БНСУ- Д ТУРШЛАГА СУДЛАХ, ЭРҮҮЛ МЭНДИЙН ХӨТӨЛБӨРТ ХАМРАГДАХ БОЛОМЖТОЙ БОЛЛОО

09 / 02 0 сэтгэгдэл 42 үзсэнe

“Дарханы төмөрлөгийн үйлдвэр” ХХК БНСУ-ын аялал жуулчлалын Төрийн өмчит Корпорацитай хамтран ажиллах санамж бичиг байгууллаа. БНСУ-ын Аялал Жуулчлалын Төрийн Өмчит Корпорацийг төлөөлж Дэд Ерөнхийлөгч И Хаг Жү, тус улсын Эрүүл мэндийн аялал жуулчлалын хэлтсийн дарга Жон Ин Ха, хэлтсийн орлогч дарга Ким Ду Хый нарын албаны төлөөлөл өнөөдөр Дарханы төмөрлөгийн үйлдвэр ХХК-д зочилж, санамж бичгийн хүрээнд хийгдэх ажлаа танилцуулж, харилцан санал солилцсон. Хамтын ажиллагааны хүрээнд компанийн ажилтнууд БНСУ-руу чиглэлтэй тусгай хөтөлбөрт сургалтад хамрагдах, туршлага судлах аялал хийх боломж бүрдэх юм. Мөн мэргэжлээс үүдэлтэй өвчлөлийг урьдчилан оношилж илрүүлэх, эмчилгээний аялал, бусад эрүүл мэндийн хөтөлбөр хэрэгжүүлэх, ажилтнуудын хүүхдэд зориулсан урт болон богино хугацааны сургалт, аяллын хөтөлбөр хөгжүүлэхэд цаашид хамтран ажиллахаар боллоо.

МАЛЫН ҮЗЛЭГ УГААЛГЫН МЭДЭЭ‼️

09 / 02 0 сэтгэгдэл 112 үзсэнe

Улсын хэмжээнд шимэгчтэх өвчнөөс эмчлэн сэргийлэх арга хэмжээнд 36,6 сая мал хамрагдаж 53,5% гүйцэтгэлтэй байна. Угаалга, үзлэгт 12,1 сая мал хамруулж 41,1%, Туулгалтанд 13,3 сая мал хамрагдаж 62,4%, Боловсруулалтад 9,8 сая мал хамрагдаж 61,7%, Үхрийн арьсний гуурын боловсруулалтад 874,3 мянган мал хамрагдаж 49,4%

АДУУНЫ НИЙЛҮҮЛГИЙН ӨВЧНӨӨС ЭРҮҮЛЖҮҮЛЭХ ТӨСЛИЙН БАГИЙН ГИШҮҮДТЭЙ УУЛЗЛАА

08 / 30 0 сэтгэгдэл 124 үзсэнe

Япон Улсын Жайка ОУБ, Шинжлэх ухаан, технологийн газрын санжүүжилтээр Мал эмнэлгийн хүрээлэн (Монгол), Япон улсын Обихирогийн Хөдөө Аж Ахуй, Мал Эмнэлгийн Их Сургуультай хамтран “Халдварт өвчний судалгаа, хяналтын тогтолцоог боловсронгуй болгох замаар адууны нийлүүлгийн өвчнөөс эрүүлжүүлэх нь” шинжлэх ухаан технологийн САТРЕПС төслийг хэрэгжүүлж эхлэхээр ажиллаж байна. Мал эмнэлгийн ерөнхий газрын дарга А.Нарантуяа төслийн багийг хүлээн авч уулзан мал эмнэлгийн оролцоо хамтын ажиллагаа, адууны нийлүүлгийн өвчнөөс урьдчилан сэргийлэх, тэмцэх, адуунд хийгдэж буй шинжилгээ оношилгооны чадавх, хорио цээрийн хяналт, малын эмч, малчдыг мэдээ, мэдээллээр хангах зэрэг ажлын хэрхэн оновчтой хэрэгжүүлэх талаар ярилцлаа. Төслийг Мал эмнэлгийн хүрээлэн хэрэгжүүлж, МЭХ-ийн Молекул генетикийн лаборатори, Эмгэг судлалын лаборатори, Үржлийн эмгэг даавар судлалын лабораторийн судлаачид, ХААИС-ийн Мал эмнэлгийн сургуулийн эх барих, мэс заслын зарим багш нар хамтран оролцоно. Монгол улсад нийлүүлгийн өвчнийг устгах, бүрэн хяналтанд оруулах зорилготой 4 жилийн хугацаатай хэрэгжих бөгөөд дараах ач холбогдолтойг шинжлэх ухааны салбарын эрдэмтэд онцоллоо. Адууны өвчлөлийн өнөөгийн байдлыг сонгогдсон аймгуудад тандалт, хийх ялангуяа нийлүүлгийн өвчний байдал, Монголын адууны аж ахуйн салбар болон менежементийн тогтолцоог боловсронгуй болгох санал боловсруулах Адууны нийлүүлгийн өвчний хяналтын тогтолцоог сайжруулж, орчин үеийн үржлийн инженерчлэлийн аргыг нутагшуулах (Төв, Дорнод, Булган, Сэлэнгэ, Орхон) Адууны нийлүүлгийн өвчний эрт илрүүлэг болон үржүүлгийн биотехнологийн мэдлэг болон арга барилд мэргэшсэн хүний нөөц бэлтгэх Монгол улсад мөрдөгдөх малын хорио цээрийн тогтолцооны загварыг боловсруулж Монгол улсын засгийн газарт хүргүүлэх 2022 оны мал тооллогын дүнгээр Монгол улс 4.8 сая толгой адуу тоолоогдсон бөгөөд Монгол, Тэс, Галшар, Мянгад, Өндөршил, Говь-шанх, Дархад зэрэг үүлдэр, омгийн адуу нутагшдаг. Энэхүү төслийг хэрэгжүүлснээр Монгол адууны өвөрмөц чанарт үндэслэн адууны гаралтай бүтээгдэхүүн үйлдвэрлэл, морин уралдаан, аялал жуулчлал, биологийн олон янз байдлын өвөрмөц онцлог, давуу талыг тусгасан шинэ үйлдвэрлэл, үйлчилгээ бий болгох бүрэн боломжтой юм.

ОРХОН АЙМАГТ АДУУНЫ НИЙЛҮҮЛГИЙН ӨВЧНИЙ ТАНДАЛТ ХИЙЛЭЭ

08 / 30 0 сэтгэгдэл 184 үзсэнe

Шинэ хөдөө төслийн хүрээнд Мал эмнэлгийн хүрээлэнтэй хамтран Орхон аймгийн нийт адуун сүргээс үржлийн насны азарга, гүүнд адууны нийлүүлгийн өвчний шинжилгээг хийж тархалтыг хэмжих буюу халдварлалтын түвшинг тогтоох, шинжилгээ, судалгааны ажлыг амжилттай зохион байгууллаа. Тандалт шинжилгээг адуун сүрэг буюу үржлийн адуунаас (хээлтэгч, хээлтүүлэгч) цусны дээж авах ажлыг 179 өрхийн 5500 адуу хамруулахаар төлөвлөж, Орхон аймгийн газар нутаг, хил залгаа Булган, Сэлэнгэ, Хөвсгөл, Дархан, Сэлэнгэ аймгийн тодорхой бүсийн адуун сүргээс дээж авч судалгаанд 5 аймгийн 17 сумын 202 өрхийн 5474 адуу хамрагдсан. Үзлэгээр судалгаанд хамрагдсан адуун сүрэгт адууны нийлүүлгийн өвчний ил шинж тэмдэг илрээгүй ч, нууц халдварын үед малын эмч, малчид, уяачид уг өвчнийг илрүүлэн оношлох боломжгүй бөгөөд, адууны үржил, шилжилт хөдөлгөөн, голомтын шилжилт, халдварлалтыг түргэн хугацаанд шинжлэх ухааны үндэслэлтэй хянах, хязгаарлах боломжтой юм. Цаашид шилжилт хөдөлгөөн, нийлүүлэгт ашиглах зорилго бүхий адуу бүрийг нийлүүлгийн өвчний шинжилгээнд хамруулах, эрүүл эсэхийг тогтоох, халдварлалт ихтэй голомтод урьдчилан сэргийлэх арга хэмжээг хэрэгжүүлэх, хяналт тавих боломж тандалтын үр дүнгээс бүрдэж байна.

ЕСДҮГЭЭР САРД ЦАХИЛГААН ХЯЗГААРЛАХ ХУВААРЬ

08 / 30 0 сэтгэгдэл 619 үзсэнe

Цахилгаан шугам тоноглолд засвар үйлчилгээ хийх есдүгээр сарын хуваарийн мэдээллийг Улаанбаатар Цахилгаан түгээх Сүлжээ ТӨХК-аас мэдээлэв. Цаг агаарын нөхцөл байдлаас шалтгаалан хуваарьт өөрчлөлт орвол, гэрээнд бүртгэлтэй утасны дугаарт мэдээлэл хүргэх юм байна. Засварын ажлыг тухайн тоноглолыг хүчдэлээс бүрэн чөлөөлсний дараа хийдэг нөхцөл байдлыг харгалзан үзэж, хүлээцтэй хандахыг УБЦТС ТӨХК-аас хүслээ.

САЙН УУ? МОНГОЛ УЛСАД ДАХЬ ИНСАДОНГД ТАВТАЙ МОРИЛНО УУ!

08 / 29 0 сэтгэгдэл 340 үзсэнe

Хөдөө аж ахуй, хүнс, хөдөөгийн яам, БНСУ-ын Агро - Загас аж ахуй, хүнсний худалдааны корпорацтай хамтран 8-р сарын 31, 9-р сарын 1-ний өдрүүдэд Солонгос хоолны сэдэвт фестивалийг хоёр өдрийн турш зохион байгуулахаар боллоо. Энэхүү арга хэмжээ нь “Солонгосын давлагаа” соёлын хүрээнд Монголын томоохон хоолны сэдэвт арга хэмжээ болох бөгөөд олон хэрэглэгчид оролцох төлөвтэй байна. Солонгос хоолны төрөл бүрийн сэдвээр олон төрлийн арга хэмжээнүүд болох тул Монгол дахь хэрэглэгчдэд нэгэн том бэлэг болох ажээ. Энэхүү арга хэмжээнд бид Солонгосын уламжлалт загварт суурилсан олон сэдэвчилсэн асруудаар зочлон Солонгосын төрөл бүрийн амтыг харуулахаар төлөвлөж байна. Халуун ногоотой гоймон болон кимчиний хослолыг амтлах боломжтой HOT ZONE, Солонгос алдарт Хану үхрийн мах, шинэхэн эрүүл жимсийг амтлах FRESH ZONE, эрүүл мэндийн бүтээгдэхүүн болон хоолны нэмэлт бүтээгдэхүүнийг амтлах боломжтой NUTRITIOUS ZONE, кимбаб, догбугги зэрэг жинхэнэ Солонгосын гудамжны хоолыг амтлах боломжтой STREET FOOD ZONE зэргээс бүрдэж байгаа бөгөөд бүх асрууд үнэгүй амталгаа хийх болно. Нэмж дурдахад амталгааны арга хэмжээ төдийгүй газар дээр нь өөрийн биеэр туршиж үзэн бүтээгдэхүүнийг худалдан авах боломжтой юм. Мөн энэхүү арга хэмжээг "Voice of Mongolia" нэвтрүүлгийн хөтлөгч Ө.Эрхбаяр хөтлөх бөгөөд Favway, Tuvshinty margin-bottom:0.0001pt;line-height:normal;font-size:15px;font-family:Arial, sans-serif;text-align:justify;"> Та бүхэн тэдэнтэй биечлэн уулзах боломжтой бөгөөд Солонгос хоолны сэдэвтэй Хоол хийх сургалт, K-Food тэмцээн, Meta-Game, Quiz зэрэг олон сонирхолтой тэмцээн, хөтөлбөрүүд байх болно. Түүнчлэн энэхүү арга хэмжээнд оролцож буй түнш компаниудын бэлтгэсэн хөгжөөнт арга хэмжээнд оролцож, төрөл бүрийн гарын бэлгийг авах боломж бүрдэж байгаа нь дотоодын хэрэглэгчдийн анхаарлыг ихээхэн татаж байна.

ДУУ ЦАХИЛГААНТАЙ ААДАР БОРОО ОРОХЫГ АНХААРУУЛЖ БАЙНА

08 / 29 0 сэтгэгдэл 680 үзсэнe

Цаг уурын байгууллагын ирүүлсэн мэдээгээр маргааш буюу 2024 оны наймдугаар сарын 30-нд баруун аймгуудын нутгийн зарим газар, төвийн аймгуудын нутгийн баруун болон хойд хэсгээр, наймдугаар сарын 31-нд баруун аймгуудын нутгийн зүүн хэсэг, төв болон зүүн аймгуудын ихэнх нутаг, говийн аймгуудын нутгийн зарим газраар, есдүгээр сарын 1-нд нутгийн зүүн хэсгээр, есдүгээр сарын 2-нд баруун аймгуудын нутгийн баруун хэсгээр бороо, дуу цахилгаантай аадар бороо орно. Иймд: Мэргэжлийн байгууллагаас гаргаж байгаа мэдээ, мэдээллийг тухай бүрт хүлээн авч, сэрэмжлэх Дулаан хувцаслах, шүхэр, усны гутлаа авах, Хол, ойрын замд гарахдаа бэлтгэл бэлэн байдал, аюулгүй байдлаа хангах, Гол, усны ойролцоо амарч зугаалахдаа сонор сэрэмжтэй байх, анхааруулсан газарт хоноглож, отоглохгүй байх, Баталгаат зам гарцаар зорчиж, эрүүл мэнд, эд хөрөнгө, амь насаа болзошгүй эрсдэлд орохоос урьдчилан сэргийлэхийг ОБЕГ-аас анхааруулж байна.

ТОГЛООМЫН ТАЛБАЙД ДАЙРУУЛСАН ХҮҮХДҮҮД НЬ ХАВСАРСАН ГЭМТЭЛТЭЙ ГЭХ ОНОШООР ХЭВТЭН ЭМЧЛҮҮЛЖ БАЙНА

08 / 29 4 сэтгэгдэл 4 087 үзсэнe

Өчигдөр /2024.08.28/ приус маркийн тээврийн хэрэгслийн жолооч хүүхдийн тоглоомын талбай мөргөж, улмаар олон хүүхэд гэмтсэн зам тээврийн осол гарсан. Тодруулбал, Хан-Уул дүүргийн дөрөвдүгээр хороо "Шинэ өргөө" хорооллын хүүхдийн талбайг Приус-20 маркийн тээврийн хэрэгсэл жолооч Б гэгч нь дайрч, дөрвөн хүүхэд мөргөж гэмтээсэн. Энэ талаарх дуудлага мэдээллийг цагдаагийн байгууллага өнөөдөр 13:12 цагт хүлээн авч шалгахад иргэн Б нь Приус-20 маркийн тээврийн хэрэгсэл жолоодож явахдаа хүүхдийн тоглоомын талбай руу орж тоглож байсан явган зорчигч 6-9 насны нийт 4 хүүхдүүдийг мөргөж гэмтээсэн байдаг. Уг хэргийг Тээврийн цагдаагийн албаны Мөрдөн шалгах хэлтэс шалгаж байгаа юм. Хүүхдүүдийн биеийн байдал ямар байгаа талаар ГССҮТ-өөс тодруулахад "Гурван хүүхдийг хавсарсан гэмтлийн цээжний хөндийн зөөлөн эд болон гар шууны хугаралтай гэх оношоор хэвтэн эмчлүүлж байна. Харин нэг хүүхдийг ГССҮТ-ийн амбулаториор үзлэгт шинжилгээнд хамруулж байгаа" гэлээ.

ШУГАМ ХООЛОЙН ЗАСВАРЫГ ИРЭХ САРЫН 15-НЫ ДОТОР ДУУСГАХЫГ ҮҮРЭГ БОЛГОЛОО

08 / 29 0 сэтгэгдэл 406 үзсэнe

Улаанбаатар хотын хэмжээнд нийт 390 гаруй км урттай дулааны шугам сүлжээ байдаг бөгөөд эдгээрийн ихэнх нь 30-60 жилийн насжилттай. Нийслэл хотын орон сууц, аж ахуйн нэгж, байгууллагын тоо нэмэгдэж, дулааны хэрэглээ өссөнтэй холбогдуулан шугам сүлжээг өргөтгөх хэрэгцээ шаардлага үүссэн. Тиймээс энэ жил нийт 18 байршилд 15.6 км дулааны магистраль шугамыг шинэчилж буй. Шугам хоолойн засвар, шинэчлэлийн ажил өнгөрсөн долоодугаар сард эхэлсэн бөгөөд шугам сүлжээний их засварыг гүйцэтгэхдээ шугам хоолойн хэмжээг өргөтгөж шинэчилж буй. Жамъяангүний гудамж УДЭТ-аас Багшийн дээд хүртэлх 900 метр хос шугамыг шинэчлэх ажил өнгөрсөн долоодугаар сард эхэлсэн. Гүйцэтгэгчээр “Рутан” ХХК ажиллаж байна. Сүхбаатар дүүргийн 1,6,8 дугаар хорооны хэрэглэгчдийг дулааны эрчим хүчээр хангадаг тус шугам хоолойг анх 1959 онд ашиглалтад оруулж, түүнээс хойш засвар шинэчлэлтийн ажлыг гүйцэтгээгүйн улмаас насжилтын хугацаа дууссан. Үүнтэй холбоотойгоор дээрх байршлын 2Ф350 мм-ийн голчтой 0.95 хос.км шугамыг 2Ф500 мм-ийн голчтой болгон өргөтгөж байна. Шугам хоолойн засвар, шинэчлэлийн ажилтай холбогдуулан Улаанбаатар хотын Ерөнхий менежер Ц.Төрхүү дээрх байршилд ажиллаж, гүйцэтгэгч компанид 09 дүгээр сарын 15-аас өмнө шугам хоолойн засвар, шинэчлэлийн ажлыг дуусгахыг үүрэг болголоо. Шугам хоолойн шинэчлэлийн ажил дууссаны дараагаар нийслэлийн Авто замын хөгжлийн газраас дээрх байршилд авто замын хучиж, тохижилтын ажлыг эхлүүлнэ. Эх сурвалж: НЗДТГ, ХМОНХХ

СОНГУУЛЬД ӨВДӨГ ШОРООДСОН П.АНУЖИН, Б.ЖАРГАЛМАА НАР ЕРӨНХИЙЛӨГЧИЙН ЗӨВЛӨХӨӨР АЖИЛЛАНА

08 / 29 0 сэтгэгдэл 603 үзсэнe

УИХ-ын сонгуульд өвдөг шороодсон Ардын намын гишүүд албан тушаалд очиж, амиа борлуулж эхэлсэн. Өмнөх парламентын МАН-ын бүлгийн дарга Д.Тогтохсүрэн саяхан Монголросцветмет төрийн өмчит компанийн захирлаар томилогдсон бол мөн сонгуульд ялагдал хүлээсэн УИХ-ын дарга асан Г.Занданшатар ч Ерөнхийлөгчийг "түшиж", түүний Тамгын газрын даргаар нь томилогдоод удаагүй байгаа билээ. Тэгвэл удахгүй УИХ-ын гишүүн асан П.Анужин, Б.Жаргалмаа нар Монгол Улсын Ерөнхийлөгч У.Хүрэлсүхийн зөвлөхөөр томилогдох гэнэ. П.Анужин, Б.Жаргалмаа нар өмнө нь Сонгинохайрхан дүүрэгт нэр дэвшиж, Д.Сумъяабазар, Х.Нямбаатар нар чирж, гишүүн болгосон гэдэг. Б.Жаргалмаад харин нам нь 2024 оны сонгуульд нэр дэвших квот өгөөгүй бол П.Анужин бууриа сэлгэж, зүүн бүст нэр дэвшсэн. Гэвч зүүн бүст МАН-аас сонгогдсон бүх гишүүн ялалт байгуулсан ч ганц П.Анужин ялагдсан юм. Монгол Улсын Ерөнхийлөгч У.Хүрэлсүхийн эрүүл мэнд, нийгмийн асуудал хариуцсан зөвлөх Т.Мөнхсайхан нь 2024 оны сонгуульд Хан-Уул дүүргээс сонгогдож, Эрүүл мэндийн сайд болсон учраас түүний оронд П.Анужинг томилох гэнэ. Мөн Ерөнхийлөгчийн зөвлөх З.Мэндсайханы оронд Б.Жаргалмааг томилох гэнэ.