"НАРАН ТРЕЙД" БОЛОН ОРШИН СУУГЧДЫН МАРГАЖ БУЙ АСУУДАЛД НИЙСЛЭЛЭЭС ШИЙДВЭР ТАНИЛЦУУЛЖ БАЙНА
НИЙСЛЭЛЭЭС "НАРАН ТРЕЙД" БОЛОН ОРШИН СУУГЧДЫН МАРГААНЫ АСУУДАЛД ГАРГАСАН ШИЙДВЭРИЙГ ТАНИЛЦУУЛЖ БАЙНА.
“ТӨРИЙН БАЙГУУЛЛАГЫН АВЛИГАД ӨРТӨЖ БОЛЗОШГҮЙ АЖЛЫН БАЙРНЫ СУДАЛГАА”-Г ХИЙЖ БАЙНА
Авлигатай тэмцэх газрын Судалгаа шинжилгээний алба нь 2022 оны 11 дүгээр сарын 7-11-ний өдрүүдэд иргэн, хуулийн этгээдээс ирүүлсэн 80 өргөдөл, гомдлыг хүлээн авч, харьяалах чиг үүргийн нэгжид хүргүүллээ. Хүлээн авсан өргөдөл, гомдол, мэдээллийн 63.8 нь авлигын гэмт хэргийн шинжтэй бөгөөд хүний нөөц томилгоо, төсвийн хөрөнгийн зарцуулалттай холбоотой гомдол давамгайлж байв. Өнгөрсөн долоо хоногт авлигыг мэдээлэх 110 тусгай дугаараар 224 дуудлага хүлээн авчээ. Тус алба "Шударга байдлын үнэлгээ", "Монгол Улс дахь авлигад нөлөөлж буй хүчин зүйлийн динамик загвар боловсруулах нь", "Төрийн байгууллагын авлигад өртөж болзошгүй ажлын байрны судалгаа" зэрэг судалгааны ажлыг гүйцэтгэж байна.
ЕТГ: “ЧИНГИС ХААН“ ОДОНГ ЭМЧ Б.БОЛДСАЙХАНД ГАРДУУЛАХААР БОЛСОН ГЭДЭГ НЬ ТАШАА МЭДЭЭЛЭЛ БӨГӨӨД ШАГНАГДАХ ХҮНИЙГ ДАВАА ГАРАГТ ЗАРЛАНА
Монгол бахархлын өдөр 11-р сарын 24-нд тохионо. Уламжлалын дагуу гардуулдаг Төрийн дээд, тэргүүн зэргийн Чингис Хаан одонг эмч Б.Болдсайханд гардуулахаар болсон талаар мэдээлэл гараад буй. Энэ талаар Ерөнхийлөгчийн Тамгын газрын Хэвлэл мэдээлэл, олон нийттэй харилцах албанаас тодруулахад "“Чингис хаан“ одонг эмч Б.Болдсайханд олгохоор болсон гэдэг нь ташаа мэдээлэл. Журмаараа шагнагдах хүнийг ирэх Даваа гарагт буюу шагнал гардуулахаас 4 хоногийн өмнө зарлана. Нууцын зэрэглэлд байгаа учраас одоогийн байдлаар уг одонг хэнд олгох нь тодорхойгүй. " хэмээв. Их эзэн Чингис хаан мэндэлсэн Монгол бахархал өдрөөр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан иргэдийг Монгол Төрийн дэд шагнал-тэргүүн зэргийн одон "Чингис хаан" одонгоор шагнадаг журамтай юм. Энэ журмын дагуу эмч Б.Болдсайхан тус шагналыг олгох боломжгүй ажээ.
ШИНЭ ОРОН СУУЦНЫ ҮНЭ 3.6 САЯ ТӨГРӨГТ ХҮРЧЭЭ
Орон сууцны үнэ аравдугаар сарын байдлаар өмнөх оны мөн үеэс 4.3 хувиар өссөн байна. Улаанбаатар хотын орон сууцны үнэ 2022 оны аравдугаар сард өмнөх оны мөн үеэс 4.3 хувиар, өмнөх сараас 0.2 хувиар тус тус өсчээ. Үндэсний статистикийн хорооноос мэдээлснээр, өнгөрсөн сард шинэ орон сууцны 1 метр квадрат талбайн дундаж үнэ 3.30 сая төгрөг болж, Сүхбаатар дүүрэгт хамгийн их буюу 3.65 сая төгрөг байна.
ШҮҮХ Д.МОНГОЛХҮҮД ЦАХИМ ГАВ ЗҮҮХ ШИЙДВЭРИЙГ ГАРГАЛАА
Д.Монголхүүг өнгөрсөн тавдугаар сард цагдаагийн албан хаагчдыг ажил үүргээ гүйцэтгэх үед саад болж, биед нь халдсан гэсэн үндэслэлээр жилийн турш оршин суугаа БЗД-ийн нутаг дэвсгэрээс гарахгүй байх шүүхийн шийдвэр гарч байсан. Тэгвэл давж заалдах болон Улсын дээд шүүхийн шийдвэрээр түүнд цахим гав 12 сарын турш зүүж БЗД-ийн нутаг дэвсгэрээс гарахгүй байх шийдвэрийг хэвээр үлдээлээ.
CU СҮЛЖЭЭ ДЭЛГҮҮРИЙГ ШӨХТГ-ААС 5 САЯАР ТОРГОСОН Ч ШҮҮХЭЭС ХҮЧИНГҮЙ БОЛГОЖЭЭ
Сэнтрал экспресс Си Ви Эс ХК-ийн CU сүлжээ дэлгүүрийн кассын үнэ, лангууны үнэ зөрүүтэй байгаа зөрчил илэрсэн тул 5 сая төгрөгөөр торгох торгуулийн арга хэмжээ авсан ч Захиргааны хэргийн шүүх хяналт шалгалт хийхдээ Төрийн хяналт шалгалтын тухай хуулийн дагуу урьдчилж тав хоногийн өмнө мэдэгдэх ёстой байхад шууд очиж шалгасан гэх үндэслэлээр уг шийдвэрийг хүчингүй болгожээ. ШӨХТГ-аас Давж заалдах шатны шүүхэд хандахаа мэдэгдсэн ба Өрсөлдөөний тухай хуулийн дагуу удирдамжтай, төлөвлөгөөтэй, мэдээллийн дагуу, гомдлын мөрөөр хяналт шалгалтуудыг хийдэг гэдгээ дурджээ.
СЭЛБЭ ГОЛЫГ СЭРГЭЭХ, БОХИРДЛЫГ БУУРУУЛАХАД БНСУ-ЫН БАЙГАЛЬ ОРЧНЫ ЯАМТАЙ ХАМТРАН АЖИЛЛАНА
Усны салбарт хамтран ажиллах, түүн дундаа Сэлбэ голыг сэргээх, бохирдлыг бууруулах төслийг дэмжихэд бэлэн байгааг БНСУ-ын Байгаль орчны Сайд Хан Хуа Жин илэрхийллээ. Байгаль орчны салбарын хамтын ажиллагааг улам өргөжүүлж, энэ оны тавдугаар сард БНСУ-д ажлын айлчлал хийх үеэр уур амьсгалын өөрчлөлтийн чиглэлээр хамтын ажиллагааг тэлж, Парисын хэлэлцээрийн 6 дугаар зүйлд заасан хамтарсан арга хэмжээг хэрэгжүүлэх яам хоорондын зохицуулалтыг манай хоёр яам байгуулсан. Энэ нь талуудын Парисын хэлэлцээрийн хүрээнд хүлээсэн үүрэг амлалтыг биелүүлэхэд чухал ач холбогдолтой гэж үзэж байна. Монгол Улсын Байгаль орчин, аялал жуулчлалын яам болон БНСУ-ын Байгаль орчны яам хоорондын Бодлогын зөвлөлдөх 2 дугаар уулзалтыг 2023 оны 1 дүгээр улиралд багтаан зохион байгуулж, хамтын ажиллагааны асуудлуудыг илүү дэлгэрэнгүй хэлэлцэхээр боллоо. Монгол Улсын хувьд 2030 он гэхэд нийт газар нутгийн 30 хувийг тусгай хамгаалалтад авах зорилт тавин ажиллаж байна. Энэ хүрээнд амжилттай хэрэгжиж буй БНСУ-ын Сорагсаны тусгай хамгаалалттай газар, Монгол Улсын Хан Хэнтийн дархан цаазтай газрын эгч дүү паркын харилцааг шинэ түвшинд гаргах зорилгоор Судалгаа, эрдэм шинжилгээний төв байгуулах, түүний сайн туршлагыг үргэлжлүүлэн хоёр орны бусад парк, дархан цаазат газруудыг холбож, хамтран ажиллахаар боллоо. Усны салбарт хамтран ажиллах, түүн дундаа Сэлбэ голыг сэргээх, бохирдлыг бууруулахаар хамтран ажиллахад бэлэн байгааг БНСУ-ын Байгаль орчны Сайд Хан Хуа Жин илэрхийллээ. Усны бохирдлыг бууруулах, ус хэрэглээний үр ашгийг нэмэгдүүлэхэд чиглэгдсэн усны хэмнэлттэй техник, технологи нэвтрүүлэх, хот суурин газар, аялал жуулчлалын бүс нутгийн хаягдал ус цэвэрлэх байгууламжуудыг шинэчлэх, шинээр байгуулах чиглэлээр хамтран ажиллах, усны шинжилгээний лабораторын хүчин чадлыг нэмэгдүүлэх, боловсон хүчний чадавхыг бэхжүүлэх боломжийг эрэлхийлэх хүсэлтэй байгааг мөн илэрхийллээ. Монгол Улс болон БНСУ байгаль орчны салбарт амжилттай хамтран ажиллаж ирснийг дурдахад таатай байна. Монгол Улсын “Алсын хараа-2050”, “Шинэ сэргэлтийн бодлого”-ыг БНСУ-ын “Шинэ Умардын бодлого”-той уялдуулан БНСУ-ын хөрөнгө оруулалтыг татахуйц эдийн засгийн бүтээн байгуулалтын томоохон төсөл, хөтөлбөрийг хэрэгжүүлэхэд Монголын тал онцгой ач холбогдол өгч байна.
ЭНЭ САРД ХҮҮХДИЙН МӨНГӨ, ТЭТГЭВЭР, ТЭТГЭМЖ ОЛГОХ ХУВААРЬ
Нийгмийн халамжийн тэтгэвэр, тэтгэмж, хөнгөлөлт, тусламжийн 2022 оны арваннэгдүгээр сарын олголтын хуваарийг хүргэж байна.
МСНЭ-ЭЭС СЭТГҮҮЛЧ, ЗУРАГЛААЧИЙН БИЕД ХАЛДСАН АСУУДАЛД МЭДЭГДЭЛ ГАРГАЛАА
“Нью Тур” ХХК нь дархан цаазат Богдхан уулын Багатэнгэрийн аманд орон сууц барьж байгаа үйл ажиллагаа нь Төрийн тусгай хамгаалалттай газар нутгийн хуулийг зөрчсөн эсэхийг сурвалжлан, олон нийтийн мэдэх эрхийг хангахаар мэргэжлийн үүргээ гүйцэтгэн ажилласан Tsaihiur.mn сайтын сэтгүүлч, зураглаачийн эсрэг хамгаалалтын албаны ажилчид хүч хэрэглэн олон нийтийн мэдэх эрх ашиг, хэвлэлийн эрх, эрх чөлөөний эсрэг ноцтой үйлдэл хэмээн Монголын Сэтгүүлчдийн Нэгдсэн Эвлэл эсэргүүцэж байгаагаа мэдэгдлээ.Түүнчлэн дээрх шударга бус үйлдэл дахин давтагдахаас сэргийлэх, шударга ёсны төлөө дорвитой ажиллахыг Байгаль орчин, аялал жуулчлалын яам, Хууль зүй, Дотоод хэргийн яам болон төрийн холбогдох байгууллага, албан тушаалтнуудаас шаардаж мэдэгдэл хүргүүллээ.Шаардлагын хариуг нэн даруй өгөхгүй бол МСНЭ манлайлан сэтгүүлчид дараа дараагийн шатны тэмцлийн хэлбэрт шилжинэ хэмээв.
А.АМУНДРА “60 САЯ ТӨГРӨГИЙН ЦЭЦЭГ АВЧ ӨГСӨН” ХЭМЭЭН НЭР ТӨРД НЬ ҮНДЭСЛЭЛГҮЙ ХАЛДСАН ТУЛ ЦАГДААД ГОМДОЛ ГАРГАЖЭЭ
Өчигдөр цахим орчинд хайртай эмэгтэйдээ 60 сая төгрөгийн үнэ бүхий сарнай бэлэглэсэн гэх пост цацагдаж олон нийтийн анхаарлыг их татсан. Өнөөдөр өглөөнөөс эхлэн хэвлэл мэдээллийн хэрэгслээр тухайн 60 сая төгрөгийн үнэ бүхий сарнайг бэлэглэсэн хүн нь Ерөнхий сайдын зөвлөх А.Амундра хэмээн мэдээллээд байсан юм. Тэгвэл тус цэцэг илгээсэн хүн нь А.Амундра биш гэдгийг Монголын өмгөөлөгчдийн холбооны гишүүн О.Санчирбал буюу түүний өмгөөлөгч мэдэгдэж, цагдаад хандаж худал мэдээлэл тараасан этгээдэд хуулийн хариуцлага хүлээлгэхийг хүсчээ. Тус мэдэгдэлд, "Монголын Өмгөөлөгчдийн холбооны гишүүн О.Санчирбал би А.Амундрагийн эрх, хууль ёсны эрх ашгийг хамгаалан өмгөөлөгчөөр ажиллаж байна. Миний үйлчлүүлэгч иргэн Амартүвшин овогтой Амундра нь эхнэр 3 хүүхдийн хамт Чингэлтэй дүүргийн 3-р хороо, 2-р 40 мянгатын гудамж, 18. дугаар байрны 1 тоотод оршин суудаг. 2022 оны 11 дүгээр сарын 14-ний өдөр “...хэн нэгэн этгээд найз бүсгүйдээ 60 сая төгрөгийн үнэ бүхий цэцэг хүргүүлсэн” тухай мэдээлэл олон нийтийн сүлжээнд тарж эхэлсэн бөгөөд 2022 оны 11 дүгээр сарын 15-ны өдөр “Ерөнхий сайд Оюун-Эрдэнийн зөвлөх А.Амундра 60 сая төгрөгийн сарнайгаар бэлэг барьжээ! гэсэн агуулга, гарчиг бүхий мэдээллүүд нийтдээ 100 гаруй сайтаар зохион байгуулалттайгаар тараад байна. Миний үйлчлүүлэгч уг үйл явдалтай ямар ч хамааралгүй бөгөөд энэхүү худал мэдээллээс болж түүний гэр бүлд үл ойлголцол үүсэх бодитой нөхцөл бүрдлээ. Өөрөөр хэлбэл түүний эхнэр, 3 хүүхдэд нь муугаар нөлөөлж сэтгэл санаа, эрүүл мэндэд нь хохирол учирч эхлээд байна. Цаашилбал ерөнхий сайдын зөвлөх нь 60 сая төгрөгөөр цэцэг авдаг мэтээр ойлгуулж, эдийн засгийн хямралтай хүнд хэцүү үед ард иргэдийн сэтгэл зүйд худал мэдээллээр бухимдал үүсгэж байна. Нөгөөтэйгүүр А.Амундра нь Ерөнхий сайдын зөвлөхөөр огт ажилладаггүй талаар дурдаж байна. Энэхүү үйл явдлын өрнөлийг харахад санамсаргүй үйл явдал биш бөгөөд зарцуулсан хөрөнгө, мэдээлэл түгээж буй хэлбэр зэргийг харахад зориуд зохион байгуулалттай хэмээн харагдаж буй юм. Иймд энэхүү үйл явдлыг шалгаж, эрүүгийн хуулийн 13.14 дүгээр зүйд заасан “Худал мэдээлэл тараах” гэмт хэргийн шинжтэй үйлдлийн эзэн холбогдогчийг тогтоож, хуулийн хариуцлага хүлээлгэж өгөхийг хүсье" гэжээ.
