ӨМНӨД СОЛОНГОС ОХУ-ЫН УКРАИНЫ ЭСРЭГ ЭХЛҮҮЛЭЭД БАЙГАА ДАЙНЫГ ЭСЭРГҮҮЦЭЖ БАЙГААГАА ИЛЭРХИЙЛЖ ЭНХИЙН ЗАМААР ШИЙДВЭРЛЭХИЙН ТӨЛӨӨ ЭДИЙН ЗАСГИЙН ХОРИГ ТАВИХАА МЭДЭГДЛЭЭ

02 / 25 0 сэтгэгдэл 754 үзсэнe

Тодруулбал: Өмнөд Солонгосын улсын ерөнхийлөгч Мүүн Жэ Иний хэвлэлийн алба өчигдөр Украин улсын нутагт эзлэн түрэмгийлэх дайн эхлүүлсэн ОХУ-ын эсрэг олон улсын эдийн засгийн хориг арга хэмжээнд Өмнөд Солонгос улс нэгдэхээр болсныг мэдэгдэж. “Олон улсын хамтын нийгэмлэгийн анхааруулга, дипломат хүчин чармайлтыг үл тоомсорлон ОХУ-ын цэрэг Украин улсад халдан довтолсон явдалд харамсаж байгаагаа илэрхийлж. Украин улсын тусгаар тогтнол, газар нутгийн бүрэн бүтэн байдлыг хүндэтгэх ёстой. Улс орнуудын хоорондын ямар ч маргаан дайнаар биш, яриа хэлэлцээгээр шийдэгдэх ёстой анхааруулж. Олон улсын хамтын нийгэмлэгийн хариуцлагатай гишүүнийхээ хувьд Солонгос улс Оросын эзлэн түрэмгийллийг зогсоох, асуудлыг энхийн арга замаар шийдвэрлэхийн төлөө эдийн засгийн хориг арга хэмжээнд нэгдэж байна” гэж Мүүн Жэ Ин ерөнхийлөгч хэлснийг түүний хэвлэлийн албаны төлөөлөгч Хөх ордонд болсон хэвлэлийн хурлын үеэр дамжуулсан байна. Тус улсын засгийн газар одоо АНУ болон бусад холбоотнуудтайгаа эдийн засгийн ямар хориг арга хэмжээ авах талаар зөвлөлдөж байгаа бөгөөд. Ерөнхийлөгч Мүүн Жэ Ин үүссэн нөхцөл байдалтай холбогдуулан Украинд байгаа иргэдийнхээ аюулгүй байдлыг хангах, Украины хямралын эдийн засагт үзүүлэх сөрөг нөлөөг багасгах тал дээр анхаарч ажиллахыг холбогдох яамд, албан тушаалтнуудад даалгажээ.

УКРАИНЫ ЕРӨНХИЙЛӨГЧ ВЛАДИМИР ЗЕЛЕНСКИЙ ИРГЭДДЭЭ ХАНДАЖ МЭДЭЭЛЭЛ ХИЙЛЭЭ

02 / 25 0 сэтгэгдэл 1 424 үзсэнe

ОХУ-ын цэрэг Украинд халдаж эхэлснээс хойш тус улсын ерөнхийлөгч Владимир Зеленский анх удаа иргэддээ хандаж телевизээр мэдэгдэл хийхдээ “эх орноо гадны түрэмгийллээс хамгаалахын төлөө тэмцэхийг цэргийн насны бүх иргэддээ уриалж, уриалгыг хүлээж авсан хүн бүхэнд зэвсэг тараахад бэлэн байгаагаа мэдэгдсэн" байна. Мөн довтолсноос хойш Украин 137 цэрэг болон энгийн иргэд амиа алдаж, 316 хүн шархадсан байна. Энэ талаар Украины Ерөнхийлөгч Владимир Зеленский мэдээлсэн юм. Тэрээр "Би олон улсын удирдагч нартай яриа хэлэлцээр хэчнээн хийсэн ч ганц л зүйл сонсож байна. Украиныг гадны улс орнууд дэмжиж байгаа гэсэн. Бидэнд тусалж байгаад баяртай байна. Гэхдээ үг хэлээрээ л тусалж байна. Үнэн хэрэгтээ Украин улсыг бид өөрсдөө л хамгаалах гэж тэмцэж байна. Бидэнтэй хамт тэмцэхэд бэлэн улс байна уу? Би харахгүй байна. Украин НАТО-д элсэх үү гэж Европын 27 улсын удирдагчаас намайг асуухад хэн нь ч тодорхой хариулт өгөөгүй. Бүгд айгаад, хариулахгүй байна. Харин бид айхгүй байна, бид юунаас ч айхгүй" гэжээ. Юутай ч асуудал хурцдмал байгаа хоёр улсын дайны асуудал олон улсын анхаарлын төвд байсаар байна

ОРОН ДАЯАР ӨРНӨЖ БАЙГАА “НЭГ ТЭРБУМ МОД” ҮНДЭСНИЙ ХӨДӨЛГӨӨН ӨНӨӨДӨР СЭЛЭНГЭ АЙМАГТ....

02 / 25 0 сэтгэгдэл 1 303 үзсэнe

Өнөөдөр Сэлэнгэ аймгийн Сүхбаатар сумд Монгол Улсын Ерөнхийлөгчийн санаачилсан 2030 он хүртэл “Нэг тэрбум мод-Сэлэнгэ аймагт” албан ёсоор нэгдсэн билээ. Тэгвэл өнөөдөр Орон даяар өрнөж буй “Тэрбум мод" үндэсний хөдөлгөөнд Сэлэнгэ аймаг өнөөдөр “Нэг тэрбум мод-Сэлэнгэ аймагт”зөвлөгөөн болж БОАЖ-ын сайд Б.Бат-эрдэнэ оролцож байна байна.

ОХУ ЕРӨНХИЙЛӨГЧ ПУТИН “ОРОС УЛСЫГ ХАМГААЛАХ АРГА ҮҮНЭЭС ӨӨР БАЙХГҮЙ”

02 / 25 0 сэтгэгдэл 844 үзсэнe

Украины ерөнхийлөгч Зеленский одоогийн байдлаар энгийн иргэд болон, цэргүүд нийлсэн 137 хүн амиа алдсан тухай мэдээлэл хийсэн бол. НҮБ-аас одоогийн байдлаар нийслэл хот Киев болон, бусад бүсүүдээс нийт 100,000 мянган хүн дүрвэн гарсан тухай мэдээллэв .

“ОХУ”-ЫН ЭСРЭГ “АНУ” БАНКНУУДЫН ХӨРӨНГӨ ЦАРЦААХ ХОРИГ ТАВЬЖЭЭ

02 / 25 0 сэтгэгдэл 469 үзсэнe

ОХУ-ын цэрэг Украинд халдан довтолж эхэлснээс хойш болж өнгөрсөн нөхцөл байдлын талаар хүргэж байна. Одоогоор Оросын арми Украин руу бүрэн хэмжээний довтолгоо эхлүүлж тус улсын хойд, өмнөд болон, зүүн урд хэсгээс нь довтолж байгаа бөгөөд. Оросын эсрэг хориг зарим улс арга хэмжээ авч эхлээд байна ОХУ-ын эсрэг банкнуудын хөрөнгийг царцаах шинэ хориг арга хэмжээ авч буйгаа Их Британи, АНУ зарлав. АНУ-ын ерөнхийлөгч Ж.Байден хэлэхдээ “Путины түрэмгийлэл Орос улсад үлэмж их хохирол учруулах болно” гэж мэдээлэв.

ГАДААД ХАРИЛЦААНЫ САЙД УКРАИНД БАЙГАА МАНАЙ УЛСЫН ИРГЭД ОДООГООР ХАЛДЛАГАД ӨРТСӨН ЗҮЙЛ ГАРААГҮЙ

02 / 24 0 сэтгэгдэл 755 үзсэнe

Гадаад харилцааны сайд Б.Батцэцэг: "Украи нд байгаа Монголчуудаас бэртсэн, халдлагад өртсөн зүйл гараагүй. Бид одоогоор 27 оюутнаа эрстэлгүйгээр эх оронд авчрах талаар хэлэлцэж байна. Франкфурт Истанбулын нислэг зогсохгүй бол түүгээр тээвэрлэнэ. Бид Харьков, Киев хотод унаа бэлдчихсэн. Зарим сургуулиуд оюутнуудыг явбал эргэж авахгүй гэсэн. Гэхдээ бид шаардлагатай албан бичгүүдийг явуулж буй. Энэ явдал ганц Монгол Улсад бус дэлхий дахинд сорилт болж байна. НҮБ-ын Аюулгүйн зөвлөл өнөөдөр хуралдсан. Бид бүх иргэнтэй холбоотой байна" хэмээв .

ТУРКЭЭС УКРАИН УСАН ОНГОЦ ЗОРЧДОГ БОСФОРЫН ХООЛОЙ БОЛОН ДАРДАНЕЛЫН ХООЛОЙГ ХААЖ ӨГӨХИЙГ ХҮСЛЭЭ

02 / 24 0 сэтгэгдэл 780 үзсэнe

Оросын байлдааны усан онгоцнууд зорчдог Босфорын хоолой болон Дарданелын хоолойг хаахыг Украин Туркээс хүслээ. "Бид Босфор, Дарданелын хоолой болон агаарын орон зайгаа хааж Оросын талд хориг арга хэмжээ авахыг Туркээс хүссэн" гэж Турк дэх Украины элчин сайд Васыл Боднар хэлсэн байна. NATO-гийн гишүүн Турк нь Хар тэнгист Украин болон Оростой хил залгаа оршдог бөгөөд 1936 оны гэрээний дагуу Босфорын хоолойд хориг тавих эрх Туркэд бий.

ОХУ УКРАИНЫ ХООРОНД ҮҮССЭН ЗЭВСЭГТ ХАЛДЛАГААС БОЛЖ ОДООГООР 50 ОРЧИМ ХҮНИЙ АМЬ ЭРСТЭЭД БАЙНА

02 / 24 0 сэтгэгдэл 365 үзсэнe

Зүүн хэсэгт болж буй тулааны үеэр Оросын 50 орчим цэрэг амь үрэгдэж зургаан байлдааны онгоц устсан гэж Украины зэвсэгт хүчнээс мэдээллээ.

ФИНЛАНД УКРАИНЫ ДҮРВЭГСДИЙГ ХҮЛЭЭЖ АВАХАД БЭЛЭН БАЙГААГАА ИЛЭРХИЙЛЭВ

02 / 24 0 сэтгэгдэл 602 үзсэнe

Финланд Украины дүрвэгсдийг хүлээж авахад бэлэн гэж Ерөнхий сайд нь мэдэгдлээ. Харин Литви улс мөргөлдөөнөөс үүдэн дотооддоо онц байдал зарлах эсэхээ шийдэхээр хуралдаж байна гэв.

УУЛ УУРХАЙ, ХҮНД ҮЙЛДВЭРИЙН САЙД: ОРОС, УКРАИНЫ НӨХЦӨЛ БАЙДЛААС ШАЛТГААЛЖ ШАТХУУНЫ ҮНЭ ӨСӨЖ Ч МАГАДГҮЙ БУУР Ч МАГАДГҮЙ ГЭВ

02 / 24 0 сэтгэгдэл 2 542 үзсэнe

Уул уурхай, хүнд үйлдвэрийн сайд Г.Ёндон “Энэ бол яах аргагүй болгоомжлох ёстой асуудал. Бид уржигдар “Роснефть” компанийн Монгол дахь төлөөлөгчийн газартай холбогдож тодруулга авсан. Мөн өчигдрийн Засгийн газрын хуралдаанаас шатахууны асуудлаар ОХУ-д очиж ажиллах, холбогдох хүмүүстэй уулзах үүрэг даалгавар өгсөн. Дэлхийн зах зээл дээр шатахууны үнэ сүүлийн найман жил байгаагүй өндөр үнэд хүрсэн. Бид 100 хувь гаднаас хамааралтай учир үүнийг дагаад шатахууны үнэ өснө. Өнөөдөр ямар нэгэн хөндлөнгийн оролцоогүйгээр А92 бензиний үнэ автомат үнийн тооцооллоор хийгдэж байна. Үүний хүчинд сүүлийн үед 20-70 төгрөгөөр нэмэгдэж байна. Нөгөө талаас гадаад зах зээлийн үнэ нэмэгдэхээр дагаад өснө. Орос, Украины нөхцөл байдлаас шалтгаалж шатахууны үнэ өсөж ч магадгүй, буурч ч магадгүй. Буурах нөхцөл байдал нь юутай холбоотой вэ гэхээр, ОХУ-ын экспортод хориг тавина гэсэн үг. Хориг тавиад эхлэхээр бидэнд эергээр нөлөөлж магадгүй. Бид ОХУ-аас шатахуун авахдаа Сингапурын биржийн үнээр тооцож авдаг. Нөгөө талаар аливаа цэрэг дайны нөхцөлд шилжсэн улс стратегийн нөөцөө бүрдүүлж авдаг. Ингэхээр бидэнд хүнд тусна. Улс төрийн нөхцөл байдлаа дагаад энэ бүтээгдэхүүний үнэ өсөж, буурах нь биднээс хамаарахгүй байгаа. Өнөөдрийн гол асуудал бол шатахууны нөөц бүрдүүлэх. Өнөөдрийн байдлаар 30-40 хоногийн нөөцтэй байна. Тиймээс бидний хамгийн гол анхаарах зүйл нөөцөө тасалдуулахгүй байх юм. Хэдийгээр үнийг чөлөөлсөн ч гэсэн шууд зах зээлийн ханшаар бус хөдөлгөөнт дунджаар тооцохоор нэлээд бага өөрчлөлт үнэ дээр нэмэгдэнэ. Түүнчлэн ОХУ, Украин хооронд нөхцөл байдал хүндэрлээ гэж үзэхэд шатахууны үнэ бусад улсад ч ялгаагүй нэмэгдэнэ. Тухайлбал, БНХАУ-д ч ялгаагүй нэмэгдэнэ. Гэвч Хятад улсад хил гааль, тээврийн хүндрэл бий. Бидний хувьд бас нэг хүлээж байгаа зүйл бол АНУ, Иран улсуудын хооронд Цөмийн хөтөлбөрийн хэлэлцээрт хүрэх асуудал. Хэрэв энэ хэлэлцээр амжилттай болбол Иран улс өдөрт нэг сая орчим барель шатахууныг зах зээлд гаргах боломжтой болно. Ингэснээр дэлхийн зах зээл дэх үнэд эергээр нөлөөлөх боломжтой юм. Том эдийн засагтай улс орнууд үүнийг анхааралтай ажиглаж байгаа" гэв.