КАЗАКСТАН УЛСЫН ИРГЭН МОНГОЛЫН ЗУРГААН ИРГЭНД АЛБААР ДОХ ХАЛДААЖЭЭ

09 / 28 0 сэтгэгдэл 650 үзсэнe

Казахстан улсын иргэн монгол иргэдэд албаар ДОХ тараасан хэрэг гарчээ. Тодруулбал: Бүгд Найрамдах Казахстан Улсын иргэн Б нь дархлалын олдмол хомсдолын вирус /ДОХ/ өвчин туссан гэдгээ мэдсээр байж нэр бүхий зургаан иргэнтэй удаа дараа бэлгийн харьцаанд орж зориуд халдаасан гэмт хэрэгт холбогдон, хуулийн байгууллагынхан шалгаж эхэлжээ. Улмаар Нийслэлийн прокурорын газраас Эрүүгийн хуулийн 15.6 дугаар зүйлийн 3.1-т зааснаар яллах дүгнэлт үйлдэн Төв аймгийн эрүүгийн хэргийн анхан шатны шүүхэд шилжүүлснийг шүүх саяхан шийдвэрлэжээ. Шүүхээс тус хэргийг хянан хэлэлцээд Б нь бусдын амь насанд аюул учруулж болзошгүй халдварт өвчин, дархлал хомсдолын вирус халдаах гэмт хэргийг үйлдсэн гэм буруутай байна гэж дүгнэн гурван жил зургаан сарын хугацаагаар хорих ял оногдуулахаар шийдвэрлэсэн байна. Тиймээс иргэд бэлгийн харилцаанд орохдоо хамгаалалт хэрэглэж байх нь юу юунаас чухал гэдгийг энэхүү мэдээллээр сэрэмжлүүлж байна.

АЯЛАЛЫН ВИЗЭЭР БНСУ ЯВАХ ИРГЭДИЙН АНХААРАЛД!!!

09 / 28 0 сэтгэгдэл 871 үзсэнe

БНСУ-ын Засгийн газар зургадугаар сарын 1-нээс Чэжү, Яньян нисэх онгоцны буудлаар гадаадын жуулчдыг визгүй нэвтрүүлэх шийдвэр гарсан. Шууд нислэгээр Яньян олон улсын нисэх онгоцны буудлаар дамжин Вьетнам, Филиппин, Индонез, Монголд тав ба түүнээс дээш жуулчин 15 хоног Сөүл хот хүртэл визгүй зорчиж болно. Энэ шийдвэр ирэх сарын 1-нээс 2023 оны тавдугаар сарын 31-нийг хүртэл үйлчлэхээр болсон нь олон нийтийн сонирхлыг татаж байна. Ийнхүү Солонгос руу визгүй зорчих шийдвэр гарсантай холбоотойгоор монголчууд тус улсыг зорих болоод байна. Тэгвэл ямар шалгуураар хэрхэн хамрагдаж болохыг манай сонин сурвалжиллаа. БНСУ-аас Монгол Улсад суугаа ЭСЯ-наас Яньян олон улсын нисэх буудлаар визгүй нэвтрүүлэх, аялал зохион байгуулах сонгон шалгаруулалтыг есдүгээр сарын 16-нд хийжээ. Ингэснээр иргэд шалгаруулалтад тэнцсэн Total Asia LLC, Airman LLC, Chandmani consulting LLC, Airmarket Holiday LLC, PSW LLC, Juulchin LLC, Joy mongolia travel LLC, New juulchin, Let’s travel LLC, IHC LLC компаниар зуучлуулан аялалд хамрагдах боломжтой. Тэгвэл одоогийн байдлаар “Airmarket Holiday” компани анхны шууд нислэгээ ирэх сарын 24-30-нд хийхээр төлөвлөжээ. Тус компани зургаан шөнө, долоон өдрийн аялал зохион байгуулах бэлтгэл хангасан хэмээн хэлж байлаа. Аялагчдад визгүй зорчихын тулд хэд хэдэн шаардлага тавьж байгаа. Гадаад паспорт зургаан сараас дээш ашиглах хүчинтэй хугацаатай байх. Өмнө нь БНСУ-д амьдарч байсан бол хууль бусаар оршин суугаагүй. Оршин сууж байх хугацаандаа цагдаагийн газар бүртгэгдээгүй байх ёстой юм. Эдгээр шаардлагыг хангасан бол дараагийн алхам нь www.airmarket.mn цахим руу орж Яньян-Сөүл анкетыг бөглөх эрх нээгдэнэ. Анкетыг бөглөж дуусаад бүртгүүлэх боломжтой гэсэн “хариу” гарч ирсэн бол холбогдох юм байна. Үүний дараа аяллын өмнө хувь хүн болон аяллын байгууллага хэрхэн хариуцлагатай аялах талаар гэрээ байгуулж гарч болзошгүй эрсдэлээс сэргийлсэн төлбөр байршуулах ёстой. Өөрөөр хэлбэл, санамж бичигт гарч болзошгүй эрсдэлийн төлбөр болох 10 сая төгрөгийг заавал байршуулах юм байна. Хэрэв ямар нэг асуудал үүсвэл эрсдэлийн мөнгийг суутгах талаар гэрээнд тусгажээ. Тухайлбал, БНСУ-ын хорио цээрийн албанаас өгч буй шаардлагын дагуу онгоцноос буугаад ПСР шинжилгээнд хамрагдах ёстой. Шинжилгээний хариу нэг хоногийн дараа гарна. Хэрэв эерэг гарсан тохиолдолд цааш аялалд хамрагдах боломжгүй болох юм. Солонгос улсад долоо хоног тусгаарлалтад ороод дараагийн дах өдрөө шинжилгээ өгч “сөрөг” гарсан бол өөр онгоцоор буцаж ирнэ. Тусгаарлалтад байх хоногийн буудал, хоол, эм, тарианы зардлыг барьцаа мөнгөнөөс гаргана. Энэ талаар “Airmarket Holiday” компанийн гүйцэтгэх захирал Б.Баянжаргал “Монголоос зөвшөөрөөд аялж байтал хилийн ажилтан тухайн иргэнээс аяллын талаар лавлаж дүгнэлт хийнэ. Хэрэв зөрчилтэй гэж үзвэл түр саатуулах өрөөнд төлөвлөсөн онгоц буцах хугацаа хүртэл байлгадаг. Түр саатуулах өрөөний зардал нь өдрөөр бус цагаар тооцогддог. Тиймээс аяллын мэдээллээ сайн авч аялах хэрэгтэй. Ямар ч зөрчилгүй аялаад ирсэн тохиолдолд байршуулсан мөнгөн дүн бүрэн хэмжээгээрээ шилжүүлсэн дансанд орно” гэв. Аялах долоо хоногт өглөө гараад орой буудалдаа ирж болох чөлөөт хоёр өдөртэй. Энэ боломжийг ашиглаж аялахаас гадна гэр бүл, ойр дотны хүмүүстэйгээ уулзах эсвэл эмнэлгийн шугамаар ч ашиглах боломжтой гэнэ. Аяллын үнэ дөрвөн сая 290 мянган төгрөг. Төлбөрт БНСУ-д өгөх ПСР шинжилгээний төлбөр багтах юм. Үүнээс гадна санамж бичиг, УБ-Яньян-УБ онгоцны тийз, дөрвөн одтой зочид буудал, аяллын автобус, орон нутгийн хөтөч, монгол орчуулагч, хоол, үзвэр, үйлчилгээ, аяллын иж бүрэн даатгал орохоор төлөвлөжээ. “Аялах гэж буй иргэд “Монгол Улсын тав буюу түүнээс дээш хүний бүрэлдэхүүнтэй бүлэг жуулчид хамаарна” гээд өөрөөсөө гадна дөрвөн хүн хайгаад ганц, хоёроороо болохгүй гэсэн буруу ойлголттой байгаад байна. Аялахаар шийдсэн л бол ганцаараа байсан ч боломжтой. Бид бүлэг болгоод аялуулна. Цаашид долоо хоног бүрийн бямба гараг бүр аялал хийхээр төлөвлөж байгаа” гэж компанийнхан хэлж байв. Хүмүүсийн дунд 15 хоног визгүй болсон гэхээр Солонгост очиж ажил хийх боломж гарна гэх бодолтой хүмүүс цөөнгүй бий. Тэгвэл энэ виз нь ажиллах бус зөвхөн “БНСУ-ын аялал зуучлалын газар Монгол Улсын аяллын компанитай зөвшилцөн баталсан маршрутын дагуу” зөрчилгүй аялах боломжтой виз юм. Зуучлагч компани хэд хоног аялах төлөвлөгөө гаргасан тэр хугацаагаар аялах боломжтой. Тус улсад 15 хоног байх боломжтой гээд аяллын хугацаагаа дуусгаад дур мэдэн үлдэх гэсэн оролдлого хийвэл “харласан” гэж үзэж хуулийн хариуцлага тооцох юм байна. БНСУ руу визгүй аялах боломжтойг сонссон зарим компани хүмүүсээс төлбөртэй бүртгэл хийх, аяллын урьдчилгаа хийсэн тохиолдолд төлбөр хямдарна гэх байдлаар сурталчилгаа явуулж эхэлснийг анхааруулж байлаа.

АРД ТҮМНЭЭ “ӨЛӨН”-ГӨӨР ОНЦГОЙЛЖ,ТОДОТГОСОН САНГИЙН ЯАМ

09 / 28 0 сэтгэгдэл 430 үзсэнe

Хөдөлмөр нийгмийн хамгаалах яамны сайд Д.Сарангэрэл ард түмнийхээ амьдрал, амжиргааг хөлний ултай зүйрлэж олны дургүйцлийг төрүүлсэн бол Сангийн яамны санхүүжилтээр гаргасан и-баримтын талаарх ухуулга сурталчилгааны видео нь ард түмнээ өлөн, зэлмэнгээр онцлов. Тус ухуулга сурталчилгаанд ӨЛӨН хүмүүс л И Баримт уншуулж сугалаанд азаа үздэг. Тэдгээр өлөн хүмүүсийн наад захын төлөөлөл нь ТҮК-ийн ажилчид юм хэмээн Сангийн яамнаас зарлалаа! Сангийн яам нь өөрсдийн хэрэгжүүлж буй ажилд идэвхитэй оролцож буй ард түмнээ санаатай ч юм уу, санамсаргүй ч юм уу ӨЛӨН хэмээн онцолсон нь иргэдийн зэвүүцлийг төрүүлээд байна. Засгийн газар, Сангийн яам нь энгийн ард иргэд, татвар төлөгчдийнхөө өмсөх хувцас, идэх хоол, хэрэглэх бараа бүтээгдхүүнээс 10 хувийн татвар авч, шимэгч празит мэт төсвөө бүрдүүлдэг байж, ингэж аашлах эрхгүй юмсан. Татварын мөнгөн дээр дөрөөлж, төрөөс төрсөн тэрбумтнуудыг “үйлдвэрлэж” буй Засгийн газар, Сангийн яамныхан өөрсөддөө дүгнэлтээ хий. Ард түмнээ өлөн зэлмэнгээр онцгойлж, тодотгосон Сангийн яамныхан “улны айл” нэр томъёог гаргаж ирсэн Д.Сарангэрэл сайдаас ялгарах зүйл алга. Түүнчлэн, реклам сурталчилгаагаар хүний эрхийг байнга хөндөж зөрчдөг хошин шогийн алиалагчид та бүхэн хэзээ тохижилтынхныг доромжлохоо болих юм бээ? ТҮК-ийн ажилчид бол урлагийнхан шиг хэн нэгэн улс төрийн улыг долоож явдаггүй. Тэд улс нийслэлийнхээ цэвэр цэмцгэрт анхаардаг, ажил хөдөлмөрийнхөө хүчээр өнөөгийн амьдралаа босгож яваа ЖИНХЭНЭ БААТАР-ууд шүү, хошин шогийн алиалагчдаа!!!

ЧИНГЭЛТЭЙ ДҮҮРГИЙН ТӨСӨВ САНХҮҮГЭЭС 10 ГАРУЙ ТЭРБУМ ТӨГРӨГИЙН АЛДАА ЗӨРЧИЛ ИЛЭРЧЭЭ

09 / 28 1 сэтгэгдэл 507 үзсэнe

МАН-ын боловсон хүчин Н.Батсүмбэрэлээр удирдуулсан нийслэлийн томоохон дүүргийн төсөв санхүү, тайлан балансыг шалгахад нийтдээ 10 гаруй тэрбум төгрөгийн алдаа зөрчил илэрчээ. Шалгалтанд хамрагдсан харьяа байгууллагуудыг дүүргийн ЗДТГ, ИТХ хоёр нь олон үзүүлэлтээр “тэргүүлсэн” байх юм. Зөвхөн Засгийн газрын 2021 оны төсвийн хэмнэлтийн 43-р тогтоолын хэрэгжилтийг шалгахад л ЗДТГ-аас 125 сая төгрөгийн зөрчил илэрчээ.Н.Батсүмбэрэлийн “штаб” болсон энэ газраас нийтдээ 545 сая төгрөг буюу хагас тэрбумын алдаа, зөрчил илэрсэн бол ИТХ нь 108 сая төгрөгөөр араас нэхэж орж иржээ.Энэхүү олон зуун сая төгрөгийн алдаа илэрдэггүй нь шилэн дансны мэдээлэлдээ оруулдаггүй байсаных гэнэ. Бас л нөгөө ЗДТГ хөрөнгө оруулалтын зардлын 1,9 тэрбум төгрөгийн мэдээллийг ил тод оруулаагүй явсаар иржээ. Ил тод оруулахаас ичмээр зүйл ч зөндөө илэрсэн. Үүний нэг жишээ нь амралтын газрыг давхардуулан байгуулж 300 гаруй сая төгрөгийн үрэлгэн зарцуулжээ. Тус дүүрэг нь 605 сая төгрөгийн хөрөнгөтэй ахмадын амралтын газартай ч тэр нь нэг ч удаа орлого олоогүй. Гэтэл дүүргийн удирдлага ижил үйл ажиллагаа явуулдаг “Хоймор хайрхан” амралтын сувилалын газрыг ОНӨААТҮГ-аар нэмж байгуулан өнгөрсөн онд 70 сая төгрөгийн хөрөнгө оруулж, 238 сая төгрөгөөр санхүүжүүлсэн байна.

СХД-ИЙН ИРГЭДИЙГ ТӨЛӨӨЛЖ АЖИЛЛАХААР СОНГОГДДОГ Ч , СУРГАЛТАНД СУУЖ ТӨСӨВӨӨС ТӨЛСӨӨР ТӨЛӨӨЛЛИЙН ХУГАЦААГАА ӨНГӨРӨӨДӨГ ТӨЛӨӨЛӨГЧИД ...

09 / 28 0 сэтгэгдэл 476 үзсэнe

СХД-ийн ИТХ-ын сургалт дуусашгүй нь. Өмнө нь 16 сая төгрөг зарцуулан байж тансаг амралтанд “Иргэдийн хурлын үйл ажиллагаанд иргэдийн оролцоог хангахад анхаарах зарим асуудлууд” сэдэвт “маш чухал” хэлэлцүүлэг сургалт зохион байгуулсан удаатай. Энэ сургалтын дараа иргэдийн оролцоо хэрхэн нэмэгдэж сайжирсаныг дарга Б.Хуягбаатар л мэдэх байх. Тэгвэл тэрээр сонгуульт хугацаа талдаа орж байхад төлөөлөгчид нь одоо болтол багаар ажиллаж чадахгүй байгааг соргогоор олж харжээ. Ингээд ахин 13 сая төгрөг үрэн байж “Багаар ажиллах, харилцан суралцах арга барил зүй” сэдэвт чиглүүлэх гэх мэт нижгээд сургалт явуулсан байна. Өмнө нь шуудайд хийсэн үхрийн эвэр шиг байсан төлөөлөгчид сургалтын дараа хэл амаа олж багаар ажиллах чадвартай болсон эсэхийг бас л Б.Хуягбаатар хэлж чадах байх. Мөн харилцан бие биенээсээ суралцаж эхэлсэн бололтой. Энэ дүүргийн ИТХ-ын өнгөрсөн хоёр жилийн баялаг түүхээс харахад төлөөлөгчид нь суралцсаар чадавхижсаар л иржээ. Төлөөлөгч болонгуутаа л маш их зүйл сурах мэдэх ёстойгоо гэнэт ухаардаг бололтой.Үүнийг нь Б.Хуягбаатар нарын дарга олж харан “ИТХ-ын төлөөлөгчдийг чадавхижуулах арга хэмжээний зардал” гэдэг их мөнгөтэй уутнаас зардлыг нь гаргадаг. Төсөв батлахдаа ч энэ уутандаа их хөрөнгө хувиарлахаа мартдаггүй. ИТХ-ын төлөлөгчдийн дунд сонгогдохоосоо өмнө нь өөрийгөө хөгжүүлж сурж мэдсэн хүн байдаггүй тул ийнхүү сурсаар чадавхижсаар дөрвөн жилээ бардаг. Даан ч татвар төлөгчдийн мөнгөөр сурч мэдсэн зүйлээ сонгинохайрханчуудын төлөө гаргах гэсээр байтал дараагийн сонгууль даанч ойртоод ирж буй юм...

МОНГОЛ ЖОЛООЧ ХЯТАДЫН ШТАМБЫН ТАЛБАЙД МАШИНДАА НАС БАРЖЭЭ

09 / 28 0 сэтгэгдэл 1 514 үзсэнe

Өмнөговь аймагт Гашуунсухайт боомтоор тээвэр хийж байсан Монгол тээвэрчин Хятаын штамбын талбайд лацтай машин дотроо нас баржээ. Албан бус эх сурвалжуудын мэдээлж байгаагаар эрүүл мэндийн байдлаас болсон гэнэ. Чухам ямар учир шалтгаанаас ийнхүү жолооч машиныхаа бүхээгт нас барсан талаар бид холбогдох хүмүүсээс тодруулан эргэн мэдээлэх болно. Гашуунсухайт чиглэлд богины тээвэрт буюу 25 км-т 7000 орчим тээвэрчид битүүмжлэгдэн, тусгаарлагдсан орчинд хил гарч нүүрс тээвэрлэдэг. Ийнхүү тээвэр хийхдээ хил гараад кемптээ иртлээ машинаасаа огт буух эрхгүй байдаг байна. Машиныхаа бүхээгт тусгаарлагдан тээвэрт явж байгаа жолооч нарын ахуй байдал, орчин, сэтгэл зүйн байдал, эрүүл мэндэд анхаарал хандуулах цаг болсон талаар ХБҮЗ болон холбогдох бусад байгууллагуудад Баянзам тээвэрчдийн холбооноос шаардлага хүргүүлсэн байдаг. Сүүлд авсан мэдээлээр Хятадын тал жолоочийн шарилыг Монголын талд хүлээлгэн өгсөн байна.

ГАЗРЫН ТОСНЫ МЭРГЭЖИЛТЭНГ БНЭУ-ЫН ЗАСГИЙН ГАЗРЫН ТЭТГЭЛГЭЭР СУРАЛЦУУЛНА

09 / 27 0 сэтгэгдэл 392 үзсэнe

Монгол Улсын Шадар сайд С.Амарсайхан өнөөдөр /2022.09.27/ Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд Мохиндер Пратап Сингх, тус улсын Гадаад хэргийн яамны Газрын тос боловсруулах үйлдвэр болон Мэдээлэл харилцаа холбооны технологийн төв хариуцсан захирал Сридхаран болон бусад холбогдох албаныхныг хүлээн авч уулзав. Талууд Газрын тос боловсруулах үйлдвэрийн барилгын ажлыг эрчимжүүлэх хүрээнд санал солилцлоо. Монгол Улсын Шадар сайд С.Амарсайхан уулзалтын үеэр 2,3 дугаар багцийн ажлыг эрчимжүүлж, 4 дүгээр багцийн ажлыг яаралтай эхлүүлэх шаардлагатай байгаа талаар саналаа дэвшүүлсэн юм. Бүгд найрамдах Энэтхэг улсын Гадаад хэргийн яамны Газрын тос боловсруулах үйлдвэр болон Мэдээлэл харилцаа холбооны технологийн төв хариуцсан захирал Сридхаран энэ үеэр “Би 600 гаруй төсөл хөтөлбөр хариуцаж ажиллаж байгаагийн хамгийн том нь Монгол Улсад барьж буй газрын тос боловсруулах үйлдвэр юм. Тус төслийг хэрэгжүүлэхэд өнгөрсөн хугацаанд тулгамдсан асуудлууд олон байсан ч даван гарсаар байна” хэмээгээд газрын тос боловсруулах үйлдвэрийн тулгамдсан асуудлуудыг цаашид ч цаг тухай бүрд нь шийдвэрлэж, 2025 онд ашиглалтад оруулахаар ажиллаж буйгаа илэрхийллээ. Мөн Элчин сайд Мохиндер Пратап Сингх энэ үеэр тус үйлдвэрт ажиллах хүний нөөц маш чухал гэдгийг онцлоод Монгол Улсаас жилд 35 оюутан сургах шийдвэрийг 200-250 болгож нэмэгдүүлж, Энэтхэг улсад Засгийн газрын 100 хувь тэтгэлгээр сургах, төгссөн ч жил тутамд давтан сургалтад хамруулахаар болсныг Шадар сайдад уламжилсан юм. Шадар сайд С.Амарсайхан газрын тос боловсруулах үйлдвэрийн бүтээн байгуулалтын ажилд Монгол Улсын Засгийн газраас онцгойлон анхаарч, шаардлагатай бүхий л арга хэмжээг үе шаттайгаар авч хэрэгжүүлж байгааг дурдаад БНЭУ-ын Засгийн газраас гаргасан хүний нөөц бэлтгэх тухай шийдвэрийг талархан хүлээн авч буйгаа илэрхийлэв. Түүнчлэн Газрын тос боловсруулах үйлдвэрт түүхий тос дамжуулах хоолой байгуулах төслийг Монгол Улсын Засгийн газраас дэмжсэн бөгөөд удахгүй барилгын ажлыг эхлүүлэх болсон талаар онцоллоо.

ТӨСӨВ 2023: САРЫН 20 САЯ БА ТҮҮНЭЭС ДЭЭШ ТӨГРӨГИЙН ЦАЛИНТАЙ ИРГЭД 20 ХУВИЙН ТАТВАР ТӨЛНӨ

09 / 27 0 сэтгэгдэл 876 үзсэнe

Сангийн яам ирэх оны улсын төсвийн төслийг пүрэв гарагт УИХ-ын даргад өргөн барина. Сангийн яамны мэргэжилтнүүд төсвийн төслийг боловсруулж дуусжээ. Ирэх оноос эхлэн хүүхдийн мөнгийг зорилтот бүлэгт л олгоно, өндөр орлоготой иргэдэд олгохгүй талаар бид мэдээлсэн. Ингэснээр нийт хүүхдийн 80 хувьд хүүхдийн мөнгийг үргэлжлүүлэн олгоно. Мөн өмнөх хөрөнгө оруулалтуудыг дуусгах, ам.долларын гадагшлах урсгалыг хянах зорилгоор 2023 онд улсын төсвөөр шинээр барилга байшин барих гэх мэт хөрөнгө оруулалтын төслүүдийг шинээр эхлүүлэхгүй. Мөн нэг сард 20 сая ба түүнээс дээш төгрөгийн цалинтай иргэд 20 хувийн ХХОАТ (хувь хүний орлогын албан татвар) төлөхөөр төсөлд тусгажээ. Хэн илүү орлоготой, тэр хүн илүү өндөр татвар төлөх зарчимд шилжих цаг болсон гэж Сангийн яам үзэж байна. Одоо орлогын хэмжээнээс үл хамааран бүх хүн 10 хувийн, ижил хэмжээтэй татвар төлж байна. 2023 оноос эхлэн нэг сарын 10 сая хүртэл төгрөгийн цалинтай бол 10 хувийн 15 сая ба түүнээс дээш төгрөгийн орлоготой бол 15 хувийн 20 сая ба түүнээс дээш төгрөгийн цалинтай бол 20 хувийн татвар төлж эхэлнэ. Манай улсад 1.3 мянган хүн 10 сая ба түүнээс дээш төгрөгийн цалинтай. Уул уурхайн компаниуд, банкууд гэх мэт ТОП 100 ААН-ийн удирдах түвшний хүмүүс л ийм хэмжээний цалин авдаг хэмээн Сангийн яамнаас танилцуулав. Ингэхдээ иргэн А 20 сая төгрөгийн цалин авдаг бол эхний 10 сая төгрөгийн цалиндаа 10 хувийн ХХОАТ төлж, үлдсэн 10 сая төгрөгөөсөө 20 хувийн татвар төлөх аж. Ерөнхий сайд асан Ж.Эрдэнэбат нэг сарын 2.5 сая ба түүнээс дээш төгрөгийн иргэдээс илүү өндөр татвар авах санал дэвшүүлсэн ч олон нийтийн эсэргүүцлийн улмаас хэрэгжүүлж чадаагүй юм. Харин Сангийн яам энэ удаад босгыг 10 сая төгрөг хэмээн өндөр тогтоожээ. ҮСХ-ноос мэдээлснээр манай улсад дундаж цалин 1.5 сая төгрөг байгаа юм. ИРЭХ ОНЫ ТӨСВИЙН ТӨСЛИЙГ ЭДИЙН ЗАСГИЙН ЯМАР ОРЧИНД БОЛОВСРУУЛАВ? Дэлхий даяар өндөр инфляцтай байна. Инфляцын өсөлт саарч байгаа ч огцом буурахыг хүлээж болохгүй. Дийлэнх орнуудын Төв банкууд мөнгөний хатуу бодлогод шилжиж, бодлогын хүүгээ өсгөж байна. Энэ жишгээр Монголбанк бодлогын хүүг 10-аас 12 хувь болгон өсгөв. Бид удаан хугацааны турш 10 хувийн бодлогын хүүтэй явсаар ирсэн. Урд хөршийн эдийн засаг манай улсад шууд нөлөөлдөг тул тус улсын 2023 оны эдийн засгийн өсөлт бидэнд чухал. БНХАУ 2023 онд 4.9 хувиар өснө гэж Дэлхийн банк тооцоолсон бол ОУВС 4.6 хувь гэжээ. Ирэх онд манай экспортын голлох түүхий эд болох нүүрс, зэс, төмрийн хүдрийн үнэ унах эрсдэлтэй байна. Иймд болгоомжилсон бодлого явуулна гэдгээ Сангийн сайд Б.Жавхлан өнөөдөр эдийн засгийн сэтгүүлчидтэй уулзахдаа онцлов. Тэрээр “Төв банк бодлогын хүүг 11 хувьд хүргэх байх гэсэн хүлээлт надад байсан. Арилжааны банкууд ЖДҮ эрхлэгчдэд олгодог зээлээ хэдийнэ хумьсан. Одоо бодлогын хүү 12-т хүрснээр иргэдийн болон томоохон байгууллагуудад өгдөг зээлийн хэмжээ ч буурна. Энэ нь эдийн засгийн өсөлтөөс чангаана. Эдийн засгийн өсөлт саарсан бол дахин сэргээхэд цаг их орно, өртөг өндөртэй. Гэхдээ Төв банк биз даан шийдвэр гаргах эрхтэй” гэв. Хэдхэн сарын өмнө 4.1 тэрбум ам.доллар байсан гадаад валютын нөөц 2.6 тэрбум ам.доллар болж буурсан. Иймд гадаад валютын нөөцөө хадгалах шийдвэрт хүрчээ. Ингэснээр Төвбанк арилжааны банкуудын ам.доллар худалдан авах хүсэлт бүрийг хүлээн авахгүй, өнөөдөр 3301 төгрөгт хүрсэн ам.долларын үнэ ахин өсөх эрсдэлтэй. ИРЭХ ОНД ТӨСВИЙН ОРЛОГЫН СУУРИЙГ ДАРААХ БАЙДЛААР ӨРГӨТГӨНӨ: ХХОАТ-ыг шаталсан байдлаар авдаг болно. Хэн илүү орлоготой, тэр хүн өндөр татвар төлнө. 250 сая ба түүнээс дээш үнэтэй автомашины татварыг нэмнэ. Автомашины насжилтаар татвар ногдуулна, он хуучин машин илүү өндөр татвар төлнө. Тамхины татварыг нэмнэ. Цахилгаан тамхины татварыг нэмнэ. ААН-үүдийн төлдөг цахилгаан, дулааны тарифыг чөлөөлнө.

ХҮҮХДИЙН МӨНГИЙГ 100,000 ХЭВЭЭР ҮЛДЭЭЖ 80%-Д ОЛГОХООР ТУСГАЖЭЭ

09 / 27 3 сэтгэгдэл 944 үзсэнe

Сангийн яам ирэх оны улсын төсвийн төслийг пүрэв гарагт УИХ-ын даргад өргөн барина. Сангийн яамны мэргэжилтнүүд төсвийн төслийг боловсруулж дуусжээ. Ирэх оноос эхлэн хүүхдийн мөнгийг зорилтот бүлэгт л олгоно, өндөр орлоготой иргэдэд олгохгүй талаар бид мэдээлсэн. Ингэснээр нийт хүүхдийн 80 хувьд хүүхдийн мөнгийг үргэлжлүүлэн олгохоор тусгажээ. Төсвийн төслөөс харвал 2023 онд 891.8 мянган хүүхдэд сар бүр 100,000 төгрөгийн тэтгэмж олгох боломжтой аж. Сангийн сайд Б.Жавхлан "Ирэх оны төсөвт хүүхдийн мөнгө дээр 1.4 их наяд төгрөгийг тусгасан. Судалгаанаас үзэхэд хүүхдүүдэд олгож буй мөнгөний 67 хувийг бэлнээр авч ашиглаж буй бол 33 хувийг нь хадгаламжид байршуулдаг. Иргэд 100,000 төгрөгт дассан байгаа тул хэмжээг өөрчлөхгүй. Харин өндөр орлоготой өрхийн хүүхдүүдэд олгохгүй буюу хүүхдийн мөнгийг тодорхой бүлэгт өгөх нь зүйтэй гэж үзэж байна. Ингэхдээ айл өрхийн орлогоор хэрхэн ангилах вэ гэдгийг сайтар тооцоолно. Мэдээллийн бааз хангалттай бий" гэв.

ШУУРХАЙ: ЦАГДАН ХОРИХ БАЙРАНД ХОЁР СЭЖИГТЭН НАС БАРЖЭЭ

09 / 27 0 сэтгэгдэл 846 үзсэнe

Өвөрхангай аймгийн Хархорин сумд байрлах, ШШГЕГ-ын харьяа нээлттэй, хаалттай хорих 423 дугаар ангид хүмүүжигч, 2018 онд 13 жил хорих ял шийтгүүлээд дөрвөн жил гаруйн хугацаанд ял эдэлж байсан нэгэн хүн энэ сарын 12-нд ил харагдах гэмтэл шархгүй нас барсан. Тэгвэл өнгөрсөн долоо хоногийн сүүлчээр гэм буруутай, эсэхийг нь шүүх эцэслэн тогтоогоогүй байсан хоёр ч сэжигтэн хорвоог орхижээ. Тодруулбал, Сэлэнгэ аймгийн Мандал сум буюу олны нэрлэж заншсанаар Зүүнхараа дахь ШШГЕГ-ын харьяа нээлттэй, хаалттай хорих 413 дугаар ангийн Цагдан хорих байранд саатуулагдаж байсан хүн энэ сарын 22-ны 19.00 цагийн үед учир битүүлгээр нас баржээ. Дээрх сумд оршин суудаг 36 настай У гэх залуу шүүхээр хэргийг нь хэлэлцэх гэж байх үед оргосон юм байна. Тиймээс шүүгчийн захирамжаар түүнийг цагдан хорихоор болж, дээрх хорих ангид хүргэн саатуулсан аж. Түүнийг хоригдож байх үед хэн нэгэн өрөөнд нь ороогүй, ухаан алдаж, таталт өгч байгаа дүрс бичлэг нь хяналтын камерт үлдсэнийг орон нутгийн эх сурвалжууд мэдээллээ. Тэгвэл өнгөрсөн бямба гарагт Өмнөговь аймгийн Ханбогд сум дахь Шүүхийн шийдвэр гүйцэтгэх хэлтсийн Цагдан хорих байранд 64 настай Б мөн л ил харагдах гэмтэл шархгүй нас баржээ. Баянзүрх дүүрэгт оршин суух хаягтай тэрбээр бусдын амийг хохироосон хэрэгт холбогдон цагдан Шинэ Их уншсан “Монголиан эйрвейс” компанийн нисдэг тэрэг осолдлоо 5 мин Өнөөдөр дархлаажуулалтын 79 цэг ажиллана 13 мин Амралтын өдрүүдэд 13 хүн зам тээврийн осолд өртжээ 13 мин Дүнжингарав марафонд 1500 гаруй тамирчин оролцлоо 29 мин Хөгжлийн банкнаас авсан зээлээ зориулалтын бусаар зарцуулсан хэрэгт Д.Энхбаярыг буруутгав 35 мин хоригдож байсан нэгэн агаад зүрх, судасны өвчтэй, эмчийн хяналтад байсан нэгэн аж. Уг нь хорих анги, Цагдан хорих байранд их эмч нар ажилладаг. Шүүхээр гэм буруутай, эсэхийг нь эцэслэн тогтоогоогүй хүмүүс Цагдан хорих байранд бие нь муудаж байхад эмч, сувилагч нар нь үүргээ зохих ёсоор биелүүлсэн, үгүйг холбогдох байгууллагынхан шалгаж тогтоох болов уу. Дээр дурдсан Зүүнхараа дахь ШШГЕГ-ын харьяа нээлттэй, хаалттай хорих 413 дугаар ангиас наймдугаар сарын 29-нд хүмүүжигч оргосон. Хагас сарын дараа Цагдан хорих байранд нь сэжигтэн нас барсан гээд удирдлага зохион байгуулалт, сахилга хариуцлагатай холбоотой асуудал дараалан гарсныг ШШГЕГ-ын удирдлага анхааралдаа авч буй биз ээ. Г.Равжаа Эх сурвалж: Өнөөдөр сонин