ШӨХТГ-ЫН ДАРГААР С.МӨНХЧУЛУУНЫГ ТОМИЛЛОО

04 / 15 0 сэтгэгдэл 830 үзсэнe

Засгийн газрын ээлжит бус хуралдаан үргэлжилж байна. Хуралдаанаар Шударга өрсөлдөөн хэрэглэгчийн төлөө газар/ШӨХТГ/-ын даргаар С.Мөнхчулууныг томилжээ. Өнгөрсөн нэгдүгээр сарын 19-ны өдөр ШӨХТГ-ын даргаар Т.Гантулгыг томилсон ч тэрбээр өөрийн хүсэлтээр чөлөөлөгдөх хүсэлтээ өгсөн байна. С.Мөнхчулуун нь 1979 онд төрсөн. 1997-2001 онд Техникийн их сургуулийг механик инженер, 2011-2013 онд Удирдлагын академийг төрийн удирдлагын магистр зэрэгтэй тус тус төгсжээ. Түүний ажилласан байдал 2009-2010 онд Нийслэлийн Өмчийн харилцааны газар, Бүртгэлийн мэргэжилтэн, 2010-2012 онд Нийслэлийн Өмчийн харилцааны газар, Төр, хувийн хэвшлийн түншлэл, концессын хэлтсийн дарга, 2012-2016 онд Сонгинохайрхан дүүргийн Засаг даргын Тамгын газрын даргаар тус тус ажиллаж байжээ.

ХАРДАЛТЫН УЛМААС ТОМ ХҮҮГЭЭ ХӨНӨӨГӨӨД ҮЛДСЭН ГУРВАН ХҮҮХДЭЭ АЛАХ ГЭЖ БАЙСАН ЭХИЙГ СААТУУЛЛАА

04 / 15 0 сэтгэгдэл 918 үзсэнe

Баянзүрх дүүргийн 28-р хорооны нутаг дэвсгэрт амьдардаг, 33 настай хосууд маргалдаж, улмаар 13 настай том хүүгийнхээ амийг хөнөөсөн ОНЦ НОЦТОЙ ГЭМТ ХЭРЭГ өнөөдөр буюу дөрөвдүгээр сарын 15-ны өглөө 08:00 цагийн үед гарчээ. Хосууд 13,12,9,1 насны дөрвөн хүүхэдтэй бөгөөд том хүүгээ хөнөөсний дараа үлдсэн гурван хүүхдээ хөнөөгөөд өөрсдийнхөө амийг хөнөөх гэж байсан аж. Улмаар цагдаагийн алба хаагчид хэргийг шуурхай илрүүлж, гурван хүүхдийг хамгаалалтад авсан бол эцэг эхийг шуурхай баривчилжээ. Эх сурвалжийн мэдээлж буйгаар цагдаагийн алба хаагчид хэргийн газарт яг одоо ажиллаж байгаа бөгөөд мөрдөн шалгах ажиллагааг эхлүүллээ.

ТУСГАЙ ХҮЧНИЙ ЦЭРГИЙН КОМАНДЛАЛААС БАЙЛДААНЫ БОЛОН СУРГУУЛИЙН ЗОРИУЛАЛТТАЙ ТЭСЭРЧ ДЭЛБЭРЭХ ЗҮЙЛ ИЛРҮҮЛЖ АЮУЛГҮЙ БОЛГОЖЭЭ

04 / 15 0 сэтгэгдэл 813 үзсэнe

Тодруулбал: Хэнтий, Сэлэнгэ аймгийн Засаг даргын Тамгын газрын Цэргийн штабаас хүргүүлсэн “Байлдааны болон сургуулийн зориулалттай тэсэрч дэлбэрэх зүйл илэрлээ” гэх дуудлагын дагуу ЗХЖШ-ын даргын тушаал, Тусгай хүчний цэргийн командлагчийн үүрэг, даалгавраар Зэвсэгт хүчний 084 дүгээр ангийн Тэсэрч дэлбэрэх зүйлсийн хайгуул, устгалын томилгоот бүлэг 2022 оны 04 дүгээр сарын 12-ны өдөр Хэнтий аймгийн Өмнөдэлгэр сумын Баянзүрх багийн нутаг дэвсгэр Тэнүүний холбоо толгойн бэлд, Зэвсэгт хүчний 330 дугаар ангийн Тэсэрч дэлбэрэх зүйлсийн хайгуул, устгалын томилгоот бүлэг 04 дүгээр сарын 13-ны өдөр Сэлэнгэ аймгийн Сүхбаатар сумын 6 дугаар багийн нутагт тус тус үүрэг гүйцэтгэлээ. Хайгуул устгалын бүлгүүд нийт 4 нэр төрлийн 9 ширхэг сум, галт хэрэглэлийг илрүүлснээс сургуулийн зориулалттай 73 мм-ийн громм их бууны сум 1 ширхэг, 115 мм-ийн танкны сум 6 ширхэг, 100 мм-ийн танкны сум 1 ширхэг, тэсрүүлэгчтэй 76 мм-ийн марк тодорхойгүй 1 ширэг их бууны сум зэрэг байсан бөгөөд аймаг, орон нутгийн суурьшлын бүсэд иргэдийн амь нас, эд хөрөнгөнд ноцтой хохирол учруулж болох эдгээр сум, галт хэрэгслийг цаг алдалгүй аюулгүй болгож, үүргээ амжилттай гүйцэтг эсэн талаар Тусгай хүчний цэргийн командлалаас мэдээллээ .

ӨВӨРХАНГАЙ АЙМГИЙН ТАРАГТ СУМЫН АЛТАНТАЛ БАГИЙН НЭГ АЙЛЫН ГУРВАН ТУСЛАХ МАЛЧНЫГ ХАЙЖ БАЙНА

04 / 15 0 сэтгэгдэл 457 үзсэнe

Тодруулбал: Өвөрхангай аймгийн Тарагт сумын Алтантал багийн “Хадатын-Эх зүлэгт” гэдэг газар мал хариулж явсан гурван хүн сураггүй болжээ. Тус газар нь сумын төвөөс зүүн урд зүгт 55 км-т, аймгийн төвөөс баруун урд зүгт 20 км-т байрладаг. Тухайн үед малчдын хоёр нь мотоциклоор, нэг нь явганаар явж байсан бөгөөд. Тэд сураггүй болсон тухай дуудлагыг онцгой байдлын албан хаагчид өчигдөр 22:40 цагт хүлээн авсан байна. Аймгийн Онцгой байдлын газрын алба хаагчид 25 км зам туулан 03:55 цагт очиж, малчин А-гийн туслах малчин Н /58 настай, эмэгтэй/, А /47 настай, эрэгтэй/, Н /25 настай, эрэгтэй/ нарыг эрэн хайжээ. Тухайн газарт 5-7 м/с хүчтэй цасан шуурга шуурч.

С.АМАРСАЙХАН: ИПОТЕКИЙН ЗЭЭЛ 6 ХУВИАС БАГА БАЙХ БОЛОМЖТОЙ

04 / 14 0 сэтгэгдэл 891 үзсэнe

Шадар сайд С.Амарсайхан: “Монголбанкнаас санхүүжилт нь гарч арилжааны банкуудаар дамжин иргэдэд хүрдэг уг хөтөлбөрөөс “Монголын Ипотекийн корпораци” зуучилсан гэдгээрээ иргэдийн сар бүр төлдөг төлөлтөөс хувь авч байна. МИК дундаас нь хувь авдаггүй бол монголчууд ипотекийн 8 хувийн зээлийг 5-6, одоогийн 6 хувийн зээлийг 5 хувиар авах боломжтой байсан. Тиймээс энэ асуудлыг цааш нь илүү нухацтай авч үзэж, бодит үр дүнд хүртэл нь тууштай анхаарч ажиллана” хэмээв. Хөтөлбөрийн эхний жилд буюу 2013 онд 6600 өрхөд 900 тэрбум төгрөгийн зээл олгосон бол түүнээс хойш санхүүжилт буурсаар 2020 онд 5800 өрхөд 409 тэрбум төгрөгийн орон сууцны зээл олгосон байна. Одоогийн байдлаар Монгол Улсын 900 мянган өрхийн 11 хувь нь ипотекийн зээлтэй байгаа аж.

Б.ЭНХБАЯР: 20 ТЭРБУМ АМ.ДОЛЛАРЫГ ХУСАХ ГЭЖ БАЙНА

04 / 14 0 сэтгэгдэл 524 үзсэнe

УИХ-ын чуулганы үдээс хойших хуралдаанаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслийн хэлэлцүүлгийг хийхэд, МАН-ын бүлэг завсарлага авлаа. Хурлын үеэр УИХ-ын гишүүн Д.Тогтохсүрэн "Энэ хуульд гишүүд өөр өөр санал бодолтой байгаа учраас нэгтгэх зорилгоор МАН-ын бүлэг ажлын таван өдрийн завсарлага авч байна" гэж мэдэгдсэн юм. Хэлэлцүүлгийн шатанд УИХ-ын гишүүн Б.Энхбаяр "Бид тендерийн хуулийг хүчингүй болгочих хэрэгтэй. Жижиг жижиг ажил бол бичгийн цаасан дээр хийгдэх юм байна. Том ажил, 20 тэрбум ам.долларын ажил тендергүй хийгдэх гэж байна. Томчууд нь хувааж найрлах гэж байна. Хамгийн том хулгайг хуулиар хийдэг гэдэг. Гэтэл 20 тэрбум ам.долларыг хуульгүйгээр хусах гэж байна" хэмээв .

АВТОМАШИНД АНДУУРЧ СУУСАН 10 НАСТАЙ ХҮҮГ ЭСЭН МЭНД ОЛЛОО

04 / 14 0 сэтгэгдэл 771 үзсэнe

Баянхонгор аймгийн Баянхонгор сумын Номгон багт дөрөвдүгээр сарын 13-ны 13:00 цагийн орчимд бага насны хүүхэд хичээлдээ явна гэж гараад сураггүй бол ж эрэн хайх ажиллагаанд хүч нэмэгдүүлэн ажиллах тухай хүсэлтийг Онцгой байдлын ерөнхий газар тус аймгийн Цагдаагийн газраас дөрөвдүгээр сарын 14-ний өдрийн 01:57 цагт хүлээн авчээ. Эрэн хайх явцад дөрөвдүгээр сарын 14-ний өдрийн 07:20 цагт тус аймгийн Галуут сумын Соёлын төвийн үйлчлэгч Ц хүүгийн ар гэрийнхэнтэй утсаар холбогдож, “Хүүхэд 04.13-ны 19:00 цагийн орчимд Галуут суманд ирсэн” тухай мэдэгдсэн тул эрлийг зогсоосон байна. Хүүхдийн гэр Эрдэнэцогт суманд байдаг бөгөөд Баянхонгор суманд хамаатныдаа түр амьдарч, сургуульд явдаг байв. Хүү Эрдэнэцогт сум дахь гэртээ харих гэж автомашин андуурч суугаад Галуут суманд очсон байжээ.

ОХУ ГУРИЛ БОЛОН НАРАНЦЭЦЭГИЙН ТОСОНДОО КВОТ ТОГТООЛОО

04 / 14 0 сэтгэгдэл 646 үзсэнe

ОХУ-ын Хөдөө аж ахуйн яам наранцэцэгийн тос, гурилын экспортод квот тогтоох тушаал гаргажээ. Наранцэцэгийн тосны квотыг 54 компанид хуваарилсан бөгөөд экспортлох нийт хэмжээ 1.5 сая тонн байх бол гурил экспортлох квотыг 700 мянган тонноор тогтоожээ. Уг тушаал маргааш буюу дөрөвдүгээр сарын 15-аас 2022 оны наймдугаар сарын 31-ний өдрийг хүртэл хүчинтэй аж. Дэлхийн зах зээлд наранцэцэгийн тос, тосны үрийн үнэ огцом өссөн тул экспортод квот тогтоох арга хэмжээ авч байна гэж тайлбарлажээ. Нөгөө талаар экспортын хязгаарлалт нь барууны хоригийн улмаас хүнд байдалд ороод буй дотоодын зах зээлийг хамгаалах зорилготой.

ГУДАМЖИНД ХАЯГДСАН НЯРАЙН АСУУДЛААР МЭДЭЭЛЭЛ ХИЙЛЭЭ

04 / 14 0 сэтгэгдэл 868 үзсэнe

Нярай хүүхдийг эцэг, эх нь гудамжинд хаяж авсан асуудлын талаар Гэр бүл, хүүхэд, залуучуудын хөгжлийн газраас мэдээлэл хийлээ. Энэ талаар Нийслэлийн ГБХЗХГ-ын хүүхдийн хөгжил, хамгааллын хэлтсийн дарга Н.Хөхөө "Өчигдөр Налайх дүүрэгт болсон явдалтай холбоотойгоор манай байгууллага, Цагдаагийн байгууллагатай хамтран газар дээр нь очиж ажилласан. Ингээд тухайн хүүхдийн эцэг, эх хүүхдээ асран хамгаалах чадваргүй, согтуурсан байдалтай байсан учраас Цагдаагийн байгууллага эцэг, эхийг нь эрүүлжүүлсэн. Одоогоор тэднээс мэдүүлэг авч, хэргийг шалгаж байгаа. Харин манай байгууллагаас өчигдөр Хүүхэд хамгааллын үйлчилгээ үзүүлэх журмын дагуу эрсдэлийн нөхцөл байдал, хүүхдийн хүчирхийллийн болон хүүхдийн гэр бүлийн байдлын нөхцөл байдлын үнэлгээг газар дээр нь хийсэн. Ингээд бага насны, нярай хүүхдийн эцэг эх асран хамгаалах чадваргүй байсан тул журмын дагуу хүүхдийг түр хамгаалах байранд аваад байна. Хүүхэд хөхүүл учраас угжинд дасаагүй нь санаа зовоож байна. Гэхдээ бид аль болох хүүхдийг угжаар хооллоход дасгах арга хэмжээг авч байгаа. Түүнчлэн хүүхдийн эрүүл мэнд, хооллолттой холбоотойгоор ээжээс нь аль болох салгахгүй байх бодлогыг барина. Гэхдээ эрсдэл өндөр буюу хүүхдэд аюултай гэж үзвэл заавал хүүхдийг ар гэрт нь эргэн нэгтгэх шаардлагагүй. Эдгээр нь Цагдаагийн байгууллага болон хорооны хамтарсан хурлаар тодорхой болно” гэдгийг мэдээллээ. Мөн тэрбээр "Одоогоор тухайн гэр бүл хүүхдэд үл хайхрах хүчирхийлэл үйлдсэн, хүүхдийн дэргэд архидан согтуурсан гэх дүгнэлт гарсан. Иймд гэр бүлд 300 мянган төгрөгийн торгуулийг Зөрчлийн хуулийн дагуу ногдуулна. Гэхдээ цагдаагийн байгууллагаас эцэг эхийн согтуурлын зэрэг гэх мэт мэдээллийг ирүүлэх шаардлагатай. Тухайн хүүхдэд ээж аав нь бие махбодийн хохирол учруулсан эсэхийг хамтарсан баг шалгана. Энэ багт хорооны нийгмийн ажилтан, хүүхдийн эрхийг хамгаалагч, цагдаагийн байгууллагын төлөөлөл багтдаг. Энэ явдлыг анх харсан иргэн мэдээлэх үүргээ биелүүлээгүй. Хүүхдийн 108 утас үнэ төлбөргүй. Хүүхдийг газар байхад харсан иргэн 102, 108 дугаарын утсанд дуудлага өгөөгүй. Цахим орчинд мэдээллийг байршуулсан. Иргэд энэ тохиолдолд шууд 108 руу хандаарай. Иргэн хүүхэд газарт 2-3 минут байсан, ээж аав нь хоорондоо маргасан гэж бидэнд мэдээлсэн. Хүүхдийн нус гоожсон байдалтай байна. Бусдаар эрүүл мэнд нь хэвийн" хэмээв.

С.БЯМБАЦОГТ: ИРГЭДДЭЭ ХУДАЛ ХЭЛЖ ХҮЛЭЭЛТ ҮҮСГЭХ ХЭРЭГГҮЙ

04 / 13 0 сэтгэгдэл 693 үзсэнe

УИХ-ын чуулганы өнөөдрийн хуралдаанаар Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуулийн төслийг хэлэлцлээ. Хэлэлцүүлгийн үеэр УИХ-ын гишүүн С.Бямбацогт “Нөхцөл байдал амаргүй байгаа нь үнэн. Ард иргэддээ “гайгүй байна, болж байна, бүтэж байна” гэж худал хэлж хүлээлт үүсгэхгүйгээр нөхцөл байдлаа хүлээн зөвшөөрч хэрхэн шийдвэрлэх, хохирол багатай хэрхэн давах туулах тал дээр анхаарч ажиллах хэрэгтэй байна. Олонх нь цөөнхөө даапаалаад, цөөнх нь олонхио шүүмжлээд, алдаа хийдлээ аль нэг рүүгээ чихээд ард нь гарахгүй. Монгол Улс, монголчууд бид бүгдээрээ л нэг зорилготой, нэг л жаргал зовлонтой гэдгээ ухаарах цаг. Хоёр хөрш маань нэг нь цар тахлын нөхцөл байдлаас үүдээд хөл хориотой, нөгөө нь дайны байдлаас болоод олон улсын хоригт орчихлоо. Үүнээс үүдээд дунд нь байдаг бид хоригийн хоригт орчихлоо. Энэ нөхцөл байдлыг хэрхэн, зөв, бага эрсдэлтэй давах вэ гэдэг дээр өнөөдөр байгаа нөхцөл байдлаа зөв үнэлж дүгнэж анхаарч ажиллах тал дээр анхаарах нь зүйтэй. Дэлхийн зах зээл дэх бараа бүтээгдэхүүний үнийн өсөлт, хомсдол, валютын ханшийн өсөлт, төгрөгийн ханшийн сулрал, тээвэр ложистикийн гацаа бидэнд давхар цохилт болж байна. Тиймээс хүнсний, шатахууны, бараа бүтээгдэхүүний хангалттай хэмжээний нөөц бүрдүүлж, илүү эрсдэлд орохоос эртнээс сэргийлэх ёстой. Стратегийн ач холбогдол бүхий бараа бүтээгдэхүүний буюу гурил, будаа, элсэн чихэр, эм хангамжийн нөөц бүрдүүлэх асуудалд анхаарах ёстой. Энэ чиглэлд худалдаа, бизнес эрхэлж байгаа аж ахуй нэгжийн татвараас хөнгөлөлтийн асуудал дээр бодлогын асуудал яригдсан болов уу. Хувийн хэвшилд буй нөөцийг төр худалдаж аваад, эргэлтийн хөрөнгийг нь суллаад өгөх юм бол цаана нь дахин татан авалт, дахин худалдан авалт хийгдэж Монгол Улсын нөөц 2 дахин нэмэгдэх бодит бололцоо байна” хэмээв.