ЗАСГИЙН ГАЗРЫН ЭЭЛЖИТ ХУРАЛДААН ӨНӨӨДӨР БОЛЖ, ГАРСАН ШИЙДВЭРИЙГ ТАНИЛЦУУЛЛАА

01 / 26 0 сэтгэгдэл 2 636 үзсэнe

Монголоор дамжих байгалийн хийн хоолойн ТЭЗҮ-г баталж, дараагийн шатны ажилдаа орло о Шадар сайд С.Амарсайхан : Засгийн газрын өнөөдрийн хуралдааны шийдвэрийг танилцуулж байна. Тэрээр "Монгол Улсаар дамжин өнгөрөх байгалийн хийн төслийн ТЭЗҮ-г хоёр тал эцэслэн боловсруулж, албан ёсоор төслийг дараагийн бодит ажил болгох түвшинд шилжсэн. Миний бие Монгол Улс, БНХАУ, ОХУ-аар дамжин өнгөрөх байгалийн хийн хоолой барих ажлыг эрчимжүүлэх, хоёр талын ажлын хэсгийн Монголын талын ахлагчийн хувьд өчигдөр Газпром компанийн ТУЗ-ийн дарга А.Б.Миллертэй цахим уулзалт хийж, хоёр талын ТЭЗҮ-г эцэслэснийг хүлээн зөвшөөрч, 2023, 2024 оныг хүртэл эдийн засгийн үндэслэл дээр тулгуурласан дараагийн шатны инженер техникийн болон ажлын зургийг хийж боловсруулах асуудалд цаг алдалгүй дайчилж орохтой холбоотой үүрэг даалгавар өглөө. Цар тахлын амаргүй үед хоёр талын ажлын хэсэг уулзалдаж, ТЭЗҮ-г 12-р сарын 15-ны өдөр дууссан" гэв. Тэрээр цааш нь "Энэ талаар өнөөдөр Засгийн газарт танилцууллаа. Анх 2019 оны араванхоёрдугаар сард Ерөнхийлөгч У.Хүрэлсүх Ерөнхий сайд байхдаа ОХУ-д айлчилж тэр үеэр энэ ажлыг эхлүүлэх бичиг баримтад гарын үсэг зурж байсан. Цаашдаа энэ ажил эрчимтэй үргэлжилнэ. 2023, 2024 оноос өмнө зургийг нарийвчлан баталгаажуулж, үндсэн ажилдаа орно. ОХУ-ын Ерөнхийлөгч В.В.Путин, БНХАУ-ын дарга Ши Жиньпин нартай Монгол Улсын Ерөнхийлөгч утсаар ярилцахдаа энэ төслийг эрчимжүүлэх асуудлаар санал солилцсон. 2003 оноос ярьж эхэлсэн энэ төсөл бодит ажил болох боломж бүрдсэнээр Монгол Улсын хувьд эдийн засгийн бүтцийг сайжруулах, эдийн засгийн өсөлтийг нэмэгдүүлэх, хамтын ажиллагааны хүрээнд бүс нутгийн хэмжээнд Монгол Улсын үүрэг оролцоо нэмэгдэх боломжийг хийн хоолой төсөл бүрдүүлж байна." гэлээ. Хоёрдугаар сарын 14-нөөс сурагчид 5/9 зарчмаар, хоёрдугаар сарын 28-наас танхимаар хичээллэх шийдвэр гарлаа Боловсрол, шинжлэх ухааны сайд Л.Энх-Амгалан : Тэрбээр "Сурагчдын өвлийн амралтыг долоо хоногоор сунган хоёрдугаар сарын 14-нөөс 5/9 зарчмаар хичээллүүлэх шийдвэр гаргалаа. Энэ нь нийслэлд хамаатай юм. Харин хөдөө, орон нутагт 100 хувь танхимын сургалтаар хичээллэх боломжтой гэж үзэж байна. Хоёрдугаар сарын 28-наас 100 хувь танхимаар хичээллүүлэх үүргийг надад өгсөн. Ийнхүү танхимын сургалтыг хойшлуулж буй учир нь Омикрон хувилбарын оргил үе таарч байгаатай холбоотой юм. Нэг зүйлийг уриалмаар байна. Хэрвээ хоёрдугаар сарын 14-нд хичээл сургалтыг эхлүүлэхийг хүсэж байгаа бол Цагаан сараа гэр бүлийн орчинд аль болох хязгаартайгаар баярлаасай гэж хүсэж байна. Дахиад хичээл сургуулийн асуудал хойшлох эрсдэл ч бий" гэлээ.

ХҮЧИРХИЙЛЭЛД ӨРТСӨН ОЙТОЙ ОХИНЫГ АВРАН ХАМГААЛСАН ИРГЭНТЭЙ УУЛЗЛАА

01 / 25 0 сэтгэгдэл 756 үзсэнe

Хөлд ч орж амжаагүй бяцхан охиныг хэрцгийгээр зодон биед нь бэртэл учруулж ес эхэлсэн энэ хүйтнээр нүв нүцгэн гадаа хог шиг хаяж байхтай энэ залуу таарч амь насыг нь аварчээ. Охиныг хаясан хижээл насны эр согтууруулах ундаа хэрэглэсэн байсан аж. Иймд иргэд хүүхдэдээ тавих хараа хяналтаа сайжруулахыг анхааруулж байна.

ХААН БУЙДАНД ЗАХИАЛГА ӨГЧ МӨНГӨӨ ТӨЛСӨН ИРГЭД ДОРОМЖЛУУЛААД ДУУСЛАА !!!

01 / 25 0 сэтгэгдэл 789 үзсэнe

''Хаан буйдан" гэх сүржин нэртэй компанид итгэн мөнгөө төлж захиалга өгсөн иргэд сэтгэл санаа санхүүгээрээ тоглууллаа.

САЙД АСАН Ё.ОТГОНБАЯР АЛБАН ЁСНЫ ТВИТТЕР ХУУДСААРАА СЭТГҮҮЛЧИЙГ АЛНА ГЭЖ СҮРДҮҮЛЖЭЭ

01 / 25 0 сэтгэгдэл 509 үзсэнe

Хөгжлийн банкны найдваргүй зээлдэгчдийн талаар бид цуврал болгон мэдээлж байгаа билээ.Өчигдөр /2022.01.24/ БСШУ-ны сайд асан Ё.Отгонбаярын эхнэрийн хамаарал бүхий компани Хөгжлийн банкинд 17.7 тэрбум төгрөгийн өртэй найдваргүй зээлдэгчдийн жагсаалтад багтаж байгаааг мэдээлсэн юм. Үүний хариуд тэрбээр “Би хүнтэй суухдаа ах дүү чинь зээлтэй юу гэж асуух ёстой байсан уу?” гэж өөрийн твиттер хуудсандаа бичээд байсан юм. Тэгвэл тэрбээр өнөөдөр өөрийн албан ёсны твиттер хуудсаараа сэтгүүлчийг ална гэж срдүүлсэн захидал илгээсэн тухай сэтгүүлч У.Оргилмаа дэлгэлээ. Тэрбээр “Та хоёроос болж салж байна, чамайг олж ална.Миний амьдралыг алсан бол хариугаа авна.Заригтай чинь хамт ална.Үнэн хорсож байна. Нэгэнт тануус тэгж байгаан бол алалцана “ гэж бичжээ.

НӨАТ-ЫН СУГАЛААНЫ СИСТЕМИЙН МЭДЭЭЛЛИЙГ ӨӨРЧИЛСӨН ХҮМҮҮС 143 САЯЫГ ХАХУУЛЬД АВЧЭЭ

01 / 25 0 сэтгэгдэл 1 260 үзсэнe

Татварын ерөнхий газрын харьяа Гааль, татвар, санхүүхийн мэдээллийн технологийн төв (ГТСМТТ)-ийн ажилтнуудтай нийлж, татварын байгууллагын нууцлал бүхий мэдээллийг задруулан аж ахуйн нэгжийн татварын өрийн мэдээллийн системд өөрчлөлт хийж устган, тухайн аж ахуйн нэгж, иргэдээс хахууль авч байж болзошгүй хэргийг ЭЦА-ны Эдийн засгийн гэмт хэрэгтэй тэмцэх газрын ажилтнууд 2021 оны 11-р сарын сүүлчээр илрүүлэн шалгаж эхэлсэн билээ. Цагдаагийн байгууллагынхан тус төвийнхан болон татварын байгууллагынхныг шалгаад НӨАТ-ын хуурамч бичилт хийж, иргэн аж ахуйн нэгжийг залилж, төсөвт төвлөрүүлэх иж хэмжээний татвар төлөхөөс зайлсхийдэг бүлэг хүмүүс байж болзошгүйг тогтоосон юм. Мөрдөн шалгаж ажиллагааны явцад Татварын ерөнхий газрын Хяналт шалгалт арга зүйн газрын улсын байцаагч Н.Ж (ГТСМТТ)-ийн мэргэжилтэн Х.Т, М.У нартай хуйвалдан дээрх гэмт хэргийг үйлдэж, тухайн аж ахуйн нэгж, иргэд болон НӨАТ-ын хуурамч бичилт хийж татвар төлөхөөс зайлсхийсэн хүмүүсээс 143 сая төгрөгийн хахууль авсан хэрэгт холбогдсон. Улмаар дээрх гурван хүнтэй хамт хэд хэдэн аж ахуйн нэгжийн албан тушаалтан иргэдийг яллагдагчаар татаж, АТГ-ын Мөрдөн шалгаж хэлтсийнхнээр үргэлжлүүлэн шалгуулахаар шилжүүлсэн гэнэ.

КОВИД19 ХАЛДВАРЫН УЛМААС ДӨРВӨН ХҮН НАС БАРЖ, 1978 ХҮНЭЭС ХАЛДВАР ИЛЭРЛЭЭ

01 / 25 0 сэтгэгдэл 767 үзсэнe

Өнгөрсөн 24 цагийн хугацаанд 1978 хүнээс халдвар илэрч дөрвөн хүн нас барлаа. Зөөвөрлөгдсөн тохиолдол бүртгэгдээгүй бөгөөд дөрвөн хүн нас барснаар Улсын хэмжээнд нийт нас баралт 2025 боллоо.

ДУЛААНЫ ШУГАМЫН ХУДГААС НЭР ХАЯГ НЬ ТОДОРХОЙГҮЙ ЭРЭГТЭЙ ХҮНИЙ ЦОГЦОС ОЛДЖЭЭ

01 / 25 0 сэтгэгдэл 814 үзсэнe

Баянзүрх дүүргийн тавдугаар хорооны “Задгай”-д /Кино үйлдвэр/ дулааны шугамын худагт эрэгтэй хүний цогцос байна гэсэн дуудлага өчигдөр 15:57 цагт Онцгой байдлын газарт иржээ. Уг дуудлагын дагуу нийслэлийн Аврах ангийн алба хаагчид гурав орчим метрийн гүнтэй дулааны шугамын худагт нэр хаяг нь тодорхойгүй эрэгтэй хүний цогцос байсныг гаргаж тус дүүрэг дэх Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгчээ.

МӨРИЙТЭЙ ТОГЛООМ ЗОХИОН БАЙГУУЛАГЧДАД ДАНСАА АШИГЛУУЛСАН ИРГЭДИЙГ ШАЛГАЖ БАЙНА

01 / 24 0 сэтгэгдэл 1 032 үзсэнe

Эрүүгийн цагдаагийн албаны Зохион байгуулалттай гэмт бүлэг, хүн худалдаалах гэмт хэрэгтэй тэмцэх хэлтсээс Нийслэл хотын хэмжээнд хууль бус цахим мөрийтэй тоглоом зохион байгуулдаг газрыг илрүүлсэн байна. Тухайлбал Баянзүрх дүүргийн 2 дугаар хорооны нутаг дэвсгэрт байрлах 31 дүгээр байранд О.А /эр 22/, Б.Б /эр 23/ нарыг цалинжуулан Б.Б /эр36/, Э.А /эр 35/ нар нь Хууль бусаар Play.ubgamers.space нэртэй цахим хаягийг ашиглан 777 нэртэй цахим мөрийтэй тоглоомын сайт ажиллуулж байсныг тогтоон тухайн этгээдүүдийн ашиглаж байсан суурин компьютер, нөүтбүүк, гар утас, банкны виза карт зэргийг хураан авч харъяа дүүргийн цагдаагийн хэлтэст шилжүүлэн шалгалтын ажиллагааг явуулж байна. Цахим мөрийтэй тоглоом зохион байгуулсан Б.Б-д дансаа ашиглуулсан иргэдэд холбогдуулж Нийслэл, дүүргийн цагдаагийн газар, хэлтсүүдэд хэрэг бүртгэлтийн хэрэг нээн шалгаж байна. Хууль бус цахим мөрийтэй тоглоом зохион байгуулдаг этгээдүүд нь бусдын орон байрыг урт хугацаагаар түрээслэн мөрийтэй тоглоом болон энэ төрлийн хууль бус үйл ажиллагааг зохион байгуулдаг тул иргэд та бүхэн түрээслүүлсэн өөрсдийн эзэмшлийн орон сууц, обьектуудад тогтмол хяналт тавьж, интернет банк болон банкны картаа бусдад ашиглуулахгүй байхыг Цагдаагийн байгууллагаас анхааруулж байна.

ИРГЭДЭД 05:30-00:30 ЦАГИЙН ХООРОНД ГУРВАН ЧИГЛЭЛИЙН НИЙТИЙН ТЭЭВЭРИЙН ХЭРЭГСЭЛ ҮЙЛЧИЛЖ БАЙНА

01 / 21 0 сэтгэгдэл 692 үзсэнe

Өнгөрөгч оны есдүгээр сараас нийтийн тээврийн зарим чиглэлүүд өглөөний 05:30 цагаас шөнийн 00:30 хүртэл уртасгасан цагаар иргэдэд үйлчилж эхэлсэн. Одоогийн байдлаар Т-2, Т-5, Ч-7 чиглэлд уртасгасан цагаар үйлчилж байна. Автобус хоорондын хүлээлт ажлын өдрүүдэд таван минут, амралтын өдрүүдэд найман минутын зайтай иргэдэд үйлчилж байгаа . Уг чиглэлийн нийт эргэлтийн урт 34.5 км байдаг.

ЖОЛООЧ НАРЫГ ҮЛЭЭЛГЭХГҮЙГЭЭР СОГТУУРЛЫН ХЭМЖЭЭГ ТОГТООХ ШИНЭ БАГАЖ АШИГЛАЖ ЭХЭЛЛЭЭ

01 / 21 0 сэтгэгдэл 605 үзсэнe

Согтуугаар тээврийн хэрэгсэл жолоодох зөрчлийг илрүүлэх , таслан зогсоох зорилгоор БЗД дэх Замын цагдаагийн хэлтэс БНСУ-д үйлдвэрлэсэн IBLOW-10C тандагч багажийг 25 ширхгийг захиалан авч, ашиглаж эхэлжээ. Цар тахлын энэ үед жолооч нар үлээх багажнаас халдвар авах өндөр эрсдэлтэй хэмээн үзэж хүний бие болон гарт хүрэлцэхгүйгээр ашиглах боломжтой уг төхөөрөмжийг хэрэглээнд нэвтрүүлжээ. Зөрчлийг илрүүлэхдээ халдвар хамгааллын дэглэмийг алдагдуулахгүйгээр согтуурлын хэмжээг тогтоох давуу талтай.