"Дарханы замын асуудлаар албан тушаалтнуудыг саатуулсан нь үнэн"

08 / 24 0 сэтгэгдэл 367 үзсэнe

Авлигатай тэмцэх газар Дарханы замын асуудлаар хяналт шалгалтыг хийж буй. Тухайлбал, Дарханы замын тендер сонгон шалгаруулалттай холбогдуулж хэрэг бүртгэлтийн хэрэг нээсэн. Улмаар холбогдох албан тушаалтнуудыг шалгах ажиллагааг өнгөрсөн долоо хоногоос явуулж эхэлсэн. Энэ дагуу наймдугаар сарын 15-нд Зам тээврийн хөгжлийн яамны таван албан тушаалтны албан өрөө болон орон байр гээд нийтдээ 30 гаруй объектод нэгжлэг хийгээд байгаа. АТГ-аас прокурорын зөвшөөрөл авах шаардлагатай тул шалгагдаж байгаа албан тушаалтны нэрийг зарлах боломжгүй гэсэн юм. Тэгвэл өчигдөр /2022.08.23/ тус зам тендер шалгаруулалттай холбоотой ажиллаж байсан зарим хүнийг саатуулсан байна. АТГ-аас хэдэн хүнийг хэдий хугацаанд саатуулсан болохыг тодруулахад прокурорын зөвшөөрөлгүй мэдээлэл өгөх боломжгүй гэлээ. Өнгөрсөн долоо хоногт АТГ-ын шалгалт холбогдох яаманд хоёр цаг гаруй хугацаанд үргэлжилсэн. Энэ үеэр АТГ-ын өөр нэг албан тушаалтан мэдээлэхдээ, автомашины улсын дугаарыг худалдах дуудлага худалдаа зохион байгуулахдаа өгсөн зөвлөмжийг дагаж мөрдөж буй эсэхийг шалгасан гэж мэдээлж байв. Ерөнхий сайдын үүрэг болгосны дагуу АТГ-аас Дарханы замын тендер сонгон шалгаруулахад оролцсон, сонгосон эрх бүхий албан тушаалтнуудыг шалгаж байгаа. Ийнхүү тус хяналт шалгалт үргэлжилж буй аж. Дархан-Улаанбаатар чиглэлийн замыг нийтдээ таван хэсэгт хувааж тендер сонгон шалгаруулсан бөгөөд II болон IV хэсгийг цаасан дээрх компани сонгон шалгаруулсан байж болзошгүй гэнэ. Дархан-Улаанбаатар чиглэлийн замын анх 2019 онд эхлүүлж, хэд хэдэн сайдын нүүр үзэж байгаа ч өнөөдрийг хүртэл ашиглалтад ороогүй байгаа юм. Монгол Улсын Ерөнхий сайд Л.Оюун-Эрдэнэ өнгөрсөн зургадугаар сард Дархан-Улаанбаатар чиглэлийн автозамын ажилтай газар дээр нь очиж танилцсан. Энэ үеэр тендер шалгаруулалтад оролцсон албан тушаалтнуудыг шалгах, хариуцлага тооцно хэмээн мэдэгдээд байсан юм.

Он гарсаар нийт 81 удаагийн усны осол гарч, 80 хүн амь насаа алджээ

08 / 24 0 сэтгэгдэл 562 үзсэнe

Он гарсаар уснаас эрэн хайх, аврах ажиллагааны 81 тохиолдол бүртгэгдэж, 80 иргэн амь насаа алдсан байна. Үүний 61 нь том хүн, 19 нь хүүхэд байгаа юм. Иймд: Гол, мөрөн нуурын ойролцоо амарч зугаалахдаа сонор, сэрэмжтэй байх, Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх, Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, Чанарын шаардлага хангахгүй хийлдэг гудас, хөвөгч завь зэргээр тоглуулахгүй байх, Согтууруулах ундаа хэрэглэсэн үедээ гол усанд орохгүй байх, Мэргэжлийн байгууллагаас өгч байгаа заавар, зөвлөмжийг дагах, Баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг Онцгой байдлын ерөнхий газраас анхааруулж байна.

Сонгинохайрхан дүүрэгт зургаан шинэ сургууль, хоёр сургуулийн өргөтгөлийн байр барина

08 / 24 0 сэтгэгдэл 531 үзсэнe

Нийслэлийн ИТХ-ын төлөөлөгчид өчигдөр Сонгинохайрхан дүүрэгт ажиллалаа. Сонгинохайрхан дүүргийн өвөлжилтийн бэлтгэл ажил, 2022-2023 оны хичээлийн жилийн бэлтгэл, бүтээн байгуулалт, хөрөнгө оруулалтын болон авто замын түгжрэлийг бууруулах талаар хэрэгжүүлж байгаа ажлын явцыг шалгаж, газар дээр нь танилцсан юм. Энэ жил тус дүүрэгт 128 төсөл арга хэмжээг хэрэгжүүлж байгаа бөгөөд нийт хөрөнгө оруулалтын ажлын 60 гаруй хувь нь гүйцэтгэлийн шатанд байгааг албаныхан хэлж байна. Дүүргийн хэмжээнд энэ онд 6 шинэ сургууль болон 2 сургуулийн өргөтгөлийн байрыг барина. Мөн энэ жилээс бүх хүүхдийг цэцэрлэгт хамруулах үүднээс төлөвлөгөөт ажлуудыг зохион байгуулж байгааг мэдээллээ. Хичээлийн шинэ жилийн бэлтгэл ажлын явц 90 гаруй хувьтай үргэлжилж байна. Мөн хөдөө аж ахуй, агаар, орчны бохирдлыг бууруулах, нийтийн эзэмшлийн зам талбай, халтиргаа гулгаа техникийн бэлэн байдал, орон сууцны контор, халаалтын зуухны засвар шинэчлэл, инженерийн шугам сүлжээ, иргэдийн эрүүл мэндийг хамгаалах зэрэг хэд, хэдэн чиглэлээр өвөлжилтийн бэлэн байдлыг хангаж байгаа бөгөөд дээрх үйл ажиллагааны биелэлттэй төлөөлөгчид танилцлаа. НИЙСЛЭЛИЙН ИТХ-ЫН ТӨЛӨӨЛӨГЧИД ТОЛГОЙТ ДЭД ТӨВД АЖИЛЛАВ Төлөөлөгчид мөн Толгойт дэд төвд ажиллав. Сонгинохайрхан дүүргийн 1, 2, 20, 22, 34, 35 дугаар хороонд нийт 153,4 га газарт нийгмийн барилга байгууламж болон инженерийн дэд бүтцийн бүтээн байгуулалтын ажлуудыг энэ хүрээнд хийнэ. Энэ үеэр тухайн бүтээн байгуулалтыг хариуцагч гүйцэтгэгч компани болон төсөл хэрэгжүүлэгчид ажлын явц болон үйл ажиллагаагаа үргэлжлүүлэхэд тулгамдаж буй асуудал, нөхцөл байдлын талаарх мэдээллийг төлөөлөгчдөд уламжлав. Толгойт дэд төв дэх сургалтын төвийн барилга угсралтын ажил 2022 оны гуравдугаар улиралд эхэлсэн бөгөөд хэдийгээр барилга угсралтын ажил үргэлжилж буй боловч дулааны техникийн нөхцөлийг шийдүүлээгүй байгаа нь үйл ажиллагааг цааш үргэлжлүүлэхэд хүндрэл үүсэж байгааг хэллээ. Эх сурвалж: Нийслэлийн ИТХ-ын ХМТ

Сонгинохайрхан дүүрэгт зургаан шинэ сургууль, хоёр сургуулийн өргөтгөлийн байр барина

08 / 24 0 сэтгэгдэл 454 үзсэнe

Нийслэлийн ИТХ-ын төлөөлөгчид өчигдөр Сонгинохайрхан дүүрэгт ажиллалаа. Сонгинохайрхан дүүргийн өвөлжилтийн бэлтгэл ажил, 2022-2023 оны хичээлийн жилийн бэлтгэл, бүтээн байгуулалт, хөрөнгө оруулалтын болон авто замын түгжрэлийг бууруулах талаар хэрэгжүүлж байгаа ажлын явцыг шалгаж, газар дээр нь танилцсан юм. Энэ жил тус дүүрэгт 128 төсөл арга хэмжээг хэрэгжүүлж байгаа бөгөөд нийт хөрөнгө оруулалтын ажлын 60 гаруй хувь нь гүйцэтгэлийн шатанд байгааг албаныхан хэлж байна. Дүүргийн хэмжээнд энэ онд 6 шинэ сургууль болон 2 сургуулийн өргөтгөлийн байрыг барина. Мөн энэ жилээс бүх хүүхдийг цэцэрлэгт хамруулах үүднээс төлөвлөгөөт ажлуудыг зохион байгуулж байгааг мэдээллээ. Хичээлийн шинэ жилийн бэлтгэл ажлын явц 90 гаруй хувьтай үргэлжилж байна. Мөн хөдөө аж ахуй, агаар, орчны бохирдлыг бууруулах, нийтийн эзэмшлийн зам талбай, халтиргаа гулгаа техникийн бэлэн байдал, орон сууцны контор, халаалтын зуухны засвар шинэчлэл, инженерийн шугам сүлжээ, иргэдийн эрүүл мэндийг хамгаалах зэрэг хэд, хэдэн чиглэлээр өвөлжилтийн бэлэн байдлыг хангаж байгаа бөгөөд дээрх үйл ажиллагааны биелэлттэй төлөөлөгчид танилцлаа. НИЙСЛЭЛИЙН ИТХ-ЫН ТӨЛӨӨЛӨГЧИД ТОЛГОЙТ ДЭД ТӨВД АЖИЛЛАВ Төлөөлөгчид мөн Толгойт дэд төвд ажиллав. Сонгинохайрхан дүүргийн 1, 2, 20, 22, 34, 35 дугаар хороонд нийт 153,4 га газарт нийгмийн барилга байгууламж болон инженерийн дэд бүтцийн бүтээн байгуулалтын ажлуудыг энэ хүрээнд хийнэ. Энэ үеэр тухайн бүтээн байгуулалтыг хариуцагч гүйцэтгэгч компани болон төсөл хэрэгжүүлэгчид ажлын явц болон үйл ажиллагаагаа үргэлжлүүлэхэд тулгамдаж буй асуудал, нөхцөл байдлын талаарх мэдээллийг төлөөлөгчдөд уламжлав. Толгойт дэд төв дэх сургалтын төвийн барилга угсралтын ажил 2022 оны гуравдугаар улиралд эхэлсэн бөгөөд хэдийгээр барилга угсралтын ажил үргэлжилж буй боловч дулааны техникийн нөхцөлийг шийдүүлээгүй байгаа нь үйл ажиллагааг цааш үргэлжлүүлэхэд хүндрэл үүсэж байгааг хэллээ. Эх сурвалж: Нийслэлийн ИТХ-ын ХМТ

УЛААНБААТАР ХОТЫН ХҮН АМЫН ЭРҮҮЛ МЭНДИЙН СУДАЛГААГ ТАНИЛЦУУЛЛАА

08 / 23 0 сэтгэгдэл 357 үзсэнe

Монгол, Японы хооронд дипломат харилцаа тогтоосны 50 жилийн ойн хүрээнд Монгол Улсад айлчилж буй Япон улсын төлөөлөгчид өнөөдөр НЗДТГ-т зочлох үеэр Нийслэлийн Бодлогын судалгаа шинжилгээний төвийн судлаачид Улаанбаатар хотын хүн амын дундах амьсгалын дээд замын болон зүрх судасны өвчлөлийн талаарх судалгааг танилцуулав. Уулзалтад Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Монгол Улсын Ерөнхий сайдын зөвлөх Б.Баярсайхан, Нийслэлийн Бодлогын судалгаа шинжилгээний төвийн захирал Р.Дагва, Нийслэлийн Засаг даргын ахлах зөвлөх Д.Мөнх-Эрдэнэ, НЗДТГ-ын дарга И.Баатархүү нар оролцлоо. Уулзалтын үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Монгол, Япон хоёр улсын хооронд дипломат харилцаа үүсэж хөгжсөний 50 жилийн ойн арга хэмжээн хүрээнд хувийн салбараас тэр дундаа эрүүл мэндийн салбараас хөрөнгө оруулалт хийх, эмнэлгийн байгууллагын удирдлагын бүрэлдэхүүн хүрэлцэн ирсэн байна. Улаанбаатар хотын есөн дүүргийн ард иргэдийн өвчилж буй өвчлөлийн судалгааг та бүхэнд танилцуулж байна. Японы хувийн эмнэлгийн хамгийн том групп болох Токушүкай медикал группийн ерөнхийлөгч болоод хамтран ажиллаж буй та бүхэнд талархал илэрхийлье. Тус групп салбар эмнэлгээ манай Улаанбаатар хотод байгуулахаар шийдвэрлэж, өнөөдөр Монгол Улсын Ерөнхий сайдтай уулзалт хийсэн. Энэ бол нийгмийн эрүүл мэндийн салбарт томоохон өөрчлөлтийг авчирна. Яагаад гэвэл зөвхөн тоног төхөөрөмж, барилга байгууламж биш боловсон хүчний бодлогоор дэмжиж, оношилгоо, эмчилгээ хийх баг бүрэлдэхүүнээрээ ирэх гэж байгаа нь хоёр улсын харилцаанд нэн шинэ үеийг авчрах юм” хэмээн өгүүлсэн юм. Улаанбаатар хотод сүүлийн жилүүдэд зүрх судасны өвчлөл ихсэж, илүүдэл жинтэй холбоотой асуудал зэрэг өвчлөл түгээмэл байна. Нөгөөтээгүүр хамрын хөндийн эрхтний буюу харшил, агаар орчны бохирдлоос үүссэн амьсгалын замын олон төрлийн шинэ өвчин гарч байна. 2015-2022 онд Улаанбаатар хотод 886.8 мянган хүн амьсгалын дээд замын өвчлөлд өртөж, тэднийг эмчлэхэд 345.2 тэрбум төгрөг зарцуулсан байна. Амьсгалын дээд замын 23 төрлийн өвчлөл бүртгэгдсэнээс 10 төрлийн өвчин зонхилон гарч, нийт өвчлөгсдийн 74 хувийг эзэлж байгааг Нийслэлийн Бодлогын судалгаа, шинжилгээний төвийн Зөвлөлүүдийн нарийн бичгийн дарга М.Буяндэлгэр танилцуулгадаа онцолсон. Улаанбаатар хотын хүн амыг эрүүлжүүлэхэд чиглэсэн энэхүү төслийг Улаанбаатар хотын зүгээс бүх талаар дэмжинэ гэдгээ илэрхийллээ.

БШУ-НЫ САЙД, НИЙСЛЭЛИЙН ЗАСАГ ДАРГАТАЙ ХАМТРАН ЕБС-ИЙН БАГШ НАРЫГ КОМПЬЮТЕРЭЭР ХАНГАХАА МЭДЭГДЛЭЭ

08 / 23 0 сэтгэгдэл 341 үзсэнe

2022-2023 оны хичээлийн жил эхлэх гэж буйтай холбогдуулан ерөнхий боловсролын сургууль /ЕБС/-ийн удирдах ажилтнуудад нэгдсэн мэдээлэл хүргэх, арга зүйн дэмжлэг үзүүлэх зорилготой сургалт, уулзалт өнөөдөр Нийслэлийн иргэний танхимд боллоо. Уулзалтад Боловсрол, шинжлэх ухааны сайд Л.Энх-Амгалан, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө, бусад холбогдох албаныхан, төрийн болон төрийн бус өмчийн ЕБС-ийн 281 захирал оролцов. Нийслэлийн Засаг даргын орлогч З.Төмөртөмөө уулзалтыг нээж үг хэлэхдээ “Сүүлийн хэдэн сар, жил боловсролын салбарт оч ассан хугацаа байлаа. 2016-2021 онд улс, нийслэл, дүүргийн төсөв болоод гадаадын зээл тусламжаар 117 цэцэрлэг, 51 сургууль, сургууль, цэцэрлэгийн 14 цогцолбор, спорт заалны 12 барилга барьжээ. Мөн цэцэрлэгийн орны тоог 18805, сургуулийн хүчин чадлыг 31668, бага сургууль, цэцэрлэгийн цогцолборын хүчин чадлыг 4180-аар тус тус нэмэгдүүлсэн. Нийслэлийн хэмжээнд цэцэрлэгийн элсэлтийг зургаа дахь жилдээ, нэгдүгээр ангийн элсэлтийг дөрөв дэх жилдээ цахим хэлбэрээр амжилттай зохион байгуулж, эцэг эхчүүд болон хүүхдүүдэд тулгардаг хүндрэл, бэрхшээлийг шийдвэрлэн ажиллаж байна. 2019 оны 11 дүгээр сараас “Сургуулийн автобус” төслийг хэрэгжүүлж, 29 сургуулийг хамруулан, 37 автобус үйлчилгээнд гарч, өдөрт дунджаар 3500 хүүхдийг тээвэрлэн, хүүхдүүд гэр, сургуулийн хооронд аюул осолгүй зорчих нөхцөл бүрдсэн. Цаашдаа сургуулийн автобусны тоог нэмэгдүүлж, улам өргөжүүлэх болно” хэмээсэн юм. Орчин цагийн боловсролын салбарын 100 жилийн ой өнгөрсөн жил тохиосон. Харин энэ жил дараагийн 100 жилийн эхлэлийг тавьж буй юм. Иймд ирэх 100 жилд хэрхэн ажиллах, боловсролын салбарт ямар шинэчлэл хийх, боловсролын чанарыг хэрхэн сайжруулах зэргийг хэлэлцэж, нэгдсэн мэдээлэлд хүрэх нь зүй ёсны болохыг Боловсролын сайд тодотгож байлаа. Өнгөрсөн хугацаанд боловсролын салбарынхан сургууль, цэцэрлэгийн хүртээмжийг нэмэгдүүлэх, гурван ээлжээр хичээллэхийг халах зэрэг бодлого барин ажиллаж ирсний дүнд сургуулийн өмнөх боловсролд хамрагдаж чаддаггүй байсан 38000 хүүхдээс 32000 /нийслэлийн хэмжээнд 34000-аас 28000/ нь цэцэрлэгт хамрагдах боломжтой болжээ. Харин цаашдаа боловсролын чанарыг сайжруулах чиглэлд онцгойлон анхаарна гэдгийг тус салбарын сайд мэдэгдсэн юм. Үүний тулд сургуулийн удирдлагыг чадавхжуулж, менежментийг сайжруулах шаардлагатай тул өнөөдрийн сургалтыг зохион байгуулж байгаа аж. Түүнчлэн өнөөдрийн уулзалтын үеэр БШУ-ны сайд Нийслэлийн Засаг даргатай хамтран энэ хичээлийн жилээс Улаанбаатар хот дахь ЕБС-ийн багш нарыг компьютерээр бүрэн хангах, шинэчлэх ажлыг эхлүүлэхээ мэдэгдлээ. Ингэснээр суралцах орчин, арга хэрэгсэл сайжирч, боловсролын салбар дахь цахим шилжилтийг эрчимжүүлнэ гэдгийг тэрбээр онцолсон юм. Нийслэлийн Засаг даргын орлогч уг ажлыг нийслэлийн зүгээс бүрэн дэмжиж, арга замыг судлан, нягт хамтран ажиллахаа мөн илэрхийллээ.

НИЙСЛЭЛИЙН ЕБС-Н БАГШ НАРЫГ КОМПЬЮТЕРЭЭР ХАНГАНА

08 / 23 0 сэтгэгдэл 657 үзсэнe

2022-2023 оны хичээлийн жил эхлэх гэж буйтай холбогдуулан ерөнхий боловсролын сургууль /ЕБС/-ийн удирдах ажилтнуудад нэгдсэн мэдээлэл хүргэх, арга зүйн дэмжлэг үзүүлэх зорилготой сургалт, уулзалт өнөөдөр Нийслэлийн иргэний танхимд боллоо. Уулзалтад Боловсрол, шинжлэх ухааны сайд Л.Энх-Амгалан, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө, бусад холбогдох албаныхан, төрийн болон төрийн бус өмчийн ЕБС-ийн 281 захирал оролцов. Нийслэлийн Засаг даргын орлогч З.Төмөртөмөө уулзалтыг нээж үг хэлэхдээ “Сүүлийн хэдэн сар, жил боловсролын салбарт оч ассан хугацаа байлаа. 2016-2021 онд улс, нийслэл, дүүргийн төсөв болоод гадаадын зээл тусламжаар 117 цэцэрлэг, 51 сургууль, сургууль, цэцэрлэгийн 14 цогцолбор, спорт заалны 12 барилга барьжээ. Мөн цэцэрлэгийн орны тоог 18805, сургуулийн хүчин чадлыг 31668, бага сургууль, цэцэрлэгийн цогцолборын хүчин чадлыг 4180-аар тус тус нэмэгдүүлсэн. Нийслэлийн хэмжээнд цэцэрлэгийн элсэлтийг зургаа дахь жилдээ, нэгдүгээр ангийн элсэлтийг дөрөв дэх жилдээ цахим хэлбэрээр амжилттай зохион байгуулж, эцэг эхчүүд болон хүүхдүүдэд тулгардаг хүндрэл, бэрхшээлийг шийдвэрлэн ажиллаж байна. 2019 оны 11 дүгээр сараас “Сургуулийн автобус” төслийг хэрэгжүүлж, 29 сургуулийг хамруулан, 37 автобус үйлчилгээнд гарч, өдөрт дунджаар 3500 хүүхдийг тээвэрлэн, хүүхдүүд гэр, сургуулийн хооронд аюул осолгүй зорчих нөхцөл бүрдсэн. Цаашдаа сургуулийн автобусны тоог нэмэгдүүлж, улам өргөжүүлэх болно” хэмээсэн юм. Орчин цагийн боловсролын салбарын 100 жилийн ой өнгөрсөн жил тохиосон. Харин энэ жил дараагийн 100 жилийн эхлэлийг тавьж буй юм. Иймд ирэх 100 жилд хэрхэн ажиллах, боловсролын салбарт ямар шинэчлэл хийх, боловсролын чанарыг хэрхэн сайжруулах зэргийг хэлэлцэж, нэгдсэн мэдээлэлд хүрэх нь зүй ёсны болохыг Боловсролын сайд тодотгож байлаа. Өнгөрсөн хугацаанд боловсролын салбарынхан сургууль, цэцэрлэгийн хүртээмжийг нэмэгдүүлэх, гурван ээлжээр хичээллэхийг халах зэрэг бодлого барин ажиллаж ирсний дүнд сургуулийн өмнөх боловсролд хамрагдаж чаддаггүй байсан 38000 хүүхдээс 32000 /нийслэлийн хэмжээнд 34000-аас 28000/ нь цэцэрлэгт хамрагдах боломжтой болжээ. Харин цаашдаа боловсролын чанарыг сайжруулах чиглэлд онцгойлон анхаарна гэдгийг тус салбарын сайд мэдэгдсэн юм. Үүний тулд сургуулийн удирдлагыг чадавхжуулж, менежментийг сайжруулах шаардлагатай тул өнөөдрийн сургалтыг зохион байгуулж байгаа аж. Түүнчлэн өнөөдрийн уулзалтын үеэр БШУ-ны сайд Нийслэлийн Засаг даргатай хамтран энэ хичээлийн жилээс Улаанбаатар хот дахь ЕБС-ийн багш нарыг компьютерээр бүрэн хангах, шинэчлэх ажлыг эхлүүлэхээ мэдэгдлээ. Ингэснээр суралцах орчин, арга хэрэгсэл сайжирч, боловсролын салбар дахь цахим шилжилтийг эрчимжүүлнэ гэдгийг тэрбээр онцолсон юм. Нийслэлийн Засаг даргын орлогч уг ажлыг нийслэлийн зүгээс бүрэн дэмжиж, арга замыг судлан, нягт хамтран ажиллахаа мөн илэрхийллээ.

ЯПОНЧУУД МАНАЙ УЛСАД ЗҮРХ СУДАСНЫ ТӨВ БАРЬЖ ӨГӨХӨӨР БОЛЖЭЭ

08 / 23 0 сэтгэгдэл 638 үзсэнe

Япон, Монгол улс дипломат харилцаа тогтоосны 50 жилийн ойд зориулсан олон арга хэмжээ Улаанбаатар хотод болж байгаа. Ойн хүрээнд яг одоо Японы парламентын бүлгийн дарга М.Хаяаши Ерөнхий сайд Л.Оюун-Эрдэнэтэй уулзаж байна. Улмаар Японы хөрөнгө оруулагчид Монголд Зүрх судасны төв бэлэглэхээр болжээ. Бид барилга барьж зогсохгүй Японы хамгийн сүүлийн үеийн техник технологиор хангаж ажиллана хэмээжээ.

ГОВЬ-АЛТАЙ АЙМАГТ ТАРВАГАН ТАХЛЫН СЭЖИГТЭЙ ТОХИОЛДОЛ ИЛЭРЧЭЭ

08 / 23 0 сэтгэгдэл 641 үзсэнe

Говь-Алтай аймгийн Есөнбулаг суманд 2022 оны наймдугаар сарын 20-ны өдөр хавхаар тарвага агнаж идсэн иргэнээс "Тарваган тахал" өвчний эмнэлзүйн шинж тэмдэг илэрчээ. Мэргэжлийн байгууллагууд хариу арга хэмжээг шуурхай авч ажиллан, сорьцыг Зоонозын Өвчин Судлалын Үндэсний Төв рүү илгээсэн байна. Шинжилгээний хариу гарах хүртэл буюу 2022 оны наймдугаар сарын 22-ны 19:00 цагаас наймдугаар сарын 23-ны 19:00 цаг хүртэл хөл хорио тогтоож, гарах хөдөлгөөнийг хязгаарлажээ.

МХЕГ: ХОВД, СЭЛЭНГЭЭС УЛААНБААТАРТ НИЙЛҮҮЛСЭН ТАРВАС СТАНДАРТАД НИЙЦЭЖ БАЙНА

08 / 23 0 сэтгэгдэл 611 үзсэнe

Жил бүр улсын хэмжээнд тариалсан төмс, хүнсний ногоо, жимс, жимсгэнийн чанар, аюулгүй байдалд Мэргэжлийн хяналтын байгууллагаас шинжилгээт хяналт шалгалтыг хийдэг. Өмнөх онд хийгдсэн шинжилгээт хяналтаар тарвасын дээжид тодорхойлогдох нитратын үлдэгдэл стандартын шаардлага хангаж байсан. Энэ жил Дархан-Уул аймгийн иргэд гурван га талбайд тарвас тариалсан бөгөөд болц нь гүйцээгүй тул худалдаанд гараагүй байна. Сэлэнгэ аймаг 56,9 га талбайд тарвас тариалсан. Энэ сарын 19-ний байдлаар 112 тонныг хураан авч нийслэл болон Дархан-Уул аймагт худалдаалах 71 тонн тарваст гарал үүслийн гэрчилгээ олгосон. Хоёр дээжид нитрат, пестицидийн үлдэгдэл тодорхойлоход стандартын шаардлага хангаж байна. Ховд аймаг 532.3 га талбайд тарвас тариалсан бөгөөд худалдаанд буй тарвас, бусад хүнсний ногоо зэрэг 10 гаруй нэр төрлийн бүтээгдэхүүний дээжид нитрат, ХОП, ФОП-ийн үлдэгдэл тодорхойлох, ургамлын эрүүл ахуй, хорио цээрийн шинжилгээ хийж байна. Нийслэлийн нутаг дэвсгэрт тариалан, хүлэмжийн чиглэлээр үйл ажиллагаа эрхэлж буй иргэд нийтийн хэрэгцээнд нийлүүлэх зорилгоор тарвас тариалаагүй. Улаанбаатар хотод худалдаалагдаж буй Ховд, Сэлэнгэ аймгаас нийлүүлсэн тарвасаас дээж авч нитрат, пестицидийн үлдэгдэл тодорхойлох шинжилгээг хийж байгаа. Одоогоор шинжилгээнд хамрагдсан бүтээгдэхүүнд эерэг дээж илрээгүй, стандартын шаардлага хангаж байгаа бөгөөд хяналт шалгалт үргэлжилж байна. Тарвас нь сорт, төрлөөс хамааран харилцан адилгүй өнгө, амт, хэмжээтэй байх боломжтой бөгөөд та дараах зөвлөмжийн хүрээнд тарвас худалдан авахыг зөвлөж байна. Гарал үүсэл нь тодорхой, лабораторийн шинжилгээний бичигтэй бүтээгдэхүүн худалдан авах; Наранд хэт халсан, хадгалалтын горим алдагдсан, ил задгай нөхцөлд худалдаалж буй тарвас худалдан авахаас зайлсхийх; Стандартын байгууллагаар баталгаажсан гар багаж ашиглах. Баталгаажсан гар багажаар бүтээгдэхүүнд шинжилгээ хийх явцад шинжилгээний дүн эерэг гарвал тухайн худалдааны газар болон иргэнийг Мэргэжлийн хяналтын байгууллагад яаралтай мэдээлж тус бүтээгдэхүүнээс зохих журмын дагуу дээж авахуулж итгэмжлэгдсэн лабораториор баталгаажуулах; Эх сурвалж: МХЕГ