НОБГ: УНГИРАЛ ШАТААХГҮЙ БАЙХЫГ АНХААРУУЛЖ БАЙНА

06 / 18 0 сэтгэгдэл 414 үзсэнe

Нийслэлийн хэмжээнд өчигдрийн 20:00 цагийн байдлаар гал түймрийн 16 дуудлага мэдээлэл бүртгэгдсэний 12 нь модны цагаан хөвөн шатааж гал түймэр гарсан дуудлага эзэлж байна. Улиас модны цагаан буюу унгирал нь хөвөн мэт сэвсгэр учир маш өндөр шатамхай шинж чанартай бөгөөд гал авалцах үед хурдтай тархан дэлгэрдэг. Хүмүүс санамсар болгоомжгүй модны хөвөн шатаасан, эсвэл тамхиа унтраалгүй хаяснаас хөвөнд авалцан, гал түймэр гарах эрсдэл өндөр байна. Иймд иргэн та модны хөвөн шатаахгүй байх, хүүхэд багачууддаа шатааж болохгүйг сануулах, унгарилыг услан норгох, ил задгай гал гаргахгүй байх, асаасан чүдэнз, татсан тамхиа бүрэн унтраахыг анхааруулж байна.

ХАБ ЗӨРЧСӨН ЭТГЭЭДИЙГ ХАРЬЯА ДҮҮРЭГТ НЬ МЭДЭГДЭЖ, ХАРИУЦЛАГА ТООЦУУЛНА

06 / 18 1 сэтгэгдэл 399 үзсэнe

Дулааны улирал эхэлсэнтэй холбоотойгоор барилгын ажлууд эрчээ авч буй. Нийслэлд баригдаж буй орон сууцны тоо өсөхийн хэрээр хөдөлмөрийн аюулгүй байдлын асуудал нэгдүгээрт яригдах болсон. Учир нь барилгын ажлууд эхэлсэн дулааны улиралд хөдөлмөрийн аюулгүй байдал /ХАБ/ хангаагүйгээс гарах осол аваарын тоо өсч байгааг албаныхан анхааруулж байна. Хэрэв ХАБ хангаагүй бол Зөрчлийн тухай хууль болон бусад хуулиар тухайн компанид хариуцлага тооцно. Мэргэжлийн хяналтын байгууллага татан буугдсан ч чиг үүргийн дагуу харьяа нэгжүүд хөдөлмөрийн аюулгүй байдлыг хангуулах ёстой. Тэгэхээр хөдөлмөрийн аюулгүй байдал хангаагүй аж ахуй нэгжид Барилга хот байгуулалтын яам болон нийслэлээс арга хэмжээ авч, хариуцлага тооцох нь. Хөдөлмөрийн аюулгүй байдал хангаагүй, барилгын талбайд ажиллах техник хэрэгсэл нь бүрэн бусаас болж ослоор нас барах хүний тоо огт буурахгүй нэмэгдэж байна. Угтаа барилга захиалсан компани, гүйцэтгэгч аж ахуй нэгж, ажил үүрэг гүйцэтгэгч буй хүн аль аль нь хариуцлагатай байх ёстой. Гэтэл эрсдэлээс урьдчилан сэргийлж, мэргэжлийн байгууллагуудын тавьсан шаардлагыг хүлээж авдаг хүн, нэгж байхгүйгээс дулааны улирал эхэлснээс хойш сар бүр хүний эрдэнэт амь эндэж байна. Тухайлбал, өнгөрсөн 2023 онд барилгын үйл ажиллагаанд ХАБ хангаагүйгээс нийт 28 хүн амь насаа алдаж, 30 гаруй барилгын компанийн үйл ажиллагааг зогсоожээ. Дээрх ослын дийлэнх нь крантай холбоотой гарсан. Харин гадна цэвэрлэгээний ажил гүйцэтгэгч аж ахуй нэгжийн хүн унаж бэртсэн ослыг тус статистик мэдээнд хамааруулаагүй байна. Тиймээс хөдөлмөрийн аюулгүй байдал зөрчсөн эрсдэлтэй барилгын компаниуд байвал харьяа дүүрэгтээ хандаж, тухайн аж ахуй нэгжид хариуцлага тооцуулах боломжтой аж. Учир нь мэргэжлийн хяналт татан буугдсан учир дүүргээс энэ асуудалд арга хэмжээ авах юм. Барилгын ажилд хөдөлмөрийн аюулгүй байдал, эрүүл ахуйн шаардлага хангах нийтлэг журамд тусгаснаар: 2.1.Барилгын ажлын талбай түүний гаднах эрсдэл бүхий орчинд хөдөлмөрийн аюулгүй байдал, эрүүл ахуйн шаардлага хангах, аюул, ослоос урьдчилан сэргийлэх арга хэмжээг захиалагч, гүйцэтгэгч хариуцан хэрэгжүүлнэ 2.2.Барилгын ажлын талбай түүний гаднах эрсдэл бүхий орчны аюулгүй байдлыг барилгын ажлын зохион байгуулалт, технологийн үйл ажиллагаатай нь уялдуулж, хангах талаар дараах баримт бичигт тусгана 2.2.1.цогцолбор барилга болон хороолол, хотхоны хувьд барилгын зохион байгуулалтын төсөлд 2.2.2.тухайлсан барилгын хувьд ажил гүйцэтгэх төсөлд. 2.3.Энэ журмын 2.2.1-т заасан баримт бичигт үндэслэн цогцолбор барилга болон хороолол, хотхоны “Барилгын ажлын талбайн зохион байгуулалтын зураг”, “Барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар”-ыг захиалагч боловсруулж батална 2.4.Энэ журмын 2.2.2-т заасан тухайлсан барилгын “Барилгын ажлын талбайн зохион байгуулалтын зураг”, “Барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар”-ыг гүйцэтгэгч боловсруулж, захиалагчтай хамтран батална гэжээ.

ХЯНАЛТ ШАЛГАЛТАД 541 БАРИЛГА БАЙГУУЛАМЖИЙГ ХАМРУУЛАН 3385 ЗӨРЧЛИЙГ ИЛРҮҮЛЛЭЭ

06 / 18 0 сэтгэгдэл 305 үзсэнe

Онцгой байдлын байгууллагаас улсын хэмжээнд зочид буудал, дэн буудлын барилга байгууламжид төлөвлөгөөт хяналт шалгалтыг зохион байгуулж, 541 барилга байгууламжийг хамруулан, 3385 зөрчлийг илрүүлж, 684 зөрчил буюу 20.2 хувийг газар дээр нь арилгууллаа. Бусад зөрчлийг арилгуулахаар 362 гал түймрийн улсын хяналтын байцаагчийн заавал биелүүлэх албан шаардлага, 162 мэдэгдэл, 5 танилцуулга, 12 зөвлөмжийг боловсруулж, байгууллагын шийдвэр гаргах эрх бүхий албан тушаалтанд хүргүүлсэн. Эрх бүхий албан тушаалтны хууль ёсны шаардлагыг болон галын аюулгүй байдлыг хангах үүргээ биелүүлээгүй, хууль, норм, дүрэм зөрчсөн зургаан иргэн, хуулийн этгээдийн зөрчлийг Зөрчлийн тухай хуулийн дагуу хялбаршуулсан журмаар шийдвэрлэж, торгуулийн шийтгэл оногдуулсан байна. Холбогдох хууль тогтоомж, галын аюулгүй байдлын норм, нормативын баримт бичгийн шаардлагыг биелүүлээгүй, галын аюулгүй байдлыг хариуцсан албан тушаалтныг томилоогүй, галын аюулгүй байдлыг хариуцан хангах, шаардагдах зардлыг жил бүрийн төсөвт тусгаагүй, ажилтан, алба хаагчдыг гал түймрээс урьдчилан сэргийлэх, авран хамгаалах, гал түймэр унтраах арга ажиллагаанд сургах, мэдлэгийг нь дээшлүүлээгүй, шуурхай төлөвлөгөөнд тодотгол хийгээгүй зэрэг нийтлэг зөрчил илэрлээ.

УСНЫ ОСЛООР АМЬ НАСАА АЛДСАН ИРГЭДИЙН ТОО 3.2 ДАХИН ӨССӨН БАЙНА

06 / 18 0 сэтгэгдэл 387 үзсэнe

Улсын хэмжээнд он гарсаар /2024.06.17/ байдлаар усны ослын 36 тохиолдол бүртгэгдэж, 26 хүн амь насаа алдсан бөгөөд үүний 3 нь хүүхэд байна. Өнгөрсөн оны мөн үетэй харьцуулахад тохиолдлын тоо нь дөрөв дахин, амь насаа алдсан иргэдийн тоо 3.2 дахин өссөн байна. Усны ослын нийт тохиолдлын 25 хувь, амь насаа алдсан иргэдийн 19 хувь нь нийслэл хотод буюу Туул голд тохиолджээ. Иймд амралт зугаалгын улирал эхэлж байгаатай холбогдуулан иргэд гол, мөрөн, нуурын эрэг орчим амарч зугаалахдаа өөрийн болон ойр дотны хүмүүсийн аюулгүй байдалд байнга хяналт тавьж байх, бага насны хүүхдийг хараа хяналтгүй орхихгүй байхыг анхааруулж байна.

ГАДААД ХУДАЛДААНЫ 70.7 ХУВИЙГ БНХАУ-ТАЙ ХИЙЖЭЭ

06 / 18 0 сэтгэгдэл 343 үзсэнe

Манай улс энэ оны эхний таван сард дэлхийн 145 улстай худалдаа хийж, гадаад худалдааны бараа эргэлт 10.8 тэрбум ам.долларт хүрчээ. Үүнийг өмнөх оны мөн үетэй харьцуулахад 10 гаруй хувиар өсөөд байна. Экспорт эхний 5 сард 6.4 тэрбум ам.доллар болж өмнөх оны мөн үеэс 74.9 сая ам.доллароор буюу 1.2 хувь, Импорт 26.9 хувиар тус тус өссөн байна. Нийт худалдаа хийсэн улс орноос БНХАУ-тай хийсэн худалдааны хэмжээ 7.6 тэрбум ам.долларт хүрчээ. Энэ нь манай улсын гадаад худалдааны нийт бараа эргэлтийн 70.7 хувийг дангаар бүрдүүлж байна. Биеэт хэмжээгээр тооцоход нүүрсний экспорт 8.6 сая тонноор өсөж, нийт 32.5 сая тоннд хүрсэн талаар ҮСХ-ны хэлтсийн дарга Э.Мягмарханд мэдээлээ. Гадаад худалдааны тэнцэл урьдчилсан гүйцэтгэлээр 2.0 тэрбум ам.долларын ашигтай гарав. Зэсийн баяжмал: 55.0 сая ам.доллар буюу 5 хувиар, биет хэмжээгээр 12.8 мянган тонноор, Төмрийн хүдэр: 42 сая ам.доллар буюу 21.5 хувиар 719.9 мянган тонноор, Алт: 34.5 сая ам.доллароор өссөн нь экспортод голлон нөлөөлжээ.

ЗАВХАН АЙМАГТ 136 ӨРХИЙН 416 ХҮН ҮЕРТ ӨРТЖЭЭ

06 / 18 0 сэтгэгдэл 458 үзсэнe

Завхан аймаг, Улиастай сум Жинст, Жаргалант, Чигэстэй баг 06.17-ны өдрийн 17:30-18:30 цагийн хооронд түр зуурын бороо орсны улмаас олон тооны айл өрхүүд үерийн усанд автсан тухай дуудлагыг 06.17-ны өдрийн 17:36 цагт хүлээн авсан. Тус аймгийн Онцгой комисс, сумын Мэргэжлийн ангийнхан, Онцгой байдлын газар, Зэвсэгт хүчний 325 дугаар анги, Цагдаагийн газрын нийт 150 алба хаагч, 27 техник хэрэгсэлтэй ажиллаж байна. Одоогийн байдлаар Жинст багийн 15 айлыг өндөрлөг газар буюу Цагаан хаалганы бетонон хашаанд нүүлгэн шилжүүлсэн. Нийт 25 хүний амь насыг авран хамгаалсан. Сэтэрсэн замыг засварлах, ус зайлуулах байгууламжийн хог, лаг шаврыг цэвэрлэж тунасан усыг зайлуулах, шороон далан босгох зэрэг арга хэмжээг тус тус авч хэрэгжүүлжээ. Урьдчилсан байдлаар Жинст багт 51 өрх, 203 хүн, Жаргалант багт 12 өрхийн 41 хүн, Өлзийт багт 53 өрхийн 109 хүн, нийт 136 өрхийн 416 хүн өртсөн. Жаргалант баг 0,04км2, Жинст баг 0,15 км2, Өлзийт баг 0,21км2, нийт 0,4км2 буюу 40 га талбай үерт өртсөн байна.

ГАЗРЫН НАЙМААГААР “ДЭЭЛЭЭ НӨМРӨХ” ШАХСАН Т.ПҮРЭВХАТАН ЗҮҮН БҮСИЙНХНИЙ АЧААР ДЭЭДЭС БОЛНО ГЭВ ҮҮ

06 / 18 0 сэтгэгдэл 373 үзсэнe

УИХ-ын сонгуулийн VI тойрог буюу Хэнтий, Дорнод, Сүхбаатар аймагт АН-аас нэр дэвшиж буй Т.Пүрэвхатан эрх мэдлийн төлөө энхийн цагаан тагтаа мэт аашилж явна. Мань хүн чинь угтаа бол газрын албаны мэргэжилтэн байхаасаа төрд тэнцэхгүй гэдгээ баталчихсан юм шүү дээ. Гэтэл АН-ынхан түүнийг дэд даргаа болгож, УИХ-ын сонгуульд нэр дэвшүүлж байгаа нь гунигтай. Т.Пүрэвхатан өмнө нь дүүргийн газрын албанд ажиллаж байсан бөгөөд хоёр ч удаа гэмт хэрэгт холбогдож, мултарсан. Сануулахад тэрбээр БЗД-ийн Газрын албанд байхдаа дарга нартайгаа хуйвалдан 2015 онд Баянзүрх дүүргийн 20-р хороо, Улиастайн Их цуурайтын аманд хууль бусаар 103 хүний нэр дээр газар олгосон байдаг. Энэ хэргийг АТГ-аас илрүүлж, Баянзүрх дүүргийн Өмч, газрын харилцааны албаны дарга асан Н.Батсүх, Баянгол дүүргийн Өмч, газрын харилцааны албаны дарга асан С.Бямбадорж, Нийслэлийн өмчийн харилцааны газрын Захиргаа, удирдлагын хэлтсийн дарга асан Б.Амаржаргал нарт шүүхээс 1-3 жилийн ял оноож байв. Мөн Н.Батсүх нь Т.Пүрэвхатанаар зуучлуулан БНХАУ-ын иргэн Лин Суй Лин гэгчээс авлига авсан гэдгээ ч хүлээн зөвшөөрсөн. Гэтэл яг авлига зуучилсан Т.Пүрэвхатан нь тухайн хэргээс цэвэрхэн мултарсан байдаг. Түүнчлэн Т.Пүрэвхатаны нөхөр Б.Ууганбаяр нь 2019 онд Нийслэлийн Ерөнхий архитектор бөгөөд Хот байгуулалт, хөгжлийн газрын даргаар ажиллаж байхдаа эрх мэдлээ ашиглан хүүхдийн “Найрамдал” зуслангийн газраас эхнэр Т.Пүрэвхатаныхаа “Шинэ хужирт” ХХК-д газар олгуулсан байдаг. Тэр нь өдгөө хүүхдийн “Найрамдал” зуслангийн хажууханд байх “Натур мед” сэргээн засах төв болчихсон үйл ажиллагаа явуулж байгаа. Эндээс харвал эхнэр нь АН-д, нөхөр нь МАН-д зүтгэж хувийн бизнесээ хөгжүүлдэг гэчихвэл хол зөрөхгүй. Учир нь Б.Ууганбаяр эхнэртээ “Найрамдал” зуслан ормын газрыг 2019 оны II/14-нд олгосон. Харин тухайн жилийн V сард Засгийн газрын хуралдаанаар “Найрамдал”-ын газруудыг цуцлах шийдвэр гарч, IX сард нь хотын дарга нар очсон ч Т.Пүрэвхатаны эзэмшлийг тойрчихсон. Товчхондоо бол хамтран ажиллагч Б.Ууганбаярынхаа эхнэрийн газрын дэргэдүүр нүдээ аниад өнгөрсөн гэсэн үг л дээ. Ийм л зальжин нь дэндсэн, ойрын хамаарал бүхий хүмүүсээ ашиглаж, олон нийтийг ашиг хонжоо мэт хардаг хүн өнөөдөр зүүн бүсийн иргэдийг төлөөлж УИХ-ын гишүүн болохоор яваа нь эмгэнэлт явдал биш гэж үү.

ЦЕГ: СОНГУУЛИЙН I ТОЙРОГТ ДАХИН НЭГ ХҮН НАС БАРСАН НЬ ҮНЭН

06 / 17 0 сэтгэгдэл 827 үзсэнe

УИХ-ын сонгуулийн нэгдүгээр тойрогт МАН-ын ухуулагч хүний аминд хүрсэн харамсалтай хэргийн талаар өчигдөр цагдаагийн байгууллагаас мэдээлсэн. Тэгвэл өнөөдөр /2024.06.17/ мөн сонгуулийн тус тойрогт сурталчилгаанд ухуулагчаар ажилласан байсан нэг хүн амиа алдсан гэх мэдээлэл гараад байна. Энэ талаар цагдаагийн байгууллагаас тодрууллаа. ЦЕГ-аас өгсөн мэдээллээр, Өвөрхангай аймагт өчигдөр буюу зургадугаар сарын 16-нд дахин нэг хүн нас барсан хэрэг цагдаагийн байгууллагад бүртгэгдсэн. Тухайн нас барсан хүн ухуулагч байгаагүй. Үэн зөв мэдээллийг нийтэд хүргэх ёстой. Хэргийн мөрдөн шалгах ажил үргэлжилж байна гэв. Албан бус эх сурвалжуудын хэлж байгаагаар тухайн амиа алдсан хүн мөн сонгуулийн сурталчилгаанд ухуулагчаар ажиллаж байсан аж.

ЗЭЭЛИЙН ӨРИЙН ҮЛДЭГДЭЛ 28.0 ХУВИАР ӨСӨЖ, ЧАНАРГҮЙ ЗЭЭЛ 13.2 ХУВИАР БУУРЧЭЭ

06 / 17 0 сэтгэгдэл 456 үзсэнe

ҮСХ өнөөдөр Монгол Улсын нийгэм, эдийн засгийн 2024 оны 5 дугаар сарын үзүүлэлтийг танилцууллаа. Мөнгөний нийлүүлэлт (М2) 2024 оны 5 дугаар сарын эцэст урьдчилсан гүйцэтгэлээр 39.1 их наяд төгрөг болов. Үүнийг өмнө оны мөн үетэй харьцуулахад 8.6 их наяд төгрөгөөр буюу 28.1 хувиар өсжээ. Үүнд: төгрөгийн хадгаламж 4.9 их наяд төгрөгөөр буюу 35.1 хувиар, төгрөгийн харилцах 1.8 их наяд төгрөгөөр буюу 25.9 хувиар өссөн нь нөлөөлжээ. Зээлийн өрийн үлдэгдэл нэмэгдсэн ч чанаргүй зээл буурчээ . Нийт зээлийн өрийн үлдэгдэл 31.4 их наяд төгрөг болж, өмнөх оны мөн үеэс 6.9 их наяд төгрөгөөр буюу 28.0 хувиар өсжээ. Чанаргүй зээл 2.0 их наяд төгрөг болж, өмнө оны мөн үеэс 296.8 тэрбум төгрөгөөр буюу 13.2 хувиар буурчээ.

АРДЧИЛСАН НАМ НЭГНИЙХЭЭ “ҮХЛИЙГ” АШИГЛАЖ СОНГУУЛЬДАЖ БАЙНА

06 / 17 0 сэтгэгдэл 496 үзсэнe

Өвөрхангай аймгийн Сант сумын ардчилсан намын дарга Б нь бусдын гарт амиа алдсан харамсалтай хэрэг гарсан . Тодоруулбал, талийгаачийн амийг хөнөөсөн этгээд нь УИХ-ийн сонгуулийн нэгдүгээр тойрогт МАН-аас нэр дэвшиж буй БХ-ийн сайд Г . Сайханбаярын штабд ухуулагчаар ажиллаж байсан П . О гэх этгээд танхайрч амь насыг нь хохироосон гэх эх сурвалжуудийн мэдээлэл бий. Тэгвэл сүүлийн хоёр хоногийн хугацаанд АН амь эрсэдсэн гүшүүндээ харуусах бус сонгуулийн шоу болгон ашиглах болов. Либертари намыг үүсгэн байгуулагч, комедиан Д.Амартүвшин хүний үхлийг сонгуулийн шоу болгож ашиглахыг уриалсан нь олны эгдүүцэлийг хүргээд байна. Хүний үхэл нь АН-д " чөлөөний нар" уу ? Тэгвэл Бүгд Найрамдах намын Б.ЖАРГАЛСАЙХАН : “ НЭГНИЙХЭЭ ҮХЛИЙГ АШИГЛАЖ СОНГУУЛЬДАХАА БОЛИОЧ “АН”-ЫХААН!!! Өвөрхангай аймгийн Сант суманд архидан согтууралтын улмаас үүссэн маргаан зодооны уршгаар хүний амь хохирсонд бид маш их харамсаж байна. Талийгаачийн ар гэрийхэнд гүн эмгэнэл илэрхийлье. Харин энэ харамсалтай явдлыг Ардчилсан намынхан сонгуулийн ТҮЗ хөзөр болгон шүүрч аваад шаазгай шиг шаагилдаж, хэрээ шиг гуагачиж улс төрийн захиалгат аллага хэмээн буруу төөрөгдүүлж хүмүүсийг өдөөн хатгаж, ашиглаж байгаа нь ёс зүйгээ гээсэн зэрлэгүүдийн нийгмийг санагдуулж байна шүү. Гэмт хэрэг үйлдсэн этгээд, амь хохирогч хоёул худ ураг хүмүүс байсан гэнэв. Ер нь хөдөө орон нутагт намын талцал хуваагдал, архины солиорол ямар аюулын хэмжээнд хүрсэнийг харж байгаа биз? Хашаа, хашаагаараа намаас болж хагаралдана. Айл, айлаараа намаас болж талцана. Авгай нөхрөөрөө намаас болж сална. Нэгнийхээ амийг хөнөөнө. Энэ үхэл хагацал, өнчрөл нь намчирхлын туйл болсон системийг засаж сайжруулах тод сануулга шүү. Даанч сонгуулийн санал авахад нөлөөлөх нэг удаагийн хэрэгсэл болгон хандаж байгаа нь туйлын харамсалтай. Цаашдаа тал, талдаа уур омгоо дарж, архидалтаа больж эв түнжингээ эрхэмлэж, асуудлыг нударгаар биш ухаанаар шийддэг болмоор байна дүү нар минь. Дараа үедээ зөв үлгэр дууриалал болцгоо л доо. Монгол хүн бүхэнд С.Зоригийн хэлсэн саруул ухаан байгаа. Ардчилсан нам үүнийхээ оронд өнөөдөр хөшөөг нь өөрсдөөсөө хулгайлж, газрыг нь нууж зарсан С.Зоригийнхоо үзэл санаа, үнэт зүйлсийг хамгаалж дэлгэрүүлэх зүйл ярихад л та нар сонгогчдоос оноо авах байсан шүү. Нийгмийг анархизмрүү турхирч байгааг иргэд ялгаж салгадаг болсон. Сонгуульд эрдэнэт хүний амь нас хохирсон гашуудлаар шоудаж биш бидэн шиг улс орныг хөгжүүлэх хөгжлийн бодлогоор өрсөлд. "Бүгд Найрамдах Нам"-ын хувьд бол намтай биш, 1990 оноос хойш Монгол улсыг гамшгийн хэмжээнд хүргээд байгаа “АРХИДАЛТ”-тай хамгийн түрүүн тэмцэх чухал байна. Энэ бол бодлого юм!!!” гэлээ.