Цахим орчинд Т.Анар хүүгийн эмчилгээний зардлыг бүрдүүлэхээр сайн санаат хүмүүс чөлөө завгүй ажиллаж байна.Та бүхэн сайн санааны үүднээс тус хандивын аянд оролцож, бяцхан зүрхэнд амьдрах итгэл бэлэглээрэй.
АИ-95 шатахуун 200 төгрөгөөр, дизель түлшний үнэ 250 төгрөгөөр тус тус нэмэгдлээ.АИ-92 шатахууны үнийг тогтвортой барина гэж салбарын яам мэдэгдээд байна. Уул уурхай, хүнд үйлдвэрийн яамны албаны эх сурвалж "АИ-95 болон дизель түлшний үнэ 200-250 төгрөгөөр нэмэгдэж байгаа. АИ-92 шатахууны үнэ нэмэгдээгүй. Үнийг тогтвортой барина. Евро-2, Евро-5 гээд АИ-92 шатахууны хоёр төрөл байдаг. Эдгээрийн үнэ хэвийн байгаа" гэх тайлбарыг өглөө. Шатахууны үнэ ийн нэмэгдсэнээр нэг литр АИ-95 шатахуун 3260 төгрөгөөр, дизель түлш 3440 төгрөгт хүрлээ.
Тодруулбал: ОХУ ерөнрийлөгч Путин мэдэгдэлдээ “Барууны орнууд манай улсын санхүү-эдийн засгийн байдлыг хурдан хямрааж, зах зээлд үймээн самуун дэгдээж, банкны систем сүйрч, бараа бүтээгдэхүүний хомсдолд орно гэж хүлээж байна. Орос улс урьд өмнө хэзээ ч байгаагүй дарамтыг даван туулсан" гэв. Гэхдээ барууныхны хориг арга хэмжээ бидэнд бус тэдэнд илүү сөргөөр нөлөөлсөн бөгөөд. Орос рублийн ханш чангарч, энэ оны эхний улиралд тус улс 58 тэрбум ам.долларын худалдааны ашигтай гарч түүхэн дээд амжилт тогтоосон нь үүнийг батлаж байна гэв. ОХУ-аас АНУ болон түүний Европын холбоотнуудын эсрэг хориг арга хэмжээ авсан нь эдгээр улсуудын инфляцийг хурдасгаж, амьжиргааны түвшин буурахад хүргэсэн. Путин ОХУ-д хэрэглээний үнэ огцом өсч 4-р сарын байдлаар 17.5 хувиар өссөнийг онцлоод инфляцийн орлогод үзүүлэх нөлөөллийг бууруулахын тулд цалин болон бусад төлбөрийг индексжүүлэхийг засгийн газарт чиглэл болгожээ.
ХЗДХ-ийн сайд Х.Нямбаатар өнөөдөр Гашуун сухайт хилийн боомтод ажиллаа. Хайрхан багийн төвд орон нутгийн төсвөөр завсарлаж байгаа молекул биологийн лабораторийн ажлын явцтай танилцаж, засварыг яаралтай дуусгаж үйл ажиллагаагаа эхлүүлэхийг холбогдох албаны хүмүүст үүрэг болгов. Мөн Хятад улсын талын нүүрс импортлогч компаниудтай цахим хурал хийлээ.
ХЗДХ-ийн сайд Х.Нямбаатараар ахлуулсан ажлын хэсэг Өмнөговь аймгийн хилийн боомтуудын нөхцөл байдалтай танилцаж, үйл ажиллагааг эхлүүлэх, экспортыг нэмэгдүүлэх ажлын хүрээнд Шивээ хүрэн, Цагаан дэл, Гашуунсухайтад ажиллаж байна. Энэ үеэр Өмнөговь аймгийн удирдлагуудын хүсэлтээр “Цагаан дэл-Өлзий” боомтыг шинээр нээхийг эсэргүүцэн, нутаг бэлчээрийн асуудлыг хөндөж байгаа малчид иргэдийн төлөөлөлтэй 2022 оны 4-р сарын 15-нд Хүрмэн сумын “Жанжин багийн төвд уулзалт хийлээ. Монгол Улсын Засгийн газар Шинэ сэргэлтийн бодлогын хүрээнд гадаад худалдаа экспортын гарцыг нэмэгдүүлэх, боомтын сэргэлтийг эрчимжүүлэхэд тодорхой зорилт тавьж ажиллаж байгаа талаар мэдээлэл өглөө. Малчид иргэдийн хувьд Борзонгийн говь, говийн байгалийн олон төрөл зүйл, эко системд нөлөөлөх үр дагавар мөн тухайн нутгийн малчдын бэлчээр усны асуудал хөндөгдөх, боомтыг даган шинээр уул уурхай бий болох зэрэг эрсдэлтэй нөхцөл үүсэхвий гэдэгт санал бодлоо илэрхийллээ. Уулзалтаас гарсан саналуудыг нэгтгэн Засгийн газрын хуралдаанд танилцуулна гэдгээ ХЗДХ-ийн сайд хэллээ.
Аймгийн Газрын харилцаа, барилга, хот, байгуулалтын газраас иргэдэд газар өмчлөх, ашиглахтай холбоотой төрийн үйлчилгээг нэг дороос хүргэх, цахимаар хэрхэн үйлчилгээ авч болох талаар мэдлэг мэдээлэл олгох зорилгоор нээлттэй хаалганы өдөрлөгийг зохион байгуулж ажиллаа. Нээлттэй хаалганы өдөрлөгт тус газрын мэргэжилтнүүд, Даланзадгад сумын 8 багийн дарга, сумдын газрын даамлууд, Улсын бүртгэлийн хэлтэс, тусгай зөвшөөрөлтэй кадастрын мэргэжлийн байгууллага зэрэг иргэний газар өмчлөлтэй холбоотой бүх үйлчилгээг нэг дор үзүүлж нийт 900 гаруй иргэний асуудлыг шийдвэрлэж ажилласан байна. “Цахим Өмнөговь” хөтөлбөрийн хүрээнд энэхүү өдөрлөгийг зохион байгуулж байгаа бөгөөд иргэд газар эзэмших, ашиглахтай холбоотой 12 төрлийн үйлчилгээг egazar.gov.mn цахим системээр нэвтэрч үйлчилгээ авах боломжтой байна. Нээлттэй хаалганы өдөрлөгт ирж газар дээр нь газрын гэрчилгээгээ гаргуулсан иргэдийн гэрчилгээг аймгийн Засаг даргын орлогч Н.Энхбат гардуулан өглөө.
Дөрөвдүгээр сарын 14-ний өдөр Ховд аймгийн Дарви сумын цагдаагийн хэсгийн төлөөлөгч, цагдаагийн дэслэгч н.Мөнхбаатар 13 настай охиныг гавлаж биед нь халдаж, хэрэг тулгасан гэх хэрэг гарсан. Энэ асуудлаар мэдээлэл цацагдаж эхэлсэн даруйд Цагдаагийн ерөнхий газраас ажлын хэсэг гарч, Ховд аймаг руу явлаа.
Иргэн Ч.Мөнхбаярт авсан таслан сэргийлэх арга хэмжээг өөрчлөх хүсэлтийг өнөөдөр Баянзүрх дүүргийн Эрүүгийн хэргийн анхан шатны шүүх хэлэлцэхээр товложээ. Тодруулбал: Ч.Мөнхбаярт авсан таслан сэргийлэх арга хэмжээг өөрчлөх хүсэлтийг энэ сарын 12-ны өдөр түүний өмгөөлөгчдийн зүгээр гаргасан ч таслан сэргийлэх арга хэмжээг нь өөрчлөөгүй. Шүүхээс "ЭХХШТХ-ийн дагуу дөрөвдүгээр сарын нэгний өдөр анхан шатны шүүхийн үйл ажиллагаа дууссан, прокурорт шилжүүлсэн гэх үндэслэлээр шүүх шийдвэрлэхгүй" гэсэн байдаг. Гэсэн ч өмгөөлөгчид Ерөнхий шүүгчид давж заалдах гомдол гаргаснаар ийнхүү дахин хэлэлцэхээр болжээ.
Ерөнхий сайд Л. Оюун-Эрдэнэ цэцэрлэгийн хүртээмжийг нэмэгдүүлэх асуудлаар БШУЯ, ЭЗХЯ, Сангийн яам, Нийслэл, дүүргийн засаг дарга нар, Боловсролын ерөнхий газрын дарга удирдлагуудтай уулзсан. Улсын хэмжээнд цэцэрлэгийн хүртээмж хангалтгүйгээс өнөөдрийн байдлаар 69.729 хүүхэд сургуулийн өмнөх боловсролд хамрагдаж чадахгүй байгаа бөгөөд нийслэлд 57 байршилд цэцэрлэгийн ачаалал өндөр хэвээр. Төв талбайд болсон залуусын жагсаалын үеэр ээжүүд хүүхдийг азын сугалаагаар цэцэрлэгт хамруулдаг энэ байдлыг шүүмжилсэн. Дээрх уулзалтаар Улсын төсвөөс 100 тэрбум төгрөг, нийслэлийн төсвөөс 100 тэрбум төгрөгийн нэмж тодотгон, нийт 200 тэрбум төгрөг босгож, ирэх есдүгээр сарын 1-н гэхэд цэцэрлэгийн хүүхдүүд сугалаагүй, оршин суугаа хаягийнхаа дагуу цэцэрлэгт хамрагддаг болгох үүргийг Ерөнхий сайд өгчээ. Нийслэлийн Засаг дарга Д.Сумъяабазар энэ үүрэг чиглэлийг биелүүлэхийн төлөө ажиллахаа мэдэгдсэн бөгөөд Улаанбаатар хотын тулгамдсан асуудлуудын нэгийг шийдвэрлэхэд дэмжлэг үзүүлж буй Ерөнхий сайд, Засгийн газарт талархаж буйгаа цахим хуудсаараа дамжуулан илэрхийлжээ.
Олон нийтийн цагдаагийн сул орон тоог нөхөн хангах чиглэлээр Нийслэлийн цагдаагийн удирдах газрын Хүний нөөц, сургалтын хэлтсээс Нийслэл хотод ажиллуулах олон нийтийн цагдаагийн сонгон шалгаруулалтыг энэ оны 04 дүгээр сарын 18-29-ний өдрийг хүртэл бүртгэж байна. Сургалт Цагдаа дотоодын цэргийн сургалтын нэгдсэн төвд тавдугаар сарын 02-ны өдрөөс зохион байгуулахаар төлөвлөсөн тул болзол шалгуурыг хангасан иргэд өөрийн харьяа оршин суугаа газрын цагдаагийн газар, хэлтэст холбогдох материалыг бүрдүүлж өгнө үү. Олон нийтийн цагдаагаар судлагдах иргэдэд тавигдах шаардлага: Улаанбаатар хотын харьяа байх Бүрэн дунд болон түүнээс дээш боловсролтой 20 нас хүрсэн /эрэгтэй, эмэгтэй/ 168 см-ээс дээш өндөртэй Биеийн зөв хөгжилтэй Цэргийн алба хаасан бол давуу тал болно. Урьд өмнө ял шийтгэл эдэлж байгаагүй. / гэмт хэрэг, зөрчилд холбогдож байгаагүй/ Биеийн ил харагдах хэсэгт шивээс, нүүрэнд илэрхий сорви, мэс заслын оёдолгүй байх Бүрдүүлэх материал: 1. Олон нийтийн цагдаагаар ажиллахыг хүссэн өргөдөл 2. Ял шийтгэлийн лавлагаа 3. Төрийн албан хаагчийн анкет 4. Гурван үеийн түүх /өөрийн төрсөн эцэг эх, эхийн эцэг, эхнэр /нөхөр/ -ийн гэсэн 8-н хүний намтрыг өөрийн гараар дэлгэрэнгүй бичих 5. Иргэний цахим үнэмлэхний хуулбарыг нотариатаар баталгаажуулсан байх, цахим үнэмлэхгүй бол лавлагаа авсан байх 6. Боловсрол, мэргэжлийн диплом, гэрчилгээний хуулбарыг нотариатаар баталгаажуулсан байх 7. Хорооны засаг даргын тодорхойлолт 8. Ажиллаж, суралцаж байсан бол тухайн сургууль, ажлын газрын тодорхойлолт 9. Хөдөлмөр, нийгмийн даатгалын дэвтэр 10. Зураг 4*6 хэмжээтэй 3 ширхэг, 2*3 хэмжээтэй зураг 3 ширхэг байна. Холбоо барих утас: 8807-8737
