ӨМНӨГОВЬ АЙМГИЙН 15 СУМДЫН ХЯНАЛТ-ШИНЖИЛГЭЭ, ҮНЭЛГЭЭНИЙ НЭГЖИЙН АЖИЛТНЫГ ЧАДВАРЖУУЛАХ ЗӨВЛӨГӨӨНИЙГ ЗОХИОН БАЙГУУЛЛАА

10 / 18 0 сэтгэгдэл 318 үзсэнe

Монгол улсын Засгийн газрын 2020 оны 206 дугаар тогтоолоор баталсан “Бодлогын баримт бичгийн хэрэгжилт, захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ыг үндэслэн аймгийн 2022 оны хөгжлийн жилийн төлөвлөгөөний 170 дахь заалтыг хэрэгжүүлэх үүднээс Аймгийн хэмжээнд анх удаа 15 сумын Хяналт-шинжилгээ үнэлгээний нэгжийн ажилтнуудыг чадваржуулах сургалтыг 2022 оны 10 дугаар сарын 18-21-ны өдрийн хооронд зохион байгууллаа. Энэхүү зөвлөгөөнд баруун бүсийн Баяндалай, Булган, Гурвантэс, Ноён, Хүрмэн, Сэврэй, Ханхонгор зэрэг сумдын 37 албан хаагч, Зүүн бүсийн Баян-Овоо, Даланзадгад, Мандал-Овоо, Манлай, Номгон, Ханбогд, Цогт-Овоо, Цогтцэций зэрэг сумдын 40 гаруй албан хаагч нийт аймгийн хэмжээнд 80 гаруй албан хаагч хамрагдсан үр дүнтэй арга хэмжээ болсон. Сургалт зөвлөгөөний хүрээнд: • Хяналт-шинжилгээ үнэлгээний нэгжийн үйл ажиллагаатай холбоотой 2020 оны 206 дугаар тогтоолын нэмэлт мэдээлэл өгч арга зүйн зөвлөмжөөр хангасан, • Сум бүр ХШҮ-ний нэгжийн үйл ажиллагааны тэргүүн туршлага болон Орон нутгийн хөгжлийн сангийн сайн туршлагаа бусаддаа хуваалцсан, • Монгол Улсын Засгийн газраас 2023 онд улс орон даяар төрийн байгууллагад ISO:9001 стандартыг хэрэгжүүлэх үүрэг чиглэл өгсөн. Тус ажлыг сумдын Засаг даргын Тамгын газарт чанартай хэрэгжүүлэх хүрээнд ISO-9001:2016 стандартын талаарх ойлголт түүнийг хэрхэн нэвтрүүлэх талаар нэгдсэн мэдээллийг “Төгс өөрчлөлт” ТББ-зөвлөх багш нар өгч заавар зөвлөмжөөр хангасан, • Төрийн албан хаагчдыг идэвхжүүлэх зорилгоор “Глобал Удирдагч” их сургуулийн захирал Б.Солонго хувь хүний хөгжлийн талаарх лекц уншиж танилцууллаа. Эдгээр арга хэмжээний хүрээнд сумдууд харилцан туршлага судалсан, танилцсан жишиг арга хэмжээ болсон.

АСРАМЖИЙН ГАЗРЫН ХҮҮХДҮҮД ӨЛСГӨЛӨНТЭЙ НҮҮР ТУЛАХАД ОЙРХОН БАЙНА

10 / 18 0 сэтгэгдэл 584 үзсэнe

Монголын төр хүүхдэд ээлгүй гэдгээ дахин баталлаа. Учир нь 2022 онд хүүхэд асрамжийн “Өнөр бүл” төвд 2.4 тэрбум төгрөг төсөвлөсөн ч төсвийн хэмнэлт нэрийн дор 148 сая орчим төгрөг нь тодотголоор хасагджээ. Хасагдсан мөнгөний 79 сая нь хоол, хүнсний зардлаас танагдсан байна. Ингэхдээ Хөдөлмөр, нийгмийн хамгааллын яам, Сангийн яамны зүгээс асрамжид хүмүүжиж буй хүүхдүүдийн хоногт хэрэглэх хоолны норм, хувцас, хичээлийн хэрэгсэл зэргийн нормативыг батлахдаа дунджаар 2013 оны нормативтай ижил хэмжээнд баталжээ. Өөрөөр хэлбэл, нэг хүүхэд өдөрт идэх өндөгний үнийг 80 төгрөг гэжээ. Өндөг худалдаж авах үнийг 400 төгрөгөөр бодсон. Тэгэхээр таван өдрийн турш нэг өндөг хувааж иднэ гэсэн үг. Мөн тараг, аарцыг 2850, сүүг 2130, гурилыг 1280, гурилан бүтээгдэхүүнийг 2850, ургамлын тосыг 4000, төмсийг 1420, будааг 2550, махыг 12200 төгрөгөөр бодож, норматив баталсан. Хүүхэд өдөрт 110 грамм мах иднэ гэж заажээ. Түүнчлэн, өдөр тутмын ахуйн хэрэглээ, хувцасны үнийг хэдээр тооцсоныг уншигч та дараах баримтаас харж болно. Сангийн яам, ХНХЯ-ны зүгээс хүүхдийн дотоож 850 төгрөг, нимгэн оймс 1200, зузаан оймс 1400, унтлагын хувцас 10.700, дүрэмт хувцас 56.800, гэрийн шаахай 2800, хөхний даруулга 3500, трико 4200, бээлий 4250, хүзүүний ороолт 7100, зуны гутал 28400, өвлийн гутал 56.800 төгрөгөөр авна гэж баталжээ. эх сурвалж:tac.mn

АСРАМЖИЙН ГАЗРЫН ХҮҮХДҮҮД ӨЛСГӨЛӨНТЭЙ НҮҮР ТУЛАХАД ОЙРХОН БАЙНА

10 / 18 0 сэтгэгдэл 444 үзсэнe

Монголын төр хүүхдэд ээлгүй гэдгээ дахин баталлаа. Учир нь 2022 онд хүүхэд асрамжийн “Өнөр бүл” төвд 2.4 тэрбум төгрөг төсөвлөсөн ч төсвийн хэмнэлт нэрийн дор 148 сая орчим төгрөг нь тодотголоор хасагджээ. Хасагдсан мөнгөний 79 сая нь хоол, хүнсний зардлаас танагдсан байна. Ингэхдээ Хөдөлмөр, нийгмийн хамгааллын яам, Сангийн яамны зүгээс асрамжид хүмүүжиж буй хүүхдүүдийн хоногт хэрэглэх хоолны норм, хувцас, хичээлийн хэрэгсэл зэргийн нормативыг батлахдаа дунджаар 2013 оны нормативтай ижил хэмжээнд баталжээ. Өөрөөр хэлбэл, нэг хүүхэд өдөрт идэх өндөгний үнийг 80 төгрөг гэжээ. Өндөг худалдаж авах үнийг 400 төгрөгөөр бодсон. Тэгэхээр таван өдрийн турш нэг өндөг хувааж иднэ гэсэн үг. Мөн тараг, аарцыг 2850, сүүг 2130, гурилыг 1280, гурилан бүтээгдэхүүнийг 2850, ургамлын тосыг 4000, төмсийг 1420, будааг 2550, махыг 12200 төгрөгөөр бодож, норматив баталсан. Хүүхэд өдөрт 110 грамм мах иднэ гэж заажээ. Түүнчлэн, өдөр тутмын ахуйн хэрэглээ, хувцасны үнийг хэдээр тооцсоныг уншигч та дараах баримтаас харж болно. Сангийн яам, ХНХЯ-ны зүгээс хүүхдийн дотоож 850 төгрөг, нимгэн оймс 1200, зузаан оймс 1400, унтлагын хувцас 10.700, дүрэмт хувцас 56.800, гэрийн шаахай 2800, хөхний даруулга 3500, трико 4200, бээлий 4250, хүзүүний ороолт 7100, зуны гутал 28400, өвлийн гутал 56.800 төгрөгөөр авна гэж баталжээ. эх сурвалж:tac.mn

ОН ГАРСНААС ХОЙШ 20 САЯ ТОНН НҮҮРС ЭКСПОРТОЛЖЭЭ

10 / 18 0 сэтгэгдэл 438 үзсэнe

Аравдугаар сарын 7-13-ны өдрүүдэд 8023 автомашин, 1549 чингэлэг нийт 1038 мян.тонн нүүрс экспортод гарчээ. Энэ нь өмнөх оны мөн үеэс 186 хувь буюу 1.9 дахин өссөн үзүүлэлт юм. Эрдэс бүтээгдэхүүний нийт экспорт дунджаар 80 хувийн гүйцэтгэлтэй байна. Тухайлбал, нүүрс 114.1 зэсийн баяжмал 94 төмөр 70.4 алт 79.3 газрын тос 43.7 цайр 114.5 хайлуур жонш 38.3 хувьтай байна. Оны эхнээс 20,5 сая тонн нүүрс экспортолсон нь өмнөх оны мөн үеийн хэмжээнээс 58.5 хувиар өссөн гэж Уул уурхай, хүнд үйлдвэрийн яамнаас мэдээллээ.

ЭМЭГТЭЙ ХҮМҮҮЖИГЧИД ТИВ ХООРОНДЫН ШАТРЫН ТЭМЦЭЭНЭЭС АЛТАН МЕДАЛЬ ХҮРТЛЭЭ

10 / 18 0 сэтгэгдэл 849 үзсэнe

FIDE Олон Улсын шатрын холбооноос “Шатрын эрх чөлөөний хөтөлбөр”-ийн хүрээнд хүмүүжигчдийн дунд тив хоорондын шатрын аварга шалгаруулах хоёр дахь удаагийн цахим тэмцээнийг АНУ-ын Чикаго хотын хорих байгууллагатай хамтран аравдугаар сарын 13-14-ний өдрүүдэд зох иогдсон юм. Тэмцээнд АНУ, БНЭУ, ХБНГУ, Норвеги, Австрали, Канад зэрэг дэлхийн 46 орны 85 багийн тамирчид өрсөлдсөн бол Монгол Улсаа төлөөлөн 415 дугаар нээлттэй, хаалттай хорих анги, 427 дугаар нээлттэй, хаалттай хорих ангиас эрэгтэй хоёр баг, 407 дугаар нээлттэй, хаалттай хорих ангиас эмэгтэй нэг багийн хүмүүжигчид өрсөлдөхөд эмэгтэйчүүдийн ангилалд Монгол Улсын баг алтан медаль хүржээ. Эргэн сануулахад 2021 онд зохион байгуулагдсан анхдугаар тэмцээнд Монгол Улсын баг тамирчид алтан медаль хүртэж, түүхэн амжилт гаргаж байсан аж.

ЭМД-ЫН ШИМТГЭЛЭЭ QR КОД УНШУУЛАН ШАЛГАХ БОЛОМЖТОЙ БОЛЛОО

10 / 17 0 сэтгэгдэл 618 үзсэнe

/2022.10.17/: Эрүүл мэндийн даатгалын ерөнхий газар даатгуулагч иргэддээ мэдээ, мэдээллийг хялбархан, шуурхай хүргэх зорилгоор QR /Quick Response/ буюу түргэн хариу үзүүлэгч кодыг хэрэглээнд нэвтрүүлж, бүх төрлийн контентдоо байршуулж эхэллээ. QR кодыг уншуулахад тусгай төхөөрөмж шаардлагагүй бөгөөд даатгуулагч та ямар ч төрлийн ухаалаг утасныхаа камерыг ашиглан ЭМДЕГ-ын байршил, вэблинк, шимтгэлийн дутуу төлөлтөө шалгах, шимтгэлээ төлөх зэрэг олон төрлийн мэдээллийг энэхүү кодыг ашиглан авах боломжтой юм. Эх сурвалж: ЭМЯ

ЭНЭҮТ II ХӨХНИЙ ХАВДРЫН БУЮУ МАММОГРАФИЙН ОНОШИЛГООГ ХАРЬЯАЛАЛ ХАРГАЛЗАХГҮЙ ХИЙЖ БАЙНА

10 / 14 0 сэтгэгдэл 1 199 үзсэнe

“Эх нярай, эмэгтэйчүүдийн үндэсний төв II” нь оношилгоо, эмчилгээний нэр төрлөө нэмэгдүүлэх, иргэдэд хурдан шуурхай үйлчилгээ үзүүлэх зорилгоор гүйцэтгэлийн санхүүжилтийн үр дүнд бий болсон мөнгөн хөрөнгөөрөө шинэ тоног төхөөрөмжийг худалдан авч, суурилуулах ажлыг шат дараатай хийж байна. Үүний нэг болох хөхний хавдрын эрт илрүүлэг оношилгооны AIDIA брендийн “Маммографийн аппарат”-ыг хиймэл оюун ухаанаар онош унших программын хамт өнгөрсөн дөрөвдүгээр сарын 01-ний өдөр суурилуулан үйлчилгээнд нэвтрүүлээд байна. Хиймэл оюун ухаанаар онош унших программын тусламжтайгаар оношилгоог шинэ түвшинд гаргахаас гадна цаг хугацааг хэмнэх бүрэн боломжтой болжээ. ЭНЭҮТ-ийн Дүрс оношилгооны тасгийн эрхлэгч Э.Соёл-Эрдэнэ “Тус аппаратын онцлог нь богино хугацаанд буюу гурван секундэд өвчтөнд зовиур багатайгаар шинжилгээ авч, оношийг тодорхойлдог. Улаанбаатар хот болон хөдөө орон нутгийн иргэд харьяалал харгалзахгүй ажлын өдрүүдэд үйлчлүүлэх бүрэн боломжтой. ” хэмээлээ. Өнөөдрийн байдлаар нийт 300 гаруй иргэнд энэ төрлийн шинжилгээг хийжээ.

ГҮНИЙ ХУДГУУДЫН ҮЙЛ АЖИЛЛАГАА ХАНГАЛТГҮЙ БАЙНА

10 / 14 0 сэтгэгдэл 693 үзсэнe

Сүхбаатар дүүргийн ИТХ-ын даргын 2022 оны А/80 дугаар захирамжаар дүүргийн нутаг дэвгэрийн хэмжээнд Гүний худгийн ашиглалт, хамгаалалттай танилцах ажлын хэсэг ИТХ-ын төлөөлөгч Ц.Цогт-Од, Б.Эрдэнэсүх, Л.Мөнхтүвшин, Д.Амаржаргал нарын бүрэлдэхүүнтэй байгуулагдаж 14, 15, 16, 17, 18, 19, 20 дугаар хороонд байрладаг гүний худгийн үйл ажиллагаатай 2022 оны 10 дугаар сарын 13-14-ний өдрүүдэд танилцлаа. Мөн ажлын хэсгийн бүрэлдэхүүний хамт Сүхбаатар дэвшил ОНААТҮГ-ийн инженер М.Цэвээн-Очир ажиллаж гүний худгуудын одоогийн нөхцөл байдалтай танилцсан юм. Гүний худгуудийн хувьд цахилгаан нацос ихээр шатдаг, өдрийн орлого муу, ажиллуулах хүнгүй, ажиллуулж байгаа ус түгээгчид нь цахилгаан, дулааны зардлаа өөрсдөө төлдөг зэрэг хүндрэлтэй байгаа талаар ажлын хэсгийнхэнд уламжилсан юм. Ажлын хэсгийн бүрэлдэхүүн санал дүгнэлтээ нэгтгэн ИТХ-ын зөвлөлийн хуралдаан болон ИТХ-ын ээлжит хуралдаанд танилцуулж холбогдох арга хэмжээг авч ажиллахаар боллоо.

ЯАРМАГ ОРЧМЫН ЗАМЫН ТҮГЖРЭЛИЙГ 50 ХҮРТЭЛХ ХУВИАР БУУРУУЛАХ ГҮҮРНИЙ АЖИЛ ЭХЭЛЖЭЭ

10 / 14 0 сэтгэгдэл 540 үзсэнe

Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон холбогдох албаныхан өнөөдөр нийслэлийн хэмжээнд хийж байгаа зарим бүтээн байгуулалт, тохижилтын ажлын төсөл хэрэгжүүлж буй талбарт ажиллалаа. Тодруулбал, Хотын дарга Олимпын гүүрний явган хүний гүүрэн гарц, Зайсангийн гүүрний өргөтгөл, шинэчлэл болон Наадамчдын авто замаас Энхтайваны өргөн чөлөө /Яармагийн замаас Нэгдүгээр хорооллын зам/ хүртэл шинээр тавих авто замын бүрдэл хэсгийн ажлын явцыг үзэж, гүйцэтгэгч байгууллагынхны санал, бодлыг сонссон юм. Олимпын гүүрний нийт ажлын гүйцэтгэл 98 хувьтай, үндсэн ажил дууссан бөгөөд Улсын комисс өнөөдөр хүлээн авч байна. Тус гүүрний явган хүний замын гадаргуу нь халтиргаа гулгаа үүсэхгүй, 15 метр тутамд тэргэнцэр болон дугуйт хэрэгсэлтэй иргэд амрах боломжтой хэсэгтэй юм. Одоо гэрэлтүүлэг, тохижилтын ажил үргэлжилж байна гэсэн мэдээллийг холбогдох мэргэжилтнүүд өглөө. Хотын дарга гэмт хэргээс урьдчилан сэргийлж, Олимпын гүүрний явган хүний гүүрэн гарцыг бүрэн камержуулахыг холбогдох албаныханд үүрэг болгосон юм.

ЦАГДААГИЙН АЛБА ХААГЧ ХЭМЭЭН СУРАГЧДЫГ ХУЛГАЙЛАХЫГ ЗАВДСАН ЭМЭГТЭЙ "ДЭЭРЭМ" ХИЙЖ БАЙГААД ҮЙЛДЭЛДЭЭРЭЭ БАРИГДЖЭЭ

10 / 14 0 сэтгэгдэл 1 784 үзсэнe

Цагдаагийн байгууллагад 2022 оны 10 дугаар сарын 12-ны өдөр “Баянзүрх дүүргийн нутаг дэвсгэрт 9 настай эрэгтэй хүүхдийг үл таних хүн зодож, гар утсыг нь дээрэмдсэн байна” гэх дуудлага мэдээлэл ирсний дагуу Эрүүгийн цагдаагийн албаны Эдийн засгийн гэмт хэрэгтэй тэмцэх газар, Баянзүрх дүүрэг дэх цагдаагийн газрын Нэгдүгээр хэлтсийн Эрүүгийн цагдаагийн тасаг хамтран мөрдөн шалгах ажиллагаа явууллаа. Шалгалтын явцад уг гэмт хэргийг өмнө нь энэ төрлийн гэмт хэрэг үйлдэж, яллагдагчаар татагдсан 16 настай, эмэгтэй, А гэгч нь үйлдсэн болохыг тогтоон, эрэн сурвалжлах ажиллагааг зохион байгуулж олж тогтоон мөрдөн шалгах ажиллагааг явуулж байна. Бага насны хүүхдийг хуурч залилах, эд зүйлийг нь дээрэмдэх гэмт хэргээс төрлийн гэмт хэрэг урьдчилан сэргийлж хүүхэддээ тавих хараа хяналтаа сайжруулах, аливаа төрлийн гэмт хэргийг хохирогч болохоос урьдчилан сэргийлэхийг цагдаагийн байгууллагаас зөвлөж байна Энэ 28 дугаар сургуулиас 3 охиныг цагдаагийн алба хаагч байна гэж худал хэлж авч гарах гэж байсан 16 настай охин болох нь тогтоогдсон. https://www.facebook.com/NEGUUN.MN.OFFICIAL/videos/5763568717022295