ТӨРИЙН ДЭЭД ОДОН МЕДАЛЬ ГАРДУУЛЛАА

03 / 18 0 сэтгэгдэл 667 үзсэнe

“Монгол цэргийн өдөр” буюу Монгол Улсад орчин цагийн Зэвсэгт хүчин үүсэн байгуулагдсаны түүхт 101 жилийн ойн баярын өдрийг тохиолдуулан Монгол Улсын Ерөнхийлөгчийн зарлигаар өнөөдөр төрийн дээд одон медалиар нэр бүхий хүмүүс шагнагдлаа. -Барилга, барилгын материалын үйлдвэрлэлийн салбарт тасралтгүй 30 жил ажиллаж одоог хүртэл Баянгол дүүргийн 20 дугаар хорооны нутаг дэвсгэрт үйл ажиллагаа явуулдаг Оптима контерит ХХК бетон зуурмаг үйлдвэрийн дарга Э.Чаминчулуун Алтангадас одонгоор -Автотээврийн 22 дугаар баазад тасралтгүй 37 жил ажилласан Баянгол дүүргийн 11 дүгээр хорооны өндөр настан Т.Санжаадорж Алтангадас одонгоор тус тус шагнагдсаныг Баянгол дүүргийн иргэдийн Төлөөлөгчдийн Хурлын дарга Б.Сэмжидмаа гардуулав. Эрхэлсэн ажил, салбартаа олон жил үр бүтээлтэй ажиллаж онцгой амжилт гарган, эх орныхоо хөгжил дэвшилд үнэтэй хувь нэмэр оруулж буй та бүхэнд халуун баяр хүргэе.

Ш.ДАВААДОРЖ ДЭЛХИЙН ЦОМЫН АВАРГА ШАЛГАРУУЛАХ ТЭМЦЭЭНЭЭС НИЙТ 3 МӨНГӨ, 8 ХҮРЭЛ МЕДАЛЬ ХҮРТСЭН

03 / 18 0 сэтгэгдэл 404 үзсэнe

Баянгол дүүргийн Усан спорт сургалтын төвийн багш дасгалжуулагч Ш.Даваадорж энэ оны 2 дугаар сард Польш, Швед болон ОХУ-д зохион байгуулагдсан мөстэй болон Өвлийн усанд сэлэлтийн дэлхийн аварга болон дэлхийн цомын аварга шалгаруулах 3 тэмцээнээс нийт 3 мөнгө, 8 хүрэл медаль хүртсэн байдаг. Энэхүү бахархам амжилтыг үнэлж өнөөдөр Баянгол дүүргийн иргэдийн Төлөөлөгчдийн Хурлын дарга Б.Сэмжидмаа түүнд хүндэтгэл үзүүлэн Өргөмжлөл, мөнгөн шагнал, дүүргийн туг хүндэтгэлтэйгээр гардуулж цаашид олон тэмцээн уралдаанд амжилттай оролцон дүүргийнхээ нэрийг өндөр өргөн амжилтаа улам ахиулахыг хүслээ. Ташрамд дурдахад Усан сэлэлтийн дэлхийн аварга нь 50, 100, 250, 500, 1000 метрийн чөлөөт сэлэлт, 50, 100 метрийн мэлхий, 50 метрийн араар даллах, 50 метрийн эрвээхий, 100 метрийн ганцаарчилсан, холимог сэлэлтийн төрлүүд, түүнчлэн холимог 4×50 ба 4×250 метрийн чөлөөт буухиа гэсэн төрлүүдээр шилдгүүдээ тодруулжээ. Усны температур 5 хэм байсан бөгөөд Глоков хотын цаг агаар 7-10 хэмийн хооронд байсан аж. Ш.Даваадорж нь усан спортын салбарт 40 жил тасралтгүй ажиллаж байна.

ХЭНТИЙ АЙМГИЙН “ДЭЛ-ҮЗҮҮР” ГЭДЭГ ГАЗРААС ӨНДӨР НАСТАЙ ИРГЭН ГЭРЭЭСЭЭ ГАРААД СУРАГГҮЙ БОЛЖЭЭ

03 / 18 0 сэтгэгдэл 446 үзсэнe

Тодруулбал, Хэнтий аймгийн Өмнөдэлгэр сумын тус сумын Гурванбаян багийн “Дэл-Үзүүр” гэдэг газар /аймгийн төвөөс зүүн хойд зүгт 120 км, сумын төвөөс зүүн урд зүгт 70 км-т/ Тус сумын харьяат иргэн Л гуравдугаар сарын 16-ны өдрийн 16:00 цагт гэрээсээ гараад сураггүй болсон тухай дуудлагыг гуравдугаар сарын 17-ны өдрийн 18:18 цагт онцгой байдлын байгууллагын албан хаагчид хүлээн авчээ. Тус аймгийн Онцгой байдлын газрын алба хаагчид иргэн Л /84 настай, эмэгтэй, сэтгэцийн эмгэгтэй/-ыг эрэн хайх ажиллагааг зохион байгуулахаар Өмнөдэлгэр сумын чиглэлд 19:40 цагт явсан бөгөөд 22:20 цагт цагт очиж хоносон байна. Ингээд гуравдугаар сарын 18-ны өдрийн 07:00 цагаас эхлэн эрэн хайх ажиллагааг зохион байгуулж байна хэмээн Онцгой байдлын ерөнхий газраас мэдээллээ.

АРХАНГАЙ АЙМАГТ УУЛ УУРХАЙН ЧИГЛЭЛЭЭР ҮЙЛ АЖИЛЛАГАА ЯВУУЛАХ ТУСГАЙ ЗӨВШӨӨРӨЛ ЦУЦЛАГДСАН Ч ЗУРГААН ТУСГАЙ ЗӨВШӨӨРЛИЙГ НЬ СЭРГЭЭЖ ҮЙЛ АЖИЛЛАГААГАА ЭХЛҮҮЛЭЭД БАЙНА

03 / 17 0 сэтгэгдэл 1 064 үзсэнe

Чуулганы нэгдсэн хуралдаанаар Байгаль орчныг хамгаалах тухай хуульд нэмэлт оруулах тухай хуулийн төслийг хэлэлцлээ. Тодруулбал: Ашигт малтмалын тухай хуулийн 56.1-д уул уурхайн тусгай зөвшөөрлийг цуцлах тухай заасан байдаг бөгөөд. Энэ заалтад тусгай зөвшөөрөл цуцлах 11 үндэслэл байдгийн нэг нь байгаль орчинтой холбоотой. 2019 оноос хойш шалгалт явуулаад 32 аж ахуйн нэгжийн 43 тусгай зөвшөөрлийг цуцлуулсан байна. Үүний дотор анхаарал татаж байгаа нэг асуудал нь Архангай аймгийн Цэнхэр суманд найман аж ахуйн нэгжийн 11 тусгай зөвшөөрлийг цуцлуулсан байдаг. Гэвч шүүхээс зургаан тусгай зөвшөөрлийг нь сэргээсэн байна. Тусгай зөвшөөрлийг нь сэргээсэн аж ахуйн нэгжүүд түрүүчээсээ үйл ажиллагаа явуулж эхлээд байгаа юм. Цуцлуулсан тусгай зөвшөөрлийг сэргээж байгаа уул уурхай нь байгаль орчин сөрөг нөлөө үзүүлэх байдлыг нэмэгдүүлж байна гэв. Тиймээс БОАЖ-ын сайдын тушаалаар ажлын хэсэг гарч нөхцөл байдалтай танилцаж. Улсын хэмжээнд хийсэн тооллогоор 30 орчим мянган га талбай уул уурхайн үйл ажиллагааны улмаас эвдэрсэн. Үүний 30 орчим хувь нь бичил уурхай, нинжагаас үүдэлтэй гэдэг дүгнэлт гараад байна. Үүнээс үүдэн 2019 онд Засгийн газрын тогтоол гарч бичил уурхайнуудын үйл ажиллагааг түр хугацаанд зогсоогоод байгаа. Цаашид бичил уурхайн асуудлыг Ашигт малтмалын тухай хуульд тусгахаар ажиллаж байгаа юм байна .

СҮХБААТАРЫН ТАЛБАЙ ДЭЭР МАРГААШ 2000 ШИЛ АРХИ АСГАНА

03 / 17 0 сэтгэгдэл 789 үзсэнe

Монголын Залуучуудын холбоо Ерөнхийлөгч У.Хүрэлсүхийн архины эсрэг санаачлагад нэгдэж “Архидалтгүй баяр” аяныг өрнүүлэн аливаа баяр ёслолыг архигүй тэмдэглэхийг уриалахдаа архи асгасан нь олны анхааралыг нэлээдгүй татаад буй. Залуучуудын холбооноос маргааш буюу гуравдугаар сарын 18-нд төв талбай дээр 2000 шил архи асгана гэдгээ мэдэгдээд байна.

ЗГ-ЫН ХУРАЛДААНААР УЛСЫН ХЭМЖЭЭНД ГЭР БҮЛИЙН ХЭРЭГЦЭЭНД 3937.3 ГА ГАЗАР ҮНЭГҮЙ ӨМЧЛҮҮЛЭХ ШИЙДВЭР ГАРЛАА

03 / 17 0 сэтгэгдэл 550 үзсэнe

Засгийн газрын хуралдаанаар “Монгол Улсын Иргэнд 2022 онд өмчлүүлэх газрын нийт хэмжээ, байршил, зориулалт”-ыг баталлаа. Тодруулбал: Улсын хэмжээнд 2022 онд нийт 32,392 иргэнд 3967.8 га газрыг өмчлүүлэхээр болсон бөгөөд үүнээс 32,358 иргэнд 3937.3 га газрыг гэр бүлийн хэрэгцээний зориулалтаар үнэгүй олгох бол, 34 иргэнд 30.50 га газрыг аж ахуйн зориулалтаар үнээр нь тус тус өмчлүүлэхээр шийдвэрлэсэн байна. Мөн үүнээс нийслэлийн хэмжээнд нийт 5,538 иргэнд эзэмшиж буй 315.17 га газрыг өмчлүүлэхээр баталсан байна.

Л.ЭНХ-АМГАЛАН: ХҮҮХЭД ЗААВАЛ ОНЦ СУРАХ, ГОЁ БИЧИХ АЛБАГҮЙ, БАГШ ГАР ХҮРЧ БҮР БОЛОХГҮЙ

03 / 16 0 сэтгэгдэл 529 үзсэнe

Нийслэлийн 97-р сургуулийн хоёрдугаар ангийн ... бүлгийн багш сурагчаа зодож бэртээсэн гэх зураг цахим сүлжээнд цацагдсан нь олон нийтийн дургүйцлийг дагуулаад буй. Тус асуудалд БШУ-ны сайд Л.Энх-Амгалан тайлбар өгчээ. Тэрбээр "Хүүхэд бүртэй харьцаж, хүүхэд бүрт хүрч ажилладаг багш нар маань зарим үед бухимдах, стрессдэх тохиолдол гардгийг үгүйсгэхгүй. Хүүхэд бүрийн сурах арга барил, ой тогтоолт, чадвар өөр өөр. Багшийн ажлын ачааллыг маш сайн ойлгодог. Гэхдээ хүүхэд багшийн заасныг тэр дор нь ойлгож, хүүхэд багшийн зандраанд айдастай хичээллэх ёсгүй шүү. Боловсролын салбарт хүүхдийн хүчирхийлэл, дарамт, зодуур, дээрэлхэлт, гадуурхалтын эмгэнэлт жишээ баримт удаа дараа ил болж, ахлах ангийн сурагч амь насаа харамсалтайгаар алдсан хэрэг хүртэл гарсан. Яагаад багш нар маань дохио санамж авдаггүй юм бэ. Яагаад хүүхэдтэй ажиллахдаа асуудлыг хүчээр, дарамтаар шийдэх замыг сонгоод байна вэ. Нийгмийн сүлжээнд Нийслэлийн БЗД-ийн 97-р сургуулийн багш Бадамцэцэг нь сурагчийг зодож буй үйлдэл нь камерын бичлэгээр тогтоогдсон талаарх мэдээ цацагдсан байх юм. Тус сургуулийн ёс зүйн зөвлөл хуралдаж уг багшийг ёс зүйн хувьд алдаа гаргасан гэж дүгнэжээ. Нийгмийн сүлжээ дэх хүүхдийн хүчирхийллийн эсрэг давалгаа, боловсролын салбарын ёс зүйн жил болгож зарласан бодлого, мэрэгжлийн сэтгэлзүйчдийг бэлтгэсэн ажлын үр дүнгээ үзмээр байдаг. Манлайлах ёстой багш нь эсрэг яваад байж болохгүй. Хариуцлага тооцно гэдэг лоозон үгээр асуудлыг ул үндсээр нь шийдэхгүй. Нүднээс далд, хүүхэд айгаад, нуугаад хэлдэггүй тохиолдол, бас камергүй орчинд хэдэн удаа хүчирхийлэл үйлдэгдэж байгааг хэн ч мэдэхгүй. Боловсролын ерөнхий хуулийн төсөлд боловсролыг улстөрөөс ангид байлгах зүйл заалтыг тусгаж өгсөн. Үүгээр дамжуулж хариуцлага тооцдог эрх нь салбартаа ирдэг болно гэж найдаж. Гэхдээ хууль хүлээгээд суух биш хуулийн хүрээнд авах ёстой арга хэмжээг нь авах ёстой. Авах ч болно. Хүүхэд заавал онц сурах албагүй, гоё бичих ч албагүй. Тэглээ гээд багш гар хүрч бүр болохгүй ээ. Хүүхэд хичээлдээ айдас дарамтгүй суудаг, хичээлдээ дуртай явдаг, багшдаа итгэдэг тэр орчныг хамгийн түрүүнд багш л бүрдүүлнэ гэдгийг маш сайн ойлгоосой" гэжээ.

“ИНЖЕНЕР, ТЕХНОЛОГИЙН ДЭЭД БОЛОВСРОЛ” ТӨСӨЛИЙН ХҮРЭЭНД ЯПОН УЛСАД СУРАЛЦАХ ОЮУТНУУДАД “БАТЛАМЖ ГАРДУУЛАХ ЁСЛОЛ”-ЫН ҮЙЛ АЖИЛЛАГАА ЗОХИОН БАЙГУУЛАГДАХААР БОЛЛОО

03 / 16 0 сэтгэгдэл 840 үзсэнe

Боловсрол, шинжлэх ухааны яамны харьяа “Инженер, технологийн дээд боловсрол” төсөл нь Монгол Улсад өндөр мэдлэг, ур чадвар бүхий инженер, технологийн мэргэжилтэн бэлтгэх, өрсөлдөх чадварыг нэмэгдүүлэх, боловсон хүчний нөөцийг бэхжүүлэх, сургалтын орчин, чанарыг шинэчлэн сайжруулах зорилгоор сургалт, судалгааны үйл ажиллагааг 2014 оноос эхлэн хэрэгжүүлж өдгөө 8 дахь жилдээ амжилттай хэрэгжүүлж байна. 2022 оны 03 дугаар сарын 17-ны өдөр төслийн Бакалаврын хамтарсан хөтөлбөр болон магистрын хөтөлбөрт хамрагдаж Япон Улсад суралцах болзол хангасан 45 оюутанд Боловсрол, шинжлэх ухааны сайд Л.Энх-Амгалан батламж гардуулна. Япон Улсад суралцах батламжаа гардан авч буй төслийн Бакалаврын хамтарсан хөтөлбөрийн 44, магистрын хөтөлбөрийн 1, нийт 45 оюутан Япон Улсад тэргүүлэх инженер технологийн чиглэлээр 2-3 жил суралцаж төгсөөд эх орондоо эргэн ирж мэргэжлээрээ 5 жил ажиллах болзолтойгоор Япон Улсыг зорьж байгаа юм. Батламж гардуулах ёслолд Боловсрол, шинжлэх ухааны сайд Л.Энх-Амгалан, Япон Улсаас Монгол Улсад суугаа Онц бөгөөд Бүрэн Эрхт элчин сайд Kобаяши Хироюки, Япон Улсын Элчин Сайдын яамны 3-р нарийн бичгийн дарга Катанода Томоки, ЖАЙКА-ын Монгол дахь төлөөлөгчийн газрын дарга Тамүра Эрико, Монгол Улсын их сургууль болон Шинжлэх Ухаан Технологийн их сургуулийн захирал, удирдлагууд болон эцэг эхийн төлөөлөл оролцож оюутнууддаа баяр хүргэн цаашдынх нь сурлага, хөдөлмөрт нь амжилт хүсэж, баяр хүргэн оролцоно. Хэзээ: 2022 оны 03 дугаар сарын 17-ны өдөр Хаана: ШУТИС-ийн хичээлийн 1-р байр, 3 давхар, Урлаг заал Хугацаа: 16:00-17:30

ХААН БАНКАНД ГАЛ ТАВЬСАН ЭТГЭЭДИЙГ ЭРЭН СУРВАЛЖИЛЖ БАЙНА

03 / 16 0 сэтгэгдэл 722 үзсэнe

Баян-Өлгий аймагт өчигдөр оройны 22цагт хаан банкны нэгэн салбарт гал тавьсан хэрэг гарчээ. Уг хэрэг Баян-Өлгий аймгийн Өлгий сумын 13 дугаар багт байрлах ХААН банкны "Таван богд" салбарын үүдэнд байрлах АТМ-г үл таних этгээд галдан шатаахыг завджээ. Тухайн этгээд нүүрээ нуусан макс, малгайтай ахуйн хэрэглээний жижиг газ ашиглан хэргийг үйлджээ. Одоогоор цагдаагийн байгууллагаас шалгалтын ажиллагаа явуулж улсын хэмжээнд уг этгээдийг эрэн хайх ажиллагааг эхлүүлээд байгаа аж.

ХУУЛЬ БУСААР ЗЭЭЛ АВСАН,ТӨЛӨХӨӨС ЗАЙЛСХИЙЖ БАЙГАА ХҮМҮҮСИЙГ БАЯЛАГ БҮТЭЭГЧИДТЭЙ ХАРЬЦУУЛАХ ЁСГҮЙ

03 / 16 0 сэтгэгдэл 498 үзсэнe

Хөгжлийн банкны найдваргүй зээлдэгчидтэй холбоотой асуудлаар УИХ-ын дарга Г.Занданшатар чуулганы нээлтийн үеэр байр сууриа илэрхийлээ. Тэрбээр “Хөгжлийн банкны зээл Монгол Улсын эдийн засагт, хөгжилд өгөөжөө өгсөн байх учиртай бүрэн бүтэн эргэж төвлөрөх ёстой. Үүний төлөө УИХ ажиллах болно. Нэг зүйлийг тэмдэглэж хэлэхэд зээлээ зориулалтын дагуу ашиглаж, зээл, хүүгийн төлбөрөө зохих журмын дагуу төлж байгаа, цар тахлын нөлөө, макро эдийн засгийн алдаатай зарим шийдвэрийн улмаас буюу хүндэтгэн үзэх шалтгаанаар төлбөр нь саатсан ч төлбөрийн баталгаа гарган ажиллаж байгаа баялаг бүтээгчид, үндэсний үйлдвэрлэгчдийг буруу аргаар зээл авсан, түүнийгээ зориулалтын бусаар ашигласан, зээлээ төлөхөөс бултаж, зугтаж яваа хүмүүсээс ялгаж салгаж хандах ёстой гэдгийг тэмдэглэж хэлье” гэв.