Баянгол дүүргийн шилдэг 10 багш өөрийн мэдлэг оюунаараа өрсөлдөж Солонгос улсын боловсролын инноваци, сургалтын арга зүй, шилдэг туршлагаас суралцах “БАГШИЙН ЧАДВАР БЭХЖҮҮЛЭХ АЯЛАЛ-д /100% тэтгэлэг/ оролцох ЭРХИЙН БИЧГЭЭ гардлаа.

02 / 21 0 сэтгэгдэл 1 104 үзсэнe

Боловсролын салбарыг дэмжих, Боловсролын жишиг дүүрэг болох зорилтын хүрээнд “БАГШИЙН ЧАДВАР БЭХЖҮҮЛЭХ АЯЛЛЫН ТЭТГЭЛЭГТ УРАЛДААН”-ыг 2021 оны 10 дугаар сарын 05-ны өдөр Баянгол дүүргийн хэмжээнд эхлүүлсэн юм. 2021 оны 11 дүгээр сарын 20-ны өдрийг хүртэл дүүргийн ЕБС, СӨБ-ын байгууллагад ажилладаг нийт 200 гаруй багшаас “Дүүргийн хөгжилд багшийн оруулах хувь нэмэр” сэдвийн хүрээнд эсээ хүлээн авч, шүүгчдийн бүрэлдэхүүн эхний шатны шалгаруулалтыг хийгээд байв. Харин өнгөрөгч амралтын өдрөөр нийт оролцогчдоос /2022-02-19/ хамгийн оновчтой илэрхийлэлтэй 80 багшийн эсээ бичлэгийг батламжлан, хоёрдугаар шатанд шалгарсан 20 багш илтгэлээ хэлэлцүүлж, шүүгчдийн баг шилдэг 10 багшийг сонгон шалгарууллаа. Илтгэлийн уралдаанаас шалгарсан 10 багш Солонгос улсын боловсролын инноваци, сургалтын арга зүй, шилдэг туршлагаас суралцах “БАГШИЙН ЧАДВАР БЭХЖҮҮЛЭХ АЯЛАЛ-д /100% тэтгэлэг/ оролцох ЭРХИЙН БИЧГЭЭ гардаж авлаа. Үүнд: 1. Ерөнхий боловсролын 28-р сургууль-Ц.Одгэрэл 2. Ерөнхий боловсролын “Гурван тамир” сургууль-А.Хишигням 3. СӨБ-ын 141-р цэцэрлэг-Г.Отгонтуяа 4. Ерөнхий боловсролын 93-р сургууль-О.Сарантуяа 5. Ерөнхий боловсролын “Сэтгэмж” цогцолбор сургууль-О.Мөнхзаяа 6. Ерөнхий боловсролын “Оюуны ундраа” цогцолбор сургууль-Ч.Мягмардаш 7. Ерөнхий боловсролын 113-р сургууль-А.Дэлгэрмаа 8. Ерөнхий боловсролын 20-р сургууль Б.Цагаанцэцэг 9. СӨБ-ын 40-р сургууль-Э.Ичинхорлоо 10. СӨБ-ын 77-р цэцэрлэг-Б.Үнэнжаргал нартаа халуун баяр хүргэе. Боловсролын жишиг дүүрэг болох зорилт тавин ажиллаж буй Баянгол дүүргийн ИТХ, Ажлын алба хамт олны оролцоог дэмжин, хамтарч ажилласан JUMP академи, БНСУ-ын Ханбад Их сургуулийн хамт олонд талархал илэрхийлье. Шүүгчдийн бүрэлдэхүүнд ажилласан Нийслэлийн Боловсролын газрын орлогч дарга Л.Буянтогтох, JUMP академийн захирал Д.Тунгалагсэлэнгэ, Нийгмийн зөвлөх үйлчилгээ хүрээлэнгийн тэргүүн, АШУҮИС-ийн НЭМ-ийн багш Б.Цэвэлмаа, Баянгол дүүргийн Боловсролын хэлтсийн дарга З.Энхгэрэл, Нийслэлийн Боловсролын газрын Бодлогын хэрэгжилтийн хэлтсийн мэргэжилтэн Б.Оюунбилэг, Боловсролын ерөнхий газрын мэргэжилтэн Ч.Гажиддулам нартаа талархал илэрхийлье. Баянгол дүүргийн ИТХ-аас энэхүү тэтгэлэгт уралдаанаа жил бүр уламжлал болгон зохион байгуулахаар боллоо.

АВТО ЗАМЫН АЧААЛАЛ БУУРУУЛАХ ЗОРИЛГООР ДАРААХ 59 СУРГУУЛИЙН ХИЧЭЭЛ ЭХЛЭХ БОЛОН ТАРАХ ЦАГУУДАД ӨӨРЧЛӨЛТ ОРУУЛЖЭЭ

02 / 21 0 сэтгэгдэл 827 үзсэнe

Нийслэл хотын түгжрэлд нөлөөлж байгаа төвийн бүсийн байршлуудад оршдог төрийн болон, хувийн хэвшлийн 59 сургуулийн хичээл эхлэх болон тарах цагийг өөрчлөх зохицуулалт өнөөдрөөс хэрэгжиж эхэллээ. Сурагчдын хичээлийн цагийг өөрчилснөөр эцэг, эхчүүдийнх нь ажлын цагийн хуваарьт мөн уян хатан хандахыг нийслэлийн Засаг даргын захирамжаар зөвлөмж болгоод байгаа билээ. Тодруулбал, хүүхдийнх нь хичээлийн цаг өөрчлөгдсөн бол эцэг, эхчүүдийн ажилдаа ирэх цагийг 07:00-10:00, тарах цагийг 16:00-19:00 гэх мэтчилэнгээр албан байгууллагууд ажиллын цагийн уян хатан болгож, зохицуулахыг зөвлөөд байгаа бөгөөд. Эдгээр арга хэмжээг авснаар түгжрэлийг 12.5 хувиар бууруулна хэмээн тооцож. Уг зохицуулалт зөвхөн энэ хичээлийн жил дуустал мөрдөгдөх юм. Хичээл эхлэх цаг нь өөрчлөгдсөн сургуулиуд ТӨРИЙН ӨМЧИЙН ЕРӨНХИЙ БОЛОВСРОЛЫН СУРГУУЛЬ 07:45 ЦАГ / 13:15 ЦАГ 84-р сургууль 33-р сургууль 1-р сургууль 31-р сургууль 45-р сургууль 2-р сургууль Монгол Улсын Консерватори МУБИС - ЕБС 5-р сургууль 23-р сургууль 18-р сургууль 52-р сургууль 130-р сургууль 08:15 ЦАГ / 13:45 ЦАГ 21-р сургууль 48-р сургууль ӨЗБЛАСургууль 6-р сургууль Байгаль эх лицей сургууль 50-р сургууль 24-р сургууль 15-р сургууль 75-р сургууль 09:00 ЦАГ 11-р сургууль ТӨРИЙН БУС ӨМЧИЙН ЕРӨНХИЙ БОЛОВСРОЛЫН СУРГУУЛЬ 07:45 ЦАГ/ 13:15 ЦАГ И-Эс-Эм Оюунлаг Шинэ монгол Гёте Логарифм Сант Олонлог эгзэ Шинэ Монгол Харумафүжи сургууль 08:15 ЦАГ /13:45 ЦАГ Төгсдэлгэрэх Үй цай Улаанбаатар элит Шинэ үе Кинг кидс Оюут 09:00 ЦАГ Кириллица Уудам монгол Шилдэг Их засаг лицей Эрхэм баян эрдэм Оюуны-Оньс Эрдэмтөгс Сэлбэ Дойче шуле Эрдмийн уурхай Хаан эрдэм Тусгал Олонлог Орчлон сургууль Хобби сургууль Оргил сургууль Монгол билиг оюун сургууль Орхон Хасү сургууль Бритиш сургууль Сакура сургууль Солонго Эс Эф сургууль Жет тэмүүлэл сургууль

ГУРВАН НАСТАЙ ХҮҮХДЭЭ ГАНЦААРАНГ НЬ ОРХИСОНЫ УЛМААС 8 ДАВХАРААС УНАЖ ОСОЛЛОО

02 / 18 0 сэтгэгдэл 483 үзсэнe

Баянгол дүүргийн наймдугаар хороонд байрлах .... дугаар байрны найман давхрын цонхоор гурван настай охин унасан харамсалтай хэрэг гарчээ. Тодруулбал:Гурван настай охиноо ганцааранг нь үлдээж, эгч нарыг нь сургуульд хүргэж өгөхөөр явсан хойгуур охин нь цонхоороо унаж, хүнд бэртжээ. Одоогоор охины биеийн байдал маш хүнд ГССҮТ-д эмчлүүлж байгаа аж. Иймээс цагдаагийн байгууллагаас бага насны хүүхдэд тавих хараа хяналтаа сайжруулж, цэцэрлэгт хамрагдаагүй хүүхдийг гэрт нь заавал асран хамгаалагчтай үлдээхийг, цонхны хамгаалалт хийж аюулгүй байдлыг хангахыг анхааруулж байна.

“ЖЕНДЭРИЙН ЭРХ ТЭГШ БАЙДЛЫГ ХАНГАХ ТАЛААР АВЧ ХЭРЭГЖҮҮЛСЭН ҮЙЛ АЖИЛЛАГАА, ҮР ДҮНГИЙН ТАЙЛАН”-ГАА 31 ЖЕНДЭРИЙН САЛБАР ХОРООД ХУГАЦААНДАА ИРҮҮЛСЭНИЙГ ҮНДЭСНИЙ СТАТИСТИКИЙН ХОРООНООС БАТАЛСАН МАЯГТ, ЗААВРЫН ДАГУУ ПРОГРАММ СИСТЕМД ОРУУЛЛАА

02 / 18 0 сэтгэгдэл 544 үзсэнe

Нутгийн захиргааны байгууллагаас ирүүлсэн тайлангийн мэдээлэл ЖЭТБХТХуульд нутгийн захиргааны байгууллагад ажиллагсдын хүйсийн тэнцвэртэй байдлын тайлан, Үндэсний статистикийн хорооноос баталсан маягт, зааврын дагуу Жендэрийн эрх тэгш байдлыг хангах талаар авч хэрэгжүүлсэн үйл ажиллагаа, үр дүнгийн тайланг тус тус Жендэрийн үндэсний хороонд ирүүлэхээр заасан байдаг. Энэ хүрээнд Хорооны ажлын албанаас 2021 оны 12 дугаар сарын 22-ны 03/218 тоот албан бичгээр дараах тайлан мэдээг 2022 оны 1 дүгээр сарын 10-ны өдрийн дотор ирүүлэхээр 21 аймаг, нийслэл, 9 дүүргийн жендэрийн салбар хороодод хүргүүлсэн. Үүнд: 1.Нутгийн захиргааны байгууллагад ажиллагсдын хүйсийн тэнцвэрт байдлын тайлан; 2. “Жендэрийн эрх тэгш байдлыг хангах талаар авч хэрэгжүүлсэн үйл ажиллагаа, үр дүн (Б-ЖЭТБ-4)-гийн тайлан (Үндэсний статистикийн хорооноос баталсан маягт, зааврын дагуу программд оруулсан); 3. Орон нутгийн жендэрийн статистик үзүүлэлт болон хяналт-шинжилгээ, үнэлгээ хийгдсэн жендэрийн дэд хөтөлбөрийн хэрэгжилт, үр дүнгийн тайлан; 4. Хорооны 2021 оны онцлох болон нийтлэг үйл ажиллагааны төлөвлөгөө (2021 оны 3 дугаар сарын 25-ны өдрийн 03/49 тоот албан бичгээр хүргүүлсэн) болон УИХ-ын Нийгмийн бодлогын байнгын хорооны хуралдаанаас гаргасан зөвлөмжийн хэрэгжилт (2021 оны 4 дүгээр сарын 30-ны өдрийн 03/71 тоот албан бичгээр хүргүүлсэн)-ийн тайлан, мэдээлэл; 5. Нутгийн захиргааны байгууллагын дэргэдэх Хороо, зөвлөл, комиссын бүрэлдэхүүний хүйсийн тайлан; Дээрх дурдсан хугацаанд 31 жендэрийн салбар хороод тайлан, мэдээгээ ирүүлж, “Жендэрийн эрх тэгш байдлыг хангах талаар авч хэрэгжүүлсэн үйл ажиллагаа, үр дүнгийн тайланг Үндэсний статистикийн хорооноос баталсан маягт, зааврын дагуу программ системд орууллаа. Түүнчлэн орон нутгийн жендэрийн үндсэн үзүүлэлт (60 үзүүлэлт)-ийг 2022 оны 3 дугаар сард 2021 оны статистик мэдээлэл нэгтгэгдэн эцэслэгдсний үндсэн дээр Хорооны ажлын албанд ирүүлэхийг даалгасан болно.

“АЛТАН УНАГАНЫ ЭЗЭН”-ЭЭР ШАЛГАРСАН МАЛЧИН Б.ГАНЗУЛ ГЭРГИЙ Б.ДУЛМАА НАР ШАГНАЛАА ГАРДАН АВЛАА

02 / 18 0 сэтгэгдэл 734 үзсэнe

Жендэрийн үндэсний хорооны Нарийн бичгийн дарга бөгөөд Ажлын албаны дарга Т.Энхбаяр, МҮОНРТ-ийн Ерөнхий захирал А.Бүрэнбаатар нар “Алтан унаганы эзэн”-ээр шалгарсан Өвөрхангай аймгийн Бүрд сумын малчин Б.Ганзул гэргий Б.Дулмаа нарт “Алтан унаганы эзэн” хүндэт шагналыг нь гэрт нь хүрч очин, гардууллаа. Монголын радиогийн санаачилсан Таван эрдэнэ нэвтрүүлгийн хүрээнд жил бүр тодруулдаг “Алтан төлийн эзэд”-ийг энэ жил 44 дэх жилдээ тодруулсан бөгөөд, энэ жилээс Жендэрийн үндэсний хорооны санаачлагаар МҮОНРТ хамтран “Алтан төлийн эзэд”-ээр шалгарсан малчин эмэгтэй, эрэгтэйг гэр бүлээр нь шагнадаг болсон юм. Үр хүүхдээ төрүүлэх, өсгөх, ар гэрийн өдөр тутмын ажлуудыг амжуулахаас гадна, төл мал өсгөх хүнд хүчир ажилд хамгийн их хүч хөдөлмөрөө зарцуулдаг гэргий нарын хөдөлмөрийг ийнхүү үнэлж, хамтад нь шагнаж урамшуулан, хөдөлмөрийн тэнцвэртэй үнэлэмжийг бий болгож буйд малчин эмэгтэйчүүд сэтгэл өндөр байгаагаа илэрхийлж байна.

Л.ЭНХ-АМГАЛАН САЙД САЙД ЧАНАРГҮЙ ИХ ДЭЭД СУРГУУЛИУДЫГ ХААХААР БОЛЖЭЭ

02 / 18 0 сэтгэгдэл 846 үзсэнe

2000 оноос улсын болон хувийн хэвшлийн их, дээд сургуулиуд борооны дараах мөөг шиг олширсон. Үүнийг дагаад хүн бүр дээд боловсрол эзэмших нь нээлттэй болсон ч чанаргүй боловсролыг олгож эхэлсэн. Нийгэм дэх эрэлтээсээ давсан чанаргүй сэхээтнүүдийг хөдөлмөрийн зах зээл рүү нийлүүлээд өдгөө 20-иод жилийн нүүрийг үзээд байна.Гадны улс орнуудтай харьцуулахад манай улсын хүн амд ноогдох их, дээд сургуулийн тоо хэдэн арав дахин их.Манай улсын хэмжээнд үйл ажиллагаа явуулж буй их, дээд сургуулийн 18 нь төрийн өмчийнх, үлдсэн 75 хувь нь хувийн хэвшлийн зургаа нь коллежид багтдаг байна. Одоогоор магадлан итгэмжлэгдээгүй 14 сургууль үйл ажиллагаагаа хэвийн явуулсаар байгаа аж. Боловсролын чанарыг сайжруулж хөдөлмөрийн зах зээлийн эрэлттэй уялдсан мэргэжлээр төгсгөх тал дээр анхаарах нь зүйн хэрэг.

ШҮҮХИЙН ШИЙДВЭРЭЭР БАЙРАА ХУРААЛГАХ БОЛСОН 31 НАСТАЙ ИРГЭН АМИА ХОРЛОСОН ХАРАМСАЛТАЙ ХЭРЭГ ГАРЧЭЭ.

02 / 18 0 сэтгэгдэл 579 үзсэнe

Баянзүрх дүүргийн 16-р хороонд амьдардаг /31 настай эрэгтэй/ амиа хорлосон байдалтай нас барсан харамсалтай хэрэг гарчээ. Хэргийн газрын үзлэгээр талийгаач доошоо харан хэвтэж, их хэмжээгээр цус алдсан бөгөөд цогцосны хажууд хутга байжээ. Талийгаачийн хүзүү орчимд хутгаар зүссэн шарх үүссэн байсан бөгөөд. Эх сурвалжийн мэдээллээр талийгаач орон сууцаа барьцаанд тавьсан байсан ба Шүүхийн шийдвэр гүйцэтгэх байгууллагаас байрыг нь хураах мэдэгдэл ирсэн, их хэмжээний өртэй байсан зэрэг шалтгаантай байжээ. Хэрэг гардаг өдөр талийгаачийн ээж рүү ШШГЕГ-аас албан ажилтан холбогдож, "байр хураах" асуудлаар мэдэгдсэн бөгөөд ээж нь энэ талаар хүүдээ хэлэхэд ямар нэгэн хариулт өгөхгүй байсан аж ээ. Уг хэргийг цагдаагийн байгууллага шалгаж байна. Ийнхүү эрдэнэт хүний алтан амь насаа алдсан харамсалтай хэрэг өр зээлийн асуудлаас болж дахин бүү гараасай.

ШАТАХУУН БОЛОН, ӨРГӨН ХЭРЭГЛЭЭНИЙ БАРАА БҮТЭЭГДЭХҮҮНИЙ ҮНИЙН ӨСӨЛТ, БАНКНЫ БАГА ХҮҮТЭЙ ЗЭЭЛ ОЛДДОГГҮЙГЭЭС БОЛЖ, АРД ИРГЭД “ББСБ” БОЛОН ӨНДӨР ХҮҮТЭЙ ӨДРИЙН ЗЭЭЛ АВЧ ТАРЧИГХАН АМЬДРАХ ҮНДЭС НЬ БОЛЖ БАЙНА

02 / 18 0 сэтгэгдэл 784 үзсэнe

МҮЭХ-ны Үйлдвэрчний эвлэлийн байгууллагуудаас мэдээлэл хийж шатахуун, өргөн хэрэглээний бараа бүтээгдэхүүний үнэ өссөн үед хэрэглээний бүх төрлийн зээлийн хүүг бууруулах албан шаардлагыг УИХ, Засгийн газарт хүргүүлэхээр болжээ. МҮЭХ-ны ерөнхийлөгч С.Эрдэнэбаатар: Хэлэхдээ Хөгжлийн банкаар хязгаарлагдахгүй маш олон зээлийн асуудал бий. Эгэл жирийн аж ахуй нэгжүүд өндөр хүүтэй зээл авдаг. Гэтэл бүтээгдэхүүн үйлдвэрлэдэггүй, ажлын байр бий болгодоггүй том компани, эрх мэдэлтнүүд хамгийн бага хүүтэй зээлийг авч, мөнгө хүүлж байна. Үүнийг дамжсан маш олон авилга, хээл хахуулийн асуудал үүсэж байгаа. Тийм учраас МҮЭХ-ны олон мянган гишүүд бүх шатны сангуудын төлөөлөн удирдах зөвлөл, хяналтад иргэн, аж ахуйн нэгжийг оруулах хэрэгтэй гэж үзэж байгаагаа илэрхийлэв. Бид шударга бус зүйлтэй эвлэрэхгүй. МҮЭХ иргэдийн цалин, хэрэглээний зээлийн хүүг нэг оронтой тоонд багтаах, дээд тал нь 10 хувь болгохыг шаардаж байна гэлээ. Иргэд ББСБ-аас эсвэл, өндөр хүүтэй мөнгө хүүлэгч нараас өдрийн зээл авч байгаа нь бага хүүтэй банкны зээл нь олдохгүй байгаатай холбоотой. Цалин нь амьдралд хүрэлцэхгүй байгаа учир тэд цалингаа зээл авч байна. Цалингийн зээлийг иргэдийн данснаас шууд татаад авчихдаг. Тийм учраас эргэн төлөлт өндөр хувьтай байгаа. Зээлээ төлөөгүй тохиолдолд шүүхээр асуудлыг нь шийддэг. Гэтэл зарим нь тэрбум, тэрбумаар нь зээл авчхаад эргэн төлөөгүй хууль, хяналтын байгууллага нь шалгаж тогтоодоггүй шударга бус зүйл байсаар байгаа нь хууль эрх тэгш үйлчлэхгүй байгаагийн тод жишээ юм.

ХУДАЛДАА ХӨГЖЛИЙН БАНК БОЛОН, ХӨГЖЛИЙН БАНК ХОЁРЫН ДУНД 27 ТЭРБУМ ТӨГРӨГИЙН ШАХАА БАЙГААГ НУУН ДАРАГДУУЛСАН УУ???

02 / 18 1 сэтгэгдэл 1 109 үзсэнe

Төр, төрийн үйл ажиллагаанд хяналт үгүй болж, төрийн өмч хөрөнгө, төсөв санхүүг зүй бусаар зарцуулагчдад хүлээлгэх хариуцлагын тогтолцоо үгүй болсноос төсөв эрх мэдэлтнүүдийн гарын аясаар урссаар байна. Татвар төлөгчдийн мөнгөөр туйлсан шахааны бизнесийг төр дэмжиж байгаа олон жишээний нэг нь Хөгжлийн банкны эргэн тойронд өрнөөд байгаа асуудлууд билээ. Тэгвэл Хөгжлийн банкны байр нь өөрөө маш ноцтой асуудал дагуулсан нь ил боллоо. Худалдаа хөгжлийн банк нь одоогоос долоон жилийн өмнө Хөгжлийн банканд 27 тэрбум төгрөгөөр буюу нэг метр квадратыг нь 8,3 сая төгрөгөөр үнэлж оффиссын зориулалттай үл хөдлөх хөрөнгийг худалдаалсан нь шалгалтаар тогтоогдоод байна. Тодруулбал 2015 оны долдугаар сарын 06-ны өдөр "Хөгжлийн банк" нь "Худалдаа хөгжлийн банк"-тай үл хөдлөх эд хөрөнгө худалдах, худалдан авах гэрээ хийжээ. Ингэхдээ Худалдаа хөгжлийн банк нь Хөгжлийн банканд тус байрыг худалдаалжээ. Худалдаа хөгжлийн банк нь одоо "Хөгжлийн банк"-ны байрлаж байгаа 11,12 давхрын оффисын зориулалттай 3 240 м2 талбайг худалдахдаа нэг метр квадратыг нь 8,3 сая төгрөгөөр үнэлж, 27 тэрбумаар, мөн тус байрны В1 давхарт байрлах 10 ширхэг автомашины зогсоолыг 775 сая төгрөгөөр үнэлэн тухайн үед худалдаалсан байна. Ийнхүү нийтдээ 27 тэрбум 775 сая төгрөгөөр "Хөгжлийн банк" байртай болсон байдаг. Гэхдээ Худалдаа хөгжлийн банк нь 14 давхар барилга бариулсан өртгөөрөө л хоёрхон давхрыг нь төрд худалдаж, зардлаа нөхөн бас ч үгүй 775 сая төгрөгийн ашиг харсан наймаа хийсэн байна. Тус байрыг Худалдаа хөгжлийн банкны захиалгаар 14 давхар барилгыг 27 тэрбумаар "Зам тээврийн хөгжлийн сайд Д.Ганбатын "Өндөр буянт" ХХК бариулсныг УИХ-ын ажлын хэсэг шалгалтаар тогтоож нэр бүхий гишүүд "Худалдаа хөгжлийн банк" нь 27 тэрбум төгрөгөөр бариулсан 14 давхар байрныхаа хоёрхон давхрыг Хөгжлийн банканд 28 тэрбум төгрөгөөр шахсан нь дээрэм гэж үзэж Худалдаа хөгжлийн банканд байрных нь хоёр давхрыг буцааж өгөөд 27 тэрбум төгрөгийг олж авах үүргийг УИХ-аас "Хөгжлийн банк"-ны удирдлагуудад тухайн үед өгсөн байдаг. Хөгжлийн банкны удирдлагууд энэ асуудлаар Худалдаа хөгжлийн банканд хандаж, наймаагаа буцаах асуудлыг ярилцаж...талуудын аль аль нь гэрээгээр хүлээсэн үүргээ зохих ёсоор гүйцэтгэж үүргийг дуусгавар болсон байна. Иймд, танай банкнаас ирүүлсэн албан бичигт дурдсанчлан бүрэн хэрэгжиж дуусгавар болсон гэрээг цуцлах хууль зүйн үндэслэл байхгүй болохыг үүгээр уламжилж байна" гэх хариуг өгчээ. Хоёрхон давхрыг бүхэл бүтэн 14 давхар барилга бариулсан өртгөөр худалдаж авсан "Хөгжлийн банк" аргаа барахдаа тус байрыг түрээслүүлэхээр сонинд зар өгч үзсэн байна. Гэвч үр дүнд хүрээгүй аж. Тийм өндөр үнэтэй оффисыг түрээсэлдэг, худалдаж авдаг аж ахуйн нэгж, байгууллага гэж хаа байхав. Төр л төсвөө үрж, ядсандаа л тийм өндөр үнэтэй оффисыг худалдаж аваа биз. Хоёр талын байгуулсан гэрээнд Худалдаа хөгжлийн банкийг төлөөлж тус банкны гүйцэтгэх захирал асан Б.Мэдрээ, холбогдох орлогч захирлууд гарын үсэг зурсан бол Хөгжлийн банкийг төлөөлж тус банкны гүйцэтгэх захирал асан Н.Мөнхбат гарын үсэг зурсан нь дээрх баримтаас харагдаж байна. Ямартай ч Хөгжлийн банкны энэхүү хэрэг дээр АТГ ажиллаж, тус байрны хоёр давхар, граж нь 27,7 тэрбум төгрөгөөр үнэлэгдэх үү, үгүй юу гэдгийг дахин үнэлэхээр болсон ч өнөөдрийг хүртэл дарагдаж яваа учир нь чухам юм бол үүгээр ч үл барам Худалдаа хөгжлийн банк ны тус байрны 11, 12 давхарт үйл ажиллагаагаа явуулж эхэлсэн өдрөөсөө эхэлж СӨХ-д сар бүр 20 сая төгрөгийг төлдөг байж. Харин шинэ удирдлагууд нь 20 сая төгрөг их байна хэмээн үзэж сар бүр 9 сая төгрөгийг СӨХ-нд тушаадаг болсон гэх мэтчилэн татвар төлөгч ард түмнийхээ төсөвт төвлөрүүлдэг мөнгийг хэн нэгний бизнесийг дэмжих зорилгоор улаан цайм дээрэмдэж байгаа нь туйлын харамсалтай.

МУ ЕРӨНХИЙЛӨГЧ АСАН Х.БАТТУЛАГ ӨӨРИЙН ЗӨВЛӨХИЙНХӨӨ БАРЬЦААНД ТАВЬСАН ҮЛ ХӨДЛӨХҮҮДИЙГ НЬ ЧӨЛӨӨЛҮҮЛСЭН ҮҮ???

02 / 18 0 сэтгэгдэл 927 үзсэнe

Хөгжлийн банкнаас зээл авсан компаниудын 25 хувь нь бодит барьцаагаар баталгаажаагүй нь асуудал дагуулахтай зэрэгцээд зээлийн барьцаа хөрөнгөө чөлөөлүүлээд эхэлсэн нь Хөгжлийн банкнаас авсан зээлээ эргэж төлөхгүй гэж байгаа бололтой. Хөгжлийн банкны томоохон, чанаргүй зээлдэгч нартай холбоотой асуудлууд ар араасаа ил тод болоод байгаа нэг нь жишээ нь экс ерөнхийлөгч Х.Баттулгын орон тооны бус зөвлөхөөр 10 гаруй жил ажилласан Ц.Ууганбаяр гэх энэ эрхэм юм. Тэрээр "Нью Яармаг Хаусинг прожект" ХХК захирал бөгөөд. Тус компани Хөгжлийн банканд нийт 117.9 тэрбум төгрөгийн өртэй бөгөөд тус компани Хөгжлийн банкны барьцаанд тавьсан 21 ширхэг үл хөдлөх хөрөнгийг барьцаанаас чөлөөлүүлсэн байна. Зээлээ авсан бол төлөх ёстой, авсан зээлээ төлөхгүй бол барьцаа хөрөнгийг нь худалдаалан борлуулах замаар олгосон зээлээ нөхөх төлөх нь ёс зүйн асуудал байтал зээлээ төлөхгүй ийнхүү унжиж, башир арга хэрэглэж байгаа нь тухайн компаниудын барьцаа хөрөнгийг чөлөөлөөд эхэлсэн нь хууль шүүхийн байгууллага хэний талд үйлчилж байна вэ? гэж хардахад хүргэж байна. Тодруулбал, Сүхбаатар дүүргийн Иргэний хэргийн анхан шатны шүүхийн 2019 оны гуравдугаар сарын 6-ны өдрийн тогтоолоор, Монгол Улсын Хөгжлийн банк, "Нью Яармаг Хаусинг прожект" ХХК-ийн хооронд байгуулсан 2015.09.23-ны өдрийн үл хөдлөх хөрөнгийн барьцааны гэрээ болон түүнд нэмэлт өөрчлөлт оруулсан 2016.02.19, 2016.11.22-ны өдрийн гэрээг тус тус хүчин төгөлдөр бус гэж үзэж, нийт 21 ширхэг үл хөдлөх хөрөнгийг барьцаанаас чөлөөлүүлсэн байгаа юм. Улсын дээд шүүхээс анхан шатны шүүхийн шийдвэрийг хэвээр үлдээх тогтоолыг 2019 оны зургадугаар сарын 25-ны өдөр шийдвэрүүдийг гаргажээ. Зээлээ төлөхгүй, чанаргүй зээлдэгч нарын жагсаалтыг үргэлжлүүлж шүүхэд шилжээд байгаа тус компанийн барьцаа хөрөнгийг чөлөөлөх хүртэл шийдвэрийг гаргасан нь олны анхаарлыг ихээхэн татаж байгаа юм.