СЭРЭМЖЛҮҮЛЭГ: 11 НАСТАЙ ХҮҮХЭД БОРООНЫ ТОГТООЛ УСАНД ЖИВЖ АМИА АЛДЖЭЭ

07 / 22 0 сэтгэгдэл 398 үзсэнe

Цагдаагийн байгууллагад он гарснаас хойш усны ослын 80 гаруй тохиолдлын дуудлага бүртгэгджээ. Эдгээрийн 17 нь хүүхэд байна. Тухайлбал, өчигдөр (2024.07.21) Ховд аймгийн Дарви суманд бага насны хүүхэд борооны тогтоол усанд живж нас барсан гэх дуудлага, мэдээлэл иржээ. Дуудлагын дагуу цагдаагийн албан хаагчид очиж ажиллахад Улаанбаатар хотын Чингэлтэй дүүрэгт оршин суух хаягтай 11 настай хүүхэд борооны тогтоол усанд живж нас барсан байв. Хэргийг Ховд аймгийн цагдаагийн газар шалгаж байна. Иймд иргэд та бүхэн аадар бороо орох, голын усны түвшин нэмэгдэх зэрэг болзошгүй аюулаас сэрэмжтэй байж аливаа эрсдэлээс урьдчилан сэргийлэхийг цагдаагийн байгууллагаас анхааруулж байна.

УЛААНБААТАРТ ОРОН СУУЦНЫ ҮНЭ ӨМНӨХ ОНЫ МӨН ҮЕЭС 11 ХУВИАР ӨСЧЭЭ

07 / 22 0 сэтгэгдэл 545 үзсэнe

Энэ оны зургаадугаар сарын байдлаар Улаанбаатар хотод орон сууцны үнэ өмнөх оны мөн үеэс 11 хувиар өсөж, өмнөх сараас өөрчлөлтгүй байгааг Үндэсний статистикийн хорооноос мэдээллээ. Шинэ орон сууцны нэг метр квадрат талбайн дундаж үнэ дөрвөн сая төгрөг болж , Хан-Уул дүүрэгт хамгийн өндөр буюу 4.12 сая төгрөгийн үнэтэй байна. Харин хуучин орон сууцны нэг метр квадрат талбайн дундаж үнэ 3.88 сая төгрөг болж, Сүхбаатар дүүрэгт хамгийн өндөр буюу 4.50 сая төгрөгт хүрчэ э .

“АЖИЛ ХАЙЖ БАЙГАА ОХИДУУД ХОЛБОГДООРОЙ. АМАРХАН АЖИЛ БАЙНА ШҮҮ” ГЭХ ЗАРЫН ДАГУУ ИРСЭН ОХИДЫН БИЕИЙГ ҮНЭЛҮҮЛСЭН ЭРЭГТЭЙН ХЭРГИЙГ ПРОКУРОРТ ШИЛЖҮҮЛЖЭЭ

07 / 22 0 сэтгэгдэл 467 үзсэнe

“Ажил хайж байгаа охидууд холбогдоорой. Амархан ажил байна шүү” гэх зарын дагуу ирсэн охидын биеийг үнэлүүлсэн эрэгтэйн хэргийг прокурорт шилжүүлжээ. Н эр бүхий иргэн нь Хан-Уул дүүргийн 1 дүгээр хорооны нутаг дэвсгэрт байрлах 44 дүгээр байрны 14 тоотыг 2023 оны 07 дугаар сарын 24-ний өдрөөс 2024 оны 01 дүгээр сарын 25-ны өдөр хүртэлх хугацаанд түрээслэх явцдаа цахим орчинд “ажил хайж байгаа охидууд байвал холбогдоорой амархан ажил байна шүү” гэсэн зар байршуулж, зарын дагуу ажил эрхлэхээр ирсэн охидыг биеэ үнэлэхийг зохион байгуулж, орон байраар хангасан гэх хэрэг бүртгэгджээ. Э нэ хэрэгт иргэн О.Н /эр/-ыг энэ оны 07 дугаар сарын 02-ны өдөр Монгол улсын Эрүүгийн хуулийн тусгай ангийн 12.6 дугаар зүйлийн 2 дахь хэсэгт зааснаар эрүүгийн хэрэг үүсгэж яллагдагчаар татан мөрдөн шалгах ажиллагаа явуулсан байна. Улмаар тус хэргийг энэ оны 07 дугаар сарын 18-ны өдөр шүүхэд шилжүүлэх саналтай Хан-Уул дүүргийн прокурорын газарт хүргүүлжээ.

ТАНИЛЦ: ӨНӨӨДРӨӨС ХАЛУУН УС ХЯЗГААРЛАХ БАЙРШЛУУД

07 / 22 0 сэтгэгдэл 1 589 үзсэнe

Улаанбаатар хотод дулааны шугамын ажил үргэлжилж байгаатай холбогдуулан өнөөдрөөс дараах байршлуудын айл өрх, ААН-үүдийн халуун усыг хязгаарлаж байна. - Төмөр замын удирдах газрын орчим - 2, 3, 4, 6 дугаар бичил хороолол орчим - Төв гандан хийд - Хуучнаар Эх нялхас - МҮОНРТ орчмын хэрэглэгчид - Түндэмүн саун - Гурван билэг их дэлгүүрийн урд тал орчмын хэрэглэгчид Дулааны шугам засвар шинэчлэлийн ажил долдугаар сарын 22-ноос наймдугаар сарын 2-ны өдөр дуусна.

ЗАРИГ САЙТЫН ЭРХЛЭГЧ СЭТГҮҮЛЧ Н.ӨНӨРЦЭЦЭГИЙГ ХОРИХ 461-Р АНГИ РУУ АВЧ ЯВАХЫГ ИРГЭД, ОЛОН НИЙТ ХААЛГЫГ НЬ ОНГОЙЛГОХГҮЙ ЭСЭРГҮҮЦЭН ЗОГСООЛОО

07 / 19 0 сэтгэгдэл 3 780 үзсэнe

ЗАРИГ САЙТЫН ЭРХЛЭГЧ СЭТГҮҮЛЧ Н.ӨНӨРЦЭЦЭГИЙГ ХОРИХ 461-Р АНГИ РУУ АВЧ ЯВАХЫГ ИРГЭД, ОЛОН НИЙТ ХААЛГЫГ НЬ ОНГОЙЛГОХГҮЙ ЭСЭРГҮҮЦЭН ЗОГСООЛОО ҮҮНИЙ ДАРАА ШҮҮХИЙН БАЙРЫГ ХАМГААЛЖ БУЙ ЦАГДААГИЙН БАЙГУУЛЛАГЫН ТӨЛӨӨЛӨЛ "Н.ӨНӨРЦЭЦЭГИЙГ 461-Р ХОРИХ АНГИ РУУ АВЧ ЯВСАН" ГЭЖ МЭДЭЭЛЭЛ ӨГСӨН. ТИЙМ БОЛ ЦУГЛАСАН ИРГЭД ОЛОН НИЙТ ХАШААН ДОТОР БАЙНА ХЭМЭЭЖ ҮҮДЭН ДЭЭР ХАШИН ЗОГССОН БАЙДАЛТАЙ БАЙНА МӨН БАЯНЗҮРХ, СҮХБААТАР, ЧИНГЭЛТЭЙ ДҮҮРГИЙГ ЭРҮҮГИЙН ХЭРГИЙН АНХАН ШАТНЫ ШҮҮХИЙН ХЭВЛЭЛИЙН ТӨЛӨӨЛӨГЧ МЭДЭЭЛЭЛ ХИЙЖ, "ШҮҮГДЭГЧ Н. ӨНӨРЦЭЦЭГИЙГ ИЛТ ХУДАЛ МЭДЭЭЛЭЛ ТАРААСАН, ТӨРИЙН НУУЦ ХАДГАЛСАН, ТАТВАРААС ЗАЙЛСХИЙСЭН ХУВЬ ХҮНИЙ НУУЦАД ХАЛДСАН ЗЭРЭГ ДӨРВӨН ҮНДЭСЛЭЛЭЭР 4 ЖИЛ, 9 САРЫН ХОРИХ ЯЛ ОНООСОН" ХЭМЭЭН ЕРӨНХИЙ МЭДЭЭЛЭЛ ӨГЛӨӨ ШҮҮХИЙН ГАДНА ИРГЭД, ОЛОН НИЙТ ЦУГЛАСААР БАЙНА.

ЗАМЫН БОРДЮРЫГ БАЙГАЛИЙН ЧУЛУУГААР СОЛЬЖ БАЙНА

07 / 19 0 сэтгэгдэл 484 үзсэнe

СХД-ийн 20, 32 дугаар хороо, Сонсголонгийн уулзвараас баруун аймгууд салдаг уулзвар буюу хуучнаар 22-ын товчоо чиглэлийн 9.5 км авто замыг хэсэгчлэн шинэчилж буй. Үндэсний их баяр наадмыг тэмдэглэхтэй холбоотойгоор тус замын суурь асфальт бетон хучилтыг хийсэн бөгөөд долоодугаар сарын 15-ны өдрөөс эхлэн есдүгээр сарын 30 хүртэлх дахин асфальт бетоноор хүчитгэх юм. Ингэхдээ тус замын худгийн таг өндөрлөх, шинээр ус зайлуулах шугам хоолой угсарч хашлага солино. Өнөөдрийн байдлаар тус замын ажил 40 хувьтай үргэлжилж байна. Олон нийтийн сүлжээнд эвдрэл, гэмтэлгүй авто замын хашлагыг сольж байгаа тухай иргэд шүүмжилсэн. Энэ асуудлыг нийслэлийн Замын хөгжлийн газраас тодруулахад дээрх уулзварын авто замын хашлагыг 14 жилийн дараа сольж байгаа болохыг тайлбарлалаа. Нийслэлийн замын хөгжлийн газрын ахлах мэргэжилтэн Б.Ганбат “Авто замын бетон хашлагыг 12-16 жилийн хугацаанд ашигладаг. Бидний шинэчилж байгаа дээрх замын авто хашлага 14 жил болсон. Бид бетон хашлагыг, байгалийн чулуун хашлагаар сольж байгаа. Байгалийн чулуун хашлага нь эдэлгээ удаан, чанар сайн учраас бид энэ жил хэд хэдэн байршилд байгалийн чулуун хашлагыг байршуулж байна. Хуучин чулуун хашлагыг бид хуулаад хаядаггүй. Иргэн, аж ахуйн нэгжийн хүсэлтээр ашиглуулдаг” гэв.

ЗУУН АЙЛЫН УУЛЗВАРААС СЭЛБИЙН ГҮҮР ХҮРТЭЛХ ЦЭВЭР УСНЫ ШУГАМЫН УГСРАЛТЫН АЖИЛ ХИЙГДЭЖ БАЙНА

07 / 19 0 сэтгэгдэл 306 үзсэнe

Зуун айлын уулзвараас Сэлбийн гүүр хүртэл 900 мм голчтой 392 метр урт цэвэр усны шугамын угсралтын ажил 40 хувьтай үргэлжилж байна. Энэ хүрээнд Улаанбаатар хотын Ерөнхий менежер бөгөөд Захирагчийн албаны дарга Ц.Төрхүү холбогдох албаныхантай хамт тус байршилд ажиллалаа. Тэрбээр Улаанбаатар хотын барилгажилт тэлж, хүн амын тоо өсөн нэмэгдэж буйтай холбоотойгоор усны хүрэлцээ дутмаг болж буй. Үүнтэй уялдуулж Азийн хөгжлийн банкны санхүүжилтээр уг байршилд нэмэлтээр 900 мм голчтой шинэ шугам угсарч байна. Уг төсөл 2019 оноос хойш хэрэгжиж байгаа бөгөөд өнгөрсөн өвөл гүүрэн доорх сувагчлалын ажлыг хийж гүйцэтгэсэн. Одоо шугам хоолойн холболтын ажил хийж буй юм. Мөн Улаанбаатар хотын гэр хорооллыг орон сууцжуулах замаар утааг багасгахын тулд эхлээд дэд бүтцийг нь шийдэж байгаа гэдгийг онцолж байв. Нийслэлийн Хөрөнгө оруулалтын газар ОНӨААТҮГ-ын Дулаан хангамж агаар сэлгэлтийн хяналтын инженер Р.Дамбадаржаа: Цэвэр усны шугамын угсралтын хувьд жил бүр урсгал засвар орох шаардлагагүй учир хонгилын систем хийхгүйгээр шууд газар булж байгаа. Тухайн шугам нь 50-60 жилийн баталгаатай. Уг байршилд 700 мм голчтой ган хоолой бүхий цэвэр усны шугам байгаа бөгөөд нэмэлтээр 900 мм голчтой шугам хоолой угсарснаар Баянзүрх, Чингэлтэй, Сүхбаатар дүүргийн цэвэр усны хэрэглээг бүрэн хангах боломжтой болж байгаа юм.

ХӨВСГӨЛ, СЭЛЭНГЭ АЙМГИЙН ОЙД ТҮЙМЭР ГАРЧ БАЙНА

07 / 19 0 сэтгэгдэл 298 үзсэнe

Долдугаар сарын 19-ний байдлаар Хөвсгөл аймгийн Улаан-Уул, Сэлэнгэ аймгийн Хүдэр суманд тус тус ойн түймэр гарчээ. Түймрийг унтраахын тулд холбогдох аймгийн Онцгой байдлын газын алба хаагчид орон нутгийн иргэдтэй хамтран ажиллаж байгаа аж. Харин Сэлэнгэ аймагт гарсан түймрээр урьдчилсан байдлаар 2 га талбай өртөн, шатсан байна. Иргэд, аялагчид амралт зугаалганд явахдаа ил задгай гал түлсэн тохиолдолд галыг бүрэн унтраах, гал унтраах багаж хэрэгсэл тогтмол авч явах, ой, хээрийн түймрээс урьдчилан сэргийлж байгаль, эх дэлхийгээ хамгаалахыг онцгойлон анхаарууллаа.

ОРХОН ГОЛД 46 НАСТАЙ ЭМЭГТЭЙ ЖИВЖ, АМИА АЛДЖЭЭ

07 / 19 0 сэтгэгдэл 347 үзсэнe

Орхон голд 46 настай эмэгтэй живж ам ь эрсэджээ .Өвөрхангай аймгийн, Орхон багийн Нарийн ам гэдэг газарт “Орхон голын усанд хүн живчихлээ” гэх дуудлагыг долоодугаар сарын 18-ны өдрийн 15:55 цагт Онцгой байдлын газарт ирүүлжээ. Тус аймгийн Онцгой байдлын газрын 45 дугаар ангийн алба хаагчид очиход тус сумын харьяат иргэн Ц голд живсэн байжээ. Эрэн хайх ажиллагааг зохион байгуулж 16:32 цагт осолдсон газраас зүүн зүгт 30 метрт усны мандлаас тухайн иргэний цогцсыг олж, аймгийн цагдаагийн газарт шилжүүлэн өгсөн байна.

АТГ-ын дарга З.Дашдаваа чөлөөлөгдөж , шинэ томилгоо хийгдэх үү ?

07 / 17 0 сэтгэгдэл 188 үзсэнe

Авлигатай тэмцэх газрын дарга З.Дашдаваа өнгөрөгч зургаадугаар сард үүрэгт ажлаасаа чөлөөлөгдөх хүсэлтээ албан ёсоор өгчээ. Түүний бүрэн эрхийн хугацаа ирэх оны тавдугаар сарын 02-ны өдөр дуусгавар болох байсан ч тэрбээр эрүүл мэндийн шалтгаанаар ажлаа өгөхөөр болжээ.Иймд АТГ-ын даргад хэд хэдэн нэр яригдаж байгаа ба ойрын хугацаанд томилгоо албажина гэх “Тамхины цэг”-ийн мэдээлэл байна.