УЛААНБААТАР ХОТОД ТӨРИЙН ҮЙЛЧИЛГЭЭНИЙ 18 “ХУРДАН” ЦЭГИЙГ БАЙГУУЛААД БАЙНА

05 / 02 0 сэтгэгдэл 524 үзсэнe

Монгол Улсын Засгийн газраас авлигатай тэмцэх чиглэлээр санаачилсан “5Ш” хөтөлбөрийн “Шил” ажиллагаа нь иргэн нь төрөө шууд хянаж, Нийтийн мэдээллийн ил тод байдлын тухай хуулийг хэрэгжүүлэх зорилготой. Уг ажиллагааг олон нийтэд таниулах, төрийн албан хаагчдад цахим шилжилтийн талаар мэдээлэл өгөх үүднээс Цахим хөгжил, харилцаа холбооны яам (ЦХХХЯ), НЗДТГ-аас хамтран зохион байгуулж буй "Шилэн төр, цахим шилжилтэд таны оролцоо" сэдэвт цуврал уулзалт өнөөдөр Налайх дүүрэгт боллоо. Уулзалтад ЦХХХ-ны сайд Н.Учрал, Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Налайх дүүргийн Засаг дарга Ч.Раднаабазар тэргүүтэй холбогдох албаныхан оролцов. Уг уулзалтаар ЦХХХ-ны сайд Н.Учрал “Шил” ажиллагааны хүрээнд хэрэгжүүлж буй ажил, үүнээс гарч буй үр дүн, “Шинэ сэргэлтийн бодлого”, тэр дундаа Төрийн бүтээмжийн сэргэлтийн талаар Налайх дүүргийн төрийн албан хаагчдад танилцуулсан юм. Тэрбээр “Нийслэлийн удирдлагуудтай хамтран нэг цэгийн үйлчилгээг операторын горимд шилжүүлэх ажлыг амжилттай зохион байгуулж байгаа. Одоогоор Улаанбаатар хотод төрийн үйлчилгээний 18 “ХурДан” цэгийг байгуулаад байна. Цаашид нийт 61 цэгийг байгуулахаар төлөвлөсөн. Төрийн үйлчилгээг иргэдэд ойртуулж, иргэдийн тоон гарын үсгийн хэрэглээг нэмэгдүүлснээр түгжрэл, төвлөрлийг бууруулахад тодорхой хэмжээгээр нөлөөлнө гэж үзэж байгаа. Төрийн үйлчилгээг гар утас, нэг цэгийн үйлчилгээний төв, оператор, ТҮЦ, киоск машин зэрэг бүх төрлөөр авах боломжийг бүрдүүлнэ” гэв. Нийслэлийн Засаг дарга бөгөөд Улаанбаатар хотын Захирагч Д.Сумъяабазар нийслэлийн хэмжээнд хэрэгжүүлж буй цахим шилжилтийн бодлогыг танилцуулав. Мөн тэрбээр “Өнөөдөр Нийслэлийн удирдах ажилтнуудын шуурхай зөвлөгөөнийг Налайх дүүргээс удирдан зохион байгуулсан. Энэ хүрээнд Налайх дүүрэгт тулгамдаж буй хөрөнгө оруулалт, бүтээн байгуулалтын ажлуудыг эрчимжүүлэх, үүсээд буй асуудлуудыг яаралтай шийдвэрлэх, төсвийг нягтлан харахыг холбогдох албаныханд даалгасан. Мөн Монгол Улсын Засгийн газраас “5Ш” хөтөлбөр буюу авлига, хүнд сурталтай тэмцэх ажилд онцгойлон анхаарч байна. Нийслэлийн зүгээс ч цахим шилжилтийг эрчимтэй хийж, технологийн тусламжтайгаар авлига, хүнд суртлаас ангижирч, төрийн үйлчилгээний бүтээмжийг сайжруулахаар зорьж байгаа. Төрд сэтгэл дэвсэн, сайн ажиллаж буй чадварлаг залуучууд олон бий. “5Ш” хөтөлбөрийн үр дүнд төрийн албан хаагчдын унасан нэр хүнд сэргэнэ гэж үздэг. “Шил” ажиллагаа бол төрийн хэмнэлт, санхүүгийн хэмнэлт, цаг хугацааны хэмнэлтийг бий болгох давуу талтай” хэмээж байлаа. Түүнчлэн хөдөөгийн сэргэлтийг хийж байж хотын сэргэлтийг эрчимжүүлэх бөгөөд үүний тулд хөдөө, орон нутгийн албан хаагчдын цалинг нэмж, амьдрах нөхцөлийг сайжруулах ёстойг онцолж байв. Төрийн бүтээмжийн сэргэлтийн хүрээнд төрөөс үзүүлэх үйлчилгээг цахимжуулж, төрийн хүнд суртлыг бууруулах, төрийн өмчит аж ахуйн нэгжүүдийн үр ашиг, засаглалыг сайжруулж, олон нийтийн шууд хяналтад оруулна гэхчлэн тусгасан байдаг. Үүнийг төрийн албан хаагчдад таниулах, “Шил” ажиллагааны талаар ойлголт өгөх үүднээс “Шилэн төр, цахим шилжилтэд таны оролцоо” цуврал уулзалтыг дүүрэг бүрд зохион байгуулж байна.

“ШИЛЭН ТӨР, ЦАХИМ ШИЛЖИЛТЭД-ТАНЫ ОРОЛЦОО” УУЛЗАЛТ БАЯНГОЛ ДҮҮРЭГТ БОЛЛОО

04 / 27 0 сэтгэгдэл 156 үзсэнe

Монгол Улсын Засгийн газраас 2023 оныг Авлигатай тэмцэх жил болгон зарлаж, Төрийн байгууллагын үйл ажиллагааны ил тод байдлыг хангах, үйлчилгээний хүртээмжийг нэмэх, бизнес эрхлэх орчныг сайжруулж, тусгай зөвшөөрлийг олгох үйл явцыг цахимжуулах чиглэлээр “Шилэн төр, цахим шилжилтэд-Таны оролцоо” сэдэвт уулзалтыг нийслэлийн 9 дүүрэг, 21 аймагт цувралаар зохион байгуулж буй. Тэгвэл Монгол Улсын Засгийн газар, ЦХХХЯ, НЗДТГ-аас хамтран зохион байгуулж буй “Шилэн төр, цахим шилжилтэд таны оролцоо” уулзалт өнөөдөр (2023.04.25) Баянгол дүүрэгт боллоо. Уулзалтад ЦХХХ-ны сайд Н.Учрал, Төрийн нарийн бичгийн дарга Б.Батцэцэг, тус яамны харьяа газар, хэлтсийн удирдлагууд, Нийслэлийн Засаг даргын орлогч Ж.Сандагсүрэн, Дүүргийн ЗДТГ-ын дарга Б.Нарангэрэл болон харьяа хэлтэс, байгууллагын удирдлагууд, 34 хорооны Засаг дарга болон төрийн албан хаагчид оролцлоо. Уулзалтын эхэнд ЦХХХ-ны сайд Н.Учрал Монгол Улсын Засгийн газраас хэрэгжүүлж байгаа “5Ш” ажиллагааны үндэс суурь болон цахим шилжилтийн хүрээнд Монгол Улсын Засгийн газраас авч хэрэгжүүлж байгаа арга хэмжээ, бодлого, сүүлийн үед тус яамнаас авч хэрэгжүүлж байгаа арга хэмжээний талаар мэдээлэл өглөө. Мөн Шилэн төрийг бий болгох “Шилэн” ажиллагааны үр дүнд далд нууц мэдээллүүд ил болж иргэд төрийн үйл ажиллагааг хянах боломж бүрдэж байгаа төдийгүй цахим шилжилтийн үр дүнд хүнд сурталгүй, ашиг сонирхолгүй, авлигагүй төр төлөвших, энэ нь эргээд иргэдийн амьдралд эерэг нөлөөлөх, өөрчлөлтийг бий болгоно гэдгийг онцлоод "Шилэн төр, цахим шилжилт”-ийн хүрээнд хийхээр төлөвлөсөн онцлох ажлуудаа танилцууллаа. Мөн Баянгол дүүрэг шилэн индекс буюу нээлттэй мэдээллийн ил тод үнэлгээгээр дүүргүүдээсээ хоёрдугаарт буюу 74.64 хувиар тэргүүлжээ. Түүнчлэн Нийслэлийн Засаг даргын орлогч Ж.Сандагсүрэн нийслэлийн хэмжээнд хийж буй цахим шилжилтийн талаар мэдээлэл өглөө. Тэрбээр “Улаанбаатар хотыг авлигаас ангид байлгах, зардал чирэгдлийг бууруулах, төрийн хүнд суртлыг багасгах чиглэлээр олон ажил хэрэгжүүлэхээр төлөвлөсөн. Энэ ажлын хүрээнд “Онлайн бизнес төв”, “E-School” систем, хэсгийн ахлагч нарын систем, өрхийн эмнэлгийн цаг захиалах систем, “UB map” газрын зургийн систем зэрэг томоохон төслүүдийг эхлүүлсэн талаар мэдээлэл өглөө. Мөн нийслэлд хэрэгжүүлж байгаа томоохон төслүүд, хийж хэрэгжүүлж байгаа бүтээн байгуулалтын ажлын талаар тодорхой мэдээллүүдийг өгсөн юм. Энэ үеэр хороодын Засаг дарга нар Өрхийн мэдээллийн сан, төрийн үйлчилгээний хүртээмжийг нэмэгдүүлэх, сайжруулах талаар өөрсдийн саналуудаа хэлж, хариулт авлаа. Уулзалт хэлэлцүүлгийн төгсгөлд дүүргийн ЗДТГ-ын дарга Б.Нарангэрэл ЦХХХ-ны сайд болон Нийслэлийн ЗДТГ-ын холбогдох албан тушаалтнууд дүүрэгт ирж Засгийн газрын Авлигын эсрэг 5Ш ажиллагааны суурь болсон “Шилэн” ажиллагаа, түүний хүрээнд авч хэрэгжүүлж буй арга хэмжээ, бодлого, төлөвлөгөөгөө танилцуулж, төрийн албан хаагчдын санал хүсэлтийг сонссонд талархал илэрхийлсэн юм.

Ц.ХУЛАН НАРТ ХОЛБОГДОХ ХЭРГИЙН ШҮҮХ ХУРАЛ МАРГААШ БОЛНО

04 / 24 0 сэтгэгдэл 566 үзсэнe

Ц.Хулан Б.Отгонбаатар нарт холбогдох хэргийг хэлэлцэх шүүх хуралдааныг маргааш буюу дөрөвдүгээр сарын 25-ны өдрийн 10:30 цагт товлогдсон. Эргэн сануулахад нийслэлийн Прокурорын газраас яллагдагч Ц.Хулан, Б.Отгонбаатар нарыг Эрүүгийн хуулийн тусгай ангийн 19.4 дүгээр зүйлийн 1 дэх хэсэгт зааснаар /Гадаадын тагнуулын алба, байгууллага, иргэнтэй хууль бусаар хамтран ажилласан/ эрүүгийн хэрэг үүсгэж, яллагдагчаар татан, яллах дүгнэлт үйлдэж ирүүлсэн /12 хавтаст/ хэргийг шүүх өнгөрөгч гуравдугаар сарын 21-нд хүлээн авсан юм.

ЭНЭ САРЫН 24-26-НД ЗАМЫН ХӨДӨЛГӨӨНИЙГ ТҮР ХЯЗГААРЛАНА

04 / 24 2 сэтгэгдэл 4 781 үзсэнe

Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Польш Улсын Ерөнхийлөгч Анджей Дуда энэ сарын 24-26-ны өдрүүдэд Монгол Улсад албан ёсны айлчлал хийнэ. Айлчлалын үеэр Цагдаагийн байгууллагаас замын хөдөлгөөний хамгаалалт, зохицуулалтыг хийж Чингисийн өргөн чөлөө, Энхтайваны өргөн чөлөө, Бага тойруу, Олимп, Их Монгол Улсын гудамж замуудыг түр хугацаагаар хязгаарлалт хийгдэнэ. Иймд замын хөдөлгөөнд түгжрэл, саатал үүсэж, ачаалал нэмэгдэж болзошгүй тул иргэд та бүхэн бусдад хүндэтгэлтэй хандаж замын хөдөлгөөний дүрмийг баримтлан хамгаалалт зохицуулалтын үйл ажиллагаанд дэмжлэг үзүүлэн, цагдаагийн алба хаагчийн хууль ёсны шаардлагыг биелүүлж, Замын хөдөлгөөнд оролцоно уу?

ӨНӨӨДӨР ЦАХИЛГААН ХЯЗГААРЛАХ БАЙРШЛУУД

04 / 24 0 сэтгэгдэл 1 508 үзсэнe

Өнөөдөр буюу дөрөвдүгээр сарын 24-ний даваа гарагт цахилгаан, шугам сүлжээнд хийх засварын хуваарийг танилцуулж байна. Засвар хийх хугацаанд цахилгаан хязгаарл ах бөгөөд энэ үед хэрэглээгээ түр зохицуулахыг Улаанбаатар цахилгаан түгээх сүлжээ ТӨХК иргэдээс хүслээ.

ЗТХ-ИЙН САЙДТАЙ ХОЛБООТОЙ АСУУДЛААР СЭТГҮҮЛЧИД АТГ-Т ХАНДЛАА

04 / 24 0 сэтгэгдэл 474 үзсэнe

Сэтгүүлчид ЗТХ-ийн сайдад хамаарал бүхий хэргийн холбогдох материалыг АТГ болон Улсын Ерөнхий Прокурорын Газарт хүлээлгэн өгч, мэдээлэл хийлээ. ЗТХ-ийн сайд улсын төсвөөс С.Бямбацогтын хамаарал бүхий компаниудаараа 281 тэрбум төгрөгийн санхүүжилт авсан баримт бүхий матeриалыг бүрдүүлж гүйцэтгэлийг нэхэн шаардаж байна.

“ЭРДЭНЭТ ҮЙЛДВЭР” 141 САЯ ТӨГРӨГӨӨР ГУРИЛ ХӨӨЛГӨГЧ АВАХ ТЕНДЕР ЗАРЛАЖЭЭ

04 / 21 0 сэтгэгдэл 494 үзсэнe

“Эрдэнэт үйлдвэр” ТӨҮГ хэд хэдэн бараа материал худалдан авах тендер зарлаад буй аж. Түүнд 141 сая төгрөгөөр гурил, нарийн боов эсгэх хөөлгөгч авахаар тендер зарлажээ. Тендерийн хүлээн авах хугацаа удахгүй дуусах бөгөөд хялбаршуулсан зарчмаар санал хүлээж авч байгаа хэмээв.Ташрамд дурдахад, “Эрдэнэт үйлдвэр”-ийн 45 жилийн ойд зориулж 4.5 сая төгрөгийн шагналын сантай караокены тэмцээн зохион байгуулах гэж байгаа гэнэ дээ. Тус уралдаанд үйлдвэрийн цех нэгжийн уурхайчид оролцоно.

Өсвөр насны хөвгүүдэд зориулсан"#Хүний эрх, эрх зүйн мэдлэг олгох, #Гэмт хэргээс урьдчилан сэргийлэх" сургалтанд зохион байгууллаа

04 / 21 0 сэтгэгдэл 202 үзсэнe

Тус сургалтанд : Сонгино Хайрхан дүүргийн 122 сургуулийн 200 гаруй сурагч хамрагдлаа . Сургагч багш ; Өмгөөлөгч Бат - Отгон , Batgerel Mankhan Сургалтыг дэмжигч ; Гэмт хэргээс урьдчилан сэргийлэх ажлыг зохицуулах зөвлөл Дүүргийн хэмжээнд хүүхэд хохирсон , хүүхэд оролцсон гэмт хэргийн талаар хүүхдүүдэд мэдээлэл , зөвлөгөө өгч , эрсдэлт нөхцөлд байдаг хүүхэд тус бүртэй тусгайлсан уулзалтыг зохион байгуулсан СХД н Цагдаагийн Нэгдүгээр хэлтсийн хүүхдийн хэлтэс хариуцсан ахлах мэргэжилтэн Ахлах дэслэгч Г . Гантүвшин , ГБХЗГ - н мэргэжилтэн Булган нарт ажлын өндөр амжилтыг хүсэн ерөөе . # СХД - н хувьд Хүүхдийн төлөө - Нэг цэгийн үйлчилгээг бодитойгоор зохион байгуулсан нь хамгийн онцлог байлаа . # Хүүхэд бүрийн төлөө хүн бүр хөдөлмөр , зүтгэл , хүчээ нэгтгэвэл # Хүүхэд # хамгаалал - д бодитой үр дүн гарах юм .

БНХАУ РУУ СУУДЛЫН АВТОМАШИНТАЙ ЗОРЧДОГ БОЛНО

04 / 20 1 сэтгэгдэл 2 188 үзсэнe

Хилийн боомтууд нээгдсэнээс хойш суудлын автомашинаараа БНХАУ руу зорчих иргэд хүсэлт их тавьж байгаа. Тиймээс ЗТХЯ Монгол Улс, БНХАУ-ын хооронд иргэд суудлын автомашинаар зорчих нөхцөлийг бүрдүүлэхээр ажиллаж байгааг хэмээв. Дээрх хүрээнд хоёр талын холбогдох байгууллагын төлөөллийг оролцуулсан уулзалт зохион байгуулж, “Монгол, Хятадын хилийн авто замын боомтоор суудлын автомашин нэвтрүүлэх журам”-ын төслийг танилцууллаа. Журмын төслийг ГХЯ-аар дамжуулан Хятадын талтай тохирохоор ажиллаж байна. Хоёр улсын Засгийн газар хоорондын Автотээврийн хэлэлцээрт суудлын автомашинаар харилцан зорчих зохицуулалтыг тусгахаар ажиллаж байгааг салбарын яамнаас мөн мэдээллээ. Энэ асуудал ажил хэрэг болбол Замын-Үүд, Булган, Бичигт зэрэг урд хөрштэй хиллэдэг боомтуудаар иргэд суудлын автомашинтайгаа чөлөөтэй нэвтрэх бололцоо бүрдэнэ. Боомтын сэргэлтийн хүрээнд Байтаг боомтыг нээж байнгын ажиллагаатай болгосноор баруун хилээр жилд 5 сая тонн нүүрс экспортлох, БНХАУ-ын ШУӨЗО-ы Цонж аймагтай иргэд, ААН-ийн хамтын ажиллагаа өргөжиж, эдийн засаг тэлэх нөхцөл бүрдэх талаар ЗТХЯ-наас мэдээллээ.

ХӨГЖЛИЙН БАНКНЫ ШҮҮХ ХУРАЛД Б.МАХБАЛЫГ ЯЛЛАГДАГЧААР ТАТЖЭЭ

04 / 20 0 сэтгэгдэл 611 үзсэнe

ЗТХЯ-ны Төрийн захиргааны удирдлагын газрын дарга асан Б.Махбал нь 2018 онд тус яамны Хяналт-шинжилгээ, үнэлгээ, дотоод аудитын газрын дарга Т.Г-ийн аминд хүрсэн. Улмаар түүнд шүүхээс 11 жилийн ял оноосон. Тэрбээр хорих байгууллагад ял эдэлж буй. "Хөгжлийн банкны" гэх хэргийн гэм буруугийн шүүх хуралдаан үргэлжилж байна. Тус хуралд хоригдол Б.Махбал нь шүүгдэгчээр оролцож буй тул ял эдэлж байгаа хорих ангиас нь ШШГГХ 461 дүгээр хаалттай хорих ангид шилжүүлэн авч ирсэн. Улмаар уг хорих ангиас хуяглан хүргэлтээр зөөвөрлөн шүүх хуралдаанд оролцуулж байна. Түүнийг эрх мэдэл, албан тушаалын байдлаа урвуулан ашигласан гэх гэмт хэрэгт холбогдуулан яллагдагчаар татжээ.