ЭРХ БАРИГЧДЫН ДОТООД ДАХЬ ЭРХ МЭДЛИЙН ТӨЛӨӨХ ТЭМЦЭЛ ХӨГЖЛИЙН БАНКНЫ ХЭРГЭЭР Ч ДУУСАХГҮЙ НЬ БОЛОЛТОЙ ...

03 / 01 0 сэтгэгдэл 743 үзсэнe

Шинэ сэргэлтийн бодлого хэмээн уухайлах болсон Л.Оюун-Эрдэнэ 2018 онд Засгийн газрын Хэрэг эрхлэх газрын дарга байхдаа ахлан орж шалгасан Хөгжлийн банкны асуудлыг сөхөж, намын гишүүдээ шуудайд хийсэн үхрийн эвэр шиг болгочихоод байгаа. Уг нь шинэ сэргэлтийн бодлогынх нь хөрөнгийн эх үүсвэр Хөгжлийн банк байх байв. Гэвч энэ банкны асуудлаар улстөр хийж эхэлснийг бодоход тэрбээр Оюутолгойг түшиглэн “Рио Тинто”-гоос дэмжлэг авахаар болж гэх хардлагыг төрүүлээд байна. Сар шинийн дараа, хоёрдугаар сарын 8-нд ээлжит бус чуулган хуралдуулахаар Л.Оюун-Эрдэнэ УИХ-ын дарга Г.Занданшатартай хэлэлцэж энэ үеэрээ Үндсэн хуулийн Цэцэд гаргасан давхар дээлний асуудлыг шуурхайлахаар тохиролцсон байдаг. Эндээс харахад Ерөнхийлөгч, Ерөнхий сайд хоёрын эрх мэдэл, байр сууриа булаалдсан далд мөргөлдөөн дунд Г.Занданшатар хадны завсарт хавчуулагдсан халиуны зулзага болж дээш тэнгэр хол, дорх газар хатуугийн үнэнийг мэдэрч хэн нэгний нь далласан газарт гүйн хүрч, далайсан газарт нь далд орон явах шиг байна. Тэд У.Хүрэлсүх 60 тэрбум, ЖДҮ нэрийн дор М.Энхболд тэргүүтэй замын тээгүүдээ цэвэрлэсэн яг тэр арга барилаар Л.Оюун-Эрдэнэ ажиллаж, Хөгжлийн банкны асуудлыг чиг барин У.Хүрэлсүх, Сү.Батболдын хүрээллийг шахаж байгаа. Замын-Үүдийн 6 даргыг баривчилж, лавшруулбал Гаалийн ерөнхий газрын дарга Б.Асралтыг ч саатуулж болно гэх мессэжийг Сү.Батболдод өгч хөлд нь дөнгө хийсэн гэдэг намын дотоод дахь шуумыг Хяналтын зөвлөлөөс гаргасан шийдвэр баталж байгаа. Тэрчлэн Хөгжлийн банкны 20 гаруй албан тушаалтныг чөлөөлж, Төлөөлөн удирдах зөвлөлийг бүрэн шинэчлэх үүргийг өгсөн явдал нь МАН-д албан тушаалын томилгоо уг үндсээрээ хийгдэхийн илрэл гэчихэд хол зөрөхгүй. Төрийн өмчит компани болон Хөгжлийн банкны ТУЗ-д бараг бүх төрийн нарийн бичгийн дарга, дэд сайд нар бий. Тэднийг бүгдийг шинэчлэнэ гэдгээ Л.Оюун-Эрдэнэ мэдэгдчихсэн.Л.Оюун-Эрдэнийн шазуур зууж анхааруулсан Төрийн нарийн бичгийн дарга болон дэд сайд нарын олонх нь М.Энхболд, Сү.Батболд, У.Хүрэлсүх нарын тавиулууд. Тэгэхээр эрх баригчдын дотоод дахь эрх мэдлийн төлөөх тэмцэл Хөгжлийн банкны хэргээр ч дуусахгүй бөгөөд энэ зөвхөн эхлэл гэчихэд ташаарсан болохгүй биз…

ХӨГЖЛИЙН БАНКНЫ АСУУДЛААР ЭДИЙН ЗАСАГЧ Л.НАРАНБААТАРЫГ ШАЛГАХ УУ

03 / 01 0 сэтгэгдэл 1 021 үзсэнe

Хөгжлийн банкны зээлтэй холбоотой асуудлыг хууль хяналтын байгууллагаас шалгаж, нэр бүхий хүмүүсийг цагдан хориод байгаа. Үүнтэй холбоотойгоор АТГ-аас УИХ-ын гишүүн Г.Амартүвшин, Х.Ганхуяг, Г.Дамдинням нарт эрүүгийн хэрэг үүсгэн шалгаж эхэлсэн. Тодруулбал, УИХ-ын гишүүн Г.Амартүвшин нь Хөгжлийн банкны захирлаар ажиллаж байхдаа Х.Ганхуягийн хамаарал бүхий түүний эгч Х.Хашчимэгийн удирддаг, Г.Дамдинямын хувьцаа эзэшдэг “Вертекс Майнинг партнер” ХХК-д 33 тэрбум төгрөгийн зээл олгосон байдаг. Г.Амартүвшин нь Хөгжлийн банкны захирлаар ажиллаж байхдаа УИХ-ын гишүүн С.Бямбацогтын хамаарал бүхий Вестерн холд ХХК 28 сая ам.доллар, УИХ-ын гишүүн асан А.Сүхбатын хамаарал бүхий Түгээмэлтүмэн хишигтэн ХХК-д 18.5 тэрбум төгрөг, УИХ-ын гишүүн асан Ц.Шаравдоржийн Шанх Майнинг ХХК-д 5.6 тэрбум төгрөгийн зээл олгосон байдаг. Үүнтэй холбоотой бас нэгэн анхаарал татах мэдээлэл байгаа нь Хөгжлийн банкны дэд захирал, зээлийн газрын захирал Ч.Мөнхбаярын зүгээс "Вертекс Майнинг партнер" ХХК-г шаардлага хангахгүй гэх шалтгаанаар зээл олголгүй хоёр удаа буцаасан гэдэг. Гэтэл Ч.Мөнхбаярыг ээлжийн амралттай байхад Г.Амартүвшин нь тус компанид зээл олгосон. Тэгвэл дээрх УИХ-ын гурван гишүүнтэй АНУ-д суугаа онц бөгөөд бүрэн эрхт Элчин сайд Б.Батбаяр, эдийн засагч Л.Наранбаатарыг хамтарсан гэх мэдээллийг АН-ын бүлгийн зөвлөх өөрийн цахим хуудаснаа нийтлэжээ. Түүний мэдээлж байгаагаар Хөгжлийн банкнаас зээлсэн асуудалд ч дээрх хоёр холбоотой байж магадгүй. Хэрвээ энэ үнэн бол тус хэрэгт эдийн засагч Л.Наранбаатар, Элчин сайд Б.Батбаяр нарыг мөн шалгах уу гэдэг нь анхаарал татаж байна.

МАНАЙ УЛС РУУ 27 МЯНГАН ТОНН ШАТАХУУН ТЭЭВЭРЛЭХЭЭР ХҮЛЭЭГДЭЖ БАЙНА

03 / 01 0 сэтгэгдэл 895 үзсэнe

АМГТГ-аас Улсын хэмжээнд хоёрдугаар сарын 26-ны байдлаар 165,4 мянган тонн шатахууны үлдэгдэлтэй байна гэж мэдээллэсэн. Үүнээс А-80 автобензин 66 хоног, Аи-92 автобензин 37 хоног, дизелийн түлш 38 хоног, ТС-1 онгоцны түлш 20 хоногийн ердийн хэрэглээний нөөцтэй байгаа аж. ОХУ-ын Роснефть компаниас нийт 77,2 мянган тонн, БНХАУ-ын Петрочайна Интернэшнл компаниас нийт 12,5 мянган тонн шатахуун импортлох захиалга өгсөнөөс Хоёрдугаар сарын 26-ны өдрийн байдлаар 62,7 мянган тонн ачигдсан, 27 мянган тонн шатахуун ачигдахаар хүлээгдэж байгаа бөгөөд шатахууны импорт, тээвэрлэлт хэвийн явагдаж байгаа аж.

АТГ-ААС 18 ОБЪЕКТОД НЭГЖЛЭГ ХИЙЛЭЭ

03 / 01 0 сэтгэгдэл 1 050 үзсэнe

2022 оны 2 дугаар сарын 21-25-ны өдрүүдэд Авлигатай тэмцэх газрын Мөрдөн шалгах хэлтэст гэмт хэргийн шинжтэй 28 гомдол, мэдээлэл хүлээн авч, нийт 75 гомдол, мэдээллийг шалгав. Мөрдөн шалгах ажиллагаанд одоогоор 564 хэрэг шалгагдаж байна. Өнгөрсөн долоо хоногт зарим эрүүгийн хэрэгт хийгдэж буй мөрдөн шалгах ажиллагааны явцад Улаанбаатар хотод 15, орон нутагт 3 объектод прокурорын зөвшөөрлөөр нэгжлэг хийв .

Д.КЁКҮШЮЗАН БАТБАЯР, Т.БАЯСГАЛАН НАРЫН ШҮҮХ ХУРАЛ ХОЁР ДАХЬ ӨДРӨӨ ҮРГЭЛЖИЛЖ БАЙНА

03 / 01 0 сэтгэгдэл 1 052 үзсэнe

Өчигдөр /2022.02.28/ Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд Даваагийн Кёкүшюзанбатбаяр, Түвшинжаргалын Баясгалан нарын гэм буруугийн шүүх хурал өглөөний 10.00 цагт эхлэж оройн 22.00 цагт шүүх хуралдаан прокурорын яллах дүгнэлт танилцуулснаар завсарлаж, өнөөдөр хоёр дахь өдрөө үргэлжилж байна. Тодруулбал: Эрүүгийн цагдаагийн албанаас Д.Батбаяр болон түүний эхнэр Т.Баясгалан нарыг өөрсдийн болон ойрын хүмүүсийнхээ нэр дээр байгуулсан хэд хэдэн компаниудаар дамжуулан, дархан цаазат Богд хан ууланд болон Яармагийн дэнжид их хэмжээний газар авч, зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй болохыг тогтоосон байдаг.

"ЧИНГИС ХААН" БАНКИЙГ ХЯТАДУУД АВАХААР УЛАЙРЧ БАЙНА

03 / 01 0 сэтгэгдэл 1 265 үзсэнe

Чингис хаан банкны асуудал Хөгжлийн банкны асуудлаас хамаагүй өмнө дэгдсэн ч "томчууд" олноороо орооцолдсон Хөгжлийн банкны дуулианд нам дарагдсан. Араар нь "аймшигтай" явдал болж байна. БНХАУ-ын хөрөнгө оруулалттай “Баянмөнх техник дэвшил” ХХК “Чингис хаан” банкинд хөрөнгө орууулах сонирхолтойгоо илэрхийлж Монголбанкинд албан ёсоор хүсэлтээ ирүүлээд байна. Энэ компанид “Чингис хаан” банкны толгой компани болох “Ньюстандарт финанс” ХХК-ийн 100 хувийн хувьцааг худалдах шийдвэрийг гаргасан тухай албан бичгээ ч тус банкнаас Монголбанкинд хүргүүлжээ. “Чингис хаан банкинд хөрөнгө оруулах сонирхлоо илэрхийлээд байгаа “Баянмөнх техник дэвшил” ХХК-ийн зүгээс судалж шалгах ажлаа хэдийнэ эхлүүлж “Эрнест янг”-ыг сонгон гэрээ байгуулж, нууцлалын гэрээгээ 10 гаруй хоногийн өмнө байгуулсан бол өнөөдрийн байдлаар дампуурлаа зарлаагүй боловч “клиник үхэлд” байгаа “Чингис хаан” банкны хамаг “үнэ цэнэ” зөвхөн “Чингис хаан” гэдэг нэрэндээ байгаа бололтой… “Чингис хаан” банктай холбоотой Иргэний хэргийн шүүх дээр ЭМДЕГ-ын 27.8 тэрбум, ЖДҮДС-ийн 170 тэрбум, Хөгжлийн банкны 25 тэрбум, Хадгаламжийн даатгалын корпорацийн 16 тэрбум, Голомт банкны 11 тэрбумын нэхэмжлэлүүд бий. Тус банкны хөрөнгө болон харилцах дансыг битүүмжилсэн боловч 2022 оны 2 дугаар сарын 1-ний байдлаар “Чингис хаан” банкны цэвэр актив нь ердөө 60 тэрбум төгрөг ч тус банкнаас 300 тэрбум гэсэн тайлан ирүүлдэг байжээ. Ийм "сэхээнд байгаа" “Чингис хаан” банкийг яагаад Хятадын компани худалдаж авахаар улайрах болов? “Чингис хаан” банк хэнийх вэ? “Чингис хаан” банкны 40 хувийг Дашцэрэнгийн Батаа, 32 хувийг Шүхэртийн Бүтэд, 28 хувийг Цэдэн-Ишийн Баярсайхан нар эзэмшдэг. Д.Батаагийн хувьд хилийн чанадад ажиллаж амьдардаг. Зайсанд жаахан газар авч хашаалаад ашиглаж байтал гэнэт тэр хавийн газрын үнэ "хаданд гарч", luxury хотхонууд сүндэрлээд, анх авсан газраа үнэлж зарсан гэдэг... Ш.Бүтэд бол Барилга, хот байгуулалтын дэд сайд асан Шүхэртийн Лхамсүрэнгийн төрсөн дүү тул ах нь гол эрх мэдлийг хэрэгжүүлдэг. Харин Б.Батхүүгийн хувьд ямар хөрөнгө оруулсан нь тодорхойгүй. Тэгвэл : “Баянмөнх техник дэвшил” гэдэг хөрөнгө оруулагч нь 2019 оны 1 дүгээр сарын 21-нд байгуулагдсан, Баянмөнх Мэй Юү гэдэг хуулийн этгээдийн мэдэлд, Ли Шан гэдэг хятад иргэний нэр л байна. Тэд “Чингис хаан” банкны нэг хувьцаа эзэмшигчээс нь банкны нэрийг 50 тэрбум төгрөгөөр худалдаж авах, дээр нэмээд бүх өрийг нь тэглэх, хувьцааг нь худалдаж авах санал тавьсан гэх мэдээлэл ч бий.

Б.СОДНОМДАРЖАА, Т.ЧИМГЭЭ НАРЫГ ЭРҮҮДЭН ШҮҮСЭН ГЭХ ХУРАНДАА О.БАРХАСБАДИЙН ШҮҮХ ХУРАЛ ХОЙШИЛЛОО

03 / 01 0 сэтгэгдэл 840 үзсэнe

Төв аймаг дахь сум дундын эрүүгийн хэргийн анхан шатны шүүхэд өнөөдөр /2022.03.01/ 10:00 цагт С.Зориг агсны хэрэгт холбогдуулан эрүүдэн шүүх ажиллагаа явуулсан гэх ТЕГ-ын тасгийн дарга асан, хурандаа О.Бархасбадид холбогдох хэргийн урьдчилсан хэлэлцүүлэг эхэлсэн ч хойшилжээ. Учир нь шүүгдэгч нэмж өмгөөлөгч авсан тул, хэргийн материалтай танилцах хүсэлт гаргаж шүүх бүрэлдэхүүн хүсэлтийг хүлээн авснаар ийнхүү хойшиллоо. Тодруулбал:2021 оны зургадугаар сарын 15-нд Төв аймаг дахь сум дундын Эрүүгийн хэргийн анхан шатны шүүхээс О.Бархасбадийг цагаатгах тогтоол гаргасан боловч хохирогчдын гомдлоор давж заалдах шатны шүүх 2021 оны аравдугаар сарын 25-ны өдөр хэргийг хянан хэлэлцэж, Эрүүгийн хэрэг хянан шийдвэрлэх тухай хуулийн 39.9 дүгээр зүйлийн 1.3-т зааснаар цагаатгах тогтоолыг хүчингүй болгож, хэргийг дахин хэлэлцүүлэхээр Төв аймаг дахь сум дундын Эрүүгийн хэргийн анхан шатны шүүхэд буцаасан.

“ХАРИЛЦАН ХҮНДЭТГЭЕ” ҮНДЭСНИЙ ХЭМЖЭЭНИЙ АЯН ӨНӨӨДРӨӨС ЭХЭЛЖ БАЙНА

03 / 01 0 сэтгэгдэл 589 үзсэнe

Аяны хүрээнд Жендэрийн үндэсний хорооноос хийж, хэрэгжүүлж буй үйл ажиллагаа, ухуулга нөлөөллийн ажлууд: 1. Хэвлэлийн бага хурлыг зохион байгуулав (2022.02.28) 2. “Хүндлэл дүүрэн гэр бүл” танин мэдэхүйн нэвтрүүлгийг бэлтгэн олон нийтэд хүргэнэ. (МҮОНТ-ээр 2022.03.08, 2022.03.18-ны өдрүүдэд хүлээн авч үзэх боломжтой) 3. “Эрэгтэйчүүдийн манлайлал, тулгамдаж буй тодорхой асуудал” телевизийн хэлэлцүүлгийг зохион байгуулна. (Ийгл телевизээр 2022.03.17-ны өдөр хүлээн авч үзэх боломжтой. 4. “Шийдвэр гаргах түвшинд эмэгтэйчүүдийн оролцоо-Жендэрийн мэдрэмжтэй ажлын байр төлөвлөлт” сэдвээр подкастыг хүргэнэ. Дэлхийн Монголчууд MGL радио (2022.03.05-ны 17:30 цагт) 5. “Эрэгтэйчүүдийн нийгэмд тулгамдаж буй асуудлууд, түүнийг шийдвэрлэх арга замуудын тухай” подкастыг хүргэнэ. Ийгл Радио 91.1-Eagle.mn, Uyanga’s (2022.03.17-17:30) 6. “Эмэгтэйчүүдийн эрх зөрчигдөж буй тодорхой асуудлаар” үндэсний хэмжээний цахим хэлэлцүүлгийг өрнүүлнэ. 2022.03.04 өдөр 10:00-13:00 цагт Join Zoom Meeting хаягаар нэвтрэн орох боломжтой. 7. Эерэг зан үйл, хандлагыг түгээх, уриалах агуулгатай 4 төрлийн цахим постер, 2 төрлийн ТВ шторк, өсвөр насныханд зориулсан жендэрийн хэвшмэл ойлголтыг халах, эцэг, эхчүүдэд зөв байхыг уриалсан комик дүр төрх бүхий постеруудыг хүргэнэ. 8. ЖҮХ-ны Салбар зөвлөл, Салбар хороодыг аянд уриалж, аяныг хамтдаа өргөн хүрээнд үр дүнтэй зохион байгуулахад дэмжлэг үзүүлж, чиглэл хүргүүлж, арга зүйгээр ханган ажиллана. 9. Хэвлэл мэдээллийн байгууллагуудтай нээлттэй ажиллаж, мэдээ мэдээллээр хангана. Аяны талаарх мэдээллийг www.ncge.gov.mn цахим хуудас болон ЖҮХАА-ны Хэвлэл мэдээллийн баг 70071117 дугаараар холбогдон авах боломжтой.

НҮБ-ЫН ХҮН АМЫН САНГИЙН ШАДАР СУУРИН ТӨЛӨӨЛӨГЧ, ТЭРГҮҮНИЙ ҮҮРЭГ ГҮЙЦЭТГЭГЧ Л.ОЮУНААГИЙН ХЭВЛЭЛИЙН БАГА ХУРАЛ ДЭЭР ХЭЛСЭН ҮГЭЭС...

03 / 01 0 сэтгэгдэл 760 үзсэнe

Юуны өмнө энэхүү аяныг санаачилан зохион байгуулж, үндэсний хэмжээнд өрнүүлж байгаа Жендэрийн үндэсний хорооны хамт олондоо талархал илэрхийлэе. Мөн цаг ямагт Монгол улсад байнгын дэмжлэг үзүүлж ирсэн Швейцарын Хөгжлийн агентлаг, тэр тусмаа хатагтай Стефани Буррид халуун талархал илэрхийлье. Энэ удаагийн аян нь ОУ-ын эмэгтэйчүүдийн эрхийг хамгаалах өдөр, Монгол цэргийн өдрийг хамтатган хэвшмэл ойлголтыг зогсоох, хамтдаа өөрчилөх, хамтдаа хайрлах уриан доор явагдаж байгаагаараа онцлог юм. Зөвхөн Монгол улсад төдийгүй Олон улсад “Хэвшмэл ойлголтыг зогсооё, хамтдаа өөрчилье” уриатайгаар эмэгтэйчүүдийн эрхийн өдрийг тэмдэглэх юм. Тэгэхээр энэхүү аянд бүгдээрээ, хамтаараа хүчээ нэгтгэн, дуу хоолойгоо нэгтгэн оролцоё. Хүн бүр эерэг сайхныг үлгэрлэж, хүчирхийллийн эсрэг хайраа хайрлаж, хандлагаа өөрчилөн хийж чадах сайхан бүхнээ дайчлан хамтдаа хичээе.

ШВЕЙЦАРЫН ХӨГЖЛИЙН АГЕНТЛАГЫН ДАРГА Др.СТЕФАНИ БУРРИГИЙН “ХАРИЛЦАН ХҮНДЭТГЭЕ” АЯНЫ ХЭВЛЭЛИЙН БАГА ХУРАЛ ДЭЭР ХЭЛСЭН ҮГЭЭС...

03 / 01 0 сэтгэгдэл 602 үзсэнe

Эрхэмсэг ноёд хатагтай нар аа, эрхэм түншүүдээ, Жендэрийн эрх тэгш байдлыг хангах асуудал нь дэлхий дахинд, Швейцарт, Монголд улсад ч нэн тэргүүнд тавигдаж байгаа асуудал болохыг Швейцарын хамтын ажиллагааны Даргын хувьд онцлон тэмдэглэмээр байна. Энэ асуудал нь олон жилийн туршид хөгжлийн хамтын ажиллагааны хувьд чухал байсан хэрнээ, харамсалтай нь, Швейцар орны хувьд ч, өнөө хүртэл тулгамдсан асуудал хэвээрээ л байна. Энэ жилийн аян нь Олон улсын эмэгтэйчүүдийн өдрийг Монгол Цэргийн өдөр буюу албан бусаар хэлж заншсанаар Эрчүүдийн баяртай хослуулж олон талт арга хэмжээ зохион байгуулж байгаараа өвөрмөц юм. Монгол Улсын иргэд та бүхэндээ баяр хүргэмээр байна, учир нь манай Швейцар улсад Эрчүүдэд зориулсан тусгай баяр, тэмдэглэлт өдөр одоог хүртэл байдаггүй. Жендэрийн тэгш бус байдал нь тогтвортой хөгжил, эдийн засгийн өсөлт болон ядуурлыг бууруулахад хамгийн том сад тотгор мөн гэдэгт би итгэлтэй байна. Иймээс, эрэгтэйчүүд эмэгтэйчүүд өөрсдийн нөөц бололцоо, эрдэм ухаанаа тэгш эрхтэйгээр гэрэл гэгээтэй ирээдүйд нэмэрлэх боломжийг бүрдүүлэхийн төлөө Швейцар улсаас дэлхий даяар үйл ажиллагаа явуулдаг. Үүний төлөө бүгд хамтарч ажиллая! Эрэгтэй эмэгтэйчүүд мөрөөдлөө биелүүлэх тэгш эрх, боломжоор хангагдасан байх ёстой. Дэлхийн бусад орны мэдээлэл баримтаас харахад Бэлгийн болон ЖСХ –ийн хохирогч нь ихэвчлэн хүүхэд, эмэгтэйчүүд байна. Хүчирхийлэлд өртөх нь тэдний бие мах бодь, сэтгэл зүйн асар их гамшигт үр дагавартай байдаг. Монгол Улс нь ЖСХ, ГБХ тэмцэх үндэсний чадавх, тогтолцоог бэхжүүлэх тал дээр олон талт арга хэмжээ аван ажиллаж байна. Үүнд ШХА нь НҮБ ын ХАС-тай хамтран ЗГ, иргэний нийгмийн байгууллагуудыг дэмжин ажиллаж байна. Тодорхойлбол, нотолгоонд суурилсан бодлого боловсруулах, хохирогчдыг хамгаалах, хүчирхийллээс урьдчилан сэргийлэх, мөн нэн тэргүүнд хөвгүүд болон эрэгтэйчүүдтэй илүү тулж ажиллахад анхаарлаа хандуулан ажиллаж байна. ЖСХ Тэмцэх төслийн хүрээнд бид хамтаар олон том үр дүнд хүрсэн хэдий ч энэ чиглэлээрх ажил дуусах болоогүй л байна. Иймээс бид дуу хоолой, хүчин чармайлтаа нэгтгэх хэрэгтэй байна. Тэмдэглэлт өдрүүд болох Олон улсын эмэгтэйчүүдийн эрхийг хамгаалах өдөр, Монгол Цэргийн өдрийг нэгтгэсэн онцлог бүхий 2022 оны аяныг зохион байгуулах энэхүү санаачлагыг гарган хэрэгжүүлж буй Жендэрийн Үндэсний хороонд ШХА-ийн зүгээс баяр хүргэе! Жендэрийн эрх тэгш байдал нь зөвхөн охид, эмэгтэйчүүд бус хөвгүүд, эрэгтэйчүүдэд ч хамааралтай. Мөн нийгэм дэх үүрэг оролцоо, эрх мэдлийн харьцаа, зан үйл хандлагыг тодорхойлох чиг хадлагын суурь нь хүүхэд насанд тавигдаж байдаг шүү дээ. Жендэрийн эрх тэгш байдлыг дэмжих нь шударга, ногоон, хөгжингүй, хэний ч орхихгүй, тэгш оролцоог хангасан нийгмийг цогцлооход онцгой хувь нэмэртэй. Үүнд юу чухал вэ гэвэл: бүхий л нийгэм, тогтолцоонд, охид, хөвгүүд, эрэгтэй, эмэгтэйчүүдийг эрх тэгш байдлын төлөө сэтгэлгээ, зан үйл, хандлага болон үйлдлийг өөрчлөх нь чухал шүү. Үүний тулд бие биенээсээ суралцъя, гэрэлт ирээдүйн төлөө бүгд хамтарч ажиллая. Ингээд, зохион байгуулагч нар болон түнш байгууллагууддаа энэхүү аяны арга хэмжээнүүд болон бусад бүхий үйлсэд тань өндөр амжилт хүсэн ерөөе.