ГЭМТ ХЭРЭГТ ХОЛБОГДСОН Б.ЭНХ-АМГАЛАН НЭР ДЭВШИХ ГЭНЭ

05 / 17 0 сэтгэгдэл 428 үзсэнe

УИХ-ын гишүүн Б.Энх-Амгалан давж заалдах шатны шүүхийг худалдаад авчихаа юу гэлтэй аашилж, өөрийгөө дахин парламентад залах юм гэнэ. Уг нь шүүхээс нийтийн албанд томилогдох эрхийг нь таван жилээр хасаж, 40 сая төгрөгөөр торгох ялаар шийтгэсэн. Гэтэл өнөөх УИХ-ын гишүүн Б.Энх-Амгалан чинь “Давж заалдах шатны шүүхэд гомдлоо гаргачихсан бас МАН-даа нэр дэвших хүсэлтээ намдаа гаргасан” гээд бүр “том” дуугарч байх юмаа. Түүнийг Зам тээврийн хөгжлийн сайд байх үеийнх нь хэрэгт холбогдуулан хуулийн байгууллага шалгаж, шүүх гэм бурууг нь дэнслэхийн тулд хичнээн удаа хурлаа хойшлуулсан билээ дээ. Хэдэн сараар хүлээгдсэн хурал арайхийн болж, Б.Энх-Амгаланг гэм буруутайд тооцон дээрх ял шийтгэлийг оноосон. Б.Энх-Амгалангийн тийн өөртөө итгэлтэй байгаагаас харвал тэр давж заалдах шатны шүүхээс анхан шатны шүүхийн шийдвэрийг хүчингүй болгож, өөрийг нь гэмгүй цэвэр ариун хүн гэж батална гэдгийг хүлээж байгаа гэсэн үг. Тийм биш байтлаа яагаад намдаа УИХ-ын сонгуульд нэр дэвшье гэдэг хүсэлт өгөх вэ дээ. Эсвэл МАН-ын удирдлагууд хэлсэн үгсээсээ буцаж, гэмт хэрэгт холбогдсон гишүүдээ хаацайлж, халхавчлахын тулд парламентад залахаар тохирчихсон хэрэг үү. Б.Энх-Амгалан яагаад өөрийгөө гэм буруугүй гэдгийг ихэд баттайгаар мэдэж, дараагийн алхмаа хийгээд байгааг МАН-ын дарга нар мэдэх болов уу.

"МАЛ ЭМНЭЛГИЙН ТАСГИЙН ҮЙЛ АЖИЛЛАГАА, ЧАДАВХЫГ САЙЖРУУЛАХ" СУРГАЛТ ЗОХИОН БАЙГУУЛАГДАЖ БАЙНА

05 / 17 0 сэтгэгдэл 57 үзсэнe

Орон нутгийн мал эмнэлгийн улсын байцаагч нарт зориулсан "Мал эмнэлгийн тасгийн үйл ажиллагаа, чадавхыг сайжруулах" сургалт анх удаа зохион байгуулагдаж байна. 5 дугаар сарын 16-17-ны өдрүүдэд Улаанбаатар хотноо зохион байгуулагдаж буй тус сургалтад 21 аймаг, 330 сумдын мал эмнэлгийн тасгийн 500 гаруй тархвар зүйч болон мал эмнэлгийн байцаагчид оролцож байна. Сургалтаар мах махан бүтээгдэхүүний үйлдвэрлэл, худалдаанд тавигдах шаардлага, мал эмнэлгийн олон улсын экспорт, импортын үйл ажиллагаанд тавигдах шаардлага болон цаг үеийн мэдээллээр ханган ажиллаж байна. Сургалтыг Хүнс, хөдөө аж ахуй, хөнгөн үйлдвэрийн яам, Дэлхийн банкны санхүүжилтээр хэрэгжиж буй Мал аж ахуйн эдийн засгийн эргэлтийг нэмэгдүүлэх төсөл, НҮБ-ийн ХХААБ, Дэлхийн зөн ОУТББ-тай хамтран зохион байгуулж байна.

ЭВЕРЕСТЭД СУРАГГҮЙ БОЛСОН УУЛЧИН Ц.ӨСӨХЖАРГАЛЫН ЦОГЦОСЫГ ОЛЖЭЭ

05 / 17 0 сэтгэгдэл 940 үзсэнe

Дэлхийн дээвэр Эверестийн оргил руу хүчилтөрөгчийн баггүйгээр авиралт хийхээр эхлүүлсэн уулчин Л.Пүрэвсүрэн, Ц.Өсөхжаргал нар энэ сарын 12-наас хойш сураггүй болосон. Аврагчид өнөөдөр өглөө Эверестийн оргилын 8550 метр орчмоос Ц.Өсөхжаргалын цогцсыг олсон талаар "Himalayantimes" мэдээллээ. Тэрээр олсноосоо унаж хэдхэн метрийн гүнд гацсан байдалтай олджээ. Аврагчид түүний цогцсыг аюулгүй байршуулсан бөгөөд хохирогчийн ар гэрийнхэнтэй тохиролцсоны дараа цаашид арга хэмжээ авах болно гэдгээ хэлсэн байна. Аврах ажиллагаанд оролцож буй Шерпа "Уулчин Л.Пүрэвсүрэнгийн хувь заяа одоогоор тодорхойгүй байна. Тавдугаарр сарын 19-нд оргилд гарах дараагийн цонх нээгдэнэ. Тэр үед уулчныг эрэн хайх ажиллагааг үргэлжлүүлнэ" гэжээ.

АЖЛАА ТАРААД АЛГА БОЛСОН ЗАЛУУГ 5 ДАХЬ ӨДРӨӨ ХАЙЖ БАЙНА

05 / 15 0 сэтгэгдэл 696 үзсэнe

Чингэлтэй дүүргийн арван наймдугаар хороонд ажлаа тараад харьж явсан залуу алга болжээ. Тодруулбал, энэ сарын 10-ны өдөр 2024.05.10 16:30 минутын үед ажлын байрнаасаа гэр лүгээ харих гэж гараад сураггүй алга болсон байна. Тэрбээр Чингэлтэй дүүргийн нэгдүгээр буудал орчимд бүжгийн дугуйлан ажиллуулдаг байжээ. Тухайн өдөр бор өнгийн өмд, ногоон өнгийн цамц, хар хөх өнгийн пүүзтэй явж байсан байна. Түүнийг эхлээд ар гэрийнхэн нь цагдаад мэдэгдэж хайж эхэлсэн. Эрэл мухардсан тул зураг мэдээллийг олон нийтийн сүлжээнд байршуулан эрэн хайх ажиллагаа үргэлжилж байна. Зураг дээрх залууг харсан хүн байвал 88366563, 89658878 86201050, 80230211, 95828154 дугаарт холбогдож мэдээлэл өгнө үү.

ЭМНЭЛГИЙН ЖАГСААЛТАД ОРСОН ҮЙЛЧИЛГЭЭГ ТӨЛБӨРТЭЙ АВСАН БОЛ МӨНГӨӨ БУЦААЖ АВАХ БОЛОМЖТОЙ

05 / 15 0 сэтгэгдэл 285 үзсэнe

Иргэд эмнэлэгт хэвтэн эмчлүүлэх үедээ эм, тариаг өөрийн зардлаар гаднаас авч хийлгэсэн тохиолдолд буцаан олголт авах боломжтой гэж ЭМДЕГ-аас мэдээллээ. Тодруулбал, тусламж үйлчилгээний багцын жагсаалтад орсон үйлчилгээг төлбөртэйгээр үзүүлсэн, ор хоногийн төлбөрөөс хэтрүүлэн нэмэлт төлбөр авсан, хэвтэн эмчлүүлэхээс өмнө төлбөр авсан, эм тариаг ар гэрээс нь авахуулсан, өөр эмнэлгийн нэр зааж оношилгоо шинжилгээнд явуулсан, иргэнээр нэмэлт төлбөр төлөхийг зөвшөөрсөн гарын үсэг зуруулсан тохиолдолд иргэн ЭМДЕГ-т хандах нь зүйтэй аж. Мөн эдгээр тохиолдолуудад 1800-1363 болон 70101159, 70101116 дугаарын утсанд мэдэгдээрэй.

ЭВЕРЕСТЭД СУРАГГҮЙ БОЛСОН УУЛЧДЫГ ЭРЭН ХАЙХ АЖИЛЛАГААНД МОНГОЛ УУЛЧИД ДЭМЖЛЭГ ҮЗҮҮЛЖ БАЙНА

05 / 15 0 сэтгэгдэл 412 үзсэнe

МУҮХ-ны дэд ерөнхийлөгч, Эверест-2023 багийн ахлагч С.Ганхүү Непаль улсын Катманду хотод алхалтын багтай очсон байгаа бөгөөд Монгол улсын 2 уулчин Эверест ууланд алга болсонтой холбоотой тэдний үйлчилгээ авсан 8К экспидейшн компанитай холбогдож эрэн хайх болон бусад ажлыг координатлаж байгаа билээ. 8К экспидейшн компанитай хамтарч ажиллаж байгаа гэж ойлгож болно. Багийн 3 дахь гишүүн үндсэн отогт байгаа ба биеийн байдал сайн байна. Алга болсон 2 уулчин 3-р кемпээс дээш өгсөхдөө 2,2 хүчилтөрөгчтэй өгссөн. 5-р сарын 13-ны өглөө зүүн оргил буюу 8600 м дтд орчим оргилоос бууж явсан уулчид тэдэнтэй таарсан бөгөөд том биетэй хүн нь урдаа, туранхай нь хойноо явж байсан гэсэн мэдээлэл өгчээ. 5-р сарын 13-ны үдээс хойш өөр авиралтын баг оргилын зүг явсан боловч балкон буюу 8400 м дтд орчмоос салхинд хөөгдөн буцсан байна. Таамаглалаар манай хоёр уулчин Эверестийн оргил болон зүүн оргил 2-н дунд киллари хананы орчим л ямар нэгэн байдлаар үлдсэн гэж тооцоолж байгаа болно. 4-р кемпээс бүх уулчид, шерпа нарыг буулгаж 3 болон 2-р кемпүүдээр байрлуулсан байна. Эрэн хайх багийн 4 шерпа мөн 3-р кемп дээр бууж ирсэн мэдээтэй байна.

С.ЗОРИГИЙН ХЭРГИЙГ МӨРДӨГЧИД 26 ЖИЛИЙН ӨМНӨХ НОЦТОЙ ЯВДЛУУДЫН МӨРӨӨР ОРСОН УУ?

05 / 15 0 сэтгэгдэл 541 үзсэнe

Яг үнэндээ “С.Зоригийг хөнөөсөн хэрэг өнөөдөр хэдэн тусдаа хэрэг болчихов оо” гэдэг асуулт тавигдаж, хариулт нэхчихээд байна. Эрж сураад явах нээ, “Дэд бүтцийн сайдын үүрэг гүйцэтгэгч С.Зоригийг 1998 оны аравдугаар сарын 2-ны үдэш онц хэрцгийгээр хөнөөсөн”, “Уг хэргийг хаах зорилгоор 2017 онд Т.Чимгээ, Б.Содномдаржаа нарыг эрүүдэн шүүж хэрэг хүлээлгэсэн” хоёр хэрэг асуудал болчихоод байгаа аж. Хоёр дахь асуудал буюу Т.Чимгээ, Б.Содномдаржаа нарыг эрүүдэн шүүсэн нь тогтоогдсон. Гэхдээ “...Хэн, ямар зорилгоор тэднийг С.Зоригийг хөнөөсөн хэрэгт яллласан бэ” гэдэг нь одоогоор албан ёсоор эцэслэн тодорхой болоогүй байна. Харин сүүлийн үед энэ хэрэгтэй холбоотойгоор тодорхой хүний нэр яригдаж, факт баримт хөндөгдөх болсон. Энэ нь 1998 оны аравдугаар сарын 2-нд С.Зоригийг хөнөөсөн хэрэгтэй холбоотой бололтой. Тодруулбал, 1998 оны есдүгээр сарын 5-нд үл таних этгээд С.Зоригийн ээж рүү утсаар ярьж “Хүүгээ татаж ав, аминд нь халтай шүү” гэсэн агуулгатай зүйл хэлсэн. Ингэж 3-4 удаа ярьсан. Ийм яриа энд тэнд гардаг байв. Тэгвэл тэр “үл таних этгээд” хэн байсан нь өдгөө тодорч буй бололтой. Түүнчлэн С.Зоригийг хөнөөсөн хэргийн газраас олдсон үсний тухай бас ярьсаар ирсэн. Хэргийн маш чухал нотлох баримт гэхэд болно. Хууль хяналтынхан уг нотлох баримтыг АНУ-д шинжлүүлэхээр 2023 оны зургадугаар сард тохирчээ. Энэ дагуу тус улсад гурван сарын турш нарийвчилсан шинжилгээ хийжээ. Дүгнэлт нь өнгөрсөн баасан гаригт гарчээ. Энэ мэтчилэнгээр, мөрдөгчид 26 жилийн өмнөх зарим ноцтой үйл явдлуудын мөрөөр орсон байж магадгүй байна. Тэгэхээр мөрдөх байгууллага, прокурорын зүгээс удахгүй эдгээр асуудалд хариулт өгч, энэ талаар мэдээлэл хийх биз ээ. Эх сурвалж: “Зууны мэдээ” сонин

ӨНӨӨДРӨӨС 5 ШАР, ХОТЫН ТӨВИЙН ЗАРИМ БАЙРШИЛД 20 ХОНОГ ХАЛУУН УС ТАСАЛНА

05 / 15 0 сэтгэгдэл 394 үзсэнe

Зуны ээлжит их засварын хүрээнд хэрэглээний халуун ус таслах хуваарийг гаргаад буй. Хуваарийн дагуу өнөөдрөөс зарим байршилд 20 хоног халуун ус тасална. "Улаанбаатар дулааны сүлжээ" ТӨХК-аас энэ зун дулааны шугам, тоноглолд засвар хийх хуваарийг баталсан. Дулааны шугамын засвар, шинэчлэлийн ажил 2024 оны тавдугаар сарын 15-наас эхэлж, наймдугаар сарын 12-нд дуусах хуваарьтай байна. Өнөөдрөөс Барс-2 захаас Хархорин хүртэл 1, 10 дугаар хорооллын авто замын урд хэсэг, Москва хороолол, Содон хороолол, Ханын материал, таван шар болон хотын төвийн 40, 50 мянгат орчмын хэсгийн айл өрхийн халуун усыг тасалжээ. Мөн өөр хэд хэдэн байршилд төлөвлөгөөт засвар 20 хоногийн хугацаанд хийх юм байна. Графикийн дагуу тодорхой байршлуудад хэрэглээний халуун усыг хязгаарлана. Улаанбаатарын айл өрх, сургууль, цэцэрлэг, эмнэлгийн халаалтыг тавдугаар сарын 15-наас зогсоож, засварын ажлыг эхлүүлэх юм. Ийнхүү өнөөдрөөс буюу тавдугаар сарын 15-наас зургаадугаар сарын 5-ныг хүртэл 20 хоног дараах байршлуудад засвар хийнэ. Дулааны шугамын засвар, шинэчлэлийн хуваарь:

"НАРАНТУУЛ" ЗАХЫН УУЛЗВАРААС "ӨГӨӨМӨР" ЗАХ ХҮРТЭЛХ АВТО ЗАМЫГ ХААЖ, ШИНЭЧИЛНЭ

05 / 15 0 сэтгэгдэл 410 үзсэнe

"Нарантуул" захын уулзвараас "Өгөөмөр" зах хүртэлх авто замд засвар, шинэчлэлтийг хийх гэж байна. Тодруулбал, 2024 оны тавдугаар сарын 20-ны өдрийн 23:00 цагаас 2024 оны тавдугаар сарын 23-ний өдрийн 06:00 цагийн хооронд авто замыг хааж хэсэгчилсэн засвар, шинэчлэлтийн ажлыг хийж гүйцэтгэнэ. Энэ ажлын хүрээнд хашлага өндөрлөж зорчих хэсгийн түвшинд тааруулах, зорчих хэсгийн худгийн таг өндөрлөх, асфальтбетон хучилт, тэмдэг тэмдэглэгээний ажлууд хийнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу гэж Нийслэлийн Замын хөгжлийн газраас мэдээллээ.

ТОМ ТОЙРОГТ ЧИРЭГДЭГСЭД

05 / 14 0 сэтгэгдэл 290 үзсэнe

УИХ-ын сонгуулийн тойргийг томсгосон хэлбэрээр зохион байгуулахаар болсон нь шинэ нэр дэвшигчид болон олон нийтэд танигдаж амжаагүй хүмүүсийн хувьд чанга даваа болж байна. Ядахад сонгуулийн сурталчилгааны хугацаа нь 14 хоног учраас их л тэвдүү байгаа. Гэсэн ч тэд ямар нэг албан тушаалын сэтэр зүүгээд, арга сэдээд тойргуудаараа явсаар л байна. Одоогийн УИХ, Засгийн газрын гишүүдийн хувьд өнгөрсөн хугацааны тайлангаа тавих нэрээр албан уулзалтууд хийж, сонгогчидтой уулзаж байгаа ч шинэ хүмүүс хий л орон нутагт өөрийгөө таниулахын тулд тэднийгээ даган намирч байна. Харин тиймгүй зарим нь бүр ч хэцүү. Хамгийн харамсалтай нь цагт хавчигдаж, урт, холын замд уралдан давхих явцдаа эрүүл мэнд нь өөрчлөгдөх, унаа, машинтайгаа осолдох тохиолдол ч гарч байна. Тодруулбал өнгөрөгч амралтын өдөр АН-ын гишүүн эмэгтэй авто ослын улмаас нас барсан харамсалтай мэдээ түгсэн. Намын нөхөд нь ч харамсан гашуудаж байна. Түүний хувьд орон нутагт УИХ-ын сонгуульд нэр дэвшихээр зэхэж байсан бөгөөд амралтын өдрүүдэд хөдөөг зорьсон нь тэр байж. Магадгүй, цаашид ч ийм харамсалтай мэдээ дахин гарахгүй гэх баталгаа байхгүй. Өргөн уудам нутаг дэвсгэртэй Монгол Улсад бүсчилсэн тойрогт 14 хоног амжиж өөрсдийгөө танилцуулах шинэ улстөрч тун цөөн. Тиймээс улстөрийн шинэ тоглогчид том тойрогт чирэгдэж, сонгогдох магадлал нь ч багасаж байгаа юм. Өөрөөр хэлбэл ижил гараанаас өрсөлдөх боломж энүүхэндээ л гэхэд улстөрчдөд алга даа.