ҮХЛИЙН ТОЙРОГ УРАН САЙХНЫ КИНО 2024 ОНЫ 05САРЫН 31-НД БҮХ КИНО ТЕАТРУУДААР НЭЭЛТЭЭ ХИЙНЭ

05 / 29 0 сэтгэгдэл 1 427 үзсэнe

ТАЙЛАНД УЛСЫН WHITE LIGHT CO.LTD БОЛОН “DREAM ENTERTAINMENT”-ИЙН ХАМТРАН БҮТЭЭСЭН “ҮХЛИЙН ТОЙРОГ” УРАН САЙХНЫ КИНО 2024 ОНЫ 5-Р САРЫН 30 -НЫ ӨДӨР НЭЭЛТЭЭ ХИЙХЭЭР БОЛЖЭЭ. ХОЁР УЛСЫН УРАН БҮТЭЭЛЧДИЙН ХАМТРАН БҮТЭЭСЭН ЭНЭХҮҮ КИНОНЫ ГОЛ ДҮРД ЖҮЖИГЧИН С.АРИУНБЯМБА, Д.БЯМБАЦОГТ, МОДЕЛЬ С.ТӨГС НАР ТОГЛОЖЭЭ. “ Ү ХЛИЙН ТОЙРОГ” КИНОНЫ БАГТ ХОЁР УЛСЫН НИЙТ 150 ГАРУЙ УРАН БҮТЭЭЛЧИД ХАМТРАН АЖИЛЛАЖ ТАЙЛАНД, МОНГОЛ УЛСАД 45 ХОНОГИЙН ТУРШ ЗУРАГ АВАЛТАА ХИЙСЭН БАЙНА. КИНОНЫ НАЙРУУЛАГЧААР “DREAM ENTERTAINMENT”-ИЙН ЗАХИРАЛ Ц. ЦЭРЭНДОРЖ ТАЙЛАНДЫН НАЙРУУЛАГЧ TANIT JITNUKUL НАР ХАМТРАН АЖИЛЛАЖЭЭ. ХАРИН ХОЁРДУГААР НАЙРУУЛАГЧААР Б.БААТАР, JOEY НАР АЖИЛЛАСАН БАЙНА. 2024 ОНЫ 5 САРЫН 30-НД МОНГОЛДОО НЭЭЛТЭЭ ХИЙХ “ҮХЛИЙН ТОЙРОГ” УРАН САЙХНЫ КИНО ТАЙЛАНД УЛСАД МӨН НЭЭЛТЭЭ ХИЙХ ХУВААРЬТАЙ БАЙГАА АЖ. КИНОНЫ ДУУГ РЕППЕР DESANT, 113, ARTIST TRISHNA ЗЭРЭГ УРАН БҮТЭЭЛЧИД ДУУЛЖЭЭ. ТАНИЛЦУУЛГА : ЭЦЭГ НЬ ӨНГӨРСНӨӨС ХОЙШ ТӨМРИЙН АМЬДРАЛ ОРВОНГООРОО ЭРГЭХ БӨГӨӨД ХҮМҮҮСИЙН ҮХЛИЙГ ЗҮҮДЭЛЖ ЭХЭЛСНЭЭР ТҮҮНИЙ ХУВЬД ШӨНӨ БҮР ТАМ БОЛОН ХУВИРНА . ГАЗАР ДЭЭР ГАНЦ ҮЛДСЭН ДҮҮ НЬ ЧАДАХ БҮХНЭЭРЭЭ ТУСАЛСАН БОЛОВЧ ХИЙСЭН САНАМСАРГҮЙ АЛДАА НЬ ДЭНДҮҮ ТОМ НЭХЭЛТЭЙ УЧИР ТҮҮНИЙГ ЗОГСООХ ГЭЖ ОРОЛДСОН ХЭН БҮХЭН ҮХНЭ

ДЭЛХИЙН МАЛ, АМЬТНЫ ЭРҮҮЛ МЭНДИЙН БАЙГУУЛЛАГЫН ЕРӨНХИЙ ЧУУЛГАНД ОРОЛЦОЖ БАЙНА.

05 / 29 0 сэтгэгдэл 210 үзсэнe

ДМАЭМБ-ын 91 дүгээр ерөнхий чуулган 2024 оны 5 дугаар сарын 25-30-ны өдрүүдэд Франц улсын Парис хотноо зохион байгуулагдаж байна. Монгол Улсаас Мал эмнэлгийн ерөнхий газрын дарга, ДМАЭМБ-ын Монгол дахь төлөөлөгч Др А.Нарантуяагаар ахлуулсан ажлын хэсэг мөн Монгол улсаас Франц улсад суугаа Элчин Сайд У.Нямхүү болон бусад төлөөлөгчид оролцож байна. Тус чуулганд ДМАЭМБ-н гишүүн орнууд, олон улсын байгууллагын төлөөлөл зэрэг 1000 гаруй төлөөлөгчид оролцож байгаа бөгөөд энэ жил ДМАЭМБ-ын 100 жилийн ой тохиож байгаагаараа онцлогтой. ДМАЭМБ-ын чуулганаар тус байгууллагаас дэлхийн болон бүс нутгийн түвшинд хэрэгжүүлж буй арга хэмжээний тайлан, стандарт, зөвлөмж аргазүйг хэлэлцэж байна. 2024 оны ерөнхий чуулганаар тус байгууллагын ерөнхий захирал болон зөвлөлийн гишүүд, бүсийн зөвлөлийн ээлжит сонгууль болж байна.

ЗАМ ТЭЭВРИЙН ОСОЛ ГАРГАЖ, БУСДЫН АМЬ НАСЫГ ХОХИРООН ОСЛЫН ГАЗРААС ЗУГТЖЭЭ

05 / 28 0 сэтгэгдэл 728 үзсэнe

Зам тээврийн осол гаргаж, бусдын амь насыг хохироон ослын газраас зугтсан жолоочийг олж тогтоожээ. Энэ оны 05 дугаар сарын 21-ний өдрийн 23 цаг 54 минутад цагдаагийн байгууллагын 102 тусгай дугаарт “Эрэгтэй хүн зам дээр хэвтэж байна” гэх дуудлага ирсэн. Тус дуудлага, мэдээллийн дагуу цагдаагийн алба хаагчид очиход замын нэгдүгээр эгнээнд, ухаангүй хүн хэвтэж байсан. Алба хаагчид Нийслэлийн түргэн тусламжийн газарт дуудлага өгч үзүүлэхэд түргэний эмч зам тээврийн ослын улмаас үүссэн гэмтэл гэж урьдчилсан мэдэгдсэнээр Тээврийн цагдаагийн албаны алба хаагчид 05 дугаар сарын 22-ны 00:16 цагт ирж хошлуулаагүй ажиллагааг явуулсан. Шалгалтын явцад 50 настай, эрэгтэй “Ц”-г, 23 настай, эрэгтэй нь “Т” нь автомашинаар дайрч, дээгүүр нь гарч, хэргийн газрыг орхиж явсан нь тогтоогдсон. Дээрх газар нь хяналтын камергүй байсан бөгөөд орой болсон учир хэргийг харсан хөндлөнгийн гэрч, нотлох баримт бүрэн бүрдүүлэх боломжгүй байжээ.

АРДЧИЛСАН НАМД ХУЛЧГАРУУД БА ААРХАГЧДЫН ЗОДООН ҮРГЭЛЖИЛЖ БАЙНА

05 / 28 0 сэтгэгдэл 683 үзсэнe

АН-ынхан бид ардчилсан үзэлтэй учраас хэрүүл, зодоон бүх юм маань ил гэж өөрсдийгөө өмөөрдөг. Үнэн хэрэгтээ тэнд хулчгарууд ба мөнгөөр аархагчдын цуглаан, тулаан болж байна гэхэд хилсдэхгүй. АН-ыг уг нь олон нийт тун ч зоримог, тууштай, хүчирхэгжин гарч ирнэ гэж хүлээж байсан. Харамсалтай нь СЕХ-нд асуугдах хүртлээ нэр дэвшигчдийнхээ тогтоолыг будилаантуулчихсан тэдний хувьд бүтэн намаараа сонгуулийг мартаж ч магадгүй байдалд орсон. Эдгээр нь ердөө л УИХ-ын сонгуульд нэр дэвшихийн тулд жагсаалтад урдуур бичигдэх, тойрогтоо тулчихсан нэр хүндтэй, эсвэл тухайг бүс нутгаа услах хэмжээний хөрөнгөтэй хүмүүсийн л тулаан байлаа. Харин нөгөө талд хулчгарууд жагсаалтад орох гэж тэгснээ бас будилж байгаад ч болов парламентад тангараг өргөчих санаатай урдуур бичигдэхийг хүсэгчид олон байлаа. Үнэхээр АН-ын гишүүд “алдагдсан 8 жил”-д харамсаж, ард нийтийн өмнөөс сөрөг хүчин болж ажиллахыг хүссэн бол тойрогт очоод МАН-ын нэр дэвшигчидтэй өрсөлдөхөд юунаас айгаа вэ. Өөрсдийнх нь хэлээд байгаа “алдагдсан 8 жил”-ийн хугацаанд иргэд хүчтэй сөрөг хүчнийг үгүйлж, хүлээсэн ч АН ёстой амыг нь ар дээр нь гартал алгадна гэдэг боллоо. Мөнгө хөрөнгөөрөө бол Женко буюу Ерөнхийлөгч асан Х.Баттулгын бүлэглэл тэргүүлж, араа нь С.Баярцогт тэргүүтэн алхаж явна. Харин хэрүүлийн алимын нэгээхэн хэсэг болсон Х.Тэмүүжин нарын хүмүүс. Ёстой тойргоос бус үргэлжид жагсалтад багтаж, АН-ын их хувийг хүртэж, ашиглаж ирсэн хүн. АН-ын фракциудын зодооныг гадарлахгүй хүн ч энэ зэргийг хараад ойлгочих хэмжээнд байгаа. Одоо бол нэгэнт галт тэрэг хөдөлсөн гээд АН-ын дарга урагшлах ёстой баймаар. Гэтэл боорлосон болгон руу чулуу шидээд байгаа нь АН-аа бүхэлд нь “унагачих” гээд байгаа юм биш үү.

“ДАРХАНЫ ТӨМӨРЛӨГИЙН ҮЙЛДВЭР”-ИЙН ЗАХИРАЛ Г.ДУГАРЖАВЫГ 48 ЦАГИЙН ХУГАЦААТАЙГААР БАРИВЧИЛЖЭЭ

05 / 28 0 сэтгэгдэл 598 үзсэнe

Тэрбээр төмрийн хүдрийн агуулгыг гааль дээр худал мэдүүлж ашиг олох замаар улсад их хэмжээний хохирол учруулсан гэх хэргээр шалгаж байсан бөгөөд ингэхдээ эрх мэдэл, албан тушаалын байдлаа урвуулан ашиглаж, компаниудад төмрийн баяжмалыг хууль бусаар өгч, татваргүй хилээр гаргасан байж болзошгүй байна. “Дарханы төмөрлөгийн үйлдвэр”-ийн захирал Г.Дугаржавыг АТГ-аас шалгаж, 48 цагийн хугацаатайгаар баривчилсан тухай албаны эх сурвалж мэдээллээ.

ХНХЯ САЙД Х.БУЛГАНТУЯА ХӨГЖЛИЙН БЭРХШЭЭЛТЭЙ ХҮНИЙ ЭРХИЙН ТУХАЙ ХУУЛИЙН ШИНЭЧИЛСЭН НАЙРУУЛГЫН ТӨСЛИЙГ УИХ-Д ӨРГӨН БАРИЛАА

05 / 28 0 сэтгэгдэл 435 үзсэнe

Монгол Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллын сайд Х.Булгантуяа өнөөдөр (2024.05.28) Хөгжлийн бэрхшээлтэй хүний эрхийн тухай хуулийн шинэчилсэн найруулгын төслийг Монгол Улсын Их Хурлын дарга Г.Занданшатарт өргөн мэдүүллээ. Тодруулбал, хуулийн нийт зохицуулалтын 24,4 хувь нь давхардсан, 35,5 хувь нь тодорхой хэмжээгээр бусад хуультай зөрчилдсөн шинжтэй байна гэж Хөдөлмөр, нийгмийн хамгааллын сайд Х.Булгантуяа танилцуулав. Тэрбээр, эдгээр давхардал, хийдэгдэл, зөрчлийг арилгах, НҮБ-ын Конвенц болон НҮБ-ын Хүний эрхийн хорооноос ирүүлсэн зөвлөмжид нийцүүлэхэд хуулийн 50-иас дээш хувьд нэмэлт, өөрчлөлт орохоор байсан учир Хөгжлийн бэрхшээлтэй хүний эрхийн тухай хуулийн шинэчилсэн найруулгын төслийг боловсруулсан бөгөөд шинээр дөрвөн зүйл нэмсэн гэв.

АН-ИЙН I-ЭЭР ТОЙРГООС НЭР ДЭВШИЖ БУЙ ТЕНДЕРЧИН П.МӨНХТУЛГА

05 / 28 0 сэтгэгдэл 783 үзсэнe

П.Мөнхтулга нь АН-ийн I -ээр тойргоос нэр дэвшиж буй. Нэр дэвшигч П.Мөнхтулгын аав Ө.Пүрэвбаатар нь 2012-2016 онд АН-ыг засаглаж байх үед Эрчим хүчний дэд сайдаар ажиллаж байв. 2016 оны УИХ-ын сонгуулиар АН-аас Сонгинохайрхан дүүрэг нэр дэвшээд унаж байлаа. Харин П.Мөнхтулгын төрсөн дүү П.Оюунтөгс нь Сангийн сайд асан, АН-ын Тэргүүн дэд дарга С.Баярцогтын бэр. Өөрөөр бол, П.Мөнхтулга нь гэр бүлээрээ улс төрд нөлөөтэй нэгэн. Тэгвэл П.Мөнхтулга болон ээж С.Төмөрчөдөрийнх нь компани төсвийн тендерүүдийг “түүдэг”. Тодруулбал, П.Мөнхтулга “Эе-Эв” ХХК-ийг эзэмшдэг. “Эе-Эв” ХХК нь: 2021 онд -ЦЕГ-ын цагдаагийн алба хаагчдын дүрэмт хувцасны даавуу нийлүүлэх 1.1 тэрбум төгрөгийн тендер -Нийслэлийн нэгдсэн эмнэлгүүдэд сүлжээний тоног төхөөрөмж нийлүүлэх 1.2 тэрбум төгрөгийн тендер 2022 онд -Говь-алтай аймгийн Баян-Уул суманд 160 хүүхдийн дотуур байр барх 3.5 тэрбум төгрөгийн тендер гэх мэтээр шалгарсан. Харин П.Мөнхтулгын ээж Санжпэрлээгийн Төмөрчөдөр нь “Өгөөмөрбаян булаг” ХХК-ийг эзэмшдэг. “Өгөөмөрбаян булаг” ХХК нь төсвийн 20 тендерт шалгарсан. Жишээ нь: 2020 онд -Дархан-Уул аймгийн Дархан суманд буюу Дархан хотын дулааны шугам тавих 1.1 тэрбум төгрөгийн тендер 2021 онд -Говь-алтай аймгийн Есөнбулаг суманд буюу Алтай хотод цэвэр усны шугам сүлжээ тавих 2.4 тэрбум төгрөгийн тендер -Төв аймгийн Зуунмод хотын цэвэр усны шугам сүлжээг шинэчлэх 1.5 тэрбум төгрөгийн тендер 2022 онд -Дорнодын цахилгаан станцын зуухны хяналтын удирдлагын системийг шинэчлэх 1.5 тэрбум төгрөгийн тендер -Дархан-Уул аймгийн Дархан сумын буюу Дархан хотын цэвэр усны шугам хоолойг шинэчлэх 5.6 тэрбум төгрөгийн тендер гэх мэтээр түүжээ.

ЭНГИЙН ХАРАГДАХ ГЭЖ ОРОЛДСОН АРГА ЯДСАН СОНГУУЛИЙН СУРТАЛЧИЛГААНУУД

05 / 28 0 сэтгэгдэл 404 үзсэнe

Иргэдийнхээ амьдралтай ойртох гэж тэд багадсан дугуйны малгай өмсөөд дугуй унасан хүүхдүүдтэй зураг даруулна. Эсвэл хослолтойгоо ус түрнэ. Энгийн харагдах гэсэн оролдлого бүр нь тэднийг ядсан, иргэдийг доромжилсон мэт харагдуулна. Улстөрчид үү эсвэл тогооч уу гэдгийг нь ялгахгүй болтол энэ тэнд хоол хийнэ. Энгийн үед зам хаалгаж, ногоон гэрлээр давхидаг улстөрчдийн дугуй, цахилгаан дугуй хөлөглөнө, автобусанд сууна, иргэдтэйгээ усны тэрэг түрэлцэж зураг даруулах цаг эхэллээ. Гэхдээ сонгуульгүй үед тэднээс талх, сүүний үнэ асуувал “Мэдэхгүй байна, завгүй учраас” гэнэ эсвэл аль хэдэн жилийн өмнөх үнийг ичихгүй хэлсээр зогсоно. Бугшсан гинжин холбоог таслах эрх иргэн танд бий. Эсвэл дэлхийн хөгжил ярьсан талх, сүүний үнээ мэдэхгүй тэнгэрт заларсан ноёдоо тэжээсээр байх уу?

Хүн, малын зооноз халдварт бруцеллёз өвчний халдвар илрүүлэх тандалт хийгдэж байна.

05 / 28 0 сэтгэгдэл 136 үзсэнe

Хүн, малын зооноз халдварт бруцеллёз өвчинтэй тэмцэх үндэсний стратеги шинэчлэгдэж байгаатай холбогдуулан МЭЕГ-ын даргын баталсан удирдамжийн дагуу 2024 оны төлөвлөгөөт халдвар илрүүлэх тандалтыг бүх сумын үхэр сүргийн хээлтүүлэгч малыг хамруулан зохион байгуулж байна. Тандалтын үр дүнгээр хүн, малын зооноз халдварт бруцеллёз өвчнөөс урьдчилан сэргийлэх 2025 оны төлөвлөлтийг боловсруулах юм.

БАГА НАСНЫ ХҮҮХДЭЭР СОНГУУЛИЙН СУРТАЛЧИЛГАА ТАРААЛГАЖ БАЙГААД НОХОЙД УРУУЛЖ БАЙВ !!!

05 / 28 0 сэтгэгдэл 485 үзсэнe

Сонгуулиар ихэвчлэн намд “амиа тавьсан” хүмүүс ажиллана. Амиа тавьсан ухуулагчид бага насны хүүхдээр сонгуулийн сурталчилгаа тараалгаж байгаад нохойд уруулж байв. Угтаа Дархан-Уул аймгийн 7-р багийн Зурагтын 4-р хэсэгт ажиллаж байсан МАН-ын ухуулагчид Монгол Улсын Ерөнхийлөгчийн сонгуулийн сурталчилгаанд 6 настай хүүхдийг ашиглан, сонгуулийн материал тараалган айлын нохойнд уруулсан хэрэг гарж байсан. Тэд гудамжинд тоглож байсан бага насны гурван хүүхдэд МАН-ын нэр дэвшигч М.Энхболдын сурталчилгааны материал, Дархан-Уул аймгийн засаг дарга асан С.Насанбатын 300 хоногт хийсэн ажлын тайлан, Дарханы найман бахархлын зурагтай календарь бүхий хуудас зэргийг урд айлдаа оруулаад өгчих гэж дамжуулан өгсөн аж. Айлын нохой гурван хүүхдийг хөөхөд сүүлд хоцорч явсан 6 настай С.Анар-Эрдэнэ охиныг нохой хазаж байжээ. Охины баруун гуяны дотор талд 0.3 см орчим шарх үүссэн. Охиныг аймгийн Нэгдсэн эмнэлэгт үзүүлж галзуугийн эсрэг тариа хийлгэж байжээ. Ингээд бодохоор аль нэг намын ухуулагчид өглөөнөөс орой хүртэл сэтгүүл, сонин, гарын бэлэг тараана. Аль ч байсан тэдний зорилго цалин өгч байгаа нэр дэвшигчээ сонгуулах.Сонгуулийн солиоролд “амиа тавьсан” хүмүүс хүүхдээр нохой хооллохоос ч буцахгүй ажлаа үнэнчээр хийдэг нь аюултай.