Л.ЭНХ-АМГАЛАН: ОРОН СУУЦНЫ НЭГ ДАВХРЫГ ЦЭЦЭРЛЭГИЙН ЗОРИУЛАЛТААР ХУДАЛДАЖ АВНА

04 / 20 0 сэтгэгдэл 480 үзсэнe

Л.Энх-Амгалан сайд : Бүх хүүхдийг цэцэрлэгт хамруулахад шинээр 280 цэцэрлэг барих шаардлагатай. Нийслэлд жилд дунджаар 60-70 мянган хүн шилжин ирдэг гэж тооцвол улсын төсвийн хөрөнгөөр цэцэрлэгийн хүртээмжийн асуудлыг шийдэх боломжгүй. Иймээс цэцэрлэгийн барилгыг улс, нийслэлийн төсөв болон төсөл хөтөлбөрийн санхүүжилтээр барихын зэрэгцээ цэцэрлэгийн зориулалттай барилгыг түрээслэх, байгууллагын дэргэдэх цэцэрлэгийн үйл ажиллагааг дэмжих, хувийн цэцэрлэгүүдийн сул орон зайд хүүхэд хүлээн авах боломжийг бүрдүүлэхэд анхаарна. Ингэхдээ хүүхдийн тоогоор хувьсан зардал болон хоолны зардлыг олгохоор тооцсон. Алслагдсан гэр хороололд “Өргөө” цэцэрлэг барих ажлыг эрчимжүүлэх бөгөөд энэ онд хоёр цэцэрлэг барихаар төсөвт суулгасан байгаа” хэмээв. Орон сууцны нэгдүгээр давхрыг цэцэрлэгийн зориулалтаар худалдаж авах, өөрийн газар дээр цэцэрлэг барьсан тохиолдолд төрөөс дэмжиж татварын хөнгөлөлт үзүүлэх талаар арга хэмжээ авна.

“САХАЛ’’ Д.ЭРДЭНЭБИЛЭГИЙГ АТГ-ААС СААТУУЛЛАА

04 / 20 0 сэтгэгдэл 783 үзсэнe

Эх сурвалжийн мэдээлж байгаагаар, түүнийг Хөгжлийн банкны хэрэгт холбогдуулан ийнхүү тайлбар авч байгаа гэх бөгөөд Сүхбаатар дүүрэгт байрлах Худалдаа хөгжлийн банкны төв оффист АТГ-ын мөрдөгч нар нэгжлэг хийж, санхүүгийн баримтуудыг хураан авчээ. Түүнчлэн Д.Эрдэнэбилэгийн Хан-Уул дүүрэгт байрлах гэрт нь нэгжлэг хийж, түүнийг гэрээс нь саатуулжээ. Шалгалтын ажиллагаа үргэлжилж байна .

ХЯТАДУУДТАЙ НИЙЛЖ БАЯЛАГ ЦӨЛМӨГСӨД

04 / 19 0 сэтгэгдэл 1 356 үзсэнe

Мандах суманд лиценз нэрээр Хятадуудтай нийлж эх орны баялгийг цөлмөгсөд.Эх орныхоо гишгэх газрыг алд дэлэмээр ханаж цадахаа мэдэхгүй улайран зарсан гэх. Эрүүгийн хэрэгт ЯЛЛАГДАГЧААР татагдсан Кекшүзаны хамтрагч Бөнтөгийн Цэрэндорж яг юу хийгээд явна. Дорноговь аймгийн Мандах сумын малчдыг зодож хоёр гарыг нь хүлж байгаад нүүрс ухахыг завдаж буй "Түмэн айл инвест" компанийг эсэргүүцсэн малчид аврал эрж, тойргоосоо сонгогдсон УИХ-ын гишүүн Б.Дэлгэрсайханд хандсан ч тусыг эс олжээ. Энэ газрыг ухах гээд байгаа компаний жинхэнэ эзэн нь УИХ-ын гишүүн Б.Дэлгэрсайханы "ХАМТРАГЧ" аж. Улсын бүртгэл дээр "Түмэн айл инвест" гэх компани эздээсээ огт өөр хүмүүсийн нэр дээр. Эдгээр хүмүүс бол жинхэнэ эздүүдийн ах дүү, гүйцэтгэх захирал, хамтрагчид. Халхавчны ар дах жинхэнэ ЭЗЭН нь Ишбадамын Сүхбат гэгч. И. Сүхбат нь Дорноговь аймгаас сонгогдсон УИХ-ын гишүүн Б.Дэлгэрсайхантай нэгдмэл сонирхолтой . И.Сүхбат Б.Дэлгэрсайхан нар дундаа " Монголын төмөрлөг үйлдвэрлэгчдийн холбоо " хэмээх Төрийн бус байгууллагыг хамтран эзэмшдэг аж. Зөвхөн энэ биш олон төрлийн бизнесээр холбогдсон. И.Сүхбатын төрсөн эгч Ишбадамын Нарантуяа нь АН-аас УИХ-д нэр дэвшиж, Хүүхдийн төлөө Үндэсний төвийн даргаар ажиллаж байсан. И.Сүхбатын "Түмэн айл инвест" компани Мандах сумын газар нутгаас маш их хэмжээний газрыг ХАЙГУУЛЫН болон АШИГЛАЛТЫН 6 лицензээр авчээ. /Одоогоор 2 нь ашиглалтынх/ . Эдгээр лицензүүдийг "Түмэн айл инвест " компаниасаа гадна "Их түмэн хүрд" гэх компаний нэрээр авсан гэх. Энэ хоёр компаний эцсийн өмчлөгч нь нэг буюу И.Сүхбат түүний хамтрагчид. "Их түмэн хүрд " компани нь бүртгэл дээр Ж.Дашхорлоо гэх хүний нэр дээр байдаг ч Тавантолгойн анхны хайгуулчдын нэг. "Түмэн айл инвест" компаний хамтран эзэмшиж байгаад “Их түмэн хүрд” ХХК ийн компаний эзэн болсон гэдэг. Мандах суманд болсон малчдын тэмцлийн үеэр Кекшүзан Батбаярын хамтрагч Бөнтөгийн Цэрэндорж “Түмэн айл инвест” компанийг төлөөлөн очсон нь санамсаргүй тохиолдол биш аж. Кекшүзан Батбаяр, Бөнтөгийн Цэрэндорж нар Богд уулсын газар болон Монголын газар нутгийг хуурамч бичиг баримт бүрдүүлэн Хятадуудад зарахыг завдсан үйлдлээрээ Эрүүгийн хэрэгт ЯЛЛАГДАГЧаар татагдан шүүх дээр байгаа.Өнгөрөгч өвөл Кекшүзан Батбаяр Мандах суманд гэнэт зочилсны цаад шалтгаан нь НҮҮРСНИЙ ЛИЦЕНЗ. УИХ-ын гишүүн Б.Дэлгэрсайхан, УИХ-ын гишүүн асан Кекшүзан Батбаяр, Цагааншонхорын Энхтайтан тэргүүтэй цөөхөн хэдэн хүмүүс л өнөөдөр Монголын баялгийг лиценз нэрээр Хятадуудтай нийлж үрэн таран хийж, гэдсээ хагартал идэж байгаа. Малчид аврал эрэн очсон гишүүн нь тэмцээд байгаа уурхайтай нь жинхэнэ гар баригсад гэдгийн яахан мэдэх билээ.

ГАНЦХАН УДАА СУГАЛАА ХУДАЛДАЖ АВААД Т.АНАР ХҮҮД ТУСЛАМЖИЙН ГАРАА СУНГАЯ

04 / 19 0 сэтгэгдэл 645 үзсэнe

Цахим орчинд Т.Анар хүүгийн эмчилгээний зардлыг бүрдүүлэхээр сайн санаат хүмүүс чөлөө завгүй ажиллаж байна.Та бүхэн сайн санааны үүднээс тус хандивын аянд оролцож, бяцхан зүрхэнд амьдрах итгэл бэлэглээрэй.

УУХҮЯ: АИ-95 200 ТӨГРӨГӨӨР НЭМЭГДСЭН, АИ-92-ЫН ҮНИЙГ БАРИНА

04 / 19 0 сэтгэгдэл 912 үзсэнe

АИ-95 шатахуун 200 төгрөгөөр, дизель түлшний үнэ 250 төгрөгөөр тус тус нэмэгдлээ.АИ-92 шатахууны үнийг тогтвортой барина гэж салбарын яам мэдэгдээд байна. Уул уурхай, хүнд үйлдвэрийн яамны албаны эх сурвалж "АИ-95 болон дизель түлшний үнэ 200-250 төгрөгөөр нэмэгдэж байгаа. АИ-92 шатахууны үнэ нэмэгдээгүй. Үнийг тогтвортой барина. Евро-2, Евро-5 гээд АИ-92 шатахууны хоёр төрөл байдаг. Эдгээрийн үнэ хэвийн байгаа" гэх тайлбарыг өглөө. Шатахууны үнэ ийн нэмэгдсэнээр нэг литр АИ-95 шатахуун 3260 төгрөгөөр, дизель түлш 3440 төгрөгт хүрлээ.

ЕРӨНХИЙЛӨГЧ ПУТИН УКРАИНЫГ ЭЗЛЭН ТҮРЭМГИЙЛСЭНТЭЙ ХОЛБОГДУУЛАН ОХУ-ЫН ЭСРЭГ АВСАН ХОРИГ АРГА ХЭМЖЭЭ НЬ БАРУУНЫ ОРНУУДЫН ЭДИЙН ЗАСГИЙГ ДОРОЙТУУЛАХАД ХҮРГЭСЭН

04 / 19 0 сэтгэгдэл 777 үзсэнe

Тодруулбал: ОХУ ерөнрийлөгч Путин мэдэгдэлдээ “Барууны орнууд манай улсын санхүү-эдийн засгийн байдлыг хурдан хямрааж, зах зээлд үймээн самуун дэгдээж, банкны систем сүйрч, бараа бүтээгдэхүүний хомсдолд орно гэж хүлээж байна. Орос улс урьд өмнө хэзээ ч байгаагүй дарамтыг даван туулсан" гэв. Гэхдээ барууныхны хориг арга хэмжээ бидэнд бус тэдэнд илүү сөргөөр нөлөөлсөн бөгөөд. Орос рублийн ханш чангарч, энэ оны эхний улиралд тус улс 58 тэрбум ам.долларын худалдааны ашигтай гарч түүхэн дээд амжилт тогтоосон нь үүнийг батлаж байна гэв. ОХУ-аас АНУ болон түүний Европын холбоотнуудын эсрэг хориг арга хэмжээ авсан нь эдгээр улсуудын инфляцийг хурдасгаж, амьжиргааны түвшин буурахад хүргэсэн. Путин ОХУ-д хэрэглээний үнэ огцом өсч 4-р сарын байдлаар 17.5 хувиар өссөнийг онцлоод инфляцийн орлогод үзүүлэх нөлөөллийг бууруулахын тулд цалин болон бусад төлбөрийг индексжүүлэхийг засгийн газарт чиглэл болгожээ.

ХЗДХ-ИЙН САЙД Х.НЯМБААТАР ГАШУУН СУХАЙТАД АЖИЛЛАЖ БАЙНА

04 / 18 0 сэтгэгдэл 275 үзсэнe

ХЗДХ-ийн сайд Х.Нямбаатар өнөөдөр Гашуун сухайт хилийн боомтод ажиллаа. Хайрхан багийн төвд орон нутгийн төсвөөр завсарлаж байгаа молекул биологийн лабораторийн ажлын явцтай танилцаж, засварыг яаралтай дуусгаж үйл ажиллагаагаа эхлүүлэхийг холбогдох албаны хүмүүст үүрэг болгов. Мөн Хятад улсын талын нүүрс импортлогч компаниудтай цахим хурал хийлээ.

ХЗДХ-ийн САЙД Х.НЯМБААТАР ХҮРМЭН СУМЫН ЖАНЖИН БАГТ УУЛЗАЛТ ХИЙЛЭЭ

04 / 18 0 сэтгэгдэл 258 үзсэнe

ХЗДХ-ийн сайд Х.Нямбаатараар ахлуулсан ажлын хэсэг Өмнөговь аймгийн хилийн боомтуудын нөхцөл байдалтай танилцаж, үйл ажиллагааг эхлүүлэх, экспортыг нэмэгдүүлэх ажлын хүрээнд Шивээ хүрэн, Цагаан дэл, Гашуунсухайтад ажиллаж байна. Энэ үеэр Өмнөговь аймгийн удирдлагуудын хүсэлтээр “Цагаан дэл-Өлзий” боомтыг шинээр нээхийг эсэргүүцэн, нутаг бэлчээрийн асуудлыг хөндөж байгаа малчид иргэдийн төлөөлөлтэй 2022 оны 4-р сарын 15-нд Хүрмэн сумын “Жанжин багийн төвд уулзалт хийлээ. Монгол Улсын Засгийн газар Шинэ сэргэлтийн бодлогын хүрээнд гадаад худалдаа экспортын гарцыг нэмэгдүүлэх, боомтын сэргэлтийг эрчимжүүлэхэд тодорхой зорилт тавьж ажиллаж байгаа талаар мэдээлэл өглөө. Малчид иргэдийн хувьд Борзонгийн говь, говийн байгалийн олон төрөл зүйл, эко системд нөлөөлөх үр дагавар мөн тухайн нутгийн малчдын бэлчээр усны асуудал хөндөгдөх, боомтыг даган шинээр уул уурхай бий болох зэрэг эрсдэлтэй нөхцөл үүсэхвий гэдэгт санал бодлоо илэрхийллээ. Уулзалтаас гарсан саналуудыг нэгтгэн Засгийн газрын хуралдаанд танилцуулна гэдгээ ХЗДХ-ийн сайд хэллээ.

“ГАЗРЫН ХАРИЛЦАА- ЦАХИМ ШИЛЖИЛТ” НЭЭЛТТЭЙ ХААЛГАНЫ ӨДӨРЛӨГ БОЛЛОО

04 / 18 0 сэтгэгдэл 269 үзсэнe

Аймгийн Газрын харилцаа, барилга, хот, байгуулалтын газраас иргэдэд газар өмчлөх, ашиглахтай холбоотой төрийн үйлчилгээг нэг дороос хүргэх, цахимаар хэрхэн үйлчилгээ авч болох талаар мэдлэг мэдээлэл олгох зорилгоор нээлттэй хаалганы өдөрлөгийг зохион байгуулж ажиллаа. Нээлттэй хаалганы өдөрлөгт тус газрын мэргэжилтнүүд, Даланзадгад сумын 8 багийн дарга, сумдын газрын даамлууд, Улсын бүртгэлийн хэлтэс, тусгай зөвшөөрөлтэй кадастрын мэргэжлийн байгууллага зэрэг иргэний газар өмчлөлтэй холбоотой бүх үйлчилгээг нэг дор үзүүлж нийт 900 гаруй иргэний асуудлыг шийдвэрлэж ажилласан байна. “Цахим Өмнөговь” хөтөлбөрийн хүрээнд энэхүү өдөрлөгийг зохион байгуулж байгаа бөгөөд иргэд газар эзэмших, ашиглахтай холбоотой 12 төрлийн үйлчилгээг egazar.gov.mn цахим системээр нэвтэрч үйлчилгээ авах боломжтой байна. Нээлттэй хаалганы өдөрлөгт ирж газар дээр нь газрын гэрчилгээгээ гаргуулсан иргэдийн гэрчилгээг аймгийн Засаг даргын орлогч Н.Энхбат гардуулан өглөө.

13 НАСТАЙ ОХИНД ХЭРЭГ ТУЛГАЖ, БАЙЦААСАН АСУУДЛЫГ ШАЛГАХААР ЦЕГ-ААС АЖЛЫН ХЭСЭГ ХӨДӨЛЛӨӨ

04 / 18 0 сэтгэгдэл 932 үзсэнe

Дөрөвдүгээр сарын 14-ний өдөр Ховд аймгийн Дарви сумын цагдаагийн хэсгийн төлөөлөгч, цагдаагийн дэслэгч н.Мөнхбаатар 13 настай охиныг гавлаж биед нь халдаж, хэрэг тулгасан гэх хэрэг гарсан. Энэ асуудлаар мэдээлэл цацагдаж эхэлсэн даруйд Цагдаагийн ерөнхий газраас ажлын хэсэг гарч, Ховд аймаг руу явлаа.