УИХ-ЫН ДАРГЫН ЗАХИРАМЖААР ХӨГЖЛИЙН БАНКЫГ ШАЛГАХ АЖЛЫН ХЭСЭГ БАЙГУУЛАГДЛАА

Хөгжлийн банкнаас чанаргүй зээлдэгч 26 аж ахуйн нэгжийг зарлаж, шүүхэд шилжүүлсэн. Энэ асуудлаар УИХ-ын даргын захирамжаар ажлын хэсэг байгуулж, ахлагчаар нь УИХ-ын гишүүн Б. Баттөмөрийг томил сон бол . Ажлын хэсэгт Ч.Хүрэлбаатар, Ц.Даваасүрэн, Б.Энхбаяр, Б.Бат-Эрдэнэ, Б.Пүрэвдорж нарын гишүүд ийг тус тус томилжээ . УИХ-ын ажлын хэсэг нэн тэргүүнд Хөгжлийн банктай холбоотой зээлийн мэдээллийг цуглуулж, хөндлөнгийн хараат бус аудит оруулахаар болж. Мөн Хөгжлийн банкнаас шүүхэд гаргасан мэдээллийг нэгтэн судлаад ирэх хаврын чуулган эхэлмэгц УИХ-д танилцуулна. Өнөөдрийн байдлаар нийт 26 аж ахуйн нэгжийн 841 тэрбум төгрөгийн өрийг шүүхэд шилжүүлсэн бол цаана нь 1,6 их наяд төгрөгийн чанаргүй зээл үлдэж байна.

А.СҮХБАТЫН ДҮҮ А.БАТТӨГСИЙГ АТГ-С ХӨГЖЛИЙГ БАНКНААС 18.5 ТЭР БУМ ТӨГРӨГИЙН ЗЭЭЛ АВСАН ХЭРГЭЭР ШАЛГАЖ БАЙНА

Хөгжлийн банкнаас тэрбумаар зээл аваад “зэсрэгчид”-ийн нэрсийн жагсаалт олонд ил болж, иргэд цахим ертөнцөөр дүүрэн бухимдлаа илэрхийлж, төр засгаасаа шударга ёсыг нэхэх болсон билээ. Тэдний Монголын Үндэсний бөхийн аварга хэмээгдэн монголчуудынхаа хайр хүндэтгэл хүлээсээр ирсэн УИХ-ын гишүүн асан А.Сүхбат “улсаа өрөнд оруулагчидийн жагсаалтад багтаж байгаа харамсалтай мэдээлэл гараад байгаа билээ . Тэрбээр 2008 онд “Түгээмэл түмэн хишигтэн” хэмээх нэр бүхий ХХК-ийг байгуулан өөрөө гүйцэтгэх захирал нь болж байсан юм . Хожим 2010 онд уг компанийг төрсөн дүү А.Баттөгсийн эхнэр Г.Буяндэлгэрийн нэр дээр шилжүүлж, гүйцэтгэх захирлаар томилсон. Ингээд таван жилийн дараа компанийг үүсгэн байгуулагчаас өөрийн нэрийг хасаж, 2015 онд өөрийн дүү А.Баттөгс, түүний эхнэр Г.Буяндэлгэрийг захирлаар томилсон. Харин 2017 онд бичиг баримтад дахин өөрчлөлт оруулан ганцхан Г.Буяндэлгэрийг гүйцэтгэх захирал болгон бусад нэрсийг нь хасан компанийн үйл ажиллагааны чиглэлийг авто зогсоол, авто засвар, зоогийн газар, зочиж буудал болгосон байдаг. Энэ олон өөрчлөлтийн дараа А.Сүхбат төрсөн дүү А.Баттөгсийн эхнэр Г.Буяндэлгэрийн нэр дээр бүртгэлтэй “Түгээмэл түмэн хишиг” ХХК-иар Хөгжлийн банкнаас 18.5 тэрбум төгрөгийн зээлийг 2020 оны долдугаар сард авсан байдаг. Харин одоо А.Сүхбатын хамаарал бүхий “Түгээмэл түмэн хишигтэн” ХХК-д 14.9 тэрбум төгрөгийн зөрчил үүссэн байж болзошгүй учир АТГ-аас уг хэрэгт эрүүгийн хэрэг үүсгэн шалгаж эхэлжээ. Энэ дашрамд өгүүлэхэд А.Сүхбатын хамаарал бүхий “Түгээмэл түмэн хишигтэн” ХХК нь 2017 онд Жижиг, дунд үйлдвэрийг хөгжүүлэх сан /ЖДҮХС/-гаас 800 сая төгрөгийн зээл авч байсан бөгөөд. Эндээс харахад их хурлын гишүүн асан, их аварга А.Сүхбат авч болох бүх зээлийг өөрийн хамаарал бүхий компаниуддаа авдаг ч эргүүлж төлдөг эсэх нь их эргэлзээтэй болж таарч байна. Нэгэнт л А.Сүхбаттай холбогдох хэргийг шалгаж байгаа юм чинь Өмнөговь аймгийн Ханбогд сумын нутагт орших Цагаан хаданд өөрсдийн ноёрхлоо тогтоосон “Тайван зогсоол”-д хамаарагдах асуудлыг шалгаж, гэр бүлээ орхин амьдралын төлөө зүтгэж байгаа жолооч нарын үгийг сонсох нь хэргийг шударга шүүж, гэмт этгээдэд хариуцлага хүлээлгэхэд нэмэр болно хэмээн хууль хяналтын байгууллагын анхаарал хандуулах хэрэгтэй.

БАНКНЫ ЗАХИРЛЫН ГЭРИЙН ЦОНХООР ЭМЭГТЭЙ ХҮН УНАЖ АМИА АЛДСАН УУ?

Монголын нэгэн томоохон банкны захирлын гэрийн цонхоор эмэгтэй хүн унаж, нас барсан гэх мэдээлэл өнгөрөгч өдөр сошиалаар нэлээдгүй цацагдсан. Цагдаагийн албанаас энэ талаар мэдээлэхдээ: “Хан-Уул дүүргийн II хороонд өчигдөр 14 настай эмэгтэй хүүхэд цонхоор унаж, амиа алдсан. Урьдчилсан байдлаар гэр бүлийн маргаантай асуудлаас болсон байж болзошгүй. Талийгаачийн ар гэрийнхэн болон талийгаач ямар нэгэн банктай хамааралгүй. Тус хэргийг цагдаагийн байгууллагаас үргэлжлүүлэн шалгаж байгаа" хэмээн мэдэгдсэн аж .

ШАТАХУУНЫ ҮНИЙГ НЭМЭХЭЭР ТӨЛӨВЛӨӨД БАЙНА

Түүхий эдийн үнэ өссөн тул шатахуун импортлогчид үнээ нэмэхэд хүрчээ. Дэлхийн зах зээлд газрын тосны жишиг үнийг тогтоогч WTI, Brent төрлийн бүтээгдэхүүний үнэ огцом өс сөн. Манай улс ОХУ-аас шатахуунаа импортолдог. Иймд зах зээл дээрх үнийн жишгийг дагаж импортлох үнэ ч нэмэгдэнэ. Дэлхийн зах зээлд өнгөрсөн намар мөн л үнэ нэмэгдсэн боловч манай улсын засгийн газраас 30 тэрбумын алдагдал хүлээж үнийг хүчээр барьж байсан удаатай. Дэлхийн жишгээр манайх ч мөн адил шатахууны үнийг 50-100 төгрөгөөр нэмэгдүүлэх талаар яригдаж байгаа. Өндөр үнээр нэмж, иргэдэд дарамт үүсгэхгүйн тулд хамгийн боломжит байдлаар 50 төгрөг хэмээн тооцоолоод байгаа аж.

КОРОНАВИРУСНИЙ ЗАРИМ ШИНЖ ТЭМДЭГ НЬ ЧОНОН ХӨРВӨСТЭЙ ТӨСТЭЙ АРЬСАН ДЭЭР ТУУРАЛТ ҮҮСДЭГ

Коронавирусний шинж тэмдгийг судлах “ZOE COVID” аппликэйшн зохион бүтээсэн Их Британийн эмч нар коронавирусний “омикрон” халдварын үед арьсан дээр илэрдэг шинж тэмдгийг тодорхойлсон байна. Зарим шинж тэмдэг нь урт хугацаанд ажиглагддаг хэмээн эх сурвалж мэдээл сэн байна . Тухайлбал, “омикрон” халдварын үед “ковидын хуруу” гэж нэрлэгдсэн шинж тэмдэг илэрдэг нь гар, хөлийн хуруунууд улайх, хөхрөх ба зарим тохиолдолд тууралт гардаг байна. Ийм шинж тэмдэг зөвхөн “омикрон” төдийгүй коронавирусний бусад хувилбарын халдварын үед мөн ажиглагддаг байна. Түүнчлэн, “омикрон” халдварын үед уруул хагарах, үрэвсэх, арьс хуурайших, ялангуяа хүзүү, цээж орчим экземийн адил арьс улайж, загатнах зэрэг арьс хуурайших шинж тэмдэг илэрч байгаа бөгөөд. Ингэхдээ энэ зовуурь нь халдварын үед болон эдгэрсний дараа илэрдэг ба удаан хугацаанд үргэлжлэх магадлалтай гэж эмч нар тодруулжээ. Үүнээс гадна “омикрон”-ы үед чонон хөрвөстэй төстэй арьсан дээр тууралт гарах, хөлдөлтийн дараах шинж тэмдэгтэй төстэй хөх ягаан, улаан өнгөтэй, хөндүүр толбо үүсэх тохиолдлууд тус тус бүртгэгдсэн байна.

ЭНЭ ОНЫ 1-Р САРЫН 1-НЭЭС МӨРДӨГДӨЖ ЭХЭЛСЭН “ХӨДӨЛМӨРИЙН ХУУЛИЙН ШИНЭЧИЛСЭН НАЙРУУЛГА”-ЫН ТАЛААР...

шинэ хуулийн дагуу ажилтны ээлжийн амралтын хугацаа, цалинг хэрхэн тооцох болсон талаарх мэдээлл ээс дурьдвал. Ээлжийн амралтын хугацааг хэрхэн тооцох вэ? Ажилтанд ажлын жил бүр ээлжийн амралт олгож биеэр эдлүүлнэ. Ажлын зайлшгүй шаардлагаар ээлжийн амралтаа биеэр эдэлж чадаагүй ажилтанд олгох мөнгөн урамшууллын хэмжээг энэ хуулийн 110.2-т заасан хэмжээнээс нэмэгдүүлж олгох асуудлыг хамтын гэрээгээр, хамтын гэрээгүй бол ажилтантай тохиролцон олгоно. Ээлжийн амралтын үргэлжлэх хугацааг хэзээ авч болох, ямар хугацаагаар үргэлжлэх талаар хуульд доорх байдлаар заасан байдаг. Ажилтан хөдөлмөрийн гэрээ байгуулснаас хойш зургаан сар ажилласан бол түүнд ээлжийн амралт эдлэх эрх үүснэ. Хуульд өөрөөр заагаагүй бол ажилтны ээлжийн үндсэн амралтын хугацаа ажлын 15 өдөр байна. Хөгжлийн бэрхшээлтэй болон 18 насанд хүрээгүй ажилтны ээлжийн үндсэн амралтын хугацаа ажлын 20 өдөр байна. Ажилласан хугацааг харгалзан ээлжийн үндсэн амралтын хугацаан дээр нэмэгдэл амралт олгодог нь өөрчлөгдөөгүй бөгөөд Хөдөлмөрийн хэвийн нөхцөлд ажиллаж байгаа ажилтан нь: 6 дахь жилийн эхнээс 10 дахь жилийг дуусталх хугацаанд ажлын 3 өдөр; 11 дэх жилийн эхнээс 15 дахь жилийг дуусталх хугацаанд ажлын 5 өдөр; 16 дахь жилийн эхнээс 20 дахь жилийг дуусталх хугацаанд ажлын 7 өдөр; 21 дэх жилийн эхнээс 25 дахь жилийг дуусталх хугацаанд ажлын 9 өдөр; 26 дахь жилийн эхнээс 31 дэх жилийг дуусталх хугацаанд ажлын 11 өдөр; 32 дахь жилээс ажлын 14 өдөр. Хөдөлмөрийн хэвийн бус нөхцөлд ажиллаж байгаа ажилтанд: 6 дахь жилийн эхнээс 10 дахь жилийг дуусталх хугацаанд ажлын 5 өдөр; 11 дэх жилийн эхнээс 15 дахь жилийг дуусталх хугацаанд ажлын 7 өдөр; 16 дахь жилийн эхнээс 20 дахь жилийг дуусталх хугацаанд ажлын 9 өдөр; 21 дэх жилийн эхнээс 25 дахь жилийг дуусталх хугацаанд ажлын 12 өдөр; 26 дахь жилийн эхнээс 31 дэх жилийг дуусталх хугацаанд ажлын 15 өдөр; 32 дахь жилээс ажлын 18 өдөр нэмж тооцох нь. Ажлын бүтэн бус цагийн ажилтанд тухайн ажлын жилд нийт ажилласан цагийг нь тооцож, ногдох ээлжийн үндсэн болон нэмэгдэл амралт олгоно. Түүнчлэн ажилтан өөрийн хүсэлтээр ээлжийн амралтыг тухайн ажлын жилдээ багтаан хэсэгчлэн эдэлж болно. Хэсэгчлэн амрах ээлжийн амралтын аль нэг тасралтгүй амралтын үргэлжлэх хугацаа нь ажлын 10 өдрөөс доошгүй байхаар хуульд заажээ. Ээлжийн амралт олгох, ээлжийн амралтын цалин тооцох журамтай Ээлжийн амралтын цалинг ажилтны тухайн ажлын жилийн дундаж цалин хөлснөөс тооцож олгоно. Ингэхдээ ажлын зайлшгүй шаардлагаар ээлжийн амралтаа биеэр эдэлж чадаагүй ажилтанд ээлжийн амралтын цалинг нэг аравны тав дахин нэмэгдүүлж олгохоор хуульчилжээ. Мөн хөдөлмөр эрхлэлтийн харилцаа нь дуусгавар болж байгаа ажилтанд ажилласан хугацаанд ногдох ээлжийн амралтын тооцоо хийж, цалинг олгох юм.

НАЙЗЫНХАА ХҮҮХДИЙГ ХУУРЧ АВЧ ЯВСАН ХЭРГИЙГ ШАЛГАЖ БАЙНА

2022 оны хоёрдугаар сарын 05-ны өдөр 18 цаг 20 минутад ХУД-12 хорооны нутаг дэвсгэрээс 7 настай охиныг зүс таних эмэгтэй дагуулж явсан, сураггүй байна гэх мэдээллийг Цагдаагийн байгууллагад иржээ.Шалгалтаар 7 настай, эмэгтэй М-ийг төрсөн ээжийнх нь найз болох 28 настай, эмэгтэй С.А гэгч нь хүүхдийн гэрт ирж “хамт тоглоомын талбайд тоглоё,” хэмээн худал хэлж авч явсныг тогтоожээ. Маргааш нь буюу 2022 оны хоёрдугаар сарын 06-ны өдөр Чингэлтэй дүүргийн Салхит орчмоос тус эмэгтэйг баривчлан хүүхдийг 18 цагийн үед ар гэрт нь хүлээлгэн өгчээ.Одоогоор гэмтлийн зэргийг тогтоолгохоор Шүүх шинжилгээний үндэсний төвд шинжээч томилон, хамтарсан багаар ажиллаж байна. Охин тухайн үед гэртээ өвөөгийн хамт байсан бөгөөд ээжийнх нь найз ирсэн тул хүүхдийг өгч гаргасан талаар мэдү үлжээ.

Ш.САЙХАНСАМБУУ ДАХИАД Л НАМ БАЙГУУЛАХААР ГҮЙЖ ЯВНА

Нарантуулын босс гэгдэх Ш.Сайхансамбуу улстөрд чичлүүлж элдэв янзаар хэлээлдэг ч буруу харж бууж өгөөгүй нэгэн. Анх МАН-ын гишүүн байсан ч намаасаа гарч "Үнэн ба зөв" намыг үүсгэн байгуулсан. Намынхаа даргаар "тэмцэгч" гэгдэх А.Отгонбаатарыг томилсон.Гэвч хоорондоо таарамж муудсан уу яасан дахиад л нам байгуулахаар бүртгүүлжээ. Тэрбээр Ардын чуулган намын даргаар бүртгүүлэх хүсэлтээ Улсын дээд шүүхэд өгчээ. Ямар учраас дахин, дахин нам байгуулаад байдгий н болдоо.

ШӨНИЙН ТҮГШҮҮР: БАЯРЫН ӨДРҮҮДЭД СОГТУУГААР ТЭЭВРИЙН ХЭРЭГСЭЛ ЖОЛООДОХ ЗӨРЧИЛ НЭМЭГДЭЖ БАЙНА

Ц.МӨНХЦЭЦЭГИЙН ЭЭЛЖИТ ЭЛИЙРЭЛ ИЙНХҮҮ ЭХЭЛСЭН БОЛОЛТОЙ АРИУН ЦЭВРИЙН ХЭРЭГЛЭЛИЙГ ҮНЭ ТӨЛБӨРГҮЙ ТАРААХ ХЭРЭГТЭЙ Л ГЭНЭ

П арламентэд сонгогдсон эмэгтэй гишүүд хэл амны бай болох нь олонтаа. Үйл хөдлөл, үг яриа тэрч байтугай өмссөн хувцас, эдлэж хэрэглэж байгаа зүйлс нь хүртэл асуудал дагуулна.Заримдаа хэлж ярьж сэтгэж байгаа нь хүүхэд багачуудын доог болох нь энүүхэнд.Тэтгэвэр дэмжлэгээ ч ялгахгүй сууж байгаа хүмүүсээс юу ч найдаж хүлээх вэ дээ.Цар тахлын эхлээд удаагүй байхад Ц.Мөнхцэцэг гэж УИХ-ын гишүүдийн цахим хуралдааны үеэр виртуал профайл тавьж байгаад "баригдаж" хэсэгтээ л олныг шуугиулаад авсан. Сошиалд элдэв янзын юм постлож нэлээд идэвхтэй байдаг тэрээр энэ удаа ариун цэврийн хэрэгсэл үнэгүй тараахыг хуульчлах ёстой гэсэн байх юм. Учир нь Шинэ Зеланд, Шотланд зэрэг дэлхийн 21 улс, бүс нутагт охидод ариун цэврийн хэрэгсэл үнэ төлбөргүй олгохоор хуульчилсан байдаг аж. Ариун цэврийн хэрэгсэл авч чадахгүйгээс болж охид хичээл сургуульдаа явахгүйд хүрдэг тул хүний эрхийн зөрчил гэж үзэн ийнхүү хуульчилжээ. Манай хүн үүнийг Монголд мөн хэрэгжүүлэх хэрэгтэй л гэнэ. Урдах асуудлаа шийдэж чадахгүй байж элдэв янзын юм сэтгэж суух юмдаа.Хийвэл хийсэн шиг хийдэггүй оромдоод орхидог байж иймэрхүү юм сэдэж яанам бээ.Сайн хуулбарлаж чадахгүйгээс хойш энэ мэт ажил дэмий байхоо Ц.Мөнхцэцэг минь. Ингэж байхынхаа оронд охидод эрүүл мэнд, нөхөн үржихүй, эмэгтэйчүүдийн ариун цэврийн боловсролыг бага, дунд ангиас нь зааж сургах талаар яривал арай амьдралд ойр баймаар.