ӨНӨӨДӨР ЦАС ОРЖ НИЙСЛЭЛИЙН ЗАМЫН ХАЛТИРГАА ГУЛГАА, АВТОМАШИНЫ ТҮГЖРЭЛ ҮҮСЭХЭЭС ГАДНА ОЛОН ТООНЫ ЗАМ ТЭЭВРИЙН ОСОЛ БҮРТГЭГДЛЭЭ

11 / 19 0 сэтгэгдэл 8 899 үзсэнe

Зам тээврийн хөдөлгөөний одоогийн нөхцөл байдлын талаар Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн Г.Отгонтамираас тодруулахад "Өнөөдөр 12 цагийн байдлаар авто ослын 106 дуудлага ирээд байна. Энгийн үед 70 гаруй дуудлага бүртгэгддэг. Гэхдээ ослын шалтгаан зөвхөн халтиргаа гулгаанаас үүдэлтэй биш, янз бүр юм. Мөн халтиргаа гулгаанаас үүдэн замын хөдөлгөөний эрчим удааширдаг" гэлээ. Жолооч та бүхэн халтиргаа гулгаанаас үүдэх аюул ослоос болгоомжлон, тээврийн хэрэгслийн эгнээ зайгаа зөв тохируулан зорчиж, явган зорчигчоо хүндэтгэн, замын хөдөлгөөнд соёлтой оролцоорой!

НИЙСЛЭЛИЙН ТӨСВИЙГ “ЗУЗААТГАГЧ” НЬ ЗАМЫН ЦАГДАА НАР ...

11 / 19 0 сэтгэгдэл 469 үзсэнe

Замын цагдаа нар ямар нэг шалтаг эрж хайж байгаад заавал торгоод явуулдагтай санал нийлэхгүй нэг ч жолооч үгүй. Гэвч олны хэрүүл хараалын бай болсоор байдаг замын цагдаа нар бидэнд зүхүүлээд ч болов торгох л ёстой тийм л үүрэгтэй аж. Учир нь зөвхөн Тээврийн цагдаагийн алба жил бүр 20 орчим тэрбум төгрөг иргэдийн халааснаас гаргуулж төсөв бүрдүүлэх ажил хийдэг гэдгийг нь Нийслэлийн төсвийн тайлангаас харж болно. 2020 онд 20 тэрбум төгрөгийг төсөвт төвлөрүүлж байсан бол 2021 онд дахин 20 тэрбум төгрөгийг төвлөрүүлэхээр төсөвт тусгажээ. Нийслэлийн 2021 оны төсөвт хотын төсвийн нийт орлого 819 тэрбум төгрөг байхаар баталсан байдгаас хамгийн өндөр дүн буюу 750 тэрбум төгрөгийг Нийслэлийн татварын газар бүрдүүлдэг бол Тээврийн цагдаагийн газар 20 тэрбум төгрөгөөр удаалж байна. Зөрчлийн тухай хууль хэрэгжиж эхэлснээс хойш давхардсан тоогоор 5.6 сая хүн, 73 мянган аж ахуй нэгж нийт 173 тэрбум төгрөгөөр торгуулжээ. Ингэж нийслэлийн төсөв 173 тэрбум төгрөгийг цуглуулсан байна. Зөрчлийн тухай хуулийн 14.7 дугаар зүйлд замын хөдөлгөөний аюулгүй байдлын тухай хууль зөрчсөн нийт 57 үйлдлийг зөрчилд тооцон хариуцлага хүлээлгэхээр хуульчилсан байдаг.Иймд хөдөлгөөнд оролцож байгаа жолооч таныг онилон замын цагдаа зогсоосон л бол зогсоосны дараагаар тэр 57-н шалтгааны аль нэгийг нь ажил хэрэг болгож таныг торгоод явуулдаг болж таарах нь ... Тэгж бид өөрсдийн халааснаасаа торгууль татвар гэхчилэн бүрдүүлж өгсөн төсвөө хотдоо зарцуулдаг боловч хамгийн аюул эрсдэлтэй нийслэлд , таг түгжирсэн авто зам дээрээ хараалаа урсган халаасаа хоослон амьдарсаар байгаа нь өнөөгийн Улаанбаатарчуудын “ТАВИЛАН” болж таарч байна.

ГЭР БҮЛИЙН ХҮЧИРХИЙЛЛЭЭС ӨӨРИЙГӨӨ ХАМГААЛАН НӨХРӨӨ ГЭМТЭЭСЭН ЭМЭГТЭЙГ ӨРШӨӨЛӨӨР СУЛЛАВ

11 / 19 0 сэтгэгдэл 2 883 үзсэнe

Нийслэлийн Баянзүрх дүүргийн эрүүгийн хэргийн анхан шатны шүүхээс гэр бүлийн хүчирхийллийн эсрэг аргагүй хамгаалалт хэрэглэж, нөхрөө гэмтээсэн эмэгтэйг Өршөөлд үзүүлэх тухай хуульд хамруулан суллалаа. Эмэгтэйд холбогдох хэргийн гэм буруугийн шүүх хуралдаан энэ сарын 15-ны өдөр тус шүүхэд болов. Тус Шүүх хуралдааны явцын талаар иргэдийн төлөөлөгчөөр сонгогдон оролцсон Баянзүрх дүүргийн 14 дүгээр хорооны иргэн М.Ганцэцэг сэтгэгдлээ ийнхүү хуваалцлаа : "Шүүгдэгч эмэгтэйн гаргасан үйлдлийг сонсоод сэтгэл маш их өвдсөн. Тэр эмэгтэйн нөхөр нь байнга гэр бүлийн хүчирхийлэл үйлддэг. Бүсгүйн тэвчээр, тэсвэр алдагдаж, нөхөртөө хүнд гэмтэл учруулсан гэм буруутай учраас шүүгдсэн. Шүүхийн шийдвэр гарах мөчид шүүгдэгч эмэгтэйн гэм бурууг олон талаас нь харж, мэдрэмжтэй шийдвэр гаргасанд шүүх бүрэлдэхүүнд маш их баярласан. Тэр эмэгтэй 4 настай, 8 настай хүүхэдтэй гэсэн. Гэтэл зүйл анги нь 5-12 жилийн хорих ял оногдуулах байв. Гэвч шүүх бүрэлдэхүүн хэргийн бодит байдалд үндэслэн зүйл ангийг нь өөрчилж, хөнгөн ял оноож, уг ялыг Өршөөл үзүүлэх тухай хуульд хамруулснаар эмэгтэй хүүхдүүддээ очих боломжтой болсон. Тэсвэр хатуужлын ард, үнэн зөв шийдвэр гаргасан шүүх бүрэлдэхүүнээр бахархсан" хэмээсэн юм. Ингэснээр шүүх хуралдаан үнэн зөвийн талд байж чаддаг гэдгээ харуулсан үйлдэл боллоо.

СЭРЭМЖЛҮҮЛЭГ : НАСАНД ХҮРСЭН ТАВАН ЗАЛУУ 13 НАСТАЙ ОХИНЫГ БҮЛЭГЛЭН ХҮЧИРХИЙЛСЭНИЙГ ТОГТООСОН Ч МАРГААШ ХЭРЭГТ ХОЛБОГДСОН ЭТГЭЭДҮҮД СУЛЛАГДЖЭЭ

11 / 17 0 сэтгэгдэл 15 782 үзсэнe

Харамсалтай гэмээр тус хэрэг Баянгол дүүргийн нутаг дэвсгэрт 15 хоногийн өмнө үйлдэгдсэн бөгөөд тухайн хэрэг хийсэн этгээдүүдийг шуурхай илрүүлэн олж тогтоосон ч маргааш нь л гэхэд сулласан юм. Х эргийг тодруулбал : Гэмт этгээдүүдийн нэг нь охинтой цахим орчинд танилцан хэрэг гардаг өдөр уулзан авч явсан бөгөөд охины гар утсыг авчихаад өгөхгүй байсан учир охин зугтаж чадаагүй гэх мэдээлэл бий. Тухайн хэрэг үйлдсэн этгээдүүд охиныг архи, согтууруулах ундааг хүчээр уулган уусан цаг явуулна гэх мэтээр дарамтанд оруулсан гэдгийг эх сурвалжаас хэлж байгаа юм. Тухайн хүчингийн хэрэг гарсныг охин өөрөө түргэн тусламжийн 108 дугаар залгаж мэдэгдсэн байна. Мэдээллийн дагуу цагдаагийн байгууллагаас шуурхай ажиллагаа явуулж гэмт этгээдүүдийг баривчилсан боловч маргааш өдөр нь сулласан байна. Тиймээс ч хохирогчийн ар гэрийнхэн цагдаагийн байгууллагаас гэмт этгээдүүдэд таслан сэргийлэх арга хэмжээ авахыг шаардсан боловч тэд өнөөдрийг хүртэл сул чөлөөтэй явж байгаа юм. Мөн гэмт хэргийг цагдаагийн байгууллагад мэдэгдсэн өдрөөс хойш 14 хоногийн дараа л дөнгөж мөрдөн байцаалтад шилжүүлсэн сурагтай. Тус хэргийг шалгах ажиллагаа удаашралтай цаашлаад гэмт этгээдүүд сул чөлөөтэй явж байгаад хохирогчийн ар гэрийнхэн гомдолтой байгаа аж. Мэдээж хэрэг хамгийн харамсалтай нь 13 хан настай охин өнөөдрийн байдлаар сэтгэл санааны гүн хямралтай байгаа нь ойлгомжтой. Шуурхай ажиллагаа явуулан гэмт этгээдүүдийг илрүүлсэн ч ийнхүү хэрэг хийсэн өдрийнхөө маргааш нь суллагдаж хохирогч охины ар гэрийнхэнд хүнд цохилт болсон хэрэг хэрхэн шийдэгдсэн талаар бид үргэлжлүүлэн сурвалжлах болно.

2022 ОНЫ НЭГДҮГЭЭР САРЫН 1-НЭЭС ХОЙШ НУС ЦЭРЭЭ ХАЯДАГ, ИЛ БИЕ ЗАСДАГ, ХОГОО ХАЯДАГ ИРГЭДЭД ХАТУУ ХАРИУЦЛАГА ТООЦНО ГЭВ

11 / 17 0 сэтгэгдэл 1 130 үзсэнe

Хотын иргэд нэг үеээ бодвол соёлжиж гудамж талбайд нус цэрээ хаяж, ил задгай бие засахаа больсон. Тэгвэл төрийн толгойд сууж байгаа хууль завхруулагчид даа хариуцлага тооцох, тэдэнд авах арга хэмжээгээ чангатгахгүй байж дахин л ард иргэдийн халаасруу гараа шургуулсан хуулиа чангатгана гэлээ. Тодруубал : Нийслэлийн засаг дарга Д.Сумъяабазар 2022 оны 1 сарын 1-нээс ил задгай хог хаясан иргэдэд хуулийн дагуу авах арга хэмжээгээ аваад эхэлнэ. Бид хуулинд суусан дүрэмтэй болж байгаа, хуулинд суусан стандарттай болж байгаа гэж мэдэгдлээ. Ийм зүйлийг баатар мэтээр ярьж суухын оронд ард түмнээ шулсан биш харин дэмжсэн хууль баталчихаад ам бардам ард түмэндээ мэдэгдсэн бол...

ХИЛ ХААЛТТАЙГААС БОЛЖ ЭМ, ЭМНЭЛГИЙН ХЭРЭГСЛИЙН ХОМСТОЛ ҮҮССЭН ҮЕД ҮНЭ НЭМЭГДҮҮЛЭН ХУДАЛДААЛСАН БОЛОН БОРЛУУЛСАН ГАЗРУУДАД АРГА ХЭМЖЭЭ АВЛАА

11 / 17 0 сэтгэгдэл 1 029 үзсэнe

Хятад улсын Эрээн хотод ковид19 халдварын тохиолдол бүртгэгдэж тодорхойгүй хугацаагаар хилээ хаагаад байгаа. Уг шалтгааны улмаас өнөөдрийн байдлаар манай улсад эм, эмнэлгийн хэрэгслийн хомстол үүсэж эхэлсэн. Тодруулбал : Нийслэлийн засаг даргаас өгсөн үүргийн дагуу НМХГ-ын дэд даргын 2021,10,28-ны өдөр баталсан Төлөвлөгөөт бус хяналт шалгалт хийх тухай 02-04/350 дугаар удирдамжийн хүрээнд эмийн сангуудад хийгдсэн шалгалтын мэдээлэл гарлаа. Үүнд : Эмийн санд худалдаалагдаж буй эмүүдийн хангамж, хүртээмж болон үнийн талаарх судалгааг гаргах,чанар аюулгүй байдал, эрсдэлээс урьдчилан сэргийлэх мэргэжил арга зүйн зөвлөгөө өгөх зорилгоор Сүхбаатар дүүрэгт байрлах 20, Баянгол дүүрэгт байрлах 12, Сонгино хайрхан дүүрэгт байрлах 15, Чингэлтэй дүүрэгт байрлах 27, Хан-Уул дүүрэгт байрлах 5, Баянзүрх дүүрэгт байрлах 13 нийт 92 эмийн санд шалгалт хийхэд 25-30 нэрийн импортоор орж ирдэг өргөн хэрэглээний /бактерийн эсрэг, мөөгөнцрийн г.м/ эм эмнэлгийн хэрэгсэл /тариурууд/-үүд тасарсан байгаа бол дотоодын эмийн үйлдвэрийн 10-аад нэр төрлийн судсаар сэлбэх тарилгын шингэн тасарч нийтдээ 40 гаруй нэр төрлийн эм, эмнэлгийн хэрэгсэлд хомстол үүсжээ. Ийнхүү хомстол үүсэхдээ зэрэгцэн вирусийн холбогдолтой эмүүдийг дур мэдэн нэмэгдүүлсэн үнээр борлуулж байсан газруудад ч хариуцлага тооцож эхэллээ. Шалгалтад хамрагдсан эмийн сангуудаас авсан эмийн үнийн судалгаанаас үзэхэд эм ханган нийлүүлэх байгууллагаас татан авсан үнэ дээр 10-30 хувьтай байхаар тооцож худалдаалж буй эмийн үнийг тогтоосон байна. Эм эмнэлгийн хэрэгслийн хяналт зохицуулалтын газраас вирусийн эсрэг эмийн дээд хязгаар тогтоосон бөгөөд эдгээр хязгаараас 350-2500 төгрөгөөр хэтрүүлж худалдаалсан Чингэлтэй дүүрэгт үйл ажиллагаа явуулдаг Жэба, Эрдэнэ суварга, Их цахиур ХХК-ууд нэрлэгдлээ. Шалгалтын явцад нийт 86 зөрчил илрүүлж 36 зөрчлийг газар дээр нь арилгаж албан шаардлага, хугацаатай үүрэг өгчээ.

ГОВЬ-АЛТАЙ АЙМАГТ ХАРУУЛЫН ДАРГАА ХӨНӨӨСӨН ЦЭРГҮҮДЭД ЯЛ ОНООЛОО

11 / 17 0 сэтгэгдэл 933 үзсэнe

Тухайн хэргийг Эргэн сануулахад, Говь-Алтай аймгийн Алтай сум дахь Хилийн цэргийн дугаар ангийн хоёр цэрэг алба хаагч галт зэвсэгтэй зугтсан хэрэг өнгөрөгч дөрөвдүгээр сарын 8-ны өдөр гарсан. Хэргийн газраас галт зэвсэгтэй оргон зайлсан хоёр цэргийг гурав хоногийн дараа Говь-Алтай аймгийн Алтай сумын Бадрал багийн нутаг дэвсгэрээс олж тогтоон, ямар нэгэн эрсдэлгүй баривчилж байсан юм. Тухайн цэргүүдийн шүүх хурал Говь-Алтай аймаг дахь сум дундын эрүүгийн хэргийн анхан шатны шүүхэд болж Харуулын даргаа буудаж хөнөөгөөд оргон зугтсан хоёр цэрэгт холбогдох эрүүгийн хэргийн анхан шатны шүүх хуралдаан боллоо. Хуралдаан арваннэгдүгээр сарын 15-нд хэлсэн бөгөөд шүүх хуралдаан ажлын цаг дууссан тул завсарлаж, 16-ны 09:00 цагаас үргэлжилсэн юм. Ингээд Шүүхээс шүүгдэгч Х-г хүнийг алах гэмт хэрэг үйлдсэн, шүүгдэгч М-тэй бүлэглэн дээрэмдэх, цэргийн албанаас оргон зайлах гэмт хэргүүдийг бүлэглэн үйлдсэн, цэргийн албан хаагч нь өөрт итгэмжлэн хариуцуулсан галт хэрэгслийг гээгдүүлсэн зэрэг үйлдэлд гэм буруутайд тооцсон байна. Харин шүүгдэгч М-г байлдааны тоног төхөөрөмжийг санаатай гэмтээсэн, мөн дээрэмдэх, цэргийн албанаас оргон зайлах гэмт хэргүүдийг бусадтай бүлэглэн үйлдсэн гэм буруутайд тус тус тооцжээ. Ийнхүү шүүгдэгч Х-д 11 жилийн хугацаагаар хорих ял оногдуулж, ялыг нээлттэй хорих ангид эдлүүлэхээр, шүүгдэгч М-д нэг жилийн хугацаагаар зорчих эрхийг хязгаарлах ял тус тус оногдууллаа.

ОЛОН НИЙТИЙН ТЕЛЕВИЗҮҮДЭЭР ЯВАГДДАГ СУГАЛААНЫ ХӨТЛӨГЧ ЗАЛУУГИЙН ТӨРСӨН ЭГЧ БАЙР ХОЖСОН ГЭХ ГОМДОЛ ИРЖЭЭ

11 / 17 0 сэтгэгдэл 6 901 үзсэнe

Хийморьтой 20 сугалаа асуудал дагуулсаар байна. Тодруулбал : Саяхан болсон сугалааны тохирлын үеэр хөтлөгч гартаа барьсан сугалаагаараа азтан тодруулж байгаа бичлэг олон нийтийн сүлжээнд цацагдан асуудал дагуулсан юм. Энэ мэт байдлаар телевиз бүрийн эфирээр гарах болсон сугалааны нэвтрүүлгүүдийг зогсоох, цаашлаад залилангаас сэргийлэхийг иргэд шаардах боллоо. Хийморьтой 20 сугалаа ийнхүү шууд нэвтрүүлэгийн үеэр асуудал дагуулсан. Тэгвэл тухайн хөтлөгч ч байж мэдэх сугалааны хөтлөгчөөр ажиллаж байсан нэгэн телевизийн хөтлөгчийн хамаарал бүхий этгээд болох төрсөн эгч нь сугалаагаар байр хожсон талаар нэгэн иргэнээс ШӨХТГ-т гомдол бүртгэгджээ. Тухайн нөхцөл байдлыг тогтоохоор ШӨХТГ болон цагдаагийн байгууллага ажиллаж эхэлсэн байна. Гэхдээ энэ бол ганцхан иргэдэд харагдсан жишээ. Үүний цаана өөр юуч явагдаж иргэдийг залилж байгааг мэдэх аргагүй юм. Өмнө нь Эгнэшгүй гэх компанийн сугалааны үеэр иргэдийн сугалааг камераас нууцаар шидэж байсан дүрс бичлэг мөн цацагдаж сугалаанд найдах хэрэггүй иргэдэд сануулсан явдал болсон. Гэвч олон нийтийн дунд нэр хүндтэй байдаг олон телевизээр сугалааны шууд дамжуулалт явагдсаар байгаа нь иргэдэд итгэл төрүүлээд байгаа юм. Гэтэл үнэн хэрэгтэй иргэдээс их хэмжээний мөнгө авдаг тухайн сугалаанууд үнэн шударга явагддаг гэдэг нь эргэлзээ дагуулсаар байна.Тиймээс сугалаа нэртэй залиланг зогсоох цаг болжээ.

СУРАГЧДЫН ҮДИЙН ХООЛ НЭРТЭЙ БИЗНЕС ЯВАГДАЖ, АРД НЬ ХҮҮХДҮҮД ХОХИРЧ БАЙНА

11 / 16 0 сэтгэгдэл 2 855 үзсэнe

УИХ-аас 2019 онд баталсан Ерөнхий боловсролын сургуулийн хоол үйлдвэрлэл, үйлчилгээний тухай хуульд “Үдийн цай” хөтөлбөрийг “Үдийн хоол” болгон, санхүүжилтийг нэмэхээр тусгасан. байдаг. Ингэснээр Үдийн цай” хөтөлбөрийг албан ёсоор “Үдийн хоол” болгож 1-5 дугаар ангийн нэг хүүхдэд ногдох зардал 900 төгрөг байсныг 1500 болгон нэмсэн юм. Харин 6-9 дүгээр ангийн үдийн хоолны зардлыг 2022 оны есдүгээр сарын 1-нээс, 10-12 дугаар ангийн хүүхдийн хоолны зардлыг 2023 оноос нэмэхээр болсон. Гэвч өнөөдрийн байдлаар үдийн хоолны асуудал хөндөгдөж эхлээд байна. Шөлтэй хоол, будаатай хуурга, пирошки, салат, жимсний шүүс зэргийг Үдийн хоолонд өгнө гэж сайд, дарга нар ярьдаг. Гэвч бодит байдал тэдний ярьдаг хоол сурагчдад очдоггүй бөгөөд 1500 төгрөгөнд тэдний ярьсан шиг хоол өгөх ямар ч боломжгүй юм. Тухайн асуудлын талаар эцэг эхчүүд гомдол гаргаж сурагчид ч идэх аргагүй хоол өгч байгааг ярьсаар байгаач сургуулийн удирдлагууд багш нар түрээслэгчээ өмөөрдөг сурагтай. Мөн Хоол чинь муухай байна би идэхгүй гэх сурагчийн өөдөөс хохинээ гээд хээв нэг зогсох тогоочид хаа сайгүй боллоо. Ерөнхийдөө бол үдийн хоолондоо цаддаг сурагч байхгүй. Иймэрхүү байдлаар хоол бэлтгэн үйлдвэрлэж сурагчдад өгч байгаа газруудад хараа хяналт дутагдаж байна. Монгол Улсын Ерөнхий сайд Л.Оюун-Эрдэнэ нийслэлийн ерөнхий боловсролын 14 дүгээр сургуулийн зочилж, “Үдийн цай” хөтөлбөрийг “Үдийн хоол” хөтөлбөр болгох бэлтгэл ажилтай танилцсан юм. Харин энэ үеэр иймэрхүү хоол хийж сурагчдад өгч байгааа хэмээж байсан. Үдийн хоол хөтөлбөрийн 1500 төгрөг сурагч, хүүхдүүдэд бүрэн очихгүй байгаа тухайн асуудлыг хяналтын байгууллагууд анхааралдаа авах цаг болжээ. Хувийн ашиг сонирхолын төлөө сургуультай гэрээ байгуулдаг хоол үйлдвэрлэлийн газрууд ч онширсоор л байгааг анхаараалдаа авна уу?

Ц.АНАНДБАЗАР ТОЙРОГТОО АЙРАГНЫ ӨРГӨӨ БОСГОХООР БОЛОВ. АРД ТҮМНИЙ АЖ АМЬДРАЛ ХАРИН “БОСОХГҮЙ” БОЛОЛТОЙ

11 / 12 0 сэтгэгдэл 1 018 үзсэнe

2022 оны улсын төсөв батлагдсан.Батлагдсан төсвөөс хамгийн их шүүмжлэл дагуулж иргэдийг эгдүүлцүүлж байгаа нь их хурлын гишүүн Ц.Анандбазарынх. Тодруулбал түүний өөрийн сонгогдсон тойрог руугаа татсан мөнгөн дүн хийж хэрэгжлүүлэхээр зэхсэн бүтээн байгуулалтаа ил тодоор тод томруунаар нийтлээд байгаа нь энэ. Эндээс эрхэм их хурлын гишүүн Булган аймгийн Хутаг-өндөр суманд айрагны өргөө барихад зориулж төрөөс төсвөөс 3-н тэрбум 800-н сая төгрөг батлуулж чадсан гэдгээ бардам нийтлээд байна.Иймд Булганд айрагны өргөө босох нь ч босохоор болжээ харин Булганчуудын аж амьдрал “босохгүй” бололтой ирэх онд. Айргаа сурталчилахын төлөө энэ мэт данхар төсвөөр гоё сайхан байшин барьж босгохын оронд ард иргэдийнхээ аж амьдрал амжиргаа залгуулах үйлдвэрлэл үйлчилгээнд хөрөнгө оруулалт хийсэн бол бодит үр дүнтэй бодлого төлөвлөлттэй ажил байх байлаа хэмээх зөв шүүмжлэл сошиол орчинд хөвөрсөөр байна.