ТАВДУГААР СУРГУУЛИАС ИХ СУРГУУЛИЙН ГУДАМЖ ХҮРТЭЛХ ЗАМЫГ МАРГААШНААС ХААЖ ЗАМ ЗАСВАРЫН АЖИЛ ХИЙНЭ

06 / 07 0 сэтгэгдэл 254 үзсэнe

Чингэлтэй дүүргийн 4 дүгээр хорооны нутаг дэвсгэр Нэгдсэн үндэсний гудам буюу Тавдугаар сургуулийн уулзвараас Их сургуулийн гудамж хүртэлх авто замыг түр хааж, засварлахаар болжээ. Тодруулбал, зургаадугаар сарын 8-ны өдрийн 23:00 цагаас 10-ны 06:00 цагийн хооронд хааж авто замын хэсэгчилсэн засвар, шинэчлэлтийн ажлыг хийж гүйцэтгэнэ. Тус ажлын хүрээнд тэгш байдал алдагдсан, суулт үүссэн авто замын хашлагыг асфальт бетон хучилтын түвшинд тааруулан засварлах, инженерийн шугам сүлжээний худгийн тагийг асфальт бетон хучилтын түвшинд тааруулах, авто замын зорчих хэсэгт асфальт бетон хучилт болон тэмдэг, тэмдэглэгээний ажлууд хийгдэх юм. Иймд иргэд, жолооч та бүхэн бусад замыг сонгон хөдөлгөөнд оролцохыг Нийслэлийн Замын Хөгжлийн Газраас зөвлөлөө.

НАЛАЙХ ДҮҮРЭГТ НЭГ ГЭР БҮЛИЙН ХОЁР ХҮН АЯНГАНД ЦОХИУЛЖ, ЭХНЭР НЬ НАС БАРЖЭЭ

06 / 07 0 сэтгэгдэл 518 үзсэнe

Нийслэл хотод өчигдөр орсон аадар борооны улмаас нэг иргэн аянганд цохиулж нас барсан харамсалтай осол бүртгэгджээ. Тодруулбал, Налайх дүүргийн нутаг дэвсгэрт, нэг гэр бүлийн хоёр хүн мотоциклтой явж байгаад аянганд цохиулж, эхнэр нь нас барж, нөхөр нь эмнэлгийн байгууллагад хүргэгдсэн байна. Иймд иргэдийг болзошгүй эрсдэлээс сэрэмжтэй байхыг анхааруулж байна.

СОЛГОЙ ХӨГЖИМ ШИГ НИЙГЭМД...

06 / 06 0 сэтгэгдэл 303 үзсэнe

МАН мөнгөндөө эрдэж байгаа бол АН ард иргэддээ найдаж байна Хамаг бүхэн хаалттай Хатуу чанга заалттай Солгой хөгжим шиг энэ нийгэмд Согтуурах шиг жаргал алга… гэж яруу найрагч Р.Чойном 1967 онд халаглан бичиж байж. Энэ бол хүний эрхийг нухчин дардаг хаалттай нийгмээ сөрж, амьдралаараа хэлмэгдсэн эрх чөлөөний дуучийн бухимдлаас төрсөн шүлэг. Эл шүлгээс хойш 20 шахам жилийн дараа Монголд ардчилсан хувьсгал өрнөж, нийгэм солигдсон. Монгол Улс арчиллын замаар замнаад 30 гаруй жилийг үдлээ. Гэвч өнөөдөр Р.Чойномын дээрх мөртүүд эрхгүй аманд уншигдсан өдрүүд үргэлжилж байна. Хамаг бүхэн хаалттай... солгой хөгжим шиг нийгэм... Сүүлийн найман жилд завсаргүй, үнэмлэхүй олонхоор засаглахдаа ардчиллыг аажим аажмаар боомилж, хууль, шүүхийн байгууллагыг хар савартаа базсан МАН-ын аархал арай л хэтэрч буйг нүдээр харж, биеэр мэдэрч суугаа учраас дээрх мөртүүд аманд орчихоод байгаа хэрэг. Иргэдийг аж байдлын хувьд ч, оюун санааны хувьд ч ядуу байлгаж, далайсан газарт нь далд орж, далласан газарт нь ил гардаг манкурт боол болгохыг МАН үеийн үед хүсэж ирсэн. Өнгөрсөн нийгэмд энэ хүслээ бараг л гүйцээх дөхсөнийг нь ардчилал тасалсан юм. 1990 оны ардчилсан хувьсгалаар Монгол Улс тусгаар тогтнолоо, монголчууд эрх чөлөөгөө олж авсан. Үг хэлэх, үзэл бодлоо илэрхийлэх, шашин шүтэх, мэдэх зэрэг хүн эхийн хэвлийгээс унахдаа авч төрдөг язгуур эрхүүд ардчилалтай хамт монголчуудад ирж, Үндсэн хуульдаа ч үүнийгээ тунхагласан. 1990 оноос хойш саяхныг хүртэл монголчууд ардчилсан улсын эрх чөлөөт иргэн хэмээн итгэл дүүрэн хэлж чадаж байсан. Харин сүүлийн хэдэн жил эрх чөлөө алгуур хумигдсаар, ялангуяа үг хэлэх, үзэл бодолтой байх, хэвлэн нийтлэх, мэдэх эрхүүд ноцтой зөрчигдсөөр, өдгөө аюулын ирмэгт тулаад байна. МАН-ыг шүүмжилсан хүн ажилгүй болоод дуусдаг байсан бол сүүлийн жилүүдэд шоронд ордог болтлоо нөхцөл байдал хүндэрлээ. Сүүлийн дөрвөн жилд үг хэлснийхээ төлөө, үзэл бодлоо илэрхийлснийхээ төлөө, эрх баригчдын үйл хэргийг таалаагүйнхээ төлөө хэчнээн олон хүн шүүхийн хаалга татаж, “Бүгд найрамдах” уншуулав. Эрх баригчдыг шоглосон зураг сошиал сүлжээнд нийтэлснийхээ төлөө цагдаад дуудагдаж торгуулсан залуугаас эхлээд шууд бичлэгээр бухимдлаа илэрхийлснийхээ төлөөсөнд шоронд суусан Д.Мөнх-Эрдэнэ хүртэл уртаас урт жагсаалт бий. Шүүх, цагдаагийн үүдэнд хадагдсаар сонгууль өнгөрөөх нь нэгэнт тодорхой болсон хүмүүс ч нэг биш байна. Эрээ цээрээ алдсан, эрх мэдэлдээ бялуурсан, бүхнийг хүчээр шийдэх гэсэн, бүгдийг нэг л цонхоор харуулах гэсэн МАН-ынхан чөлөөт бус нийгмийг аль хэдийн бий болгосон. Бодоод үзээрэй, танд эрх баригчдын талаарх шүүмжлэлт бодлоо эрс шийдэмгий хэлэх зориг байна уу. Ажил, бизнесээ, ар гэр, ах дүүгээ бодоод амаа хамхисан нь дээр гэсэн бодолтой хүн л олон болсон, магад танд ч ийм бодол төрж байгаа байх. Бид ийм айдастайгаар сонгуультай золгож байна. Нэг талд нь жирийн иргэд, ардчилсан үзэлтнүүдийн үг хэлэх, үзэл бодлоо илэрхийлэх эрхийг хааж, шүүх цагдаагаар хорьчихоод, нөгөө талд эрх мэдэлтнүүд бүх телевиз, сайт, сонин, сошиал сувгаар тархи угаалтыг хахтал цацаж байна. Төр засаг, хууль шүүхийн бүх эрх мэдлийг гартаа атгаж, мөнгө хөрөнгөөр халгиж цалгисан атгаалжин хар МАН-тай мөнгөгүй, хэвлэл мэдээлэлгүй, үзэл бодлоо илэрхийлэх боломжууд нь хаалттай намууд хүч тэнцвэргүй тулаанд орж байна. Тиймээс үзэл бодолтой, үнэт зүйлтэй иргэдийнхээ мэдрэмжид л найдахаас өөр сонголт монголчуудад алга. Өнгөрсөн 30 жилд иргэд хэр хэрсүүжиж, үзэл бодол нь хэрхэн төлөвшсөнөөс энэ сонгуулийн хувь заяа төдийгүй энэ улсын хувь заяа шийдэгдэх нь. Бүхнийг хаана, бооно, хорино, цагдана гэдэгтээ бүрэн итгэсэн МАН-ын омог хэрээс хэтэрч бусад намуудын сонгуулийн сурталчилгааны ажилд хүртэл хориг саад тавьж, штабын ажилтнуудыг нь барьж хориод эхэлсэн. Ингэж дарангуйллын замдаа шуударсан хэрнээ УИХ-ын дарга Г.Занданшатар өчигдөр хаврын чуулганыг хааж хэлсэн үгэндээ “Ардчиллын гажуудлыг заслаа” гэнэ билээ. Удахгүй МАН ардчиллыг хамгаалагчийн малгай өмсөж гарч ирэхийн эхлэл юм биз. Хонины арьс нөмөрсөн чононд хууртаж, хотоо харлуулав. Хэрсүү, хянамгай байгаарай, ирээдүйгээ бодоорой та минь. Дарангуйлал уу, ардчилал уу гэдгийг шийдэх эрх одоохондоо бидний гарт байгаа шүү. Эх сурвалж: А.Амина

“БЭЛТЭС МӨРӨНГИЙН” ЛУЙВАР....

06 / 06 0 сэтгэгдэл 456 үзсэнe

“Мөнгийг чинь өсгөж өгнө” гэж 13 мянга орчим иргэнээс мөнгө татан төвлөрүүлж нийт 2549 иргэнд 45 тэрбум төгрөгийн хохирол учруулсан хэргийг Хөвсгөл аймгийн “Бэлтэс мөрөн” компанийнхан үйлдсэн байдаг. Уг хэргийг тус компанийн Г.Нямдэлгэр, С.Ганбаатар, Р.Бузмаа, Г.Нямдалай, Г.Пүрэвсүрэн, Н.Уяабор, Ч.Очир, Д.Цэнгэнбаяр, Б.Мэндсайхан нарт холбогдуулан шалгаж буй бөгөөд Прокурорын газраас тэднийг залилах, мөнгө угаах хэрэг үйлдсэн гэж үзсэн байдаг. Хөвсгөл аймагт 7 дахь өдрөө үргэлжилж байгаа эл хэрэг олны анхаарлын төвд байсаар байна.

WOLFIZM БУЮУ Б.ГЭСЭР, EPOCH БУЮУ Э.ГОМБОСҮРЭН, УЯАЧ Л.ЦАНДЭЛЭГИЙН ХҮҮ Т НАРЫГ ХАР ТАМХИНЫ ХЭРГЭЭР БАРИВЧИЛЖЭЭ

06 / 06 0 сэтгэгдэл 452 үзсэнe

Их хэмжээний хар тамхи, мансууруулах бодисыг оруулж ирж борлуулдаг гурван бүлгийн 20 гаруй иргэнийг баривчилжээ. Сүүлийн үед хар тамхи, мансууруулах бодис, сэтгэцэд нөлөөт эм бэлдмэл хэрэглэх залуус, тэр дундаа урлаг соёлын салбар, олны танил хүмүүсийн тоо эрс нэмэгдэж энэ хэрээрээ нийгэмд олон сөрөг үр дагавар гарч байгаа гэдгийг албаныхан хэлж, анхааруулсаар байгаа. Өнгөрсөн шөнө /2024.06.05/ Цагдаагийн байгууллагаас их хэмжээний хар тамхи, мансууруулах бодисыг оруулж ирж борлуулдаг гурван бүлгийн 20 гаруй иргэнийг баривчилсан ба тэдний дунд олны танил хүмүүс, тэдний хүүхдүүд байсан талаар бид өмнө нь мэдээлсэн билээ. Тухайн этгээдүүдийн дунд дуучин Wolfizm буюу Б.Гэсэр, Epoch буюу Э.Гомбосүрэн, Өвөрмонголын дуучин Хомбоо нарын хүмүүс байсан гэдгийг баттай эх сурвалж мэдээллээ.

ХАР ТАМХИ ОРУУЛЖ ИРЖ, БОРЛУУЛДАГ ГУРВАН БҮЛГИЙН 20 ГАРУЙ ЭТГЭЭДИЙГ БАРИВЧИЛЖЭЭ

06 / 06 0 сэтгэгдэл 601 үзсэнe

Хар тамхи оруулж ирж, борлуулдаг гурван бүлгийн 20 гаруй хүнийг баривчилжээ. Тодруулбал, өнгөрөгч шөнө буюу зургаадугаар сарын 5-6-нд шилжих шөнө цагдаагийн байгууллагаас гаднын улс орнуудаас хар тамхи, сэтгэцэд нөлөөт мансууруулах бодис оруулж ирж, худалдан борлуулдаг гурван бүлгийн 20 орчим этгээдийг илрүүлэн баривчилсан байна. З арим этгээдүүдийг цагдан хорих 461 дүгээр ангид саатуулаад байгаа юм.

"ДАРХАНЫ ТӨМӨРЛӨГИЙН ҮЙЛДВЭР" ХХК-ИЙН ҮЙЛ АЖИЛЛАГАА ХЭВИЙН ЯВАГДАЖ БАЙНА

06 / 06 0 сэтгэгдэл 12 үзсэнe

"Дарханы төмөрлөгийн үйлдвэр” ХХК-ийн үйл ажиллагааг тасралтгүй, хэвийн явуулах нөхцөлийг хангах үүднээс “Эрдэнэс Монгол” ХХК-ийн Гүйцэтгэх захирлын 2024 оны 06 сарын 04-ний өдрийн А/76 тоот тушаалаар Гүйцэтгэх захирлын үүрэг гүйцэтгэгчээр “Эрдэнэс Монгол” ХХК-ийн Нэгдсэн стратеги, бизнес хөгжлийн газрын Ахлах менежерээр ажилладаг Ядамсүрэн овогтой Өлзийболдыг томиллоо. "Дарханы төмөрлөгийн үйлдвэр” ХХК-ийн Гүйцэтгэх захирлын үүрэг гүйцэтгэгч Я.Өлзийболд нь "Үндэсний давхар даатгал” ХК, МИАТ ХК зэрэг төрийн өмчит компаниуд болон олон улсад ажиллаж байсан туршлагатай. Гүйцэтгэх захирлын үүрэг гүйцэтгэгч Я.Өлзийболд өнөөдөр компанийн нэгжийн удирдлагуудтай шуурхай хуралдаж, үйлдвэр, уурхайн өнгөрсөн сарын ажлын гүйцэтгэлтэй танилцан, энэ сарын ажлын төлөвлөгөөг хэлэлцэж тодорхой чиглэлүүд өглөө. "Дарханы төмөрлөгийн үйлдвэр” ХХК нь өнгөрөгч 5 дугаар сард уул уурхайн үйлдвэрлэлээрээ 255 орчим мянган м.куб хөрс хуулалт хийж, 253 мянган тонн хүдэр олборлож, 308 мянган тонн хүдэр боловсруулсан бол, гангийн үйлдвэрлэлээрээ 3272 тонн бэлдэц 3104 тонн цувимал бүтээгдэхүүн үйлдвэрлэж төлөвлөгөөгөө давуулан биелүүлж ажилласан. Энэ сарын төлөвлөгөөгөөр гангийн үйлдвэрлэлээр 4800 тонн бэлдэц, 4000 тонн цувимал бүтээгдэхүүн үйлдвэрлэхээр төлөвлөж байгаа бол уул уурхайн үйлдвэрлэлээр 276 орчим мянган м.куб хөрс хуулалт хийн, 298 мянган тонн хүдэр олборлох, 288 мянган тонн хүдэр боловсруулахаар тус тус төлөвлөн үйл ажиллагаа тогтвортой хэвийн үргэлжилж байна.

УТААГААР БАЯЖИХ ГЭСЭН ОРОЛДЛОГО НЬ БҮТЭЭГҮЙ ХАМТРАЛ УВСДАА Ч ЯЛАХАД ХЭЦҮҮ

06 / 06 0 сэтгэгдэл 285 үзсэнe

УИХ-ын 2024 оны сонгуулийн баруун бүсэд МАН-аас нэр дэвшихээр горилж явсан Н.Цэрэнбат квотоо авч чадаагүй. Харин ХХААХҮ-ийн сайд асан З.Мэндсайханыг дэмжиж ажиллахаар менежер нь болсон талаар бид хүргэсэн. Бүсчилсэн тойрогт нэр дэвшигчид танигдана гэдэг хэцүү. Ядахад З.Мэндсайхан төрсөн нутаг Ховд гэдэг болохоос бусдаар амьдарч ч үзээгүй. Сайдын суудлаас буусныхаа дараа зуднаар хэдэн суманд өвс тарааж гүйснийг эс тооцвол танигдаагүй. Увсад бол Н.Цэрэнбатдаа найдаж байгаа ч өнөөх нь өөрөө 2020 оны сонгуульд тэндээ бүдэрсэн хүн. Ердөө Ч.Хүрэлбаатар сайддаа өширхөж, уурласандаа З.Мэндсайханаа дэмжиж байгаа хэрэг. Гэхдээ З.Мэндсайхан Цэрэнбат нарын хамтрал нэлээд эртнийх боловч амжилттай байсан нь үгүй. Тодруулбал, 2018 онд Н.Цэрэнбат БОАЖ-ын сайд байхдаа Улаанбаатарын утааг бууруулна хэмээн 2019 оны улсын төсвийг хэлэлцэх үеэр өөрийн багцдаа 154 тэрбум төгрөг “чирч” оруулж байв. Түүгээрээ гэр хорооллын айл өрхийн янданд шүүлтүүр тавих гэж байна гэж хэсэгтээ л “чичирсэн”. Сүүлдээ ч өнөөх мөнгө нь 54 тэрбум болж, эцэстээ МАН-ын бүлэг нийгмийн эсэргүүцлээс болж, тэрхүү саналыг нь унагаж байсан билээ. Тэр үед Н.Цэрэнбатыг хамгийн дэмжиж байсан хүн нь одоогийн ХХААХҮ-ийн сайд З.Мэндсайхан. Тэр тухай үед Эрчим хүчний яамны Төрийн нарийн бичгийн дарга байсан бөгөөд “Нийслэлийн агаарын бохирдлын 80 хувийг гэр хорооллын айл бүрдүүлж байна. 100 мянган нь гэрт амьдардаг тэднийд шүүлтүүрийн аргыг хэрэгжүүлэх гэж байгаа юм. Түүнийг хэрэгжүүлснээр цахилгааны мөнгө нэг өрхөд 22 мянган төгрөг гарч байгаа. Энэ мөнгийг бууруулахад анхаарлаа хандуулж ажиллаж байна” гэж ярьж байв. Товчхондоо 10 мянган төгрөгийн яндантай айлд 500 мянган төгрөгийн үнэтэй шүүлтүүр тавих саналыг Н.Цэрэнбат гаргаж, УИХ болон Засгийн газрын гишүүдийг аргадаж гүйж байхад мань З.Мэндсайхан нь ямар ч асуудалгүй, айлууд 22 мянган төгрөг нэмж төлнө гээд зүтгүүлж байсан гэсэн үг. Ядахад тэр үед Сангийн сайд нь мөн Н.Цэрэнбатыг тойроггүй болоход дэм үзүүлсэн өнөөх Ч.Хүрэлбаатар нь байсан бол Ерөнхий сайд нь У.Хүрэлсүх байв. Тэр ч утгаараа Ерөнхий сайд албан ёсны фэйсбүүк хуудсандаа “БОАЖ-ын сайд Н.Цэрэнбатад анхааруулъя. Зуух тараах тухай бодлогогүй яриагаа зогсоо. Манай Засгийн газар утааны эсрэг эрчим хүчээр хангах, орон сууцжуулах, нүүрс боловсруулах үйлдвэр барих зэрэг олон үе шаттай арга хэмжээ хэрэгжүүлэх ёстой. Асуудалд ухарч биш урагшаа харж ханд” гэж байсан. Тэгэхээр Н.Цэрэнбатын 54 тэрбум төгрөгөөр утааны шүүлтүүр шахах мэргэн санааг үгүй хийсэн Ерөнхий сайд У.Хүрэлсүх, Сангийн сайд Ч.Хүрэлбаатар нарт бухимдаж явдаг Н.Цэрэнбат З.Мэндсайханаар туг тахиж тэднээс хариугаа авч мэдэх л юм.

ЗӨВШӨӨРӨЛГҮЙ БАРЬСАН 52 ГРАЖИЙГ БУУЛГАЖ АВТО ЗОГСООЛ, НОГООН БАЙГУУЛАМЖ БОЛГОН ТОХИЖУУЛНА

06 / 06 0 сэтгэгдэл 340 үзсэнe

Баянгол дүүргийн 11 дүгээр хороо, АШУҮИС-ийн төв эмнэлгийн хойно зөвшөөрөлгүй барьсан 52 гражийг буулган, тохижуулах хүсэлтийг тус эмнэлгийн удирдлагууд тавьсан. Уг асуудалтай холбогдуулан Нийслэлийн Засаг дарга бөгөөд Улаанбаатар хотын Захирагч Х.Нямбаатар, эмнэлгийн удирдлагууд болон холбогдох албаныхантай хамт газар дээр нь ажиллалаа. АШУҮИС-ийн төв эмнэлэг нь Баянгол дүүргийн 4 хорооны иргэд болон харьяалал харгалзахгүйгээр иргэдэд эмнэлгийн тусламж, үйлчилгээ үзүүлдэг. Гэвч эмнэлгийн гадна талбайд авто зогсоол байхгүйн улмаас түргэний тэргээр хүнд өвчтөн зөөвөрлөж ирэхэд хүндрэлтэйгээс гадна эмнэлгийг зорин ирдэг үйлчлүүлэгчид авто замын нэгдүгээр эгнээнд машинаа байрлуулан, орц гарц хаахаас эхлүүлэн эмнэлгийн тусламж, үйлчилгээ үзүүлэхэд хүндрэлтэй нөхцөл үүсдэг аж. Иймд тус эмнэлгийн хойно, нийтийн эзэмшлийн зам талбайд зөвшөөрөлгүй барьсан гражуудыг буулган, тохижуулах хүсэлтээ уламжилсан байна. Нийслэлийн Засаг дарга бөгөөд Улаанбаатар хотын Захирагч Х.Нямбаатар “Хэсэг бүлэг иргэд өөрсдийн тав тухыг бодон нийтийн эрх ашгийг хөндөж болохгүй. Энэ газар төрийн өмч. Эдгээр хүмүүс эл газар дээр эзэмших, ашиглах, өмчлөх аль ч эрхийг аваагүй. Тийм учраас нийслэлийн Газар зохион байгуулалтын албанаас Газрын тухай хуульд заасны дагуу эдгээр зөвшөөрөлгүй барьсан 52 гражийг чөлөөлөх мэдэгдлийг удаа дараа өгсөн боловч хүлээн аваагүй. Иймд газрыг чөлөөлөн, эмнэлгийн өргөтгөл хийх зайг нь үлдээн авто зогсоол, ногоон байгууламж болгон тохижуулна. Хэрвээ өмчлөх эрхтэй бол хэлэлцээр хийнэ. Мөн шаардлагатай гэж үзвэл энэ хавийн оршин суугчдад зориулан, давхар зогсоол хийхээр ААН санал тавьсан тохиолдолд бид энэ байршилд хамтарч ажиллах боломжтой. Цаашид энэ мэтчилэн граажийг чөлөөлж, нийтийн зориулалттай авто зогсол, ногоон байгууламж барих ажлыг эрчимжүүлнэ” гэсэн юм. АШУҮИС-ийн Төсөл хөтөлбөр хариуцсан ерөнхий зохицуулагч, анагаах ухааны доктор, профессор Н.Хүрэлбаатар “Манай эмнэлэг хэвтэн эмчлүүлэх 50 ортой бөгөөд амбулаторийн үзлэгээр өдөрт 350-400 хүн үйлчлүүлдэг. Улаанбаатар хотын иргэдэд эмнэлгийн тусламж, үйлчилгээг чанартай, хүртээмжтэй хүргэхийн тулд орчин нөхцөл нь ээлтэй байх шаардлагатай. Гэтэл манай эмнэлгийн гадна орчин хэт шахуу, давчуу байгаа нь эмнэлгээр үйлчлүүлж буй иргэдэд хүндрэлтэй байгаа нь мэдээж. Тухайлбал осол гэмтэлд орох, халтирч унах эрсдэлтэй байгаа юм. Хэрэв эдгээр гражийг чөлөөлбөл эмнэлгийн хажууд өргөтгөл барин, хэвтэн эмчлүүлэх орыг нэмэхээс гадна ногоон байгууламж, авто зогсоол байгуулснаар ээлтэй орчин бий болох юм. Мөн дүүргийн хэмжээний эмнэлгийн тусламж, үйлчилгээний чанар, хүртээмжийг дээшлүүлснээр Улаанбаатар хотод байгаа төв эмнэлгүүдийн ачаалал багасах давуу талтай” гэлээ. Нийслэлийн Засаг даргын захирамжаар энэ онд 1500 граж буулгахаас ажлын явц 59 хувьтай үргэлжилж байгааг нийслэлийн Газар зохион байгуулалтын албаны Кадастрын хэлтсийн дарга Б.Загдсамбар энэ үеэр мөн онцлов. Ташрамд дурдахад АШУҮИС нь Монгол Улсад анх удаа их сургуулийн эмнэлгийн тогтолцоог бий болгож байгаа бөгөөд өнөөдрийн байдлаар 8 салбар эмнэлэгтэй болоод буй. АШУҮИС-ийн төв эмнэлгийн тухайд Австрийн Засгийн газрын төсөл хөтөлбөрийн хүрээнд хамгийн сүүлийн үеийн ходоод гэдэсний дуран, компьютер томографтай болсон байна. Түүнчлэн мэс заслын тасагтайгаас гадна хүүхдийн эмчилгээний тасаг нээхээр төлөвлөж, тусламж, үйлчилгээгээ улам өргөжүүлж байгаа аж.

ПОПОРХОД Ч УЧИР БИЙ ШҮҮ, Б.ПҮРЭВДОРЖ ГИШҮҮН ЭЭ…

06 / 06 0 сэтгэгдэл 362 үзсэнe

Аливаа юм хэмжээ дамжаагаа алдахаар л үнэнээс хол зөрдөг. Өнөөдөр УИХ-ын чуулган завсарлана. Гэтэл чуулган завсарлахын өмнө гишүүд “БИ”-гээр өвчилж, хөгөө дэлгэж эхлэв. Эдгээр нөхдийн нэг нь Б.Пүрэвдорж гишүүн. Тэрбээр “Би 23 хуулийн төсөл өргөн барьснаас 8-ыг нь батлуулж, 9 нь дарааллаа хүлээж байгаа. Эдгээр хуулийг батлуулахад ард түмний дэмжлэг байсан... Би шинэ парламентад дараагийн тэмцлээ эхлүүлнэ… Малчдын зээлийг тэглэх хэрэгтэй… гэж ирээд ёстой л “ТОМ АМ” гарахдаа сонгогдоно гэдгээ бүр мэдэрчихсэн хүн шиг маш итгэлтэй ярьж байв. Сонгогдох аз байж болох ч малчдын санал авах зорилгоор олныг хуурч, төөрөгдөлд оруулах нь хууль зөрчсөн үйлдэл. Үнэндээ бол Б.Пүрэвдорж гишүүний энэ хөгийн арга огт биелэхгүй гэдгийг 4 аргын тоо боддог хүүхэд ч хэлээд өгнө. Тэгээд ч Малчдын зээлийг тэглэнэ гэвэл Монгол Улсын төсөв яагаад ч дийлэхгүй. Учир нь ихэнх малчид зээлтэйн дээр “Шинэ хоршоо” хөдөлгөөнийг дэмжсэн малчид эхнээсээ зээлээ аваад эхэлчихсэн. Товчхондоо бол улсын хэмжээнд нийт 310 мянга орчим малчин өрх бий, дундаж зээл 20 сая төгрөг гэж бодоход дор хаяж 6 ИХ НАЯД 200 ТЭРБУМ ТӨГРӨГ хэрэгтэй гэдгийг энэ хүн уг нь сайн мэдэж байгаа. Гэтэл яагаад ингэж худлаа ПОПРОВ…? Албаны том хүний амнаас унасан үг олонд “ҮНЭН” мэтээр буудаг тул хэд хэчнээн малчин өрх үүнд хууртаж, зээл авч ХЯМРАХ бол гэхээс УИХ-ын гишүүн Б.Пүрэвдоржийг бүр нулиммаар санагдаж байгаа тухайгаа ч олны зүгээс илэрхийлээд эхлэв. Тиймээс “П ОПОРХОД Ч УЧИР БИЙ ШҮҮ… “ гэж эрхэм гишүүнд сануулж, анхааруулмаар байна.