АРХИ СОГТУУРУУЛАХ УНДААНЫ ЗҮЙЛ 10 ХОНОГ ТАСРАЛТГҮЙ ХЭРЭГЛЭСЭН ЭМЭГТЭЙ НАС БАРЛАА

12 / 22 0 сэтгэгдэл 19 205 үзсэнe

Сүүлийн 10 хоног тасралтгүй архи согтууруулах ундааны зүйл хэрэглэсэн эмэгтэй буудлын өрөөнд нас баржээ. Тодруулбал, энэ сарын 20-ны өдөр Баянгол дүүргийн 1 дүгээр хороонд байрлах зочид буудалд хүн нас барсан байна гэх дуудлага мэдээлэл ирсэн байна. Дуудлагын дагуу очиход 45 настай эмэгтэй зочид буудлын ... тоот өрөөнд биедээ ямар нэг ил харагдах гэмтэл, шархгүй нас барсан байжээ. Талийгаач нь сүүлийн 10 хоног тасралтгүй архи согтууруулах ундааны зүйл хэрэглэсэн гэх эх сурвалжийн мэдээлэл байгаа юм. Хэргийг Баянгол дүүргийн цагдаагийн нэгдүгээр хэлтэс шалгаж байна.

ОЛИМПЫН АВАРГА Н.ТҮВШИНБАЯРЫГ ЦАГДАН ХОРИВ

12 / 21 0 сэтгэгдэл 2 633 үзсэнe

Улсын начин Э.Энхбатыг зодож хүнд гэмтэл учруулсан олимпын аварга Найдангийн Түвшинбаярыг цагдан хорьжээ. Хохирогч Э.Энхбатын өмгөөлөгчийн зүгээс түүнийг хорих саналыг прокурорт хүргүүлсэн байна.Ингэснээр Н.Түвшинбаярт авагдсан таслан сэргийлэх арга хэмжээг өөрчилж, цагдан хорих шийдвэрийг шүүхээс гаргажээ. Улсын өсөх идэр начин Э.Энхбатын биеийн байдал хүнд Сонгдо эмнэлэгт ухаангүй байдалтай эмчлүүлж байгаа. Уг хэрэгт холбогдох эрүүгийн хэргийн шүүх хурлын урьдчилсан хэлэлцүүлэг ирэх Баасан гарагт буюу 24-нд ХУД-ийн Эрүүгийн хэргийн Анхан шатны шүүхэд товлогдоод байна.

САРЫН НАСТАЙ АЛБАН ТУШААЛД ТОМИЛОГДСОН “НАСТАН” Б.БОЛДБААТАР ШШҮХ-Г САМРАХ БОЛЖЭЭ

12 / 20 6 сэтгэгдэл 6 293 үзсэнe

Шүүхийн шинжилгээний үндэсний хүрээлэн бол шинжлэх ухаанч, төрд хуулийн дагуу үүрэг хүлээх ёстой тийм үүрэгтэй байгууллага. Тус байгууллагын даргаар шүүх шинжилгээний байгууллагад 12 жил ба түүнээс дээш хугацаагаар ажилласан туршлагатай хүн томилогдох шаардлагатай. Гэтэл тус газрын даргаар сүүлийн үед тэтгэвэрт гарах хугацаа нь дөхсөн цагдаагийн хурандаа нар томилогдож байгаа. Үүнийг нотлож : ШШҮХ-ийн захирлаар Б.Ядамдорж 2020 оны 09-р сард томилогдож байсан ч хамаарал бүхий этгээдүүд хамаатан саднаараа мөнгө угаасан гэгдэх яриа бий. Ганцхан жил ШШҮХ-ийн захирлаар ажиллаж гавьяаныхаа амралтад гарсан. Гэтэл түүний ажлыг түүнээс настай цагдаагийн хурандаа Б.Болдбаатар гэх эрхэм өвлөн аваад байна. ШШҮХ-гийн шинэхэн захирал ажлаа аваад удаагүй ч тэтгэвэрт гарах хуулийн хугацаа нь 2022 он гараад тохионо. Энэ нь ганцхан сарын настай албан тушаалд Б.Болдбаатар хурандааг томилсон гэсэн үг юм. Албан тушаалд томилогдсон Б.Болдбаатар алба хаагчдаа өөрийг нь тосож авсангүй, машины хаалгыг онгойлгож өгсөнгүй хэмээн уурсаж буй сурагтай. Гэмт хэргийн чухал нотлох баримтыг мэргэжлийн, хараат бус, шинжлэх ухаанчаар гаргадаг байгууллага цагдаагийн хурандаа нарын тэтгэвэрт гарахдаа очдог орогнох газар төдий болж төрийн албыг хөгшчүүлээр самруулах болжээ.

ТӨРСӨН ЭЦЭГТЭЭ ХҮЧИНДҮҮЛСЭН ХОЁР НАСТАЙ ОХИНЫ ДҮГНЭЛТИЙГ ЗӨРҮҮТЭЙ ГАРГАСАН ШШҮХ, АРХАНГАЙ АЙМГИЙН ШИНЖЭЭЧ ЭМЧИЙГ ТУСГАЙ СУБЪЕКТЭД ШАЛГУУЛНА !

12 / 20 0 сэтгэгдэл 5 486 үзсэнe

Хоёрхон настай охиноо төрсөн эцэг нь хүчирхийлсэн хэрэг энэ оны зургаан сард гарсан. Гэтэл энэ хэрэг одоог хүртэл эцэслэн шийдэгдээгүй бөгөөд гэрчид мэдэгдэлгүй хэргийг хаах гэж байгаа тухай хохирогчийн ээж мэдээллээд байгаа юм. Уг нь хэргийн хөөн хэлэлцэх хугацаа хоёр жил байх ёстой боловч энэ хэргийг одоо охины ээжийг хуулийн мэдлэггүйгээр нь далимдуулан нууцаар хаах гэж байж болзошгүй талаар эх сурвалжаас мэдээлж байгаа. Олны танил, бид бүгдийн хэлдгээр "Инфлүүнсэр" гэгдэх хүмүүс энэ төрлийн бэлгийн хүчирхийллийн дуу хоолой болж байна гэж хэсэг сенсаци дэгдээж тусална хэмээж байсан боловч хандалт аваад л таг болчихдог нь энэ хэрэг дээр ч харагдсан. Тиймээс тухайн хүмүүст ямар ч хамааралгүй учир охины ээж өмгөөлөгчтэйгөө тус хэрэгтэй холбоотой материалыг дэлгэн нэр бүхий эрхмүүдийг хуулийн дагуу шалгуулах хүсэлт өгөхөөр болжээ. Тэдгээрээс хамгийн их сонирхол татаж байгаа нь ШШҮХ нэрлэгдэж байна. Учир нь тухайн хэргийн анхны шинжээчийн дүгнэлт охин хальс урагдалтай хэмээн гарсан нь Архангай аймагт бол Нийслэл Улаанбаатар хот дахь шинжээч эмчийн дүгнэлт охин хальс урагдалгүй хэмээн гарсан. Тэгвэл охины ээж болох н.Булганнямын өмгөөлөгч эдгээр буруу хариу гаргасан газруудыг хуулийн дагуу шалгуулахаар болжээ. Дашрамд мэдээлэхэд сүүлийн үед асуудал дагуулах болсон ШШҮХ буюу ХЗДХЯ-ны харьяа агентлаг нь Цагдаагийн байгууллагаас гавьяаны амралтандаа гарч албан тушаалаасаа чөлөөлөгдсөн буюу тэтгэвэртээ гарсан албан тушаалтнуудыг даргаараа томилох болоод нилээд уджээ.

СХД-ИЙН ЗАМЫН ЦАГДААГИЙН ДАРГА “ХЭНТИЙ” АЙМГИЙНХ ТУЛ ХАРИУЦЛАГА ҮҮРЭХ БОЛОМЖГҮЙ ЮУ ...

12 / 20 0 сэтгэгдэл 6 089 үзсэнe

Схд-ийн замын цагдаагийн хэлтсийн дарга Э гэгч алба хаагчаа дарамталсанаас үүдэн 26-н настай иргэн О амиа егүүтгэсэн байж болзошгүй гэх мэдээллийг бид олон нийтэд мэдээллэсэн. Тус асуудлаар ЦЕГ-ын ХМТ-өөс ч тайлбар мэдээлэл хэвлэлүүдэд өгсөн байдаг. Тэгвэл алба хаагчаа дарамталсан гэх удирдах албан тушаалтан Э гэгч нь талийгаачийг “”Би чамайг заавал шоронд явуулна” “Чамд заавал ял үүрүүлнэ” “Газрын дарга бид 2 найзууд тул та нар амжихгүй шүү” гэх мэтээр дарамталдаг байсан болохыг эх сурвалжууд мэдээлсэн. Эх сурвалжууд гэдэгт тус цагдаагийн хэлтсийн хэд хэдэн алба хаагчид буюу талийгаач О той мөр зэрэгцэн ажиллаж байсан ажилтан алба хаагчид хэд хэдээрээ багтаж байсан тул бид мэдээллийн эх сурвалж цагдаа нар бөгөөд тэд өөрсдөө “Шүгэл үлээж” эхэлсэн хэмээн тодотгосон. Гэвч алба хаагчдаа дарамталж амиа егүүтгэхэд хүргэсэн байж болзошгүй гэгдэж байсан албан тушаалтныг албан тушаалаас нь түдгэлзүүлэн хэсэг шалгасан болоод эргэн томилсон гэх мэдээлэл байна. Учир нь СХД-ийн Замын цагдаагийн дарга Хэнтий аймгийнх аж ... Өнөөгийн МУ-ын засаг захиргаа төрийн эрхийг тэр чигтээ шахуу тус аймгаас гаралтай албан тушаалтнууд эзэгнэж буй. Эх сурвалжууд маань цагдаагийн байгууллагын тусгай журам кодыг дагаж мөрддөг учраас тэднийг нууцлан мэдээллийг бичвэр хэлбэрээр бид нийтэлсээр байгаа. Тэгвэл алба хаагч нь амиа егүүтгэхэд хүрсэн түүнийг болон бусад алба хаагчдаа дарамталдаг байсан гэгдэх цагдаагийн удирдах албан тушаалтандаа төр арга хэмжээ авалгүй ийнхүү эгүүлэн томилж байгаа бололтой. Э нь цагдаагийн байгууллагад хэрэглэгдэх ёстой , төрөөс олгодог шатахууны талоныг хамаарал бүхий этгээдийнхээ компанид худалдан борлуулдаг буюу шахаа хийдэг. Албаны автомашин хөлөглөн охид бүсгүйчүүдтэй оройн цагаар зугаалдаг үүний тулд чиглэлд үүрэг гүйцэтгэж буй алба хаагчаа “Чиглэлээ орхиод бидэнд үйлчил” гэж чирэгдүүлж дарамталдаг гэх мэдээлэл ч байсан юм. Удирдах албан тушаалтны ёс зүйгүй ааш авир дарамт шахалтын талаар удаа дараа алба хаагчид нь цагдаагийн байгууллагын дотоод хяналт шалгалт болох ёс журамд хандан гомдоллож байсан ч авсан арга хэмжээ гэхээр зүйл үгүй өнөөдрийг хүрсэн бол алба хаагч нь амиа егүүтгэсэн асуудалд нь ч хариуцлага тооцолгүй толгойг нь илээд өнгөрүүлж буй бололтой.

Э.БАТ-ҮҮЛ, Б.ЧУЛУУДАЙ НАРААС 1 ТЭРБУМ 327 САЯ 800 МЯНГАН ТӨГРӨГИЙГ ХУВЬ ТЭНЦҮҮЛЭН ГАРГУУЛНА

12 / 20 0 сэтгэгдэл 2 429 үзсэнe

Шүүгдэгч Э.Бат-Үүлд 2015 оны Эрүүгийн хуулийн ерөнхий ангийн 1.9 дүгээр зүйлийн 1 дэх хэсэгт заасныг журамлан мөн хуулийн тусгай ангийн 22.12 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцож, 2002 оны Эрүүгийн хуулийн ерөнхий ангийн 36 дугаар зүйлийн 36.3 дэх хэсэгт заасныг журамлан мөн хуулийн тусгай ангийн 263 дугаар зүйлийн 263.2 дахь хэсэгт заасан гэмт хэргийг үйлдсэн гэм буруутайд тооцож тус бүр 2 жилийн хугацаагаар хорих ял шийтгэж, нийт биечлэн эдлэх ялыг 4 жилийн хугацаагаар тогтоож /нээлттэй/, нийтийн албанд томилогдох эрхийг 3 жилийн хугацаагаар хасах ял, шүүгдэгч Б.Чулуудайд 2015 оны Эрүүгийн хуулийн ерөнхий ангийн 1.9 дүгээр зүйлийн 1 дэх хэсэгт заасныг журамлан 22.12 дугаар зүйлийн 1 дэх хэсэгт заасан гэмт хэргийг үйлдсэн гэм буруутайд тооцож, уг хэргийг Эрүүгийн хэрэг хянан шийдвэрлэх тухай хуулийн 34.19 дүгээр зүйлийн 1.2-т заасан үндэслэлээр хэрэгсэхгүй болгож, 2002 оны Эрүүгийн хуулийн тусгай ангийн 263 дугаар зүйлийн 263.2 дахь хэсэгт заасан гэмт хэргийг үйлдсэн гэм буруутайд тооцож нийтийн албанд томилогдох эрхийг 2 жилийн хугацаагаар хасч, хөдөлмөрийн хөлсний доод хэмжээг 80 дахин нэмэгдүүлсэнтэй тэнцэх хэмжээний буюу 15.360.000 төгрөгөөр торгох ял, шүүгдэгч Т.Гэрэлт-Одод 2015 оны Эрүүгийн хуулийн ерөнхий ангийн 1.9 дүгээр зүйлийн 1, 2.2 дугаар зүйлийн 3, 3.2 дугаар зүйлийн 1 дэх хэсэгт заасныг журамлан 22.12 дугаар зүйлийн 1 дэх хэсэг заасан гэмт хэргийг үйлдсэн гэм буруутайд тооцож 7 сая төгрөгөөр торгох ял, шүүгдэгч Д.Жаргалсайханд 2015 оны Эрүүгийн хуулийн ерөнхий ангийн 1.9 дүгээр зүйлийн 2, 1.8 дугаар зүйлийн 1 дэх хэсэгт заасныг журамлан 2002 оны Эрүүгийн хуулийн тусгай ангийн 269 дүгээр зүйлийн 269.1 дэх хэсэгт заасан гэмт хэргийг үйлдсэн гэм буруутайд тооцож хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх хэмжээний буюу 9.792.000 төгрөгөөр торгох ял, шүүгдэгч Ю.Алтангэрэлд 2015 оны Эрүүгийн хуулийн ерөнхий ангийн 1.9 дүгээр зүйлийн 1 дэх хэсэгт заасныг журамлан мөн хуулийн тусгай ангийн 22.12 дугаар зүйлийн 1 дэх хэсэг заасан гэмт хэргийг үйлдсэн гэм буруутайд тооцож 2.700.000 төгрөгөөр торгох ял тус тус шийтгэж, шүүгдэгч Э.Бат-Үүл, Б.Чулуудай нараас 1 тэрбум 327 сая 800 мянган төгрөгийг хувь тэнцүүлэн гаргуулж Нийслэлийн Засаг даргын Тамгын газарт, иргэний хариуцагч Бэрэн ХХК-наас 9 тэрбум төгрөгийг, шүүгдэгч А.Гантулгаас 210.651.500 төгрөгийг, шүүгдэгч Т.Гэрэлт-Одоос 120.096.500 төгрөгийг шүүгдэгч Ю.Алтангэрэлээс 10.500.000 төгрөгийг тус тус гаргуулан Төрийн орон сууцны корпорацад олгуулж шийдвэрлэлээ.

НИЙСЛЭЛИЙН АГААРЫН БОХИРДОЛД ЗОРИУЛАЛТЫН БУС ЗУУХ АШИГЛАЖ БАЙНА ХЭМЭЭН ИРГЭДЭЭ БУРУУТГАВ

12 / 20 0 сэтгэгдэл 797 үзсэнe

Нийслэлийн агаарын бохирдолтой тэмцэх газраас Нийслэлийн агаарын чанарын өнгөрсөн долоо хоногийн мэдээллийг хүргэсэн. Агаар мандлын инверсийн үзэгдэл өвлийн улиралд нийслэлийн агаарын бохирдолд томоохон нөлөөг үзүүлдэг гэж мэргэжилтнүүд тайлбарлалаа. "Өнгөрсөн долоо хоногийн инверсийн үзэгдлийн эрчим, давтамж өнгөрсөн оноос 20-25 хувиар их байсан нь агаар дахь азотын давхар исэл, PM тоосонцрын хэмжээ их байхад нөлөөлсөн" гэв. Мөн айл өрхийн түлшний хэрэглээ нэмэгдсэн бөгөөд зориулалтын бус зуух ашиглаж байгаа нь агаарын бохирдол нэмэгдэхэд нөлөөлж байна хэмээн тайлбарлав. Ерөнхийдөө бол түрүү жилийн мөн үед иргэд эд хөл хорионд гэртэй бүгд гал түлж байхад өнөөдрийн байдалтай байгаагүй. Иргэдийн үзэж байгаагаар шахмал түлш хямдарсан учир найрлага муудаж илүү утаа гаргах болсон хэмээн үзэж байгаа юм. Ийнхүү жил бүр хэдэн тэрбум зарцуулан агаарын бохирдлыг бууруулна гэдэг ч бодит байдал дээр дахиад л Нийслэл хот утаандаа угартаж эхэллээ. Сүүлийн үед иргэдээ буруу зуух хэрэглэж байна хэмээн зэмлэх болов. Энэ нь өөрсдийнхөө арьсыг хамгаалж байгаа хэрэг гэдгийг ч иргэд ам нэгтэй ярьж байна. Ерөнхийдөө бол гэр хорооллын айл өрхүүдийнхээ дулааныг цахилгаанаар шийдэхгүйгээр бид сайжруулсан түлш мэтээр утаанаас салж чадахгүй гэдэг нь харагдаж байна.

СЭРЭМЖЛҮҮЛЭГ : АМРАЛТЫН ӨДРӨӨР ГУРВАН ТЭЭВРИЙН ХЭРЭГСЭЛ ШАТЖЭЭ

12 / 20 0 сэтгэгдэл 5 365 үзсэнe

Нийслэлийн Сонгинохайрхан дүүргийн 3 дугаар хорооны 37 дугаар гудамжинд суудлын автомашин шатаж байна гэсэн дуудлагыг 12.19-ний өдрийн 17:01 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 4 км зам туулан 17:08 цагт очиход иргэн Э-ын “Исис” загварын автомашин шатаж байсныг 5 минут ажиллаж унтраасан. Нийслэлийн Баянгол дүүргийн 5 дугаар хорооны “Задгай”-д суудлын автомашин шатаж байна гэсэн дуудлагыг 12.19-ний өдрийн 23:47 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 5 км зам туулан 23:53 цагт очиход иргэн У-ийн “Делика” загварын суудлын автомашин хөдөлгүүр шатаж байсныг 15 минут ажиллаж унтраасан. Нийслэлийн Баянгол дүүргийн 6 дугаар хорооны “Задгай”-д суудлын автомашин шатаж байна гэсэн дуудлагыг 12.20-ны өдрийн 02:12 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 02:13 цагт ангиас гарч 6 км зам туулан 02:20 цагт очиход иргэн Ц-ын “Приус-20” загварын суудлын автомашин шатаж байсныг 25 минут ажиллаж унтраасан.

ХАРАМСАЛТАЙ НЬ ХҮЧИРХИЙЛЛИЙН ДУУДЛАГА МЭДЭЭЛЭЛ НЭМЭГДСЭЭР Л !

12 / 20 0 сэтгэгдэл 606 үзсэнe

Гэр бүлийн хүчирхийллийн 162 дуудлага нэг өдөрт бүртгэгдсэн нь энэ төрлийн гэмт хэрэг тасрахгүй байгааг харуулсаар байна. Цагдаагийн байгууллагын 102 утсанд гэр бүлийн хүчирхийллийн өдөрт бүртгэгдэх дуудлага 100-аас буурахгүй, өдөр бүр энэ тоо нэмэгдэж байгаа нь хүчирхийлэл гаарч байгаагийн илрэл болж байна. Үүний улмаас ч сүүлийн үед харамсалтай хэргүүд ар араасаа гарах боллоо. Тиймээс хүн бүр хүчирхийллийн шинж чанартай үйлдэл сонсож, харсан бол чимээгүй байлгүй цагдаагийн байгууллагад мэдэгдэхийг хүсэж байна. Ингэснээр иргэн та ямар нэгэн байдлаар хүчирхийллийн золиос болж магадгүй хэргийг таслан зогсоож байгаа гэдгээ ухамсарлах хэрэгтэй.

ОЛИМПЫН АВАРГА Н.ТҮВШИНБАЯР ГЭМ БУРУУТАЙ НЬ ТОГТООГДОЖ БАЙЖ 5-12 ЖИЛИЙН ЯЛ АВНА !

12 / 20 0 сэтгэгдэл 2 213 үзсэнe

Олимпын аварга, Хөдөлмөрийн баатар Н.Түвшинбаяр энэ оны дөрөвдүгээр сарын 02-ны өдөр Хан-Уул дүүргийн нэгдүгээр хорооны нутаг дэвсгэрт согтууруулах ундааны зүйл хэрэглэсэн үедээ Өрийн найз, Улсын начин Э.Энхбатыг тодорхойгүй шалтгаанаар зодож эрүүл мэндэд нь хүнд хохирол санаатай учруулсан гэмт хэрэгт холбогдсон. Хан-Уул дүүргийн прокурорын газраас Н.Түвшинбаярт холбогдох хэргийг хянаад, 2021 оны арванхоёрдугаар сарын 01-ний өдөр Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.1-т зааснаар яллах дүгнэлт үйлдэн тус дүүргийн Эрүүгийн хэргийн анхан шатны шүүхэд шилжүүлэхээр шийдвэрлээд байгаа юм. Хан-Уул дүүргийн Эрүүгийн хэргийн анхан шатны шүүхэд энэ сарын 23-ны өдрийн 14:00 цагт Н.Түвшинбаярт холбогдох хэргийг шүүхэд шилжүүлэх эсэхийг шийдвэрлэх урьдчилсан хэлэлцүүлгийн шүүх хуралдаан болох юм. Өнөөдрийн байдлаар Улсын начин Э.Энхбат 8-9 сарын хугацаанд амьдралын төлөө тэмцсээр байгаа нь хүнд гэмтэл учруулсан нь тодорхой харагдаж байгаа. Ийнхүү хэрэг нь ил байхад түүнд өнөөг хүртэл ял оноохгүй байгааг хардах иргэд ч олон байна. Тиймээс ч түүний гэм буруугийн шүүх хурлын шийдвэрийг хүлээх л үлдлээ.