НУУЦ АМРАГИЙНХАА ХОЁР ХҮҮХДИЙГ ШАТААЖ АЛАХЫГ ЗАВДСАН ГЭДГЭЭ ХҮЛЭЭН ЗӨВШӨӨРЧЭЭ

10 / 01 0 сэтгэгдэл 1 892 үзсэнe

Бусдын амь насыг хохироох зорилгоор айлын гэрийг гаднаас нь цоожилж, гал тавьсан хэргийг үйлдсэн этгээдийг цагдаагийн байгууллагаас илрүүлсэн талаар бид өмнө нь мэдээлсэн. Тодруулбал, энэ сарын 28-ны өдрийн 05:00 цагийн орчимд “Манай гэрийг гаднаас нь цоожлоод шатаасан байна” гэх мэдээлэл цагдаагийн байгууллагад ирсэн байна. Чингэлтэй дүүрэг дэх цагдаагийн нэгдүгээр хэлтсийн алба хаагчид хэргийн газарт ажиллахад “Чингэлтэй дүүргийн 9-р хорооны ... тоотод оршин суух С бага охин Н, том охин М-ийн хүүхдүүдийн хамт дөрвүүлээ амарч байх үед нь бага охин Н "Ээж ээ, утаа үнэртээд байна” гэж сэрээснээр гаднаас нь цоожилсон байсан хаалгаа эвдэн, гэрээсээ эсэн мэнд гарч, цагдаагийн байгууллагад дуудлага өгсөн тухай мэдүүлжээ. Хэргийг шалгахад, тус гэрт оршин суух М-тэй хувийн харилцаатай гэх 27 настай эрэгтэй З гэгч нь хувийн өс хонзонгийн сэдлээр иргэн С, Н, А, Н нарыг монгол гэрт унтаж байхад нь гэрийн хаалгыг гадна талаас нь цоожлон, гэрийн баруун урд талаас санаатайгаар галдан шатаасан байж болзошгүй нөхцөл байдал урьдчилсан байдлаар тогтоогджээ. ХААЛГЫГ СҮХЭЭР ЦОХИЖ ОНГОЙЛГООД ГАРААД ХАРАХАД ЦООЖ ЗҮҮСЭН БАЙСАН Эх сурвалжаас авсан мэдээллээр, иргэн С нь хэрэг явдал болсон өдөр буюу 2021 оны 09 дүгээр сарын 27-ноос 28-нд шилжих шөнө 00 цаг 30 минутын орчим гэртээ бага охин Б.Н, том охин Б.М - ийн 3 настай Ж.А, 1 настай М.Н нартай дөрвүүлээ амарч байхад өглөө үүрээр 05:30 минутын үед бага охин Б.Номин “ээжээ утаа үнэртээд байна” гэж хэлээд намайг сэрээсэн тэгэхээр нь би босоод ойр орчмыг утаа үнэртэж байсан тэгээд хаалгаа түлхээд гараад харах гэтэл хаалга онгойхгүй байсан тэгээд би яасан юм болоо гэж бодоод хаалгаа дахин сайн түлхтэл нээгдэхгүй байхаар нь гэр дотор байсан түлээ хагалдаг том төмөр сүхээр хаалгаа дотороос нь цохиж хаалганы дээд хэсгийг эвдэлж онгойлгосон. Тэгээд хаалганы дээд хэсгээр гараа гаргаад цоожны цүүгээ бариад үзтэл манай гэрийн хаалгыг гаднаас нь жижигхэн цоожоор цоожилсон байсан, хаалгаар бүгдээрээ гараад хартал гэрийн баруун урд хэсгээс гал дүрэлзэн асаж байсан хормын төдий гэр шатаж дууссан хэмээн мэдүүлэг өгчээ. НУУЦ АМРАГЫНХАА ХОЁР ХҮҮХДИЙГ ШАТААСАН ГЭЖ БОДООД БУЦАЖ ИРСЭН Дөрвөн хүний амь насыг санаатайгаар галдан шатааж хөнөөх гэж байсан этгээд нь 1994 онд төрсөн З гэх эрэгтэй байсныг тогтоон Цагдан хорих 461 р ангид саатуулан шалгаж байгаа. Тухайн хэрэгт яллагдагчаар татагдан шалгагдаж байгаа этгээд нь гэрт унтаж байсан бага насны хоёр хүүхдийн ээжтэй нууц амрагийн харилцаатай байсан гэдгээ хүлээн зөвшөөрсөн бөгөөд тухайн өдөр Амуре гэх зочид буудалд хамт байсан гэдгийг нь шалгалтаар тогтоожээ. Өөрөөр хэлбэл, зочид буудалд хамт байсан эмэгтэйнхээ гэр бүл болох төрсөн ээж, төрсөн дүү, төрсөн хоёр хүүхэд болох бага насны хоёр хүүхдийг галдан шатаахаар унтаж байхад нь гарч яваад буцаж ирсэн байгаа юм. Хүүхдүүдийн ээж зочид буудалд унтаж үлдээд өглөө сэрэхэд нь надтай хамт байсан хэмээн хүлээн зөвшөөрч мэдүүлэг өгсөн байна.

ГЭР БҮЛИЙН ДӨРВӨН ХҮНИЙГ ГЭРИЙНХ НЬ ГАДНААС ШАТААХААР ГАЛ ТАВЬСАН ХЭРЭГ ГАРАВ

09 / 30 0 сэтгэгдэл 1 055 үзсэнe

Өмнөговь аймагт бусдын амь насыг хохироох зорилгоор айлын гэрийг гаднаас нь цоожилж, гал тавьсан хэргийг цагдаагийн байгууллагаас илрүүллээ. Тодруулбал, энэ сарын 28-ны өдрийн 05:00 цагийн орчимд “Манай гэрийг гаднаас нь цоожлоод шатаасан байна” гэх мэдээлэл цагдаагийн байгууллагад ирсэн байна. Чингэлтэй дүүрэг дэх цагдаагийн нэгдүгээр хэлтсийн алба хаагчид хэргийн газарт ажиллахад “Чингэлтэй дүүргийн 9-р хорооны ... тоотод оршин суух С бага охин Н, том охин М-ийн хүүхдүүдийн хамт дөрвүүлээ амарч байх үед нь бага охин Н "Ээж ээ, утаа үнэртээд байна” гэж сэрээснээр гаднаас нь цоожилсон байсан хаалгаа эвдэн, гэрээсээ эсэн мэнд гарч, цагдаагийн байгууллагад дуудлага өгсөн тухай мэдүүлжээ. Хэргийг шалгахад, тус гэрт оршин суух М-тэй хувийн харилцаатай гэх 27 настай эрэгтэй З гэгч нь хувийн өс хонзонгийн сэдлээр иргэн С, Н, А, Н нарыг монгол гэрт унтаж байхад нь гэрийн хаалгыг гадна талаас нь цоожлон, гэрийн баруун урд талаас санаатайгаар галдан шатаасан байж болзошгүй нөхцөл байдал урьдчилсан байдлаар тогтоогджээ.

НҮҮРС ТЭЭВРИЙН КОМПАНИЙН ЗАХИРАЛ ӨӨРИЙГӨӨ БООМИЛЖ НАС БАРЖЭЭ

09 / 30 0 сэтгэгдэл 642 үзсэнe

Өмнөговь аймгийн Ханбогд сумын нутагт байршин үйл ажиллагаагаа явуулдаг нүүрс тээврийн компанийн захирал өөрийгөө боомилж нас барсан харамсалтай хэрэг гарлаа. Хэргийг тодруулбал, энэ сарын 29- ний өдрийн 15 цагийн орчимд тус аймагт ажилладаг Нүүрс тээврийн авто замын 133 дахь килотерт байрлах кемпийн гэрт 38 настай эрэгтэй хүн нас барсан талаарх мэдээллийг цагдаагийн байгууллагад ирүүлжээ. Хэргийн газрын үзлэг шинжилгээгээр амь хохирогч нь таван ханатай гэрийн тоононоос гэрийн чагтаганы уяагаар боомилсон байдалтай нас барсан байжээ. Талийгаач нь HBDM ХХК ийн захирлаар ажилладаг байсан бөгөөд сүүлийн сард хүлээлгэж өгөх ажлын гүйцэтгэл муу гэх асуудлыг хөндөн ярилцаж байсан гэдгийг эх сурвалж мэдээлж байна. Дээрх хэргийг Өмнөговь аймаг дахь цагдаагийн газарт материалжуулан шалгаж байна.

БОКСЫН ХОЛБООНЫ ГАДУУРХАЛТ БУЮУ Э.ЦЭНДБААТАР, Г.БАДРАХ

09 / 28 0 сэтгэгдэл 1 677 үзсэнe

Монгол Улсын боксын холбоо МУГТ Э.Цэндбаатарыг архидан согтуурч танхайрсан асуудлаар хуралдаж холбооноос хурал зарласан нь олон нийтийн дургүйцлийг хүргээд авсан билээ. Холбооныхон тамирчдын эрх ашгийг хамгаалж, тэднийг Олон улсын тэмцээнд оролцох боломжийг хангах чиг үүрэгтэй атал хавчин гадуурхаж Э.Цэндбаатарын нэр хүндийг гутаахаар мэдэгдэл хийсэн юм. Э.Цэндбаатар ирэх ДАШТ д оролцох хүсэлтэй илэрхийлэн тус холбооны удирдлагуудад мөнгөн аяга, алд цэнхэр хадаг барьж, сөгдөж уучлалт гуйснаар уг асуудал сүр дуулиантай шийдэгдсэн. Монголын боксын холбоо үнэхээр асуудал гаргасан, гэмт хэрэгт нэр холбогдсон тамирчид, удирдлагууддаа хариуцлага тооцож, шударгаар ажиллаж байна уу гэвэл үгүй. Тус холбооны Ерөнхий нарийн бичгийн дарга, олимпын зэрэглэлийн шүүгч Ганболдын Бадрах нь 2019 онд гадаадад хар тамхины төрлийн бодис тээвэрлэж яваад баригдаж байсан. Тодруулбал, Орос, Латвийн хил дээр 2019 оны 10 дугаар сарын 28-ны 17 цаг орчимд албан паспорттай Монгол Улсын иргэн Ганболдын Бадрах, Цолмонгийн Энхболд нар их хэмжээний ачаа тээвэрлэж яваад Латвийн хилийн Шалган нэвтрүүлэх албаны ажилтнуудад саатуулагдаж байв. Тэд их хэмжээний тээшийг D012039, D012046 дугаартай хоёр Peugeol Bohxer автомашинд хуваан хийсэн байсан юм. Монгол Улсын дипломат шуудангийн зар наасан автомашинууд Варшав дахь Монгол Улсын Элчин сайдын яамны машинууд байсан гэдгийг тухайн үед хэвлэл мэдээллийн хэрэгслүүдэд онцлон мэдээлж байсан юм. Саатуулагдсан Цолмонгийн Энхболд гэгч нь 2013-2016 онд БН Казахстан улсын Алмата хот дахь элчин сайдын яаманд дипломатаар 2016 оноос ТЕГ-т ажиллаж байсан нэгэн. Харин хамт тамхи зөөвөрлөсөн асуудлаар саатуулагдсан Ганболдын Бадрах нь боксын Олон улсын хэмжээний шүүгч, өдгөө Монголын боксын холбооны Ерөнхий нарийн бичгийн даргын албан тушаалыг хашдаг. Тус холбоо олон улсын хэмжээнд эрэн сурвалжлагдаж, хар тамхи зөөвөрлөж байгаад үйлдэл дээрээ баригдсан эрхэмд хариуцлага хүлээлгэх асуудал одоог хүртэл ярихгүй байгаа нь хачирхалтай. Харин ч Монгол Улсын нэрийг Олон улсад муугаар гаргаж хэрэгт холбогдон шалгагдаж байсан түүнийг өдгөө хэргэм ахиулж Олон улсын сонирхогчдын боксын холбоо /AIBA /-нд Монголын анхдагч төлөөлөгч болгожээ. Г.Бадрахын ажлын түүхээс хуваалцвал: 2013 оноос шүүгчээр ажиллан, 2014 онд AIBA-гийн шүүгч болж тив, дэлхийн олон тэмцээнийг ринг дээр шүүн дэнсэлсэн бөгөөд энэ оны 2 дугаар сараас МБХ-ны Ерөнхий нарийн бичгийн даргаар сонгогдон, ажиллаж байна. Энэ хоёрын асуудлын дэнслэн үзвээс, тус холбооны гаргасан шийдвэр шударга бус гэдгийг харуулах бөгөөд медаль авах магадлал өндөр тамирчнаа гадуурхаж, харин хэрэгт холбогдсон нарийн бичгийн даргаа өргөмжлөөд боломж олгоод байна гэлтэй.

СЭТГҮҮЛЧИД НЭГДЭН ТӨРИЙН ӨНДӨРЛӨГҮҮДЭД ШААРДЛАГА ХҮРГҮҮЛЛЭЭ

09 / 28 0 сэтгэгдэл 1 291 үзсэнe

Өнөөдөр Төрийн ордны гадна сэтгүүлчид эсэргүүцлээ илэрхийлж байна. Тодруулбал, коронавирусийн халдварын улмаас сэтгүүлчдийг төрийн ордонд тодорхой хязгаартайгаар нэвтрүүлсээр хоёр жилийн нүүрийг үзээд буй. Ингэснээр сэтгүүлчдийн хэвлэн нийтлэх эрх чөлөөг хязгаарлаж, мөн иргэдийн мэдэх эрх ч хумигдсаар ирсэн. Тиймээс телевиз, сайт, сонины сэтгүүлчид нэгдэн Төрийн ордонд хөл хориогүй нэвтэрч, мэдээлэл түгээх эрх чөлөөгөөр хангахыг шаардаж, эсэргүүцлээ илэрхийлж байна. Мөн цар тахал нэрэн дор мэдээлэх эрхийг түр журмаар баталгаажуулж хориглосон заалтаа эргэн харах, өөрчлөлт оруулах зэрэг бодит шаардлагуудыг албан бичгээр Төрийн өндөрлөгүүдэд хүргүүллээ. Сэтгүүлчдийн өнөөдрийн нэгдэж тавьсан шаардлагыг Засгийн газрын хэвлэлийн албаны эрх бүхий албан тушаалтнууд гарч ирж авсан юм. Энэ үеэрээ шаардлагы хариуг намрын чуулган эхлэхээс өмнө биеүүлэх талаас бүх талын арга хэмжээг авна гэдгээ энэ үеэр илэрхийлсэн байна.

ХҮЧИНГИЙН ХЭРЭГТ СЭЖИГЛЭГДЭН ШАЛГАГДАЖ БАЙГАА М.НАРАНБААТАР ХАРИУЦЛАГААС МУЛТАРЧ , ХУУЛИЙГ ГАЖУУДУУЛЖ ЧАДАХ УУ

09 / 28 0 сэтгэгдэл 4 536 үзсэнe

Энэ сарын 11-ний өдөр Баянзүрх дүүргийн цагдаагийн хоёрдугаар хэлтэст Монголын Үндэсний олон нийтийн радио телевизийн захирал асан хүчингийн хэрэг үйлдсэн гэх гомдол мэдээлэл өргөдлөөр ирсэн байдаг. Тодруулбал , МҮОНРТ- ийн захирал асан одоогийн тус телевизийн Үндэсний зөвлөлийн дарга Мянганбуугийн Наранбаатар 32 настай эмэгтэйг хүчиндэж, бэлгийн дур хүслээ ёс бусаар хангасан байж болзошгүй нөхцөл байдлыг цагдаагийн байгууллагаас мэдээллийн дагуу материалжуулан шалгаж эхэлсэн. Эх сурвалжийн мэдээллээр, тухайн хохирогч эмэгтэй цагдаагийн хэлтэст өөрийн биеэр өргөдөл гаргасан. Мөн өмнө нь М.Наранбаатартай амрагийн харилцаатай байсан гэх мэдээлэл бий. Тэгвэл МҮОНРТ-ийн Ерөнхий захирлаар ажиллаж байсан М.Наранбаатар бэлгийн дур хүслээ зүй бусаар хангасан, хүчингийн хэрэг үйлдсэн байж болзошгүй тус хэрэгтээ чичирхийлдэг хиймэл бэлэг эрхтэн ашиглаж, бэлгийн дур хүслээ зүй бусаар хангасан байж болзошгүй нөхцөл байдал тогтоогдсон байна. Тэрээр тус “чичирхийлдэг хиймэл бэлэг эрхтэн” – ээ цонхоор шидэж гэмт хэргээ нуун дарагдуулахыг завдсан боловч хэргийн газрын үзлэг хойшлуулшгүй ажиллагаа явуулсан цагдаагийн алба хаагчид орон сууцны гаднаас түүнийг нь олж илрүүлжээ. Эд мөрийн баримтыг олж илрүүлэх явц буюу хэргийн газрын үзлэг, хойшлуулшгүй ажиллагаанд орон сууцны оршин суугчид ч гэрч болжээ. Гэвч энэ асуудалд нь сэжигтэн этгээд болох М.Наранбаатар хариуцлагаас мултарч хэргийг хэрэгсэхгүй болгохын тулд гомдол гаргасан эмэгтэй “гомдолгүй” хэмээн өргөдөл гомдлоо буцаан татахыг завдсан байж ч болзошгүй гэх мэдээлэл бий. Хэдийгээр хохирогч гомдлоо татсан ч хэрэг бүртгэлтийн хэрэг нээгдсэн тохиолдолд цагдаагийн байгууллага эцэслэн шалгах ёстой. Нөгөөтэйгүүр МҮОНРТ гэх төрийн байгуулагын төрийн алба хаагч төсвөөс цалинжиж та бидний татварын мөнгөөр тансагласаар ирсэн эрхэм ийнхүү зүй бус үйлдэлд нэр холбогдсон асуудал энэ хүрээд нам дарагдах нь өрөө зүй бус юм. Түүнийг мөн телевизээс төрсөн тэрбумтан ч хэмээдэг. М.Наранбаатар гэгч нь гурван удаа төрийн харьяат төсвөөс санхүүждэг МҮОНРТ-ын захирлаар томилогдож байсан бол өдгөө мөн л МҮОНРТ-ийн үндэсний зөвлөлийн даргын албан тушаалыг хашиж байгаа нь олон нийтийн радио телевиз бус Наранбаатарын телевиз болсон мэт ойлголт төрүүлэхүйц байсаар ирсэн. Нас барсан аавыгаа амьд мэтээр нотариатын итгэмжлэл үйлдүүлж банкнаас зээл авч байсан М.Наранбаатар үндэсний зөвлөлийг нь толгойлж үүний зэрэгцээ зүй бусаар завдсан хүчингийн гэмт хэрэгт ч нэр нь холбогдсон эрхэмээс үүдэн өнөөдөр үндэсний олон нийтийн гэх нөсөр бүтэцтэй телевизийн нэр хүндэд ч сэв сууж байна. Иймд төрөөс тэрбумтан төрсөн ч гэмт хэрэгт нэр холбогдож сэжиглэгдэн шалгагдсан ч хариуцлагаас мултарч хуулийг гажуудуулж чаддаг бохир жишгийг таслан зогсоох тод жишээ нь М.Наранбаатар байх нь зүйн хэрэг бололтой. [media=https://www.youtube.com/watch?v=Tyy2-W7zA5s]

НЭГ СУМЫН ИРГЭДИЙН ТАЛ НЬ ТАХИР ДУТУУГИЙН ГРУПП, ТЭТГЭМЖ АВЧ БАЙСАН ХЭРЭГ ЯМАР ШАТАНДАА ЯВНА !

09 / 27 0 сэтгэгдэл 892 үзсэнe

Нэг хэсэг л Баян-Өлгий аймагт эрүүл саруул хүн ховор болсон талаар мэдээлэл гарсан. Нэг ёсондоо Татвар төлөгчдийн мөнгөний тодорхой хувь нь нийгмийн халамжийн санд ордог. Тэгвэл тэр мөнгөний ихэнх хувийг Баян-Өлгий аймгийнхан авдаг байх талтай ноцтой хэрэг гарсан байдаг. Хөдөлмөрийн чадвараа алдсан, хөгжлийн бэрхшээлтэй иргэдэд улсаас олгодог тэтгэмжийг хэрхэн олгож ирснийг он, cap, өдөр, тушаал шийдвэртэй нь шалган Хэлгүй дүлий гэх оноштойгоор тэтгэмж авч буй хэд хэдэн иргэдтэй уулзаж шалгахад эрүүл саруул хүмүүс тэтгэмж авч байсан нь нотлогдсон. Тус хэрэгтэй холбоотой 420 орчим иргэнийг шалгахад 268 иргэн буюу 68 хувь нь эрүүл саруул мөртлөө хуурамч бичиг баримт бүрдүүлэн үндэслэлгүйгээр улсаас мөнгө авч байсан нь тухайн үед тогтоогдсон. Улмаар Баян-Өлгий аймгийн Нийгмийн даатгалын хэлтсийн дарга, Нэгдсэн эмнэлгийн 40 гаруй эмчид эрүүгийн хэрэг үүсгэн шалгаж байгаа юм. Тэднийг эрх мэдэл, албан тушаалаа урвуулан ашиглаж бусдаас авилга авч, хуурамч онош тогтоосон гэх үндэслэлээр шалгаж байгаа юм. Мөн тус аймгийн 514 иргэнийг дээрх хэрэгт холбогдуулан шалгаж байгаа гэнэ. Эрүүл мөртлөө, улсад их хэмжээний хохирол учруулж, халамжид хамрагдсан иргэдээс мөрдөн байцаалт тухайн үед авсан. хэргийг шалгаж байгаа мөрдөн байцаагч нарт дараах байдлаар мэдүүлэг өгсөн гэх. Тодруулбал : Манай омгийн ахлагч өвгөнд “Ойр тойрны хамаатан садан хүмүүсийг халамжинд хамруулж өгч болно. Харин надад ахиухан мөнгө өгөөрэй. Дараа нь ямар нэгэн хэл ам болоод байхаар гүй хүмүүс хэрэгтэй” гэж хэлжээ. Эмч надтай уулзаад “Ямар нэгэн хэл ам гаргаж, хүн амьтанд энэ талаараа хэлээд байв. Чамайг эмч нарт үзүүлсэн болгоод, бүх үзлэг оношилгоо хурлын шийдвэр зэргийг бид зохицуулна. Харин чи хэлгүй болмоор байна уу, дүлий болох юм уу. Чамайг насан туршдаа улсаас cap бүр мөнгө авдаг болгох гээд байна. Надад харин мөнгөө даруйхан өгнө шүү. Гэрийнхэндээ ч битгий хэлээрэй. Харин дараа нь ямар нэгэн байдлаар тус хүргэж байхгүй бол халамжаас шууд хасчихна шүү” гэх мэтээр сумаараа тэтгэмж аваад сууж байх жишээтэй. Тухайн үед АТГ-аас 500 гаруй иргэнээс мэдүүлэг авч, эмч нарт авлига өгснийг тогтоогоод байгаа юм. Эрүүл хүнийг хэлгүй, дүлий хөдөлмөрийн чадваргүй, сэтгэцийн өвчтэй болгож байгаа хор уршгаас болж яг халамжид хамрагдах ёстой иргэд л ард нь хохирч байгаа юм. Нэг ёсондоо Баян-Өлгий аймгийн эмч нар эрүүл хүмүүсийг эмч нарын хурлаар оруулж, халамжид хамруулаад дундаас нь ашиг хүртдэг байсан гэсэн үг. Тиймээс ч Баян-Өлгий аймгийн ихэнх эмчид эрүүгийн хэрэг үүсгэн шалгаж байгаа. Өөрөөр хэлбэл, хэрэг нь таслагдаж шүүхээр шийдэгдвэл Баян-Өлгий аймаг тэр чигтээ эмчгүй болох аюул тухайн үед нүүрлэж байгааг онцолж байлаа. Харин өнөөдрийн байдлаар энэ их оролцогч цаашлаад бүтэн аймаг, сумаараа холбогдсон хэрэг ямар шатандаа явна вэ? УИХ-ын гишүүн Б.Энхбаяр тухайн үед энэ талаар ам нээж байсан юм. Үнэхээр хэрэгтэй иргэддээ очдоггүй хавтгайрсан халамжаар халаасаа зузаалдаг байдал нэг аймгаар тогтохгүй олон байгаа гэдгийг учир мэдэх хүмүүс ч яриж байгаа юм. Тиймээс шийдвэрлэх арга зам зайлшгүй шаардлагатай гэдгийг онцолж байна. Хамгийн харамсалтай нь Группын мөнгө авдаг хүмүүсийн 68% нь цоо эрүүл байв. Өөрсдийгөө "Хөгжлийн Бэрхшээлтэй" гэж бүртгүүлээд улсаас сар бүр багадаа 251.000₮, хүүхдүүдээ бүртгүүлчихвэл сар бүр хүүхдийн тоогоор 155.000₮ халамж авдаг гэсэн үг. Яаралтай ийм зүйлийг таслан зогсоох хэрэгтэй.

29 НАСТАЙ ИРГЭНИЙГ ЭРЭМДЭГЛЭЖ, УУРХАЙН НҮХЭНД ХАЯСАН БАЙЖЭЭ

09 / 27 0 сэтгэгдэл 1 215 үзсэнe

Өнгөрсөн долоо хоногийн баасан гарагт буюу есдүгээр сарын 24-ний өдөр бусдын гарт онц хэрцгийгээр амь насаа алдсан иргэний цогцос олдсон байна. Тодруулбал, Дундговь аймгийн Эрдэнэдалай суманд ашиглагдахаа больсон уурхайн хуучин нүхэнд толгой, хүзүү хэсэгтээ шарх авсан 29 настай эрэгтэйн цогцос байжээ. Зарим эх сурвалжийн мэдээлж байгаагаар, талийгаачийн цогцсыг эрэмдэглэж, хэвлийн хэсгийг чулуугаар дүүргэсэн байсан гэх ба гадуур нь борооны цуваар ороож, олсоор боосон байжээ. Албаны хүмүүс хэргийн газраас тамхины иш, гялгар уут, нүдний дуран зэргийг хураан авч, Шүүхийн шинжилгээний хүрээлэнд хүргүүлсэн байна. Урьдчилсан байдлаар талийгаачийг гаднын нөлөөтэй нас барсан гэж дүгнэж байгаа боловч үхлийн шалтгааныг нарийвчлан тогтоогоогүй байгаа аж. Талийгаач нь сураггүй болсон иргэдийн санд бүртгэлтэй байсан гэх ба цагдаагаас эрэн сурвалжилж байжээ. Тэрээр есдүгээр сарын 8-ны өдөр гэрээсээ гараад, эргэж ирээгүй учраас ар гэрээс нь цагдаад мэдэгдэж, эрэн хайх ажлыг эхлүүлсэн байжээ. Хэргийг Дундговь аймгийн цагдаагийн газраас шалгаж байгаа бөгөөд хүний аминд хүрсэн байж болзошгүй этгээдийг эрэн сурвалжилж эхэлжээ.

КАПИТРОН БАНКНЫ АЖИЛТАНД ХУТГА ТУЛГАН ДЭЭРЭМДСЭН ЭТГЭЭДИЙГ СААТУУЛЛАА

09 / 27 0 сэтгэгдэл 1 031 үзсэнe

Хан-Уул дүүргийн 21 дүгээр хороо Буянт-Ухаа 2 дугаар хороолол 1042 дугаар байрны 1 дүгээр давхарт байрлах Капитрон банкны тооцооны төвд 2021 оны 09 дүгээр сарын 09-ний өдрийн 16.00 цагийн орчимд банкны ажилтан Г.Т-г ганцаараа ажиллаж байх үед үл таних 40-50 орчим насны этгээд гаднаас орж, хутга тулган ноцолдож дээрэмдэхийг завдсан хэрэг үйлдэгдсэн. Цагдаагийн алба хаагчид хэргийг үйлдсэн этгээдийг тасралтгүй эрэн сурвалжилж, мөрдөн шалгах ажиллагаа явуулсны дүнд 2021 оны 09 дүгээр сарын 26-ны өдөр уг хэргийг үйлдсэн байж болзошгүй 46 настай, эрэгтэй Э гэгчийг урьдчилсан байдлаар тогтоож баривчилан таслан сэргийлэх хойшлуулшгүй арга хэмжээ авч Монгол Улсын Эрүүгийн хуулийн 17.2 зүйлийн 3 дахь хэсгийн 3.2-т зааснаар Хэрэг бүртгэлтийн хэрэг үүсгэж Хан-уул дүүрэг дэх цагдаагийн газрын Хоёрдугаар хэлтэст мөрдөн шалгах ажиллагааг үргэлжлүүлэн явуулж байна.

КОЙН ГЭСЭН БОЛГОН КРИПТОВАЛЮТ БИШ ! КОЙН БОЛ ХӨРӨНГИЙН БИРЖИЙН БҮТЭЭГДЭХҮҮН БИШ ! САЙН СУДАЛ НЯГТАЛ !

09 / 27 0 сэтгэгдэл 1 868 үзсэнe

Дэлхий даяар маш олон койн гарч, олон нийтийг шуугиулж, цаагуураа эрсдэлийг дагуулсаар байгаа. Зарим хүмүүс Койн удахгүй мөнгийг орлож, төлбөрийн хэрэгсэл болно хэмээн үзэж байгаа. Тэгвэл зарим нь нэн эрсдэлтэй санхүүгийн схем ч гэж үзэж байгаа юм. Криптовалют гэдэг зүйл зөвхөн манайд ч биш, дэлхий дахинд нэгэн шинэ төрлийн санхүүгийн бүтээгдэхүүн, трэнд болчихсон. Олон улсад гарч байгаа койнуудын дийлэнх хувь нь хүмүүсийн богино хугацаанд ашиг олох гэсэн хүсэл дээр суурилж гарсаар байгаа юм. Бусад улс оронд янз бүрийн хуулийн зохицуулалт байдаг ч Монгол улсад хараахан хуулийн зохицуулалтгүй. Нарийвчилсан зохицуулалт хомс, олон нийтийн ойлголт хангалтгүй байгаа тул хөрөнгө оруулагчид хохирох, алдагдалд орох тохиолдол олон ч гардаг. Тодруулбал : олон улсад Onecoin гэх блокчейн технологид суурилаагүй, хуурамч сүлжээ олон иргэнийг хохироосон хэрэг гарч байсан. Тэгэхээр койн гэсэн болгон криптовалют биш байх эрсдэл байгаа тул иргэд маш сайн судалсны үндсэн дээр хөрөнгө оруулалт хийх хэрэгтэй. -Сүүлийн үед иргэд хөрөнгийн захын мэргэжилтнүүдээс хувьцаа авах уу, койн авах уу, эсвэл бонд авах уу? гэж хандсаар байгаа гэнэ. Тиймээс ч дараах тодруулгыг мэргэжлийн хүмүүс онцолж байгаа юм. Товчхондоо бирж дээр арилжигдаж байгаа хувьцаа болон бондын ард талд бодитой компани, бизнес, хөрөнгө, орлогын эх үүсвэр байдаг. Гэтэл дийлэнхи койны ард талд бодит хөрөнгө, орлогын эх үүсвэр бүрдүүлэгч байдаггүй. Монголын Хөрөнгийн бирж дээр гарч байгаа хувьцаа, бондыг Санхүүгийн зохицуулах хороо, бирж хянаж, үнэлгээг нь нягталсны үндсэн дээр олон нийтэд арилжаалах зөвшөөрөл олгодог. Мөн Хороо, Сангийн яамнаас зөвшөөрөл авсан аудитын, үнэлгээний компаниуд гэх мэт олон талын оролцоотойгоор хувьцаа, бонд болон бирж дээрх бусад бүтээгдэхүүний хяналт хийгддэг байна. - Гэтэл койныг хянаж байгаа субъект одоогоор монгол улсад байхгүй. Тиймээс найдвартай хөрөнгө оруулалт хийхийн тулд олон шалгуур даван хөрөнгийн зах дээр гарч ирж байгаа хувьцаа болон бондод хөрөнгө оруулалт хийх нь эрсдэл багатай гэдгийг онцолж байна. Мөн койн бол хөрөнгийн биржийн бүтээгдэхүүн биш гэдгийг Монголын Хөрөнгийн биржийн Гүйцэтгэх захирал Х.Алтай онцоллоо. Тэрээр хэлэхдээ : -Монголын хөрөнгийн бирж албан ёсоор, хуулийн хүрээнд арилжаа эрхлэх тусгай зөвшөөрөл авч, зохицуулалттай үйл ажиллагаа явуулдаг. Одоогоор ямар ч койн арилжаалдаггүй. Койн арилжаалж байгаа биржүүд гэдэг нь үнэт цаасны зах зээлийн эрх зүйн зохицуулалтын хүрээнд биржийн зөвшөөрөл аваагүй онлайн платформууд юм. Биржээр их хэмжээний мөнгө дамжиж, иргэдийн мэдээлэлтэй харьцаж байдаг учраас программ хангамж, эрсдэлийн удирдлага, мэргэшсэн боловсон хүчин гээд маш олон шалгуур хангаж байж бирж болдог. Хөрөнгийн бирж гэдэг яг л банктай адилхан, иргэдийн санхүү мөнгөтэй харьцдаг, хуулийн тусгай зохицуулалтад байдаг байгууллага шүү дээ. Койнууд болон ижил төстэй бүтээгдэхүүнүүдийг бүртгэлжүүлэх, койны арилжаанд зуучилж буй платформуудын үйл ажиллагааг зохицуулах хуультай болох ёстой хэмээн онцолжээ. Энэ нь нэг ёсондоо монгол улсад хараахан хуульчлаагүй байгаа Койнруу хамраа дүрэхээсээ өмнө сайн судал гэдгийг л иргэдэд сануулсаар байгаа юм. Хуульчлаагүй зүйлд хамаг хөрөнгөө даатгаад дараа нь гарах эрсдэлээ тооцоолох боломжгүй. Одоогийн байдлаар УИХ дээр Виртуал хөрөнгийн хуулийн төсөл хэлэлцэгдэж байна. Энэ хууль батлагдсанаар криптовалютын арилжаа эрхэлж буй этгээдүүдийн үйл ажиллагааг хяналт зохицуулалтад оруулж, хөрөнгө оруулагчид хохирох эрсдэлийг бууруулах, тэдний эрх ашгийг хамгаалах, криптовалютын гүйлгээ, арилжаанаас олсон орлогод татвар ногдуулах, далд эдийн засгийг хумих зэргээр криптовалюттай холбоотой эрх зүйн орчныг сайжруулах нөхцөл бүрдэх талтай юм. - Гэхдээ энэ бол зүгээр л хуульчилсан цагт хөрөнгөө хуулийн дагуу хамгаалуулна гэсэн үг. Яг үүнтэй зэрэгцэн манай урд хөршид томоохон хориг тавигдаж эхлээд байна. Жишээлбэл : БНХАУ-ын төв банк крипто-валютын бүх төрлийн гүйлгээг хууль бус хэмээн зарлаж Bitcoin тэргүүтэй дижитал токенуудыг хориглоод байна. Төв банкны мэдэгдэлд "Виртуал валюттай холбоотой бизнесийн үйл ажиллагаа нь хууль бус санхүүгийн үйл ажиллагаа юм. Уг үйл ажиллагаа нь ард түмний эд хөрөнгийн аюулгүй байдалд эрсдэл учруулж байгааг анхааруулж байна" гэв. Хятад улс нь крипто-валютын арилжааны хамгийн том зах зээлийн нэг бөгөөд тус улс дахь гүйлгээний өөрчлөлт дэлхийн крипто-валютын үнэд хүчтэй нөлөөлдөг. Улмаар Хятадын төв банкны мэдэгдлийн дараа Bitcoin-ы ханш 2000 ам.доллараар унаад байна. Хятад улс энэ төрлийн гүйлгээг 2019 онд албан ёсоор хориглосон ч иргэд гадаад биржээр дамжуулан идэвхтэй байсаар байгаа юм. Харин одоогоос тус улс крипто-валютын гүйлгээг бүх талаар нь зогсоохыг хүсэж байна. Энэ төрлийн хууль бус үйл ажиллагаа эрхлэгчийг гэмт хэрэг үйлдэж байна гэж үзэх бөгөөд зохих хариуцлагыг ногдуулна гэж мэдэгдэлд дурджээ. Мөн крипто-валютын гүйлгээг хийдэг гадаадын вебсайтуудын үйл ажиллагааг хууль бус хэмээн онцлоод байна.