ИРГЭДЭД ХУУЛЬ, ЭРХ ЗҮЙН ҮНЭ ТӨЛБӨРГҮЙ ЗӨВЛӨГӨӨ ӨГНӨ

11 / 15 0 сэтгэгдэл 469 үзсэнe

НЗДТГ-аас “Бүх нийтийн эрх зүйн боловсролыг дээшлүүлэх үндэсний хөтөлбөр” болон “Нийслэлийн иргэдийн хууль, эрх зүйн боловсролыг дээшлүүлэх” арга хэмжээний хүрээнд Монголын Хуульчдын холбоотой хамтран иргэдэд хууль, эрх зүйн үнэ төлбөргүй зөвлөгөө өгдөг. Энэ удаагийн өдөрлөгт "Онч нүүдэл" ХХН хамтран оролцож байна. Энэ сарын өдөрлөгийг маргааш буюу арваннэгдүгээр сарын 16-ны 09:00-17:00 цагийн хооронд зохион байгуулна. Иргэн та 75050801, 75050802, 75050803, 75050804 дугаарын утсаар холбогдож, мөн Чингэлтэй дүүрэг, 5-р хороо, МН ТАУР 16 давхар 1611 тоот "Онч нүүдэл" ХХН-ийн байранд очиж иргэний, захиргааны, эрүүгийн эрх зүй болон гэр бүл, гэрээний эрх зүй зэрэг сэдвээр хууль, эрх зүйн үнэ төлбөргүй зөвлөгөө, мэдээлэл авах боломжтой. Сар бүрийн гурав дахь долоо хоногийн лхагва гарагт иргэдэд зөвлөгөө өгдөг тус өдөрлөгийг тав дахь жилдээ тогтмол зохион байгуулж байна.

ӨМНӨГОВЬ АЙМГИЙН ИТХ-ЫН АРДЧИЛСАН НАМЫН БҮЛЭГ ТӨРИЙН АЛБАН ХААГЧДЫН ЦАЛИНГ ТЭГШ НЭМЭХ САНАЛ ГАРГАЛАА

11 / 15 0 сэтгэгдэл 265 үзсэнe

Өнөөдөр Өмнөговь аймгийн Засаг дарга Р.Сэддорж төрийн албан хаагчдын цалин нэмэх шийдвэрийн талаар орон нутгийн сэтгүүлчдэд мэдээлэл хийлээ. УИХ-аас 2023 оны төсвийн бодлогын хүрээнд төрийн албан хаагчдын орон нутагт ажиллах сонирхлыг нэмэгдүүлэх, тогтвор суурьшилтай ажиллуулах, хот суурин газраас орон нутагт шилжин суурьшихыг дэмжих зорилгоор Төрийн захиргааны албан хаагчдад орон нутгийн нэмэгдэл олгох зохицуулалтыг Төрийн албаны тухай хуулийн 57 дугаар зүйлд нэмж тусгасан. Энэ хүрээнд Өмнөговь аймагт ажиллаж байгаа нутгийн төрийн захиргааны 261 албан хаагчийн цалингийн 20 хувийг орон нутгийн төсвийн суурь зарлагад тооцон хянаж, Монгол улсын 2023 оны төсөвт тусган батлаад байна. Үүнд аймаг, сумын ИТХ, ЗДТГ, Орон нутгийн өмчийн газар, Байгаль орчны газар, Санхүүгийн хяналт, аудитын албаны төрийн захиргааны албан хаагчид багтаж байгаа юм. Мөн орон нутаг өөрийн нөөц боломж, орлогын нөхцөл байдлаа ашиглан төрийн захиргааны албан хаагчдын цалинг 80 хүртэл хувиар нэмэгдүүлэх боломж хуулийн хүрээнд бүрдсэн. Иймд Өмнөговь аймгийн ИТХ-ын Ардчилсан намын бүлгээс "Нутгийн дэм" хөтөлбөрийн хүрээнд төрийн үйлчилгээний албан хаагчдын цалинг 80 хүртэл хувиар нэмэгдүүлэх шийдвэр гаргаж, ажлын хэсэг байгуулан, тооцоо судалгаа хийж эхлээд байна. Ажлын хэсгийн дүгнэлтийг үндэслэн төрийн албан хаагчдын цалин нэмэх асуудлыг аймгийн ИТХ-аар хэлэлцэн батлах юм. Өмнөговь аймгийн хэмжээнд нийт 4811 төрийн албан хаагч "Нутгийн дэм" хөтөлбөрт хамрагдаж байгаагийн 107 нь улс төрийн албан хаагч, 261 нь төрийн захиргааны албан хаагч, 4443 нь төрийн үйлчилгээний, гэрээт болон бусад ажилтнууд байна.

ҮЙЛДВЭРҮҮД ЦЕМЕНТИЙН ҮНЭЭ ДӨРВӨН УДАА ӨСГӨЖ, НЭГ УДАА БУУЛГАЖЭЭ

11 / 15 0 сэтгэгдэл 458 үзсэнe

Барилга, хот байгуулалтын сайдын шуурхай хуралдаан өчигдөр болжээ. Хуралдаанд БХБЯ-ны Барилгын материалын үйлдвэрлэлийн хэлтсийн дарга Д.Батзориг цемент болон арматурын ханган нийлүүлэлтийн өнөөгийн нөхцөл байдал, 2023 оны эрэлт, нийлүүлэлтийн талаарх урьдчилсан мэдээллийг танилцуулсан байна. Тухайлбал цементийн хувьд энэ онд үйлдвэрүүд суурилагдсан хүчин чадлаараа 4.4 сая тонн цемент үйлдвэрлэх төлөвлөгөөтэй байсан ч нэг үйлдвэр зогсож, улмаар 1.7 сая тонн цемент үйлдвэрлэжээ. Үйлдвэрүүд цементийн үнээ дөрвөн удаа өсгөж, нэг удаа буулгасан, төмөр замын тээвэрлэлт хүндэрсэн зэрэг хомсдол үүсэхэд нөлөөлсөн хүчин зүйлүүдийн талаарх мэдээллийг өгч, ирэх 2023 онд дээрх эрсдэлүүдийг тооцоолон, цемент болон арматурын хэрэглээг нарийвчлан судалж, урьдчилсан төлөвлөгөөг гарган, эрчим хүчний тасалдал, төмөр замын тээврийн хүрэлцээгүй байдлыг шийдвэрлэх хүрээнд холбогдох байгууллагуудтай хамтран ажиллаж байгаа талаар мэдээлэв. Мөн Төв цэвэрлэх байгууламжийг шинээр барих төслийн нэгжийн захирал Т.Болорчулуун барилгын ажлын явц 65 хувьтай буюу агаарын шугамыг татах ажил явагдаж байгаа, мөн өвлийн бэлтгэл ажилдаа орсон талаар мэдээллээ.

“ЭРДЭНЭСИЙН САН”-ГИЙН ЭРЭЛД - II

11 / 15 0 сэтгэгдэл 665 үзсэнe

-Франц, Швейцарь, Бээжинд 8.1- 26 тэрбум төгрөгөөр зарагдсан Занабазар хийцийн бурхад “Эрдэнэсийн сан”, Гандантэгчэнлин хийдээс гарсан юм биш үү- Бид өмнөх дугаартаа “Эрдэнэсийн сан”-д Гандантэгчэнлин хийдээс өргөсөн найман авдар үнэт зүйл, бүртгэл, хадгалалт, хамгаалалт ямархуу байдалтай явж ирснийг тодорхой дурдсан. Энэ удаа Монголын соёлын үнэт өв мөн боловч эх сурвалж нь тодорхойгүй. Соёлын өвийн газар хийгээд холбогдох байгууллагуудад нь ямар ч бүртгэл байхгүй. Монгол Улсын өмч гэдэг атал араас нь нэхэмжилдэггүй. Хэвлэл, мэдээллийнхэн өчнөөн асуудал дэвшүүлдэг ч хууль хяналтын байгууллагууд мөрөөр нь шалгадаггүй хулгайд алдагдсан Занабазар хийцийн бурхдын талаар эргэн сөхөж байна. Ингэхдээ зүгээр нэг мэдээлээд орхихыг хүссэнгүй. Эдгээр бурхан чинь бүртгэл, судалгаа муутай явж ирсэн, нэг хүн дангаар 30 жил удирдсан Гандантэгчэнлин хийдээс гарсан юм биш үү. Эсвэл Гандантэгчэнлин хийд, Монголбанкны хооронд цааш нааш болгож ирсэн “Эрдэнэсийн сан” дотроос алдагдсан юм биш биз гэсэн асуултыг энэхүү нийтлэлээр холбогдох байгууллагуудад нь тавьж байгаа юм. Монгол Улсын Засгийн газраас Занабазарын урлагийн бүтээлүүдийг 1920 оноос хойш худалдахыг хориглосон байдаг. Гэвч хулгайч нар Занабазар хийцийн бурхдыг ямагт онилж ирснийг энэ төрлийн хулгайн гэмт хэргүүдээс харж болно. Уг бурхад нь уран нарийн хийц, алтны орц, өв соёлын хосгүй дурсгал учраас гадаадын дуудлага худалдаанд өндөр үнэ хүрдэг байна. Тиймээс зөвхөн Занабазар хийцийн бурхан хулгайлж гаршсан гэмт хэргийн бүлэглэл бий болсон гэдгийг хууль хяналтын байгууллагынхан ч өөрсдөө хэлдэг. Гэхдээ ингэж нэрлэж, хавтаст хэрэг нээсэн эсэх нь тодорхойгүй. Ер нь бол музей, соёлын байгууллагаас алдагдсан үнэт ховор дурсгал, тэр дотроос Занабазар хийцийн бурхдыг цагдаагийнхан илрүүлж байсан удаа бараг л үгүй. 1000 гаруй соёлын өвийн дурсгал алдагдсан атал эргүүлэн олж авсан, буцаагаад музейд нь тавьсан удаа үгүй. Харин өнгөрсөн жил Өвөрхангай аймгийн Хархорин сумын хийдээс Майдар бурхан гурав, Богд Зонхов бурхан шавьтайгаа хоёр, Өндөр гэгээн Занабазар нэг, нийт 7-8 бурхан алдагдсан хэргийн мөрөөр бүлэг хулгайчийг илрүүлж баривчилсан тухайгаа мэдээлж байв. Франц, Швейцарь, Бээжингийн дуудлага худалдаагаар 8.1-26 тэрбум төгрөгөөр зарагдсан Занабазар хийцийн бурхдын талаар 2014, 2016 онд хэвлэлүүд мэдээлэхдээ холбогдох газруудаас тодруулахад бүгд мөрөө хавчиж, толгой сэгсрээд өнгөрүүлсэн. Ямар ч бүртгэл байхгүй гэсэн. Зарим хэвлэлд Гандантэгчэнлин хийдээс алдагдсан юм биш үү гэж бичсэн нь бий. Харин “Эрдэнэсийн сан”-гаас гарсан юм биш биз гэж хардлага, таамаг тавиагүй. Өнөөдөр ингэж хардах болсон шалтгаан бол 1990-ээд оноос бүрхэг болсон “Эрдэнэсийн сан”-гийн бүртгэл бүрхэг болсон. Түүнчлэн тэр үед Гандантэгчэнлин хийд, Монголбанк хоёрын дунд нааш цааш зөөж, эргэж буцаж янз бүр болж байсан талаарх баримт, тооллогын дүнтэй холбоотой. “Эрдэнэсийн сан”-гийн эрэлд - I Бидний олж авсан баримт дотор гараар бичсэн тооллогын материал байна. Гандантэгчэнлин хийдийн эд зүйлийг тоолж паспортжуулах асуудал тухайн үед яригдаж байжээ. Энэ бүртгэлийн урт жагсаалт дотор Сэнгийн аро, Сэндон, Гомбо, Ногоон Дарь Эх зургаан ширхэг, Чогдог, Бурхан багш, Өндөр гэгээн /өөрөө өөрийгөө урласан/, Дүйнхор гурван, Очирдар, Чойжийжанцан Богд, Аюуш хоёр, Чагши Жанрайсиг хоёр, Манал, Одбагмид, Намжил суварга, Майдар гурван ширхэг, Чагдар, Манзушир, Гүнрэг, Очирваань, Дамдин, Бурхан багш зэрэг ард нь “Занабазарын” хэмээн тодотгосон 40-өөд бурхан байна. Үүнээс хоёр ширхэг Чагши Жанрайсиг бурхныг гуулиар урласан болохыг тэмдэглэжээ. Мөн бурхдыг дагалдах эд зүйлүүд, жишээ нь Майдар бурхны оройн алтан суварга, сэнтий, алтан жанчив суварга, мөнгөөр урласан дүрүүд гэх мэтчилэн жагсаалтад эрэмбэлэн бичжээ. Эдгээр бурхад одоо тоо ёсоор Гандантэгчэнлин хийдэд байна уу. “Эрдэнэсийн сан”-д өргөсөн бол улсын авдарт хадгалагдаж байдаг уу. Дээрх тооллогын бүртгэл, бичгээс үзэхэд 1980-аад оны дунд үеэс Гандантэгчэнлин хийд болон музейд байгаа соёлын бүх өвийг паспортжуулж, зургийг нь авч хадгалсан гэж ойлгогдож байна. Гэтэл Франц, Швейцарь, Бээжингийн дуудлага худалдаагаар зарагдаж байгаа Занабазар хийцийн бурхны зураг, урт өндрийн хэмжээ, жин гээд бүх мэдээлэл цацагдаж байхад Монгол Улс яагаад бүртгэл алга, эх сурвалж бүү мэд гээд сууж байдаг юм бол гэж бодогдоно. 2016 онд “Хятадад Занабазар бурхан 26 тэрбум төгрөгөөр зарагдлаа” гэсэн мэдээлэл гарсан. Уг бурхныг “cguardian.com” вэб сайтаар анх дуудлага худалдаанд зарласан бөгөөд Занабазар бурхан 52 см өндөр, суур нь 37 см хэмжээтэй болохыг дурдсан байдаг. Энэ бурхан Монгол Улсаас хэдийд, ямар замаар гарч одсоныг одоо хүртэл тодруулаагүй. Харин Хятадын нэгэн тэрбумтан авсан гэдгийг хүмүүс сайн мэднэ. Үүний өмнө буюу 2013 оны есдүгээр сард Парис хотноо "Sotheby's" компанийн дуудлага худалдаагаар Занабазар хийцийн алтадсан Буддаг 40-60 мянган ам.доллароор дуудаж, 75 мянган ам.доллароор зарсан байдаг. Энэ мэтчилэн “Занабазарын сургууль” гэж нэрлэсэн 5-6 бурхныг зарсан байгаа юм. Үүнийг хэзээ мэдсэн бэ гэвэл 2014 онд Занабазар хийцийн Ногоон Дарь Эх бурхан Парист "Sotheby's"-ийн дуудлага худалдаагаар 3.467.500 евро буюу 8.1 тэрбум төгрөгөөр зарагдах үед л монголчууд олж мэдсэн юм. Дуудлага худалдааны өмнөх өдөр Монголын хэвлэл мэдээллийн хэрэгслүүд шуурхай мэдээлснээр олон нийтийн сонорт хүргэж чадсан. Тухайн үеийн Боловсрол, соёл, шинжлэх ухааны сайд Л.Гантөмөр дуудлага худалдааг зогсоох, мөн Ногоон дарь эх бурхан ямар замаар тэнд очсоныг тайлбарлахыг албан ёсоор хүссэн хэдий ч Францын тал хүлээж аваагүй. Дээрх Ногоон дарь эх нь 30.7 см өндөртэй, хүрэл цутгамал байв. "Sotheby's" компани эдгээр бурхдын гарал үүслийн тухайд 1989, 1998 онд гадаадын нэг иргэн хаанаас ч юм худалдаж авсан гэх зүүлт хийснээс биш эх сурвалж нь тодорхойгүй юм. 2017 онд Итали улсын "Cambi" компанийн дуудлага худалдаагаар мөн л Занабазар хийцийн бурхан 3.9 сая еврогоор зарагдсан. Щвейцарьт Монголын түүх соёлын хосгүй үнэт бүтээл 300 сая төгрөгөөр үнэлэгдэж байна гэсэн мэдээлэл ч бас гарч байв. Монголын холбогдох байгууллагууд “Манай улсын алдагдсан түүх соёлын үнэт бүтээлийн жагсаалтад байхгүй байна. Хувиараа эртний эдлэл цуглуулагчид гадагш нь худалдсан байх" гэсэн хариу өгдөг. Хууль хяналтынхан ч гэсэн жагсаалтад байхгүй бол боллоо гэсэн байдалтай сууцгаадаг. Занабазарын бүтээлүүд Монголоос гараагүй. Өөр улс оронд хуулбарласан байх гэж манайхны зарим нь мэлзэж магадгүй. Гэтэл тэр хийц давтагдашгүй, хэчнээн адилхан бүтээлээ гэхэд танигдана. Жишээ нь, Хятадын Долнуур орчим бурхан бүтээж ирсэн арвин туршлагатай ч өөрийн гэсэн онцлогтой тул Занабазарын хийц тэднээс ялгагдана. Бидэнд хардах эрх бий. Хэрэг илрэх нь харин цаг хугацааны асуудал юм. Сүүлийн үед Хөгжлийн банкны, “Нүүрсний”, төмөр замын, гадаадын хөрөнгө оруулагчдыг тонон дээрэмдсэн гэх олон жил бугшсан хэргүүд илэрч, мөрдөн шалгах ажиллагааг эхлүүлээд байна. Тэгвэл 2012 оноос Гандантэгчэнлин хийдийн санхүүг шалгуулах шаардлагыг зарим сүм хийдийн тэргүүнүүд тавьж ирсэн зэрэг олон жил яригдсан хэргүүд бий. Энэ дотроос Гандантэгчэнлин хийд болоод “Эрдэнэсийн сан”-г цөлмөж гаршсан “Шашны бүлэглэл”, шашин, улс төрийнхөн хоршсон мафийн хийсэн хэргүүд илрэх цаг нь болсон байж ч мэдэх юм. Эх сурвалж: Өглөөний сонин

ХҮҮХДИЙН ҮЗЛЭГ ОНОШИЛГОО ТӨЛБӨРГҮЙ ХИЙХ ХУВИЙН ЭМНЭЛГИЙН ЖАГСААЛТ

11 / 15 0 сэтгэгдэл 1 701 үзсэнe

Нийслэлийн эрүүл мэндийн газартай гэрээ байгуулан хүүхдүүдэд үнэ төлбөргүй үйлчилгээ үзүүлэхээр тохиролцсон хувийн хэвшлийн эмнэлгүүдийг танилцуулж байна.

ШАТАХУУН ТЭЭВЭРЛЭЖ ЯВСАН МАШИН ОСОЛДОЖ, 2 ИРГЭН НАС БАРЖЭЭ

11 / 15 0 сэтгэгдэл 1 084 үзсэнe

Ховд аймгийн Манхан сумын Ботгон багийн “Ботгоны хавцал” гэдэг газарт ачааны замын хажуу руу унаж автомашины бүхээгт 2 хүн хавчуулагдсан тухай дуудлагыг 11.14-ний өдрийн 19:23 цагт хүлээн авсан. Тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчдыг очиход Баян-Өлгий аймгаас Баянхонгор аймгийн чиглэлд шатахуун тээвэрлэж явсан ”Норд Бенз” загварын ачааны автомашин автозамын хажуу руу унаж жолооч А /51 настай, эрэгтэй/, зорчигч Ш /44 настай, эрэгтэй/ нар автомашины бүхээгт хавчуулагдаж нас барсан байсныг 1 цаг ажиллаж цогцсыг гарган, аймгийн тээврийн Цагдаагийн тасгийн даргаар ахлуулсан бүрэлдэхүүнд шилжүүлэн өгсөн хэмээн ОНЦГОЙ БАЙДЛЫН албанаас мэдээллээ.

ТАЛИЙГААЧ БУСДЫН ГАРТ АМИА АЛДСАН УУ?

11 / 15 0 сэтгэгдэл 1 401 үзсэнe

Монгол Улсын зөвлөх эмч, анагаах ухааны доктор Г.Ганжаргал 2022 оны аравдугаар сарын 19-ний өдөр "Хасу шивэрт" рашаан сувиллын 401 тоот өрөөны тагтнаас унаж амь насаа алдсан харамсалтай хэрэг болсон. Түүний гэр бүл хэргийг золгүй явдал бус зохион байгуулалттай аллага, цагдаагийн байгууллага дутуу шалгаж байна гэж үзэж байв. Тэгвэл үүнийг нэвтрүүлэг болгон, олны өмнө дэлгэж байсан сэтгүүлч С.Будрагчаа өөрийн цахим хуудастаа хэргийн талаар мэдээлэл өгчээ. Тэрбээр: "ЦЕГ-ын Мөрдөн байцаах газрын Онц хүнд гэмт хэрэгтэй тэмцэх тасгийн мөрдөгчид 2022 оны аравдугаар сарын 19-ний өдөр Хасу шивэрт рашаан сувиллын 401 тоот өрөөны тагтнаас Монгол Улсын зөвлөх эмч, анагаах ухааны доктор Г.Ганжаргал хөл алдан унах үедээ хоёр давхрын тагтны хаалтыг биеийн аль нэг хэсгээр цохьсон эсэхийг тогтоох өндрөөс унах үеийн туршилтыг гүйцэтгэжээ. Уг туршилтыг гүйцэтгэхийн тулд 174 см өндөртэй, 74 кг жинтэй чүүчил ашигласан бөгөөд 17 удаа уг чүүчлийг өндрөөс унагаахад нэг ч удаа хоёр давхрын тагтыг мөргөж, шүргээгүй байна. Мөн бидний нэвтрүүлэгт гарсанчлан уг чүүчил 4 давхарын тагтны чанх дор байрлах цахилгаан генераторын дээрээс цөм унажээ. Энэхүү туршилтаар хэргийн газарт анх очсон цагдаагийн алба хаагчийн эхний таамаг бүрэн няцаагдсан бөгөөд талийгаач өндрөөс унасан бус түүний амь насыг хэн нэгэн хөнөөгөөд цогцсыг өндрөөс унасан байдалтай харагдуулахаар аваачиж хаясан байж болзошгүй гэдэг таамгийг төрүүлж байна. Хүн өндрөөс унах үед өмсөж явсан хувцас нь зурагт харагдаж байгаа шиг хэзээ ч сөхөгддөггүй бөгөөд харин цогцсыг чирэх дамжлан өргөх үед л ингэж сөхөгддөг юм байна. Энэхүү хэргийг илрүүлэхээр Монголын урдаа барьдаг мөрдөгч нар ажиллаж буй тул гэм буруутай этгээд хэрвээ байх аваас тэр хүн илрэх нь цаг хугацааны асуудал биз ээ" гэжээ. Улаанбаатар хотоос 3 мөрдөгч, Архангай аймгийн Цагдаагийн газрын алба хаагчид, Архангай аймгийн Шүүх Шинжилгээний Үндэсний хүрээлэнгийн алба хаагчид нийлж, нийт 10 гаруй хүний бүрэлдэхүүнтэй баг ажиллажээ.

ӨВС ТЭЖЭЭЛИЙН НӨӨЦ БҮРДҮҮЛЖ БАЙНА

11 / 15 0 сэтгэгдэл 229 үзсэнe

Манай аймгийн хувьд энэ жил зуншлага, намаржилт тааруу байж, орон нутгийн мал аж ахуйн салбар, малчдын хувьд өвөлжилт, хаваржилт хүндрэх нөхцөл байдал үүсээд байна. Цаг үеийн нөхцөл байдал, болзошгүй эрсдэлийг хохирол багатай даван туулахад чиглэсэн олон талт арга хэжээг орон нутгийн хэмжээнд шуурхай зохион байгуулан ажиллаж байна. Энэ хүрээнд Говийн оюу хөгжлийг дэмжих сан, түүний Удирдах зөвлөлөөс аймаг сумдын өвс, тэжээлийн аюулгүйн нөөц бүрдүүлэлтэд зориулан батлагдсан хандивын хөрөнгө оруулалтаар 15 сумын өвс тэжээлийн аюулгүйн нөөцөд нийт 611.2 тонн өвс, аймгийн өвс тэжээлийн аюулгүйн нөөцөд 277.8 тонн ногоон тэжээл татан төвлөрүүлэх ажлыг эхлүүлээд байна. .

ҮҮНИЙГ Л “ШИНЭ СЭРГЭЛТ” ГЭХГҮЙ БОЛ ЮУГ СЭРГЭЛТ ГЭХ ВЭ?

11 / 11 7 сэтгэгдэл 2 823 үзсэнe

Х.Хэрлэнтэй “УБТЗ” нэг жилийн дотор юу болж өнгөрөв? Х.Хэрлэн болон түүний багийг “төмөр замын түгжрэлийн үе” угтсан гэж хэлж болно. Түгжрэлийг зөв оношлож “эмчлэх”-ээс ажил нь эхэлсэн. Үүнийг яаж хийсэн бэ? Өнгөрсөн оны 11 дүгээр сарын 28-нд БНХАУ цар тахлын халдварыг хумих зорилгоор төмөр замаар зөвхөн чингэлэгтэй ачаа авна гэсэн “тээг” тавьсан. Энэ нь галт тэрэг солилцоог огцом буурахад хүргэж УБТЗ-ын тээврийн орлого тасарч санхүүгийн эрсдэлд орчихоод байв. Ингээд шинээр томилогдсон “УБТЗ”-ын удирдлагын баг маш хурдан хугацаанд ажилдаа дасах, менежментийн хурд, “маневр”-ийг харуулах шаардлагатай болсон. Замын-Үүд-Эрээн өртөө хоорондын хоногийн галт тэрэг солилцоо 4-хөн болтлоо буураад байсан үе шүү дээ. Хятадын талтай тогтмол цахим уулзалтууд хийж баахан албан бичиг “шидэлсээр” ердөө 20-хон хоногийн дотор буюу 2022 оны 1 дүгээр сарын 19-нөөс эхлэн хоногт 10 галт тэрэг болгон нэмэгдүүлсэн. Үүнээс найман сарын дараа хоногт 14 галт тэрэг, өнгөрсөн сараас эхлэн хоногт 15 галттхэрэг солилож УБТЗ-ын тээврийн орлогын алдагдлыг бууруулж улсын хэмжээнд экспортын тээврийн хэмжээг нэмэгдүүлж ямар ч байсан “түгжрэл”-ийг зассан юм. Х.Хэрлэнг “төмөр замчин биш” гэсэн гоочлол ч ажлын үр дүнг нь хараад намдаж ямаршуухан менежер болохыг нь харлаа. “Газар дээр нь” гэдэг шиг Замын-Үүд өртөөн дээр нь бараг дөрвөн сар өртөө, зөрлөгийн замыг тэгнэж саатчихаад байсан 1100 задгай вагонд ачсан экспортын нүүрсийг бүтэн 8 сарын “хориг” тавьчихаад байхад нь Хөх хотын төмөр замын компанитай ярьж тохирсноор Эрээн өртөөнд хүлээлгэж өгөх асуудлыг яаралтай шийдвэрлэв. Үр дүнд нь 71500 тонн нүүрс хаягдал болж олон компанийг өр төлбөрт орох эрсдлээс хамгаалсан. Үүнтэй зэрэгцүүлэх Хятадын төмөр замын нарийн царигийн вагонд Хятадын эзэмшлийн чингэлгүүдийг ачих болсноор галт тэрэг солилоцоог нэмэгдүүлж, импортын чингэлгийн вагоны хангалтыг сайжруулах нөхцөл бүрдсэн. Тяньжин дахь түгжрэлийг хэрхэн оношилж эмчлэв? Гэвч “Байхгүйн зовлон” өргөс авсан мэт алга болохгүй учраас “түгжрэл” үргэлжилсээр. Тяньжинд бөөгнөрсөн импортын чингэлгийг яаралтай татан авах үүргийг Засгийн газар, ЗТХЯ-наас өгсний дагуу дахиад “шуурхай” маневрын төлөвлөгөөгөө зурж ажилласнаар өнөөдрийн байдлаар 619 галт тэргээр 61894 чингэлэг тээвэрлээд байна гэсэн дүн мэдээтэй байна. Тяньжинд хуримтлагдсан чингэлгийн тоо 1310 болтлоо буурч хэвийн түвшинд хүрэх нь энэ. Үүнийг хийхдээ Гаалийн ерөнхий газар, Тээвэр зуучуудын холбоо болон хувийн вагонтой ААН-үүдтэй хамтарч ажиллаж чадсаны дүнд өнөөдрийн байдлаар импортын чингэлгийн тээвэрт УБТЗ-ын 515 вагон, хувийн эзэмшлийн 1230 вагон, транзит тээврийн 1390 вагоныг ашиглаж байна. Ингэснээр УБТЗ-аар тээвэрлэгдэж байгаа импортын чингэлэгтэй ачаа өнгөрсөн жилүүдийнхтэй харьцуулахад 178 хувиар, энэ 10 дугаар сарын байдлаар өнгөрсөн оны мөн үеийнхээс 18.5 хувиар өссөн үзүүлэлттэй байгаа нь УБТЗ-ын хамт олон эдийн засгийн хүндрэлийн “халуун цэг” дээр ажиллаж байгааг харуулж байна. “УБТЗ” ХНН-ийн хувь нийлүүлэгч байгууллагуудын олон жил ярьсан тээврийн тарифыг индексжүүлэх замаар санхүүгийн алдагдлыг багасгах, улмаар ашигтай ажиллуулах асуудлыг Х.Хэрлэнгийн багийнхан бодит ажил хэрэг болгож энэ оны 3 дугаар сарын 27-ноос эхлэн 11 төрлийн тээврийн тарифыг индексжүүлэн нэмэгдүүлсэн. Мөн энэ сарын 1-нээс эхлээд зэс, зэсийн баяжмал, экспортын нүүрс, зорчигч тээвэр гэсэн таван төрлийн тээврийн тарифыг 15-20 хувиар индексжүүлэн нэмлээ. Энэ нь тээврийн алдагдлыг бууруулах, тус байгууллагын санхүүгийн алдагдлыг олон арван тэрбум төгрөгөөр бууруулах боломж нээгдсэн гэсэн үг юм. Хос төмөр замын эхлэл Ямар ч байсан Х.Хэрлэн дарга хоёр хөрштэй учраа ололцож УБТЗ-ыг ашигтай ажиллуулах яриа хэлэлцээнд санасандаа хүрч чадаад байна. Энэ оны эхээр Хөх хотын төмөр замын дарга Дай Хунтай цахимаар уулзахдаа Эрээн өртөөг өргөтгөх, Эрээн-Жинин хоорондын төмөр замын нэвтрүүлэх чадавхийг нэмэгдүүлэх тухайгаа тохирч Замын-Үүд-Эрээн өртөөгөөр хоногт өргөн царигаар 20 хос галт тэрэг солилцох асуудлыг техникийн хувьд шийдчихсэн. Ингэснээр Замын-Үүдээр нэвтрэх манай экспортын ачааны хэмжээ 50 орчим хувиар нэмэгдэнэ. Мөн “РЖД” НХН-ийн ерөнхий захирал О.Белозёровтой 2-р сард уулзахдаа Наушки-Улаан-Үдийн хооронд замын өргөтгөл шинэчлэлийн ажлыг эхлүүлэхээр болсон. Үүний дүнд Сүхбаатар-Наушки өртөөгөөр хүлээлгэн өгөх хос галт тэрэгний тоо 10 байсан нь 14 болон нэмэгдэж Монголоор дамжин өнгөрөх тээврийн хэмжээ нэмэгдэнэ. Л.Оюун-Эрдэнийн Засгийн газрын гол “туг” болсон Шинэ сэргэлтийн бодлогод тусгагдсан Боомтын сэргэлт хүрээнд төмөр замын салбар дээрх чамлахааргүй шинэчлэл, ахиц дэвшлүүдийг үзүүллээ. Эдгээрийнх нь “оргил” нь гэвэл хос төмөр замын асуудал ажил хэрэг болж байгаа явдал юм. УБТЗ-ынхан гол төмөр замынхаа хажуугаар хоёрдогч зам барьж хос төмөр замтай болох ажлыг Замын-Үүд 2-Шаргын овоо хоорондын 14.2 км замыг хос болгохоос эхэлсэн. Мөн Замын-Үүд-Эрээний хооронд нарийн царигийн хоёр дахь замыг барьж ашиглалтад оруулахаар ажиллаж байна. Авлигыг цахимаар ялсан нь… Одоо хамгийн халуун цэг рүү оръё. Энэ бол олон хүний ашиг сонирхол, баяжиж хөлжсөөр ирсэн “замнал”-тай холбоотой “тэмцэл” байлаа гэж…Төмөр замын ачаа тээврийн захиалга гэж хамгийн их хардлага дагуулсан, хардахаас ч аргагүй авлигын халуун цэг байв. Энэ авлигатай тэмцэх ганц гарц нь хүний оролцоогүй болгох, ил тод нээлттэй дэлгэх л зам байсан. Товчхондоо гуравхан хүн ширээ тойрч суугаад л хэний ачаа тээврийг хэзээ нэвтрүүлэхийг шийддэг, бусад нь “таалалд нийцэхээ” хүлээгээд хоног тутамд талбайн хөлс төлөөд талбайн эздийг баяжуулаад хохироод хүлээж суудаг байсан. Хуваарьт арайхийн багтсан ч хэн нэгэн дарга сайдаар овоглосон захиас даалгавартайгаар шууд “дээрэмдээд” хуваарьтай вагоноо алдчихдаг байж. Тиймээс экспортын тээврийн захиалга болон ачилтын дарааллыг цахим системд шилжүүлсэн. Одоо УБТЗ-аас вагон олголт, хуваарилалтад хөндлөнгөөс ямар ч том дарга цэрэг оролцох боломжгүй зөвхөн вагон эзэмшигчдээс ачилтын захиалгыг цахимаар авч, өөрийн эзэмшлийн вагонгүй иргэн, ААН-үүд экспортын ачилт хийлгэхээр бол хувийн вагон эзэмшигчдэд хандахаас өөр гарцгүй болсон. Энэ нь авлига хүнд суртлыг арилгаж, удаан хугацаанд үндэслэлгүйгээр хөрөнгөжиж ирсэн, ашиг сонирхлын сүлбээтэй гинжин холбоог тас цохиж сандаргасан байж мэдэх ч иргэд, ААН-үүд туйлаас ам сайтай байна. Хэний ч хийж чадаагүй энэ арга барил, цахим систем өнөөдрийн байдлаар УБТЗ-аар үйлчлүүлэгч 560 гаруй байгууллага, ААН-ийг хамруулаад байгаа бөгөөд “манай ачаа хэзээ гарах вэ” хэмээн царайчилж, илүү орлого буюу авлига санал болгох бус цахимаар хуваарилсан цаг хугацаа, өгөгдсөн вагоныг бүгдэд харагдаж буй самбараас хараад түүнийгээ мөрдөж буй нь нисэх буудлын онгоц хөөрөх, буух хуваарийн нэгэн адил хэн ч зөрчих, хэнийг ч хардах хэрэггүй болгосон маш зөв алхам мөн. Хэрэв үүнийг эрт хийсэн бол нүүрс тээврийн үнэ “нисэж”, аманд багтамгүй авлигын хэмжээ өсөж хэсэг бүлэг хүмүүсийг хуульгүй мэт баяжуулахгүй л байх байж. Гэвч оройтсон ч гэсэн зөв алхмыг эхэлсэн нь сайн хэрэг. Ингээд авлигагүй аргаар экспортын тээвэр, хос төмөр замаар зөөгдөж хүнд сурталгүй, хурдан шуурхай тээвэрлэгдэн экспортын хэмжээ нэмэгдэх болсныг л “Боомтын сэргэлт”, “Шинэ сэргэлтийн бодлого” гэхгүй бол юуг “Боомтын сэргэлт”, “Шинэ сэргэлтийн бодлого” гэх вэ?

“FLORAISON” HIGH FASHION SHOW 2023 ХОЁР ДАХЬ ЖИЛДЭЭ ЗОХИОН БАЙГУУЛАГДАХ ГЭЖ БАЙНА

11 / 10 0 сэтгэгдэл 598 үзсэнe

Монголын хувцас загварын урлагийг дотоод болон гадаадад сурталчлан таниулах, дизайнер, загвар өмсөгч, үндэсний үйлдвэрлэгчдийн үнэлэмжийг өсгөх, тэдгээрийн брэнд бүтээгдэхүүнийг олон улсад гарган эдийн засгын эргэлтэнд оруулах зорилгоор энэхүү арга хэмжээг зохион байгуулдаг билээ. Шоугаар 20 орчим загвар зохион бүтээгчийн 300 гаруй бүтээлийг танилцуулагдана. Энэ жилийн “FLORAISON” HIGH FASHION SHOW 2023 арга хэмжээ нь 2022.11.26 буюу Улс тунхагласны баяр, бүх нийтийн амралтын өдөр тохиож байгаа бөгөөд Монголын хувцас загварын салбарын шилдэг дизайнерууд үндэсний үйлдвэрлэгчид, бүхий л топ модель, үе үеийн тэргүүн миссүүд оролцож байгаагаараа онцлог юм. Тус арга хэмжээнд төр засаг, бизнес, урлаг соёлын төлөөлөл, элчин сайдууд, олон улсын байгууллагын удирдлагууд зэрэг нэр хүндтэй эрхэмүүд зочноор оролцдог бөгөөд вип тасалбар нь 250$ -оор худалдаалагдана. Хувцас загварын гайхалтай бүтээлүүд энэ үдэш тайзнаа амилах бөгөөд улаан хивсний ёслол,олон сонирхолтой энтертайнмент хөтөлбөр таны сэтгэлийг баясгах болно. “FLORAISON” HIGH FASHION SHOW 2023 2022.11.26 –нд 18:00 цагт Corporate Convention Center Нэмэлт мэдээлэл авах: 9910-7571 9910-3108 “FLORAISON” HIGH FASHION SHOW 2023 арга хэмжээний Ерөнхий зохион байгуулагч: Princess Fashion Mongolia white-space:pre-wrap;font-family:'Segoe UI Historic', 'Segoe UI', Helvetica, Arial, sans-serif;color:rgb(5,5,5);font-size:15px;font-style:normal;font-weight:400;letter-spacing:normal;text-align:left;text-indent:0px;text-transform:none;word-spacing:0px;background-color:rgb(255,255,255);"> Дэмжигч: Соёлын Яам Хамтран зохион байгуулагч: Miss Mongolia association "> PIAA Studio & Top Masters Shijir association