ӨВӨЛЖИЛТИЙН БЭЛТГЭЛ ХАНГАХ, МЭДЭЭЛЭЛ, ЗААВАР, ЗӨВЛӨГӨӨ ӨГӨХ СУРГАЛТ ЗОХИОН БАЙГУУЛЛАА

09 / 16 0 сэтгэгдэл 523 үзсэнe

Угаарын хийн хордлогоос урьдчилан сэргийлэх, эрсдэлээс хамгаалах зорилго бүхий “Яндангаа хөөлье, өнтэй өвөлжье” сэдэвт сургалтыг зохион байгуулж, дүүрэг, хороодын удирдлага, хэсгийн ахлагч нарыг хамрууллаа. Галлагааны улирал эхэлж байгаатай холбогдуулан эхний ээлжинд иргэд, айл өрхтэй хамгийн ойр ажилладаг хүмүүст сургалт мэдээллийг хүргэж буй бөгөөд тэднээр дамжуулан иргэдэд мэдээлэл хүргэх, эрсдэлээс сэргийлэх чиглэлийн мэдээлэл өглөө. Энэхүү сургалтын талаар Нийслэлийн Агаар, орчны бохирдолтой тэмцэх газрын дарга Ц.Ганболд хэлэхдээ: -Нийслэлийн Засаг даргын “2022-2023 оны өвөлжилтийн бэлтгэл хангах тухай” захирамжийн дагуу өвөлжилтийн бэлтгэл ажлыг эртнээс эхэлсэн төдийгүй сайжруулсан шахмал түлшний нөөц бэлтгэх ажлыг энэ оны тавдугаар сарын 1-ний өдрөөс эхлүүлсэн. Өнөөдрийн байдлаар нийслэлийн хэмжээнд 60 агуулах, дундын баазад нийт 110 мянган тонн сайжруулсан шахмал түлшний нөөц бүрдүүлээд байна. Нийслэлийн зүгээс сайжруулсан шахмал түлшний тээвэрлэлт, агуулах /нөөц бүрдүүлэх/ асуудлыг хариуцдаг. Борлуулалтын тухайд "Таван толгой түлш" ХХК-тай хамтран зохион байгуулж байна. 2022-2023 оны халаалтын улиралд нийслэлийн долоон дүүргийн хэмжээнд сайжруулсан шахмал түлшний 650 цэг ажиллуулахаар төлөвлөсөн. Түлш хадгалсан агуулахаас борлуулалтын цэгүүд рүү түлш хүргэх тээвэрлэлтийн 31 аж ахуй нэгж, байгууллагатай гэрээ байгуулаад байгаа юм. Хэдийгээр гадаа агаарын температур нэмэх хэмтэй, цаг агаар дулаан байгаа ч нийслэлийн хэмжээнд есдүгээр сарын 15-буюу өчигдрөөс түлш борлуулах цэгийн үйл ажиллагааг эхлүүлээд байна. Эхний ээлжинд 450 цэг нээсэн. Аравдугаар сарын 1 гэхэд нэмж 200 цэг ажиллуулах бөгөөд энэ жилийн хувьд 650 цэгээр сайжруулсан шахмал түлш борлуулна. -Борлуулалтын цэгийг хэрхэн сонгон шалгаруулж ажиллуулж байгаа вэ? -Борлуулалтын цэг ажиллуулах хүсэлтийг цахимаар авсан. Өмнө ажиллаж байсан цэгүүдэд суурилаад иргэдийн саналыг үндэслэн шинэ цэгийг шалгаруулсан. Ер нь бол 300 өрхөд нэг борлуулалтын цэг ногдож байхаар тооцоолдог. Түлшийг цас бороонд норгохооргүй агуулахтай байх, галын аюулаас сэргийлэх, хариуцлага өндөртэй ажиллах, "Таван толгой түлш" ХХК руу захиалгаа зөв өгч чаддаг байх зэрэг шалгуурын дагуу шалгаруулсан. -Сургалтаар ямар мэдээллийг онцлон хүргэж байна вэ? -Манай байгууллагаас гадна Нийслэлийн Эрүүл мэндийн газар, Нийслэлийн Онцгой байдлын газар, Нийслэлийн Мэргэжлийн хяналтын газар, "Таван толгой түлш" ХХК хамтран айл өрх бүр өвөлжилтийн бэлтгэл хангах, сайжруулсан шахмал түлшний галлагааг хэрхэн зөв хийх вэ, айл өрхийн зуух яндангийн битүүмжлэл, аюулгүй байдлыг хангах, янданг хэрхэн хөөлөх, угаарын хийн мэдрэгчийг ажиллуулах заавар, угаарын хийн хордлогоос урьдчилан сэргийлэх, угаартсан үед үзүүлэх анхны тусламж хийгээд эрсдэлтэй нөхцөлд өөрийгөө болон хайртай дотно гэр бүлийнхнээ хэрхэн хамгаалах талаар мэдээлэл, зөвлөгөө өгч, гарын авлага тарааж байна. Дахин нэг удаа ийм сургалт явуулах төдийгүй аравдугаар сарын 1-ний өдөр Сүхбаатарын талбайд “Яндангаа хөөлье, өнтэй өвөлжье” өдөрлөг зохион байгуулна. Мөн үеэр инноваци төслийн хүрээнд хамгийн сүүлийн үеийн шинэлэг дэвшилтэт зуух, цахилгаан автомашины үзэсгэлэнг дэлгэнэ гэлээ. Энэ жилээс агаарын чанарыг сайжруулах бүсэд Налайх дүүрэг орж байгаа. Тус дүүрэгт өнөөдрөөс эхлэн 30 борлуулалтын цэгээр дамжуулан сайжруулсан шахмал түлш борлуулах юм. Налайх дүүргийн борлуулалтын цэгийн тоог цаашид үе шаттайгаар нэмэхээр төлөвлөжээ. Мөн сайжруулсан шахмал түлшний үнэ өөрчлөгдөөгүй бөгөөд нэг шуудай түлшийг 3750 төгрөгөөр борлуулж байна.

ДУНДАЖ ЦАЛИН 1 САЯ 540 МЯНГАН ТӨГРӨГ БАЙНА

09 / 16 2 сэтгэгдэл 603 үзсэнe

Үндэсний статистикийн хорооноос наймдугаар сарын байдлаар нийгэм, эдийн засгийн байдлыг дэлгэрэнгүй танилцуулав. Дундаж цалин 1.5 сая төгрөг болсон гэв. Энэ дүнг нийгмийн даатгал төлөгчдийн цалин, түүнтэй адилтгах орлогын мэдээлэлд суурилан гаргадаг. Энэ оны эхний улиралд дундаж цалин 1 сая 450 мянган төгрөг байсан юм. Харин медиан цалин 1.1 сая төгрөг байна. Энэ дүн энэ оны эхэнд нэг сая 67 мянган төгрөг байсан юм. Медиан цалин нь нийгмийн даатгалын шимтгэл төлж буй 718 мянган иргэнийг цалингийн хэмжээгээр нь нэг цуваанд жагсаахад голд нь байршсан хүний цалин буюу дундаж цалинтай хүмүүсийн цалинг багаас нь их рүү жагсаагаад голын хүний цалин юм.

“ХОЁР НАС ДОЛООН САРТАЙ ХҮҮХДЭЭ ӨРГҮҮЛНЭ” ГЭХ ЗАРЫГ ЦАГДААГИЙН БАЙГУУЛЛАГА ШАЛГАЖ БАЙНА

09 / 16 0 сэтгэгдэл 557 үзсэнe

Хоёр настай хүүхдээ тэжээж чадахгүй байгаа тул өргөж авах айл хайсан зарыг фэйсбүүк группт нийтэлжээ. Зар нийтэлсэн эмэгтэй хүүхдээ өргүүлэх болсон шалтгаанаа “Хоёр нас долоон сартай хүүгийн аав нь өөр хүнтэй суугаад хаяад явсан. Төрөл садан нь ч хүүг ад үзэж байгаа тул би хүүхдээ тэжээж чадахгүй байна. Тиймээс өргөх айл хайж байгаа хэмээн тайлбарласан байна. Мэдээллийн дагуу Эрүүгийн цагдаагийн алба шалгаж байна. Бид эргэн мэдээлэх болно.

ЕРӨНХИЙ САЙД “Netflix”, “HBO”, “Warner Bros”, “Paramount Pictures”-ИЙН ТӨЛӨӨЛӨЛТЭЙ УУЛЗЛАА

09 / 15 0 сэтгэгдэл 367 үзсэнe

Соёлын сайд Ч.Номингийн урилгаар “Paramount Pictures”-ийн “MTV” энтертайнмент студийн продакшн хариуцсан дэд захирал Carlos Lugo, “Netflix” компанийн менежерSonglee Lee, “Warner Bros Discovery” компанийн олон улсын контент хариуцсан дэд захирал Carrie Regan, “HBO Маx, Warner Bros”-ийн продакшн хариуцсан менежер Krutin Patel, найруулагч Peiter Sebastian, “Living films”-ийн туслах найруулагч Аpinat Siricharoenjit нарын дэлхийн томоохон студи, продакшн, компанийн найруулагч, продюсер болон удирдлага манай улсад ирээд байгаа юм. Монгол Улсын Ерөнхий сайд Л.Оюун-Эрдэнэ тэдний төлөөллийг өнөөдөр хүлээн авч уулзаж Монголын кино урлагийн салбарыг олон улсад сурталчлан таниулах, хамтын ажиллагааг хөгжүүлэх талаар ярилцлаа. Дэлхийн кино урлагийн чиглэлийг тодорхойлогчид манай улсад ирсэнд талархаж буйгаа Ерөнхий сайд уулзалтын эхэнд тэмдэглээд Монголын кино урлагийн салбарыг шинэ шатанд гаргах, дэлхийд толилуулахад дэмжлэг үзүүлэхээ илэрхийллээ. Дэлхийн томоохон кино компаниуд Монголд зураг авалт хийх таатай орчныг бүрдүүлэхэд анхаарч ажиллана гэлээ. Мөн соёлын бүтээлч үйлдвэрлэл, аялал жуулчлалын салбарыг хөгжүүлэн эдийн засгийн эргэлтэд оруулж, эдийн засгаа олон тулгууртай болгох нь Монгол Улсын Засгийн газрын чухал бодлогын нэг гэдгийг Ерөнхий сайд онцоллоо. Кино урлагийг дэмжих тухай хууль 2021 онд батлагдаж, энэ оны эхнээс хэрэгжиж эхэлснээр улс орнууд, дэлхийн хэмжээний томоохон продакшн, студитэй хамтран ажиллах, кино бүтээх зардлын буцаан олголтын хөтөлбөрт хамрагдах боломжтой болсон. Энэ хүрээнд Соёлын яам, Кино урлагийг дэмжих зөвлөл хамтран “FAM TOUR-2022” арга хэмжээг зохион байгуулж, Монгол Улсын зарласан урамшууллын талаарх мэдээллийг танилцуулах, Кино урлагийн зөвлөлийн үйл ажиллагааг сурталчлах, Монгол орны үзэсгэлэнт байгаль, өвөрмөц тогтоц бүхий газар нутгийг үзүүлэх зэрэг ажлыг энэ өдрүүдэд зохион байгуулж байна.

ЭРЧИМ ХҮЧНИЙ ҮНЭ ЦААШИД НЭМЭГДЭХ МАГАДЛАЛТАЙ БАЙНА

09 / 15 1 сэтгэгдэл 307 үзсэнe

Эрчим хүчний үр ашгийг дэмжсэн тогтолцоо тарифын тоолуураар хязгаарлагдаж байна. Дундаж үнэ 175 төгрөг гээд үзэхээр уул уурхайгаас ахуй руу хөндлөн татаас явж байгаа аж. Тарифын ялгавартай байдал хөндлөн татаасын асуудал манай улсад байгаа талаар Эрчим хүчний зохицуулах хорооны ажлын албаны дарга Б.Болор-Эрдэнэ мэдээллээ. Түүнчлэн тэрбээр "Олон талт тарифыг нэвтрүүлэх шаардлагатай гэж үзэж байна. Ахуйн хэрэглэгчдэд цагийн ялгаварт тарифыг бий болгох нь зүйтэй гэж үзсэн. Эрчим хүчний үнэ цаашид нэмэгдэх магадлалтай байна. Хэрэглээний блок тариф: Цахилгаан эрчим хүчний хэрэглээ нэмэгдэх тусам үйлдвэрлэл, эсвэл импортын ЦЭХ-ний төлбөрийн хэмжээ нэмэгддэг. Бодит цагийн тариф: Үйлдвэрлэлийн ахиц зардлыг нөхөх хандлагатай боловч дэд бүтэц тэр дундаа хэрэглэгчдэд чиглэсэн ухаалаг тоолуур гэх мэт ихээхэн хэмжээний хөрөнгө оруулалт шаардана. Цагийн ялгавартай тариф: Хоногийн ачааллын хэлбэрт өөрчлөлт оруулах эсэх тус тарифын орлогод үзүүлэх нөлөөллийг тодорхойлох нь чухал ач холбогдолтой. Манай улсын ахуйн хэрэглэгчдийн хэрэглээний хэв маягтай уялдуулан авч үзэх шаардлага гарч байна. Цаашид үйлдвэр компаниудын бодит үйл ажиллагааны зардал буюу борлуулалтын орлогын шаардагдах хэмжээг хангах, тэдгээрийн үр ашигтай, оновчтой ажиллах хөндлөн татаасыг бууруулах, хэрэглэгчид хэрэглээгээ зохицуулах замаар хэмнэх боломжийг бүрдүүлэн тарифын загварыг боловсруулах шаардлагатай байгааг онцлов.

ЕРӨНХИЙ САЙД Л.ОЮУН-ЭРДЭНЭ ХАТАН ХААН II ЭЛИЗАБЕТТАЙ САЛАХ ЁС ГҮЙЦЭТГЭХ ЁСЛОЛД ОРОЛЦОНО

09 / 15 0 сэтгэгдэл 454 үзсэнe

Монгол Улсын Ерөнхий сайд Л.Оюун-Эрдэнэ 2022 оны есдүгээр сарын 19-ний өдөр Лондон хотноо болох Их Британи, Умард Ирландын Нэгдсэн Хаант Улсын Цог Жавхлант Хатан Хаан хоёрдугаар Элизабеттай салах ёс гүйцэтгэх Төрийн ёслолд оролцоно. Тэрбээр Цог Жавхлант Хаан Гуравдугаар Чарльзтай мэндчилж, Монгол Улсын нэрийн өмнөөс Хааны гэр бүл болон Британийн ард түмэнд эмгэнэл илэрхийлж, хүндэтгэл үзүүлнэ. Цог Жавхлант Хатан Хаантай салах ёс гүйцэтгэх Төрийн ёслолд гадаад улс орны Төрийн тэргүүн, Ерөнхий сайд зэрэг өндөр, дээд түвшний 500 гаруй төлөөлөгчид оролцохоор төлөвлөж байна. Монгол Улс Британи Улстай найрсаг харилцаа, хамтын ажиллагаатай бөгөөд Британи нь барууны орнуудаас хамгийн түрүүнд манай улстай дипломат харилцаа тогтоосон, ардчилал шинэчлэлтийн үйл явцыг эхнээс нь дэмжиж ирсэн улс юм.

ЗӨӨВРИЙН ШАТАХУУН ТҮГЭЭХ СТАНЦ АШИГЛАЛТАД ОРУУЛСНААР САРД 50 САЯ ТӨГРӨГ ХЭМНЭХЭЭР БОЛЖЭЭ

09 / 15 0 сэтгэгдэл 379 үзсэнe

Эрдэнэт үйлдвэрийн Автотээврийн цех Ил уурхайн гүнд буюу 8а овоолгын дэргэд 75м3 багтаамжтай зөөврийн шатахуун түгээх станцыг өнгөрсөн зун ашиглалтад оруулснаар технологийн тээврийн БелАЗ-75131 загварын өөрөө буулгагч автомашины цэнэглэлт бүрээс 6.4 км сул гүйлт, 30 минутын сул зогсолт хэмнэгдэж, нэмж нэг рейс хийх боломж бүрджээ. Үүний үр дүнд сард ойролцоогоор 50 сая төгрөгийн эдийн засгийн хэмнэлт хийх нөхцөл бүрдсэн гэж тус цехийн дарга Я.Дамдиндорж мэдээллээ. Автотээврийн цехийн хамт олон Төрийн хэмнэлтийн тухай хуулийн хэрэгжилтийг ханган ажиллах зорилгоор Өртөг зардал бууруулах арга хэмжээний төлөвлөгөө боловсруулан хэрэгжүүлж байна. Оны эхний долоон сарын байдлаар эрдэнэсийн тээвэрчид 11.4 тэрбум төгрөг хэмнэж ажиллажээ. Тодруулбал, технологийн тээврийн хэсгийн 1 т/км ачаа эргэлтийн өөрийн өртөг төлөвлөгөөнөөс 29.1 төгрөгөөр, төрөл бүрийн тээврийн хэсгийн 1 машин цагийн өөрийн өртөг 33 мянган төгрөгөөр тус тус буурсан. Гэсэн ч 2022 оны эхний 8 сард тус хамт олон өмнөө тавьсан зорилго, зорилтуудаа амжилттай биелүүллээ. Тухайлбал, Уулын технологийн тээврийн хэсгийнхэн нийт 18.3 сая м3 уулын цул тээвэрлэж, уулын цул тээвэрлэлтийн төлөвлөгөөг 101.1 хувиар биелүүлсэн ба төлөвлөгөөнөөс 208 мянган м3 уулын цул илүү тээвэрлэжээ. Мөн хугацаанд 172.3 сая т/км ачаа эргэлтийн ажил гүйцэтгэсэн нь өнгөрсөн оны мөн үеэс 6.0 сая т/км-ээр өссөн үзүүлэлт юм. Харин Төрөл бүрийн тээврийн хэсгийнхэн машин цагийн төлөвлөгөөгөө 119.7 хувиар биелүүлсэн амжилттай ажиллаж байна.

ВАКЦИН ХИЙЛГЭСЭН ИРГЭДЭД ЗҮРХ СУДАСНЫ ӨВЧЛӨЛ ҮҮСЧ БАЙНА

09 / 15 3 сэтгэгдэл 2 702 үзсэнe

Коронавирусээс сэргийлэх вакцин тариулсны дараа цусны бүлэгнэл үүссэн тохиолдлууд олон орон цөөнгүй гарч байна. Энэ тохиолдлуудыг эрдэмтэд судлаад вакцинаас үүдэлтэй цус бүлэгнэл ховор тохиолдолд илэрч байсан ч, вакцин гаж нөлөөнөөсөө илүү ашиг тус ихтэй гэсэн дүгнэлт гарсан тул улс орнууд энэ вакциныг ашиглан дархлаажуулах ажлаа үргэлжлүүлж байсан юм. Тэгвэл бодит байдал дээрээ вакцин тариулсан иргэдэд цус өтгөрөх, зүрхний хэм алдагдах, хатиг гарах зэрэг асуудлууд тулгарч байна. Цус өтгөрөх нь нэг талаас цусны зуурамтгай чанар ихсэх, нөгөө талаас цусны өөх тос холестерин ихсэх үйл явц юм. Ихэвчлэн зуурамтгай чанар болон нягтралыг цус өтгөрөх гэж нэрлэдэг. Цус өтгөрөх нь вен болон артерийн судсанд цусны бүлэгнэл үүсгэж улмаар цусны урсгалд зогсонгошил бий болно.Цус өтгөрснөөр уушгины эмболизм бий болдог. Цусны бүлэгнэл нь гол гол эрхтнүүдийн судсуудыг бөглөснөөр тухайн эрхтний цусан хангамж багасаж Зүрхний шигдээс, Тархины цус харвалт,Уушгины эмболи зэрэг амь насанд аюул учруулах эрсдэлийг дагуулдаг.

ӨНӨӨДРӨӨС ШАХМАЛ ТҮЛШ ХУДАЛДААНД ГАРНА

09 / 15 0 сэтгэгдэл 379 үзсэнe

Цаг уурын байдал сэрүүсч байгаатай холбоотойгоор өнөөдрөөс эхлэн гэр хорооллын иргэдэд шахмал түлш худалдаалж эхэллээ. Өнгөрсөн хоёр жилийн хугацаанд шахмал түлшний үнийг 50 хувиар бууруулан борлуулж байсан. Харин энэ жилээс эхлэн үндсэн үнээр нь зарах юм. Ингэснээр иргэд нэг шуудай сайжруулсан түлш 3750, 1 тонн нь 150 мянган төгрөгөөр худалдан авна.Нийслэлчүүд өвлийн улиралд өдөрт 4,000 тн, сард 120 орчим мянган тн сайжруулсан шахмал түлш хэрэглэдэг байна. Улаанбаатар хот энэ жил 710 мянган тонн сайжруулсан түлшний хэрэгцээтэй байгаа. Өдөрт 2800-3000 тонн сайжруулсан түлш үйлдвэрлэж байна. Нийслэлийн гэр хороолол нэг өдөрт 2800 тонн шахмал түлш хэрэглэдэг аж.

ЭРЧИМ ХҮЧНИЙ ҮР АШГИЙГ ДЭМЖСЭН ТОГТОЛЦОО ТАРИФЫН ТООЛУУРААР ХЯЗГААРЛАГДАЖ БАЙНА

09 / 15 0 сэтгэгдэл 347 үзсэнe

Эрчим хүчний үр ашгийг дэмжсэн тогтолцоо тарифын тоолуураар хязгаарлагдаж байна. Дундаж үнэ 175 төгрөг гээд үзэхээр уул уурхайгаас ахуй руу хөндлөн татаас явж байгаа аж. Тарифын ялгавартай байдал хөндлөн татаасын асуудал манай улсад байгаа талаар Эрчим хүчний зохицуулах хорооны ажлын албаны дарга Б.Болор-Эрдэнэ мэдээлэл өгөв. Түүнчлэн тэрбээр "Олон талт тарифыг нэвтрүүлэх шаардлагатай гэж үзэж байна. Ахуйн хэрэглэгчдэд цагийн ялгаварт тарифыг бий болгох нь зүйтэй гэж үзсэн. Эрчим хүчний үнэ цаашид нэмэгдэх магадлалтай. Канад улсад зуны болон өвлийн ялгаварт тариф үйлчилдэг" гэв. Цагийн тарифыг дэлхий нийт ашигладаг Сүүлийн жилүүдэд эрчим хүчний хэмнэлтэд анхаарал хандуулснаар бодит цагийн тарифыг дэлхий нийт ашигладаг болжээ. Хэрэглэгчдийн хэрэглэсэн цахилгаан эрчим хүчийг богино хугацаагаар буюу ихэвчлэн цаг тутамд өөр өөр тарифаар тооцдог байна. 1990-ээд оны дунд үеэс бодит цагийн тариф түгээмэл болсон бөгөөд тухайн цагийн цахилгаан эрчим хүчний үнэ, хэрэглэгчийн эрэлт, дамжуулалт, түгээлт, хангалтын төлбөр зэрэг хүчин зүйлүүдээс хамаардаг. Ихэнх тохиолдолд энэхүү тариф нь томоохон худалдаа, аж үйлдвэрийн хэрэглэгчдэд тохиромжтой аж. Хувьсах болон тогтмол тарифаар бүрдэх орлого нь хэрэглэгчдийн хувьд биш үйлдвэрлэгчдэд оновчтой тухайд "Тогтмол зардлыг нэгж бүтээгдэхүүнд дундаж байдлаар хуваарилах нь алдагдалд хүргэдэг. Олон талт тариф хэрэглээний төлбөрөөс гадна тогтмол болон чадлын төлбөрийг багтаадаг. Ихэвчлэн хэрэглэгчийн ангилалд суурилдаг бөгөөд тарифын ангилал хооронд хөндлөн татаастай байж болно" гэдгийг Б.Болор-Эрдэнэ дарга хэлсэн юм. Хэрэглээний блок тариф: Цахилгаан эрчим хүчний хэрэглээ нэмэгдэх тусам үйлдвэрлэл, эсвэл импортын ЦЭХ-ний төлбөрийн хэмжээ нэмэгддэг. Бодит цагийн тариф: Үйлдвэрлэлийн ахиц зардлыг нөхөх хандлагатай боловч дэд бүтэц тэр дундаа хэрэглэгчдэд чиглэсэн ухаалаг тоолуур гэх мэт ихээхэн хэмжээний хөрөнгө оруулалт шаардана. Цагийн ялгавартай тариф: Хоногийн ачааллын хэлбэрт өөрчлөлт оруулах эсэх тус тарифын орлогод үзүүлэх нөлөөллийг тодорхойлох нь чухал ач холбогдолтой. Манай улсын ахуйн хэрэглэгчдийн хэрэглээний хэв маягтай уялдуулан авч үзэх шаардлага гарч байна. Цаашид үйлдвэр компаниудын бодит үйл ажиллагааны зардал буюу борлуулалтын орлогын шаардагдах хэмжээг хангах, тэдгээрийн үр ашигтай, оновчтой ажиллах хөндлөн татаасыг бууруулах, хэрэглэгчид хэрэглээгээ зохицуулах замаар хэмнэх боломжийг бүрдүүлэн тарифын загварыг боловсруулах шаардлагатай байгааг онцлов.