ШШГЕГ-Т САНХҮҮ, САХИЛГА БАТ АЛДАГДАЖ, ХУУЛЬ БУС ТОМИЛГОО ХИЙГДСЭН ТУЛ Д.ЗАГДЖАВЫГ ЧӨЛӨӨЛЖЭЭ

Г. Халиунаа Сэтгүүлч

11-р сарын 09 16:44 0 сэтгэгдэл 840 үзсэн

Хууль зүй, дотоод хэргийн яамнаас ШШГЕГ-ын харьяа, хорих ангиудад шалгалт хийхэд хэд хэдэн ангид санхүүгийн зөрчил илэрсэн ба сахилга бат алдагдаж, хууль бус томилгоо хийсэн тул Д.Загджавыг чөлөөлжээ.

ШШГЕГ-ын даргыг өөрчлөх саналыг Засгийн газрын хуралдаанаар өнгөрсөн долоо хоногт хэлэлцэн ЦЕГ-ын дэд дарга О.Амарсанааг тус газрын даргаар томилсон. Шинэ дарга томилогдон, ажил хэвийн явж байна гэж ХЗДХ-ийн сайд Х.Нямбаатар мэдэгдлээ.

Та энэхүү мэдээнд үнэлгээ өгнө үү. Та энэхүү мэдээг бусадтай хуваалцах боломжтой.

Холбоотой мэдээ

НЭГҮҮН МЭДЭЭ

ХЗДХЯ: ШШГЕГ-ЫН ДАРГА Д.ЗАГДЖАВЫГ ШАЛГАХ АЖЛЫН ХЭСГИЙН ДҮГНЭЛТ МАРГААШ ГАРНА

25 April 2020 10 mins read 159k Views

Өнгөрсөн долоо хоногт ХЗДХЯ-ны Төрийн нарийн бичгийн дарга П.Сайнзориг хэвлэл, олон нийтэд мэдээлэл өгөхдөө "Хууль зүй, дотоод хэргийн сайдын тушаалаар Шүүхийн шийдвэр гүйцэтгэх ерөнхий газрын хууль дүрмийн хэрэгжилт, алба хаагчдын сахилга, ёсзүй болон санхүүгийн үйл ажиллагаанд шалгалт оруулсан. Мөн ШШГЕГ-ын дарга Д.Загджавтай холбоотой бүх үйлдлүүд болон бичиг баримтуудыг шалгаж байна. Энэ талаар нэмэлт мэдээ, мэдээлэл өгөх бол Ажлын хэсэгт хандах боломжтой. Тус төлөвлөгөөт бус шалгалтын дүн энэ сарын 25-нд гармагц Д.Загджавыг ажлаас чөлөөлөх эсэх асуудлыг шуурхай хэлэлцэнэ ” гэж байсан. Тэгвэл маргааш буюу аравдугаар сарын 25-ны өдөр ХЗДХ-ийн сайдын тушаалаар ШШГЕГ-ын дарга Д.Загджавтай холбоотой асуудлыг шалгах ажлын хэсгийн дүгнэлтийг зарлах аж. ШШГЕГ-ын дарга, Бригадын генерал Д.Загджавын хувьд : - Өвөрхангай аймгийн Хархорин сум дахь ШШГЕГ-ын харьяа хорих 423 дугаар ангид ял эдэлж байсан хүн ил харагдах гэмтэл шархгүйгээр нас барсан. - Сэлэнгэ аймгийн Мандал сум дахь ШШГЕГ-ын харьяа хорих 413 дугаар ангийн Цагдан хорих байранд саатуулагдаж байсан хүн учир битүүлгээр нас барсан. - Өмнөговь аймгийн Ханбогд сум дахь ШШГХ-ийн Цагдан хорих байранд 64 настай Б ил харагдах гэмтэл шархгүй нас барсан. - Сэлэнгэ аймгийн Мандал сум дахь ШШГЕГ-ын харьяа хорих 413 дугаар ангиас хоригдол оргосон. - ШШГЕГ-ын харьяа хорих 441 дүгээр ангийн нягтлан бодогч албан тушаалаа урвуулж, хоригдлуудын “Тавантолгой түлш”-д ажиллаж нүүрс ууталсны хөлс болох төлбөрийн дансны хуулгыг зассан хэрэгт холбогдсон. -Хамгийн сүүлд Төв аймгийн Мөнгөнморьт сум дахь ШШГЕГ-ын харьяа хорих 417 дугаар ангийн дарга, дэд хурандаа О.Нямбаатар согтуудаа цагдаагийн офицерын биед халдсан байна. Цагдаагийн офицер хуулиар хүлээсэн нийтийн хэв журам сахиулах албан үүргээ гүйцэтгэж байх үед нь хорих 417 дугаар ангийн дарга, дэд хурандаа О.Нямбаатар зодсноос болж, толгойдоо гэмтэл авчээ. Хамгийн ноцтой нь тэрбээр өөрийн хөрөнгө орлогын мэдүүлэгтээ бүртгүүлээгүй орд газар, аж ахуйн нэгжийнхээ лицензийг гадаадынханд худалдахаар явж буй талаар бид өмнө дэлгэрэнгүй баримтуудыг мэдээллэсэн билээ. Дээрх бүх ажлын хариуцлага алдсан үйлдлүүдэд хэрхэн хариуцлага тооцохыг маргааш харах л үлдлээ!

НЭГҮҮН МЭДЭЭ

ЕРӨНХИЙ САЙД, САЛБАРЫН САЙДАА БАСАМЖИЛАН ЯРЬЖ БУЙ ШШГЕГ-ЫН ДАРГА Д.ЗАГДЖАВТ ЯАГААД ХАРИУЦЛАГА ТООЦОХГҮЙ БАЙГАА ЮМ БЭ?

25 April 2020 10 mins read 159k Views

Олон түмэнд гавьяагүй, хашсан албандаа өгөөжгүй, даргын албан тушаалыг сэлгэн суудаг эрхэмүүд өнөө цагт олон. Үүний нэг нь 58 настай, ШШГЕГ-ын дарга Д.Загджав юм. Түүний идэж уусан, мөнгө төгрөгөнд холбогдсон асуудал нэлээдгүй олон. Д.Загджавыг ШШГЕГ-ын дарга болсноос хойш байсхийгээд хоригдлууд оргох, хориход амиа хорлох, нууцаар дарга нарынхаа хувийн ажилд дайчлагдан ажиллах, ар гэртэйгээ уулзахдаа авлига, хахууль өгөх зэрэг хууль бус үйлдлүүд газар авсан юм. Өнөөдрийг хүртэл хорихоос оргосон хоригдлууд нэлээдгүй олон байна. ШШГЕГ-ын дарга Д.Загджав хэний хүн бэ? Д.Загджав нь МАНАН-ын бүлгийн сүүлийн эгнээний хүмүүсийн нэг гэж хэлж болно. Учир нь тэрбээр МУ-ын Ерөнхийлөгч асан Х.Баттулгатай их ойр гэгддэг бөгөөд түүнийг ШШГЕГ-ын даргаар томилогдсных нь дараа тусгайлан хүлээн авч уулзан, хурандаа цолыг нь сэргээсэн байдаг. Өөрөөр хэлбэл тэрээр олон жил улс төрийн гар хөл хийж байгаад хуулийн байгууллагын тооноор орж ирэн хурандаагаа буцаан авсан гэсэн үг. Түүнчлэн тэрээр Бага тэнгэрийн аманд зүрхний анд Ц.Анандбазартайгаа бөөрөө нийлүүлэн, хаяа дэрлэн үнэтэй хауст амьдардаг билээ. Түүнчлэн МАН-ын нөлөө бүхий хүмүүс түүнээс хамааралтай болсон талаар ойрын найз нөхөдтэйгээ суухдаа халамцуу хэлсэн байдаг. Тэрээр яриадаа Ерөнхий сайд Л.Оюун-Эрдэнэ, ХЗДХ-ийн сайд Х.Нямбаатар нар өөрт нь үг хэлж чаддаггүй, намынхаа ахтай тэрсэлдэх залуучууд биш байлгүй дээ хэмээн саяхан агсамнасан талаар эх сурвалж хэлж байв. Түүний нөлөө МАН-д их гэдгийг өөрөө ч хэлдэг, эргэн тойрныхон нь ч баталдаг билээ. Түүний талаар олон хууль бус хэргүүд удаа дараа гардаг боловч хэн ч үг хэлж чадахгүй, нүдээ аниад өнгөрдөг талаар намынх нь нөхөд ний нуугүй хэлдэг. Мөн Ерөнхий сайд, ХЗДХ-ийн сайдад Д.Загджавын удаа дараагийн булхайн талаар баримтууд очдог боловч хав дараад өнгөрдөг талаар ШШГЕГ-ын алба хаагчид хэлж байв. Д.Загджавыг ШШГЕГ-ын даргаар ажиллаж байх хугацаанд гэмт буруутай нь тогтоогдоогүй хүмүүс учир битүүлгээр нас барсаар байна! БАРИМТ 1. Хорих ангиас ялтнууд оргосон дуулиан дарагдаагүй байхад хоригдол болон цагдан хорих байранд саатуулагдсан, шүүхээр гэм буруутай, эсэхээ шийдвэрлүүлж чадаагүй хүмүүс учир битүүлгээр нас барсан. ШШГЕГ-ын харьяа нээлттэй хорих 441 дүгээр ангийн нягтлан бодогч нь албан тушаалаа урвуулж, хоригдлуудын “Тавантолгой түлш”-д ажиллаж нүүрс ууталсны хөлс болох төлбөрийн дансны хуулгыг зассан хэрэгт холбогдож, АТГ-аас шалгаж дуусаад яллах дүгнэлт үйлдүүлэхээр шилжүүлээд байгаа. БАРИМТ 2. Хорих ангид сахилга хариуцлага алдагдаж, хянагч нар нь хүмүүжигчээ зодож гэмтээсэн хэрэг 2021 онд гарч байв. Гэтэл өдгөө хорих ангийн дарга хүн тангараг өргөсөн цэргийн алба хаагч, хууль сахиулагч атлаа ард олны амгалан тайван байдлын төлөө ажиллах тангараг өргөсөн цагдаагийн алба хаагчийг зодож хүнд гэмтээлээ. Тодруулбал, Төв аймгийн Мөнгөнморьт сум дахь ШШГЕГ-ын харьяа хорих 417 дугаар ангийн дарга, дэд хурандаа О.Нямбаатар согтуудаа энэ сарын 7-ны баасан гаргийн 23.00 цагийн үед цагдаагийн ажилтанд халдсан байна. Багш нарын баярт зориулсан үдэшлэг Мөнгөнморьт сумын Соёлын төвд болж нэлээд сунжирсан, согтуу хүмүүс олон байсан учраас тус сум дахь экологийн асуудал хариуцсан байцаагч, цагдаагийн ахлах дэслэгч Ч.Тулгат тарах шаардлага иргэдэд тавьсан аж. Хуулиар хүлээсэн нийтийн хэв журам сахиулах албан үүргээ гүйцэтгэж байсан цагдаагийн офицерыг хорих 417 дугаар ангийн дарга, дэд хурандаа О.Нямбаатар барьж авч ямар нэг зүйл мөргүүлснээс толгойдоо гэмтэл авч, өдгөө ГССҮТ-д хэвтэн эмчлүүлж буй. Шүүхийн шийдвэр гүйцэтгэх байгууллагад сахилга, хариуцлага алдагдсаны бодит жишээ энэ мэтээр гарсаар. Удаа дараа хүний амь үрэгдсэн, хоригдлоо алдсан, сүүлдээ хууль сахиулагч нь хууль сахиулагчаа зодож гэмтээж байгаа байдлыг өөгшүүлсэн ШШГЕГ-ын Д.Загджавт яагаад хариуцлага тооцохгүй байгаа юм бэ Ерөхий сайд аа!!!

НЭГҮҮН МЭДЭЭ

ХОРИХ АНГИЙН АЖИЛТНУУД ХООРОНДОО ЗОДОЛДСОН ҮЙЛДЛИЙГ НУУН ДАРАГДУУЛСАН УУ?

25 April 2020 10 mins read 159k Views

Хоригдогчдын эрх гэж хамгийн их дуугардаг ХЭҮК-ынхон юу ч сонсоогүй байдаг нь хачирхалтай Хууль зүй, дотоод хэргийн яамнаас ажлын хэсэг гарч, ШШГЕГ-ын үйл ажиллагааг шалгаж буй гэдгийг тус яамны удирдлага мэдээлсэн. Тэгвэл ШШГЕГ-ын харьяа хорих ангийн удирдлагын нуун дарагдуулсан хүний эрхийг зөрчсөн үйлдлүүдийг сайтар шалгана гэдэгт итгэлтэй байна. Шүүхийн шийдвэр гүйцэтгэх ерөнхий газар (ШШГЕГ)-ын харьяа Сэлэнгэ аймаг дахь Цагдан хорих байр болон Мандал сум дахь хорих ангид хүмүүжиж байгаад суллагдсан иргэд хянагчдадаа зодуулсан тухай гомдол тус аймгийн Цагдаагийн газарт нэгэн зэрэг шахам ирснийг бид өмнө нь мэдээлсэн. Тодруулбал, тус аймгийн төв дэх Цагдан хорих байрны аж ахуй, үйлчилгээнд ажил хийж байгаад саяхан суллагдсан 19 настай Б, 31 настай Л нар хянагч А.Ариунбадрахад 2021 оны арванхоёрдугаар сарын 20-нд зодуулсан хэмээн өргөдөл өгсөн билээ. Бүтэн жил өнгөрчихөөд байхад яагаад гэнэт ийнхүү өргөдөл өгснийг гайхах хүн цөөнгүй. Тэгвэл орон нутгийн эх сурвалжуудын мэдээлснээр хорих ангийнхан хүний эрх зөрчсөн эл үйлдлээ ихэд нууцалж холбогдох албан тушаалтнуудтайгаа нийлж дарсан аж. Сэлэнгэ аймаг дахь ШШГА-ны дарга, төлөөлөгч, ээлжийн дарга зэрэг хүмүүс нь хяналтын прокурортойгоо нийлж хянагч А.Ариунбадрахын хүний эрх зөрчиж, ялтан 19 настай Б, 31 настай Л нарыг зодон биеийг нь хөх эрээн болгосон зураг, бичлэгийг ч устгаад уг үйлдлийг дарагдуулсан гэнэ. Үүний дараа хянагч А.Ариунбадрах хүсэлтээрээ ажлаасаа гарчээ. Уг хэргийг Сэлэнгэ аймгийн Цагдаагийн газрынхан нарийвчлан шалгаж буй бөгөөд шинэхэн мөрдөгч нь шударгаар шалгаж, прокурорууд нь хуулийн дагуу шийдвэрлэнэ гэдэгт итгэлтэй байна. ШШГЕГ-ын харьяа хорих ангиудад хоригдож буй хүмүүжигч нарыг эрх зөрчигдөж байхад хохирогчдын эрхийг ярьдаггүй атлаа хоригдлуудын эрхийг дээдлээд байдаг өнөөх Хүний эрхийн үндэсний комиссынхон юу ч мэдээгүй мэт байсаар, шалгаж очсон хэрнээ хэрэг явдлыг дуулаагүй мэт өнгөрөөж байгаа нь харамсалтай. Хорих ангиудын хянагч нар хүмүүжигчдээ зодсон асуудлаа нууцлаад өнгөрснөөс гадна эрх бүхий албан тушаалтнууд нь хоорондоо зодолдож нэгэндээ гэмтэл учруулсан үйлдлийг ч нууцлаад өнгөрсөн байгаа юм. Бидэнд олдсон мэдээллээр ШШГЕГ-ын харьяа Дархан-Уул аймаг дахь хорих 435 дугаар ангийнхан энэ сарын эхээр ангийнхаа ойг тэмдэглэсэн байх юм. Төрийн хэмнэлтийн хуулийг зөрчиж, тэрүүхэндээ нууцхан арга хэмжээ зохион байгуулсны дараа халамцаж муудалцсан эрх бүхий албан тушаалтнууд нь хоорондоо зодолдож нэг нь нэлээд хэд хоног хэвтрийн дэглэм сахисан гэдгийг орон нутгийн эх сурвалжууд хэлж байна. Өөр нэг эх сурвалж “Хорих 435 дугаар ангийн албан тушаалтнууд зодолдоод нэг хүнийх нь хамар хугарсан” хэмээв. Уг нь хорих 435 дугаар анги Сэлэнгэ аймгийн Сайхан сум буюу Хөтөлийн нутаг дэвсгэрт үйл ажиллагаа явуулдаг юм байна. Гэхдээ саяхан тус ангийн эрх бүхий албан тушаалтнууд тус сум дахь шүүх, прокурорын нөлөө бүхий албан тушаалтныг дагуулан Дархан-Уул аймаг дахь нэгэн караокед ирж уулзалдсан гэх мэдээлэл бий. Магадгүй энэ нь хорих ангийн албан тушаалтнууд хоорондоо зодолдсон хэргээ нуун дарагдуулах гэсэн санаархал ч байж болно гэж хардах хүн цөөнгүй байна. Юутай ч ХЗДХЯ-наас харьяа агентлаг болох ШШГЕГ-таа оруулсан шалгалтын дүнг маргааш гарна гэдгийг сайд нь ч, Төрийн нарийн бичгийн дарга нь ч хэлсэн. Энэ бүхний эцэст ШШГЕГ-т, түүний харьяа хорих ангиудад сахилга хариуцлага алдагдаж, хоригдогчдын эрх зөрчигдсөн асуудалд хариуцлага тооцох биз ээ.

11/25 11:11
11/25 11:11

АГААРЫН БОХИРДОЛ, ХОРТ УТААГ ЭСЭРГҮҮЦЭН ТӨВ ТАЙЛБАЙД ДӨРӨВ ДАХЬ ӨДРӨӨ ГАРЫН ҮСЭГ ЦУГЛУУЛЖ БАЙНА
11/25 11:11

ТУСГАЙ ЗӨВШӨӨРӨЛГҮЙ ҮЙЛ АЖИЛЛАГАА ЯВУУЛДАГ БАР, КАРАОКЕНЫ АСУУДЛААР БГД-ЭЭС ТОДРУУЛЛАА
11/25 11:11

ХАРХОРИН ЗАХЫН ГАДАА ГАР ДЭЭРЭЭС ИЛ ЗАДГАЙ ХУДАЛДАА ЭРХЭЛДЭГ ХҮМҮҮС ХУГАЦАА НЬ ДУУССАН ХҮНС ХЯМД ХУДАЛДААЛДАГ АСУУДЛААР БГД-ЭЭС ТОДРУУЛЛАА
11/25 09:11

СОНГУУЛИАР “ШИНЭ ХОРШОО ХӨДӨЛГӨӨН” СУРТАЛЧЛАХААР ОРОН НУТАГТ АЖИЛЛАСАН 330 ЖОЛООЧ НАРЫН ЦАЛИН АЛЬ ШАТАНДАА ГАЦСАН БЭ?
11/25 09:11

ШИНЭ ХОРШОО ХӨДӨЛГӨӨНИЙГ СУРТАЛЧЛАХ ЗОРИЛГООР ОРОН НУТАГТ АЖИЛЛАСАН 330 ЖОЛООЧ НАРЫН ЦАЛИНГ ОЛГООГҮЙ АСУУДЛААР ЗГ-ЫН АВТО БААЗААС ТОДРУУЛАВ
11/25 07:11

ТУСГАЙ ЗӨВШӨӨРӨЛГҮЙ ҮЙЛ АЖИЛЛАГАА ЯВУУЛДАГ БАР, КАРАОКЕНЫ АСУУДЛААР БГД-ЭЭС ТОДРУУЛЛАА
11/25 07:11

БУСДАД ХҮНДЭТГЭЛТЭЙ ХАНДЪЯ #соёл_танаас_эхэлнэ
11/25 06:11

Сонсгол, хэл ярианы бэрхшээлтэй хүний эх хэл нь дохионы хэл билээ. Сонсголгүй иргэдийг олон нийтийн газарт хоорондоо дохионы хэлээр ярилцахад гайхаж, сонжиж хардаггүй бүх сонсголтой хүмүүст баярлалаа. #Соёл_Танаас_Эхэлнэ
11/25 06:11

ХАРХОРИН ЗАХЫН ГАДАА ГАР ДЭЭРЭЭС ИЛ ЗАДГАЙ ХУДАЛДАА ЭРХЭЛДЭГ ХҮМҮҮС ХУГАЦАА НЬ ДУУССАН ХҮНС ХЯМД ХУДАЛДААЛДАГ АСУУДЛААР БГД-ЭЭС ТОДРУУЛЛАА
11/25 06:11

Сонсгол, хэл ярианы бэрхшээлтэй хүний эх хэл нь дохионы хэл билээ. Сонсголгүй иргэдийг олон нийтийн газарт хоорондоо дохионы хэлээр ярилцахад гайхаж, сонжиж хардаггүй бүх сонсголтой хүмүүст баярлалаа. #Соёл_Танаас_Эхэлнэ
11/25 06:11

СОЁЛЫГ ХЭНЭЭС ЭХЛЭХ ВЭ? МЭДЭЭЖ БИД ӨӨРСДӨӨСӨӨ ЭХЭЛНЭ. НЭГ ХҮНИЙ ҮЙЛДЛЭЭС НИЙТИЙН СОЁЛ ЭХЭЛДЭГ
11/25 06:11

БУСДАД ХҮНДЭТГЭЛТЭЙ ХАНДЪЯ # СОЁЛ _ ТАНААС _ЭХЭЛНЭ
11/25 04:11

НЕБ-ЫН 55-Р СУРГУУЛЬ ЗӨВШӨӨРӨЛГҮЙ ВАКЦИН ТАРИХ ГЭЖ ЭЦЭГ ЭХЧҮҮД ЭСЭРГҮҮЦЭЖ БАЙНА
11/25 01:11

Ч.Ундрам: Газрын ховор элемент, Ураныг эдийн засгийн эргэлтэд оруулахын тулд гадны хөрөнгө оруулалтыг татаж оруулж ирэхээс өөр арга байхгүй. Ингэж байж бидэнд эдийн засгаа тэлэх боломж нээгдэнэ

07/01 13:07

АЯЛЛЫН ОНГОЦ ОСОЛДОЖ, 2 ХҮН ГЭМТЖЭЭ
01/23 19:01

СХД-Т 20 ГА ГАЗРЫГ БНХАУ-ЫН “ТИ СИ ДИ” ХХК ЭЗЭМШИЖ БАЙНА !!!
07/02 01:07

ШУУД
02/03 01:02

ШИНЭ НОТЛОХ БАРИМТ : НЭГҮҮНИЙ СЭТГҮҮЛЧДИЙН НЭР БАРИГЧ БӨХӨӨ ГЭГЧ УТСААР ХОЛБОГДОВ...
07/01 12:07

АЧААНЫ АВТОМАШИН ӨНДРИЙН ХЯЗГААРЛАГЧИЙГ МӨРГӨЖ, ОСОЛ ГАРГАЛАА
11/25 17:11

НАСАНД ХҮРЭЭГҮЙ ОХИН САНХҮҮ АВНА ГЭСЭН ЗАР ОРУУЛАН 25 ИРГЭНЭЭС 4 САЯ ОРЧИМ ТӨГРӨГ ЗАЛИЛСАН ХЭРЭГ ГАРЧЭЭ
10/26 17:10

ГАДААДЫН ХӨРӨНГӨ ОРУУЛАГЧДЫГ ДЭЭРЭМДСЭН ЭРХЭМ ЭРҮҮГИЙН ХЭРЭГ НЬ ШАЛГАГДАЖ БАЙХ ҮЕД ӨМГӨӨЛӨГЧ , ПРОКУРОР НАРТАЙГАА БНСУ , БНХАУ-Д УДАА ДАРАА АЯЛЖЭЭ
08/27 16:08

Б.Мэргэн: С.Зоригийн хэргийг улс төрчид 22 дахь жилдээ худалдаж, нэгнээ шантаажилсаар байна
08/23 14:08

ЯЛЛАГДАГЧ А.ДЭЛГЭРДАЛАЙ ОРГОН ЗАЙЛАХЫГ ЗАВДАЖ БАЙНА
05/01 17:05

ШҮҮХИЙН ШИЙДВЭРГҮЙ ХОРИГДОГСДООР 461 ДҮҮРЧ, ДЭЛХИЙН ШИВШИГ БОЛЛОО У.ХҮРЭЛСҮХ ЭЭ!!!
07/01 13:07

ОНЦГОЙ БАЙДЛЫН АЛБА ХААГЧИД 44 ИРГЭНИЙ АМЬ НАСЫГ АВРАН ХАМГААЛЛАА
09/14 15:09

ЭХНЭРЭЭ ЗОДСОН ГЭХ УИХ-ЫН ГИШҮҮН Ж.МӨНХБАТЫН ӨГИЙ НУУРЫГ БАЛЛАСАН ТҮҮХ
08/16 17:08

БУСДЫГ ХҮЧИРХИЙЛСЭН 16 НАСТАЙ ОХИНЫГ ЭРҮҮГИЙН ХУУЛИАР ЯЛ ШИЙТГЭЖЭЭ
05/13 12:05

“ЭРДЭНЭТ” ҮЙЛДВЭРИЙН УУРХАЙЧДАД ОДДӨЛ ХХК “ЭМЭЭЛТИЙН ӨМХИЙ” МАХААР ХООЛ ХИЙЖ ӨГДӨГ ҮҮ !?
06/13 10:06

МУ-ЫН БАТЛАН ХАМГААЛАХЫН САЙД Г.САЙХАНБАЯР САЛБАРААСАА 50-Н ТЭРБУМ ТӨГРӨГ "ХУЛГАЙЛЖ" СОНГУУЛЬДАА ЗАРЦУУЛЖЭЭ !!!