ХААХ
НЭГҮҮН МЭДЭЭ
МОНГОЛЫН ҮНДЭСНИЙ БӨХИЙН ХОЛБООНЫ ТЭРГҮҮЛЭГЧДИЙН ХУРЛААР ДОПИНГ ИЛЭРСЭН ХОЁР БӨХИЙН БАРИЛДАХ ЭРХИЙГ ДӨРВӨН ЖИЛЭЭР ХАСЛАА
05 / 11 0 сэтгэгдэл 1 052 үзсэнe

Тодруулбал: Монголын Үндэсний Бөхийн Холбооны тэргүүлэгчдийн хурал 2022 оны тавдугаар сарын 9-нд хуралдаж дараах шийдвэрүүдийг гаргажээ. Үүнд: Бөхийн барилдааны дүрмийн зөвлөлөөр хэлэлцэн шийдвэрлэсэн Үндэсний бөхийн барилдааны дүрмийг 100 хувийн саналаар батлав. Ёс зүйн дүрмийг 100 хувийн саналаар хэлэлцэн баталсан. Бөхийн өмсгөлийн хэм хэмжээг шалгагчаар улсын начин С.Багахүү, улсын начин С.Батсуурь, аймгийн арслан Т.Сүрэнжав нарыг томилон ажиллуулахаар 100 хувийн саналаар батлав. Нэр бүхий аймгийн арслан цолтой есөн бөхийн санал, хүсэлтийг хэлэлцэн улсын баяр наадамд гурав, дөрөв давсан амжилтыг аймаг, цэргийн цолтнуудын эрэмбэд тооцож буйг 88.2 хувийн саналаар хүчингүйд тооцов. Шинэчилсэн эрэмбийг 2022 оны тавдугаар сарын 25-наас мөрдөхөөр тогтлоо. Ёс зүйн зөрчил гаргасан Баян-Өлгий аймгийн арслан Э.Тамираа, Баянхонгор аймгийн харцага Ж.Дэлгэрсайхан, Завхан аймгийн харьяат, сумын заан Ё.Гантулга, Д.Доржсүрэн, Архангай аймгийн харьяат, сумын заан О.Баяржаргал нараас ирсэн уучлалт, хүсэлтийг хэлэлцэн барилдах эрхийг 100 хувийн саналаар сэргээж, цаашид бөхийн жудгаа эрхэмлэж, ёс жаягтай байхыг хатуу сануулахаар тогтов. Допингийн явцын шинжилгээнд зөрчил гаргасан нэр бүхий хоёр бөхийн барилдах эрхийг “Үндэсний бөхийн барилдааны дүрэм”-д заасны дагуу дөрвөн жилээр 100% саналаар хасжээ. Дөрөвдүгээр сарын 23-нд болсон Сонгинохайрханы хишиг барилдаанд ёс зүйгүй үйлдэл гаргасан аймгийн арслан Б.Батсайханы барилдах эрхийг 94.1 хувийн саналаар зургаан сараар хасахаар тус тус тогтсон байна.

УЛААНБААТАР СМАРТ КАРТ ХХК-ААС ОЮУТНЫ U MONEY КАРТЫГ НИЙТ СУРАЛЦАХ ХУГАЦААГААР СУНГАХААР БОЛЛОО
05 / 11 0 сэтгэгдэл 881 үзсэнe

Оюутны U-Мoney буюу автобусаар зорчих картыг тухайн оюутны нийт суралцах хугацаагаар сунгахаар болсон бөгөөд. Оюутнууд энэ тав, зургаадугаар сард багтаан сургуулийнхаа оюутны карт хариуцсан ажилтанд хандан картаа идэвхжүүлж ашиглах боломжтой болж байгаа юм байна. Ингэснээр жил бүрийн хичээлийн шинэ жил эхлэх үед карт сунгалтын ажилтай холбогдон оюутнууд картаа сунгуулах хүсэлтээ сургуульдаа өгөх, картаа хураалгаж идэвхжүүлэх, мөнгө тушаасан баримт бүрдүүлэх зэрэг хүндрэл, чирэгдэл үүсэхгүй болж байгаа юм. Харин намар картаа сунгуулаагүй оюутнууд картаа сургууль дээрээ идэвхжүүлэн ашиглах боломжтой аж. Мөн картаа хаясан гээсэн бол Нийслэлийн үйлчилгээний нэгдсэн төвийн салбаруудад хандан картаа сэргээлгэн аваад шууд ашиглах боломжтой хэмээн Улаанбаатар Смарт Карт ХХК-аас мэдээллээ.

ИРЭХ ЗУРГААДУГААР САРААС ЭХЛЭН ИРГЭД ТОГНЫ МӨНГӨӨ ХӨНГӨЛӨЛТГҮЙ ТӨЛЖ ЭХЭЛНЭ
05 / 11 0 сэтгэгдэл 582 үзсэнe

Тодруулбал: Цар тахлын хүндрэлтэй үед айл өрх, аж ахуйн нэгжүүдийн ус, цахилгаан, дулаан, хогны төлбөрийг 2020 оны арванхоёрдугаар сарын 1-нээс 2021 оныг дуустал төрөөс дааж дэмжлэг үзүүлэх шийдвэрийг Засгийн газраас гарган хэрэгжүүлж байсан билээ. Тэгвэл 2022 оны нэгдүгээр сарын 1-нээс тавдугаар сарын 31-нийг хүртэл айл өрхийн зөвхөн цахилгаан хэрэглэсний хөнгөлөлтийг үргэлжлүүлэхээр болсон юм. Энэ хугацаа энэ сарын 31-ний өдрөөр дуусах бөгөөд. Өөрөөр хэлбэл ирэх зургаадугаар сараас цахилгааны төлбөрийн хөнгөлөлт эдлэх хугацаа нь дуусгавар болох юм байна. Өнөөдрийн байдлаар гэр хороололд амьдардаг айл өрхийн 350 кВт.цаг хүртэл, орон сууцныхныг 250 кВт.цаг хүртэл хэрэглэсэн цахилгаан эрчим хүчний төлбөрийг Засгийн газраас хариуцан төлж байгаа юм.

АРДЫН ЖҮЖИГЧИН Ш.ЧИМЭДЦЭЕЭ УРЛАГТ ЗҮТГЭСНИЙ ХАГАС ЗУУН ЖИЛ, БАГШИЛСНЫ 30 ЖИЛИЙН ОЙГ ТОХИОЛДУУЛАН ХҮНДЭТГЭЛИЙН ТОГЛОЛТОО ХИЙНЭ
05 / 10 0 сэтгэгдэл 360 үзсэнe

АРДЫН ЖҮЖИГЧИН Ш.ЧИМЭДЦЭЕЭ УРЛАГТ ЗҮТГЭСНИЙ ХАГАС ЗУУН ЖИЛ, БАГШИЛСНЫ 30 ЖИЛИЙН ОЙГ ТОХИОЛДУУЛАН ХҮНДЭТГЭЛИЙН ТОГЛОЛТОО ХИЙНЭ

Ө.СУМЪЯАБААТАРЫГ БГД-ИЙН ЗАСАГ ДАРГЫН АЖЛАА ХИЙСЭЭР...
05 / 10 0 сэтгэгдэл 566 үзсэнe

Өнгөрсөн гуравдугаар сарын 25 /2022.03.25/-нд Баянгол дүүргийн ИТХ хуралдаж, Засаг дарга Ө.Сумъяабаатарыг огцруулах саналыг 40 төлөөлөгчийн 29 нь дэмжиж, түүнийг огцруулах шийдвэр гаргасан.Гэвч шийдвэр нь албажаагүй учир Ө.Сумъяабаатар өнөөдрийг хүртэл ажлаа үргэлжлүүлэн хийсээр. Түүнийг огцруулах акц дахин явж магадгүй гэх мэдээлэл ч тус дүүргийн ИТХ-с яригдаад хэдийнээ эхэлжээ.Зөөлөн суудалдаа хэр удаан тогтож үлдэх нь цаг хугацааны л асуудал болжээ. Ө.Сумъяабаатарын хувьд 2020 оноос тус дүүргийн Засаг даргаар ажиллаж буй бөгөөд УИХ-ын гишүүн Ж.Ганбаатартай улс төрийн нэг баг хэмээдэг.

Н.ТҮВШИНБАЯРТ ХОЛБОГДОХ ШҮҮХ ХУРАЛ ПҮРЭВ ГАРАГТ БОЛНО
05 / 10 0 сэтгэгдэл 749 үзсэнe

Олимпийн аварга Н.Түвшинбаярт холбогдох хэргийн шүүх хурал энэ пүрэв гарагт /2022.04.12/ болно. Шүүх хуралд нэр бүхий 10 гэрчийг оролцуулан хаалттай хуралдахаар шийдвэрлэсэн. Прокуророос Н.Түвшинбаярыг согтуурсан үедээ Э.Энхбатыг тодорхойгүй шалтгаанаар зодож, тархинд нь хавсарсан, олон хүнд гэмтлүүд учруулан хүнийг онц харгис хэрцгийгээр алсан, бусдын эд хөрөнгийг устгаж, гэмтээсэн буюу Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1, 17.8 дугаар зүйлийн 1 дэх хэсэгт зааснаар яллах дүгнэлтийг үйлдсэн. 10.1 дүгээр зүйл.Хүнийг алах 1.Хүнийг алсан бол найман жилээс арван таван жил хүртэл хугацаагаар хорих ял шийтгэнэ. 2.1.онц харгис хэрцгийгээр алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ гэж заажээ. 17.8 дугаар зүйл.Эд хөрөнгө устгах, гэмтээх 1.Бусдын эд хөрөнгийг хууль бусаар устгасан, гэмтээсний улмаас бага хэмжээнээс дээш хохирол учруулсан бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас нэг жил хүртэл хугацаагаар зорчих эрхийг хязгаарлах ял шийтгэнэ.

ТЕГ: ОРОН СУУЦ ХУДАЛДАН АВСАН БОЛОН ОЮУТНЫ СУРГАЛТЫН ТӨЛБӨРИЙН БУЦААН ОЛГОЛТЫГ ӨГЧ ЭХЭЛЛЭЭ
05 / 09 0 сэтгэгдэл 681 үзсэнe

Орон сууц худалдан авсны болон оюутны сургалтын төлбөрийн буцаан олголтыг иргэдийн дансанд шилжүүлж эхэлснийг Татварын Ерөнхий Газраас мэдээллээ. Энэ жил 52,747 иргэнд 50.7 тэрбум төгрөгийг буцаан олгоно. Орон сууцны буцаан олголтыг 32,270 иргэнд 43.2 тэрбум, оюутны сургалтын төлбөрийн буцаан олголтод 20,477 иргэнд 7.5 тэрбум төгрөг шилжүүлэх аж. Татварын шинэчилсэн хуулиар 2020 оны нэгдүгээр сарын 1-нээс хойш орон сууц худалдан авсан иргэн 6 сая хүртэлх төгрөгийн эдлэлт авах боломжтой. Оюутны сургалтын төлбөрийн хувьд төрсөн болон үрчилж авсан хүүхдийн сургалтын төлбөрийн хөнгөлөлт эдлүүлдэг байсан бол татварын шинэ хуулиар дагавар, асран хамгаалагчаар бүртгэгдсэн хүүхдийнхээ төлбөрөөс хөнгөлөлт эдлэх боломжтой болсон.

БОРЗОНГИЙН ГОВИЙНХОН ШИНЭ БООМТ НЭЭХИЙГ ЭСЭРГҮҮЦСЭЭР
05 / 09 0 сэтгэгдэл 932 үзсэнe

Өмнөговь аймагт Цагаан дэлийн боомтыг нээх Засгийн газрын шийдвэр гарч, бүтээн байгуулалтын аж ил эхэлсэн бөгөөд тус нутагт нээгдэж буй гурав дахь боомт юм. Боомтыг нээсэнээр нутгийн иргэдийн эсэргүүцэлтэй нүүр тулжээ. Байгалийн унаган төрхөө хадгалж үлдсэн Өмнөговь аймаг дахь ганц газар аж. Учир нь тус газарт боомт нээгдсэнээр байгалийн ховор ургамал, ан амьтад устах эрсдэлтэй. Боомтын бүтээн байгуулалтын хүрээнд Хотын дарга Д.Сумъяабазарын дүүгийн хамаарал бүхий компани шинэ боомтын бүтээн байгуулалтыг хийж, УИХ-ын гишүүн Ч.Ундрамын аав нь уг боомт руу чиглэсэн 270 км уул уурхайн замыг концессоор барьж буй талаар сэтгүүлч Б.Отгон дурьдсан.

1 ... 217 218 219 220 221 222 223 224 225 ... 323