халз тулааныг зохион байгуулж, ялсан нь ДАШТ-д явах ёстой байсан. Дүрмийн дагуу тамирчид өглөө 07.00-08.00 цагт жингээ үзүүлэх байсан ч Э.Цэндбаатар ирээгүйн улмаас ОУХМ О.Тулга ДАШТ-д явахаар болсон үйл явдал лолны анхаарлын төвд байна. Э.Цэндбаатар тэмцээнд заавал орж, ДАШТ явна хэмээн ард түмэндээ амлаад байсан ч ямар шалтгаанаар оролцоогү талаарх олон таамаг иргэдийн дунд хөвөрсөөр. Олон иргэд түүнийг шахаанд орсон талаар таамаглаж, бодож байгаагаа илэрхийлэн цахим сүлжээнд нийтэлсээр байна. Учир нь хэдхэн хоногийн өмнө ХЗДХ-ийн сайд Х.Нямбаатар телевизэд ярилцлага өгөх үеэрээ Э.Цэндбаатарын зодооны талаар ярьж, тун удалгүй бичлэг нь цахим хуудсанд тархсан байдаг. Мөн түүнчлэн Э.Цэндбаатарын багш Боксын холбоонд тулаанд оролцох боломжгүй болсон талаараа өчигдөр мэдэгдсэн ч энэ талаар өнөөдөр л ам цухуйлгаж буй нь хачирхалтай. Харин энэ талаар Э.Цэндбаатар өөрийн цахим хуудсаараа дамжуулан мэдэгдэл хийжээ. Тэрээр "60 бол миний үндсэн жин, жиндээ орох асуудалгүй байлаа. Сөгдөж мөргөж гуйсан тиймдээ ч бэлтгэлээ маш сайн хийсэн. Жиндээ орсон, гэхдээ л бүх зүйл санаснаар болсонгүй ээ. Намайг дэмжсэн бүх хүмүүсдээ баярлалаа" гэсэн байна.

ЕРӨНХИЙЛӨГЧИЙН ЗАРЛИГИЙГ ГҮЙЦЭЛДҮҮЛЖ ТЭРБУМ МОД ТАРИХАД 4.3 ИХ НАЯД ТӨГРӨГ ЗАРЦУУЛНА

10 / 04 3 сэтгэгдэл 822 үзсэнe

Ерөнхийлөгчийн Тамгын газрын дарга Я.Содбаатар, Байгаль орчин, аялал жуулчлалын сайд Н.Уртнасан нар өнөөдөр (2021.10.04) Монгол Улсын Ерөнхийлөгчийн зарлиг гарсан талаар мэдээлэл хийлээ. Тэрбум мод тарих Ерөнхийлөгч У.Хүрэлсүхийн зарлигийн талаар Ерөнхийлөгчийн Тамгын газрын дарга Я.Содбаатар танилцуулав. Тэрбээр "Дэлхийн уур амьсгалын өөрчлөлтийн нөлөөллийг бууруулах, тогтвортой хөгжлийн зорилгыг хангахад Монгол Улсын хувь нэмэр бодит оролцоог нэмэгдүүлэх, цөлжилттэй тэмцэх үндэсний цогц хөтөлбөр стратеги гарган ажиллах чиглэлийг Засгийн газарт өгч байна. Тодруулбал, • Жил бүр Монгол Улсын дотоодын нийт бүтээгдэхүүний 1 хувиас доошгүй хөрөнгийг уур амьсгалын өөрчлөлт цөлжилтийн эсрэг үйл ажиллагаанд зарцуулах, • Улс, орон нутгийн төсвийн хөрөнгө оруулалтын тодорхой хувийг байгальд ээлтэй, стандарт бүхий ногоон байгууламжийг нэмэгдүүлэх эрхзүйн орчныг бүрдүүлэх чиглэлд ажиллах, • Ойн салбарын бодлого үйл ажиллагааг уялдуулан зохицуулах төрийн захиргааны байгууллага болох ойн агентлагийг сэргээн байгуулах чиглэл өгчээ. 2022 оны улсын төсвийг өргөн барихдаа Засгийн газар нэгдүгээр сарын 1-нээс ойн агентлагтай болох асуудлыг төсвийн дагалдах хуулиар оруулсан. Төр, хувийн хэвшлийн түншлэлд тулгуурлан ойн аж ахуйн нэгжийг байгуулж, санхүүгийн зохистой механизмтай болохыг мөн тусгасан. Иргэн аж ахуйн нэгжүүдэд татвар болон татварын бус бодлогоор дэмжлэг үзүүлнэ. Мод тарих үйл явцыг халамжаас хөдөлмөрт шилжих цогц бодлогын хүрээнд уялдуулан зохицуулна. Байгаль орчин, аялал жуулчлалын сайд Н.УРТНАСАН: -Өнөөдрийн байдлаар уур амьсгалын өөрчлөлтөөс үүдэн Монгол Улсын нийт газар нутгийн 76.9 хувь нь хүчтэй цөлжилтөд өртсөн. Нэг тэрбум мод тарих үндэсний хөдөлгөөнийг арван жилийн хугацаанд үр дүнтэй хэрэгжүүлж чадвал хүчтэй цөлжилтөд өртсөн 120 сая га талбайн хамрах хэмжээг дөрвөн хувиар бууруулах судалгаа гарсан. Мөн түүнчлэн ойгоор бүрхэгдсэн талбайн хэмжээ 7.9 хувьтай байгаа ч үүнийг 2030 он гэхэд 9 хувьд хүргэх үндсэн зорилтуудыг тодорхойлсон. Нөгөө талаас хүлэмжийн хийн ялгарлыг 600 мянган тонноор бууруулах тооцооллыг урьдчилсан байдлаар гаргасан. Хувийн хэвшлийн томоохон компаниудаас 10 жилийн хугацаанд 20-120 сая мод тарих санаачлагууд гаргасан. Тиймээс нэг тэрбум мод тарих үндэсний хөдөлгөөнийг өрнүүлэхдээ төр, хувийн хэвшил, иргэд аж ахуйн нэгжүүдийн хамтын оролцоо уялдаа холбоог хангаж ажиллана. Өнөөдрийн байдлаар Монгол Улсын хэмжээнд ойн мэргэжлийн 1078, нөхөн сэргээх ойжуулалтын ажлыг дагнаж хариуцдаг 224 байгууллага бий. Тэрбум мод тарих 10 жилийн хугацаанд 4.3 их наяд төгрөг зарцуулахаар тооцоолж байна. Тэрбум мод тарих үйл ажиллагааг 2021-2024 он эхлэл үе шат, 2024-2027 он, 2027-2030 он гэсэн гурван үе шаттайгаар хэрэгжүүлнэ.

ТӨВ АЙМГИЙН ЗААМАР СУМЫН ЗД-ЫН ӨРӨӨНД ХҮН НАС БАРЖЭЭ

10 / 04 0 сэтгэгдэл 975 үзсэнe

Төв аймгийн Засаг даргын тамгын газрын буудлын өрөөнд нэг хүн нас барсан хэрэг гарсан байна. Тодруулбал, аравдугаар сарын 1- ний өдөр Төв аймгийн Заамар сумын төвийн өрөөнд эрэгтэй 65 настай иргэн ил харагдах ямар нэгэн гэмтэл шархгүйгээр нас барсан байжээ. Урьдчилсан байдлаар талийгаач зүрх судасны өвчний улмаас эмчийн хяналтанд байсан гэх бөгөөд үхэлд хүргэсэн байж болзошгүй шалтгаан нөхцлийг тогтоохоор Төв аймгийн Заамар сум дундын цагдаагийн хэлтэст шалгаж байна.

ГЭР БҮЛИЙН МАРГААНААС ҮҮДЭН ӨӨРИЙГӨӨ БУУДАН ХӨНӨӨЖЭЭ

10 / 04 0 сэтгэгдэл 806 үзсэнe

Өнгөрөгч амралтын өдөр буюу аравдугаар сарын 2- ний өдөр Говь-Алтай аймагт эрэгтэй хүн өөрийгөө буудаж, амь насаа хөнөөсөн харамсалтай хэрэг гарчээ. Тодруулбал, тус аймагт оршин суух хаягтай 27 настай эрэгтэй Д-гийн цогцос, ногооны талбайн орчмоос олдсон байна. Эх сурвалжийн хэлж буйгаар талийгаач нь улсын бүртгэлгүй галт зэвсгээр өөрийнхөө толгойн тус газартаа нэг даа буудаж амиа егүүтгэсэн байж болзошгүй байна. Талийгаач амиа алдахаасаа өмнө ТОЗ-8 маркийн галт зэвсгийг авч, мотоциклоо унан гэрээсээ явсан гэх мэдээлэл байна. Мөн талийгаач гэр бүлийн маргаантай байсан гэх мэдээлэл байгаа юм.

АВЛИГАЧИД ТӨРИЙН ЖОЛООГ АТГАЛЦСААР БАЙГАА Ч “АРД ТҮМНИЙ САНАХ ОЙ НЭН СЭРГЭГ” ГЭДГИЙГ САНУУЛЬЯ !

10 / 03 0 сэтгэгдэл 1 009 үзсэнe

Авлигачид төрийн жолоог атгалцсаар, хууль батлалцсаар байна... Хуулийн байгууллагад шалгуулж буй гишүүдийн нэг нь Ж.Эрдэнэбат. Түүний хэргийг прокуророос дахин хянаж байгаа.Учир нь Ерөнхий сайдын үүрэг гүйцэтгэгчээр ажиллаж байхдаа эрх мэдэл, албан тушаалын байдлаа урвуулан ашигласан гэх хэргээр хоёр шатны шүүхээс 6.6 жилийн хорих ял оноосон боловч Дээд шүүхээс хэргийг нь прокурорт буцаачихсан учраас тэрээр батлан даалтаар шоронгоос гараад, төрийн ордондоо заларсан.Түүний хэргийг нь прокурор хэзээ хянаж дуусаад, хэзээ дахин шүүхэд шилжих эсэх нь тодорхойгүй ч түүнд УИХ-ын гишүүний халдашгүй дархан эрх хэрэгжээд эхэлсэн. УИХ-ын гишүүн Б.Бейсенг Баян-Өлгий аймгийн Нийгмийн даатгалын хэлтсийн дарга тэргүүтэй Нэгдсэн эмнэлгийн эмч нарын эрх мэдэл, албан тушаалаа урвуулан ашиглаж, бусдаас авлига авч, хуурамч онош тогтоосон хэрэгт татан шалгаж эхэлсэн. Энэ хэрэг үүссэнээс жил гаруй болж байгаа ч хэрэг нь шийдэгдээгүй бөгөөд олон оролцогчтой хэрэг учраас Ховд аймгийн прокурорын газраас хүч татан хянаж байгаа бололтой. Нийт 59 хүнийг Эрүүгийн хуульд заасан хахууль авах, мөнгө угаах, нотлох баримт хуурамчаар үйлдэх гэмт хэрэгт холбогдуулан яллагдагчаар татан шалгаж байгаа бол Б.Бейсенд холбогдох хэргийг тусгаарлан шалгаж байгаа аж. С.Одонтуяаг авлига, албан тушаалын хэргээр шалгаж байгаа. Саяхан Улаанбаатар хотын гаалийн газрын Хяналт шалгалт хариуцсан орлогч дарга О.Цогтбаатар, тус газрын гаалийн улсын байцаагч Б.Хишигбат, У.Ариунаа, Д.Соёлмаа болон гадаадаас бараа импортлон борлуулдаг иргэн Б.Төрбаяр нар хахуулийн хэргээр ял сонссон. Тэднийг Авлигын эсрэг болон Гаалийн тухай хууль зөрчиж, 2020 оны аравдугаар сард БНСУ-аас манай улсын хилээр импортлон оруулж ирсэн гурван чингэлэг бараанд гаалийн хяналт, шалгалт явуулсан байцаагч нартаа нөлөөлж, татварыг хөнгөлүүлэн Б.Төрбаярт давуу байдал бий болгосон хэрэгт буруутгасан. Тэгвэл тус газрын орлогч даргаар ажиллаж байсан О.Цогтбаатарын утас руу УИХ-ын гишүүн С.Одонтуяа зурвас бичиж Эрдэнэчимэг гэх найзынхаа импортолсон хуучин хувцаснаас авах гаалийн татварыг хөнгөлүүлсэн төдийгүй тухайн бараанаас нь иргэдэд үнэ төлбөргүй тараасан гэх үйлдлийг тусгаарлан, АТГ-т шалгаж байгаа аж. УИХ-ын гишүүн Б.Пүрэвдоржийг АТГ-аас шалгаж байгаа гэхдээ маш удаашралтайгаар.АТГ-ын мөрдөгчид өнгөрсөн дөрөвдүгээр сард Ховд аймагт очиж Б.Пүрэвдоржийн хамаарал бүхий аж ахуйн нэгжүүдэд нэгжлэг хийсэн бөгөөд түүнийг Иргэний харьяалал, шилжилт хөдөлгөөний ерөнхий газар (ИХШХЕГ)-ын даргаар ажиллаж байхдаа эрх мэдлээ урвуулан хууль зөрчсөн байж болзошгүй гэх үндэслэлээр шалгаж байна. Түүнчлэн хэрэгсэхгүй болгоод байсан ИХШХЕГ-ын даргаар ажиллаж байхдаа албан тушаалаа урвуулж, улсад 276 сая төгрөгийн хохирол учруулсан гэх хэргийг нь прокурорын хүсэлтийн дагуу сэргээн шалгаж эхэлжээ. Үүний зэрэгцээ Засгийн газрын тусгай сангийн хууль зөрчиж, Мал хамгаалах сангаас нэн хөнгөлөлттэй нөхцөлөөр их хэмжээний зээл авахад эрх мэдлээ ашиглан оролцсон гэх үндэслэлээр шалгуулж байна. УИХ-ын гишүүн Х.Болорчулуунд холбогдох ЖДҮДС-гаас зээл авсан асуудал хуулийн байгууллага шалгасаар байна. Тодруулбал, түүнийг эрх мэдэл, албан тушаалаа ашиглаж, өөрийн хамаарал бүхий “Дорнод гурил” ХХК-иар дамжуулж, ЖДҮ-ийг хөгжүүлэх сангаас зээл авсан хэрэгт буруутгасан.Түүний үүсгэн байгуулсан “Дорнод гурил” ХХК нь 2016 оны арваннэгдүгээр сарын 20-нд ЖДҮХС-аас хоёр тэрбум төгрөг авсан. Ингэхдээ Х.Болорчулуун гишүүн Дорнод аймгийн Хүнс, хөдөө аж ахуйн газрын дарга асан А.Энхтүвшинтэй хуйвалдаж, хуурамч бичиг баримт бүрдүүлж, зээл авсан гэдэг нь тогтоогджээ. Тодруулбал, газрын дарга А.Энхтүвшин нь Хүнс, хөдөө ах ахуй, хөнгөн үйлдвэрийн яамны ЖДҮХС-нд “Дорнод аймгийн Хэрлэн сумын нэгдүгээр багт байрлах “Дорнод гурил” ХХК нь жижиг, дунд үйлдвэр эрхлэгч болохыг тодорхойлов” хэмээх хуурамч албан бичгийг явуулсан нь жилийн хэдэн тэрбум төгрөгийн орлоготой, үйлдвэрлэлтэй тус компанийг ЖДҮ хэмээн хуурамчаар тодорхойлсон аж. Тиймээс АТГ-аас Х.Болорчулууныг хуурамч бичиг баримт бүрдүүлэхээс гадна сангаас авсан зээлээ зориулалтын бусаар ашигласан гэх хэргээр шалгаж байгаа. Ийнхүү намрын чуулган нээсэн энэ цаг үед хуулийн байгууллагаар шалгагдаж буй эрх мэдэлтэн албан тушаалтан их хурлын гишүүдийн мэдээллийг нэхэн санууллаа. Хариуцлага нэхэх шаардлагатай бөгөөд учир нь “Ард түмний санах ой нэн сэргэг”.