"ХӨГЖЛИЙН БАНК"-ИЙГ ТОНОЖ ХӨЛЖСӨН УЛСТӨРЧИД ...

Хөгжлийн банктай холбоотой асуудлууд сүүлийн үед багагүй шуугиан тариад байгаа. Хөгжлийн банкнаас нийт зээл авсан 66 компанийн нэрийг зарласан. Улс төрчидтэй хамаарал бүхий хэд хэдэн компаниуд Хөгжлийн банкнаас зээл авч, зөрчил үүсгэжээ. Үүний дагуу тэдгээр компаниуд болон хамаарал бүхий этгээдүүдийг АТГ-аас шалгаж эхэлсэн байна. Тодруулбал, 1. УИХ-ын гишүүн асан Ц.Шаравдоржийн хүү Ш.Билэгтэйн "Шанх майнинг" ХХК Шанх майнинг" ХХК Хөгжлийн банкнаас 2019 онд 5,6 тэрбум төгрөгийн зээлийг авчээ. Зээлийн хугацаа нь 2024 онд дуусах юм. Гэвч арванхоёрдугаар сарын 31-ний байдлаар 670 хоногийн зөрчилтэй байж болзошгүй байна. 2. УИХ-ын гишүүн асан А.Сүхбатын төрсөн дүү А.Баттөгсийн эхнэрийн нэр дээр бүртгэлтэй "Түгээмэл түмэн хишиг" ХХК "Түгээмэл түмэн хишиг" ХХК нь 2020 оны долдугаар сард Хөгжлийн банкнаас 18,5 тэрбум төгрөгийн зээл авчээ. Зээлийн хугацаа 2023 онд дуусах ба нийт 14,9 тэрбум төгрөгийн зөрчилтэй байна. Иймээс тус асуудлыг АТГ-аас шалгаж эхэлжээ. 3. УИХ-ын гишүүн Ч.Ундрамын аав Ч.Чинбатын хувьцаа эзэмшигч "Вояжер минерал ресурсес" ХХК "Вояжер минерал ресурсес" ХХК нь 2018 оны нэгдүгээр сард 10,6 тэрбум төгрөгтэй тэнцэх иенийн зээлийг авчээ. Харин тус зээлийн хугацаа 2019 онд дууссан. Гэвч 3,5 тэрбум төгрөгтэй тэнцэх иенийн үлдэгдэлтэй байгаа юм. 4. Ерөнхий аудитор асан Д.Хүрэлбаатарын төрсөн дүү Д.Мөнхбаатарын "Эрдхул" ХХК "Эрдхул" ХХК нь 2017 оны наймдугаар сард 700 сая төгрөгийн зээл авчээ. Зээлийн үлдэгдэл 598 сая төгрөг байгаа аж. 5. Барилга хот байгуулалтын дэд сайд асан Ш.Лхамсүрэнгийн "Мондулаан трейд" ХХК "Мондулаан трейд" ХХК нь Хөгжлийн банкнаас 2018 оны аравдугаар сард 15 тэрбум төгрөгийн зээл авчээ. Тус зээлийн үлдэгдэл нь 17,6 тэрбум болжээ. 6. УИХ-ын гишүүн Х.Ганхуягийн төрсөн эгч Х.Хашчимэгийн "Вертекс майнинг партнер" ХХК "Вертекс майнинг партнер" ХХК Хөгжлийн банкнаас 2020 оны нэгдүгээр сард 33 тэрбум төгрөгийн зээл авчээ. Одоогийн байдлаар зээлийн үлдэгдэл 33,14 тэрбум төгрөг болсон байна. 7. "Газ-Импорт" ХХК Тус компани 2018 оны нэгдүгээр сард Хөгжлийн банкнаас 223,6 сая төгрөгийн зээлийг авчээ. Зээлийн нийт үлдэгдэл 7,1 тэрбум төгрөг болоод байгаа юм байна. Уг зээлтэй холбоотойгоор Хөгжлийн банкны тэргүүн дэд захирал Ч.Энхбатыг Банкны тухай хуулийг зөрчиж их хэмжээний зээлийг удаа дараа олгосон гэх үндэслэлээр 2020 оны дөрөвдүгээр сараас эхлэн эрүүгийн хэрэг үүсгэн яллагдагчаар татсан.

ИРГЭДИЙН ХҮРГҮҮЛСЭН МЭДЭЭЛЭЛД ТЭГШ ОРД ХХК-ИЙН УДИРДЛАГУУД ТАЙЛБАР ӨГӨХӨӨС ТАТГАЛЗАВ

ЗАМЫН ЦАГДАА ЖОЛООЧИЙГ ЧИРЭГДҮҮЛЖ БАЙГААГИЙН АРД ДААТГАЛЫН КОМПАНИТАЙ ТОХИРОО БАЙЖ БОЛЗОШГҮЙ ГЭВ ...

БАЯР АМРАЛТЫН ӨДРҮҮДЭД ГЭМТ ХЭРГИЙН УЛМААС ОЛОН ХҮН АМЬ НАСАА АЛДСАН ГЭХ МЭДЭЭЛЭЛ НЬ ТАШАА ГЭВ

Сар шинийн баярын өдрүүдэд цагдаагийн байгууллагад бүртгэгдсэн гэмт хэрэг, зөрчлийн дуудлага, мэдээллийн талаар ЦЕГ-ын Хэвлэл, мэдээллийн төвийн ахлах мэргэжилтэн, цагдаагийн хошууч Б.Дэлгэрхангайтай ярилцлаа. Баяр, амралтын өдрүүдэд цагдаагийн байгууллагаас ямар ажил, арга хэмжээ зохион байгуулан ажилласан бэ? Сар шинийн баярт зориулсан хүчит бөхийн барилдаан, Гандантэгчилэн хийд болон нийслэл, орон нутгийн 18 сүм, хийдэд сар шинийн баярт зориулсан ерөөл хурах, айлтгал заслын ном хурах үеийн хэв журмын болон замын хөдөлгөөний аюулгүй байдлыг хангах хамгаалалтыг цагдаагийн байгууллагаас зохион байгуулж ажилласан. Мөн иргэдээс шинийн нэгний нар харах, уул, овоонд гарч ёслол үйлдэх үеийн нийт 84 байршилд хэв журам сахиулж, зам тээврийн осол, гэмт хэргээс урьдчилан сэргийлэх арга хэмжээ авсан. Сар шинийн баяр, амралтын өдрүүдэд нийслэлийн 247 хяналтын цэгт 808 алба хаагч, сонсогч, 68 тээврийн хэрэгсэлтэй 2 ээлжээр, орон нутагт 231 цэгт 452 алба хаагч, 69 тээврийн хэрэгсэлтэйгээр тус тус замын хөдөлгөөний аюулгүй байдлыг хангаж ажилласан. Сар шинийн баяр, амралтын өдрүүдэд цагдаагийн байгууллагад гэмт хэрэг, зөрчлийн хичнээн дуудлага, мэдээлэл бүртгэгдсэн бэ? Энэ оны 1 дүгээр сарын 31-ний өдрөөс 2 дугаар сарын 6-ныг хүртэлх хугацаанд цагдаагийн байгууллага нь иргэн, хуулийн этгээдээс нийт 11017 дуудлага, мэдээлэл хүлээн авснаас гэмт хэргийн шинжтэй 547, зөрчлийн шинжтэй 9211, зам тээврийн ослын шинжтэй 1259 дуудлага мэдээлэл байна. Хүлээн авсан дуудлага, мэдээллийг өмнөх 7 хоног буюу энэ оны 1 дүгээр сарын 24-ний өдрөөс 30-ныг хүртэлх хугацааны дуудлага, мэдээлэлтэй харьцуулахад зөрчлийн шинжтэй дуудлага, мэдээлэл 2,9 хувиар өссөн хэдий ч гэмт хэргийн шинжтэй дуудлага, мэдээлэл 14,4 хувиар, зам тээврийн осол 35,4 хувиар, нийт гомдол мэдээлэл 4,5 хувиар тус тус буурсан. Баярын өдрүүдэд ямар төрлийн гэмт хэрэг бүртгэгдсэн бэ? Баяр, амралтын өдрүүдэд хулгайлах, дээрэмдэх төрлийн гэмт хэргийн гаралт нэмэгдэх хандлагатай байдаг. Өнгөрсөн онд коронавируст цар тахлаас урьдчилан сэргийлэх зорилгоор сар шинийн өдрүүдэд бүх нийтийн бэлэн байдлын зэрэгт шилжиж хөл хорио тогтоосон учир гэмт хэрэг, зөрчил харьцангуй бага бүртгэгдсэн. Энэ жилийн хувьд хулгайлах гэмт хэрэг 160 бүртгэгдсэн нь өмнөх долоо хоногтой харьцуулахад 33,9 хувиар, дээрэмдэх гэмт хэрэг 5 бүртгэгдсэн нь өмнөх 7 хоногоос 16,7 хувиар, залилах гэмт хэрэг 16 бүртгэгдсэн нь өмнөх 7 хоногоос 66,7 хувиар тус тус буурсан байна. Сар шинийн баяр, амралтын өдрүүдэд гэмт хэрэг, зам тээврийн ослын улмаас олон хүн амиа алдсан гэх мэдээлэл гарсан. Энэ талаар мэдээлэл өгөөч? Хүний амь нас хохирсон хэрэгт өвчний улмаас, амиа хорлосон, золгүй байдлаар гэх мэт олон шалтгааны улмаас нас барсан тохиолдол бүрд цагдаагийн байгууллагаас хойшлуулшгүй ажиллагаа явуулж, холбогдох шалгалтын ажиллагааг хийдэг. Баяр, амралтын өдрүүдэд олон хүний амь нас хохирсон нь бүгд гэмт хэргийн улмаас биш юм. Баяр амралтын өдрүүдэд гэмт хэргийн улмаас олон хүн амь насаа алдсан байна гэсэн мэдээлэл нь ташаа мэдээлэл юм. Харин сар шинийн баярын өдрүүдэд зам тээврийн ослын улмаас 4 хүн амь насаа алдсан харамсалтай тохиолдол бүртгэгдсэн. Өнөөдрийн байдлаар хөдөө орон нутгаас Улаанбаатар хотыг чиглэсэн замын ачаалал тасрахгүй, нэмэгдэж байна. Иймд иргэд та бүхэн архи согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, тээврийн хэрэгслээр зөвшөөрөгдсөнөөс дээш хурд хэтрүүлэхгүй байх зэргээр замын хөдөлгөөний дүрмээ баримтлан аюулгүй байдлаа ханган хөдөлгөөнд оролцохыг анхааруулж байна.

ЕРӨНХИЙ БОЛОВСРОЛЫН СУРГУУЛИЙН ХИЧЭЭЛИЙГ ХОЁРДУГААР САРЫН 14-НӨӨС 5/9 ЗАРЧМААР ЭХЛҮҮЛНЭ

Засгийн газрын хуралдаанаар II улирлын хичээл, сургалтын үйл ажиллагааг дараах байдлаар эхлүүлэхээр шийдвэрлэсэн юм. Үүнд: Цэцэрлэгийн хичээл, сургалтын үйл ажиллагаа ирэх даваа гарагт буюу хоёрдугаар сарын 14-нөөс эхэлнэ. Ерөнхий боловсролын сургуулийн хичээлийг хоёрдугаар сарын 14-нөөс 5х9 зарчмаар эхлүүлнэ. Сургуулийн анги бүлгээс халдвар илэрч батлагдсан тохиолдолд тухайн анги бүлгийн хүүхдүүдийг танхимын бус сургалтад 3-5 хоног шилжүүлнэ. Хоёрдугаар сарын 28-ны өдрөөс 100 хувь танхимаар хичээллэнэ. МСҮТ болон, их, дээд сургуулийн хичээлийг хоёрдугаар сарын 7-ноос цахим хэлбэрээр эхлүүлнэ. Харин хоёрдугаар сарын 28-ны өдрийн даваа гарагаас танхимаар хичээллэнэ .

ХАЛДВАРЫН ТОХИОЛДОЛ ӨНГӨРӨГЧ 24 ЦАГИЙН БАЙДЛААР 11 АЙМАГТ БҮРТГЭГДЭЭГҮЙ БАЙНА

Сүүлийн 24 цагт манай улсад дотоодын 860 тохиолдол бүртгэгдсэнээс 68 хувь нь нийслэлд , 32 хувь нь орон нутагт бүртгэгджээ. Орон нутагт илэрсэн тохиолдлыг аймаг тус бүрээр авч үзвэл Өмнөговь аймагт хамгийн олон буюу 71 тохиолдол бүртгэгд сэн ба Баянхонгор, Говь-Алтай, Дорнод, Завхан, Өвөрхангай, Сүхбаатар, Сэлэнгэ, Увс, Хөвсгөл, Хэнтий, Төв аймагт PCR шинжилгээгээр батлагдсан халдвар байхгүй байгаа бол бусад аймагт 10-44 илэрсэн тухай Эрүүл мэндийн яамнаас мэдээллээ. Иймд иргэдийг дэглэмээ сайтар баримталж халдвараас өөрийгөө болон ойр дотны хүмүүсээ хамгаалахыг уриалж байна . Улаанбаатар хот болон аймгуудын халдварын нөхцөл байдал:

ЭНЭ ОНД НИЙСЛЭЛД БАРИГДАХ 22 СУРГУУЛЬ ЦЭЦЭРЛЭГ, 22 АВТО ЗАМЫН ХӨРӨНГӨ ОРУУЛАЛТ БАТЛАГДЛАА

НийслэлийнЗасаг дарга улс,нийслэлийн хөрөнгө оруулалтаар хийж буй бүтээн байгуулалтын ажлыг эрчимжүүлэх, газар чөлөөлөхөд цаг алдахгүй байхыг үүрэгдлээ. Энэ оны хувьд газар зохион байгуулалтын төлөвлөгөөнд нөхөн олговортойгоор газар чөлөөлөх 249 байршлыг НИТХ-аар батласан. Үүнээс: Он дамжин хэрэгжиж буй 69 ажил, Барилга байгууламжийн нөлөөлөлд өртсөн 115, Дэд бүтцийн нөлөөлөлд өртсөн зургаа, Инженерийн шугам сүлжээний нөлөөлөлд өртсөн 26, Авто замын ажлын нөлөөлөлд өртсөн 33 газар байгаа аж. 2022 онд шинээр хэрэгжих ажлуудаас 22 авто зам, 22 сургууль цэцэрлэгийн хөрөнгө оруулалт батлагдсан хэмээн НЗДТГ - ын хэвлэл мэдээлэлтэй харилцах хэлтсээс мэдээллээ .

ТҮҮХЭНДЭЭ АНХ УДАА ӨВЛИЙН ОЛИМПООС ШИНЭ ЗЕЛАНД УЛС АЛТАН МЕДАЛЬ АВЛАА

Шинэ Зеландын 20 настай тамирчин Зои Садовски Синнот эмэгтэйчүүдийн сноубордын слопстайл төрөлд түрүүлснээр түүхэндээ анх удаа өвлийн олимпын алтан медалийг эх орондоо авчирчээ. Тэрбээр АНУ-ын Жюлиа Мариногийн араас нэхэж явсан хэдий ч сүүлчийн шатандаа гайхалтай үсрэлт үзүүлснээр 92.88 оноо авч,нэгдүгээр байранд оржээ. Мөнгөн медаль зүүсэн АНУ-ын Марино 87.68, хүрэл медаль зүүсэн Австралийн Тэсс Коди 84.15 оноо тус тус авчээ. Өмнө нь өвлийн олимпоос Шинэ Зеланд улс нэг мөнгө, хоёр хүрэл медальтай хүртэж байсан амжилттай байжээ. Нэг хүрэл медалийг нь мөн Садовски 2018 оны Пёнчаны олимпын наадмаас авч байсан юм. Садовксийг шагналын тавцанд гарах үед Шинэ Зеландын тамирчид нутгийн уугуул Маори хүмүүсийн уламжлалт хака бүжгийг хийж, хүндэтгэл үзүүлжээ .

ЕРӨНХИЙ САЙД Л.ОЮУН-ЭРДЭНЭ БНХАУ-ЫН ТӨРИЙН ЗӨВЛӨЛИЙН ЕРӨНХИЙ САЙД ЛИ КӨЧЯНТАЙ АЛБАН ЁСНЫ УУЛЗАЛТ ХИЙЖЭЭ

БНХАУ-д айлчилж буй Монгол Улсын Ерөнхий сайд Л.Оюун-Эрдэнэ 2022 оны хоёрдугаар сарын 5-ны өдөр БНХАУ-ын Төрийн Зөвлөлийн Ерөнхий сайд Ли Көчянтай албан ёсны уулзалт хийж, Монгол, Хятадын харилцааг эрчимжүүлэх болон харилцан сонирхсон бусад асуудлаар дэлгэрэнгүй санал солилцож, өргөн хүрээтэй тохиролцоонд хүрчээ. Монгол Улсын Засгийн газраас дэвшүүлсэн “Шинэ сэргэлтийн бодлого”-ын хүрээнд боомт, эрчим хүч, аж үйлдвэржилт, Улаанбаатар хотын төвлөрлийг сааруулах болон ногоон хөгжлийн чиглэлийн томоохон төслүүдийг хэрэгжүүлэхэд хувийн хэвшил, хөрөнгө оруулагчдын идэвхтэй оролцоог хангахаар тохиролцжээ. Мөн хилийн боомтын дэд бүтцийн бүтээн байгуулалтыг эрчимжүүлэхээр нягт хамтран ажиллах санал дэвшүүлэв. Айлчлалын үеэр Монгол Улсын экспортын голлох бүтээгдэхүүн болох зэс, коксжсон нүүрсний экспортын 50 гаруй хувийг дангаараа эзэлдэг Гашуунсухайт-Ганцмод боомт болон Шивээхүрэн-Сэхээ, Бичигт-Зүүнхатавч боомтуудын төмөр замын хилийн шугам дайран өнгөрөх цэгийг эцэслэн тохиролцсоноор 14 жил гаруй хугацаанд гацсан Гашуунсухайтын төмөр замын өргөн нарийн царигийн маргаан эцэслэгдэж, нүүрсний экспорт гацаанаас гарлаа. Мөн эдгээр боомт болон Гашуунсухайт-Ганцмод боомтын төмөр замын бүтээн байгуулалтыг шуурхай эхлүүлж, богино хугацаанд ашиглалтад оруулахад Монгол Улсын Засгийн газраас анхаарч байгааг мэдэгдэв. Түүнчлэн “Монголбанк, Хятадын Ардын Банк хооронд байгуулсан Үндэсний мөнгөн тэмдэгт солилцох своп хэлцлийн гэрээ”-ний хугацааг цар тахлын нийгэм, эдийн засагт үзүүлж буй сөрөг нөлөөг хэвийн байдалд ортол буюу 2026 он хүртэл гурван жилээр сунгах талаар ярилцлаа. ОХУ, БНХАУ болон Европын Холбоо, БНХАУ-ын худалдааны эргэлт дээд хэмжээнд хүрч байгаа цаг үед БНХАУ-ын “Бүс ба Зам” санаачилгад дэвшүүлсэн Монгол-Орос-Хятадын эдийн засгийн коридорын бүтээн байгуулалтын ажлуудыг эрчимжүүлэх хүрээнд олон жилийн хугацаанд яригдсан Алтанбулаг-Замын-Үүд чиглэлийн 987 километр хурдны зам барих төслийг эрчимжүүлэх талаар санал солилцов. Монгол Улсын нийслэл Улаанбаатар хотын түгжрэлийг бууруулах ажлын хүрээнд БНХАУ-ын дэвшилтэт технологид тулгуурласан тулгуурт гүүрэн байгууламж бүхий нийтийн тээврийн хэрэгслийг нэвтрүүлэх, хурдны тойрог замын сүлжээ байгуулах зэрэг төслүүдэд хамтран ажиллахаар зөвшилцлөө. Ерөнхий сайд нар ОХУ-аас Монгол Улсын нутаг дэвсгэрээр дамжуулан БНХАУ руу тавих хийн хоолойн төслийн ТЭЗҮ батлагдсан тул тус төслийн ажлыг эрчимжүүлэхээр харилцан тохиролцлоо. Төрийн Зөвлөлийн Ерөнхий сайд Ли Көчян Монгол Улсын Ерөнхий сайд Л.Оюун-Эрдэнийн дэвшүүлсэн асуудлуудыг цаг алдалгүй шийдвэрлэхийн тулд айлчлалын хугацаанд Хятадын талын холбогдох албан тушаалтнуудтай хийх нэмэлт уулзалтуудыг товложээ.

САР ШИНИЙН МЭНД ХҮРГЭЕ

XVII жарны “Буян үйлдэгч” хэмээх усан бар жилийн Сар шинийн мэндийг алд цэнхэр хадаг, амар мэндийн ерөөлийн хамт өргөн дэвшүүлье. Ирж буй усан бар жилээ айл өрх бүрийн амьдрал ахуй өөдлөн дэвжиж, хотлоороо элбэг дэлбэг, түмэн олноороо түвшин жаргалтай байхын өлзийтэй ерөөлийг өргөн дэвшүүлье. Та бүхэн уламжлалт ёс заншлаа дээдэлж, халуун ам бүлээрээ Сар шинийн баяраа сайхан тэмдэглээрэй. Хүндэтгэсэн : NEGUUN.MN мэдээ мэдээллийн мультимедиа сайтын хамт олон