СОГТУУГААР ТЭЭВРИЙН ХЭРЭГСЭЛ ЖОЛООДОХ ЗӨРЧИЛД ТАВИХ ХЯНАЛТЫГ НЭМЭГДҮҮЛЛЭЭ

07 / 14 0 сэтгэгдэл 1 324 үзсэнe

Сүүлийн жилүүдэд эрс нэмэгдэж байгаа дотоодын аялал зугаалга, Үндэсний их баяр наадам бүх нийтээр амрах өдрүүдтэй холбоотой орон нутгийн замд зам тээврийн осол, хэргийн улмаас иргэдйн амь нас, эрүүл мэнд, эд хөрөнгөд хохирол учрах эсдэл өндөр хэвээр байна. Иргэдийн эрх зүйн мэдлэгийг нэмэгдүүлэх замын хөдөлгөөнд оролцох буруу дадал, хандлагыг сайжруулах зорилгоор 2049 оноос эхлэн “Яараад яахав дээ” Ирээдүйгээ хамгаалъя Аажуу явбал аяндаа хүрнэ дээ зэрэг ухуулга, нөлөөллийн аян, арга хэмжээг төрийн болон төрийн бус байгууллага, иргэн, хуулийн этгээдийн дэмжлэгтэйгээр зохион байгуулж ирснээр тухайн хугацаанд бүртгэгдсэн зам тээврийн ослын тоо -8.1 ээс, -50.8 хүртэл хувиар буурсан үзүүлэлт байдаг. Цагдаагийн байгууллагаас гэмт хэрэг, зөрчлөөс урьдчилан сэргийлэх чиглэлээр энэ онд хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг зөрчлөөс урьдчилан сэргийлэх, таслан зогсоох чиглэлээр Орон нутгийн зам хөдөлгөөний соёл нэгдсэн арга хэмжээг зохион байгуулахаар төлөвлөж, энэхүү төлөвлөгөөний хүрээнд Нэг зам-Нэг соёл аяныг эхлүүлж байна. Иргэдийн зам тээврийн осол, хэргийн улмаас амь нас, эд хөрөнгө хохирохоос урьдчилан сэргийлэх хөдөлгөөнд оролцогчдын буруу дадал, хандлагыг өөрчлөх, зөв үйлдэлд уриалах, иргэдийн эрх зүйн мэдлэгийг дуушлүүлэх, сурталчлан таниулах энэхүү аяны арга хэмжээг энэ оны 07 дугаар сарын 03-ны өдрөөс 08 дугаар сарын 18-ны өдрийг дуусталх хугацаанд холбогдох хууль эрх зүйн зохицуулалтын хүрээнд төрийн болон төрийн бус байгууллагуудын оролцоо дэмжлэгтэйгээр зохион байгуулах юм. Мөн замын хөдөлгөөний дүрмийн хэрэгжилтийг хангах ажлын хүрээнд хяналт шалгалтыг тогтмол зохион байгуулах бөгөөд Хурд хэтрүүлэх Хамгаалах бүс Гэрэлтүүлэх хэрэгсэл ашиглах Согтуугаар тээврийн хэрэгсэл жолоодох зөрчилд тавих хяналтыг нэмэгдүүлж, зохих хариуцлагыг хүлээлгэх, энэ төрлийн зөрчлийг гаргуулахгүй байхад илүү анхаарах болно. Аяны нэрд соёл гэсэн үг орсон бөгөөд энэ үгийн цаана хөдөлгөөнд оролцогч бүрийн үүрэг, хариуцлага, ухамсарт үйл ажиллагаа замын хөдөлгөөний дүрмийг мөрдөх гэсэн агуулга багтаж байгаа. Замын хөдөлгөөний дүмийг баримталж зам гэсэн нэг л жимээр бие биеэ хүндэтгэн замын хөдөлгөөнд соёлтой оролцохыг уриалж байна. Эх сурвалж: Тээврийн цагдаагийн алба

ТӨРИЙН ЁСЛОЛЫН МОРЬТ ТОРГОН ЦЭРГҮҮДИЙН ХУВЦСЫГ ШИНЭЧИЛЖЭЭ

07 / 10 0 сэтгэгдэл 632 үзсэнe

Төрийн ёслолын хүндэт харуул, Үлгэр жишээ үлээвэр найрал хөгжим, морьт торгон цэргийн дүрэмт хувцас, хэрэгсэл, цэргийн ёслолын дүрэмт хувцасны загварыг шинэчилж байгаа. Энэ хүрээнд энэ жилийн Үндэсний их баяр наадмаар төрийн хүндэт харуулын морьт торгон цэргүүд шинэчлэгдсэн загварын хувцастайгаар оролцох байна. Энэхүү хувцасны загварыг Монгол Улсын Ерөнхийлөгч, Зэвсэгт хүчний ерөнхий командлагч У. Хүрэлсүх зургадугаар сарын 12-ны өдрийн 64 дүгээр зарлигаар баталжээ. Төрийн хүндэт харуулын хувцас, хэрэгслийн загварын шинэчлэлийг түүхэн уламжлал, олон улсын жишиг, орчин үеийн загварын хандлага, шийдлийг шинжлэх ухааны судалгаанд тулгуурлан боловсруулж зохион бүтээсэн байна.

ДОЛООДУГААР САРЫН 10-НААС 13-НЫ ӨДРҮҮДИЙН ЦАГ АГААРЫН УРЬДЧИЛСАН МЭДЭЭ

07 / 10 0 сэтгэгдэл 3 537 үзсэнe

Долоодугаар сарын 10-ны 8:00 цагаас 13-ны 20:00 цаг хүртэлх цаг агаарын урьдчилсан мэдээг хүргэж байна. Улаанбаатарт: Хугацаа 10 11 12 13 Хур тунадас мм Үдээс өмнө Багавтар үүлтэй. Бороо орохгүй. Үүлэрхэг. Завсарлагаатай бороо орно. Үүлэрхэг. Бороо орно. Үүл багасна. Бороо орохгүй. Үдээс хойш Үүлшинэ. Оройдоо бага зэргийн бороо орно. Дуу цахилгаантай. Үүлэрхэг. Бороо орно. Дуу цахилгаантай. Үүлэрхэг. Түр зуурын аадар бороо орно. Үүлшинэ бороо орохгүй. Бороо орохгүй. Агаарын температур ˚С Үдээс өмнө +20 +17 +15 +15 Үдээс хойш +25 +20 +19 +19 Салхины хурд м/с Үдээс өмнө Б-с 3-8 м/с. Х-с 5-10 м/с. БХ-с 4-9 м/с. Бх-с 4-9 м/с. Үдээс хойш Б-с 5-10 м/с. Борооны өмнө түр зуур ширүүснэ. Х-с 5-10 м/с. Борооны өмнө түр зуур ширүүснэ. БХ-с 6-11 м/с. Бх-с 5-10 м/с. Хүй 7 худаг: Хугацаа 10 11 12 13 Хур тунадас мм Үдээс өмнө Багавтар үүлтэй. Бороо орохгүй. Үүлэрхэг. Бороо орно. Үүлэрхэг. Бороо орно. Үүл багасна. Бороо орохгүй. Үдээс хойш Үүлшинэ. Оройдоо бага зэргийн бороо орно. Дуу цахилгаантай. Үүлэрхэг. Бороо орно. Дуу цахилгаантай. Үүлэрхэг. Түр зуурын аадар бороо орно. Үүлшинэ бороо орохгүй. Бороо орохгүй. Агаарын температур ˚С Үдээс өмнө +19 +16 +15 +15 Үдээс хойш +24 +19 +18 +19 Салхины хурд м/с Үдээс өмнө Б-с 3-8 м/с. Х-с 5-10 м/с. БХ-с 4-9 м/с. Бх-с 4-9 м/с. Үдээс хойш Б-с 5-10 м/с. Борооны өмнө түр зуур ширүүснэ. Х-с 5-10 м/с. Борооны өмнө түр зуур ширүүснэ. БХ-с 6-11 м/с. Бх-с 5-10 м/с. Тайлбар: Шөнө-20-08 цаг, Өдөр-08-20 цаг, Тих-өдрийн хамгийн дулаан, Тбага-шөнийн хамгийн хүйтэн температур. Салхины зүг: Бө-баруун өмнөөс, Б-баруунаас, Бх-баруун хойноос, Х-хойноос, З­­-зүүнээс, ЗХ-зүүн хойноос, Зө-зүүн өмнөөс, Ө-өмнөөс

УНААЧ ХҮҮХДҮҮДИЙН 60 ХУВЬ НЬ ШААРДЛАГА ХАНГАХГҮЙ ГУТАЛТАЙ БАЙНА

07 / 10 0 сэтгэгдэл 354 үзсэнe

Үндэсний их баяр наадмын хурдан морины уралдаан хязаалан насны морьдын уралдаанаар эхэлж унаач хүүхдүүдийг бүртгэх, хүүхдийн аюулгүй байдлыг хангасан хувцас хэрэглэлд хяналт тавих ажлыг ГБХЗХГ, Нийслэлийн гэр бүл хүүхэд залуучуудын хөгжлийн газар болон дүүргүүдээс хүүхдийн эрхийг хангах мэргэжилтнүүд Хүй долоон худагт ажиллаж байгаа. Хүүхдүүдийн хувцасны стандартад шагайнаас дээш түрийтэй гутал, шагайвчтай байх ёстой гэж заажээ. Гэвч унаач хүүхдүүдийн 60 хувь шаардлага хангахгүй гуталтай байгааг хүүхдийн эрхийн байцаагч нар хэлж байна. Мөн дараагийн насны морьдын уралдаануудад хүүхдэд стандартын шаардлага хангасан гутал өмсүүлэхийг уяачдад анхааруулаад, хязаалан насны морьдыг уралдааны замд гаргажээ.

НААДМААР АЖИЛЛАХ ЗАХ, ХУДАЛДААНЫ ТӨВ, СҮЛЖЭЭ ДЭЛГҮҮРИЙН ЦАГИЙН ХУВААРЬ

07 / 10 0 сэтгэгдэл 2 107 үзсэнe

Үндэсний их баяр наадмаар хуульд заасны дагуу долдугаар сарын 10-16-ны өдрүүдэд бүх нийтийн амралт тохиож байгаа. Үүнтэй холбоотойгоор Улаанбаатар хотын Захирагчийн ажлын албанаас баяр наадмын өдрүүдэд худалдаа үйлчилгээний байгууллагуудын ажиллах цагийн хуваарийг батлан гаргасныг хүргэж байна.

“ХӨДӨӨ АЖ АХУЙН ХӨРӨНГӨ ОРУУЛАЛТ” САЛБАР ХУРАЛДААНД ИЛТГЭЛ ТАВИЛАА

07 / 09 0 сэтгэгдэл 8 үзсэнe

“Монголын эдийн засгийн чуулган-2023” өнөөдөр эхэллээ. Монголын эдийн засгийн форум нь Монгол Улсын хөгжлийг хурдасгах шийдлүүдийг боловсруулах зорилгоор төр, хувийн хэвшил, иргэний нийгэм, эрдэмтэн судлаачид, олон улсын байгууллагын дээд түвшний төлөөлөгчдийг оролцуулан жил бүр хоёр өдрийн хэлэлцүүлэг зохион байгуулдаг. Энэ жилийн чуулганы хүрээнд салбар хуралдаан, хэлэлцүүлэг, уулзалтууд болж байна. Дэлхийн ханган нийлүүлэлтийн сүлжээнд Монгол улсын гүйцэтгэх үүрэг,Бүс нутгийн худалдааны интеграцчлалд Монгол Улсын гүйцэтгэх үүрэг,Монголын бизнес, хөрөнгө оруулалтын орчин,Монгол Улс бүс нутгийн бизнесийн төв сэдвээр голлон хэлэлцүүлэг өрнүүлэх бол оролцогчдын хувьд Монголын эдийн засгийн хөгжлийн талаарх хамгийн сүүлийн үеийн мэдээллийг авах, хэрэгжүүлэх төслүүдэд хамтран ажиллах боломжуудын судалгаа, шийдвэр гаргагчидтай нүүр тулж уулзах, өндөр түвшний мэргэжилтнүүдийн үндсэн илтгэлийг сонсох зэрэг боломжтой юм. Хүнс, хөдөө аж ахуй, хөнгөн үйлдвэрийн дэд сайд М.Ганхүлэг “Хөдөө аж ахуйн хөрөнгө оруулалт” салбар хуралдаанд оролцож, илтгэл тавилаа. Монгол Улсын хөдөө аж ахуйн салбарын сүүлийн үеийн ололт амжилтыг судлах, цаашдын хамтын ажиллагааг тогтвортой байлгахад анхаарч буй тус уулзалтаар хөрөнгө оруулалт, бизнесийн өсөлтийг нэмэгдүүлэхэд тулгарч буй саад тотгорыг хэрхэн багасгах, хөрөнгө оруулалт хэрхэн татах талаар хэлэлцсэн юм. Дэд сайд М.Ганхүлэг Хөдөө аж ахуйн салбарт оруулж байгаа хөрөнгө оруулалтын хувь хэмжээ өмнөх 10 жилийн дундаж үзүүлэлтээс харахад дөнгөж 0,1 хувьтай байгаа нь салбарын хөрөнгө оруулалтад бодитоор хандахгүй байна. Үүнд төр, хувийн хэвшлийн түншлэл, олон улсын байгууллага дундын хамтын ажиллагаа, итгэлцэл чухал байгааг онцоллоо. Хөдөө аж ахуйн хөрөнгө оруулалтад экспортын тэнцвэрт бодлого, үйлдвэрлэл хөгжих боломжтойг олон улсын хөрөнгө оруулагчдад ойлгуулах, томоохон аж ахуй нэгжийн төслүүдэд бодлогын дэмжлэг үзүүлэх зэрэг олон асуудлыг хөндөн хэлэлцсэн юм. Мөн төр, хувийн хэвшлийн түншлэлээр хэрэгжүүлэх үйл ажиллагаануудад дэмжлэг үзүүлдэг ч хувийн хэвшлийн манлайлал дутмаг байгааг панелистүүд онцолж байлаа. Тиймээс мэргэжлийн холбоодыг татан оролцуулах нь чухал байгаа юм. 14 дэх жилдээ зохион байгуулагдаж байгаа энэ жилийн чуулганаас ихээхэн үр дүн хүлээж буйгаа хэд хэдэн агуулгаар Монгол Улсын Ерөнхий сайд Л.Оюун-Эрдэнэ нээлтийн үгэндээ тодотгосон. Тухайлбал, Монгол Улсын өнөөдрийн эдийн засгийн байдал тогтвортой байгааг дурдлаа. Монгол Улсын экспортын 90 орчим хувь нь уул уурхайгаас хамааралтай эдийн засгийг илүү төрөлжүүлж аялал жуулчлал, соёлын бүтээлч үйлдвэрлэл, хөдөө аж ахуй, ялангуяа махны экспорт, ноолууран бүтээгдэхүүн, сэргээгдэх эрчим хүч зэрэг уул уурхайн бус салбаруудаа хөрөнгө оруулагчидтай хамтран хөгжүүлэх сонирхолтой байгааг онцолсон юм. “Монголын эдийн засгийн чуулган-2023” энэ сарын 9, 10-ны өдрүүдэд үргэлжилнэ.

ХХААХҮ-ИЙН САЙД Х.БОЛОРЧУЛУУНД “ХҮҮХДИЙН ХООЛ” ҮНДЭСНИЙ ЧУУЛГАНААС ТАЛАРХАЛ ИЛЭРХИЙЛЭВ

07 / 07 0 сэтгэгдэл 7 үзсэнe

“Хүүхдийн хоол” үндэсний чуулганыг Хүнс, хөдөө аж ахуй, хөнгөн үйлдвэрийн яам, Боловсрол, шинжлэх ухааны яам, Эрүүл мэндийн яам хамтран Улаанбаатар хотноо амжилттай зохион байгуулсантай холбогдуулан Хүнс, хөдөө аж ахуй, хөнгөн үйлдвэрийн сайд Х.Болорчулуунд талархал илэрхийллээ. Монгол Улс Алсын хараа- 2050 урт хугацааны хөгжлийн бодлогын баримт бичигт "Эрүүл чийрэг, эрдэм боловсролтой, эх оронч хөрвөх чадвартай, оюунлаг бүтээлч иргэнтэй улс болж хөгжинө” гэсэн зорилго тавьсан бол Нэгдсэн Үндэсний байгууллагаас зарласан Тогтвортой хөгжлийн зорилгод: -Өлсгөлөнг зогсоох -Эрүүл мэндийг дэмжих -Чанартай боловсролыг дэмжих гэсэн үндсэн 3 том зорилго бий. Дэлхий нийтийн болон манай улсын бодлогод тусгалаа олсон эдгээр зорилтыг хангахад оролцогч талуудын хамтын ажиллагаа чухал. Тиймээс боловсрол, эрүүл мэнд, хоол тэжээлийн талаар хэлэлцэж, хамтын шийдвэр гаргахаар "Хүүхдийн хоол" үндэсний чуулганыг зохион байгуулж, хот, хөдөө, орон нутгийн 1500 орчим төлөөлөгч оролцож боловсролын орчин дахь хүүхдийн хоол гэсэн сэдвийн хүрээнд хэлэлцэж, зөвлөмж гаргасан юм. Боловсролын сургалтын байгууллагад 1.2 сая орчим хүүхэд суралцаж байгаа юм. Тэднийг эрүүл, аюулгүй орчинд сурч боловсрох эрхийг хамгаалах суурь асуудал болох эрүүл мэнд, хоол шим тэжээлийн асуудлыг хэлэлцэж, гаргасан зөвлөмжид: Сургууль, цэцэрлэгийн хоол үйлдвэрлэл, үйлчилгээний чанар, хүртээмжийг сайжруулах чиглэлээр: Ерөнхий боловсролын сургуулийн дотор орчинд үндэсний үйлдвэрлэлийн хүүхдийн эрүүл мэндийг дэмжсэн бүтээгдэхүүнээр үйлчлэх нөхцлийг бүрдүүлж, үйлдвэрлэгч сургуулийн хооронд гэрээ багйуулан ажиллах, Ерөнхий боловсролын сургуулийн дунд болон ахлах ангийн сурагчдыг үдийн хоолны үйлчилгээнд үе шаттайгаар хамруулах, Хүүхдийн өсөлт хөгжлийг бүртгэж, хянах мэдээлийн нэгдсэн системтэй болох, Хүнсний хангамж, худалдан авалт, нийлүүлэлтийн тогтолцоог бий болгох чиглэлээр: Хүнсний хангамжид хагас боловсруулсан түүхий эд, бүтээгдэхүүн, бэлдэц нийлүүлэх хангамжийн төвийг нийслэл, аймаг, орон нутгийн түвшинд байгуулан төр, хувийн хэвшлийн түншлэлээр хэрэгжүүлэх, Хүүхдийн хоол үйлдвэрлэлд хүнсний түүхий эд, бүтээгдэхүүн бэлдэц нийлүүлж буй хүнс үйлдвэрлэгчдэд татвар, зээлийн хөнгөлөлтийн бодлогоор дэмжих, Мэргэжлийн хүний нөөцийг бэлтгэх, хангах, чадавхжуулах, цалин хөлс, нийгмийн баталгааг сайжруулах чиглэлээр: Төрийн өмчийн дээд боловсролын байгууллагад хоол зүйч мэргэжлээр суралцагчид сурлагын амжилттай нь уялдуулан тэтгэлэг олгох асуудлыг судалж шийдвэрлэх, хоолзүйчдийг давтан сургалтад хамруулж, хоолзүйч багш бэлтгэх тогтолцоог бүрдүүлэх, Хоол, шим тэжээл, эрүүл мэндийн боловсрол олгох чиглэлээр: Эрүүл мэндийн хичээлийн хөтөлбөрийг шинэчлэх, хийх зөв зохистой хооллолтын цагийг нэмэгдүүлэх, үдийн хоол хөтөлбөртэй уялдуулах, “Эрүүл мэндэд эрсдэлтэй хүнс”-ний зар сурталчилгааг хориглох эрх зүйн орчныг бүрдүүлэх, эрүүл мэнд, хоол, хүнсний зөв зохистой хэрэглээний талаарх мэдээлэл, нэвтрүүлэг, контентын агуулга нь шинжлэх ухааны үндэслэлтэй мэргэжлийн түвшинд бэлтгэгдсэн байхад хяналт тавих зэрэг шийдлүүдийг тусгасан.

УРИАЛГА

07 / 07 0 сэтгэгдэл 446 үзсэнe

Үер, усны гамшгийн нөхцөл байдал үүсээд байгаа энэ цаг үед "Шунхлай Групп"-ийн харъяа компаниуд нэгдэж нийт 200 сая төгрөгийн дэмжлэг үзүүлэхээр боллоо. Нийт аж ахуй нэгж, иргэд, олон нийт та бүхнийг сонор сэрэмж өндөр байж, гамшгийн нөхцөл байдлын эсрэг шуурхай арга хэмжээ авч, бүхий л хүчин чармайлтаа нэгтгэн ажиллахыг уриалж байна.

НАРНЫ ЗАМ, ҮЙЛДВЭРЧНИЙ ГУДАМЖНЫ АВТО ЗАМЫГ ХААЛАА

07 / 06 0 сэтгэгдэл 396 үзсэнe

Нийслэл хотод их хэмжээний бороо орж, үерийн аюулт үзэгдлийн улмаас иргэдийн амь, эрүүл мэнд, авто зам, замын байгууламж болон тээврийн хэрэгслийн хөдөлгөөнд аюул учирч болох эрсдэл үүссэн. Иймээс Нийслэлийн Засаг дарга захирамж гарган, зарим авто замын тээврийн хэрэгслийн хөдөлгөөнийг тодорхойгүй хугацаагаар хаахаар боллоо. Тодруулбал: Баянзүрх дүүргийн 1, 25 дугаар хороо буюу Зам, тээврийн хөгжлийн яамны уулзвараас “Нарантуул” ОУХТ хүртэлх Нарны зам, Хан-Уул дүүргийн 3 дугаар хороо буюу Механик тээврийн сургуулийн уулзвараас 3 дугаар цахилгаан станц /ТЭЦ-3/-ын уулзвар хүртэлх Үйлдвэрийн гудамжны авто зам, замын байгууламжийг долоодугаар сарын 6-ны 09:00 цагаас эхлэн нөхцөл байдал тогтворжих хүртэл хааж байна. Иймд иргэд та бүхнийг шаардлагагүй бол авто замын хөдөлгөөнд оролцохгүй, машинаа аюулгүй газар байрлуулахыг уриалж байна. Учир нь хайрга, шороо, элс ачиж байгаа машин түгжрэлд орж, цаг хугацаа алдах эрсдэл үүсээд буй.

Д.СУМЪЯАБАЗАР: СЭЛБЭ ГОЛЫН АЙ САВЫГ ХААЖ БАРЬСАН БАРИЛГА БАЙГУУЛАМЖУУДЫГ НУРААХ ШИЙДВЭР ГАРГАНА

07 / 06 1 сэтгэгдэл 703 үзсэнe

Сэлбэ голын далан дахин сэтэрч үерийн ус орон сууцууд болон өнөө өглөө Улаанбаатар буянгийн зүүн талын авто зам руу урсан орлоо. Алба хаагчид үерийн даланг хүчитгэхээр ажиллаж байна. Нийслэлийн Засаг дарга Д.Сумъяабазар "Сэлбэ голын ай савыг хааж барьсан барилга байгууламжуудыг нураах шийдвэр гаргана. Сэлбэ голын дагуух урсцыг хааж байгаа гүүрүүдийг Алтай хотхоноос эхлэн нурааж байна" хэмээв.