ЗАМ ТЭЭВРИЙН ОСЛЫН 60 ХУВЬ НЬ ГЭРЭЛ ШИЛЖҮҮЛЭЭГҮЙН УЛМААС ГАРЧ БАЙНА

08 / 11 0 сэтгэгдэл 396 үзсэнe

Олон жил ярьж сануулсан ч тоймгүй осол гарсаар л байна даа. Яавал ойлгох юм бол та бүхэн. Цас их орсон энэ үед халтиргаа гулгааны улмаас автомашины осол өдөр өнжихгүй гарч байна. Үүний хажуугаар хувиа хичээсэн жолооч нар харанхуй шөнө гэрлээ шилжүүлэхгүй явсны улмаас осол гарах тохиолдол улам нэмэгдэж байна. Ялангуяа хот хооронд явдаг том оврын ачааны машинтай жолооч нар. Мэлийсэн их гэрэл тусгасных нь улмаас эсрэг талаас зөрж байгаа машины жолоочид 100 хүртэлх метрийн зайнд юу ч харагддаггүй. Ёстой л баримжаагаараа азаа үзээд л өнгөрдөг. Нүх, чулуу байвал дайраад өнгөрөх энүүхэнд. Үүнээс том эрсдэл бол арынх нь машинтай мөргөлдөх эсвэл ямар нэгэн мал зам хөндлөн гарч байвал дайрна. Замын хажууд түр зогсч байгаа машин байвал араас нь ч мөргөх тохиолдол их. Аль нэг бартаа байгааг харсан жолооч сандрахдаа жолоогоо огцом дарж замаас гарч онхолдож байгааг мэргэжлийн байгууллагынхан баримттайгаар хэлсээр байна. Замын цагдаагийн газрын Олон нийттэй харилцах ахлах байцаагчаас нэмж тодруулахад, “Жолооч гэрэл шилжүүлээгүйн улмаас өөдөөс ирж яваа тээврийн хэрэгслийн жолооч гялбаанд орох, зорчих хэсгийн баримжаа алдсанаас болж шөнийн цагт гарсан зам тээврийн ослын 60 хувь нь гардаг” гэв. Гэрэл шилжүүлэлгүй хоёр машин зөрж өнгөрөхөд жолоочийн нүдний хараанд өөрчлөлт орж, орчноо хяналтдаа авах, таньж мэдэх мэдрэмж нь алдагддаг байна. Энэ байдал ойролцоогоор арван секунд үргэлжилдэг. Тээврийн хэрэгсэл 80 км цагийн хурдтай явж байна гэвэл арван секунд нь 120 метр замыг туулах хугацаа юм. Энэ хугацаанд аваар осол болох нөхцөл бүрдэхэд ямар нэг шийдвэртэй үйлдэл хийх боломж хязгаарлагддаг аж. Зарим жолооч машин хуучирч, ашиглах боломжгүй болтол гэрэлтүүлгээ “хүчинтэй” гэж боддог. Гэтэл нөгөөх нь шороо тоос дарсан, бохирдсон бол мэдээлэл өгөх чадвараа алдана гэсэн үг. Тухайлбал, номер руу тусгадаг гэрэл 20 метр зайд бүрэн харагдаж байх ёстой. Энэ зайд харагдахгүй бол жолооч нар түүнийгээ сольж стандартад заагдсаны дагуу шинэчилж байх ёстой аж. Мөн хурд хэтрүүлсэн, гүйцэд түрүүлэх оролдлого хийсэн, согтуугаар жолоодсон зэрэг шалтгаан шил дарж байна. Гэмтлийн эмнэлэгийн эмч нар “Аялал зугаалгын үеэр, цагаан сараар тээврийн хэрэгслийн осол эрс нэмэгддэг байна. Гэр бүлээрээ эмнэлэгт хэвтэнэ гэдэг хэцүү шүү дээ. Эмээ, өвөөтэйгээ үр хүүхдүүдтэйгээ бэртээд л ирдэг. Зүрх шимшрэм дүр төрхтэй байсхийгээд л нүүр тулдаг. Ослын улмаас аав нь эсвэл ээж нь нас барж, хүүхэд өнчин үлдэж байгааг харахаар зүрх зүсэгдэх шиг болдог. Эр хүн заримдаа зангарагтай байдаг юм. Өөрөө хүнд гэмтэлтэй хэрнээ бусдыгаа түрүүлж үзүүлэх гэж зүтгээд байдаг юм” хэмээж байв. Тэгэхээр дахиад хэлье. Ганц хуруугаа хөдөлгөөд л гэрлээ шилжүүлээгүйгээс үүдэн хүний амь нас, эрүүл мэндийг орвонгоор нь өөрчилж байгааг уншигч та ойлгосон байх. эх сурвалж:Монголын мэдээ

МОНГОЛ УЛСАД БЯСЛАГНЫ ҮЙЛДВЭР НЭЭЛТЭЭ ХИЙЛЭЭ

08 / 11 0 сэтгэгдэл 507 үзсэнe

АПУ ХК нь сүү, сүүн бүтээгдэхүүний үйлдвэрлэлд 26 тэрбумын хөрөнгө оруулалт хийж, орон нутагт европын холбооны стандартыг бүрэн хангасан, байгаль орчинд ээлтэй, импортыг орлох “Монгол Бяслаг, Сархад”-ын үйлдвэрийг ашиглалтад оруулж байна. АПУ ХК-ийн СББ компани тэртээ 1973 онд анх байгуулагдаж, Монгол Улсын Хүнсний үйлдвэрлэлийн салбарт хагас зууны турш шинэ инновац, шинэлэг технологийг нэвтрүүлэн, олон улсын стандартад нийцсэн бүтээгдэхүүн үйлдвэрлэлийг өргөжүүлэн, Сэлэнгэ аймаг, Зүүн Хараа сумын хөгжил дэвшил, дэд бүтэц, эдийн засагт онцгой хувь нэмрийг оруулсаар ирсэн. Өнгөрсөн 50 жилийн хугацаанд АПУ ХК-ийн СББ компани нь бал бурам, нарийн боов, ундаа, гоймон зэргээс эхлүүлэн инновац шингэсэн олон бүтээгдэхүүнийг үйлдвэрлэхээс гадна хүн амын хүнсний аюулгүй байдлын баталгаа болсон стратегийн түүхий эдээ дотооддоо боловсруулан үйлдвэрлэж, чанар стандартын шаардлага хангасан бүтээгдэхүүнээ олон улсын зах зээлд гаргаж, зөвхөн эдийн засаг төдийгүй улс эх орны хөгжлийн түвшинд онцгой хувь нэмэр оруулсаар байна. Энэхүү түүхт 50 жилийн босгон дээрээ АПУ ХК нь Спирт бал бурам компани үйлдвэрлэлийн цар хүрээг өргөжүүлэн сүүн бүтээгдэхүүний үйлдвэрлэлд 26 тэрбумын хөрөнгө оруулалт хийж, Сэлэнгэ аймгийн Мандал суманд Монгол улсдаа хүчин чадлаараа хамгийн томд тооцогдох европын холбооны стандартыг бүрэн хангасан байгаль орчинд ээлтэй тоног төхөөрөмжөөр бүрэн тоноглогдсон нэг ээлжиндээ 8 тонн сүү хүлээн авч, боловсруулах хүчин чадалтай “Монгол Бяслаг, Сархад”-ын үйлдвэрлэлээ ашиглалтад оруулж байна. Орон нутагт бүтээн байгуулагдаж буй энэхүү үйлдвэрийн төслийн хүрээнд 2016 оноос хийсэн судалгаанд Монгол улсад жилд 3000 тонн нийт 102 тэрбум төгрөгийн бяслагийг гадны улс орнуудаас импортоор оруулж ирдэг бөгөөд тэдгээр импортын бяслагийн дийлэнх нь дуураймал буюу аналог бяслаг байдаг төдийгүй сүүний орц байхгүй хүнсний нэмэлт бүтээгдэхүүн ихээр ашигласан байдаг. Тиймээс АПУ ХК нь дуураймал бяслагийн импортын хамаарлыг бууруулж, органик бяслагаар дотоодын зах зээлийн 30 хувийг хангахаар зорьж байгаа төдийгүй орон нутагт 30 гаруй шинэ ажлын байр, эдийн засгийн томоохон эргэлтийг бий болгож, Голланд, Швейцарь, Англи зэрэг улсуудын бяслаг үйлдвэрлэх технологиос Монгол үнээний сүүнд тохируулан Монголд бяслаг үйлдвэрлэх технологийг нутагшуулан ийнхүү шинэ бяслагийн үйлдвэрээ байгуулж байна. Энэхүү бяслагийн үйлдвэр нь чеддар, эдам, гауда зэрэг 3 төрлийн бяслагийг үйлдвэрлэхээс гадна цэвэр сүүнээс гаргаж авсан цөцгийн тос, Монгол үндэстний шимийн сархад “Шигүдэри” брэндийг үйлдвэрлэн дэлхийн зах зээлд танилцуулж, экспортын бүтээгдэхүүний нэр төрлөө тэлэхийг АПУ компани ийнхүү мөн зорьж байна. Өдгөө АПУ компанийн “Спирт Бал Бурам” компанид нийт 300 гаруй хүн ажиллаж, сүүлийн 5 жилийн хугацаанд 367 тэрбум гаруй төгрөгийн татварыг төлж, сум орон нутгийн нийт 40 гаруй газар тариалан эрхлэгч, 580 гаруй малчид фермерүүдтэй тогтмол хамтран ажиллаж байна.

ГЭМТЛИЙН ЭМНЭЛГИЙГ СОДОН ХОРООЛОЛТОЙ ХОЛБОХ ЗАМЫН ГАЗАР ЧӨЛӨӨЛӨЛТ 95 ХУВЬТАЙ БАЙНА

08 / 10 0 сэтгэгдэл 458 үзсэнe

Толгойтын замыг Ард Аюушийн өргөн чөлөөтэй буюу Гэмтлийн эмнэлгийг Содон хороололтой холбоно. Олон түвшний огтлолцлын авто зам, гүүрэн байгууламжийн ажлын газар чөлөөлөлт 95 хувьтай байна. Тус байршилд Улаанбаатарын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг холбогдох албаныхны хамт ажиллалаа. Энэ үеэр тэрбээр: -Авто зам, замын байгууламжийн өргөтгөл, шинэчлэл үргэлжилж байна. Түгжрэлийг бууруулах зорилгоор 13 байршилд авто зам, замын байгууламжуудыг өргөтгөн, шинэчилж байна. Улаанбаатарын хэвтээ чиглэлд зургаан эгнээ замыг ирэх оны зургаадугаар сард ашиглалтад оруулна. Энэ жил шороо, далан овоолгын ажлыг 70 хувьтай хийж дуусгах ёстой. Хучилтыг ирэх онд хийж дуусгана. Газар чөлөөлөлт 2022 оноос хойш буюу нэг жил гаруй үргэлжилсэн. Нийт 356 нэгж талбар өртсөнөөс одоогоор 34 нэгж талбар үлдлээ. Тодруулбал, аж ахуйн нэгж үйл ажиллагаа явуулдаг хэрнээ хувь хүний нэр дээр байдаг газрын зургаан иргэнтэй ойлголцож чадаагүй. Тогтоосон үнэлгээг хүлээн зөвшөөрөхгүй, 3-4 дахин их төлбөр нэхэмжилдэг. Үүнээс болж замын ажил саатсан. Энэ зам хоногт 26-35 мянган автомашин нэвтрүүлэх хүчин чадалтай гол холбоос үндсэн зам болно. 13 байршилд авто зам, замын байгууламжийг өргөтгөн, шинэчилснээр замын сүлжээ 17.8 хувиар нэмэгдэнэ. Мөн өмнө нь тавьсан холбоос замыг үндсэн замтай холбох ажлыг хийж байна гэв. Гэмтлийн эмнэлгийг Содон хороололтой холбох авто зам нь зургаан эгнээ, хоёр талдаа тойрогтой, гүүрэн гарцтай. Замыг “Монгол зам групп" гүйцэтгэж байна. Ажил 2022 оны зургаадугаар сард эхэлсэн, ирэх оны зургаадугаар сард дуусгахаар төлөвлөжээ. Замыг ашиглалтад оруулснаар Энхтайваны өргөн чөлөөний замын ачааллыг 50 хувь бууруулна гэж тооцоолсон байна. Өнөөдрийн байдлаар хөрс хуулалт 10 хувьтай үргэлжилж буй. Энэ жил нийслэлд 16 байршилд зам засвар, шинэчлэл гүйцэтгэж байгаагаас тав нь ашиглалтад оржээ. Мөн үерийн улмаас замын ажил удааширсан байна. Авто замын шинэчлэл, засварын ажлуудыг наймдугаар сарын 15-н гэхэд дуусгах төлөвлөгөөтэй гэв. НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

ХЯРГАС НУУРЫН ЭРЭГТ ҮҮССЭН ХОГИЙН ЦЭГИЙГ НҮҮЛГЭЖЭЭ

08 / 10 0 сэтгэгдэл 430 үзсэнe

Хяргас нуурын эрэгт үүссэн хогийн цэгийг нүүлгэж, дахин хогийн цэг үүсгэхгүй байх сануулгыг аж ахуй нэгжүүдэд өгчээ. БОАЖ-ын Сайд Б.Бат-Эрдэнэ Увс аймагт ажиллах үед Хяргас нуурын эргээс 5 км-ын зайд үүссэн хогийг цэгийг нүүлгэх төсвийг шийдвэрлэж, уг ажлыг гүйцэтгэх үүргийг Хан Хөхийн нурууны Улсын тусгай хамгаалалттай газрын дарга Б.Цэлмэгдалайд өгсөн байна. Уг ажлын хүрээнд долоо хоногийн дотор нийт 600 орчим тонн хогийг цэвэрлэж, нүүлгэн шилжүүлэх ажлыг бүрэн хийж гүйцэтгэжээ.

НАРНЫ ХОРООЛОЛД ТАРВАГАН ТАХЛЫН СЭЖИГТЭЙ ТОХИОЛДОЛ БҮРТГЭГДЖЭЭ

08 / 10 0 сэтгэгдэл 506 үзсэнe

Нийслэлийн Баянгол дүүргийн 3-р хороо, “Нарны хороолол”-д оршин суух хаягтай айлд Хэнтий аймгаас ирсэн иргэнээс тарваган тахлын сэжигтэй шинж тэмдэг илэрчээ. Иймд иргэд та бүхэнд Зоонозын өвчин судлалын үндэсний төвөөс гаргасан тарваган тахал өвчнөөс урьдчилан сэргийлэх зөвлөмжийг хүргэж байна.

173 ТЭРБУМ ТОНН НҮҮРСНИЙ ТААМАГ НӨӨЦТЭЙ Ч УРД ХӨРШӨӨС КОКСЖУУЛСАН НҮҮРС АВНА

08 / 10 0 сэтгэгдэл 399 үзсэнe

Нийслэлийн удирдлагууд 500 тэрбум хүртэлх төгрөгийн үнэт цаас гаргаж, үүний 177 тэрбумыг БНХАУ-аас хагас коксжсон нүүрс асаагуурын хамт худалдаж авах шийдвэрт хүрчээ. Эрчим хүчний сайд Б.Чойжилсүрэн “177 тэрбумаас 30 орчим тэрбум төгрөгөөр асаагч авна. Үлдсэн 147 тэрбум төгрөгөөр БНХАУ-аас хагас коксжсон нүүрс худалдан авна” гэсэн юм. Манай улсын нүүрсний нийт таамаг нөөц 173 тэрбум тонн. Нүүрсний нөөцөөрөө дэлхийд эхний аравт жагсдаг. Энэ салбарын эрдэмтэд Монголчуудыг хэдэн үеэр нь тэжээх нүүрсний нөөц бий гэцгээдэг. Гэтэл урд хөршөөс хагас коксжсон нүүрс авах шийдвэр олон хүнийг бухимдуулаа.

ҮЕРИЙН ГОЛОМТОД АЖИЛЛАЖ БАЙГАА 15 АЛБА ХААГЧААС ГЭДЭСНИЙ СУУЛГАЛТ ИЛЭРЧ 8 ХҮНИЙ БИЕИЙН БАЙДАЛ ХҮНД БАЙНА

08 / 09 0 сэтгэгдэл 469 үзсэнe

Үерийн гамшгийн дараах цэвэрлэгээ, хэвийн байдалд оруулах зам засварын ажил зэргийг хийж гүйцэтгэж байгаа албан хаагчдын 15 хүнд гэдэсний суулгалт өвчин илэрчээ. Одоогоор наймынх нь биеийн байдал хүндэвтэр байгаа аж.Иймд иргэд дор бүрнээ халдвар хамгаалалын дэглэм сахихыг анхааруулж байна.

Б.ГАНХУЯГИЙГ ҮРГЭЛЖЛҮҮЛЭН НЭГ САРЫН ХУГАЦААТАЙ ЦАГДАН ХОРИХООР БОЛЛОО

08 / 09 0 сэтгэгдэл 633 үзсэнe

"Эрдэнэс тавантолгой" ХК-ийн гүйцэтгэх захирал асан Б.Ганхуяг, ХНХ-ын сайд асан Т.Аюурсайхан нарын 11 хүнд холбогдох хэргийг өнгөрсөн баасан гарагт прокуророос яллах дүгнэлт үйлдэж, хэргийг шүүхэд шилжүүлээд байгаа билээ. Тэгвэл ЭТТ-н Б.Ганхуягийн цагдан хорих таслан сэргийлэх арга хэмжээ авсан хугацаа өчигдөр буюу наймдугаар сарын 8-ны өдөр дууссан. Үүнтэй холбоотойгоор түүнийг үргэлжүүлэн хорих эсэх шийдвэр гарч, түүнийг үргэлжлүүлэн нэг сарын хугацаатай цагдан хорих таслан сэргийлэх арга хэмжээ авахаар болжээ.

Б.ЧОЙЖИЛСҮРЭН: НИЙСЛЭЛИЙН УТААГ БАГАСГАХЫН ТУЛД ХЯТАДААС НҮҮРС АВНА

08 / 09 1 сэтгэгдэл 899 үзсэнe

Нийслэл нийт 500 тэрбум хүртэлх төгрөгийн үнэт цаас гаргаж, үүний 177.5 тэрбум төгрөгөөр нь БНХАУ-аас хагас коксжсон нүүрс асаагуурын хамт худалдаж авах талаар Нийслэлийн Засаг дарга Д.Сумъяабазар НИТХ-д танилцуулсан. Тэгвэл Эрчим хүчний сайд Б.Чойжилсүрэн НИТХ-д оролцож энэ талаар дараах байр суурийг илэрхийлжээ. "Утааг бүрэн гүйцэд алга болгоно гэж гоё юм ярьж чадахгүй. Харин багасгая гэж байгаа юм. Ирэх өвөл 12 дугаар сарын 15-наас нэгдүгээр сарын 31-ний хооронд галлагаа хийнэ. 177 тэрбум төгрөгийн 30 орчим тэрбум төгрөг нь асаагч байна. Үлдсэн нь хагас коксжсон нүүрс худалдан авахад зарцуулна. Улаанбаатар хот 1.6 сая хүнтэй болсон. Олон хүндрэл, сорилтууд тулгарч байна. Ийм л шийдэл байна. Хамгийн төгс төгөлдөр шийдэл гэж хэлэхгүй. Гэхдээ зүгээр байснаас оролдоод үзье гэсэн шийдвэр гарсан. Энэ өвөл Улаанбаатар хотод үүнийг туршина. Туршилт гэдэг үгнээс айхгүй байна" хэмээв.

НИЙСЛЭЛИЙН 2023 ОНЫ ТӨСӨВТ ӨӨРЧЛӨЛТ ОРУУЛЛАА

08 / 09 0 сэтгэгдэл 431 үзсэнe

Нийслэлийн ИТХ-ын ээлжит бус XIII хуралдаанаар Нийслэл дотоодын зах зээлд үнэт цаас арилжаалж, татан төвлөрүүлсэн хөрөнгөөр зарим төсөл арга хэмжээг санхүүжүүлэхтэй холбоотойгоор Нийслэлийн 2023 оны батлагдсан төсөвт өөрчлөлт оруулах тухай хэлэлцсэн. Тус хуралдааны хоёрдугаар хэлэлцүүлгээр хороод, намын бүлгүүдийн санал дүгнэлтийг сонсож, Нийслэлийн 2023 оны батлагдсан төсөвт намын бүлгүүд болон хороодоос гаргасан саналыг тусгах эсэх асуудлаар санал хураалт явуулсан юм. Тодруулбал, “Зорчигч тээвэр гурав” ОНӨААТҮГ-ын автобус паркийн барилгын: I ээлжийн төсөл арга хэмжээг 639,8 сая төгрөгөөр нэмж санхүүжүүлэх, Авто замын түгжрэлийг бууруулахад чиглэсэн төсөл арга хэмжээний хүрээнд газар чөлөөлөх, нөхөн олговрыг 9 тэрбумаар нэмэгдүүлэх зэрэг намын бүлгүүдээс гарсан саналыг дэмжлээ. Харин “Зорчигч тээвэр гурав” ОНӨААТҮГ-ын автобус паркийн барилгын II ээлжийн ажлын 2023 онд санхүүжих хөрөнгийг 639,8 сая төгрөгөөр бууруулах, “Толгойтын авто замыг Ард Аюушийн өргөн чөлөөтэй холбох авто зам гүүрэн байгууламж, олон түвшний огтлолцлын ажлын 2023 онд санхүүжих хөрөнгийг 9 тэрбумаар бууруулахаар болов. Нийслэлийн 2023 оны төсвийн жилд нийслэлийн төсвийн хөрөнгөөр хэрэгжүүлэх: хотын шуудын хөрөнгө оруулалтын төсөл, арга хэмжээний зардлын хэмжээг 255,933,000.0 мянган төгрөг, замын сангийн хөрөнгөөр хэрэгжүүлэх хөрөнгө оруулалтын төсөл, арга хэмжээний зардлын хэмжээг 65,684,200.0 мянган төгрөг, нийслэлийн үнэт цаасны хөрөнгөөр хэрэгжүүлэх хөрөнгө оруулалтын төсөл, арга хэмжээг 429,066,130.0 мянган төгрөг, 2022-2023 он дамжин санхүүжих хөрөнгө оруулалтын төсөл, арга хэмжээний зардлын хэмжээг 233,958,028.7 мянган төгрөгөөр баталлаа.