МОНГОЛД ИРЭХ ДӨРВӨН ЖИЛД ДЕФОЛТ БОЛЖ БОЛЗОШГҮЙГ АНХААРУУЛЖЭЭ
Инфляц хурдасч, зээлийн өртөг нэмэгдэж байгаа энэ үед Азийн хилийн зах зээлд бие даасан дефолт үүсч болзошгүй гэсэн болгоомжлол улам бүр нэмэгдсээр байна. Ирэх дөрвөн жилд төлбөрөө төлөхгүй байх магадлал хамгийн өндөр байгаа нь Лаос, дараа нь Монгол улс орж байна гэж “Economist Intelligence Unit” Пүрэв гаригт гаргасан тайландаа дурдав. Мьянмар ч бас болзошгүй эрсдэлтэй гэж нэмж тэмдэглэжээ. Шри Ланка, Орос улс энэ онд өр төлбөрөө зогсоосны дараа дэлхийн бондын хөрөнгө оруулагчид түүхэн дампуурлын аюулаас болгоомжилж байна. Нөөцөө багасгаж, импортын өсөлттэй тэмцэж буй Азийн эдийн засагт санаа зовоосон асуудал илүү хурцаар тавигдаж байгаа юм. Холбооны нөөцөөс зээлийн хүүг огцом өсгөсөн нь дэлхийн хэмжээнд зээлийн зардлыг өсгөж байгаа аж. Энэ нь дэлхийн өнцөг булан бүрт хөгжиж буй эмзэг эдийн засгийн талаар цуурайтаж буй эрсдэл бөгөөд “Bloomberg Intelligence” Эль Сальвадор, Гана, Египет, Тунис, Пакистан ирэх дөрвөн жилд хэрхэх нь тодорхойгүй байгааг онцолсон байна. Гадаад өр зээлээ төлөх боломжгүй болох магадлалтай 21 орон байна. Дэлхийн хөрөнгө оруулагчид дээр дурдсан орнуудад дефолт болох бүрэн боломжтой гэж сануулаад байна. Өнгөрсөн онд дефолт болох боломжтой орнуудын тоо хоёр дахин бага байсан гэж “EIU” мэдээлэв. Монгол Улс энэ онд шинээр орж ирж буй өрийн урсгалд түшиглэж байгаа ч дараагийн зээлийн хүүгийн төлбөрийг өндөр инфляц, мөнгөн тэмдэгтийн ханш сулрах эрсдэлээс шалтгаалж төлөх боломжгүйд хүрч байна гэж “EIU” мэдэгдлээ. Эх сурвалж: Bloomberg
ХАР ТАМХИНЫ ХЭРГЭЭР Г.БАТХҮҮ АГСНЫ ХҮҮ Б.ГАНХӨЛӨГИЙГ ШАЛГАЖ ЭХЭЛСЭН ҮҮ?
УИХ-ын гишүүн асан, “АПУ” ХХК-ийн захирал асан Г.Батхүүгийн хүү болох Б.Ганхөлөгийг хар тамхины хэрэгт холбогдуулан шалгаж, тайлбар мэдүүлэг ав чээ . Эх сурвалжийн мэдээлж байгаагаар, Хар тамхитай тэмцэх газарт хар тамхи, сэтгэцэд нөлөөт бодис хууль бусаар хадгалсан, хэрэглэсэн, худалдсан гэх эрүүгийн хэрэгт холбогдон шалгагдаж байгаа нэр бүхий этгээдүүдийн мэдүүлгээр Б.Ганхөлөгийг химийн гаралтай сэтгэцэд нөлөөт бодис худалдаж авсан, хэрэглэсэн гэдэг үндэслэлээр шалгаж байгаа ажээ.
УРД ХӨРШТЭЙ ХИЛЛЭДЭГ ДОЛООН БООМТ ХЭВИЙН АЖИЛЛАЖ БАЙНА
Монгол, Хятадын хилийн боомт, тэдгээрийн дэглэмийн тухай Засгийн газар хоорондын хэлэлцээрийн дагуу хоёр улсын хилд Баянхошуу-Өвдөг, Замын-Үүд-Эрээн, Ханги-Мандал, Гашуунсухайт-Ганцмод, Шивээхүрэн-Сэхээ, Бургастай-Лаоемяо, Булган-Такашикэн, Бичигт-Зүүнхатавч, Хавирга-Архашаат гэсэн байнгын ажиллагаатай авто замын есөн боомт ажиллахаар тохиролцсон байдаг. Эдгээр есөн боомтоос өнөөгийн байдлаар долоо нь нээлттэй ажиллаж, ачаа тээврийн хөдөлгөөн хэвийн явж байна. Цар тахлын улмаас Хятадын талын саналын дагуу хаалттай байгаа Бичигт-Зүүнхатавч, Хавирга-Архашаат авто замын боомтуудын ачаа тээврийн хөдөлгөөнийг сэргээх чиглэлээр дипломат шугамаар ажилласны дүнд 2021 оны наймдугаар 22-ны өдрөөс хойш хаалттай байгаа Бичигт-Зүүнхатавч авто замын боомтын үйл ажиллагааг сэргээж, Хятадын талд гацсан 200 гаруй тээврийн хэрэгслийг татан авах ажлыг энэ сарын 22-ны өдрөөс эхлүүллээ. Улмаар нүүрс тээврийн авто машиныг улсын хилээр нэвтрүүлж эхлэх бөгөөд цаашид газрын тос болон бусад шаардлагатай экспорт-импортын тээвэрлэлтийг нэмэгдүүлэхээр Хятадын талтай тохиролцоод байна. Хавирга-Архашаат авто замын боомтын хувьд Хятадын тал уул уурхайн бүтээгдэхүүн шилжүүлэн ачих болон халдвар хамгаалал, ариутгалын байгууламжийн бүтээн байгуулалтаа ойрын хугацаанд дуусгаж, тус боомтын үйл ажиллагааг сэргээнэ хэмээн мэдэгдээд байна. Эх сурвалж: ГХЯ
ЦЭРГИЙН СУРГУУЛИЛТАНД АШИГЛАХ ТЭЭВРИЙН ХЭРЭГСЛҮҮДИЙГ ОХУ-С АВЧИРЛАА
Ховд аймагт ОХУ-тай хамтран жил бүр хийдэг хээрийн сургуулилт удахгүй эхэлнэ. Сургуулилтад ашиглах техник хэрэгслүүдийг нийслэлээр дамжуулан зөөвөрлөж эхэл жээ. АН-аас хийсэн хэвлэлийн хурлаар “Хээрийн сургуулилтад 300 орчим техник хэрэгсэлтэйгээр 1000 орчим цэрэг оролцоно” хэмээв. ЗХЖШ-аас эдгээр тоог лавлахад дэлгэрэнгүй мэдээлэл өгөх боломжгүй гэсэн хариу өгчээ .
