ХӨГЖЛИЙН БЭРХШЭЭЛТЭЙ ИРГЭДЭД НАРИЙН БИЧИГ, АЛБАН ХЭРГИЙН АЖИЛТНЫ ҮНЭ ТӨЛБӨРГҮЙ СУРГАЛТ ЯВАГДАЖ БАЙНА

08 / 04 0 сэтгэгдэл 446 үзсэнe

Монголын Хөгжлийн бэрхшээлтэй иргэдийн хөдөлмөр сургалтын үндэсний төвөөс нарийн бичгийн дарга, албан хэргийн ажилтан бэлтгэх сургалтыг үнэ төлбөргүй зарлажээ. Хөгжлийн бэрхшээлтэй иргэд тус сургалтад хамрагдсанаар: Сэтгэл зүйн зөвлөгөө авах Мэргэжлийн үнэмлэхтэй болох Ажлын байранд зуучлуулах бүрэн боломжтой болох юм. Сургалтын бүртгэл наймдугаар сарын 1-18-нийг хүртэл үргэлжилнэ. Утас: 94230846, 99700631, 86076080 Имэйл: mhbihsut@gmail.com Хаяг: Бөхийн өргөөний баруун талд Эрхэт оффис, 8 давхар, 802 тоот

"NEW YORK ASIAN FILM FESTIVAL"-ААС МОНГОЛ КИНО АНХ УДАА ТЭРГҮҮН ШАГНАЛЫГ ХҮРТЛЭЭ

08 / 04 0 сэтгэгдэл 678 үзсэнe

“New York Asian Film Festival”-ийг Нью-Йоркийн Азийн кино сангаас жил бүр зохион байгуулдаг. Ази, Америкийн кино урлагийн гүүр болох зорилготой энэхүү наадам энэ онд 20 дахь удаагаа зохион байгуулагдлаа. Тус наадамд Найруулагч Ж.Сэнгэдоржийн бүтээсэн “Худалдагч охин” кино “New York Asian Film Festival 2022"-с Шилдэг кино" шагналыг хүртлээ. Ийнхүү манай анх удаа “New York Asian Film Festival 2022”-аас Тэргүүн шагналыг хүртэж байгаа юм.

НАЙМДУГААР САРЫН ХАЛАМЖ, ТЭТГЭВЭР ОЛГОЛТЫН ХУВААРЬ

08 / 04 0 сэтгэгдэл 1 100 үзсэнe

2022 оны наймдугаар сарын Нийгмийн халамжийн тэтгэвэр, тэтгэмж, хөнгөлөлт, тусламжийн олголтын хуваарийг танилцуулж байна.

Чежүд сураггүй алга болсон 2 монгол иргэнийг баривчилжээ

08 / 04 0 сэтгэгдэл 398 үзсэнe

Өмнөд Солонгосын Чежү хотод хууль бусаар ажил эрхэлж байсан бичиг баримтгүй дөрвөн монгол иргэнийг баривчилжээ. Тэдний хоёр нь өнгөрсөн сарын 22-ны өдөр эмчилгээ, эрүүл мэндийн аялал жуулчлалаар очсон монгол иргэд болох нь тогтоогдсон байна. Тухайн үед 126 монгол иргэн очоод 25 хүн нь холбоо тасарсан тухай бид өмнө нь мэдээлсэн. 25 хүний гурав нь визний хугацаандаа багтаж нутаг буцсан бол 22 иргэн нь бичиг баримтгүй гадаадын иргэн болсон. Үлдсэн хоёр иргэн нь ах дүүс бөгөөд 2017, 2018 онд тус улсад визгүй нэвтэрч, Чежүд ажиллаж амьдарч байжээ. Тэгвэл энэ жил очсон хоёр иргэн, өмнөх хоёр иргэнтэй хоорондоо холбоотой, хамаатан садан улс болохыг тогтоосон байна. Чежүгийн цагаачлалын алба 26-ны өдөр дөрвөн монгол иргэнийг баривчилжээ. Тэд тус мужид цэвэрлэгээний үйлчилгээ эрхэлдэг нэгэн компанид ажиллаж байсан гэв. Цагаачлалын алба баривчлагдсан монголчууд болон тэдний ажил олгогчдыг шалгаж дууссаны дараа албадан нутаг буцаах арга хэмжээ авахаар төлөвлөөд байна. Эх сурвалж: JEJU SORI

“БИ ХҮҮХДЭЭ ӨРГҮҮЛНЭ ГЭЖ ЗАР ТАВИАГҮЙ”

08 / 04 0 сэтгэгдэл 1 512 үзсэнe

Төрөөд сар болж байгаа хүү өргүүлнэ. Авах хүн байвал аваарай. Тэжээж өсгөхөд бэрх байна гэсэн зарыг "Улаанбаатар хотын хамгийн том зарын нэгдсэн групп" цахим хуудаст байршуулжээ. Энэхүү зарыг оруулахаас 13 цагийн өмнө 2-3 өмссөн хүүхдийн хувцас зарна гэж тус хаягнаас мөн зар тавьсан байна. Цагдаагийн ерөнхий газраас мэдээлэл оруулсан иргэнийг шалгаж байгаа эсэхийг тодруулахад "Мэдээллийг үнэн эсэхийг шалгаж байна. Цахим сүлжээнд тавьсан зарын дагуу тухайн зар тавьсан хүнтэй холбогдож тодруулсан. Одоогоор ямар нэгэн мэдээлэл өгөх боломжгүй” гэлээ. Мөн тус дүүрэг, хорооны нийгмийн ажилтан, Гэр бүл хүүхэд залуучуудын газрынхан нөхцөл байдалтай очиж танилцахаар болсон тухай цахим хуудаст байршуулсан зарын сэтгэгдэлд бичжээ. Хүүгээ өргүүлнэ гэх зар тавьсан 993025-тай дугаар холбогдоход "Өглөө гар утсаа хулгайд алдсан. Миний утас кодгүй. Утсан дээр хүүхдийн маань зураг байсан. Манайх хоёр хүүхэдтэй. Бага маань сар ч хүрээгүй. Дөнгөж сая сим картаа сэргээлгэтэл маш олон хүн, цагдаа ч бас залгаж байна. Миний фэйсбүүкээр өөр хүн орж, хүүхдийн минь зургийг ашиглан зар тавьсан бололтой. Цагдаад гомдол гаргана” гэх хариултыг өглөө. Тус зарын дор олон хүн сэтгэгдэл бичсэн төдийгүй, цагдаад хандсан талаар илэрхийлжээ. Гэвч тус эмэгтэй цахим хаягныхаа кодыг санахгүй байгаа учир зарыг устгаж чадахгүй байгаа аж.

Олон улсын морин цэргийн уралдаанд оролцохоор ОХУ, Узбекистаны багууд ирлээ

08 / 04 0 сэтгэгдэл 547 үзсэнe

“Аравт” олон улсын морин цэргийн уралдаан Монгол Улсад энэ сарын 13-19-ны өдрүүдэд болно. Энэхүү олон улсын уралдаанд оролцохоор ОХУ, Узбекистан Улсын багууд өчигдөр хүрэлцэн ирлээ. Хоёр улсын баг тамирчдыг "Аравт" олон улсын морин цэргийн уралдаан зохион байгуулах хорооны дарга, ерөнхий шүүгч, ЗХЖШ-ын Сургалт бэлтгэлийн газрын Биеийн тамир, спортын тасгийн дарга, Монгол Улсын гавьяат дасгалжуулагч, хурандаа Д.Цог-Эрдэнэ "Буянт ухаа" олон улсын нисэх буудлаас угтав. Тэрээр хоёр орны цэргийн алба хаагчдад "Та бүхэн манай сайхан оронд тавтай морил. Анх удаагаа Монгол Улсад зохион байгуулагдах гэж байгаа олон улсын уралдаанд оролцохоор хүрэлцэн ирсэнд ЗХЖШ-ын даргын нэрийн өмнөөс талархал илэрхийлье" гээд уралдаандаа амжилт үзүүлэхийг хүслээ. Үүний дараа хоёр орны баг тамирчдыг Зэвсэгт хүчний Сургалтын нэгдсэн төвд "Аравт" олон улсын морин цэргийн уралдаан зохион байгуулах хорооны штабын дарга, Зэвсэгт хүчний 015 дугаар ангийн захирагч хурандаа Ш.Гантулга тэргүүтэй удирдлагууд хүлээн авав. Энэ жилийн "Аравт" олон улсын морин цэргийн уралдаанд Монгол Улс, ОХУ, Узбекистан, Зимбабве зэрэг орнуудын морьтон дайчид оролцоно. Уралдаанд оролцож буй тамирчид тэмцээн эхлэхээс өмнө морьтой дадлага сургалт хийж, соёл урлаг, спортоор "өрсөлдөж", Монгол Улсын зан заншил, түүх уламжлал, адууны өв соёлтой танилцах юм. Дөрөв дэх улс болох Зимбабве улсын баг тамирчид энэ сарын 6-ны өдөр хүрэлцэн ирнэ. Эх сурвалж: "Соёмбо" сонин

Хөвсгөл аймагт осолд орсон хоёр иргэнийг нисдэг тэргээр тээвэрлэн нийслэлд авчрав

08 / 04 0 сэтгэгдэл 659 үзсэнe

Хөвсгөл аймгийн Тосонцэнгэл сумын 5 дугаар багийн нутаг Нуурын босго хэмээх газарт наймдугаар сарын 2-ны өдөр зам тээврийн осол болж, хоёр иргэн хүнд гэмтжээ. Гэмтсэн иргэдийн Улаанбаатар хот руу автомашинаар тээвэрлэх боломжгүй тул нисдэг тэргээр тээвэрлэн эмнэлгийн байгууллагад хүргэх хүсэлтийг наймдугаар сарын 3-ны 13:45 цагт ОБЕГ хүлээн авсан байна. Онцгой байдлын ерөнхий газрын дарга, Хошууч генерал Г.Ариунбуянгийн шийдвэрээр Агаараас эрэн хайх, аврах 111 дүгээр ангийн “ЕС-145” загварын МТ-1111 нисдэг тэрэг мөн өдрийн 13:58 цагт Улаанбаатар хотоос хөөрч, Хөвсгөл аймгийн Мөрөн суманд 16:12 цагт газарджээ. Осолд орсон 35 настай эрэгтэй Н, 33 настай эрэгтэй М нарыг авч 17:04 цагт хөөрч, Улаанбаатар хотод 19:15 цагт тээвэрлэн авчирч, эмнэлэгт хүлээлгэн өгсөн хэмээн ОБЕГ-аас мэдээлэв.

НИЙТИЙН ТЭЭВРИЙН ЖОЛООЧ НОЦТОЙ ОСОЛ ГАРГАЛАА

08 / 03 0 сэтгэгдэл 1 065 үзсэнe

Хан-Уул дүүргийн зургадугаар хорооны Эрэлийн автобусны буудал дээр зам тээврийн ноцтой осол гарлаа.Нийтийн тээврийн жолоочийн үрүүл ажиллагаагүй болж замаас гаран буудлын шилэн сүүдрэвчийг дайрч улмаар бага насны нэг хүүхэд хоёр эмэгтэй гэмтсэн , эрэгтэй хүүхэд нуруундаа хүнд гэмтэлтэй түргэн аваад явсан аж.

TOEFL-ИЙН ШАЛГАЛТАНД ОХУ-ЫН ИРГЭДИЙГ ОРУУЛАХЫГ ХОРИГЛОЛОО

08 / 03 0 сэтгэгдэл 683 үзсэнe

АНУ-ын Сангийн яамнаас өгсөн шаардлагын дагуу Орос болон Хойд Солонгосын иргэд англи хэлний шалгалтад бүртгүүлэх боломжгүй болж байгаа бөгөөд түүнчлэн шалгалтын хариуг их дээд сургууль руу явуулахыг хориглосон талаар ETS мэдэгджээ. Эх сурвалж: Moscawtimes

“ ТУСГААР ТОГТНОЛ ”ХӨДӨЛГӨӨНИЙГ ТЕГ-ААС БАРИВЧИЛЛАА

08 / 03 0 сэтгэгдэл 849 үзсэнe

Тагнуулын ерөнхий газраас өнгөрөгч орой /2022.08.02/ "Тусгаар тогтнол” хөдөлгөөнийг зэвсэгт халдлага үйлдэхээр зэхэж байж болзошгүй гэх үндэслэлээр саатуулжээ. Тус хөдөлгөөнийхөн өмгөөлөгч өмнө нь галт зэвсэг хадгалан хэргээр шалгагдаж буй Б.Баасанцогтын хэрэг шүүх рүү шилжсэнтэй холбоотойгоор зэвсэгт халдлага үйлдэхээр завдаж байсан нөхцөл байдал тогтоогдсон. Тиймээс Эрүүгийн хуулийн 19.8 дугаар зүйлд заасан үндэслэлээр шалгаж байна" хэмээв. 19.8 дугаар зүйл.Экстремист үйл ажиллагаа явуулах 1.Үндсэн хуульт тогтолцоо, төрийн байгууламжийг хууль бусаар, хүч хэрэглэн өөрчлөх, устгах зорилгоор улс төр, шашны үйл ажиллагаа явуулсан, энэхүү үйл ажиллагаа явуулахаар тодорхой бүлэг байгуулсан, бусдыг элсүүлсэн бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.