МУ-ын эх үрсийн элч дуучин Ноён бондгортой дэлхийн алдартай хөгжмийн продюсер Damon хагас тэрбумын гэрээнд гарын үсэг зурлаа. Тэрээр Америк, Солонгосын к поп, Чехийн алдартай артистуудын хөгжмийн продюсер юм. Ноён бондгорыг дэлхийд гарах содон хэв маяг, хоолойтой гэж үзэн энэхүү саналыг тавьжээ. Ноён бондгорын эрс шинэчлэлт тун удахгүй...
Арваннэгдүгээр сарын 18-ны өдөр Налайх дүүргийн ЕБС-ийн 19 сурагч хордож эмнэлэгт хүргэгдсэн гэх мэдээллийг бид өмнө нь хүргэсэн. Мөн эдгээр хүүхдийн дөрвийнх нь биеийн байдал маш хүнд байсан бөгөөд ЭХЭМҮТ-д, бусад хүүхэд нь Налайх дүүргийн нэгдсэн эмнэлэгт эмчлүүлж буй тухай мэдээлсэн. Тухайн сургуулиас энэ талаар тодруулахад, “Сургуульд засвар хийгдэж байгаа тул Налайх дүүргийн Гэр бүл хүүхэд, залуучуудын хөгжлийн газрын B1 давхарт хичээллэж байсан. B1 давхрын сургалтын зориулалтаар ашиглаж байсан болохоор хичээл ороход хэвийн, агааргүй болох, агаар дутагдах асуудал байхгүй. Хичээллэх орчноос болж хүүхдүүд өвдөөгүй” гэж мэдээлж байв. Харин тус сургуулийн хордсон сурагчдын цусны шинжилгээнээс хүнцэл, хар тугалга илэрсэн байна. Хар тугалга нь хүний бие огт байх ёсгүй хүнд металл юм. Хэрэв хүний биед орсон бол сэтгэн бодох чадвар(IQ) -тай нь шууд хамааралтай болох нь нотлогдсон. Тиймээс мэргэжлийн байгууллагууд тухайн бодисууд яагаад хүүхдийн биеэс илэрснийг тогтоохоор ажиллаж байгаа аж. Эх сурвалж:Арслан.мн
Улаанбаатарчуудын хоолойд тулсан утааны асуудал түгжрэлээр солигдов. Нэг хэсэг утаа гамшиг боллоо гэж хүн бүхэн “хашхирдаг” байсан бол одоо түгжрэлтэй “дайн” зарлахаас аргагүйд хүрлээ. Тэгвэл 1.5 сая хүн ам, 650 мянган машиныг багтааж шингээгээд буй нийслэлийн хөдөлгөөнийг зохицуулах төрийн уураг “тархи” болсон Замын хөдөлгөөний удирдлагын төвөөс бид энэ удаагийн сэдвийн сурвалжлагаа бэлтгэв. Өөрөөр хэлбэл, төрийн тусгай чиг үүрэгтэй цагдаагийн алба хаагч, замын хөдөлгөөний инженерүүд хоршин хоногийн 24 цагийн турш түгжрэлтэй тэмцэх фронт дээр байнгын бэлэн байдалд нүдээ улайтал дэлгэц ширтэж суугаа. ТҮГЖРЭЛИЙН ГАЦААГЧИД БУЮУ ДҮРЭМГҮЙ ЖОЛООЧ НАР Байгуулагдаад арав гаруй жил болж буй Замын хөдөлгөөний удирдлагын төвийн үндсэн үүрэг нь хөдөлгөөнийг оновчтой зохион байгуулах буюу тэг зогссон хэсгийг “амь” оруулах юм. Үүн дээр нэмэгдээд гэрэл дохио зохицуулж, хяналтын камераар торгууль бичиж цагдаагийн байгууллага руу дамжуулна. Тэгвэл түгжрэлтэй тэмцэх “төв” цэг болсон энэ байгууллага нийслэлийг бүрэн харж, ямар арга хэмжээ авбал түгжрэл бууруулах судалгааг хамгийн үндэслэлтэй хийж байх учиртай юм. Гэтэл удирдлагын төвийн дэлгэцээс харахад замын түгжрэлд жолооч нарын ухамсар ихээхэн нөлөөлдөг аж. Үүний хамгийн тод жишээ бол оргил ачааллын үед буюу өглөө 07:00-09:00, орой 17:00-20:00 цагийн хооронд аль нэг гүүрэн дээр осол гарахад түгжрэл эрс нэмэгддэг. Тухайлбал, гурвалжингийн гүүрэн дээр осол гарлаа гэхэд 20 минутын дараа Дарь-Эхэд нөлөөлж түгжирдэг гэнэ. Гэтэл замын хөдөлгөөнд саад болж, түгжрэл нэмж байгаа яг ийм осол өдөрт 20-30 гарах энүүхэнд. Энэ талаар Замын хөдөлгөөний удирдлагын төвийн Хөдөлгөөн зохицуулалт, хяналтын хэлтсийн дарга Н.Намуу “Жолооч нар эгнээ байраа зөв эзэлдэггүй. Давхар зогсдог. Эргэх гэж зүтгээд чигээрээ хөдөлгөөнийг явуулдаггүй. Сул эгнээ рүү дайрдаг зэрэг нь замын хөдөлгөөнийг гацааж, ачааллыг нэмэгдүүлдэг. Бид хөдөлгөөн зохион байгуулалтын 650 гаруй санал өгсөн. UB traffic аппликейшнээр замын хөдөлгөөний нөхцөл байдлыг 15 секундын хоцрогдолтой хүргэдэг. Харин E police бол иргэдэд зөрчил ногдуулах биш замын хөдөлгөөний дүрмийг мөрдүүлэх зорилготой. Жолооч нар дүрмээ биелүүлэхгүй байгаагаас замын хөдөлгөөнд маш их саад учруулж, нөлөөлж байна” гэлээ. Удирдлагын төв нэгдүгээр эгнээ, гэрэл дохио зөрчих, хурд хэтрүүлэх зэргээр зөвхөн камерын системээр 2015 оноос хойш 3.5 сая зөрчилд 83 тэрбум төгрөгийн торгууль ногдуулжээ. Энэ нь өдөрт жолооч нар 2000-3000 зөрчил гаргадаг гэсэн үг. Гэтэл үүнээс ердөө 50 гаруй тэрбум нь төлөгдсөн. Оноор нь харвал, 2021 онд тухайн онд ногдуулсан торгуулийн 55 хувь, энэ онд 24 хувь төлөгдсөн байна. Өөрөөр хэлбэл, хүмүүс автомашинаа шилжүүлэх, оношлогоонд орохоос бусад үед торгуулиа төлдөггүй. Одоогийн Зөрчлийн хуульд “Торгуулиа төлж болно” л гэж заасан. Гэвч торгууль төлөлт туйлын хангалтгүй, жилийн 20 гаруй хувьтай байгаа. Бусад оронд 14-30 хоногт торгуулиа төлөхгүй бол хоёр дахин нэмэгдүүлэх, автомашиныг нь албадан хураах зэрэг зохицуулалттай. Тиймээс дүрмээ мөрдөхгүй замын хөдөлгөөнд саад учруулж торгуулж байгаа жолооч нарын ухамсар хандлагыг дээшлүүлэхийн тулд манай улсад ч гэсэн торгууль төлүүлэх хөшүүрэг байх ёстой. Ингэхдээ торгуулиа төлөхгүй бол эхний ээлжинд төрийн үйлчилгээ үзүүлэхгүй байх саналыг хүргүүлээд байгаа гэнэ. Эндээс харвал дүрэмгүй жолооч нарын танхайрал, ухамсар түгжрэлд ихээхэн хувь нэмэр оруулдаг аж. Бараг 40-өөс дээш хувийн нөлөөтэй гэж хэлэхэд ч хилсдэхгүй болжээ. Үндсэндээ нийслэлчүүдийг бухимдуулаад байгаа түгжрэлийн гол “тоглогчид”-ын нэг хэсэг нь жолооч нар өөрсдөө бөгөөд ухамсраа дээшлүүлж замын хөдөлгөөнд соёлтой оролцож чадвал өнөөгийн их бухимдал багасах шийдэл, дүр зураг харагдаж байна. Т ЕХНИКИЙН ЭЛЭГДЛЭЭС ТҮГЖРЭЛИЙГ БУУРУУЛАХ БОДИТ ТООЦООЛОЛ, АНАЛИЗ ХИЙЖ ЧАДАХГҮЙ БАЙНА Түгжрэлийг бууруулах судалгаа, тооцоо, шийдэл Замын хөдөлгөөний удирдлагын төвөөс гарах учиртай. Гэтэл 2010 оноос хойш камерын шинэчлэл хийгээгүй. Тоног төхөөрөмжийн элэгдэл хоргодлын хугацаа таван жил байдаг бол эднийх аль хэдийн 12 жил өнгөрчээ. Хүнээр бол 150 настай хүнд гүйх команд өгч байгаатай адил. Дараагийн асуудал нь Улаанбаатарын гудамж замуудыг нэг эгнээнд шилжүүлбэл 1300 км болно. Энэ зам дээр өрөөд тавих юм бол 150 мянган машин багтах зай талбайтай. Давхардсан тоогоор 250 мянган машин 15-20 км цагийн хурдтай явах боломжтой. Гэтэл өнөөдөр нийслэлд бүртгэлтэй машин 620 мянга байгаагийн 450 мянга нь тогтмол хөдөлгөөнд оролцдог. Үүн дээр орон нутгаас ирсэн машин нэмэгдэнэ. Өөрөөр хэлбэл, нийслэлийн зам чадамжаасаа гурав дахин ачаалалтай. Бага, их тойруу дотор төрийн болон нийтийн үйлчилгээний 86 обьект байдаг. Байшин болгонд л ямар нэг байдлаар үйлчилгээний байгууллагатай нь хөдөлгөөний ачааллыг нэмэгдүүлдэг. Энэ бүхэнд хамгийн гол тооцоолол хийх, тоон мэдээлэлд анализ хийх ёстой Замын хөдөлгөөний удирдлагын төвийн хөдөлгөөн зохион байгуулалтын инженерүүдэд автомашины зорчилтын мэдээлэл байдаггүй аж. Жишээлбэл, Чингэлтэйн өргөн чөлөөнөөс Энх тайвны гүүр нэвт гардаг хэдэн машин байгааг харчихвал урьдчилан анализ хийж хөдөлгөөнийг зохион байгуулж чадах юм. Тэр хэрээр оновчтой тооцоолол хийх боломжтой. Гэтэл одоогийн байдлаар уулзвараар нэвтэрч байгаа машинуудын тоог л харж суухаас өөрөөр тооцоолол, анализ хийх боломж алга. Угаас 10 жилийн өмнөх тоног төхөөрөмжөө шинэчилж чадаагүй цагт ухаалаг ажиллах боломжгүйгээс бодит байдал дээр хоёр цагийн бичлэгийг алба хаагчид нүдээ улайтал тоолдог гэнэ. Үндсэндээ Улаанбаатарын 1170 км замаас их тойруу дотор 38 км замыг л хянаж чадаж байна. Ийм өрөвдөлтэй ч гэмээр юм уу дүр зурагтай хэр нь төр нь ч иргэд нь ч түгжрэлтэй тэмцэнэ гэж мянга хашхираад нэмэргүй юм шиг. Тэгвэл элэгдэж хуучирсан техникээ шинэчлэх саналаа хүргүүлсэн эсэх талаар Хөдөлгөөн зохицуулалт, хяналтын хэлтсийн дарга Н.Намуугаас тодруулахад “Дэлхийн банкны Солонгосын хөрөнгө оруулалттай төсөл 2024 онд шинэчлэгдэх юм. Техник тоног төхөөрөмжөө шинэчлэх саналаа олон газарт хүргүүлсэн. Эхний ээлжинд нэмэлтээр 64 ширхэг CCTV хэрэгтэй байгаа. Үндсэндээ 12 жилийн дотор 44 камер л нэмж чадсан” гэв. Удирдлагын төвийн инженерүүд түгжрэлийн шийдлийг хэрхэн харж байгаа талаар “Импортоор орж ирж байгаа буруу талдаа рультай машиныг хязгаарлах хэрэгтэй. Хөдөлгөөнд оролцож байгаа машины 70 хувь нь буруу талтай рультай. Инженерчлэлийн хувьд байнгын баруун эргэх эрхийг өгч болохоор. Гэтэл буруу талтай рультай машин дийлэнх учраас зам тээврийн осол гарах эрсдэлтэй. Мөн жолооч нарыг дүрмээ биелүүлдэг болгохын тулд торгуулиа төлдөг ухамсар суулгадаг, хөшүүрэгтэй болбол түгжрэл буурна. Үүн дээр хот төлөвлөлт, зогсоол нөлөөтэй. Замын хөдөлгөөний удирдлагын төв RFID системийг хэрэглэж машин тоолох, машины зорчилтын чиглэлийн маршрут гаргах, торгууль, татвар, оношилгоонд хяналт тавих зэргээр нэлээдгүй саналаа хүргүүлсэн” гэв. Харин Түгжрэлийг бууруулах үндэсний хороотой холбогдоход “Түгжрэлийг сааруулах дунд, урт хугацааны бодлогоо тодорхойлсон. 2023 онд нийтийн тээврийн парк, зохион байгуулалтыг шинэчилнэ. Авто замын сүлжээг оновчтой нэмэгдүүлэх ажлын хүрээнд замын хөдөлгөөний ухаалаг зохицуулалт, зохион байгуулалтыг бий болгож, замын хөдөлгөөний танхайралтай тэмцэн, түгжрэлийн талаарх олон нийтийн хандлагын өөрчлөлтийг дэмжинэ. Түгжрэлийн эсрэг хууль эрх зүйн эдийн засгийн хөшүүрэг бүхий орчин шаардлагатай байгаа” гэлээ. Мөн өчигдөр Үндэсний хорооноос Засгийн газарт оруулсан саналын дагуу “Хот, тосгоны төлөвлөлт, барилгажилтын норм ба дүрэм”-д заасан хүн ам, барилгажилтын тооцоот нягтралын хязгаарыг давсан байршлуудыг тогтоож, орон сууц, олон нийтийн барилгын зориулалтаар шинээр газар эзэмших, ашиглах, өмчлөх, шилжүүлэх, газрын талбай хэмжээ зориулалт эдэлбэрийн хэлбэрийг өөрчлөх, архитектур төлөвлөлтийн даалгавар загвар зургийг батлах, түүнд өөрчлөлт оруулахыг “Улаанбаатар хотын 2040 он хүртэлх хөгжлийн төлөвлөгөө” батлагдаж, дагаж мөрдөх хүртэлх хугацаанд түр хориглохоор болжээ. Тодруулбал хүн амын нягтрал ихтэй байршлуудыг тогтоож шинээр орон сууц нийтийн барилга байшин барих зориулалтаар газар эзэмших ашиглах өмчлөх шилжүүлэхийг хориглож байгаа аж. Эх сурвалж: “Зууны мэдээ” сонин
Хариуцагч Б.Эрдэнэбат нь хуралдаанд биечлэн оролцох боломжгүй (гадаадад) тул шүүх хурлыг хойшлуулах хүсэлт гаргажээ. Шүүгч хүсэлтээс татгалзан хурлыг үргэлжлүүлэхээр шийдвэрлэсэн ч "Эрэл"-ийн өмгөөлөгчид шүүгчээс татгалзах хүсэлт гаргав. Ерөнхий шүүгчээс хуралдааныг үргэлжлүүлэх санал гаргасан ч ХУД-ийн ерөнхий шүүгч нь гадуур ажилтай байжээ. Иймд маргаашдаа танилцуулан шүүх хурлыг товлохоор шийдвэрлэв. Өнөөдрийн байдлаар Хөгжлийн банканд "Эрэл" ХХК-ийн зээлийн өрийн үлдэгдэл 197 тэрбум ₮ байна.
Өнөөдөр “Жендэрийн эрх тэгш байдлыг хангахад улс тарийн намын оролцоо, манлайлал” үндэсний форум боллоо. Жендэрийн эрх тэгш байдлыг хангах нь шударга, эрх тэгш, нээлттэй нийгмийн оролцоог хангасан, хамгийн эмзэг бүлгийн хэрэгцээг харгалзсан дэлхий ертөнцийг бий болгох, хөгжлийн үйл явцад хэнийг ч орхигдуулахгүй байх гол арга зам бөгөөд тогтвортой хөгжлийн амин чухал бүрэлдэхүүн хэсэг юм. Өнөөдрийн форумд хамтдаа хөгжих тогтвортой хөгжлийн үзэл баримтлалыг хэрэгжүүлэх хүсэл эрмэлзлээ батлан, тунхаглалыг хэрэгжүүлэхэд Улсын Их Хурал болон Засгийн газар, Улс төрийн намууд, иргэний нийгмийн байгууллагууд, иргэд сонгогчдын оролцоо чухал хэмээн үзжээ.
Нүүрсний хулгай “дэлбэ” үсэрлээ. Ой тойнд оромгүй олон тэрбумын хулгай өдөр бүр шинээр ил болж байна. Харин үүнд олон нийт хямрах болов. Энэ аргагүй юм. Амьдрал хэцүүдсэн. Улс орны санхүү ч хүндэрсэн. Ийм байхад төрд шургалсан хэдхэн хулгайчийн идсэн мөнгө, уусан ам.долларын тоог сонсоод суух амаргүй. Хямрах нь зүй ёсны хэрэг юм. Гэхдээ олон нийтийн энэ хямрал, сэтгэл зүйг далимдуулаад нүүрсний хулгайг улстөржүүлэх “аян” эхэлсэн байна. Шуудхан хэлэхэд, сүүлийн өдрүүдэд нүүрсний хулгайч нар ус цутгуулсан оготно шиг л “нүх”-нээсээ гарч ирцгээжээ. Тэгээд “...МАН-ынхан л нүүрсний хулгай хийсэн”, “...АН-ынхан л нүүрсний хулгайч“...Нэг нам нөгөөгөө залгих гэж байна”, “...Улс төрийн өс хонзон авах гэж байна”, “...Улстөрчийг хэлмэгдүүлж байна” гэх мэтээр “сэвж” байна. Гэвч энэ “хэрэг”-ийн эзэд тодорхой л доо. Сүүлийн үед нүүрсний хулгайтай холбоотой хэн, хэний тухай яригдаад байгааг бодоход л болно. Өөрөөр хэлбэл, “Эрдэнэс Тавантолгой” компанийн оффтейк гэрээнүүд ил болоход хэн, хэний эрх ашгийг хөндөгдөх вэ. АТҮТ-ийн олгодог авлига дагуулдаг С зөвшөөрлийн сүлжээний араас хэн, хэн гарч ирэх вэ. За тэгээд, “Эрдэнэс Тавантолгой” компанийн уурхайгаас ямар компани хэр хэмжээний өртгөөр нүүрс олборлодог вэ. Цаашлаад Цагаан хад руу хэн хэн гэдэг улстөрчдийн хэдэн тооны машин тээвэрлэлт хийдэг вэ. Цаашаа хилээр ямар үнээр гаргаж байгаа зэрэг мэдээллүүд ил болох нь хэн, хэнд муу вэ. Эдгээрийг бодоход л эзэд нь ил болно. Түүнчлэн энэ нь сүүлийн үед ил болсон хэд хэдэн ноцтой мэдээлэлтэй холбогдоно. Хэдэн жилийн өмнө “...Үдийн цайнаас өмнө 76 сая ам.доллар авчирч өг. Тэгэхгүй бол “Тавантолгой”-г гацаана” гэж оролцогч компаниудыг дарамталсан том улстөрч хэн байсан бэ. “Тавантолгой төмөр зам” компанийн захирлын АТГ-т мэдүүлээгүй 700 мянган ам.долларын хадгаламж, таван тэрбумын үл хөдлөх, сая гаруй ам.долларын бонд зэрэг илэрсэн нь хэн гээч улстөрчийн уурыг хөдөлгөх вэ. Төрийн “Эрдэнэс Тавантолгой” компанийн лицензтэй газраас нүүрсэн мөргөцөг туучихсан хэрэгт аль, аль намын хэн, хэн гэдэг улстөрчид холбогддог вэ. “Эрдэнэс Тавантолгой” компанийн нүүрсийг “...Баяжуулж өртөг нэмнэ” гэж аваад Чойрт машинаар авчраад, тэндээс түүхийгээр нь вагонд ачаад гаргадаг “бизнес”ийг хэн, хэн гэдэг улстөрчид хийдэг вэ. Үүний цаадах хүмүүсийг бодоход л нүүрсний хулгайгаа далдлах, замхруулах гэсэн явуулга гэдэг нь харагдана Ер нь бол энэ бүлэг хэрэг дээрх байдлаар дотроо хэд хэд задардаг. Тэр болгонд улстөрчид, улс төрд нөлөө бүхий этгээдүүд, гар хөлүүдийнхээ хамт очоод наалдчихсан. Өөрөөр хэлбэл, нүүрсний хулгайч нар МАН-д ч бий, АН-д ч байна. Яс тоолбол нүүрсний хулгайд хоёр намын 100 хүрэхгүй улстөрч л холбогддог байна. Ийм тооцоо, судалгаа бүхий мэдээлэл байгаа юм. Тэгэхээр нүүрсний хулгайг аль нэг намтай холбох нь утгагүй. Тэгэх тусам энэ хулгай улам бүдгэрэх аюултай. ЖДҮ шиг замхарна л гэсэн үг. Дээрх байдлаар аль нэг намын нэртэй холбож, улстөржүүлж буй нь нүүрсний хулгайгаа далдлах, замхруулах гэсэн нүүрсний хулгайч улстөрчдийн л зохион байгуулж байгаа акц гэсэн үг. Хамгийн гол нь энэ хулгай зөвхөн өнөөдрийн хэрэг биш юм. Хугацаагаар яривал арав гаруй жилийн түүхтэй. Харин өнөөдөр л ил болж, “дэлбэ” үсэрсэн. Нэг талаас олон жил бугшиж, оршоод ирсэн нүүрсний хулгайг ил болгох нь тун ярвигтай. Улс төрийн ч, иргэний ч эр зориг шаардах ажил юм. Яагаад гэвэл нүүрсний хулгайд жирийн иргэн байтугай, жин багатай улстөрч ч оролцож чадахгүй. Нэг үгээр хэлэхэд, томчуудын хийж ирсэн “бизнес” юм. Тэр утгаараа “...Нүүрсний хулгайтай тэмцэнэ” гэдэг бол нам, намын үе үеийн улс төрийн лидерүүдтэй үзэлцэнэ гэсэн үг. Тэд мөнгөтэй. Бас улс төрийн нөлөөтэй хэвээр байна. Нөгөө талаас ийм улс төрийн шийдвэр гаргах зайлшгүй шаардлага бий. Эдийн засаг хүндэрсэн. Ирэх он жилүүдэд төсөв төлөвлөгөөгөө яаж бүрдүүлэх вэ гэдэг том асуудал болсон. Гэтэл Монголын валютын орлого нүүрснээс л орж ирдэг. Үүнийг хүүхэд ч мэднэ. Гэтэл валютын урсгалын цоргыг хэдхэн улстөрч тэргүүтэй нөхдүүд сороод, үлдсэн нь эх дэлхийн хишиг болж Монголд орж ирж байна. Төрийн нэрээр төсөв болгож хэрэглэдэг мөнгөнөөс даруй хоёр дахин ихийг нүүрсний хулгайгаар дээрх хэдхэн хүний халаас руу ордог гээд бодчих. Сүүлдээ халаасанд нь ч багтахаа болиод, хальж асгардаг болсон. Нүүрснээс хөлжөөд, мөнгө төгрөгөө барж ядах болсон улстөрчдийн үлгэр домог шиг үйлүүдийг бид хэдэн жилийн өмнөөс л ярьж, сонсдог болсон. Олон зуун мянган ам.доллараар ганц марк, эсвэл азарган үрээ худалдаж авдаг. Нүүрсчид ингэж л солиорсон байсан. Ийм учраас төр өнөөдөр нүүрсний орлогыг бүтэн авч чадах нь л үндэсний эрх ашиг болж байгаа юм. Харин нүүрсний хулгайг “дэлбэлсэн” нөхдүүд улс төрийн хувьд эрсдэлтэй. “...Улс төрөө даах” эсэх асууалтай тэд тулна. Яагаад гэвэл нам дамнасан нүүрсчид тэдний эсрэг томоохон акцуудыг хэрэгжүүлэх нь тодорхой болж байна. Тэр утгаар нь харвал, нүүрсний хулгайн эсрэг тэмцэл эхэлсэн ч замын дундаа гацах магадлал өндөр юм. Гэхдээ хууль хяналтын байгууллагынхан нүүрсний хулгайн хэргийг онцгой анхаарч эхэлсэн байна. Тэд энэ хэрэг дээр тангарагаа урдаа тавих бололтой. Энэ нь хууль хяналтынхны сүүлийн өдрүүдийн үйл ажиллагаанаас харагдаж байгаа юм. Одоо тэд улс төрийн нөлөөнөөс хол байж чадвал болно. Үүнээс гадна сүүлийн үед яригдаад байгаа “...Нүүрсний хулгайч нарыг зарла” гэдэг олон нийтийн шаардлага зөв. Мөн энэ асуудлаар Нийтийн сонсгол зохион байгуулах ч ононо. Эцэст нь хэлэхэд, нүүрсний хулгайтай холбоотой мэдээллийг олон нийт “..Пүү паа” гэхээсээ, “...Олон жил бугшсан хулгай ил болж байна” гэж хүлээж авах хэрэгтэй. Энэ хулгайн тухай мэдээлэл дуусаагүй. Дөнгөж л эхэлж байна. Улстөрчдийн нэр ч, үйлдлүүд нь ч олноороо ил болно. Цаашаа үргэлжилнэ. Харин хаа нэгтээгээс, хэн нэгэн, эсвэл олон улстөрч нүүрсний хулгайг “...Намын эрх ашиг хөндөгдлөө” гэх юм уу, ямар нэг байдлаар улс төртэй холбоод, хохирогчийн дүрээр гарч ирвэл эргэлзэх хэрэгтэй. Тэр нь нүүрсний хулгайд холбогдсон улстөрчдийн амиа авч үлдэх гэсэн акц юм. Эх сурвалж: “Зууны мэдээ” сонин
Энэ оны 9 дүгээр сарын 24-ний өдөр Баянгол дүүргийн 7 дугаар хорооны нутагт ОХУ-ын Буриад Улсын иргэн Д нь согтуугаар Монгол Улсын иргэн Г-ын толгой хэсэгт алхаар олон удаа цохиж, харгис хэрцгийгээр санаатай алсан гэмт хэрэгт Эрүүгийн хуулийн тусгай ангийн 10.1 дүгээр зүйлийн 2.1 дэх хэсэгт зааснаар яллах дүгнэлт үйлдэн, хэргийг Баянгол дүүргийн эрүүгийн хэргийн анхан шатны шүүхэд шилжүүлсэн.Тэгвэл Нийслэлийн прокурорын газраас уг хэрэгт яллах дүгнэлт үйлдэн шүүхэд шилжүүллээ.
Арваннэгдүгээр сарын 6-ны өдрийн байдлаар УБТЗ Эрээн өртөөнд нийт 3317 галт тэрэг өгснөөс 636 нь экспортын нүүрстэй галт тэрэг байв. Өөрөөр хэлбэл, опен топ, задгай вагон ашиглан Эрээн өртөөнд нийт 30506 вагоноор 1 сая 539 мянган тонн нүүрс экспортод өгчээ. Энэ нь экспортын нүүрстэй галт тэрэгний тоо өмнөх жилүүдээсээ өссөн үзүүлэлттэй байна. Тухайлбал, 2020 онд 474, 2021 онд 584 нүүрстэй галт тэрэг Эрээн өртөөнд хүлээлгэн өгч байсан бол энэ оны арваннэгдүгээр сарын 6-ны байдлаар 636 галт тэрэг хүлээлгэн өгчээ. Тэгвэл бусад хилийн гарцаар арваннэгдүгээр сарын 4-10-ны өдрүүдэд 6126 автомашин, 1549 чингэлэг нийт 893.8 мянган тонн нүүрс экспортод гарсан нь өмнөх оны мөн үеэс 1.8 дахин өссөн үзүүлэлт юм. Улсын хэмжээнд оны эхнээс 24 сая 379 мянган тонн нүүрс гарснаар нүүрс экспорт өмнөх оны мөн үеийн хэмжээнээс 71 хувиар өссөн үзүүлэлттэй гарлаа. Ингэснээр эрдэс түүхий эдийн нийт экспорт дунджаар 90 хувийн гүйцэтгэлтэй байна. Жишээлбэл, нүүрс 135.4, зэсийн баяжмал 100.4, төмөр 80.3, алт 91.3, газрын тос 55.8, цайр 121.9, хайлуур жонш 45.9 хувийн гүйцэтгэлтэй бай гаа аж.
Өнөө өглөө Баяцээлийн эсрэг талын 12 давхар барилгаас хүн өндрөөс унаж амь насаа алдсан харамсалтай явдал боллоо.Одоогоор цагдаагийн байгууллагаас үхлийн шалтгааныг тогтоохоор шуурхай ажиллаж байна.Энэ талаар бид эргэн сурвалжилж хүргэх болно.
Аймгийн Засаг даргын 2022 оны 5-р сарын 13-ны өдрийн А/563 тоот захирамжаар, “Нутгийн хишиг хөтөлбөрийн 1.1.40 дэх заалтын хүрээнд #Гэр хорооллын айл өрхийг цэвэр бохирын төвлөрсөн шугам сүлжээнд хөнгөлөлттэй нөхцлөөр холбох ажлыг орон нутгийн өмчит “Гүний ус ХХК-тай хамтран хэрэгжүүлж энэ онд 132 айлыг холболоо. Модон жорлонгоос ангижирч эрүүл цэвэр орчин бүрдүүлэн #Хашаандаа сайхан амьдрах боломжоор хангах ажлууд шат дараалалттай хийгдсээр байна. Үүний нэг томоохон жишээ нь уг ажил юм. Ойр байгаа цэвэр бохирын шугамд холбогдох зардлын 60%-г орон нутгаас шийдэж 40%-г айл өрх өөрөө хариуцан холболт хийлгэх бөгөөд ирэх онд үргэлжилнэ. #Хөнгөлөлтийн нөхцөл буюу 60%-г орон нутгийн төсөв, төсөл хөтөлбөрөөс гарган үргэлжлэх тул хувийн орон сууцандаа цэвэр бохироо оруулж чадахгүй байгаа айл өрхүүдийн хувьд #хамгийн таатай нөхцөл юм.
