3 САР ҮРГЭЛЖЛЭХ ТӨЛӨВЛӨГӨӨТ, УРЬДЧИЛАН СЭРГИЙЛЭХ ХЯНАЛТ, ШАЛГАЛТ ЭХЭЛЖ БАЙНА

03 / 21 0 сэтгэгдэл 104 үзсэнe

“ХҮНСНИЙ АЮУЛГҮЙ БАЙДАЛ” сэдэвт арга хэмжээг Хүнс, хөдөө аж ахуй, хөнгөн үйлдвэрийн яамны Салбарын хяналтын газраас 2024-03-20-ны өдрөөс эхлэн 3 сарын хугацаанд зохион байгуулна. Тус арга хэмжээг нээж аймаг, нийслэлийн Хүнс, хөдөө аж ахуйн газар, Мал эмнэлгийн газрын дарга нар болон холбогдох албан тушаалтнуудад цахимаар чиглэл хүргүүллээ. Энэхүү аяны хүрээнд төлөвлөгөөт болон урьдчилан сэргийлэх хяналт шалгалтыг хүнсний чиглэлийн үйл ажиллагаа эрхлэгч нарт хийж хүнсний аюулгүй байдалд учирч болзошгүй эрсдэлээс сэргийлж, илрүүлсэн зөрчлийг арилгуулах, шалтгаан нөхцөлийг тодорхойлох, таслан зогсоох чиглэлээр ажиллах юм.

МОНГОЛ УЛСЫН ҮНДЭСНИЙ СТАТИСТИКИЙН ХОРООНЫ ДАРГЫН ТУШААЛ

03 / 20 0 сэтгэгдэл 327 үзсэнe

МОНГОЛ УЛСЫН ҮНДЭСНИЙ СТАТИСТИКИЙН ХОРООНЫ ДАРГЫН ТУШААЛ 2024 ОНЫ 03 ДУГААР САРЫН 01-НИЙ ӨДӨР ДУГААР А/29 УЛААНБААТАР ХОТ ХҮН АМЫН АМЬЖИРГААНЫ 2024 ОНЫ ДООД ТҮВШИНГ ТОГТООХ ТУХАЙ СТАТИСТИКИЙН ТУХАЙ ХУУЛИЙН 15 ДУГААР ЗҮЙЛИЙН 1 ДЭХ ХЭСГИЙН 8 ДУГААР ЗААЛТ, ХҮН АМЫН АМЬЖИРГААНЫ ДООД ТҮВШИНГ ТОДОРХОЙЛОХ ТУХАЙ ХУУЛИЙН 5 ДУГААР ЗҮЙЛИЙН 5.1, 5.3, 5.5 ДУГААР ЗААЛТЫГ ТУС ТУС ҮНДЭСЛЭН ТУШААХ НЬ: 1.ХҮН АМЫН АМЬЖИРГААНЫ ДООД ТҮВШНИЙ 2024 ОНД МӨРДӨХ ХЭМЖЭЭГ ХАВСРАЛТААР БАТАЛЖ, МӨРДҮҮЛСҮГЭЙ. 2.ШИНЭЧЛЭН БАТАЛСАН ХҮН АМЫН АМЬЖИРГААНЫ ДООД ТҮВШИНГ ЗАХИРГААНЫ ХЭМ ХЭМЖЭЭНИЙ АКТЫН УЛСЫН НЭГДСЭН САНД БҮРТГҮҮЛЖ, НИЙТЭД МЭДЭЭЛЭХИЙГ ТАМГЫН ГАЗАР (Б.ЛХАГВА)-Т ДААЛГАСУГАЙ. Б.БАТДАВАА

ХӨДӨЛМӨРИЙН АЮУЛГҮЙ БАЙДАЛ ЭРҮҮЛ МЭНДИЙН ТӨВТЭЙ ХАМТРАН АЖИЛЛАХ САНАМЖ БИЧИГТ ГАРЫН ҮСЭГ ЗУРЛАА

03 / 18 0 сэтгэгдэл 73 үзсэнe

Тавантолгой түлш компани Хөдөлмөр Нийгмийн Хамгааллын Яамны харьяа Хөдөлмөрийн Аюулгүй Байдал Эрүүл Мэндийн Төвтэй хамтран ажиллах санамж бичиг байгууллаа. Санамж бичгийн хүрээнд ХАБЭА-н хууль тогтоомж, үйлдвэрийн салбарт нэн шаардлагатай зарим ажил мэргэжлийн стандарт, хөдөлмөрийн хүнд болон хортой нөхцөлд ажиллаж буй ажилчдын нийгмийн асуудал зэрэг тулгамдсан асуудлыг шийдвэрлэх тал дээр хамтран ажиллах юм. Хөдөлмөрийн хамтын ажиллагааны санамж бичиг байгуулснаар уул уурхай, хүнд үйлдвэр болон бусад аж үйлдвэрийн салбарт ХАБЭА-н стандарт нэвтрүүлж, хөдөлмөрийн хяналтын үр дүнтэй бүтэц, тогтолцоог бий болгож, үйлдвэрлэлийн осол, мэргэжлээс шалтгаалсан өвчнөөс урьдчилан сэргийлж, ажилтнуудын амь нас, эрүүл мэндийг хамгаалахад бодит үр дүнгээ өгөх юм. Тавантолгой түлш компанийн хувьд 2022 оноос үйлдвэрийн зарим ажлын байрыг хөдөлмөрийн хүнд нөхцөлд хамруулаад байгаа юм. Цаашид үйлдвэрт ажиллаж байгаа ажилчдын хөдөлмөрийн нөхцлийг сайжруулах ХАБ-ын аюулгүй ажиллагааг сайжруулах чиглэлд ахиц дэвшил гаргах зорилго тавиад буй юм. Энэ ажилд бодлого, арга зүйн чиглэлийн дэмжлэг үзүүлэхээ ХАБЭМ-ийн төвийнхөн илэрхийллээ.

"САНХҮҮ, ЭДИЙН ЗАСГИЙН ГАЗАР" БАГИЙН ДҮНГЭЭР ТЭРГҮҮЛЖ, ШИЛЖИН ЯВАХ ЦОМОО ХАДГАЛЛАА

03 / 17 0 сэтгэгдэл 157 үзсэнe

Тавантолгой түлш компанийн Баруун үйлдвэрийн нэрэмжит спортын 5 төрөлт тэмцээн амжилттай болж өндөрлөлөө. Сагсанбөмбөг, гар бөмбөг, ширээний теннис, олс таталт, шатар гэсэн төрлөөр 22 баг өрсөлдсөнөөр Санхүү, эдийн засгийн газрын хамт олон багийн дүнгээр тэргүүлж, шилжин явах цомыг хадгалж үлдлээ. Тус газрын хувьд өнгөрсөн оны тэмцээнд багийн дүнгээр тэргүүлж байсан юм. Дэд байрт Зүүн үйлдвэр шалгарсан бол, гуравдугаар байрт Баруун үйлдвэрийн баг тамирчид шалгарлаа. Сагсанбөмбөг эрэгтэй: I байр. Зүүн үйлдвэр 1-р баг II байр. Зүүн үйлдвэр 2-р баг III байр. Санхүү, эдийн засгийн газар Сагсанбөмбөг эмэгтэй: I байр. Санхүү, эдийн засгийн газар II байр. Зүүн үйлдвэр III байр. Үйлдвэр техник, технологийн газар Волейбол эрэгтэй: I байр. Баруун үйлдвэр 2-р цех II байр. Дотоодын цэрэг III байр. Зүүн үйлдвэр Волейбол эмэгтэй: I байр. Санхүү, эдийн засгийн газар II байр. Чанар, борлуулалтын газар III байр. Баруун үйлдвэр Олс таталт: I байр. Баруун үйлдвэрийн засварын цех II байр. Санхүү, эдийн засгийн газар III байр. Баруун үйлдвэрийн үйл ажиллагаа Шатар эрэгтэй: I байр. ҮТТГ-ын Бэх-Очир II байр. ХАТЗГ Мөнх-Эрдэнэ III байр. Зүүн үйлдвэр Ганбат Шатар эмэгтэй: I байр. ЧБГ-ын Дагийсүрэн II байр. Дотоодын цэрэг Ундрал III байр. ЧБГ-ын Ч.Уугантуяа Ширээний теннис Эрэгтэй: I байр. ҮТТГ-ын Цэнд-Очир II байр. ҮТТГ-ын Цэдэнбал III байр. ХАТЗГ Түвшинтөгс Ширээний теннис эмэгтэй: I байр. СЭЗГ-ын Алтанзаяа II байр. ХУТЗГ-ын Ариунболор III байр. ҮТТГ-ын Дуламсүрэн

ӨНӨӨХ Л Д.СУГАР, Ц.НАНЗАДДОРЖ, Д.ГАНБАТ НАР “ӨНДӨР БУЯНТ”-ЫГ БУЛААСАН АСУУДАЛД ХОЛБОГДЖЭЭ

03 / 15 2 сэтгэгдэл 688 үзсэнe

“...МАН-д “Өндөр буянтын дээрэм” болж байна” гэсэн мэдээлэл тарсан. Үнэний ортой аж. “Өндөр буянт холдинг” хэмээх барилгын компани бий. Тус компани МАН-ын байр, UBH центр, Худалдаа хөгжлийн банкны барилга, 200 оюутны байр, “Оргил стар” хотхон, Хаппи таун, УБ таун зэрэг арваад томоохон барилга барьсан байдаг. Тус компанийг 1997 онд үүсгэн байгуулж, улмаар дээрх бүтээн байгуулалтын ажлуудыг хийж гүйцэтгэсэн, хожим Зам тээврийн сайдаар ажиллаж байсан Н.Төмөрхүү өнгөрсөн жил гэнэт өөд болсон. Түүнээс хойш “Өндөр буянт холдинг”-ийн өв хөрөнгө тойрсон маргаан үүсэж, өдгөө өндрөө авчээ. Гэхдээ үүнээс өмнө, 2019 оноос компанийн эрхийн маргаан эхэлсэн байна. Хамгийн гол нь энэ асуудалд өнөөх л Д.Сугар, Ц.Нанзаддорж, Д.Ганбат нарын нэр холбогдож байна. Тодруулбал, 2008 оны дөрөвдүгээр сарын 28-нд “Өндөр буянт холдинг” ХХК-ийн Н.Төмөрхүү тухайн үед ТӨХ-ны дарга, одоо Үндсэн хуулийн Цэцийн гишүүнээр ажиллаж байгаа Д.Сугар, тухайн үед ТӨХ-ны Төрийн өмчийн удирдлага, хувьчлалын газрын даргаар ажиллаж байсан, саяхан Үндсэн хуулийн Цэцийн гишүүнээс чөлөөлөгдсөн Ц.Нанзаддорж, тухайн үед “Эрдэнэт үйлдвэр”-ийн орлогч захирал, сүүлд Зам тээврийн сайд байсан Д.Ганбат нартай тохиролцож Хамтран ажиллах гэрээ байгуулжээ. Энэхүү гэрээ нь Д.Сугар, Ц.Нанзаддорж, Д.Ганбат нар “Оргил стар” хотхоны төсөлд хөрөнгө оруулж, Н.Төмөрхүү оронд нь компанийнхаа хувьцааг түр шилжүүлсэн байгаа юм. Өөрөөр хэлбэл, тэд төсөлд хөрөнгө оруулж, хэрэгжиж дуусах хүртэл баталгаа болгож, Н.Төмөрхүүгээс “Өндөр буянт холдинг” ХХК-ийн хувьцааг төлөөнийхөө хүмүүсийнхээ нэр дээр шилжүүлэн авч, тэрбээр гүйцэтгэх захирлаар ажиллахаар болжээ. Ингэж тус компанийн хувьцаа Д.Сугар, Ц.Нанзаддорж, Д.Ганбат нарын төлөөний хүмүүс болох Сүхээгийн Батхишиг, Сэрээтэрийн Доржханд, Отгоны Төгсөө нарын нэр дээр шилжүүлсэн байна. Дээрх гурван эрхэм “Оргил стар” хотхоны төслийн ажил буюу гэрээний хугацаа дуусахад компанийн хувьцааг үнэ төлбөргүй буцааж шилжүүлэх ёстой байжээ. Гэвч төсөл амжилттай хэрэгжиж, хугацаа дууссан ч “Өндөр буянт холдинг” ХХК-ийн хувьцааг шилжүүлээгүй байна. Улмаар хувьцааг бусдад дамжуулж, компанийн удирдлагыг ч хууль бусаар шилжүүлэн авч, орлогыг хамаарал бүхий компани руугаа шилжүүлэх болжээ. Энэ асуудлаар Н.Төмөрхүү 2019 оноос хойш хууль хяналтын байгууллагад хандаж эхэлсэн байна. Гэвч шийдэгдэлгүй байсаар мөнх бусыг үзүүлжээ. Н.Төмөрхүү агсны эхнэр үргэлжлүүлэн хөөцөлдсөн боловч тусыг олоогүй байна. Тус компанийн гүйцэтгэх удирдлагыг өдгөө сайд асан Д.Ганбат хэрэгжүүлж байгаа юм. Уг нь “Өндөр буянт холдинг”-ийн гүйцэтгэх захирлаар Н.Төмөрхүү 2008-2015 онд ажиллаж, 2015 оноос Л.Эрдэнэбат томилогджээ. Гэтэл 2019 оны есдүгээр сарын 30-нд Л.Эрдэнэбатыг гүйцэтгэх захирлаас чөлөөлж, оронд нь Д.Ганбатыг хуулийн бус аргаар томилжээ. Үүнийг нь УБЕГ нотолсон байна. Тус газрын 2020 оны гуравдугаар сарын 13-ны 1437 дугаартай дүгнэлтээр Д.Ганбатыг “Өндөр буянт холдинг”-ийн гүйцэтгэх захирлаар томилсон шийдвэрийг хүчингүй болгожээ. Үүгээр Л.Эрдэнэбатын эрх сэргэсэн байдаг. Гэвч Д.Ганбат “Өндөр буянт холдинг”-ийн тамга, гэрчилгээг өнөөдрийг хүртэл Л.Эрдэнэбатад өгөөгүй байна. Энэ хооронд Хамтран ажиллах гэрээний хүрээнд Н.Төмөрхүүд оногдсон хөрөнгүүдийг өөр компани руу шилжүүлсэн аж. Тухайлбал, UBH центрийн төслөөс хуваарилагдсан 1, 2,13, 14 дүгээр давхрын 2 350 орчим м.кв талбай, хоёр автомашины зогсоол, УБ таун дахь орон сууц, “Оргил стар” хотхоны зургаан автомашины зогсоол зэргийг булаачихсан байна. Уг нь талийгаачийн гэр бүл эдгээр хөрөнгийг 2013 оноос хойш түрээслэж, орлогыг нь авч байжээ. Учир нь төсөл дууссаны дараа талийгаач болон Д.Ганбат нар маргаж эхэлснээс дээрх хөрөнгүүдийн “үл хөдлөх”-ийн гэрчилгээ гаралгүй гацчихсан байна. Харин Н.Төмөрхүү агсны эхнэр 2008 онд Д.Сугар, Ц.Нанзаддорж, Д.Ганбат нартай хамтарснаас хойш “Өндөр буянт холдинг”-ийн хэрэгжүүлсэн UBH центрийг оруулахгүйгээр бүх төсөлд 2019 онд аудит хийлгэхэд “...Нийт 50 тэрбум төгрөгийг цэвэр ашиг олсон” гэсэн дүгнэлт гаргажээ. Тэрбээр “...Тэд нөхөр маань нас барсныг далимдуулж дээрэмдэж, дээрэлхэж байна. Д.Сугар, Ц.Нанзаддорж, Д.Ганбат нар хуваарилагдсан хөрөнгүүдээ бүгдийг авсан. Би дээрх 50 тэрбумын ашиг болон хамтран хэрэгжүүлсэн төслүүд дээр маргаан хийгээгүй. Зөвхөн UBH центрийн төслийн хүрээнд хуваарилагдсан хөрөнгө болох хууль ёсны эзэмшлийн талбайнуудаа өөрийн нэр дээр авахаар маргаж байна. Д.Сугар, Ц.Нанзаддорж нарт удаа дараа “...Д.Ганбатад анхны гэрээг сануулж, шударга байхыг сануулаач” гэж хэлсэн. Гэвч намайг хохирогчоор тогтоосон шийдвэрийг хүчингүй болгуулчихсан байна. Манай бүх хөрөнгийн дээрэмдсэн. Энэ үйлдэлдээ хууль хяналтын байгууллагын хүмүүсийг ч ашиглаж байна” гэх гомдлыг хууль хяналтын байгууллагад гаргаад байгаа аж. Дашрамд хэлэхэд, Д.Сугар, Ц.Нанзаддорж, Д.Ганбат нар “Өндөр буянт холдинг”-ийн нэрээр МАН-ын одоогийн байрыг барьсан болж таарч байна. Эх сурвалж: "Зууны мэдээ" сонин

“ТӨВ ЦЭНГЭЛДЭХ ХҮРЭЭЛЭН” ХХК-ТАЙ ҮҮССЭН ӨМЧИЙН МАРГААНЫ АСУУДЛЫГ ШИЙДЭХ ХУУЛИЙН БАГ ГАРГАНА

03 / 15 0 сэтгэгдэл 406 үзсэнe

Нийслэлийн шар усны үерт өртсөн болон өртөх эрсдэлтэй байршлуудад өнөөдөр Хотын дарга ажиллаж байна. Энэ хүрээнд усны хаялгагүй, зам талбайд нь борооны ус их хэмжээгээр тогтдог Төв цэнгэлдэх хүрээлэн орчимд мөн ажилласан юм. 1993 онд Төв цэнгэлдэх хүрээлэнг ягаан тасалбараар хувьчилж, 70 хувийг нийслэлд, 30 хувийг хувийн өмчид шилжүүлсэн. Харин 2003 онд нийслэлийн хувь эзэмшлийг 49, иргэн Т.Нямдаваагийн эзэмших хувийг 51 болгох шийдвэрийг НИТХ-аас бус “Төв цэнгэлдэх хүрээлэн” ХХК-ийн ТУЗ-өөр шийдсэн байдаг. Гэвч өнөөг хүртэл тус компани нийслэлд ногдол ашиг өгөхгүй, хууль зөрчиж байгаа юм. Үүнтэй холбоотойгоор Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр тус байршилд ажиллаж, “Төв цэнгэлдэх хүрээлэн” ХХК-ийн удирдлага Т.Нямдаваатай уулзлаа. Энэ үеэр Хотын дарга Х.Нямбаатар “Стадион орчимд усны хаялга байхгүй. Байсан хаялгыг нь дараад орон сууц барьчихсан. Өөрөөр хэлбэл, Төв цэнгэлдэх хүрээлэнг тойрсон газрыг удирдлагууд нь зараад идчихсэн. Үлдсэн багахан зай талбайд нэмээд 22 давхар барилга барьж байна. Гэтэл Үндэсний их баяр наадмаа хийдэг тус хүрээлэнг жил болгон нийслэлийн төсвийн хөрөнгөөр тохижуулж, эргэн тойрных нь үл хөдлөх хөрөнгүүдийг түрээсэлдэг. Түүнчлэн Нийслэлийн Замын хөгжлийн газраас хийсэн талбайг тус компани зөвшөөрөлгүйгээр төлбөртэй зогсоол болгочихсон. Гэвч эдгээрээс нийслэлд ногдол ашиг огт ирдэггүй. Ойр хавийн талбайд нь ус тогтоод байхад шугам сүлжээ хийхгүй атлаа газрыг нь зараад байдаг. Тиймээс өнгөрсөн хугацаанд нийслэлээс гарсан бүх зардлыг, нийслэлд ирэх ёстой ногдол ашгийг нэхэмжлэх хуулийн баг гаргана” хэмээсэн юм. Ирэх долоо хоногт уг асуудлаар нийслэл болон “Төв цэнгэлдэх хүрээлэн” ХХК-ийн удирдлагууд хуулийн байгууллага байлцуулан уулзахаар болов. Зөвшилцөлд хүрэхгүй тохиолдолд хуулийн хүрээнд асуудлыг шийдвэрлүүлнэ гэдгийг Хотын дарга хэлсэн юм. Мөн тус хүрээлэнгийн хойно баригдаж буй барилгын ажлыг өмчийн маргааны асуудал шийдэгдтэл зогсоох, усны хаялга хийхийг холбогдох албаныханд үүрэг болголоо.

СЭРЭМЖЛҮҮЛЭГ: ӨНӨӨ ШӨНӨ ХЭНТИЙ, ДОРНОД, СҮХБААТАР АЙМГИЙН НУТГААР ЦАС ОРЖ, ЦАСАН ШУУРГА ШУУРНА

03 / 15 0 сэтгэгдэл 367 үзсэнe

"Өнөө шөнө Хэнтий, Дорнодын нутаг, Сүхбаатарын хойд хэсгээр ахиухан хэмжээний нойтон цас орж, маргааш өдөр Сүхбаатарын зүүн, Дорнодын өмнөд хэсгээр цасан шуурга шуурна" хэмээн ЦУОШГ-аас мэдээллээ. Иймд иргэд та бүхэн дээрх чиглэлд зорчих гэж байгаа бол автомашиныхаа аюулгүй байдлыг хангаж, бүрэн бүтэн байдлыг шалгаж, үүсэж болзошгүй аюулаас урьдчилан сэргийлнэ үү !!!

ХОЛИМОГ ТУЛААНЧ З.ШИНЭЧАГТГЫГ 1.350.000 ТӨГРӨГӨӨР ТОРГОЖЭЭ

03 / 15 1 сэтгэгдэл 566 үзсэнe

Энэ сарын 11-нд Хан-Уул дүүргийн Эрүүгийн хэргийн анхан шатны шүүх холимог тулаанч З.Шинэчагтгад холбогдох хэргийг хянан хэлэлцээд бусдын биед хөнгөн хохирол санаатай учруулсан гэмт хэрэг үйлдсэн гэм буруутайд тооцож, 1350 нэгжтэй тэнцэх хэмжээний буюу 1 350 000 төгрөгөөр торгох ял оногдуулжээ.

МЕРИНО ҮҮЛДРИЙН ХОНИНЫ ХӨВРӨЛ ҮРИЙГ ҮЗЭМЧИН ҮҮЛДРИЙН ХОНИНД СУУЛГАЛАА

03 / 13 0 сэтгэгдэл 122 үзсэнe

Австрали улсын нарийн ноост мерино үүлдрийн хонины хөврөл үрийг үзэмчин үүлдрийн хонинд суулгасан туршилт судалгааны ажил амжилттай хийгдэж байна. ХХААХҮЯ-ны харьяа Малын удмын сангийн үндэсний төв нь АДРА Олон улсын байгууллага, Мал аж ахуйн эрдэм шинжилгээний хүрээлэнгийн судлаачидтай хамтран Австрали улсын “Gene Movers” ХХК-иас импортлон авсан нарийн ноост Мерино үүлдрийн хонины хөврөл үрийг 50 толгой Үзэмчин хонинд шилжүүлэн суулгаж одоогийн байдлаар 30 толгой нарийн ноост цэвэр Мерино үүлдрийн хурга хүлээн аваад байна.

ЯАРМАГ ОРЧМЫГ ХАМГИЙН ТҮРҮҮНД БҮСЧЛЭН, ЖИШИГ БАЙДЛААР ХӨГЖҮҮЛЭХ БОЛОМЖТОЙ

03 / 12 0 сэтгэгдэл 156 үзсэнe

/2024.03.12/ Монгол Улсын Ерөнхий сайд Л.Оюун-Эрдэнэ, Нийслэлийн Засаг дарга бөгөөд Улаанбаатар хотын Захирагч Х.Нямбаатар болон Засгийн газрын гишүүд “Улаанбаатар-Бүсчилсэн хөгжил” форумын урьдчилсан хэлэлцүүлгийг төвийн зургаан дүүрэгт хийж буй. Тус урьдчилсан хэлэлцүүлэг өнөөдөр Хан-Уул дүүргийн төрийн албан хаагчдын дунд боллоо. Тодруулбал, Яармаг орчмын бүсэд хамаарах 5, 6, 7, 8 дугаар хорооны Засаг дарга нар, өрхийн эрүүл мэндийн төвийн удирдлагууд, цагдаагийн хэлтсийн төлөөллүүдтэй уулзан, бүсчилсэн хөгжлийн талаар хэлэлцсэн юм. Уулзалтын эхэнд Нийслэлийн Засаг дарга бөгөөд Улаанбаатар хотын Захирагч Х.Нямбаатар “Монгол Улсын Засгийн газраас 2024 оныг “Бүсчилсэн хөгжлийг дэмжих жил” болгон зарласантай холбогдуулан баруун, хойд, хангайн, зүүн, говийн, төвийн бүсэд “Бүсчилсэн хөгжлийн форум”-ыг амжилттай зохион байгуулсан. Ийнхүү хамгийн сүүлийн бүс болох хот орчмын бүсийн хөгжлийн асуудлаар “Улаанбаатар-Бүсчилсэн хөгжил” форумыг энэ сарын 14-нд зохион байгуулахаар ажиллаж байна. Зөвхөн Улаанбаатар хотыг бус хотын ойр ормын бүс нутгуудтай хэрхэн холбогдож, хөгжих боломжтой вэ гэдгийг хэлэлцэх юм. Харин өнөөдөр түгжрэл, агаарын бохирдол, төлөвлөлтийн асуудлыг хэрхэн шийдэж болох вэ гэдгийг хороо, дүүргийн түвшнээс эхлэн хэлэлцэнэ. Өмнө нь хүн амын тоо өсөх тусам хорооны тоог нэмдэг байсан. Гэвч хорооны тоог нэмлээ гээд асуудал шийдэгдэхгүй байна. Тиймээс бүсчилсэн байдлаар засаг захиргаа, нутаг дэвсгэрийн нэгжийн шинэчлэл хийж, хотыг 42 хэсэгт хуваан, төрийн үйлчилгээг иргэдэд ойртуулснаар хотод тулгамдаад буй олон асуудлыг тодорхой хэмжээнд шийдвэрлэх боломжтой гэж харж байгаа” гэв. Хан-Уул дүүргийн хүн ам 2020 онд 187 мянга байсан бол өдгөө 283 мянгад хүрээд байна. Дөрвөн жилийн дотор хүн амын тоо нь эрчимтэй өсөж байгаа тус дүүрэгт Яармаг төвийг байгуулах тухай хэлэлцлээ. Яармаг төвд Хан-Уул дүүргийн 5, 6, 7, 8 дугаар хорооны 30,754 хүн оршин сууж байна. Гэвч хороо, ӨЭМТ, цагдаагийн хэлтсийн 132 төрийн албан хаагч тус дүүргийн 30 мянга гаруй хүнд төрийн үйлчилгээг үзүүлж байгаа юм. Уулзалтад оролцсон Хан-Уул дүүргийн төрийн албан хаагчдын зүгээс анхан шатны нэгж буюу хорооны Засаг дарга нарын эрх хэмжээг нэмэгдүүлэн, иргэдэд төрийн үйлчилгээг шууд, шуурхай хүргэх боломжийг олгох, засаг захиргааны нэгжийн хуваарилалтыг тооцоо, судалгаанд үндэслэн шинэчилж, бүсчилсэн хөгжлийг яаралтай эхлүүлэх хэрэгтэй хэмээх саналыг илэрхийлж байлаа. Тодруулбал, Хан-Уул дүүргийн 8 дугаар хорооны Засаг дарга Д.Алимаа “Манай хороо 12 мянга гаруй хүн амтай, 4552 га газар нутагтай маш том хороо. Тиймээс 8 дугаар хороог хуваах асуудлаар өнгөрсөн есдүгээр сараас эхлэн хорооныхоо 600 гаруй айл өрхийн 1800 орчим иргэнтэй уулзсан. Иргэдийн зүгээс төрийн үйлчилгээний хүртээмжийг нэмэгдүүлэхийн тулд засаг захиргааны шинэчлэлийг хийх хэрэгтэйг хэлж байсан. Хорооны Засаг даргын хувьд иргэдийн гаргасан өргөдөл, саналыг дээд шатны байгууллагад уламжлах, оршин суугаа газрын тодорхойлолт гаргахаас хэтрэхгүй эрх мэдэлтэй. Үүнээс өөр эрх мэдэлгүй болохоор одоо хороонд өргөдөл гаргадаг иргэн байхаа больсон. Тиймээс анхан шатны нэгждээ тодорхой эрх мэдэл өгч байж иргэнд үзүүлэх төрийн үйлчилгээ шуурхай хүрнэ” гэлээ. Хан-Уул дүүргийн Засаг даргын орлогч Б.Цэрэн “Яармаг орчмыг хамгийн түрүүнд бүсчлэн, жишиг байдлаар хөгжүүлэх боломжтой. Учир нь нийслэлийн засаг захиргааны байгууллагаас эхлээд зарим төрийн байгууллагууд уг бүсэд нүүж ирээд байгаа. Мөн томоохон худалдааны төвүүд төвлөрч байна. Гагцхүү боловсролын үйлчилгээг зөв хуваарилан, багш ажилчдын мэдлэг боловсролыг сайжруулах хэрэгтэй. Боловсролын чанараас шалтгаалж эцэг эхчүүд хүүхдээ хотын төвийн сургууль руу зөөх хандлагатай байдаг. Тиймээс нэн тэргүүнд боловсролын чанар, хүртээмжид анхаарах хэрэгтэй” хэмээв. Ташрамд, энэ онд Хан-Уул дүүргийн хэмжээнд Нисэхийн тойргийг дөрвөн замын уулзвар болгон шинэчлэх, улсын сургуульгүй 3, 17, 23 дугаар хороонд тус бүр 480-960 хүүхдийн суудалтай сургууль байгуулах, авто зам, гүүрэн байгууламжийн бүтээн байгуулалтыг хийх, Яармаг орчмын хотхонуудын зэвтэй усны шугамыг шинэчилж, 11, 22 дугаар хорооны хотхонуудыг усан хангамжийн төвлөрсөн системд яаралтай холбох шаардлагатай байгаа юм. Ийнхүү сургууль, цэцэрлэгийн хүртээмжийг нэмж, авто замын сүлжээг тэлснээр Улаанбаатар хотын түгжрэл, төвлөрлийг сааруулахад тодорхой хэмжээнд нөлөө үзүүлнэ гэж үзэж байгааг Хан-Уул дүүргийн Засаг дарга Ж.Алдаржавхлан онцолж байлаа.