ЭРЧИМ ХҮЧНИЙ САЙД Б.ЧОЙЖИЛСҮРЭНГИЙН ХАНДИВЫН ДАНСАНД 1.4 ТЭРБУМ ТӨГРӨГ ЦУГЛАРЧЭЭ

06 / 27 0 сэтгэгдэл 432 үзсэнe

Сонгуулийн сурталчилгаа эхэлсэн өдрөөс эхлэн нам, эвсэл болон нэр дэвшигчид хандивын дансаа нээж иргэн болон ААН-ээс мөнгөн хандив цуглуулсан билээ. Хуульд зааснаар Монгол Улсын иргэн 10 хүртэлх сая төгрөгийн хандив өгөх боломжтой бол ААН бол 30 хүртэлх сая төгрөгийн хандив өгөх боломжтой юм. УИХ-ын сонгуулийн 2-р тойрог буюу баруун бүсэд МАН-аас нэр дэвшигч, Эрчим хүчний сайд Б.Чойжилсүрэнгийн хандивын дансанд нийт 1 тэрбум 400 сая төгрөгийн хандив цугларчээ. Тэрбээр үүнээс 438 сая 933 мянга 985 төгрөгийг зарцуулсан байна. Үүнийг задалж үзвэл, -Тараах материал хэвлүүлэх, иргэдэд тараахад 81 сая 220 мянга -Сонгууль эрхэлсэн байгууллагын үйл ажиллагааны зардалд 230 сая 433 мянга 285 төгрөг -Сонгуулийн сурталчилгаанд радио, телевиз ашиглахад 38 сая -Цахим орчин ашиглах зардалд 82 сая 500 мянга -Бусад зардалд 6 сая 780 мянга 700 төгрөг зарцуулсан гэж ҮАГ-ын мэдээлэлд дурджээ.

45 НАСТАЙ ЭРЭГТЭЙ БООМИЛСОН БАЙДАЛТАЙ НАС БАРЖЭЭ

06 / 24 0 сэтгэгдэл 558 үзсэнe

Төв аймгийн Сүмбэр сумын нутагт “боомилсон байдалтай нас барсан хүн байна" гэсэн мэдээллийг зургаадугаар сарын 20-ны өдрийн 14:40 цагт цагдаагийн байгууллагад ирүүлжээ. Хэргийг шалгахад тус газарт оршин суух Р /эрэгтэй 45 н/ нь өөрийгөө боомилж нас барсан байна. Төв аймгийн цагдаагийн газраас уг хэргийг шалгаж байна. Уг эрэгтэй нь Төвийн бүсэд нэр дэвшиж буй Ч.Ундрамын ухуулагчаар ажиллаж байсан тухай холбогдох эх сурвалжууд мэдээлээд буй. Гэр бүлийн маргааны улмаас өөрийгөө боомилсон байх магадлалтай аж.

ГАМШИГ, АЮУЛТ ҮЗЭГДЛИЙН УЛМААС НЭГ ХҮҮХЭД, 11 ТОМ ХҮН НАС БАРЖЭЭ

06 / 24 0 сэтгэгдэл 628 үзсэнe

Улсын хэмжээнд өнгөрсөн долоо хоногт аюулт үзэгдэл, ослын нийт 205 удаагийн дуудлага, мэдээлэл бүртгэгджээ. Үүнтэй холбоотойгоор төв, орон нутгийн онцгой байдлын байгууллагын алба хаагчид үүрэг гүйцэтгэж, 19 иргэний амь насыг авран хамгаалсан байна. Харин гамшиг, аюулт үзэгдлийн улмаас нэг хүүхэд, 11 том хүн нас баржээ. Нийт дуудлагын 112 нь ус цаг уурын гаралтай аюулт үзэгдэл, 66 нь гал түймэр, 26 нь хүний үйл ажиллагаатай холбоотой осол, нэг нь геологийн гаралтай аюулт үзэгдэл байжээ.

ГАДААД ДАХЬ МОНГОЛЧУУДЫН САНАЛ ХУРААЛТ ҮРГЭЛЖИЛЖ БАЙНА

06 / 20 0 сэтгэгдэл 500 үзсэнe

Гадаад улсад байгаа иргэд Монгол Улсын Их Хурлын 2024 оны ээлжит сонгуульд өнөөдрөөс эхлэн 21, 22, 23-ны өдрүүдэд саналаа өгч байна. Санал хураалт хэвийн үргэлжилж байна. Энэ жилийн сонгуульд гадаад улсад байгаа 13095 иргэн сонгуульд саналаа өгөхөөр сонгогчдын нэрийн жагсаалтад бүртгүүлээд байгаа юм. СЕХ-ноос мэдээлснээр бүртгэлийг цахимаар зохион байгуулснаар Монгол Улсын Их Хурлын 2012 оны сонгуультай харьцуулахад санал өгөхөөр бүртгүүлсэн сонгогчийн тоо 3 дахин өссөн аж. Гадаад улсад байгаа сонгогчид Монгол Улсын Их Хурлын 48 гишүүнийг хувь тэнцүүлэн төлөөлөх аргаар буюу нам, эвсэлд саналаа өгөх юм.

НИЙСЛЭЛИЙН ХЭМЖЭЭНД НЭГ САЯ 93 МЯНГАН СОНГОГЧ 513 САНАЛ АВАХ БАЙРАНД САНАЛАА ӨГНӨ

06 / 20 0 сэтгэгдэл 570 үзсэнe

Сонгуулийн ерөнхий хорооны дарга П.Дэлгэрнаран, гишүүн Д.Баяндүүрэн нар Нийслэл, дүүргийн сонгуулийн хорооны хуралдаанд оролцож Монгол Улсын Их Хурлын 2024 оны ээлжит сонгуулийн үйл ажиллагааг зохион байгуулах бэлтгэл ажлын явцын талаар мэдээлэл солилцсон байна. Хуралдаанд нийслэлийн болон есөн дүүргийн сонгуулийн хорооны удирдлага, Нийслэлийн улсын бүртгэлийн газар, Нийслэлийн цагдаагийн удирдах газар, Нийслэлийн онцгой байдлын газар, Улаанбаатар цахилгаан түгээх сүлжээ ТӨХК-ийн удирдлагууд оролцож, бэлтгэл ажлын үйл явцыг мэдээлэв. Сонгуулийн ерөнхий хорооны дарга П.Дэлгэрнаран ил тод, нээлттэй байдлыг бүрэн хангаж ажиглагч, иргэд хяналт тавих боломжийг бүрдүүлэх талаар сонгуулийн хороодын удирдлагуудад чиглэл өгсөн байна. Түүнчлэн хүний эрхийн мэдрэмжтэй, хөгжлийн бэрхшээлтэй иргэдтэй харилцах зөвлөмжийг дагаж ажиллахыг сонгуулийн хороодын ажилтнуудад сануулсан байна. Түүнчлэн сонгогчдын боловсролыг дээшлүүлэх чиглэлээр санаачилгатай ажиллаж, “Сонгогч танаа” гарын авлага болон бусад мэдээллийг сонгогчдод түгээхийг даалгасан аж. Нийслэлийн хэмжээнд нэг сая 93 мянган сонгогч 513 санал авах байранд саналаа өгөх бөгөөд зургаан мянга шахам төрийн албан хаагч ажиллаж байгаа юм. Сонгогчдын нэрийн жагсаалтыг энэ сарын 23-нд эцэслэж, хэсгийн хороодод хүргүүлнэ. Энэ удаагийн сонгуулиар 800 гаруй бүртгэлийн итгэмжлэгдсэн ажилтан ажиллах бөгөөд хоёр мянгаас дээш сонгогчтой хэсгийн хороонд хоёр ажилтан байхыг Нийслэлийн бүртгэлийн газраас мэдээллээ. Үерийн эрсдэл, галын аюулаас сэрэмжилж, зохих бэлтгэлийг хангаж ажиллах зааварчилгааг Нийслэлийн онцгой байдлын газраас өгч, шаардлагатай эд зүйл, тоног төхөөрөмжийг бэлтгэхийг анхааруулсан. Түүнчлэн цахилгаан хангамжийн найдвартай байдлыг хангах зорилгоор Улаанбаатар цахилгаан түгээх сүлжээ ТӨХК-ийн шуурхай үйлчилгээ, засварын 46 бригад зөөврийн цахилгаан үүсгүүртэйгээр ажиллах бөгөөд зарим санал авах байранд нөөц эх үүсвэрийг бэлтгэх шаардлагатайг анхаарууллаа.

ДАРХАНААС ОРХОН АЙМАГ РУУ ЗОРЧИХ ЗАМЫН ХӨВӨӨНД НУРАЛТ ҮҮСЖЭЭ

06 / 20 0 сэтгэгдэл 567 үзсэнe

Сэлэнгэ аймгийн Сайхан сумын нутаг дэвсгэр Дархан-Уул аймгаас Орхон аймаг руу зорчих чиглэлийн улсын чанартай А1001 дугаартай авто замын 23-24 дахь километрт 2024 оны 06 дугаар сарын 19-ний өдрөөс 06 дугаар сарын 20-нд шилжих шөнө орсон борооны улмаас 200 метр газарт зорчих хэсгийн хөвөө нуралт үүссэн байна. Үүссэн нөхцөл байдлыг засварлах зорилгоор "Дархан-АЗЗА" ТӨХК шуурхай ажлын хэсэг гарган нуралт үүссэн хэсгийн эгнээг хааж хөдөлгөөн хязгаарлан засварын ажил хийгдэж байгаа тул иргэд та бүхэн замын нөхцөл байдалд хурдаа тохируулж анхаарал болгоомжтой зорчино уу.

ЭНЭ ОНД 17 АЙМГИЙН 102 СУМ 100 ЖИЛИЙН ОЙГОО ТЭМДЭГЛЭНЭ

06 / 20 0 сэтгэгдэл 1 003 үзсэнe

Монгол Улс 21 аймаг, 330 сумтай. Тэгвэл энэ жил 17 аймгийн 102 сумын 100 жилийн ой тохиож байна. Тэгш ойтой сумдын баяр наадмын тов эхнээсээ гарчээ. Говь-Алтай аймаг 18 сумтайгаас 16 нь 100 жилийн ойгоо тэмдэглэх юм. Харин Хэнтий аймгаас ганцхан Норовлин сум 100 жилийн ойгоо тэмдэглэнэ. Түүнчлэн Сүхбаатар аймгаас Уулбаян, Эрдэнэцагаан сум 100 жилийн ойгоо хийхээр тов гаргажээ. Аймгаар нь авч үзвэл Завханы 10, Өвөрхангайн ес, Архангайн тав, Баянхонгорын зургаа, Ховдын тав, Хөвсгөлийн гурав, Дундговийн дөрөв, Дорнодын дөрөв, Дорноговийн 10, Увсын зургаа, Булганы тав, Төвийн долоо, Сэлэнгийн найм, Өмнөговийн Баян-Овоо, Манлай, Номгон, Ханхонгор, Ханбогд, Цогтцэций сум 100 жилийн ойгоо тэмдэглэх юм. Сумдын тэгш ойн наадмын салхийг Дорноговь аймгийн Даланжаргалан сумынхан хагална. Тэд ирэх сарын 5-7-нд наадмаа товложээ. Харин Ховд аймгийн Зэрэг сумын 100 жилийн ой наймдугаар сарын 22-24-нд болно. Үүгээр сумдын 100 жилийн ойн баяр наадмыг хааж байгаа юм. Тэгвэл Орхон, Дархан-Уул, Говьсүмбэр, Баян-Өлгий аймагт 100 жилийн ой тэмдэглэх сум байхгүй аж.

63, 62 НАСТАЙ ХОЁР ИРГЭН ГАЛ ТҮЙМЭРТ ӨРТӨН НАС БАРЖЭЭ

06 / 20 0 сэтгэгдэл 680 үзсэнe

Сүхбаатар дүүргийн 15 дугаар хороонд байшин шатаж байна гэсэн дуудлагыг зургаадугаар сарын 20-ны өдрийн 03:03 цагт Онцгой байдлын газарт ирүүлжээ. Тус дүүргийн Онцгой байдлын хэлтсийн Гал түймэр унтраах аврах 34 дүгээр ангийн алба хаагчдыг очиход иргэн М-ийн 8х9 метрийн хэмжээтэй байшин шатаж байсныг ажиллаж унтраасан. Уг гал түймэрт иргэн М /63 настай, эрэгтэй/, А /62 настай, эрэгтэй/ нар өртөж нас барсан байсан тул цогцсыг тус дүүрэг дэх Цагдаагийн хоёрдугаар хэлтсийн жижүүрийн бүрэлдэхүүнд шилжүүлэн өгсөн байна.

ХӨГЖЛИЙН БАНКНЫ ГЭХ ТОДОТГОЛТОЙ 80 ХҮН, 4 ХУУЛИЙН ЭТГЭЭДЭД ХОЛБОГДОХ ХЭРГИЙН ТАНХИМЫН НИЙТ ШҮҮГЧИЙН ХУРАЛДААН ХОЙШИЛЛОО

06 / 19 0 сэтгэгдэл 483 үзсэнe

Улсын дээд шүүхийн Эрүүгийн хэргийн танхимын нийт шүүгчийн 2024 оны 06 дугаар сарын 19-ний өдрийн хуралдаанаар Хөгжлийн банкны гэх тодотголтой 80 хүн, 4 хуулийн этгээдэд холбогдох 540 хавтастай хэргийн ээдрээ төвөгтэй байдал болон 42 гомдол, эсэргүүцэлтэй бүрэн танилцах шаардлагатай нөхцөл байдлыг харгалзан хэргийг хяналтын шатны шүүх хуралдаанаар хэлэлцүүлэх эсэхийг шийдвэрлэх танхимын нийт шүүгчийн хуралдааныг хойшлуулж шийдвэрлэлээ.

CОНГУУЛЬТАЙ ХОЛБООТОЙ ГЭМТ ХЭРЭГ, ЗӨРЧЛИЙН 468 ГОМДОЛ, МЭДЭЭЛЭЛ БҮРТГЭГДЖЭЭ

06 / 19 0 сэтгэгдэл 518 үзсэнe

Уих-ын ээлжит сонгуультай холбоотой гэмт хэрэг, зөрчлийн талаар Цагдаагийн байгууллагаас мэдээлэл хийлээ ЦЕГ-ын хэвлэл мэдээлэл, олон нийттэй харилцах хэлтсийн дарга Г.Пүрэвдэлгэр: "Улсын их хурлын 2024 оны сонгуультай холбоотой гэмт хэрэг зөрчлийн 468 гомдол, мэдээлэл бүртгэгдсэн байна. Үүнээс гэмт хэргийн шинжтэй 183, зөрчлийн шинжтэй 285 гомдол мэдээлэл байгаа. Одоогоор шийдвэрлэгдсэн 327, ажиллагаанд 141 гомдол, мэдээлэл шалгагдаж байна. Гэмт хэргийн шинжтэй 183 гомдол мэдээллийг задалж үзэхэд, 117 нь сонгуулийн илтэд худал мэдээлэл тараах гэсэн гомдол байна. Мөн эд хөрөнгө устгаж гэмтээх зөрчил нийт зөрчлийн 35 хувийг эзэлж байна. Энэ сонгуулийн сурталчилгааны самбар эвдэх, баллаж цохлох гэх мэт зөрчлүүд багтаж байгаа" гэлээ.